الصور تحكي روعة الرحلة النيلية لبورداب الخرطوم: قمة الشاعرية والرومانسية والطرب..

كانت لحظات تسرق من عمر الزمان كل ألوان الفرح والجمال

سندع الصور تحكي روعة اليوم واللقاء الحميم الذي جمع البورداب من هذا المنتدى الرائد

(سودانيز اون لاين) والشقيق الأصغر منتدى عكس الريح

كل الحب لكم جميعاً


بسم الله نبدأ والتعريف بعدين

(لزوم شحتفة الروح يعني)

الرائع د.معز
عينـــــــــــــي باردة

والغربة إنشاءلله تعقري

لك ودي
وليد العجب

العجب يا حبيب

والله فراق السودان بقى حااااااااار

وأنا كلها يومين وللغربة تاني (وجه حزين)

والله بختكم ،، نحن ليه ما نزلنا إجازة ،،

هنئيا لكم ،،

ما قلت ليك يا ود العباسية تعال معاي ابيت

بس المرة الجاية نرتبها مع بعض

الغالي د.معز
ربنا يجمعنا كلنا سي ساعة خير في البلد الحبيب ونحن ناس إجازات شهر ١٢ ســــــــــــاي

ودالعباسية
تبكــــــي بس

نجي تاني شهر 12 يا عجب

ده السودان بقى لذيذ بشكل

Quote: نجي تاني شهر 12 يا عجب ده السودان بقى لذيذ بشكل

ده لازم يا بروف
أخــــوك جاي عريس إنشاءلله

والسودان من أصلو لذيذ
لكن الله يأذي الأذانــــــــــــــــــــا

الحبيب عجب

ربنا يتمم ليك على خير يا عريس

وانا من حسة معزوم..

إنت سيد بيت
لكن للضمان بنرسل لك كرت علشان ما يكون عندك إي عذر

لك ودي
وليدالعجب

يا دكتور ،،


الزول الوراء الناس القاعدين ديل ،، بضهب مالو ،،

ود العباسية

Quote: يا دكتور ،، الزول الوراء الناس القاعدين ديل ،، بضهب مالو ،،

بالله يا ود العباسية ما تشاغل..

بعدين أحمد حنين ده ما عرفتو ولا شاعرتنا المبدعة سمرية؟؟

بسم الله الرحمن الرحيم
د. المعز إنه لشرف لي انا شخصيآ ان اكتب شيئآ ليقرأه المعز بعد ما قريت ما يكتبه مرارآ
انا حاليا في السودان لكن لم يحصل لي الشرف واكون معاكم(ظروف العمل بجنوبنا الحبيب),واكان ما خايف علي الحسنات العندي كنت بحسدكم لما تقولو بس
الصور معبرة بطريقة جميلة
يا ود عقاب احييييك بس ماتعملا ظاهرة كدي وتدبدب علي الجماعة, خليهم ياااخ
حاجة اخيرة
بتمنى يا دكتور اكتب ليك تاني وانت تقرأ...ده لو سمحت يعني
***ود المسيكتاب***

الحبيب سيف الدين حسن

أنا الذي تشرفت بكلماتك وبمعرفتك

وليدم بيننا التواصل الحميم

كل محبتي لك


معز

سلام دكتور معز( الذي افتخر به).
طبعا دي اول مداخله معك ( وهي شرف بالنسبة لي) تمنيت في هذه اللحظه لو كنت في السودان !!!

وفعلا الصور تحكي عن روعة اللقاء,,,

شكرا كثيرا دكتور معز ......

