لماذا لم يدع000 الاستاذ محمد وردى لحفل تكريم الشاعر محجوب شريف رغم وجوده فى الدوحة

؟؟؟؟؟؟؟؟؟

بدر الدين

من يقدم الدعوات؟

ولماذا لم تدعه أنت ؟

بل ومنع حتى من مجرد الحديث معه عبر الهاتف
الممنوع هو وردى بس من المانع ؟؟؟؟؟؟؟

انت بتاع مشاكل؟
مالك ومال التفاحة و القشرة؟
الناس احرار قبل ظهور حق(ك) و بعده!
شوف ليك حاجة مليانة سويها يا بدر!
مع السلامة والتحية للهرم السوداني محمد و ردي.

مسعود ياصديقى واستاذى
يقينى انك ترى الامر ملها
بحكم تجربتك وليس تجريبك
والتاريخ كما قال ك ....
لمن يعيد نفسة للمرة الثالثة
بكون ملها بدون جيم وجيم

ناذر يا خليفة
أنت بتستفهم بتعجب أم باعجاب
؟؟؟؟؟؟؟؟؟؟؟؟؟

يا كرمبا
الإجابة معروفة
و ما دايره ليها درس عصر

طيب

ليه محجوب رفض حضور وردي لمطار الخرطوم لوداعه
(و العهدة على الراوي)


كرمبا
_________________________

أحبهما موت .....حتى ولو

ألإنـــــقـــاذ !!! يا بدر !!!

ياسلام عليك ياكارلس جبت من الاخر

صديقى عبدالله الشيخ
ياصاحبى تقول: (الانقاذ !!!يابدر)
بس ماحددت أى إنقاذ
الإنقاذ الدمرت البلاد والعباد وبل الدين
أم الإنقاذ النصف سلطتها حركة شعبية وبرلمانها
مزين بالحزب الشيوعى ورموز منه
أم تود لنا ياصديقى أن نباركها ونؤمن ببعض الواقع
ونكفر ببعضه؟!

سلامات
وعوافي
بدر الدين

Quote: بل ومنع حتى من مجرد الحديث معه عبر الهاتف الممنوع هو وردى بس من المانع ؟؟؟؟؟؟؟

وكان محجوب شريف طفل في العاشرة من عمره يمنع عنه ابويه مايشاءؤن منعه ..
ياسيدي استاذ محجوب بالغ راشد يمكن ان يسال مباشرة عن هذا الامر ...
ربما بينهما موقف قديم متجدد ربما .. وربما ما حدث من وردي عندما غني للسلطة الغاشمة"في منازلهم" هو السبب والمسالة مفتوحة علي براح من الاستفهامات حول عودة وردي الاخيرة وربما كل هذه الامور خطا !!
اذن الحل هو سؤال الاستاذ محجوب شريف مباشرة ..
وسمح الغنا في خشم سيدو ...
ثم محجوب عندما جاء الي الدوحة تحدثت عن زيارته المنابر كلها .. فلماذا لم يعلن عن قدوم وردي للدوحة هذا سؤال مشروع يطابق سؤالك .. عندما اتي وردي الي الدوحة بغرض العملية الجراحية تداعت له كل المنابر بالدعاية ثم بالسهر والحمى ووقفت الدوحة علي رجليها الي ان تماثل للشفاء وتعدي مرحلة الرجيكشن تست اوليس حريا بوردي ومن كان السبب في قدومه اولم يكن حريا بهم اخبار الناس بزيارته؟..
في مثل هذه الاشياء يابدر يصعب السؤال لمشقة الاجابة او ربما لصدمة الاجابة ..
خالص امنياتي ان يكون الامر بينهما خير وان تكون كل استنتاجاتي خطا ..

ثم دعنا نفرغ سؤالك من اي غرض !!
كون هذا الامر مضى عليه اكثر من اسبوع فلماذا الان؟
مع ودي
..

واله سؤالك سؤال يا ود الامير , الا مسؤول من الخير وردى اتغيير كده
دحين بقى زى قيقم ولا شنان ولا شنو , باقى لى هو ما متعود مع احترامى
له باسهاماتة الكثيرة للغناء السودانى وكفنانى المفضل نمرة واحد يعنى
لكن اقول ليك حاجة كلام الزول الرافع اصبعو داك صاح
thumb up man

Quote: ألإنـــــقـــاذ !!! يا بدر !!!

بدر الدين

دعني اعيد صياغة السؤال ،

لماذا لم يأتي وردي حفلة تكريم شريف ؟

فكلنا يعلم ان الدعوة كانت عامة ، لكن بيني وبينك ، وردي ده بس الزول يسمع اغانيه . وخلونا من

قصة المواقف ، فوردي عندي اصبح لا يختلف عن شنان وقيقم .

بدر الدين الأمير سلام

ياخي الموضوع ده بحصل على أعلى المستويات

ممكن إتوجه ليك نفس السؤال وعندك الإجابة
وأنا واثق

تحياتي

نورالدين

خيبة أمل الشعب السوداني في رموزه الغنائية النضالية .. محمد وردي نموذجاً !!

الأخ رقم صفر
تحياتى
وبعدين يامعتصم لايعقل أن ياتى وردى لتكريم محجوب شريف
من غير دعوة ووردى رمز اختلفنا او اتفقنا معه
كمالايمكن بجرة قلم تضع وردى مع قيقم وشنان
ولا يمكن ان ننكر لوردى تاريخة النضالى وبلمقابل لانستطيع
أنتزاع وردى من وجداننا لا اننا مختلفين معه

بدر

الاجابة عند هشام هباني

لولا غناء وردي .. غير كم شيوعي كدا منو الكان سمع بمحجوب شريف؟!

Quote: لولا غناء وردي .. غير كم شيوعي كدا منو الكان سمع بمحجوب شريف؟!

كم (كوز) كده برضو ياملاسي ... عشان بقى يغني للبشير والوزير ..

