Post: #1
Title: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحباط)!!
Author: نادية عثمان
Date: 05-17-2009, 05:38 PM
Parent: #0
لمن يكون (حبيب قلبك )عيان وتجري بيهو على الاطباء
وإنت متعشم خير في ربنا وفي الطب في بلدك
وماتلاقي غير الإحباط واللاإنسانية من الأطباء .. رغم (القروش)
الكتيرة البتدفعها لتذكرة الدخول للطبيب
بالله بيكون شعورك كيف ؟!!
معليش ياحبيبي كنا نطلعك برة البلد من الأول !!
لكن قدّر الله وماشاء فعل وهسي يارب تبقى ملحوقة !!
حزن وإحباط يصل درجة السخط من (بعض) أطباء المخ والأعصاب في بلادي!!
ولكن كامل العشم في رحمة الله فهو العظيم الحنين الكريم ..
|
Post: #2
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: نادية عثمان
Date: 05-17-2009, 05:45 PM
Parent: #1
إتخيل لمن تمشي الدكتور ويكون قلبك بيدق من القلق
على (أبوك) وتتعشم في الطبيب المعالج خير وتدعو ربنا
يجعل الشفاء على يده !!
يقوم الطبيب ده ( بكل برود) يقول ليك والله مرض أبوكم ده ( غلوتية) !!
و
برجع بعد تفك العبرة من حلقي وأحكي ليكم !!
|
Post: #3
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: الكباشى البكرى
Date: 05-17-2009, 05:51 PM
Parent: #2
ناديه
سلام
امانينا القلبيه بعاجل الشفاء لوالدكم
فالشافي هو الله وحده .
|
Post: #7
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: نادية عثمان
Date: 05-17-2009, 05:57 PM
Parent: #3
أبوي حبيبي سامحنا يابا ..سامحنا ياغالي
سامحنا لأنو إتوسمنا خير في ( بعض) أشهر أطباء المخ والأعصاب
في بلادنا قاموا خذلونا وأخروا حالتك زيادة !!
|
Post: #4
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: نادية عثمان
Date: 05-17-2009, 05:52 PM
Parent: #2
يادكتور ( فلان) لو كان ده أبوك العندو جلطة في مخو
كنت بترضى (طبيبو) المعالج يقول ليك:
وديهو البيت ولو إتدهور ( أكتر من كده) جيبو لي تاني ؟!
|
Post: #5
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: أسامة خلف الله مصطفى
Date: 05-17-2009, 05:55 PM
Parent: #4
أختى نادية
لا أملك إلا الدعاء ممن الذى إذا مرضت فهو يشفين....
أدعو الله أن يجعل شفائه على يد طبيب لدية إنسانية ويعرف أن لا يجرح شعور الأخرين..
|
Post: #6
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: عمر صديق
Date: 05-17-2009, 05:57 PM
Parent: #4
نادية
تحياتي
ونسال الله العظيم رب العرش العظيم رب العرش العظيم ان يشفيه
|
Post: #8
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: نادية عثمان
Date: 05-17-2009, 06:01 PM
Parent: #6
الاخوان الأعزاء
الكباشي البكري
أسامة مصطفى
عمر الصديق
تسلموا يارب
وربنا مايرمي ليكم مريض في يد طبيب ( قاسي) يارب !!
|
Post: #9
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: نادية عثمان
Date: 05-17-2009, 06:11 PM
Parent: #8
أبوي الغالي الجلطات المتكررة والنزيف المتكرر أرهق وأتلف
بعض وظائف المخ
فمن بعد اليد اليمنى التي عطلتها جلطة وعلاج ( عقيم)
جاء دور الرجل اليمنى لتتعطّل في نزيف بالمخ هذه المرة
ثم نزيف آخر أدى لتعطيل في القدرة على الكلام
ثم أخيراً اليوم أيضاً جلطة جديدة أدت لفقدان البصر
وكل هذا والطبيب يرفض إعطائي الهاتف لنتصل به حال حدوث أمر جديد
رغم أن مافيه الوالد حالياً ليس بقليل ولكنه لم يوافق على عناية مركزة !!
وبكل صلف الدنيا رد علي رافضاً إعطائي رقم هاتفه قائلا:
لا .. أنا مابدي تلفوني نهاااااائي لاي زول !!!!!!!
بالله عليكم هل هذا الطبيب يمت للإنسانية بصلة ؟!!!!!
وماذا عسانا أن نفعل برقم جواله غير أن نتصل به للغوث
حال تدهور الوالد أكثر مما هو عليه ؟!!
شئ مؤلم .. ومعليش أبوي معليش !
|
Post: #10
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: Safa Fagiri
Date: 05-17-2009, 06:19 PM
Parent: #9
ألف ألف لا بأس علي
والدك يانادية
وربنا يطمئنك عليه
.
محبتي.
|
Post: #11
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: نادية عثمان
Date: 05-17-2009, 06:22 PM
Parent: #10
اليس الطبيب ( ملاك) للرحمة ؟!!
تدهشني قسوة بعض الأطباء في التعامل مع المرضى وذويهم !!
ومعليش يابا !
|
Post: #12
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: محمد على طه الملك
Date: 05-17-2009, 06:24 PM
Parent: #11
ربنا يطمنك على والدك ويرد له عافيته بإذنه الشافي.
|
Post: #22
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: نادية عثمان
Date: 05-17-2009, 10:40 PM
Parent: #10
صفاء فقيري ياصديقي الحبيبة
تسلمي وماتشوفي في حبايبك شر يارب
|
Post: #13
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: مزمل التريكى
Date: 05-17-2009, 06:31 PM
Parent: #8
الاخت ناديه
نسال الله الشفاء للوالد
محتاجه هدوء اعصاب فى المرحله دى يا ناديه
اهدى شويه
ويحصل كل خير انشاءالله
التعقيب على كلام الدكتور ده ملحوق اسى شوفوا الطبيب البديل
ربنا يشمله برعايته انشاءالله
|
Post: #14
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: ismeil abbas
Date: 05-17-2009, 06:39 PM
Parent: #13
ألأخت/نادية الحمدالله على قضاء الله وقدره علينا جميعآ...وهذه الدنيا إمتحان كبير...
عليك بالصبر والثبات..ونسأل الله ان يشفى الوالد وتتجاوزى هذه المحنة على خير..
شدى حيلك واصبرى ولا تجزعى...
اللهم يا شافى ياكافى أشفى والد نادية يارب...
اللهم صبرها على تجاوز محنتها...وعينها على الصبر يا كريم يارحيم..
إسماعيل محمد احمد عباس...
|
Post: #15
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: عوض محمد احمد
Date: 05-17-2009, 08:36 PM
Parent: #14
نادية
ربنا يشفى الوالد الكريم و ياخذ بيده امين
انت ربما ذهبت الى احد (النجوم) من الاستشاريين فى المجمعات (الدولارية)
لكن الاسف هم لا (يحبون) مثل حالة والدك: ببساطة لانها تحتاج لوقت طويل و متابعة دووبة و مستمرة
مما يكون خصما على الوقت الذى يريد ان يرى فيه حالات اخرى (خفيفة) و لا تاخذ زمنا
تلك هى للاف الحقيقة
و حتى لو ذهبت (لنجم) اخر فلا اظن ان الوضع سوف يختلف
فنحن نعيش منطق السوق للاسف
|
Post: #16
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: baha eassa
Date: 05-17-2009, 08:50 PM
Parent: #15
نادية متاكدة مشيتي لي دكتور؟ والله كل مرة بنسمع حدث يخلينا نكره
الطب في السودان رغم انه بيقولوا متقدم والاطباء السودانيين هم
افضل اطباء .. ..
ربنا يعينك وبشفي الوالد يارب
|
Post: #17
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: إبراهيم عبد الحليم
Date: 05-17-2009, 09:14 PM
Parent: #16
أختى نادية
أسأل الله أن يلطف بوالدك الكريم ويخرجه من وعكته معافة يا رب يا كريم.
كذلك أرجو ان لا تستلموا للأحباط فأنتم محتاجين لقوتكم لمواجهة الموقف
أما بالنسبة للطبيب فعجبا والله أنتهت الأنسانيه حسبى الله ولعنة الله على كل قروش الدنيا
اختى نادية أنا شغال هنا غى شركة أدوية المانية وبصراحة موضوع الجلطات ده زاد جد فى الفترة الأخيرة ويمكن كل مسافر ماشى السودان بديهو أدوية جلطات وذبحة وقبل يومين رسلت مع واحد ماشى السودان برضو جلطة أدوية جلطة وذبحة فخليك معاى واتمنى يكون والدى فى السودان لم يتصرف فيهم كلهم ساتصل به وهاك ايميلى فهناك دواء منقذ وموسع للشرايين لا يوجد فى العالم إلا عندنا هنا فى المانيا سأرسله لك على جناح السرعة.
الايميل بصفحتى
wwww.ibrahimsud.net
إبراهيم عبد الحليم
|
Post: #18
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: نادية عثمان
Date: 05-17-2009, 10:21 PM
Parent: #17
أخي الأكرم إبراهيم عبد الحليم
تسلم من كل شر وأحبابك أجمعين مايشوفوا شر يارب
عاين
الدكتور ( المبجل) قال إنو مرض الوالد ( غلوتية)
على حد وصفه وقصد إنو لما يدوه دواء الجلطات يتحول الأمر
لنزيف في المخ ولما نديهو دواء النزيف تبقى جلطة !!
أها هسي هو عندو جلطة فهل تفتكر نديهو الدواء القلت ليهو من غير
الرجوع لأي طبيب في السودان ده لحدي مانسفروا مصر ينفع ؟!
الرجاء الرد عاجلاً وفي ميزان حسناتك يارب
راجع الماسنجر الداخلي
|
Post: #24
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: نادية عثمان
Date: 05-17-2009, 10:58 PM
Parent: #16
الأخوان الأعزاء إسماعيل عباس
عوض محمد أحمد
بهاء عيسى
ربنا يحفظكم من كل شر
وشاكرة دعمكم المعنوي ومؤازرتكم ودعواتك الطيبات للوالد الحبيب
ويامحمد
نعمل شنو لا علاج بقروش عند الاطباء ( البشوات) نافع ولا المدعوم حق الحكومة نافع !