ياقمر انا مابطولك
اديني من همسك بريق
يمكن اكبر وابقي طولك

الأخ الحبيب محمد التاج

كلماتك تاج على رأسي والله

ولكم انا سعيد بك وبمعرفتك الكريمة
وليجمعنا الله في الوطن الحبيب وهو في عافية وصفاء وعذوبة ورخاء

التحية والتقدير وكال الاحترام للدكتور المعز عمر بخيث
في حقيقة الأمر الصور ناطقة ومعبرة و تحكي عن روعة اللقاء حميمية العلاقة بين البورداب .
التحية لهم جمعيا وأتمنى أن تكرر مثل هذه للقاءات في الداخل بل وان تمتد إلى تجمعات البورداب خارج السودان.
كما ذكرت مسبقا الصور جميلة وناطقة فقط كنت أتمنى تذييل الصور بالأسماء أي ذكر أسماء الأخوات والإخوة في كل صورة
التحية والتقدير لابن السودان الدكتور العالم الأديب الشاعر المعز عمر بخيت .

علاء الدين صلاح محمد جدة المملكة العربية السعودية

الأخ الحبيب علاء الدين صلاح محمد

لك الشكر وكل المودة

ولتدم المحبة بين الجميع يا رب

دكتور معز تحياتي وتقديري

اولا الشكر لكم انتم اصحاب المواقع ..لان هذه المواقع هي التي خلقت هذه الصلات الاجتماعية الحميمة والعلاقات المميزة ...

وصراحة الصور جميلة ومعبرة ..والوطن يستاهل ويستحق هؤلاء الشباب والشابات الرائعين
غايتو انا عرفت لي كم زول كان غلطت يا دكتور صلحني من الصور المنشورة عموما عرفت :
حسين ملاسي
محمد حامد جمعة
البحيراوي
دكتوره هاله الاحمدي في صورة مع محمد حامد جمعة
المليك
حنين
دكتور نزار عثمان
بالاضافة لشخصك بالطبع

ورينا وعرفنا ببقية الناس يا دكتور ادينا الاسماء - ولك تقديري

والله شاطر يا لؤي

والباقين بنعرفك بيهم بعدين

تحياتي ومحبتي لك

*غايتو يا دكتور أنا ما شفته أي تعبير للرومانس غير فوانيس الكبري ال second hand

* بعدين في واحد مغبش بشبه الجدع ملاسي.... ده تان ساكت وله قون العجب?

*في واحد دايما صاري وشه....حتي ولو رمى نضارة في عويناتو....النضارة برضو مكشرة....

*also

في واحد أول مرة يركب الحاجة دي...الحاجة ديis an enhanced معدية أو بنطون

*الشايل العود (أبو جضوم-ماكله عكو) لو ما كان فنان ح يكون شنو--رحم الله أبو داؤود و عوافي يا بن الحلة ترابيسو.

*المهندس مهندس....

*تروتسكي مفروض يرفع قضية ضد الحكومة الصينية....the sea food is not working

Recommendation:

All of you
(males)
You need to do your physical check-up

by
Doctor Bakhit for free before he sneeks out of the country

__اللهم قد بلغت

يا ابن خالي
كيفك

كنت اريد ان اختبر من جديد مسالة الفوتوجينيك,
هل في الصور الموجودة صور لايزابيلا???

فهي قد "خرتتكم" كلكم في بوست ملاسي
محبتي
المشاء

osama elkhawad

Quote: هل في الصور الموجودة صور لايزابيلا??? فهي قد "خرتتكم" كلكم في بوست ملاسي

ابن العم العزيز اسامة الخواض

عليك الله يا أسامة هل يخفى القمر؟

الصور كلها إيزابيلا ياخي

واهي دي واحدة

ويلا شوف الباقين

حبيبنا كوستاوي

غايتو انا ما ح قول حاجة..

بس بيني وبينك صور الرومانسية دسيناها عشان العين

لكن البلاغ ما عندك والله

يادكتور رغم انكم مشحتفين روحنا لكن فرحانين ليكم
وعزانا إنها تكرر السنة الجاية .... تحياتي ليك ولناس الخرطوم
كلهم أحمد حنين ويييييييييييييين؟


أسامة الخواض عليك الله خليك من حنك فوتوجينك دا وتعال اكتب ليك
قصيدة ولا أرمي ليك دمعة دمعتين في بوست محمد الأمين
قال فوتوجينك قال لووووووووووووول

