Post: #1
Title: ويمكرون ويمكر الله، والله خير الماكرين!!!!!!!
Author: Haydar Badawi Sadig
Date: 01-20-2007, 03:58 PM
على عثمان محمد طه، ومطرف صديق، ومصطفى عثمان إسماعيل، يمكرون ويمكر الله والله خير الماكرين!!!
STAY TUNED
|
Post: #2
Title: Re: ويمكرون ويمكر الله، والله خير الماكرين!!!!!!!
Author: أبو الحسين
Date: 01-20-2007, 04:54 PM
Parent: #1
الأُستاذ/ حيدر...
أهديك والإخوة الكرام على طارئ ذكر الريِّس علي... هذه القصيدة كتبتها وأهديتها في حينها لرجل السلام الأول... الأُستاذ/ علي عثمان محمد طه... حفظه الله ورعاه...
جمال أبريــ(الخُبر ـ السعودية 29/6/2005م)ـــدة
جيتي جيتي .... وياااا حلاتك لما جيتي...
ألفِ مرحى بيك حبابك
الحقيقة السفرة مُرَّة وطال غيابك
وفي النهاية تراكي جيتي من اْغترابك
يعَلَمْ الله الشوق دفين...
........................
جيتي من الماضي ذكرى
شايلة جوَّاك أحلى فكرة
كم شرحتي نصيحة عِبرة
للزمانُنْ طائِشين...
........................
جيتي تبْتبْتي المرافئ
نحلة تهدي عسلها صافي
بسمة حِلوة تقول عوافي
للغلابة الكادحين...
.......................
جيتي من غنوة حقيبة
من بلاد واااسعة ورحيبة
يوم وصلتي الدنيا غيبة
فجأة لاح وجهِك لُجين...
........................
جيتي رحمة من الشروق
نازلة من بعد البروق
بلَّت العطشان شقوق
بُشرى خير للزارعين...
........................
جيتي فرحة دُقاااق دُقاق
غُصَّة في حلق النفاق
الجنا اللِّي أُمُّو عاق..
تاب رجع هادي ورزين...
........................
جيتي ضمَّدتي الجراح
لما لاح فجرك صباح
كم سجين مكسور جناح
روحو صارت ليكي دين...
........................
جيتي من أقصى المدائن
شايلة حُب فِ عينيكِ باين
كالمِرِقْ تحت المرايِن
كم سندتِّي كئيب حزين...
........................
جيتي رحمات للعباد
شايلة برَّ التقوى زاد
جاية راحلة بلاد بلاد
في انتظارك من سنين...
........................
جيتي تتحدِّي المحال
رااايقة هادية بلا انفعال
شامخة أعلى من الجبال
بس عزاي قلبِك حنين...
........................
جيتي من وحي الحقيقة
من عصور ولَّت سحيقة
الخُطى التاهت طريقة
جات تنِم بي مقطعين....
جيتي جيتي ... وياااا حلاتك لما جيتي....
الزمن فرَّق خُطانا وهسَّة جيتي....
الأمل فارق خِتانا وهسَّة جيتي...
القطار بي فوقنا فاتنا وهسَّة جيتي...
وتبقى تتوثق عراتنا
الله يجمع لي شتاتنا...
وبيكي يتلملم فتاتنا...
ويرجع الزمن اللي فاتنا....
جيتي جيتي وياااا حلاتك لما جيتي...
كميات مودتي...
أبو الحســـــــــــين...
|
Post: #3
Title: Re: ويمكرون ويمكر الله، والله خير الماكرين!!!!!!!
Author: محمد عثمان محمد طه
Date: 01-20-2007, 06:19 PM
Parent: #1
| Quote: على عثمان محمد طه، ومطرف صديق، ومصطفى عثمان إسماعيل، يمكرون ويمكر الله والله خير الماكرين |
قريبي .........
أنت دخلت جهاز المخابرات الأمريكي ؟
|
|