حسب علمى ان محجوب شريف اتى خصيصا من السودان لوردى فى الدوحه عندما كان طريح فراش المرض للعمليه ولم يحتاج لدعوه من وردى ومحجوب رقم ايضا من ارقام السودان

وحسب علمى ايضا ان وردى عندما كان فى السودان لم يذهب لمحجوب شريف عندما كان طريح فراش المرض بالمستشفى لاكثر من شهر وفى السودان وليست خارج السودان ولم يرفع وردى سماعة التلفون ليسأل عنه وقد عاده الناس كلهم حتى ضاقت المستشفى والاطباء ذرعا وكتبت الصحف والمنابر عن مرضه ومستشفاه

اذا كان فى مقدور وردى ان يغنى لعبدالرحيم حسين وعمر البشير ( وفى روايه اخرى غنى مره اخرى لزوجة عبدالرحيم حسين فى سمايتها ) الا كان فى مقدوره ان يصل محجوب شريف فى المستشفى بالسودان او فى منزله بأمدرمان او فى المنازل المتواجد فيها بالدوحه اذا اراد

لاحظ السودانيون بالدوحه علاقة الدابى المريبه بوردى عندما كان فى مرضه هنا ولقد شكره وردى فى من شكرهم فى ليلة ريجنسى فى رأس السنه الجديده

لاحظ السودانيون ان وردى لم يذكر على الاطلاق ولم يشكر الشخص المتبرع له ومهما كان الاختلاف بينهما اذا كان هناك اختلاف فكان عليه من موقف انسنى وامام الجمع ان يشكر هذا السودانى الذى لا قرابة له مع وردى ولا معرفة بينهما

استهجن المشاركين فى هذا المنبر وقراء المنبر رد وردى على تماضر شيخ الدين وقال لها ( اقعدى هوهوى بره ) وقد اتى احدهم فى هذا المنبر بالمحادثه مسموعه بينه ووردى تعليقا على الاستاذه الكريمه تماضر شخصيا عندما استهجنت صورة غناؤه لعمر البشير وعبدالرحيم محمد حسين

استهجن السودانيون كلام وردى فى التلفزيون لقوله ( الذين يطالبون بدخول القوات الاجنبيه خونه ) استهجنوا منطق التخوين ولم يستهجنوا رأيه فى معارضته لدخول القوات الاجنبيه فهو رأى اما منطق التخوين فهو غريب ومرفوض وقد استغلته الحكومه اعلاميا

حدثنى من اثق فيه ان مجموعه من الشباب عندما سمعوا هذا الحديث فى التلفزيون فى الخرطوم خرجوا واحضروا اشرطة وردى وداسوا عليها بالسيارات تعبيرا عن غضبهم منه ونثروها فى الشارع ليلا

ومع ذلك لا اعرف هل منع وردى من الاتصال بمحجوب كما قال بدر الدين وهل يملك بينه على ذلك وايضا لا اعرف اذا كان هناك خلاف بينه ومحجوب لكن ما ذكرته اعلاه هى ملاحظات من عندى

مع التحيه والتقدير

شكرا لك يا ود الامير عداك العيب
لا يمكن ان نضع وردى مع شنان او قيقم , ما فى منطقية
لكن برضو ما بناله الراجل فلراجل ايضا بعض المواثق المخزية
مناصرة الديكتاتور نميرى, وحاليا والله اعلم تحت تحت كده مع البشير ولا انا غلطان
وليك الود والاحترام

ودالزين
لك التقدير
وياسيدى وردى موجود فى الدوحة

كتب ود الزين

Quote: حسب علمى ان محجوب شريف اتى خصيصا من السودان لوردى فى الدوحه عندما كان طريح فراش المرض للعمليه ولم يحتاج لدعوه من وردى ومحجوب رقم ايضا من ارقام السودان

وحسب علمي أيضاً....



بقدر ما اتفهم دفاع منسوبي المؤتمر الوطني عن وردي، أستغرب كثيراً محاولة بعض أصحاب الموقف الوطني الدفاع عن موقف وردي-وأكرر موقف- حيث أننا لسنا بصدد تقييم الفنان، فهذا ليس محل اختلاف- ويسوق هؤلاء الكثير من الاعذار التي هم نفسهم يعلمون أنها لا تستطيع ان تقف أمام سؤال الذات، ناهيك أن تصلح كخط دفاع...فمسألة أن وردي قامة...هرم...فنان أفريقيا الأول الخ...لا تصلح أن تكون درقة لدرء الاستياء المعبر عنه من قبل قطاع واسع من جماهير الشعب السوداني...درقة لن تصمد أمام سؤال :
- هل كان خروج وردي من السودان، وغنائه ضد الانقاذ....لمجرد أنه كان لا يعرف أنهم يحبون الغنا؟
- بفرضية أن خروجه كان في اطار موقف وطني ضد الانقاذ.....لماذا عاد وغنى في حضرتهم؟

والأهم من هذا وذلك :
فإن وردي قد أعلن دعمه وانحيازه لصف الحكومة في قضية دارفور،
بل ذهب لالصاق صفة الخيانة على كل من انحاز لحماية مواطني دارفور.

فهذا موقف وردي.....ومن يود الدفاع عنه فليجد تبريرا لهذا المواقف وسيبونا من حكاية أهرامات وقمم والأول دي..

أما عن حكاية تاريخ ....
أسألوه أين هو من تاريخه.

أخى وصديقى ود رملية
لك التقدير على النقد والتقريع
مداخلتك تضعك فى فهمى لها أنك تعلم وتتجاهل
أو تجهل أبعاد ماتعلم
ثم لو فرغنا مداخلتك من أى مرسال وترسيل لوكان هذا البوست
قبل يوم أو يومين من حفل تكريم وردى هل سوف تعفينى
من تهمة ان لى اجندة لافشال تكريم محجوب شريف ياود رملية
هناك حقيقة لازم ان تعلم من غير أى مباركة لماذا لم يدع وردى لحفل تركريم
محجوب شريف وهو موجود فى الدوحة والتكريم فى الدوحة

محجوب شريف ج د

محمد وردي كان ج د



ما زال شاعرنا العظيم ج د

في حين اصبح فناننا د




___

ج د = جبهة ديمقراطية

د = دال للسيارات احد استثمارات اسامة داؤد عبداللطيف


( هذا البوست برعاية شركة ميتسوبيشي احد افرع دال للسيارات)

مع تحيات وزارة الداخلية السودانية وعرباتها الميتسوبيشي

Quote: ودالزين لك التقدير وياسيدى وردى موجود فى الدوحة

مبروك عليكم ...





___________
الطيور على اشكالها تقع ...

Quote: مبروك عليكم ... ___________ الطيور على اشكالها تقع ...

دجانقو .... افرز!!!!!

Quote: دجانقو .... افرز!!!!!

نفيسة .... مالك ؟ !!!!!

Quote: نفيسة .... مالك ؟ !!!!!

جنس حاله !!!!!!


انت نفيستك دى حايم بيها من بوست لى بوست ؟؟؟

لو عارفين الجمع بجيبك كان جمعنا زماااااااااااااااااااان ....
راندا زاتها ... قائدة باب الامل ....
ليك تحية وبس خلااااااااااااس (زى ماقال شعبوله)

سيليكون يا زول انا الراس اليومين ديل حاسه بيهو تقلان والرقيبة دى ما قادرة عليهو ... اوووع تكبرو اكتر من كدى تقوم "كش" رقبتى تتكسر ..


سمح...

Quote: انت نفيستك دى حايم بيها من بوست لى بوست ؟؟؟

ما قلنا ليكم شليقة وما صدقتونا

Quote: ما قلنا ليكم شليقة وما صدقتونا

هى لكن جنس شلاقة عليها!!!!!!