الله يديك العافية يا بدري ويخليك يا حبيب

أهو ده أحمد حنين بالبنطلون على إيدك الشمال

أما البي الجلابية ده المهندس

د. معز


والله حرام عليك عدييييييييييييل كده


ياخى ما جرستنا وبهدلتنا


يعنى شنو نقوم نلعن ابو خاش الغربة ونرجع ولا كيف


هنئا لكم سيدى بهذا الجمال كله


ولتدوم لحظات صفاكم

ولتطول ايام عذابنا

ظروف وطنية حالت بيننا وبينكم ....وبوجودكم إزدان الازرق الهادر.. القادم معكم اكيد حيكون احلى

نمنى انفسنا بلقائكم .

شكرا د. معز... شكراكثير باشمهندس عثمان

الحبيب جمال الصادق
يا زول المرة الجاية معانا مية في المية ان شاء الله

بس متين يا ربي تاني تلمنا

قريب ياربي ان شاء الله تلمنا

قرشو الحبيب

مشكور يا غالي

ولك تحياتي الحارة

والله الغربة كعبة

لكنها خطاً مشيناها
ومن كتبت عليه خطاً مشاها

يا دكتور معز،،

تقعدوا تعذبونا..
وتشحتفونا..
تشحتفونا
لووووووول
لحدي ما تقصروا اجلنا
يرضيكم كـدا ..
وأنت ذاتك بعد كدا خلاص
كفـاياك ..
أمشي شيل اهلك خلاص
ما تبقى لينا سبب
في قصار عمرنا

الله يديك العافية يا وليد399

أها انا بمشي لكن قريبك المهندس ده البطيرو شنو..

الصور الاولي مهدا من الدكتور معز بخيت الى الاخ ابوساندرا ولاعزاء...

يا دكتور معز سلامات قايتو الجكساية الابسة طرحة سمنية صورة جهرت الشمس وطشطشت عيونا نحن كمان

ما أجمل الغروب في الخرطوم

عزيزى الدكتور معز تحياتى من عين شمس لا حد فلسطين....لاتتنكر فما بينى وبشاشة مايربطه حبل ويقطعه سيف وما بينى وبينك فى حدوه الدنيا الطب الجزيئى وفى اقصاه السحر الممتد من الجمال ورقة الحرف وحاجات تانية حاميانى.... هزا لايعنى اننا نركب فى سرج واحد....فركاب سرجك وقيع ....ولكننى اقتفى موقع الجمال واتبع ...فرغم غربتى الحديثة مازال ولائى لقبة السيرلى استاك وكل من شمله حنان الفرنجة فتحياتى موصولة لكل من ركب موج النيلين وتكبد مشاق الحضور وحتما سنلتقى.

ماشاء الله وربنا يديم الجمال ويزيل الغباش

العزيز د. معز
اسمح لي أن أشرك البورداب عبر بوستك في مشاهدة هذه الصور

الأستاذ حسين ملاسي ويمان نزار

شكرا.....يا( BOSS)

على هذه الصور الجميلة....أعتقد أن هناك المزيد

....

بعدين يا مولانا أبو يمان....

أنا عندى صورة أخدتها الصغيرة يمان...

أطالب بها....(لو مافى مانعB]

إيزابيلا
مجموع كبيرة من الصور التي التقطتها يمان كانت الكاميرا مضبوطة فيها على وضع الفيديو فطلعت لقطات فيديو قصيرة جداً، فالمعذرة.

د المعز
سلامات

والله زعلتنى الصور شديدعلى عدم حضورى هذا اليوم البهيج ، حقيقة كان من المفترض ان اكون معكم لولا ظروف شغلى فى المستشفى التى امتدت حتى المساء حالت بينى وبين لقياكم
ولكن اتمنى ان التقى بكم وبالجميع قريبا

الأستاذ تبلدينا ونظرة تامل

د معز ود نزار وكل البورداب

هنيئا لكم باللقاء علي ارض الجدود الوطن الحبيب

فهناك تذوب كل الخلافات وتظهر السودانويه الاصيله

محبتي

يابروف ما دعيتونا للقاء بورداب عكس الريح وكمان صورنا ما ظهرت الحاصل شنو يابروف

بروف معز
شكرا على هذه الصور المعبرة والتى تحكى عن روعة الرحلة واللقاء
لو ساعدت الظروف حضورى لقاء بورداب سودانيس اون لاين لكنت بينكم وكان املى أبحر معكم فى مهب الريح ولكنها رياح خريفية مشبعة بعذوبة النيل ادام الله التواصل وشكرا على هذه التواصل
تحياتى

يا كوستاوي ...