بهاء
تتذكر تحقيق التشخيصات الخطأ العملناهو في صفحة ( من القاهرة سلام) ؟؟
أها أبوي ذاتو دخل دائرة التشخيصات المهببة وربنا يكتب الشفاء ودعواتك
بالمناسبة جايين مصر للعلاج شد حيلك معانا أخوي العزيز وعارفاك مااابتقصر
تسلم خال إيمان ونادين ويديك الفي مرادك إن شاء الله يارب ياشقيقي العزيز
|
Post: #23
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: نادية عثمان
Date: 05-17-2009, 10:48 PM
Parent: #13
الأخوان
محمد علي طه المك
ومزمل التريكي
تسلموا من كل شر يارب
وياتريكي
بالجد انا أعصابي تالفة وزعلانة شديد من ( عمايل) بعض الاطباء هنا
لكن بس نقول يارب وربنا الشافي باذن الله
دعواتكم
|
Post: #32
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: المر
Date: 05-18-2009, 05:42 AM
Parent: #2
عاجل الشفاء للولد
وربنا يطول عمرة
|
Post: #45
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: نادية عثمان
Date: 05-18-2009, 07:16 AM
Parent: #32
المر أخوي
تسلم من كل شر وربنا مايوريك شر في حبايبك يارب
|
Post: #19
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: Al-Shaygi
Date: 05-17-2009, 10:23 PM
Parent: #1
>
Quote: لمن يكون (حبيب قلبك )عيان وتجري بيهو على الاطباء ...
|
نادية
يا بت أمي
نصيحة بقوله ليك وفي لحظات حرجة
حاولي أسمعيها
أول طيارة
والوالد عليها لأقرب مشفى كان مصر العارفاها ولا الأردن، وده أضعف الإيمان...
يعني لندن كان فيها طريقة يكون أحسن،،، ويكون المستشفى على علم والإسعاف في المطار.
تجربتي الشخصية
أنه لا يوجد أطباء (بالمعنى الإنساني ولا العلمي) في السودان...
يوجد تجار ورجال أعمال وحرامية...
سنة 96 من القرن الماضي.
كانت أمي خالت فاطنة بت محمدالحسن الله يديها الصحة والعافية ويطول عمرها تتعالج عند بروفسر ووووو الله يرحمه ولأكثر من خمسة سنوات وفي العيادة الخاصة وصرفت دم قلبها ونخاع عظمنا في ذلك العلاج،،، ولتشخيص البروف مشاكل في الجهاز الهضمي،،، وهات يا مقابلات وأدفع في العلاج والتحاليل والصور وخلافه....
بقدرة الله تتعب وعادل أخوي يشيلها في عربيته ولخوفه وهلعه يخشى حدوث شيء لا قدر الله من طول الرحلة من الشعبية للخرطوم حيث عيادة البروف وقد يكون هلعاً أو فلساً من قيمة الوصول للبروف.
آثر أن يعرضها على طبيب جديد لسه فاتح عيادة جنب الشعبية....!!!!
دخل على الطبيب المستجد...
وبسرعة سرد له التاريخ المرضي والبروف المعالج،، ظناً منه أنه يسهل على الطبيب المهمة؟؟؟
طلب الطبيب من الوالدة الصعود إلى طاولة الكشف (أستغربت لأن سعادة البروف لم يطلب هذا طوال الخمس سنوات)؟؟؟
كشف على الصدر بالسماعة...!!!!
عاد إلى أخي عادل سائلاً: قلت لي أمك دي بتتعالج من مشاكل في الجهاز الهضمي عند البروف ؟؟؟
قال نعم... متعجباً من السؤال...
طلب منه الطبيب عمل رسم قلب لأن أمك عندها مشكلة في الصمام الأورطي للقب؟؟؟ (ليتيقن من تشخيصة خاصة وأنه أمام تحدي من أستاذه البروف ...)...
وبالفعل تم رسم القلب الذي جاء مؤيداً لتشخيص الطبيب حديث التخرج والذي أستخدم السماعة فقط.
في شتاء 97 تم إجراء العملية بمستشفى الملك خالد الجامعي...
قبل العملية وخلال فترة التشخيص والتحضير للعملية الكبرى والتي أستغرقت حوالي 7 ساعات.
أستشاريان سودانيان بذات التخصص وخلال المقابلة الأولى وهما يتناقشان في التقارير التي حملتها لهما والمعدة من قبل البروف وهو أستاذهما في طب جامعة الخرطوم لأن وقت تخرجهما لم يكن هناك سواها.
كان تعليق أحدهما: بروفسر ده خرف ولا بقى حصالة؟؟؟
المهم في كل هذا ما أشرت إليه أعلاه،،، أخرجي والدك من بلاد التجار الجهلة والمشعوزين من الأطباء وبكل أسف هي بلدنا ووطننا ومرتع صبانا وشبابنا،،،، ولكن ما يحدث بها الآن غريب علينا...
الشايقي
http://www.youtube.com/watch?v=WjNosdjuv7s
فاوضني بلا زعل
[email protected]
http://alkatwah.com
.
|
Post: #20
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: مزمل خيرى
Date: 05-17-2009, 10:25 PM
Parent: #19
الف سلامة للوالد ، ربنا يعجل الشفاء ..
|
Post: #21
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: Dr. Moiz Bakhiet
Date: 05-17-2009, 10:34 PM
Parent: #20
ألف ألف سلامة للوالد يا نادية
أرسلي لي مسج على تلفوني في البحرين وسأتصل عليك
لأنو تلفونك العندي يبدو انو قديم
ما يشوف شر يا رب
|
Post: #25
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: علاء الدين حيموره
Date: 05-17-2009, 11:16 PM
Parent: #21
| Quote: كامل العشم في رحمة الله فهو العظيم الحنين الكريم |
ونعم بالله
وربنا يلطف بيه ويواليه بالعافية ...
قلوبنا معه وربنا يتقبل الدعاء
|
Post: #26
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: Yassir Tayfour
Date: 05-18-2009, 03:39 AM
Parent: #25
شفى الله والدك الحبيب يا ناديَّة..
|
Post: #28
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: الحارث سرالختم عبد الله
Date: 05-18-2009, 04:18 AM
Parent: #26
شفى الله والدكم وشمله بعنايته وربنا يعينكم
ابوختم
|
Post: #55
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: نادية عثمان
Date: 05-18-2009, 09:37 AM
Parent: #28
الاخوان الاعزاء
علاء الدين حيمورة
ياسر طيفور
الحارث سر الختم عبد الله
ربنا يعزكم يارب ويديكم على قدر نيتكم البيضاء وماتشوفوا شر يارب
|
Post: #37
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: Mahmoud Mustafa Mahmoud
Date: 05-18-2009, 06:08 AM
Parent: #21
ألف ألف سلامة للوالد يا نادية
شايفة يا نادية الله دا كريم كيف؟؟
بروف معز شخصياً قال ليك:
Quote: أرسلي لي مسج على تلفوني في البحرين وسأتصل عليك
لأنو تلفونك العندي يبدو انو قديم
ما يشوف شر يا رب |
أعتبري الموضوع محلول..
موش الناس لما يكونوا في وضع استغاثة بيقولوا : "يا أبو مُرُوَّة"؟؟؟
البروف الحبيب دا "المروة" ما فاتتو شبر...
ركزي مع البروف..وخلي البوست دا للدعوات بعاجل الشفاء..
تحياتي...
|
Post: #48
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: نادية عثمان
Date: 05-18-2009, 08:04 AM
Parent: #21
الأخ والصديق والطبيب الإنسان في زمن اللاإنسانية
د. معز الغالي
تسلم من كل شرور الدنيا يارب ومايشوفوا حبايبك شر
عاين
تلفونك في البحرين ضاع في تلفون إتسرق مني في السودان
ورقمي المعاي هو
00249918385502
منتظرة إتصالك
ودعواتك يامعز لعمك حاج عثمان الراجل الطيب سمح؟
|
Post: #46
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: نادية عثمان
Date: 05-18-2009, 07:41 AM
Parent: #19
الشايقي اخوي ود فاطنة أمي
كلامك بكاني بالحيل أكتر من بكاي بالزعل على أبوي
عاين
ليه بعض الدكاترة في بلدنا كده يا الشايقي ؟
مالهم ؟
ناقصهم شنو ؟ علم ولا ضمير ؟
بركة اللحقتو امي فاطنة الغالية ويارب نلحق أبوي بعد ده
ماتقلق تاني مابنصبر أخوي وخلاص بجهز في ورقو للسفر باذن الله
دعواتك وتحيات من ناس الشعبية جميعهم
تسلم يارب
|
Post: #93
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: Al-Shaygi
Date: 05-19-2009, 05:00 AM
Parent: #46
>
في البدء
دعواتي القلبية الصادقة للوالد بعاجل الشفاء
وعجلي السفر قدر الإمكن وإنشاء الله أزمة وتعدي
Quote: عاين
ليه بعض الدكاترة في بلدنا كده يا الشايقي ؟
مالهم ؟
ناقصهم شنو ؟ علم ولا ضمير ؟...
|
الإثنين العلم والضمير...
الغريب أنه التصرفات دي ما بنلقاها إلا عند أطباء الداخل...
الأغتربوا وعاشرناهم في الغربة غير كدة تماماً
علم وفهم وأدب وضمير عالي جداً...
قريباً لي أستشاري كبير وكوز
في مناسبة عائلية وبحضوره
شقيقتي وقعت وأغمي عليها
جروا الناس للإستشاري ،،، وكان يهم بالمغادرة...
ألحق يا دكتور نورة وقعت غمرت..!!!
رد دون أكتراث وهو يركب الفاهة: رشوها بي موية بتبقى كويسة،،،
ومازالت نورة تعاني من أثار الحدثة وتعالج منذ سنوات عديدة
يعني المسألة كانت أكبر من رشة موية
لكن يظهر أنه الحالة ما في العيادة وإذا كشف عليها ح يكون الكشف ملح...