النبى شوف هسى الهوا البااارد الجابتو لينا دا ...

الحبيب ود الأمير تحياتي وسلامي
سؤال يحتاج لإجابة وليس لأحاديث إنشائية من هنا وهناك
العديد من الفعاليات التي تمت في الدوحة في الفترة الاخيرة نجد لها إعلان ووجود وبوستات ومداخلات
لماذا لا نجد من يسمون أنفسهم (بورداب الدوحة) الاسم الحركي وليس الأعضاء أو هكذا اسمه أشاهده أحياناً يعلن عن وصول فلان وسفر علان وتكريم زيد ورثاء عبيد أن يعلن عن وصول الموسيقار وردي للدوحة ؟؟
هل هذا الاسم (بورداب الدوحة) هو اتجاه لفكرة واحدة وتنظيم معين ام لمجموعة بورداب جمعهم هذا الفضاء الاسفيري وصاروا يعرفون ببورداب الدوحة دون ساير أي بورداب آخرون في هذا المنبر
ومن الذي مخول له بالكتابة باسم بورداب الدوحة حتى يعلن الاحتفال بفلان وتكريم علان ام ان هنالك تنسيق في الادوار كل يكتب بما هو يرأه في مصلحة تنظيمه أو حزبه أو كيانه

*آسف يا ود الأمير ّإّذا خرجت قليلاً عن البوست الاساسي ولكن أسئلة مشروعة يجب أن نجد الإجابة عليها

كتب ابراهيم على

Quote: لماذا لا نجد من يسمون أنفسهم (بورداب الدوحة) الاسم الحركي وليس الأعضاء أو هكذا اسمه أشاهده أحياناً يعلن عن وصول فلان وسفر علان وتكريم زيد ورثاء عبيد أن يعلن عن وصول الموسيقار وردي للدوحة ؟؟ هل هذا الاسم (بورداب الدوحة) هو اتجاه لفكرة واحدة وتنظيم معين ام لمجموعة بورداب جمعهم هذا الفضاء الاسفيري وصاروا يعرفون ببورداب الدوحة دون ساير أي بورداب آخرون في هذا المنبر ومن الذي مخول له بالكتابة باسم بورداب الدوحة حتى يعلن الاحتفال بفلان وتكريم علان ام ان هنالك تنسيق في الادوار كل يكتب بما هو يرأه في مصلحة تنظيمه أو حزبه أو كيانه

الأخ ابراهيم
شكرا على سؤالك
بورداب الدوحة اسم لكل المجموعة
يعنى

Quote: (لمجموعة بورداب جمعهم هذا الفضاء الاسفيري وصاروا يعرفون ببورداب الدوحة)

مخول لثلاثة الكتابة باسمه..
يقوم (بورداب الدوحة ) ببعض الفعاليات التى يتفق عليها

المخولون بالكتابة ( صدفة) لا ينتمون لأى تنطيم

الشاعر محجوب شريف قامت لجنة/جمعية بدعوته والاحتفال به

وردى زار الدوحة دون أن نعلم به
لمراجعة طبية فقط ...
أرجو أن يكون هذا ردا على أسئلتك

تم التعديل لأخطاء إملائية ..

Quote: ودالزين لك التقدير وياسيدى وردى موجود فى الدوحة

هل يجيب على التساؤل أن سودانيي الدوحة لا يعلمون بوجود وردي بالدوحة؟ لقد أحرق الرجل نفسه ... ولنا أن نحتفظ بالتاريخ

بدر الدين

لم اجد انسان واضح مثل محجوب شريف ، لهذا ان يكون شخص ما منع محجوب شريف من الاتصال بوردي مستحيلا .

اما عن كلامك عن ان وردي رمز ، وردي كان رمزا لنا بنضاله قبل فنه ، لاشك ان وردي قيمة ابداعية لا ينكر ذلك الا مكابر . ولكن الست معي ان من خرج لاستقبال وردي في المطار من الشعب السوداني لم يكن بسبب اغانيه فقط بل الاغلبية خرجت لان وردي كان يمثل رمزا نضاليا , قبل كل شئ .

وردي الآن رمز غنائى لا اكثر ولا اقل . له اسهامات في الغناء السوداني لم يسبقه عليها احد ، صاحب اجمل الالحان علي مستوي الاغنية السودانية ، وبالطبع اجمل صوت ولدته حواء السودانية ، لهذا لازلنا نسمع اغانيه بكل وله.

وردي غني للبشير ولعبدالرحيم محمد حسين ، وهؤلاء دم الكثير في رقابهم .

وقال لهم (والله لو عارفنكم بتحبوا الغني كده ما كنا خلينا البلد) ، عليك الله في اغبي من هذا التصريح .

وزاد الطين بله ، تخوينه للمدافعين بضرورة محاكمة المسئولين عن فظائع دارفور .

وبرضو تقول لي رمز.

لو كان الحزب الشيوعي في عظمته ، لفصل وردي وتبرأ منه ..


شنان وقيقم غنوا للبشير وكذلك وردي

وردي خون مناصري قضية دارفور ، ولا ادري موقف شنان وقيقم (لوووول)

وردي له تاريخ نضالي كبير ، والعكس لشنان وقيقم ....... عليك الله زول يضيع تاريخه ده كلو في لمحة البصر ما احسن منو شنان وقيقم ؟

بدر الدين عاوز إعمل فتنة بين الشيوعيين

وردي ..................

عشان وردي إنضم ل (حـــق)

حلوة منك يا مدير

انت مالك إعزموه ولا إعدموه

دخلك شنو ؟؟؟

محمد وردى متى سيغنى لدارفور...؟

Quote: عشان وردي إنضم ل (حـــق)

حينها تكون (حق ) قد كسبت (مغنواتي ) عظيم ...

Quote: عشان وردي إنضم ل (حـــق)

حينها تكون (حق ) قد كسبت (مغنواتي ) عظيم ...

الأخ بدر الدين

تحياتي

جاء سؤالك تقريرياً، يحمل في طياته اتهام لجهة ما، وأهم ما بحمولة هذا السؤال (في تقديري):
= أن وردي المسكين المظلوم قد حرم من المشاركة في تكريم الشاعر الانسان محجوب شريف.!!!
= أن هناك شخص ما وضع المتريس أمام وردي (الغلبان)!!! وهنا يمكن أن تتجه أصابع الاتهام لكثيرين!!!
= أن وجود وردي ومحجوب في الدوحة...لعل القاريء يجتهد في أن وردي حضر خصيصا لملاقاة المحجوب الشريف!!!.."التعريف لاعلان انحيازي".
= أن

هذه الأسئلة مقروءة مع ما ورد في رد ود الزين.