Quote: *الشايل العود (أبو جضوم-ماكله عكو) لو ما كان فنان ح يكون شنو--رحم الله أبو داؤود و عوافي يا بن الحلة ترابيسو.

بالمناسية وفجأة كدة .....

الشايل العود دا انا (زااااتي)

إنتا قايلو زول من برة البورد وداير تقطع فيهو !!!!

لكن عشان ماتزعل اجاوب على السؤال ..

والله يا كوستاوي لو ماكنت فنان كنت حا افتح لب محل شاورما في ديم القنا

شكراً يا جميل لمشاركتنا في هذا الجمال والسحر الخلاب.

العوض الطيب

الصديق د.معز - التحايا العطرة

نسأل الله ان يديم لنا المحبة والوئام - رحلة جميلة وناسها اجمل امنياتنا ان نكون بينكم ولكن مشاغل الدنيا ام بنايتن قش -

خالص الشكر والتقدير

الجمال والحب في بلادي

Quote: الشايل العود (أبو جضوم-ماكله عكو) لو ما كان فنان ح يكون شنو

ياناذر نفهم انو الشغلانه/الجضوم دى نتاج طبيعى لى عشاء الفنانين ؟
طيب شوف لى اخوك فرقه "بفتح الفاء"حتى لو يقول كشن كش كشن كششنشككككككككش بدل الرق
تحياتى

....
....

ولد ده

زعيم عصابة ...مسطول ....جاى من صعيد مصر

ــــــــــــــ
لوووووووووووووول

الدكتور معز
دبايوا
حرام عليكم زيدتم شوقنا للسودان كان تنزلوا الصورة شوية شوية...

عيني باردة .. ولا حارة ما عارف .. طبعاً لو حارة بيكون حسد .. خاصة وإننا في الخرطوم وبروداب كمان .. ولا عشان جداد ما بتعزمونا .. عموماً ما تعملوا تاني كدا

تعرف يا ود عكر ..

Quote: ياناذر نفهم انو الشغلانه/الجضوم دى نتاج طبيعى لى عشاء الفنانين ؟ طيب شوف لى اخوك فرقه "بفتح الفاء"حتى لو يقول كشن كش كشن كششنشككككككككش بدل الرق تحياتى

أنا زاتي ما عارف الجضوم دي جات من وين !! معلم الله ما شفتها إلا في صورتي دي !! وما اظن من عشا الفنانين لإني ....

طولت في تابوت عثمان وهناك مافي إلا النمتي وناس منكر ونكير

كلام فارغ طيب فين جماعات الامر بالمعروف والشرطة الشعبية

وبوليس الاداب والذى منه...لا لتدنيس النيل...لا للتصوير

اوقفوا هذا العبث..ولا نامت اعين الجبناء...

الحق يا سجيمان وابا ساندراه...

يسقط ناجى الملك وعبير خيرى ود/معز والمهندس واخرون

تمبس لا تسكت على الخيانات..ويسقط ملاسى قربت انساهو

ويسقط بورداب الخرطوم على كل هذا الجمال المحشود والمحسود.

صدر تحت توقيعى رئيس جماعة الحسد الجماعى

حسيد الموج...... نيابة عن المشلهتين

الدكتور والأستاذ معز ..