الشايقي
http://www.youtube.com/watch?v=WjNosdjuv7s
فاوضني بلا زعل
[email protected]
http://alkatwah.com
.
|
Post: #27
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: عاطف عمر
Date: 05-18-2009, 04:15 AM
Parent: #1
اللهم أنت وحدك الشافي
شفاؤك التام
ولطفك الظاهر والخفي
عزيزتي نادية
سافري بالوالد على جناح السرعة
وسوف يرجع بحول الله في أتم صحة وعافية
قلوبنا معك
|
Post: #29
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: Rashid Elhag
Date: 05-18-2009, 04:42 AM
Parent: #27
اللهم أشفه يا ارحم الراحمين
انت الشافي يا كريم ...
شفاءآ لا يغادر سقمآ....آمين
|
Post: #30
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: Manal Mohamed Ali
Date: 05-18-2009, 04:53 AM
Parent: #29
قلبي معاك يانادية
ربنا يقويهو على المرض
الوالد عزيز يانادية على الروح وانت روحك رهيفة وحساسة .الله يطمنك عليه
|
Post: #52
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: نادية عثمان
Date: 05-18-2009, 08:44 AM
Parent: #30
الأخوان الأعزاء
عطف عمر
راشد الحاج
و
الحبيبة منال محمد علي
تسلموا من كل شرور الدنيا يارب
وماتشوفوا شر في حبايبكم إن شاء الله
|
Post: #31
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: mohamed elshiekh
Date: 05-18-2009, 05:38 AM
Parent: #27
اللهم يا شافي يا معافي، يا ربنا يا رب الناس، أذهب عنه البأس
واشفه شفاء لا يغادر سقما، برحمتك يا أرحم الراحمين ...
أمين يارب
الاخت ناديه
اسأل الله الشافى ان يعجل بشفاء الوالد
وان يطمئنكم عليه ..
|
Post: #33
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: علاء الدين يوسف علي محمد
Date: 05-18-2009, 05:48 AM
Parent: #31
الأخت الحبيبة نادية
فتّحتي علينا جروح و جروح فيما تتساءلين عنه
لي تجربة مريرة جداً بهذا الخصوص خلاصتها إنو دكاترتنا بيطششوا عين الزول للأسف
ما عارف لانعدام الجهزة التشخيصية الحديثة
أو لتواجدها لكن لشلاقة دكاترتنا اللي عايزين يشخِّصوا المرض جعلِية و هاشمية و رجالة بالإحساس و ما يسمونه الخبرة
أو لشنو ما عارف
مع إنعدام أدب الحديث و التخاطب مع المريض من بعض دكاترتنا
تخيلي لمن الدكتور يقول ليك في مريض عزيز لديك و أعزّ من روحك ذاتو لمن تمشي ليهو بي صورة للمراجعة:
هو الزول دة لحدي هسي عايش!!!؟
ربنا يشفي الوالد يا نادية
|
Post: #57
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: نادية عثمان
Date: 05-18-2009, 09:50 AM
Parent: #33
الأخوان الأعزاء
محمد الشيخ
و
علاء الدين يوسف علي محمد
تسلموا وماتشوفوا شر يارب
وياعلاء
عاين
هسي زي الدكتور ده موش مفروض يتعاقب من النقابة ؟!
بالله لو كنت مكاني وبكل توسّل قلت للدكتور يديك تلفونه
عشان حال الوالد المتدهور قام قال ليك
مابديك الرقم نهاااائي وأمش كان إتدهور أبوك
أكتر من كده جيبو تاني كان حايكون رد فعلك شنو ؟
أنا أغايتو مسكت روحي بالعافية من صرخة في وجه
الطبيب وطلعت من عيادتو وأنا
بقول ألف خسارة وحليل العيان في البلد دي ياخ !
دعواتك ياشقيقي
|
Post: #35
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: ASHRAF MUSTAFA
Date: 05-18-2009, 06:06 AM
Parent: #31
ربنا يشفي ليكي الوالد العزيز اختي نادية
ويقومه بالسلامة
ودعائنا دائما له
وربنا يصبرك علي آلامك وحسرتك
|
Post: #41
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: رغيم عثمان رغيم الحسن
Date: 05-18-2009, 06:42 AM
Parent: #31
ربنا ييأخد بى يدو ويشفيه
|
Post: #34
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: معتصم مكاوي
Date: 05-18-2009, 05:49 AM
Parent: #1
ماهو يا نادية ياختي
لمان يختفي الإنسان الجميل
وبذور خيره الأجمل
بعد داك تختفي كل القيم
ويصبح الإنسان مجرد آلة
لحصد الفلوس
فوق جماجم خلق الله
وإذ لم تستح إفعل ما شئت !!!
|
Post: #36
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: Nader Abu Kadouk
Date: 05-18-2009, 06:06 AM
Parent: #34
اللهم أشفه يا ارحم الراحمين
انت الشافي يا كريم ...
شفاءآ لا يغادر سقمآ....آمين
|
Post: #38
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: Zomrawi Alweli
Date: 05-18-2009, 06:24 AM
Parent: #36
يا زهرة نادية تحياتي لك بالعودة لارض الوطن
ودعواتي لوالدك الحبيب
اللهم انعم عليه بعاجل الشفاء
يا مجيب الدعاء
استجب لدعائنا وعافه ممن عافيت..
آمين
|
Post: #39
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: السمؤال بدرالدين
Date: 05-18-2009, 06:25 AM
Parent: #36
اللهم يا شافي يا معافي، يا ربنا يا رب الناس، أذهب عنه البأس
واشفه شفاء لا يغادر سقما، برحمتك يا أرحم الراحمين ...
|
Post: #40
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: ارصد محمد جلال
Date: 05-18-2009, 06:41 AM
Parent: #39
عاجل الشفاء للوالد
واجر وعافية ان شاء الله ..
|
Post: #42
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: عمر عبد الله فضل المولى
Date: 05-18-2009, 06:49 AM
Parent: #40
اسال الله له الشفاء العاجل
|
Post: #43
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: مدثر محمد ادم
Date: 05-18-2009, 06:57 AM
Parent: #42
عاجل الشفاء والصحة للوالد
امين
|
Post: #44
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: ابو جهينة
Date: 05-18-2009, 07:11 AM
Parent: #43
ألف سلامة يا نادية
البعض فعلا كما ذكرتِ
ربنا ياخد بيده و يشفيه و يطمن قلبك عليه.
|
Post: #47
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: عبد العظيم احمد
Date: 05-18-2009, 07:50 AM
Parent: #44
سلام نادية
وحمد لله على سلامة الوالد
حاولى تجيبى مصر
اذا كان حالتو بتسمح
عبد العظيم احمد
|
Post: #49
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: nadus2000
Date: 05-18-2009, 08:10 AM
Parent: #47
نبتهل إلى الله أن يمن عليه بالشفاء ويطمنكم عليه أختنا نادية...
|
Post: #51
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: ناصر النعمان البدوي
Date: 05-18-2009, 08:38 AM
Parent: #49
الأخت/ نادية
الدعوات الطيبات لولدكم الكريم بأن يسبغ الله عليه بنعمة الصحة والعافية
وأن يعود معافا كما كان أفضل من ذي قبل..
|
Post: #69
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: نادية عثمان
Date: 05-18-2009, 11:33 AM
Parent: #51
الأخوان الأعزاء
عبد العظيم أحمد
نادوس 2000
و
ناصر النعمان البدوي
جزاكم الله عنا خير الجزاء يارب
ويا عبد العظيم في محاولات جارية
عشان نجيبوا مصر وربك ييسر الأمور يارب
|
Post: #66
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: نادية عثمان
Date: 05-18-2009, 11:21 AM
Parent: #44
صديقي الريس جلال أبو جهينة
تسلم من كل شرور الدنيا يارب
تتذكر قلقك على الوالد لما في آخر لقاء
بينا في الإستراحة يوم التصوير قلت لي : أهم شئ الوالد ؟!
ياحليلو أتاريهو الوكت داك فعلا كان جاتلو جلطة
جديدة وأفقدته القدرة على الكلام والإبصار !
حاج عثمان مختار راجل طيب وجميل ياصديقي أدعو ربنا يشفيه يارب
مودتي وكامل تقديري الذي تعلم وطمني عليك
|
Post: #64
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: نادية عثمان
Date: 05-18-2009, 10:56 AM
Parent: #43
الأخوان الكرام
أرصد محمد جلال
عمر عبد الله فضل المولى
مدثر محمد آدم
كتر خيركم كتير وربنا يتقبل دعواتكم من أجل الوالد يااااارب
|
Post: #61
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: نادية عثمان
Date: 05-18-2009, 10:23 AM
Parent: #39
الأخوان الأعزاء
نادر أبكدوك
زمراوي
والسمؤال
ربنا يجزيكم خير الجزاء ويجعل الدعوات من نصيب الوالد يارب
|
Post: #58
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: نادية عثمان
Date: 05-18-2009, 10:02 AM
Parent: #34
أشرف مصطفى
رغيم عثمان رغيم
معتصم مكاوي
أخواني الأعزاء
تسلموا من كل شرور الدنيا يارب
ويامعتصم مكاوي
يعني الأطباء البشيلوا قروش قدر اللليلة وبكرة ماقلنا شئ
لكن كمان على الأقل قصاد القروش دي كلها يكون في حبة إنسانية بس ولا شنو ؟
يعني لا بعرف يعالج ولا عندو إنسانية كمان ؟
|
Post: #92
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: معتصم مكاوي
Date: 05-19-2009, 04:13 AM
Parent: #58
صدقتي يا نادية والله ..
بس وين الضمير الحي هسع ..
ربنا يجيب العواقب سليمة ..