تحياتي

Quote: بدر الدين عاوز إعمل فتنة بين الشيوعيين

انت يا ود القريش

يا اخوي الحفلة دي مجهود اصدقاء محجوب...الجاب الجماعة الانت قلتهم هنا شنو.

Quote: انت يا ود القريش يا اخوي الحفلة دي مجهود اصدقاء محجوب...الجاب الجماعة الانت قلتهم هنا شنو.

الجماعة ديل مش هم أهل الجلد والراس ؟؟؟

أصلو أنا ما بفهم في السياسة ... وكدا يعني

Quote: الجماعة ديل مش هم أهل الجلد والراس ؟؟؟

انت يا اخوي كنت شايل كمرتك.....
وتصور سااااكت كنت قايله ختان...

والله طلعت مسطح ساكت.
وعامل أهل العريس...الجماعة ديل رسلوا ليك كرت.

جاء فى رزنامة الاسبوع اليوم لكمال الجزولى فى الرأى العام ألاتى : -



رُزنامة الأسبوع





كمــال الجـــزولي


الثلاثاء:

حول لويس أراغون قالت إلسا تريوليه: ''الحديث عنه حديث عن الشعراء وليس عن ضحايا الخيالات ، عن الشعر وليس عن الشئ الذي يلمع دون أن يكون ذهباً''!

لم أجد أبلغ من هذا القول في التعبير عن الاستقبال الحاشد لمحجوب شريف الذي عاد إلى الوطن ، معافى بحمد الله ، عشية يوم الشعر العالمي .. ويا لها من مصادفة!

لمحجوب عادات مختلفة في النظم حد الفرادة. فهو لا يجلس ، قط ، إلى منضدة لكتابة قصيدته ، إلا بعد أن تكون قد علِقت معالِقها واستدارت خلقاً سوياً. أما مراحل تكونِها الأولى فغالباً ما تتخلق لديه ماشياً على قدميه ، حتى لقد لقبه الصديق الحميم عبد الله علي ابراهيم بـ (الأمي) تحبباً! تجده كثيرَ المشي بقدر غزارة إنتاجه .. في حوش البيت ، في باحة السجن ، أو حتى داخل زنزانة مغلقة ، مثلما في أزقة أم درمان المتعرجة ، وساحاتها المحتشدة بالعنفوان ، وبالأخص سوقها الكبير الضاج بالحيوية. ولعل هذا ما يفسر اكتظاظ قصائده بمختلف الحالات والحكايات والصراعات الانسانية.

تكمن ، خلف ذلك ، عجيبة أخرى من عاداته في التأليف ، فهو لا يتحرى الهدوء ، ولا ينتظر هبوط وحي أو الهام ، بل يأخذ الشعر غِلابا ، فيذهب بنفسه ، راجلاً ، إلى حيث وحيه في ضجيج الحياة ، وإلهامه في حركة الناس اليومية .. في عبارة يلتقطها من فم حمال بسيط ، أو زوبعة تثور تحت أقدام مشاجرة مدرسية ، أو كلمة تقذف بها أم تتضجر من غلاء المعيشة ، أو تقطيبة ترتسم ، أول النهار ، على جبين أب مفصول للصالح العام ، أو حكمة ترسلها عجوز تتعجب من تغير الدنيا والأحوال ، أو ترنيمة يمطها بائع متجول ينادي على بضاعة كاسدة ، أو معنى خبيئ يطل ، فجأة ، من عيني صبية كابية الجمال قد لا تثير الاهتمام في محطة بص ، أو ترميز طبقي يجاهر بفحشه وسط ثرثرات فعلة يترصدون الرزق بناصية بنك يتجهمهم من أول الصباح! وإذ يفعل ذلك ، لا ينقل هذه التعبيرات ، بحرفيتها ، إلى بنية قصيدته ، وإنما يُعمِل فيها من طاقته الهائلة على مكابدة جدل اللغة ، و المزج السلس بين العامية والفصحى ، واللعب البارع على جرس الحروف ورنين الألفاظ ، وتقطيع الجملة الشعرية الواحدة إلى مجموعة جُمَل قصار ، والاشتغال على القوافي الداخلية المتتابعة والمتغيرة ، مع الإمساك الجيد ، في كل الأحوال ، بخيط القافية الأصلية الأساسي ، والكثير الكثير ، إلى ذلك ، مِما في مُخلاته من أدوات سحر القول الشعري وحِيَلِه المُبهرة.

وثمة عجيبة ثالثة تتصل بعيار الشعر عنده ، حيث يستمد إيقاعاته وأوزانه ، مباشرة ، من عمق إصغائه الوَلِه الكلِف الشغوف لصميم هذه الحركة الموارة في عرصات المدينة ، وهي ، بطبيعتها ، حركة ذات أوزان صريحة ، وإيقاعات فاقعة. ولحرصه على ألا يُفلِت منها شيئاً ، ولو للحظة ، فإنه يلتم عليها ، بكل جوارحه ، مراجعة وتنقيحاً وجَلوَاً ، طوال الوقت الذي تأخذه صناعة القصيدة. لذلك ، ليس نادراً ما يلحظ جلساؤه من أهله أو أصدقائه المقربين أو رفاق سجنه ، أنه يكثر ، في مثل تلك الأيام ، من الاستغراق اللاإرادي في طقس تمتمات مُبهمة ، كمن يتلو أوراداً يحرك بها شفتيه دون صوت ، ويضبط إيقاعها ووزنها الخفيين بتلعيب يديه وقدميه ورأسه ، بل وعينيه أحياناً ، ثم ما يلبث أن يعود ، حين ينتبه ، بغتة ، إلى مراقبتهم له ، كاتمين ضحكاً معابثاً ، لينفجر ، هو ذاته ، في طقس قهقهات طفولية مجلجلة!

كِلا تجويد صراحة الوزن وفقوع الايقاع ، المستلهمين من صراحة وفقوع أوزان وإيقاعات الشارع العام ، فضلاً ، بالطبع ، عن فرادة الاقتدار على التعبير ، في بساطة معقدة وسهولة ممتنعة ، عن أشرف المضامين الضاربة في عمق الهم الانساني اليومي ، هو ما يُكسِب قصيدة محجوب خاصيتها المنبرية ، وقابليتها للأداء الجماعي ، وقدرتها ، ليس على تحريك المشاعر ، فحسب ، بل والأجساد ذاتها! وما أيسر أن تلحظ ذلك إن أنت أوليت انتباهك لاستجابات الجمهور لأدائه على المنصة ، بحركة قدميه ويديه التي لا تكاد تهدأ ، دَعْ انفعالات دواخله التى تستعصي على اللجم ، فتنعكس ، بتلقائية وطلاقة ، على نبرات صوته وتوترات وجهه وشفتيه! وأذكر ، استطراداً ، عندما احتفل اتحاد الكتاب في داره بالمقرن ، ذات أمسية ، بتوقيع (اتفاق الميرغني ـ قرنق) عام 1988م ، كيف أحاطت بمحجوب مجموعات شتى من بنات وأبناء (الهامش) ، بلكناتهم وأزيائهم وحُليهم المائزة ، يصدحون معه بأهزوجته (ميري كلمينا) ، وهم يشيعون ، برقصاتهم الشعبية النشطة حول نافورة الدار ، جواً من المرح الصخاب ، في ذات اللحظة التي وصل فيها الميرغني على رأس وفده إلى الاحتفال ، فوقف يتلقى تلك التحية غير المسبوقة في مشهد مهيب ، تمايحت معه هامات الشجر ، واهتزت له أركان المبنى ، وسرت (عدواه) إلى الجماهير المحتشدة ، فانطلقت تشارك ، على سجيتها ، في الأداء الشعري ، والرقص على الإيقاع الداوي ، بينما الدموع تسح من عيون لطالما سهدها التوق (للسلام) .. دون أن ينتبه أحد إلى أن الأهزوجة نفسها لم تكن ملحنة!