كم هى صور تذكارية جميلة ..
والذى يعجبنى .. أنكم وعلى الرغم من مشغولياتكم الكثيرة .. الا أنكم
تنظمون أوقاتكم .. والذى يعجبنى أكثر هو .. عدم انقطاعكم عن البورد
ومشاركاتكم القيمة فيه .. زد على ذلك .. اهتمامكم ببورداب الخرطوم ..
والشيىء الذى تشكرون عليه كثيرا ..

كنت أود أن أعرف تفاصيل هذه الرحلة النيلية .. وهل هذا " البنطون " أو
المعدية .. ملكا لأفراد أم هو خاضع لجهة حكومية .. و لتكن هيئة خاضعة
لوزارة السياحة ( ان صحت التسمية .. وكانت لدينا وزارة خاصة بالسياحة )؟
وهل الرحلة .. تربط الخرطوم وبحرى وام درمان ؟ وهل ترسو فى أماكن مختلفة
كنوع من التغيير ؟
الحقيقة اننى أعجبت جدا بالمناظر .. ومن يدرى .. فقد تكرر .. ان أراد
الله ورجعنا الى قواعدنا سالمين ..

سلامى الكثير لشخصكم الحبيب .. ولكل الموجودين والمشاركين ..

أخوكم العجوز
أرنست

شكرا يا معز على ردك

و كلامي كان من قبيل انكم لم تظهروا قوتها الجمالية والفوتوجينكية كما ينبغي
وايزابيلا في رد لها هنا احتجت على ان صورة ما لم تظهر هنا
وهذا لا يهم في سبيل دفاعها عن صورتها الحقيقية ,
والتي ربما سالت فيها روحها ,
وهذا كلام اخر,كلام باطني ,وايزابيلا ستفهم ذلك ,فعلاقتها وطيدة بالابداع ,وباهله ,وهم من أهل "الباطن"

المهم أن قوة حضورها ,لا تهزم ,

فحتى عندما بدت مرخية لعينيها ,فان ذلك كان اقوى من كل ما حواليها

هذه قوة الجمال
وقوة السحر التصويري
ولا تخفي على من يحس الجمال,حتى لو بدا ذلك الجمال في وضع لا يعكس كماله

وقال بدري:

Quote: أسامة الخواض عليك الله خليك من حنك فوتوجينك دا وتعال اكتب ليك قصيدة ولا أرمي ليك دمعة دمعتين في بوست محمد الأمين قال فوتوجينك قال لووووووووووووول

واقول لبدري انا ما خايف من دا ,
انا خايف من :

Quote: في الليلة ديك

أرجو ان تتفهم ايزابيلا ما اقول به ,من خلال شاعريتي ومن خلال مرحي
وممكن يجي يوم تشكرني,
رغم انها ما محتاجة لان اقوم بدور "الزين",
كي اقول ضمنيا ,اسفيريا:

Quote: أنا مكتول في حوش "ايزابيلا"

مع محبتي للجميع
المشاء

مرحى لكم
بورداب الخرطوم

ودكتور معز مشكور على شحتفة روحنا !!

د.معز
لك عبق التحايا
كنا نمنى النفس بتلك الرحلة من يوم 21/7 والليله السمهريه ولكن !!!!
ابت الاقدار الا ان تحرمنا من لحيظات السحر الخلاب بخطفها احد افراد السرة الكبيره فى زلك اليوم له الرحمه
ولكن ... كلما نري الفرح باعينكم نزداد توقاً للحياة
التحايا بكل عبقها لزلك الحضور الجميل.
مجدى الماحى

مشاء الله عيني باردة ,دكتور معز كمان الحلقة الاخيرة من التلفزيون السوداني شفناك فيها بس ياريت تنزلها هنا او في منتدي عكس الريح