قولي يارب ؟؟
|
Post: #73
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: فادية اليمني
Date: 05-18-2009, 01:34 PM
Parent: #34
ندوية
سلاماااااات
وربنا يشفي الوالد عاجل الشفاء
ويهون ليكم بالسفر
السفر السفر ثم السفر
يابتى لو حكيت ليك بالماساى مع الدكاتر هنا لم تحتارى فى عمرك
بس ده ما وقته اسه
قلبى معاك حبيبة
_______________________________
سعدت بشوفتك ولقائك
|
Post: #50
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: احمد العمار
Date: 05-18-2009, 08:21 AM
Parent: #1
العزيزة نادية تحياتى
سلامة الوالد ، ربنا يمن عليه بعاجل الشفاء
شدة و تزول ان شاء الله
أحمد العمار
|
Post: #53
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: ALZOLZATOO
Date: 05-18-2009, 08:48 AM
Parent: #50
العزيزة نادية
ندعو الله ان يشفي والدك
في السودان يوجد دكاتره كويسين علما واخلاقا بس للاسف هنالك اسماء معروفة ماعارف الصنعها منو تحجز وتقيف صف وفي الاخر تفاجا عند اول مقابلة وتقارن الاسم بالمسمى
كانت لي تجربة عند طبيب اطفال بشارع الثورة قالوا احسن طبيب اطفال ذهب له مع ابني الصغير مقابلته لاظن تفرق كثير من مقابلة ملك الموت المهم طلعت منو زي الطالع من طربيزة قمار عند ما لا يحالفك الحظ يعني مخروت خرت السنين بس كمان شهادة لله في نفس الاجازة ونفس الولد مشيت لي دكتور عيون بشارع كرري في سوق امدرمان رجل قديم وعيادة قديمة بس مقابلة في احسن مايكون وعلاج في احسن مايكون ورسوم معقولة.
حكى لي صديق الذي ذهب الى المانيا للعلاج قال ان الدكتور خرج له من داخل العيادة واستقبله زي البيعروفو ليهو سنين ودخل معه للعيادة وقال لي مسالوني من قروش الا بعد ان تميت جميع المقابلات وقالوا لي ممكن تدفع بي ياتو طريقة كاش كريدت كارد بالاقساط شيك فسبحان الله نحن عندنا الدفع قبل الكشف .
ربنا يتم الشفاء ان شاء الله
تحياتي
زاتوووو
|
Post: #54
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: فايزودالقاضي
Date: 05-18-2009, 08:51 AM
Parent: #50
الف الف سلامة للوالد ... وربنا يواليه بالعافيه ويديهو الصحة الدايمة ويبعد عنه كل سوء ...
فايز
|
Post: #56
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: السيد المسلمي
Date: 05-18-2009, 09:37 AM
Parent: #54
الف سلامة للوالد وربنا يعجل له بالشفاء
|
Post: #59
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: داليا حافظ
Date: 05-18-2009, 10:03 AM
Parent: #56
ربنا يطمنكم عليهو إن شاء الله وما تشوفو شر .
|
Post: #60
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: Ahmed Yousif Abu Harira
Date: 05-18-2009, 10:15 AM
Parent: #59
اللهم يا شافي
|
Post: #62
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: شول اشوانق دينق
Date: 05-18-2009, 10:24 AM
Parent: #60
الله يشفى الوالد يا نادية
|
Post: #63
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: هيثم درار
Date: 05-18-2009, 10:55 AM
Parent: #62
سلامة الوالد يا نادية
الهم اشفه شفاء لا يغادرسقمآ
|
Post: #65
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: baha eassa
Date: 05-18-2009, 10:56 AM
Parent: #62
والد نادية علي فراش المرض .. شفاه الله
|
Post: #67
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: باسط المكي
Date: 05-18-2009, 11:26 AM
Parent: #65
اللهم اشفيه اللهم اشفيه
ياشافي ياكافي ..
|
Post: #68
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: العوض المسلمي
Date: 05-18-2009, 11:32 AM
Parent: #67
اللهم اشف عمي عثمان وعجل له بالشفاء يارب
اللهم خفف مرضه ويسر له العلاج
,,,,,
لدي ثلاث ماسي مررت بها شخصيا علي ايادي اخصايين يقال عنهم بروف ,,,
ساحكيها لكم هنا واحكموا بعد ذلك ,,,
|
Post: #70
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: سيف الدولة كامل
Date: 05-18-2009, 12:07 PM
Parent: #68
ربنا يتولاه بالعافية ويطمئنك علي صحته
عليك بالصبر اخت نادية,, والدعاء
|
Post: #98
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: نادية عثمان
Date: 05-19-2009, 08:34 AM
Parent: #70
الأخ الأكرم سيف الدولة كامل
تسلم من كل شر يارب وكتر خيرك كتير والله
|
Post: #71
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: عوض محمد احمد
Date: 05-18-2009, 12:16 PM
Parent: #68
Quote: سنة 96 من القرن الماضي.
كانت أمي خالت فاطنة بت محمدالحسن الله يديها الصحة والعافية ويطول عمرها تتعالج عند بروفسر ووووو (داؤود) الله يرحمه ولأكثر من خمسة سنوات وفي العيادة الخاصة وصرفت دم قلبها ونخاع عظمنا في ذلك العلاج،،، ولتشخيص البروف مشاكل في الجهاز الهضمي،،، وهات يا مقابلات وأدفع في العلاج والتحاليل والصور وخلافه....
بقدرة الله تتعب وعادل أخوي يشيلها في عربيته ولخوفه وهلعه يخشى حدوث شيء لا قدر الله من طول الرحلة من الشعبية للخرطوم حيث عيادة البروف وقد يكون هلعاً أو فلساً من قيمة الوصول للبروف.
آثر أن يعرضها على طبيب جديد لسه فاتح عيادة جنب الشعبية....!!!!
دخل على الطبيب المستجد...
وبسرعة سرد له التاريخ المرضي والبروف المعالج،، ظناً منه أنه يسهل على الطبيب المهمة؟؟؟
طلب الطبيب من الوالدة الصعود إلى طاولة الكشف (أستغربت لأن سعادة البروف لم يطلب هذا طوال الخمس سنوات)؟؟؟
كشف على الصدر بالسماعة...!!!!
عاد إلى أخي عادل سائلاً: قلت لي أمك دي بتتعالج من مشاكل في الجهاز الهضمي عند البروف داؤود؟؟؟
قال نعم... متعجباً من السؤال...
طلب منه الطبيب عمل رسم قلب لأن أمك عندها مشكلة في الصمام الأورطي للقب؟؟؟ (ليتيقن من تشخيصة خاصة وأنه أمام تحدي من أستاذه البروف ...)...
وبالفعل تم رسم القلب الذي جاء مؤيداً لتشخيص الطبيب حديث التخرج والذي أستخدم السماعة فقط.
في شتاء 97 تم إجراء العملية بمستشفى الملك خالد الجامعي...
قبل العملية وخلال فترة التشخيص والتحضير للعملية الكبرى والتي أستغرقت حوالي 7 ساعات.
أستشاريان سودانيان بذات التخصص وخلال المقابلة الأولى وهما يتناقشان في التقارير التي حملتها لهما والمعدة من قبل البروف وهو أستاذهما في طب جامعة الخرطوم لأن وقت تخرجهما لم يكن هناك سواها.
كان تعليق أحدهما: بروفسر داؤود ده خرف ولا بقى حصالة؟؟؟ |
الشايقى
سلام
هل الطبيب المعنى هو فعلا البروف داود مصطفى؟
اذن فاخشى ان تكون قد ظلمته ظلما مبينا لان هذا الطبيب لم يعمل يوما واجدا فى
جياته فى عيادة خاضة. بل حتى الاقسام الخاصة داخل المستشفيات كان يرفض العمل فيها
و ما يشكك فى الرواية هو الا يكون داوود قد كشف يوما على مريض له فى خلال خمسة اعوام
و هو المعروف بتشدده و قضائه الفترات الطويلة مع مرضاه (مما يجلب ملل طلابه) و هناك طرايف فى هذا الامر
لا اشكك فى روايتك. انما اشكك فى نسبتها لبروف داوود!
|
Post: #72
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: امير مصطفى احمد
Date: 05-18-2009, 01:11 PM
Parent: #71
اختي نادية
ربنا يشف الوالد ويديم عليه الصحة والعافية .
تجربتي مع اطباء المخ والاعصاب بالسودان قريبة من تجربتك لذا فضلت ان اعمل زيارة للوالدة لتحضر وتعمل عملية في احد المستشفيات الخاصة بجدة وهي الان في اتم الصحة والعافية .
يمكن ان ازودك بهاتف الدكتور المعالج وهو شاطر جداً ، كما يمكنني ان ابدأ معك اي اجراءات تحتاجينها للتواصل معه .
هاتفي
00966562997125
|
Post: #75
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: إبراهيم عبد الحليم
Date: 05-18-2009, 01:46 PM
Parent: #72
Quote: حكى لي صديق الذي ذهب الى المانيا للعلاج قال ان الدكتور خرج له من داخل العيادة واستقبله زي البيعروفو ليهو سنين ودخل معه للعيادة وقال لي مسالوني من قروش الا بعد ان تميت جميع المقابلات وقالوا لي ممكن تدفع بي ياتو طريقة كاش كريدت كارد بالاقساط شيك فسبحان الله نحن عندنا الدفع قبل الكشف .
ربنا يتم الشفاء ان شاء الله
تحياتي
زاتوووو |
صاح الطبيب عندنا هنا فى المانيا بعاملك كزبون ثم مريض لانو لو عاملك سئ بتمشى وما بتجيهو راجع وهو عايز يحافظ عليك لأنك مصدر دخله والأ حيفلس
لتسديد القروش هنا عندنا فترة 4 أسابيع للدفع على حسب القانون وبعداك بجيك الأنذار الأول ومعاه غرامة 5 يورو وفى حالة برضو عدم الدفع بجيك جواب من محامى وبداية قضية قانونيةالخ
هذا الكلام ينطبق فقط على السواح أو الناس الما عندهم تأمين
لكن 97 فى المائة من الشعب اللألمانى عندهم تأمين صحى والطبيب بيحاسب التأممين مش المريض وبالمناسبة تعداد الشعب اللألمانى 86 مليون كلهم مؤمنين وتتعالج فى أى مكان وعند اجعص جعيص شوف العدالة الأجتماعية والله هذا هو سبب بقائى هنا العدالة والأخلاق
إبراهيم عبد الحليم
|
Post: #113
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: نادية عثمان
Date: 05-19-2009, 12:21 PM
Parent: #72
الأخ أمير مصطفى أحمد
تسلم يارب
وأنا بالفعل بحاول أرسل الاوراق لبعض الاطباء في المملكة ومختلف
دول أخرى وربنا ييسر الأمور
إنت بس ماتحرمنا من طيب الدعوات وربنا يقدرنا على جزاك يارب
|
Post: #172
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: Al-Shaygi
Date: 05-22-2009, 02:55 PM
Parent: #71
>
عوض محمد احمد
عفواً حدث لبس في الإسم وقد سحبته من المداخلة الأصلية بعد أن تحققت من إسم الطبيب الحقيقي وهو أيضاً قد توفى ولا تجوز عليه سوى الرحمة،،، وأحتفظ بالاسم ولا داعي لنشره ....