الحديث عن جماليات القصيدة عند محجوب ، وعناصر شعريتها ، ذو شجون ، لولا أن المساحة تضيق. لكن يعز علينا ، ونحن نخصه بهذه التحية أديني شهادة فقدانْ وجدانْ وضميرْ اتوفى/ لو إني كتبتَ قصيدة تطقطِقْ اصابعْ حاكِمْ زلفى/ بيناتنا رفعنا ستارَ الكُلفةْ/ وأكلنا سوياً قوتَ الشعبْ/ مِنو الظلماتْ فيهن نِتخفى/ مِني الكلماتْ تبقى مَحَفة/ حَمَلتو عليها يلوح .. يلوح بالمنديلْ/ ولساني بساط احمرْ ممدودْ/ يتمشى عليهو لِحَدت ما يدخل بُستانَ النومْ/ تباً للكلمة بتتسكعْ .. تركَعْ/ تدفعْ أكترْ .. تمدَحْ أكترْ/ تلبَسْ أقصَرْ/ وسط الهالاتْ تعبُرْ صالاتَ الجنرالاتْ وكِبارَ القومْ/ أديني شهادة فقدانْ وجدانْ وضميرْ اتوفى/ في ذاك اليومْ''!!!

أديني شهادة فقدانْ وجدانْ وضميرْ اتوفى

لو إني كتبتَ قصيدة تطقطِقْ اصابعْ حاكِمْ زلفى

بيناتنا رفعنا ستارَ الكُلفةْ وأكلنا سوياً قوتَ الشعبْ

مِنو الظلماتْ فيهن نِتخفى ,مِني الكلماتْ تبقى مَحَفة

حَمَلتو عليها يلوح .. يلوح بالمنديلْ

ولساني بساط احمرْ ممدودْ

يتمشى عليهو لِحَدت ما يدخل بُستانَ النومْ

تباً للكلمة بتتسكعْ .. تركَعْ

تدفعْ أكترْ .. تمدَحْ أكترْ

تلبَسْ أقصَرْ

وسط الهالاتْ تعبُرْ صالاتَ الجنرالاتْ وكِبارَ القومْ

أديني شهادة فقدانْ وجدانْ وضميرْ اتوفى , في ذاك اليومْ''!!!




ياسلام عليك ياودالزين قصيدة جميلة , وتعبر عن شخص الإنسان العظيم في محجوب شريف قبل أن يكون

الشاعر العظيم

Quote: والله طلعت مسطح ساكت.

ما أنا قلت ليك كدة من الأول

Quote: الجماعة ديل رسلوا ليك كرت.

مش قالوا الدعوة عامة

وكت في كروت ـ ليه ماودوا لي وردي كرت

ولا عاوزينو يجي ساي عنقالي زينا كدي

ما بركة وردي الما جاء

كان الكلمتين ديل وقعن في راسو

وهو مسكين عيان ما بستحمل

كان راح فيها

أخى وصديقى نادوس
لك الود القديم ولم يزل
ياسيدى لك الحق فى أن تذهب بسؤالى
إلى أى مدى يصوغه خيالك المعرفى والتعارفى
وبالمقابل فى تذوقى الشخصى أن نصف شاعرية
محجوب تكمن فى ( ياحارسنا وفارسنا) ووصلتنا
من خلال صوت وردى كيف نحتكم من غير ان نحاكم
وردى بعد مايقارب الخمسين سنة من العطاء
ونتجاهل حتى مجرد أدب ان تدعو كبيرك سنا وعطاء
والذى تعتقد انه خان مجده من خلال موقفك منه
وكما قال الجواهرى ( المجد أن يحميك مجدك وحده)
فهل نود ان نربى وردى؟

الأخ عبد الجليل سلامات ,,

دى كوميديامليئة بالصخب ما تطلع إلا منك زول هادئ زيك

Quote: انت يا اخوي كنت شايل كمرتك..... وتصور سااااكت كنت قايله ختان...

الحالة صوروك مع كاميرتك الprofessional ولكن نيرانك صديقة

يا نادوس ,,, إتفاقنا بشأن الكتب هل ما زال قائما ؟؟؟؟؟؟؟

إحترامى لك و الأسرة.

بالماضي كنا نستهجن تصريحات أدلى بها فنان (الثورة) شنان لصحافة الخرطوم مفادها :

(أتمنى عودة محمد وردي لنتنافس في مجال الأغنية الوطنية) ..


قمنا بشن حملة عنيفة ضد شنان ...


الآن عرفنا أن شنان كان محقاً ..

وأننا لم نكن نعرف محمد وردي بقدر معرفة شنان ..

وهاهو التنافس يشتد ..

؟؟؟؟؟

لو كنت مكان وردي و وجهت لي الدعوة لما ذهبت؛
شنو كل زول شايل الصورة و حايم بيها و داير يعمل عندو موقف سياسي!!

Quote: لو كنت مكان وردي و وجهت لي الدعوة لما ذهبت؛

الحمد لله إنو إنتا مامكان وردي ياملاسي (في الصورة طبعاً)

Quote: شنو كل زول شايل الصورة و حايم بيها و داير يعمل عندو موقف سياسي!!

المشكلة إنو وردى مخجلاهو , لكن إنتو لأ ..

بعدين دي فكرة كويسة (حكاية شايل الصورة وحايم بيها) , يعني ممكن نطبعا ونوزعا ..

سؤال ياملاسي :

إنتا (كوز) ولا (بتستهبل) ؟؟

اخونا ود الامير
شكلك كده بينطبق عليك المثل بتاع اهلنا(بتشرك وبتحاحى)
يعنى تحضر الحفلة وتتجدع وبعد داك تحرج اخوانا الشيوعيين
المهم الواحد ما عارف ملابسات العزومة لكن لو اخوانا الشيوعيين
ما دعو وردى للحفل والله عييب ...عيب عليكم يا شيوعيين ما تدعوهو

تخريمة كده:
لكن والله يا ود الامير صورة وردى مع البشير فى القعده الخاصة ده
ما آخر انسجام ,وممكن تجد عزر للشيوعيين , ويبقى الشيوعيين فى التراك الصحيح

Quote: قمنا بشن حملة عنيفة ضد شنان ...