الحمدلله حقيبة تور الجواميس دى ما كانت مفخخة!
جني

Wa
al
Physical Check-Up
should
start
من هنا
ومجراه اليمين

هندسه صباح الخير

Quote: شكرا يا معز على ردك و كلامي كان من قبيل انكم لم تظهروا قوتها الجمالية والفوتوجينكية كما ينبغي وايزابيلا في رد لها هنا احتجت على ان صورة ما لم تظهر هنا وهذا لا يهم في سبيل دفاعها عن صورتها الحقيقية , والتي ربما سالت فيها روحها , وهذا كلام اخر,كلام باطني ,وايزابيلا ستفهم ذلك ,فعلاقتها وطيدة بالابداع ,وباهله ,وهم من أهل "الباطن" المهم أن قوة حضورها ,لا تهزم , فحتى عندما بدت مرخية لعينيها ,فان ذلك كان اقوى من كل ما حواليها هذه قوة الجمال وقوة السحر التصويري ولا تخفي على من يحس الجمال,حتى لو بدا ذلك الجمال في وضع لا يعكس كماله وقال بدري: Quote: أسامة الخواض عليك الله خليك من حنك فوتوجينك دا وتعال اكتب ليك قصيدة ولا أرمي ليك دمعة دمعتين في بوست محمد الأمين قال فوتوجينك قال لووووووووووووول واقول لبدري انا ما خايف من دا , انا خايف من : Quote: في الليلة ديك أرجو ان تتفهم ايزابيلا ما اقول به ,من خلال شاعريتي ومن خلال مرحي وممكن يجي يوم تشكرني, رغم انها ما محتاجة لان اقوم بدور "الزين", كي اقول ضمنيا ,اسفيريا: Quote: أنا مكتول في حوش "ايزابيلا" مع محبتي للجميع المشاء

تمبس - معتصم - صلاح شتات - وليد عليكم الله وتقطعوا فيني براي
انتوا ماشايفين جنس الجرس دي وبعدين ياخواض انا اقعد ازازي فيكم
انت ومحمد الأمين كدا لمتين يعني ... ياخي ماتستهدوا بلاه ووحدوووووه ولا دايم
الا وجه الله والله حالتكم دي استعصت علي ... يادكتور معز بلاهي عليك روشتة كاربة
للأخوان المكسرين ديل ولا جبصوهم لينا مع بعض والعجب داك بشوفوا حايم حولينهم
برضو لكن مقطعها في روحه لكن المحيرني ناس الملك وناذر ديل ساكتين سااااااااي
انتوا ديل مشغلنهم على الصامت؟؟ غايتو ديل المنهم خوف ياخواض البخلوك بعدين تفتش
للديك والدجاج قال في الليلة ديك هههههههيا يكة... غايتو جنس جرس عافانا الله اللهم
لاتجعلنا من المتجرسين

..
.



يا سياتو ... يا جمعة
Can you have a look…
لولا أختلاف الكاميرات .. لعرفت قيمة الصمت ..



دا شنو دا ؟؟
ناذر داى جضوم ولا قدوم ..
أحبطت تروتسكي وريحتو .. ونابري شمتان بضحكة سماوية ..

كوستاوي ،،،
أنت حاقد ولا بقران ..
بالله يا ناذر وتروتسكي النظرية السيكلوجية ما طلعت صحيحة 100%
ما عارفين الفسيزيكال جك يتعمل لمنو !!؟

شتان بين غروب الخرطوم وغروب المدن الحديدية الجليدية .. كدا بس

..
.


تـأمـل ،،،
ألم أخبرك بأن الصمت فى حرم الجمال جمال!!

كنت يا جماعة بدندن وبرمى لى طعمية شعر لنفسى واقول مع عاطف خيرى
ويا هدهد هنا مرت مراكب نوح
محملة بالبخور
مين اللى شال من طاقة الطين البعيدة
قنديل حبيبتى وطيـّب الجرح المثير
مين السرق من بابا مفتاحو الملون والصرير
منهوبة مقبرة الفواكه فيكى
قولى معاى يا شرف القبايل جر
الشاف تباريح الطلح فى النار
شافنى مرقت من عندك ضرير
أنا ليه تجينى الموية حفيانة
وأدنقر ألبِّسا شبط أخضر
وأبيت مبلول وأصلِّح فى الرباط
أنا ليه شبابيك البيوت الواجمة والناس البُساط
وليه يرجانى النخل
فى السكة يفتح قلبى خمارة وخلاوى
وبيت بكا

تخريمة

هسة لو الزول كان عندو جنس الحنك دا حار حار وقطع اخضر ما كان قعد متهول ويعيان

يا باشمهندس
الهدية مقبولة والصورة تعبر عن رأي تمامآ
ولا عزاء لجميع الآنسات المنورات في الصورة
ولا أستثني { حدا}

يا عثمان لما جيناكم ما كان فى الحاجات الجميلة دى

كانوا كلهم ود عقاب وود العباسية وود شاموق وود الملك وود الك...