(الخطأ ناجم عن بعدي عن السودان لفترة تزيد عن 30 عام....
أعتذر عن هذا الخطأ الجسيم في حق الراحل بروفسر داؤود رحمه الله...
شكراً على الملاحظة القيمة
الشايقي
http://www.youtube.com/watch?v=WjNosdjuv7s
فاوضني بلا زعل
[email protected]
http://alkatwah.com
.
|
Post: #94
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: نادية عثمان
Date: 05-19-2009, 07:48 AM
Parent: #68
المسلمي
سلامات
إنت غايتو مرة جيت القاهرة ( عينك) منتهية والله ستر وشفاك
تعال كده أحكي لينا خلينا نحاول نعرف الخلل وين وأسبابو شنو في الطب في بلادنا دي؟
تسلم من كل شرور الدنيا وجزاك ربي كل الخير يارب
|
Post: #95
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: نادية عثمان
Date: 05-19-2009, 08:18 AM
Parent: #67
الأعزاء شول أشوانق
هيثم درار
باسط المكي
تسلموا من كل شر وربنا يجعل دعواتكم من نصيب الوالد يارب
بهاء
شكراً على إيراد صورة الوالد وجميل دعواتك بالشفاء ياشقيقي
|
Post: #89
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: نادية عثمان
Date: 05-18-2009, 11:12 PM
Parent: #60
الأعزاء
داليا حافظ
السيد المسلمي
و
أحمد يوسف أبو حريرة
ربي يحفظ حبايبكم من كل شر يارب
تسلموا
|
Post: #77
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: نادية عثمان
Date: 05-18-2009, 02:26 PM
Parent: #56
الأخوان الكرام
الزول زاتو
فائز ود القاضي
السيد المسلمي
تسلموا وماتشوفوا في حبايبكم شر يارب
ويازول زاتو
ربنا فاتحها على الألمان عشان بتعاملوا مع المرضى بانسانية كتر خيرهم والله
|
Post: #74
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: نادية عثمان
Date: 05-18-2009, 01:45 PM
Parent: #50
الحبيبة فادية اليمن
العزيز أحمد العمار
وأصلوا الدعوات من أجل الوالد الحبيب
يافادية أنا الأسعد بلقائك والله
وربنا ييسر أمورنا ونسافر يارب ..دعواتك
|
Post: #76
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: إبراهيم عبد الحليم
Date: 05-18-2009, 02:20 PM
Parent: #74
الأخت نادية
أعتقد أقتراح بروف معز ممتاز فأنا لست بطبيب
القدرت أفهمو من المداخلات المتعددة انو شدة الأنسداد مع قوة إندفاع الدم أدى إلى إنفجار شريان فى الرأس وهو النزيف الحالى لذلك انتم الآن مع طبيب مخ وأعصاب وليس أخصائى قلب
كذلك القدرت أفهمو أن طبيبكم الحالى معطى أولوية لأيقاف النزيف قبل علاج الجلطة
هل هذه الأستراتيجية صاح بروف معز بريحك بالأجابة؟
أنا أعتقد أنو صاح!!!
الشلل وتوابعه النقطة دى ما تشيلى ليها هم عادة بينحسر شوية شوية بس قولى يا قادر يا كريم
إبراهيم عبد الحليم
|
Post: #78
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: أيمن دياب
Date: 05-18-2009, 03:00 PM
Parent: #76
شفاه الله وعافاه وجعل ماضي آلامه في ميزان حسناته..
دعواتنا له بكمال العافية وتمام الشفاء..
تجارب المرض والعلاج في السودان فعلاً مؤلمة ومخزية..
بعد أن طغى الجانب التجاري على الجانب الإنساني..
مستوصفات تعلن في الجرايد وكأنها محلات تجارية..
عندناأشعة وعندنا موجات فوق الصوتية.. وعندنا جهاز شنو وجهاز شنو..
وخدماتنا فندقية وممرضاتنا من الفلبين..
بس انتو تعالوا وادفعو وشوفو بنفسكم..
قمة المأساة أن يكون المال هو الهدف من عملية العلاج والاستشفاء..
لك الله ياشعبي.. وللعم عثمان الدعوات الصادقة بالشفاء..
|
Post: #79
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: آدم صيام
Date: 05-18-2009, 03:04 PM
Parent: #78
العزيزة نادية أسال الله العلي القدير أن يمنح والدك ووالدنا الشفاء العاجل
يا شاف يا عظيم
| Quote: حزن وإحباط يصل درجة السخط من (بعض) أطباء المخ والأعصاب في بلادي!! |
أطباء المخ جزء من نتاج المؤتمرات الترليون التي أقامها النظام العنصري البغيض من أجل تركيع الشعب وتجميل وجهه الذي بلا وجه
كيف يأأختي نادية الآن! تأمرون بالمعروف وتنسون أنفسكم؟
ألم يكن المؤتمر الصحفي –برعاية الرئيس- دعك من مسحولي الغرب والشرق والشمال نفاق لمحو الحق بالباطل ؟
ما الذي أجبرك لمشاركة أطباء المخ المحبطين في المؤامرة على والدك الحبيب؟
|
Post: #80
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: السيد المسلمي
Date: 05-18-2009, 03:16 PM
Parent: #79
اري ان يوضع الموضوع للدراسه والمناقشه
حتي لاتتكرر مثل هذه المأسي
التعديل لإضافة حرف
|
Post: #81
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: الحاج حمد الحاج
Date: 05-18-2009, 05:40 PM
Parent: #80
الأخت نادية عثمان
تمنياتي و دعواتي لوالدك بالشفاء..تمنيات و دعوات مجموعة من أبناء الشعبية للوالد بالشفاء
|
Post: #83
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: شهاب الفاتح عثمان
Date: 05-18-2009, 06:32 PM
Parent: #81
عزيزتنا الغاليه.. الف لا باس عليه ,
ونتمنى له عاجل الشفاء , ما ذكرتيه عن حالته يحتاج الهدوء والمزيدمن نور العلم والفحوصات,
اذا قابلت ما تريه سخف في لحظه توتر منك الان تجاوزيه فليس هذا زمانه! ,
ربنا يطمنك على والدك ويرد له عافيته بإذنه الشافي.
___________________________________________________________
ليتهم يعلمون ان عمر اللحظـه في بعـدك يا خـرطـوم سنين طـوال.
د شهـاب الفاتح
|
Post: #104
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: نادية عثمان
Date: 05-19-2009, 10:00 AM
Parent: #83
د. شهاب الفاتح
تسلم من كل شر يارب
وكتر خيرك كتير
|
Post: #99
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: نادية عثمان
Date: 05-19-2009, 09:34 AM
Parent: #81
الحاج حمد
تسلم أخوي ويسلموا ناس الشعبية كلهم يارب
تحياتي وتسلم يارب
|
Post: #102
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: نادية عثمان
Date: 05-19-2009, 09:53 AM
Parent: #80
سيد المسلمي أخوي العزيز
تسلم يارب
وفعلا مسألة لا إنسانية بعض الأطباء في بلادي تحتاج نقاش ووقفة !
|
Post: #87
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: نادية عثمان
Date: 05-18-2009, 10:59 PM
Parent: #79
الأخ الأكرم آدم صيام
شكراً جميلاً لدعواتك الطيبات لوالدي الحبيب وماتشوف شر يارب
أما بقية كلامك أخي الأكرم فحقيقة لم أفهم منه شئ
وللصراحة لا أريد أن أفهم شئ سوى مرض والدي وكيفية علاجه
وأعتقد أن ليس لمرض والدي علاقة بالسياسة .. وشكراً !!
وربنا يحفظ جميع أحبابك وكن بألف خير
|
Post: #100
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: العوض المسلمي
Date: 05-19-2009, 09:34 AM
Parent: #79
الاخ ادم صيام سلام
توقفت كثيرا عند حديثك هذا :
Quote: أطباء المخ جزء من نتاج المؤتمرات الترليون التي أقامها النظام العنصري البغيض من أجل تركيع الشعب وتجميل وجهه الذي بلا وجه
كيف يأأختي نادية الآن! تأمرون بالمعروف وتنسون أنفسكم؟
ألم يكن المؤتمر الصحفي –برعاية الرئيس- دعك من مسحولي الغرب والشرق والشمال نفاق لمحو الحق بالباطل ؟
ما الذي أجبرك لمشاركة أطباء المخ المحبطين في المؤامرة على والدك الحبيب؟ |
الست ببشر انت ؟؟؟؟
الا تعرف ان للمرض حرمه ,؟؟؟
ام تريد ان تقول كلامك هذا بغض النظر عن الحاله المرضيه التي امامك ؟؟؟
صراحة اتمني ان تسحب مداخلتك هذه فليس هذا وقتها ولا مكانها ,,,
|
Post: #119
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: نادية عثمان
Date: 05-19-2009, 03:23 PM
Parent: #76
الأخ الأكرم إبراهيم عبد الحليم
تسلم يارب
ونحنا بالفعل مع أخصائي مخ وأعصاب وليس قلب
ومسألة إنفجار شريان ولا إنسداده وأردة
لكن وينو الطبيب البوريك الحاصل بالضبط ؟!!