هو انتو من الزمن داك قاعدين تشنوا في الحملات العنيفة!

يا بدر ازيك وكيفك وكيف زمانك؟ القصة وما فيها انه محمد وردى ما عاد محمد وردى البنعرفو ، مع ذلك فهو فناننا الاول لكنه لم يعد الذى عهدنا به وكارلوس قال المفيد المختصر

سلمى ياشيختنا وسلامتنا
ياستى على رأى اهلنا المصريين:
( الكبير كبير)

Quote: هو انتو من الزمن داك قاعدين تشنوا في الحملات العنيفة!

هو إحنا ورانا شنو غير شن الحملات العنيفة ياملاسي ؟؟

عبدالمنعم ياخيرالله
عرفنا ملاسى ماكدبش خبر
وانت متحكر وتكورك المديدة
حرقتنى هل وافق شنن طبقا

معاذ الله يا ود الامير
لكن ده بوست انت دقيتو لشئ فى نفس يعقوب
قلت نص المعلومة وخفيت الباقى
الشئ الثانى نحن نقدر الشعر والشعراء
والفن والفنانين عشان كده دخلت اشاركم احزان وردى بعد السقوط , وافراح
شاعرنا محجوب شريف الى مازال صامد ,اول مرة اتفق مع الشيوعية فى البقولو فى وردى
وشغل مديدة حرقتنى ده انا ما بعرفى ,وبعدين انا مالى ومال ملاسى ابعد عنى الشبهات
وليك الود

سلامات
وعوافي
بدرالدين ..

Quote: أخى وصديقى ود رملية لك التقدير على النقد والتقريع مداخلتك تضعك فى فهمى لها أنك تعلم وتتجاهل أو تجهل أبعاد ماتعلم ثم لو فرغنا مداخلتك من أى مرسال وترسيل لوكان هذا البوست قبل يوم أو يومين من حفل تكريم وردى هل سوف تعفينى من تهمة ان لى اجندة لافشال تكريم محجوب شريف ياود رملية هناك حقيقة لازم ان تعلم من غير أى مباركة لماذا لم يدع وردى لحفل تركريم محجوب شريف وهو موجود فى الدوحة والتكريم فى الدوحة

سوري يابدر اووف بوينت ..
ومافهمتا مداخلتي بالرغم من انو كل المداخلات التي تلتها كانت تحمل ماتحمله مداخلتي ..
اما مسالة مرسال وترسيل يابدر ماعبدالرحيم الممكن يكون في هذه الحالة ..
انا اول من شاهد هذا البوست وفي الغالب الاعم بورداب الدوحة غيري وغيرك مافي زول اونلاين ..
يعني فكرة مرسال وترسيل بالاضافة لكونها اساءة بالغة لشخصي وفيها تجريح شاذ الا انها جاءت من باب سوء فهمك لمداخلتي والتي اوجزتها في مداخلتك ..
ياعزيزي بدر لا ادري من اين لك انني اتهمتك "ان لك اجندة لافشال تكريم محجوب شريف" هذا كلام لم اقله البتة ولم اعنيه اطلاقا محجوب شريف برنامج ناجح بي اسمو صدقني لو الناس قالت يوم الجمعة محجوب شريف سيكون موجود في فندق الواحة الصالة الذهبية لتهافت الناس اليه زرافاتا ووحدانا ..ثم انا لا افكر اطلاقا علي هذا النحو ..ما الفائدة اصلا من ارهاق عقلي بهذا التفكير السلبي ان اؤمن بالظاهر وابدا لا اسعي او اجتهد لحشر نفسي في مثل هذه المواقف ..يابدر "نحن ناس بنعيش حياتنا الصافية بالنية السليمة" اي شيء بيخلينا نفكر تفكير سلبي في زول بنقولو ليهو في وشو ولانخشي بعد ذلك لومة لائم الماعاجبنا ما بندسو يحرق حشانا بنواجه بيهو الزول طوالي عشان ما تتشوه دواخلنا وعشان نكون نضيفين امام انفسنا وامام الله ..
بدر الدين عندما طلبت منك افراغ سؤالك من الغرض كنت فقط احاول ان استبق الذين سيدخلون من بعدي فتوضح انت لماذا ليتجاوز المتداخلون فيما بعد عن هذا السؤال بالذات كونه فعلا سؤال ملح وحاضر خاصة وانك لم تكتب حرفا واحدا واكتفيت بالاستفهامات ..وكانك تعلم ان هناك جهة فعلت وتعمدت ذلك .. ووضعت محجوب شريف في حال وكانه كان يريد ان يقابل وردي لكن صدت محاولاته بطريقة او باخري ...
ياسيدي سؤالي "من باب وهل يستقيم الظل والعود اعوج" وللاسف اردت انا ان اجعل العود مستقيما حتي يطابق شكله الظل .. فماذا حصلت انا من حسن نيتي .. اصبحت مرسالا ..
عجبي علي هذا الفهم الضيق ..وعجبي علي هذا السؤال في اساسو ..
ومازلت اكرر لماذا هذا الوقت بالذات ووردي موجود بالدوحة له اكثر 15 يوم ومحجوب موجود في الدوحة له اكثر شهر ..اولم يكن مناسبا ان يطرح هذا السؤال في وجود استاذ محجوب شريف ..الم يكن اكرم لنا جميعا طرح السؤال علي الذي يحمل اجابته المطلقة؟؟!!!
متاسف يابدر علي فهمك لي مداخلتي ولك ان تعلم انني لن اتبنى يوما راي شخص ولن احمل قضية وخلاف كائن من كان لابني عليها مواقفي .. انا رجل لي مواقفي ومباديء لاتزعزعها الصداقات ولا جلسات الانس ولي اخلاقي وقناعاتي التي اؤمن بها واطبقها علي نفسي واعيش داخل اطارها متصالحا معها ومتجاوبا مع كل ماتقتضيه النزاهة وعفة الروح والقلب..واكره يوم اكون فيه مرسالا تمرر عبره الاجندات الخفية والانزلاقات الضيقة .. ماقلته في حقنا يابدر حمر بحرنا فقط اقول لك ولغيرك ان لاتستغلوا مسكنتنا وكونوا قدر احترامنا لكم...
* ملحوظة :-
انا لا اعلم اطلاقا من الذي حال بين وردي واستاذ محجوب شريف ولا اريد ان اعلم طالما انني مقتنع بان مواقف وردي الاخيرة تغني عن هذا السؤال ..