لكن اصبروا ليكم يوم يا اولاد الهرمة!!!

عزيزنا د.معز
والله جابتنا صورك الشديدة دي
والله جوعتني عديل كده
المرة الجاية رسلو لينا وما تنسونا في العيزوووومة

>>>

الأستاذ الدكتور
معز عمر بخيت

أيامكم ورد وشذى الياسمين

المهندس الصامت مهندس علاقات بورداب الخرطوم الاجتماعية
مبدع كعادتك

تروتسكي
ليك يوم لمن ألم فيك

ناذر أوع يكون غنيت بس إنشاء الله بتعزف ساي ..
عارف ليه

وحااااااااااااااااااااسدكم والله

عثمان الزبير ..

Quote: ناذر أوع يكون غنيت بس إنشاء الله بتعزف ساي ..

وحاتك غنيت غنية هابطة اهبط من الطيارة الحرقت في الحاج يوسف
إسمها الدكاترة الستة بتغنيها فنانة غسمها سعاد تيكو معانا هنا في الديم

اخونا الأعزاء

ناس جوة وناس برة

ابتداء من د معز والمهندس
وختاما بالسفير

اولا
احب ان اسجل صوت شكر خاص للأخت رانيا بابكر زهرة المنتدي
علي كل الجهود والمصاعب التي تكبدتها من اجل ان يكون هذا اليوم رائعا
هكذا
لا احب ان اذكر تفاصيل تلك الجهود
ويكفي انها كانت اول من وصل واخر من غادر
واكثر من دفع نقدا

وايضا الشكر موصول للغالية عبير خيري

جابت السندوتشات واختفت لدواعي العمل
وكذلك اخي الحميم اسماعيل حميم

الشكر ايضا للأخت سمرية
وهي كانت اخر من ركب العوامة ،،
واحلي مفاجاة في هذا اليوم

لا انسي ان اقول ان المهندس جاء متأخرا جدا
وهو كان بفكر في العروس ، ويحاول ان يتخذ قرار
لأن الخيارات عديدة والباب مفتوح لكل الأحتمالات
طبعا تفكيرو في العرس اتي وظهر بعدما قعدت شهر كامل احرك والذلذ فيهو
وايضا كان لحضور الجميلات اثر في ذلك

اما حكاية
اخونا عبد المنعم صاحب العوامة
دي براها قصة طويلة
باختصار هذا الرجل الكريم لم يتردد في تقديم كل التسهيلات
ولم يبخل علينا بشئ
وانما قال امام الجميع ( يا اخوانا العوامة حقتكم والعاوزين تدفعوا ادفعو)
اصرينا عليهو ان يحدد مبلغا معينا حتي نقدر الميزانية لهذا اليوم
ولكنه رفض
والجماعة ماقصروا معاه

اما حكاية الأخ نازر والعود والغنا
فقد انفرزت الكيمان بعد الصداع الذي اصابنا من صوته الجميل
فرحل ناس الشعر للعوامة الأخري
وناس الصداع والهجيج مع نزار والأخت هويدا ( توجد صور)