الله في
|
Post: #82
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: Adil Osman
Date: 05-18-2009, 06:25 PM
Parent: #1
| Quote: حاج عثمان مختار راجل طيب وجميل |
ربنا يلطف بالوالد ويشفيهو.. لا تقلقى يا نادية
|
Post: #84
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: ناجية مصطفى
Date: 05-18-2009, 06:51 PM
Parent: #82
الأخت العزيزة نادية عثمان
ما تشوفى شر فى الوالد يارب ولا تياسى من رحمة رب العالمين
وهو الشافى لا شفاء إلا بيده وهو قادر على كل شى
أنا قبل شهرين مريت بنفس المحنة وشوفت الويل فى السودان
لكن برحمة رب العالمين ووقفة بعض الأخوان فى هذا المنبر
وصبرناعلى البلاء الحمد لله اتجاوزنا المحنة بسلام
ربنا اشفيه وعافيه
|
Post: #85
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: ناذر محمد الخليفة
Date: 05-18-2009, 07:02 PM
Parent: #82
الف سلامة للوالد ، ربنا يعجل الشفاء ..
|
Post: #88
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: نادية عثمان
Date: 05-18-2009, 11:07 PM
Parent: #85
الأعزاء
عادل عثمان
ناجية مصطفى
و
ناذر الخليفة
تسلموا من كل شر يارب
وياناجية المغصة كاتلاني الله لا وراك تاني يارب !
|
Post: #180
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: ذواليد سليمان مصطفى
Date: 05-23-2009, 09:55 PM
Parent: #88
اولا يا اختى نادية:
نسال الله الشفاء العاجل
واللهم رد صحة العم عثمان الى احسن حال من الاحوال
اللهم الزمه بالصبر واجعل له المرض كفارة ومغفرة الى الله
اللهم انت الشافى
ــــــــــــــــــــــــــــــــــــــــــــــــــــــ
بخصوص الاطباء فى السودان !
اذا اردت ان احكي لك الماسئ الاليمة والورطة
نسال الله الصبر
فى مركز الخرطوم التخصصى واجهتني الكبرياء والعنترية فى اطباء بلا هوية،وكان ذلك عام 2001م عندما كان والدى طريح الفراش الى ا نتقل الى جوار ربه والاعمار بيد الله.
اهمال وعدم اهتمام فى حق المريض
كلها فشل فى فشل
ذرئعة لانتحال شخصية الطب
كنت بوعدهم بالضرب اذا حصل اى مكروه
وفعلا فى يوم السابع من اكتوبر 2001م انتقل والدى الى رحمة الله
وكل شئ بيد الله
الواحد مؤمن تماما بقدرة الله والقضاء والقدر
ولكن بسبب الاهمال والتاخير
عندما كانت حالته سئية للغاية
اتصلت هاتفيا الى الاطباء فلم يستجيبو وكان ذلك اكثر من ثلاثة مرات
وفى المرة الاخير وبالرغم من وجود الاسانسير اضطررت النزول بالسلم من الطابق الثالث
فحضرت الدكتورة
وعندما سالتها عن الحاصل لاتريد ان تجيب الى بعد الهرشة فقالت البركة فيكم
لحظات مرة عشتها فى مركز الخرطوم الطبي سابقا والان هو مركز ابن الخلدون
بس القصة قضية وطويلة فحصل منى ما حصل
واتمنيت لو كان فى بلاغ موجه ضدى
وكفى الله المؤمنين شر القتال
|
Post: #184
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: نادية عثمان
Date: 05-23-2009, 11:31 PM
Parent: #180
الأكرم ذو اليد مصطفى
سلامات
وربنا يرحم الوالد ويسكنه فسيح الجنات يارب
وحقيقة والله نحنا بنمش للأطباء ومتوسمين فيهم أنهم ملائكة الرحمن على
الأرض وفعلاً فيهم الأطباء الإنسانيين لكن كمان البعض منهم أجارك الله !!
والله لولا حبة صبر وإيمان بالله ماعارفة الواحد كان مات من الغم ولا شنو !!
الله في غايتو ونقول الحمد لله بس !
|
Post: #185
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: سناء عبد السيد
Date: 05-23-2009, 11:41 PM
Parent: #88
ربنا يواليه بتمام العافية يا نادية
|
Post: #187
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: نادية عثمان
Date: 05-24-2009, 09:32 AM
Parent: #185
الحبيبة
سناء السيد
تسلمي من كل شر يارب
|
Post: #197
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: شهاب الفاتح عثمان
Date: 05-25-2009, 11:22 AM
Parent: #88
عزيزتنا الغاليه.. الف لا باس عليه ونتمنى لوالدنا
عاجل الشفاء, عزيزتي وهذه وجهه نظر بعض زملائي الاختصاصين
1اختصاصيي السودان اكثر اختصاصيي العالم انسانيه , اختصاصيي العالم يتعاملون
مع المرضى تحت مظله القانون المهني فقط.
2 لا يمكن الحكم على انسانيه شخص لمجرد عدم منحه رقم تلفونه الخاص!.
3 مثل هذه الحالات في الطب عموما تحتاج الي زمن لاتمام الشفاء , ننصح بالصبر
ومواصله المعاوداه في الداخل.
___________________________________________________________
ليتهم يعلمون ان عمر اللحظـه في بعـدك يا خـرطـوم سنين طـوال.
د شهـاب الفاتح
|
Post: #198
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: نادية عثمان
Date: 05-25-2009, 12:00 PM
Parent: #197
د. شهاب الفاتح عثمان
سلام وتقدير ليك وللأطباء زملائك أصحاب الرسالة الكتبتها هنا
أولا .. أنا عند رأئي في أن ( بعض) الأطباء من ذوي
تخصص المخ والأعصاب تحديداً الإتعاملت معاهم في مرض الوالد لا إنسانيين !
وبقولها بالصوت العالي وماظالماهم لأنو أنا
أدرى بالطريقة الإتعاملوا بيها معنا وماحكيتها هنا تفصيلاً !!
وماممكن تختزل البوست ده كلو ومداخلاتي فيهو ياد. شهاب أنت وزملائك في إنو ( زعلة) مني عشان الدكتور رفض يديني تلفونه ( الخاص) زي ماكتبت وكمان خاتي علامة تعجب !!!!
يعني هسي أنا بس زعلت ووصفته أنه ما إنساني عشان رفض يديني تلفونه ( الخاص) ؟ !!
بس ده كل الموضوع الخلاني أصف بعض الأطباء في بلادي بعدم الإنسانية ؟
معقولة يعني ده الطلعت بيهو من البوست ياد. شهاب ولا شنو ؟!
عامة في مصر القريبة دي وديت أبوي قبل كده وعالجتو
وعالجنا الكثير من مرضانا هناك فكان أول مايفعله الطبيب
عند مغادرتك عيادته الخاصة هو إعطائك كرته وفيه كل عناوينه وأرقام هواتفه !
تفتكر ذوي المريض بيطلبوا رقم تلفون الطبيب المعالج لمريضهم
عشان ( يشاغلوه) مثلاً ولا يقلقوا منامه ؟!
لا .. ياد. شهاب .. نحن عندما نطلب رقم الهاتف توسلاً من الطبيب
فهو من باب قلقنا المشروع على مريضنا الذي يقوم
بعلاجه هذا الطبيب ليس إلا وحتى نستنجد به حال
حدوث طارئ ليقوم بتوجيهنا حتى لأقرب مستشفى يعرف هو إمكانياتها لنلحق المريض ..!
وعامة
بالنسبة لأبوي الموضوع منتهي والحمد لله ..
أبوي ماشي يتعالج في مصر والرايدو ربنا بيكون
ولا دايرين أرقام تلفونات( خاصة) ولا عامة
من أي طبيب وكفى الله المرضى وذويهم شر الإحباط !!
هذا مع كامل تقديري وإحترامي لك ولزملائك ولكل أخصائي يعمل بوازع من ضميره وإنسانيته
وكن ومن معك بألف خير
|
Post: #86
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: othman mohmmadien
Date: 05-18-2009, 07:28 PM
Parent: #82
ربنا يلطف بالوالد سميي "عثمان"
نسال الله العظيم رب العرش الكريم ان يشفيه وان يجمع له بين الاجر والعافية ...
نسأل الله عز وجل لك التوفيق والسداد في علاجه في اي مكان في هذه الدنيا وأن يشرح صدرك وصدره وأن ييسر
أمرك وأمره
لا حول و لا قوة إلا بالله .... !
نسأل الله له الشفاء العاجل ،،،،،
الله يصبره على البلاء و يصبر ذويه
اسال الله العظيم رب العرش العظيم ان يشفيه ويعافيه
اسال الله العظيم رب العرش العظيم ان يشفيه ويعافيه
اللهم أرجعه لأحبائه سالماً غانماً معافاً من كل سقم ومرض
اللهم أعده إليهم معافى ( اللهم آمين اللهم آمين اللهم آمين )
|
Post: #90
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: حبيب نورة
Date: 05-18-2009, 11:35 PM
Parent: #86
منتهي الأحباط
|
Post: #91
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: محمد عثمان محمد طه
Date: 05-19-2009, 01:28 AM
Parent: #90
الأخت العزيزة نادية
دعواتنا للوالد
(( , بسم الله
بسم الله
بسم الله
,, أعوذ بالله وقدرته من شر ما أجد وأحاذر
أعوذ بالله وقدرته من شر ما أجد وأحاذر
أعوذ بالله وقدرته من شر ما أجد وأحاذر
أعوذ بالله وقدرته من شر ما أجد وأحاذر
أعوذ بالله وقدرته من شر ما أجد وأحاذر
أعوذ بالله وقدرته من شر ما أجد وأحاذر
أعوذ بالله وقدرته من شر ما أجد وأحاذر))
(( اللهم رب الناس ، أذهب البأس ، أشف أنت الشافى لا شفاء إلا شفاؤك شفاء لا يغادر سقماَ )).
|
Post: #96
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: العوض المسلمي
Date: 05-19-2009, 08:19 AM
Parent: #91
لقد وعدت في مداخلة سابقه في هذا البوست بان احكي لكم ثلاث مأسي مررت بها ,,
الاولي :
ذهبت بابني البكر الذي كان يعاني من ملاريا الي اختصاصي اطفال شهير بمدينة امدرمان شرق بيت الزعيم الازهري ,,
وبعد ان وضع ذلك الاختصاصي سماعته علي صدر ابني فاجاني بحديث اصم اذني وادمع عيني ام ولدي ..
قال لي ان ابنك قلبه مثقوب ,,,ووضع السماعه علي اذني وقال لي اسمع بنفسك !!!!
وكاني طبيب افهم لغة السماعه !!!