بدرالدين الامير سوال
لماذا لم تهتم انت بالترتيب لدعوة وردي والتاكد من الاخوة في رابطة اصدقاء محجوب شريف
قبل الحفل وانت علي مرمي حجر منهم وعلي اتصال يومي معهم...
ساعتها كنت ستعرف الاجابة وتربط القول بالعمل بدل اثارة هذا الغبار الكثيف الذي لايعمق الا النعرات....
ان كنت حريص يا بدر علي اجابة سوالك لعملت علي ايجاد اجابة وقبل الحدث فانت وووردي ومحجوب
شريف جميعكم كنتم بالدوحة وليس هافانا
...........................................................

الأستاذ - بدرالدين .. تحياتي
يا أخي والله فتحت موضوع حساس .. محجوب بكلماته
ووردي بألحانه ظلا ردحا يضمخان الوجدان السوداني
بالجمال في توأمة فنية فريدة .. وما أعترى
البلد من أحداث يفرتق الحجر .. ويبقى وردي
الفنان العملاق ومحجوب شاعر:

أخاف الطريق
اللي مابودي ليك
أعاف الصديق
اللي ما بهم بيك
وعنك بعيدا
أبيت الرحيل
معاك إنتظاري
ولو بالكفاف

أحبك أحبك
أنا مجنونك
ساكن فيني
هواك وبريدك
وجوه القلب
النبضو يصونك


في حضرة
جلالك يطيب الجلوس
مهذب أمامك يكون الكلام


يطول الكلام .. يطول الكلام ..

فى جلسه ببيت محمد توفيق خلال الستينات من شهودها وردى وعبدالخالق واحمد سليمان سال احمد سليمان ايام شيوعيته قبل ان يركلها او تركله وردى عن عدد الفنانين التقدمين بنادى الفنانين فغضب عبدالخالق من السؤال الساذج وقال لاحمد سليمان " يا اخ بلاش سؤال زى دا وردى دا فنان سيبو يبدع ويغنى للشعب" المصدر حوار مع وردى اجراه معاويه يس بلندن 1994.
وردى منذ عودته الى السودان وقبلها فى اكثر من حوار ذكر انه اكتشف ان دور الفنان اكبر واهم من دور السياسى عبر العمل الحزبى الضيق لان الاحزاب تراعى مصالح منسوبيها فقط ولا تتعامل مع من يخالفونها الراى بل تجدها ترمى كل من خرج عن امرتها باسوأ ما فى قواميس السب " راجعوا كتاب للحاج وراق صدر العام 1999 تقريبا مع رجاء عدم اعتقاد اننى انتمى لحركه حق رغم تقديرى للخاتم عدلان واصدقاء عديدين بعضهم الان بلندن"..
ورده بحسه العالى جدا تنبه الى بؤس العمل الحزبى رغم ذلك لم يبيع روحه وضميره للوطن وقد ذكر فى اكثر من لقاء تلفزيونى انه مع الشعب رغم ان الحكومه الحزبيه القبيحه تتجمل به عبر اعلام تافه واصطياد لحظات انسانيه وتسويقها لمصلحتها ...وردى من عوامل توحيد وجدان وروح السودان وليس عامل فرقه وتفريق وقبح كالاحزاب الكالحه ومنتسبيها وردى غنى لاكثر من 39 شاعر سودانى ينتمون لاكثر من فعاليه وحزب سياسى " محمد يوسف موسى وحسن عبدالوهاب محسوبين على "الانقاذ" صلاح احمد ابراهيم كان شيوعى ثم صار انقاذى على عبدالقيوم شيوعى وكذلك محجوب شريف وربما الدوش رغم انه اقرب للبوهيميه والثوريه المتحرره والتجانى سعيد يسارى ثم وجودى ثم اسلامى غير منتمى لحزب محدد رغم محاولات حسين خوجلى البائسه التليمح الى عضويته بما يسمى زوراحركه اسلاميه والاسلام منها كالذئب من دم يوسف عليه السلام...معذره بدر الدين على الاسهاب محجوب شريف شاعر كبير وانسان شفاف لكن وردى اكبر وارقى وهو من حمل نبض محجوب شريف وغيره من الشعراء الى وجدان رووح شعب نصفه اكثر من امى بفضل تفاهه الاحزاب والساسه الذين لم يهتموا بتعليم مواطنينهم حتى يرتفعوا الى قراءة وتامل شعر محجوب شريف وغيره دون حنجره راقيه كحنجره وردى وللتذكير ذكرت فى مداخله قبل عام ان وردى ايام عضويته بالحزب الشيوعى وسجنه بكوبر دخل عليهم نميرى فى زياره تحدى وطلب من الشيوعيين الخروج اليه فلم يخرج اليه سوى الوسيله ووردى وقد ذكر ذلك الحادث المحامى البعثى القديم " شوقى ملاسى" الذىكان شاهد عيان على الموقف فزجرنى متداخل شيوعى ندا عنى اسمه ان ذلك الادعاء لشوقى ملاسى هدفه تشويه الحزب الشيوعى " ملحوظه معى الشريط بصوت ملاسى لمن يشاء"

صديقى الاستاذأحمد الامين
ياسيدى فى السودان السريالى الناطق بالعربية
دوما الحقيقة مغيبة ومغتغتة وحتى لو عرفت
تقمع بالمباركة على ذكر باركوها اتذكر حبوتى
عشة طيب الله ثراها ونحن اطفال حين تضع لنا الاكل
وتكون الكسرة أكتر من الملاح تقولينا باركو الملاح
والمباركة فى تقديرى هى الزمن الدائرى بعينه كل
الاحداث تعود وتتكر كما يحدث فى القصص الشعبية
او شخوص روايات الطيب صالح هل تتذكر يا احمد تلك
الدراسة الجميلة لادونيس ( الصوفية والسريالية)
وتلك المدرات بين الصوفية والسريالية

كيكى
لعلك كنت قريب خلال فترة الاعداد لتكريم محجوب شريف للجنة
للاصدقاء الذين نظمو التكريم وبالمقابل انت عضو مجلس جالية
نشاط ووردى رمز سودانى بل ومد موسيقانا افريقيا فهل تجهل
ام تتجاهل كيف يمكن أن تقدم له الدعوة

ود رملية لك التقدير
ياسيدى لسنا فى حالة حوار منقول على الهواء
نحن نتحاور عبر منبر حوارى بالكلمة المكتوبة
فسيرتك الكتابية او التحاورية هنا بل ومواقفك
لاتقيم بجهل فهمى لها او تجاهلى لمفاهيمك أو حتى اخلاقك
وايضا حسن سيرتك لايقيم باخلاقى كونى صديقك او بتعرفنى
وفى مداخلتك الاولى تركت لنفسك الحبل حتى ولو غرق القارب
حللت واستنتجت وافترضبل ووصلت لنتيجة من اين لك ذلك وانا
اتيت هنا بسؤال

رغما عن كل التبريرات
اعتقد ان وردي خانه ذكاؤه الاجتماعي في تحولاته العنيفة

وان خسارته من هذا التحول لا تعوض

ولو تغيرت مواقف وردي تجاه انتماءه او مذهبه السياسي
فكان من الاولى ان يحتفظ بهذا لنفسه..