المفاجأة الحلوة انو تبلدينا ما ظلامي وكان كابي الحنك
وخالط خلطة كاربة مع ناس الهجيج
توجد صور يا تبلدينا
الأخت سمرية
هذة الرائعة سألتني عن اسماء الحضور كلهم
ثم بدأت تلعب باعصابهم
نادت تروتسكي باسمه فاتي لكي يعرف من ناداه
ففشل وسالني منو دي يا حنين
انا قلت ليهو دي ميسون النجومي
الراجل ما صدق دخل توش ( ازيك يا ميسون ،، وكيفك والبوست داك وووو
وطبعا الأخت سمرية مستمتعة بي كبكبة تروتسكي
قالت ليهو للأسف انا ما ميسون النجومي
قام عاين لي والصلعة تلمع والعيون تلمع
انا خفت ،، قلت يا تروتسكي دي سمرية
طبعا عمل فيها الولد حريف لم يصدقني ،، وجري يتأكد من طرف تالت
لمان رجع لقا اخونا تبلدينا ماسك الجو وطاقي الحنك
قام تروتسكي ،، قال يا صالح ما معقول مطاردنا في اي حاجة
من الصباح ،، كلما امشي حتة تجي تجي داخل توش
وباقي الشمار خليهو يتمو اصحابو

اما حكاية الصور الخطيرة التي احتفظ بها
دي طبعا حتعمل انقلاب تاريخي
خاصة للأخ د معز
اعمل حسابك منذ الأن ؟؟
وكذلك تروتسكي الصيني

بجيكم راجع
ا

اسلام عبدالرحمن

وينك يا مهندس يا كبكبة

يا خي انت ولا د معز ولا اخونا ملاسي

ما عندكم صورة لأخوي مكي الأحمدي

هذا الأنسان الرائع الذي كان اضافة لهذا اليوم الأروع

بس كنا فاقدين الغالية عبير خيري

كاميرا متحيزة

صلاح


come back home

اعتذر الى كل الاخوة الرائعين الذين لم اتمكن من العودة اليهم وذلك بسبب ظروف السفر

بيني وبينك يا شرنوبي الكاميرا متحيزة..

لكن الكاميرات صنعت لتتحيز?!!

وبالنسبة لكاميرتي فالملك هو المسئول..

العجب قال:

Quote: ده لازم يا بروف أخــــوك جاي عريس إنشاءلله والسودان من أصلو لذيذ لكن الله يأذي الأذانــــــــــــــــــــا

يا عجب مشتاقين

شنوجاى شهر 12 عريس؟

تااااانى؟

انت السنة الفاتت دى ما كنت عريس؟

الموضوع عجبك ولا شنو، عملتو سنوى؟

نشوفك شهر12 ان شاء الله ..

يا عريس

سلامات عزيزي
خالد عثمان

Quote: شنوجاى شهر 12 عريس؟ تااااانى؟

تانــــــــــــــــــــــــــــــــي
إنت حاسد ولا بغران
بعدين ديـــــــــــــــــــــــــــــــــــــــــــــــــك
كانت خطوبة عشان ما يجونا ناس التعدد طايرين

Quote: انت السنة الفاتت دى ما كنت عريس؟

ده ضرب تحت الحزام يا مان

لكن أخوك جاهز وعندو كركاسة من الثانوي العام

Quote: الموضوع عجبك ولا شنو، عملتو سنوى؟

كان عارف لي زول عاوز يشوتك من المنبر كان بعت ليهو الشكوي الجاهزة دي ولحقك ناس عبدالرازق الطالب والباقين الله يطراهم بالخير

لكن لقيتني طيبان

والرد عجبني شديد
إنت نسيت إسمي العجب

وابقي مارق

وإستعين بنصيحة سبت دودو
لمنيكون في شوتفي القون
واحدة بتركب

ومن أسي معزوم العرس عشان ماتقول ما سمعت



لك ودي
ودالعجب

يا محمد جمعة غايتو من قعدتك دي إما سافي أو خرمان ليك لسفة .... عماري يا بلد .....

اه يا جراح واسكتي يا شجون

الدكتور معز الف شكر ليك وما قصرت بس في الصور دي شايف صورة كده بتشبه لي صورة وزير الشؤون الدينية والاوقاف وفي صورة تانية بتشبه لي صورة وزير الخارجية الكلام ده صاح ولا نظري مطشش ساي