وقال لي ان ابك هذا محتاج لعملية مستجله لسد الثغب والا مات قريبا جدا !!!
مع اني اخبرته ان ابني هذا طبيعي في لعبه مع الاطفال ولم يحدث ان دخل في غيبوبه في حياته وانه يعيش كاقرانه تماما ,,
وامام اصرار الطبيب علي حديثه ذهبت الي المركز الطبي الحديث وقابلت اختصاصي القلب به وبعد عمل الفحوصات اللازمه
كان تقرير المركز ان ابني سليم ولا عله به ابدا ,,,
تخيلوا لو لم تتمالك امه نفسها وانزل الله سكينه وصبرا في قلبها فكيف كان سيكون حالها ,,,
والان احكي لكم هذه القصه وقد وقعت قبل ثمان سنوات من اليوم ,,
ولله الحمد ما شعر ابني بشئ مما قاله ذلم الاختصاصي الشهير ,,,
|
Post: #97
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: خدر
Date: 05-19-2009, 08:24 AM
Parent: #96
عاجل الشفاء يا نادية
و ابعدي قدر الامكان من الاحباط
و الله في
|
Post: #101
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: naeem ali
Date: 05-19-2009, 09:38 AM
Parent: #97
ناديه حمدالله علي السلامه في الاول
وربنا يقوم الوالد بالسلامه
ويطمنكم عليه...
________________________________
الاحباط كبير لكن الله في
وبكرة احلي...
|
Post: #103
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: محمد خليل إسماعيل
Date: 05-19-2009, 09:56 AM
Parent: #101
الاخت الفاضلة نادية
أختي لا تيأسي من رحمة الله فالله هو الشافي من كل داء
عليك بإتخاذ خطوات فورية لسفر الوالد .
ونسال الله رب العرش العظيم أن يشفيه من كل دا وهو القادر
على كل شي والقاهر فوق عباده .
------------------------------------------------------
ربنا الله الذي في السماء تقدس اسمك وأمرك في السماء والأرض
كما رحمتك في السماء فاجعل رحمتك في الأرض واغفر لنا حوبنا
وخطايانا أنت رب العالمين . اللهم أنزل رحمة من عندك وشفاء
مــن شفائك على والد إختنا نادية ..... آآآمين .
ابوشهد
|
Post: #105
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: عبد الدائم سيد أحمد
Date: 05-19-2009, 10:05 AM
Parent: #103
اللهم رب الناس ... مذهب البأس ... اشف انت الشافى
لا شافى الا انت ... شفاء لا يغادر سقما .
ــــــــــــــ
تلفونك لا يمكن الوصول اليه
ارسلت ليك رسالة الصباح
خالص الود
|
Post: #110
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: نادية عثمان
Date: 05-19-2009, 11:45 AM
Parent: #105
الأخ العزيز عبد الدائم سيد أحمد
سلامات ياقريبي
وشكراً على رسالتك ودعواتك الطيبات
لقيت الرسالة في الموبايل الآن
عارفاك مابتقصر والله ووأصل الدعاء للوالد فهو يحتاجها
والآن التلفون مفتوح وتسلم يارب
|
Post: #106
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: عبد اللطيف بكري أحمد
Date: 05-19-2009, 10:06 AM
Parent: #103
كل الدعوات للوالد العزيز بالسلامة والمعافاة ،،
الله خذ بيده وعجل شفاءه يالله،،
|
Post: #141
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: نادية عثمان
Date: 05-20-2009, 10:38 PM
Parent: #106
الأخ الاكرم عبد اللطيف بكري أحمد
تسلم على الدعوات الطيبات
وربنا مايضوقك شين في حبايبك يارب
|
Post: #140
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: نادية عثمان
Date: 05-20-2009, 09:50 PM
Parent: #103
الأخ محمد خليل إسماعيل
لا ولم ولن يصيبني اليأس أبدا من رحمة الله العظيم
ربنا كريم جداً ولن يتركنا باذن الله
وسيشفي والدي الحبيب فهو رجل طيب القلب ويستحق العافية
|
Post: #125
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: نادية عثمان
Date: 05-19-2009, 09:21 PM
Parent: #101
نعيم علي
تفتكر بالجد بكرة أحلى ؟!
يارييييييييت !!
|
Post: #118
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: نادية عثمان
Date: 05-19-2009, 02:45 PM
Parent: #97
ياخدر
تسلم يافنان
وربي يسمع منك ويرفع عن الوالد المرض يارب
|
Post: #131
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: نادية عثمان
Date: 05-20-2009, 06:45 AM
Parent: #97
خدر أخوي
مافي زول بحب الإحباط لكن في زول الإحباط بحبو !!
كل ماهو موجود الآن يدعو للإحباط
لكن نقول الله في والحمد لله على كل حال
|
Post: #109
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: Abd-Elrhman sorkati
Date: 05-19-2009, 11:42 AM
Parent: #91
العزيزة نادية مختار
ربنا يشفي الوالد بإذنه تعالي وهو أرحم الراحمين
سأقول لك معلومة غير سارة وهو أنه في السودان لا يوجد أي طب لأيس المخ والاعصاب ،، لا يوجد طبيب إنسان الا من رحم ربي وهم قلة نادرة
شفي الله الوالد
|
Post: #142
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: نادية عثمان
Date: 05-20-2009, 10:52 PM
Parent: #109
الأخ الأكرم عبد الرحمن سوركتي
في محاولات جدية جدا لسفر الوالد للقاهرة باذن الله
دعواتكم وتسلم يارب
وعارفاك زعلان من طريقة تعامل الأطباء مع مرضاهم لكن الله في !!
|
Post: #112
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: نادية عثمان
Date: 05-19-2009, 12:16 PM
Parent: #91
عثمان ( سمي أبوي)
حبيب نورة
محمد عثمان محمد طه
الأعزاء
كتر خيركم كتير وتسلموا يارب
حبيب نورة
الإحباط كان خلانا بمش وين عاد ماياهو قدرنا يا ود أمي !!
|
Post: #130
Title: أبو الطب
Author: أيزابيلا
Date: 05-20-2009, 06:19 AM
Parent: #86
نادية الف سلامة للوالد
وربنا يمن عليه بالصحة والعافية وطول العمر انشالله
لم انتبه لهذا البوست
وقد أرسله لى صديق فى لنك مشيرا ألى مداخلة الشايقى أدناه
Quote: تجربتي الشخصية
أنه لا يوجد أطباء (بالمعنى الإنساني ولا العلمي) في السودان...
يوجد تجار ورجال أعمال وحرامية...
سنة 96 من القرن الماضي.
كانت أمي خالت فاطنة بت محمدالحسن الله يديها الصحة والعافية ويطول عمرها تتعالج عند بروفسر ووووو الله يرحمه ولأكثر من خمسة سنوات وفي العيادة الخاصة وصرفت دم قلبها ونخاع عظمنا في ذلك العلاج،،، ولتشخيص البروف مشاكل في الجهاز الهضمي،،، وهات يا مقابلات وأدفع في العلاج والتحاليل والصور وخلافه....
بقدرة الله تتعب وعادل أخوي يشيلها في عربيته ولخوفه وهلعه يخشى حدوث شيء لا قدر الله من طول الرحلة من الشعبية للخرطوم حيث عيادة البروف وقد يكون هلعاً أو فلساً من قيمة الوصول للبروف.
آثر أن يعرضها على طبيب جديد لسه فاتح عيادة جنب الشعبية....!!!!
دخل على الطبيب المستجد...
وبسرعة سرد له التاريخ المرضي والبروف المعالج،، ظناً منه أنه يسهل على الطبيب المهمة؟؟؟
طلب الطبيب من الوالدة الصعود إلى طاولة الكشف (أستغربت لأن سعادة البروف لم يطلب هذا طوال الخمس سنوات)؟؟؟
كشف على الصدر بالسماعة...!!!!
عاد إلى أخي عادل سائلاً: قلت لي أمك دي بتتعالج من مشاكل في الجهاز الهضمي عند البروف ؟؟؟
قال نعم... متعجباً من السؤال...
طلب منه الطبيب عمل رسم قلب لأن أمك عندها مشكلة في الصمام الأورطي للقب؟؟؟ (ليتيقن من تشخيصة خاصة وأنه أمام تحدي من أستاذه البروف ...)...
وبالفعل تم رسم القلب الذي جاء مؤيداً لتشخيص الطبيب حديث التخرج والذي أستخدم السماعة فقط.
في شتاء 97 تم إجراء العملية بمستشفى الملك خالد الجامعي...
قبل العملية وخلال فترة التشخيص والتحضير للعملية الكبرى والتي أستغرقت حوالي 7 ساعات.
أستشاريان سودانيان بذات التخصص وخلال المقابلة الأولى وهما يتناقشان في التقارير التي حملتها لهما والمعدة من قبل البروف وهو أستاذهما في طب جامعة الخرطوم لأن وقت تخرجهما لم يكن هناك سواها.
كان تعليق أحدهما: بروفسر ده خرف ولا بقى حصالة؟؟؟
المهم في كل هذا ما أشرت إليه أعلاه،،، أخرجي والدك من بلاد التجار الجهلة والمشعوزين من الأطباء وبكل أسف هي بلدنا ووطننا ومرتع صبانا وشبابنا،،،، ولكن ما يحدث بها الآن غريب علينا...
الشايقي |
ذكر لى صديقي أنه لم ينم ليلته جراء هذا الحديث
وليس هذا بمستغرب على الذين كانوا اوفر حظا فعاصروا واحدا من علماء البلاد الحقيقيين وغير مدفوعي
الاجر...الرجل الذي كان يدرس محاضرة أسمها MEDICAL ETHICS أو اخلاق المهنة للقادمين الجدد في كلية الطب جامعة الخرطوم
حتى أرتبطت الميديكال ايثيكس به وارتبط بها...وشان أرتباطه بها ليس هو أرتباط المحاضر بمادة عظيمة يدرسها...كما ان اختياره تحديدا لتدريسها لم يكن لحنكته التعليمية ومقدرته الفذة فحسب
بل لأن الرجل الذى لم يمتلك عيادة خاصة فى حياته...ونذر عمره لخدمة المرضى دون ان ينتظر مقابلا
الرجل الذى حتى وهو كهل يتوكأ على عصاه لم يفارق قاعات كلية الطب ولا ممراتها
يُساقط العلم والخبرة يمنة ويسرة ويخشى على الطب فى البلاد خشيته على بنيه الذين من صلبه حتى استحق
وحده دون سواه لقب أبا الطب فى السودان
وللطب أب واحد فى هذا البلاد
ولو شئنا على مدى المائة عام القادمة ان نمنح هذه الأبوة لطبيب آخر لاعيانا البحث
فقد أتعب الرجل الناس من بعده...