ولكن اراؤه المتحولة كانت صادمة مؤلمه


حين كان وردي يقدم اجمل القصائد الوطنية
كان يختارها عن قناعة بمضامينها
ووجدت القبول لانها لمست وعبرت عن مفاهيم
يتفق معها الغالبية من أبناء امتنا
وهذه المضامين لم تتغير حتى اليوم

ولكن حين يتحول وردي بهذه الصورة العنيفة
فهذا يكشف عن ازمة واضحة ومشكلة ما وتناقض مفجع

في حفلته في يوليو الماضي في قاعة الخليل
غنى وردي (يا شعبا لهبك ثوريتك) تفاعل معه الناس
بجنون..
لو كان اي انسان وبذكاء وردي وحسه الجماهيري
لادرك ماذا يحب فيه ومنه الناس

وردي بمواقفه وتحولاته هذي وضع الجميع في مازق اقله
صعوبة الفصل بين هذا التاريخ الفني النضالي الراقي
وبين وردي كشخص وكفنان
الم يكن من الاجدى له ولكل من احبه واحب فنه
ان يصمت عن تقلباته هذي؟

فعلا خانه ذكاؤه وحسه


اعتقد ان لتحولاته دور واضح في عدم حضوره
لاحتفالات تكريم محجوب شريف سواء بالخرطوم او الدوحه

عفوا يبدو أن الشرخ كبير
واكبر من مسالة احزاب

المأساة الكبري
من اين لنا مثل غناء وردي للوطن؟

up

الأخ بدر الدين ....

أود إضافة سؤال هنا:
هل كان وردي سيحضر إذا ما تمت دعوته؟ الرجل لم يعود محجوب شريف مريضاً ولو على التلفون، هل يمكن أن يحضر تكريمه؟

Quote: كيف نحتكم من غير ان نحاكم وردى بعد مايقارب الخمسين سنة من العطاء

الأخ بدرالدين

يظل التاريخ تاريخ ولو امتد لقرون..يرصد مواقف الرجال..أعلم ان تاريخنا ضحية الانتقائية..والهوى أحيانا والغرض كثيراً.
ومن دونوا تاريخنا رسخوا مفهوم الانتقائية فيحكمنا على الكثير...

فيحاول البعض ان يستعين بصديق ولا يجد سوى تاريخ وردي ليستر به عراء الفرعون
حتى من يقول الحق لا تسعفه شجاعته ويلجأ لتسمية سوء المنقلب بضعف الحس الاجتماعي...
وصديقنا يملس الكلمات، رغم علمه:
ما بين محجوب ووردي لمختلف جداً

محجوب لم يساوم ولم يقف بين بين...
ووردي قد ركل تاريخه قبل ان يركله الآخرين...
حين غنى لهم...وأذكر بعض الذين يحاولون سترة عورة الفرعون...بثوب الرمزية ...والأغنيات الخالدة
ودوزنة احاسيسنا..نقول ان كل هذا صحيح في حقه....ولكن يكفي ان يشير طفل صغير باصبعه ...فينكشف قلة عقل الفرعون والمدافعون عن سقوطه.

على وردي ...والمدافعون عنه تفسير:
= ذهابه الى القصر الجمهوري ومن منبره اعلانه وبعد حمد أولى الأمر ...ودعمه له ضد التدخل الأجنبي...
اعلانه ودمغه كل من يقف مؤيدا للتدخل الأجنبي بالخيانة العظمى....وهو يعلم أن هذه الدعوى وحدها تضع الكثيرين تحت مقصلة الحكومة...

نادوس لك التقدير
ياسيدى ناقل الكفر ليس بكافر
أشرت الى اننى أعلم مابين وردى ومحجوب
وهذا يعنى انك اعلم به مني ليه ماتنقله
انت هذا المختلف جدا ويكون لك ثلاثة حسنات

أخوي بدرالدين

بطل تجرجرني....

فليس كل ما يعرف يقال....

ولكن أسأل من يحاولون ستر عري الفرعون باحتفالية (مقترحة)، لن تكون سوى صدى (مجرد أبو التي تي)

شنو مع وردي ولا مع الخيانة (بتاعين أفلام الكاوبوي يا بدر) وجه بقولوا ليك أوف لاين

بناتك خلي راسن فوق وحاشاك الكلام الني
بدل شاهيك أشرب دم إذا قلت الكلام الني

محجوب شريف، عظيم بطل شجاع وشريف بمعنى الكلمة

وردي انتهازي وبيشبه الإنقاذ تماماً كما تشبهه هي...

وردي لا يستحق أن يغني لعظماء (اسماعيل حسن، محجوب شريف، الحلنقي، هاشم صديق، الدوش، .....)

الشعب السوداني عرف محجوب شريف أم لم يعرفه يبقى محجوب شريف عظيماً....

فنان أفريقيا والعرب والعالم الأول هو مصطفى سيد أحمد رغم عن أنفهم.... وبالقوة جعلية ساكت!!!


للذين يمجدون في وردي عليهم أن يتعلموا درسا واحداً من ترليونات الدروس من الفنان مصطفى سيد أحمد

فورتو دمنا بي وردي بتاعكم ده!!!!!!!!!!!!

وما يستحق وردي ما قدمه له الشعب السوداني وأبطاله أمثال محجوب شريف....


(الموصلي وسيف الجامعة)، وردي لا يساوي أحذيتهم.

أخى عبد اللطيف عبد الحفيظ حمد
لك كامل التقدير
ياسيدى من حقك ان تغضب وتعاتب وردى
لكن ليس بهكذا مفردات حتى الذين
عبرت عن تقديرك لهم لن يقبلوا منك
ان تخاط وردى بتلك المفردات لان وردى كبيرهم
وللكبير وقاره حتى فى الخصومة معه ناهيك عن
الإختلاف الذى يقبل التراجع والترجيع

الاستاذ وردى "قامة" قل أن تجد مثلهــا فى القريب....و كذلك أخى "الانسان" الاستاذ محجوب شريف.....


يكفى مهاترات.........سودانية




صديق - الدوحة

Quote: الاستاذ وردى "قامة" قل أن تجد مثلهــا فى القريب....و كذلك أخى "الانسان" الاستاذ محجوب شريف.....

Quote: (الموصلي وسيف الجامعة)، وردي لا يساوي أحذيتهم

اللهم اغفر له جهله