حديثي أعلاه موجه للشايقي بصفة خاصة
أرجو أن يذهب ويستقصى القصة التى أورد
لانها تحوى عددا من المغالطات
أما وان تبين خطأها
فأرجو شاكرة ان يعتذر الرجل لأسرةالبروف ولتلامذته
مع خالص الشكر والتقدير
شذى
|
Post: #147
Title: Re: أبو الطب
Author: نادية عثمان
Date: 05-21-2009, 10:06 AM
Parent: #130
د. شذى بلة
تحياتي
وشاكرة للدعوات الطيبات ربنا يجعلها من نصيب الوالد يارب
وللبروف الطبيب الإنسان الذي حدثتينا عنه بكل الوفاء الرحمة فلو كان على قيد الحياة
لأحزنه حال ( بعض ) الأطباء وممارساتهم اللإنسانية تجاه مرضى لاحول لهم ولاقوة !!
أعتقد أن الشايقي قد إختلط عليه الإسم أو شئ من هذا القبيل
ولا أظنه يتكبر على فضيلة الإعتذار لأسرة البروف الكريمة لهم التحية والعتبى حتى يرضوا ..
|
Post: #132
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: عزالدين محمد عثمان
Date: 05-20-2009, 07:03 AM
Parent: #86
Quote: Quote: حاج عثمان مختار راجل طيب وجميل
ربنا يلطف بالوالد ويشفيهو.. لا تقلقى يا نادية |
وربنا يجازي كل من كان السبب في معاناة احباءنا
ولكي مودتي
|
Post: #148
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: بابكر عثمان مكي
Date: 05-21-2009, 10:10 AM
Parent: #86
الاخت الكريمة نادية ..
دعوات خالصات بالشفاء العاجل للوالد .
هناك نمازج غريبة التصرف مثلما ذكرتي
في كل المجالات ليس في الطب وحده.
أنفه وغطرسة وتعالي واستغلال
لا ادري اين يذهب تواضع السوداني حينما يشعر بانه مميز
عملت عملية استئصال مرارة علي يد دكتور نبيل جميل رائع
يدعي دكتور صلاح علي
تم تشخيص العملية في مستشفي أخر مبغ كبير نوعا ما
غير انني اثرت تقليل التكلفة علي الشركة التي اعمل بها
فسألت دكتور صديق فدلني علي جراح سوداني يدعي صلاح علي
اولا وجدت مكتبه مفتوحا وهو غير موجود ووجدت هذا الحديث
ملصق علي جانب مكتبه
قال رسول الله صلى الله عليه وسلم :
أحب الناس الى الله انفعهم واحب الاعمال الى الله عز وجل سرور تدخله على مسلم او تكشف عنه كربه او تقضى عنه دينا" او تطرد عنه جوعا" ولان امشى مع اخى المسلم فى حاجة احب الىّ من ان اعتكف فى مسجد شهرا" ومن كف غضبه ستر الله عورته ومن كظم غيظا" ولو شاء ان يمضيه امضاه ملأ الله قلبه رضا يوم القيامة ومن مشى مع اخيه المسلم فى حاجته حتى يثبتها له اثبت الله تعالى قدمه يوم تزل الاقدام وان سوء الخلق ليفسد العمل كما يفسد الخل العسل (صحيح الجامع )
ثانيا .. قابلني مقالبة طيبة جدا كانه يعرفني واعتذر عن عدم وجوده
ثالثا .. سحب ورقة وعمل توصية لمركز الاعمال لتقليل التكلفة
هناك من الاطباء من يجعلك تشعر بالفخر لكونك سوداني
(امسكي في دكتور معز ده )
بابكر
|
Post: #150
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: نادية عثمان
Date: 05-21-2009, 11:19 AM
Parent: #148
الأخ الكريم
عز الدين محمد عثمان
تسلم وماتشوف شر يارب
وياريت الاطباء كمثل البعض المعنيين في هذا البوست
يحسوا بكم الاذى الذي يسببونه لنا ولمرضانا !!
الأخ الكريم
بابكر عثمان التوم
عجبتني مقولتك جداً (أن يذهب تواضع السوداني عندما يشعر بأنه مميز) !!
ليس كلهم بالطبع ولكن الكثيرين يذهب تواضعهم ويشعرونك بتميزهم
بالتعالي والغطرسة عليك فتكره تميزه بدلاً عن أن تفخر به وهو السوداني ابن بلدك فتأمل !!
|
Post: #107
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: نادية عثمان
Date: 05-19-2009, 11:26 AM
Parent: #82
عادل ود أبوي عثمان
تسلم يازول يارقيق القلب
وماتشوف في حبايبك شر يارب
كن بألف خير
|
Post: #108
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: rosemen osman
Date: 05-19-2009, 11:36 AM
Parent: #107
وربنا يوالى الوالد بالعافية
ويطمنكم عليه...
|
Post: #111
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: Abd-Elrhman sorkati
Date: 05-19-2009, 11:49 AM
Parent: #108
http://أطباء السودان ،،، هل نخجل إنابة عنكم؟
لقد كتبت هذا الموضوع قبل أن أقرأ البوست بتاعك بدقائق
|
Post: #114
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: khaleel
Date: 05-19-2009, 12:25 PM
Parent: #111
ندوية
عاجل الشفاء للوالد
عليك بالتوجه لدكتور الفاتح بشير بجامعة الرباط
ولن يخذلك ابدا
|
Post: #115
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: فيصل نوبي
Date: 05-19-2009, 12:49 PM
Parent: #114
ربنا يكتب له الشفاء و يطمئن قلبكـ يا أم إيمان.
|
Post: #116
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: الفاتح ميرغني
Date: 05-19-2009, 01:10 PM
Parent: #115
ربنا يطمنك على والدك ويرد له عافيته بإذنه الشافي.
|
Post: #117
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: حسن طه محمد
Date: 05-19-2009, 01:16 PM
Parent: #115
Quote: يقوم الطبيب ده ( بكل برود) يقول ليك والله مرض أبوكم ده ( غلوتية) !!
|
أختي نادية
قرأت هذا الكلام ولم استطع ان أقول " أكاد لا أصدق ".
فما رأيناه من كثير من الأطباء بل من ممن يسمون كبار الأطباء شئ يدهش له.
فكثير منهم ليسوا فقط تجار بل جشعين حتي النخاع.
والموضة هو الاجازة يومين في الاسبوع والسفر في نهاية السنة الي ريف لندن او تايلاند.
أصبح هذا هو هم الطبيب الاول وليس علاج مرضاهم بما يرضي الله.
حسبي الله ونعم الوكيل.
نسال العلي القدير ان يوالي الوالد العزيز بالشفاء التام.
انه مجيب الدعوات.
|
Post: #120
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: طارق جبريل
Date: 05-19-2009, 03:52 PM
Parent: #117
عاجل الشفاء للوالد
وان شاء الله اجر وعافية
|
Post: #156
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: نادية عثمان
Date: 05-21-2009, 02:15 PM
Parent: #120
طارق جبريل
ماتشوف شر يارب العالمين
وربنا يوالي الوالد بالعافية يارب
|
Post: #155
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: نادية عثمان
Date: 05-21-2009, 01:31 PM
Parent: #117
الأخ الفاتح ميرغني
تسلم من كل شر يارب
ابن عمي وشقيقي المستشار حسن طه محمد
كانت الوالدة ( نفيسة الدول) بطرفنا يوم أمس وبدأ الحزن الشديد
عليها فهب على الأقل تعرف طعم أن يفقد عزيز عليها نعمة الإبصار ولو مؤقتاً !!
المهم
أبوي عيان وزعلانة شديد أنا من عجزي قدام مرضو
ياريتو يشفى والفيهو يبقى بي ويطيب هو من كل شر يارب !
الله كريم وحنين وعشمنا فيهو كبير والله
|
Post: #151
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: نادية عثمان
Date: 05-21-2009, 11:52 AM
Parent: #115
الحبيبة روزمين عثمان
الأخوان الأعزاء
خليل
وفيصل نوبي
تسلموا من كل شر يارب
ووأصلوا الدعوات الطيبات للوالد الحبيب
وزاكم الله عنا كل خير يارب
|
Post: #121
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: Elmosley
Date: 05-19-2009, 04:04 PM
Parent: #1
طمنينا عليعو ياناديه
اللهم اشفيه من كل سقم
وخفف الامه
|
Post: #122
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: سيف بخيت موسي
Date: 05-19-2009, 04:28 PM
Parent: #121
اللهم اشف عمنا عثمان وعجل له بالشفاء يارب
اللهم خفف مرضه ويسر له العلاج
امين امين امين امين امين
|
Post: #162
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: نادية عثمان
Date: 05-21-2009, 11:02 PM
Parent: #122
سيف بخيت موسى
تسلم من كل شر وشاكرة إهتمامك وفي ميزان حسناتك يارب
|
Post: #124
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: نادية عثمان
Date: 05-19-2009, 08:35 PM
Parent: #121
يوسف الموصلي
ود الخال الغالي
تسلم يارب ودعواتك لعمك حاج عثمان وربنا يشفيه ياااارب
|
Post: #123
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: هاشم أحمد خلف الله
Date: 05-19-2009, 06:30 PM
Parent: #1
أختي الغالية نادية ربنا يرفع والدك ويعجل له بالشفاء
الزمي الصبر الجميل وبإذن واحد أحد يتم علاجه .
|
Post: #126
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: yasir Abdelgadir
Date: 05-19-2009, 10:04 PM
Parent: #123
سلامة والدك يانادية وما يشوف شر إن شاء الله كل الدعوات له بأن يزيل الالم عنه ويمتعه بالصحة والعافية
تحياتي
|
Post: #127
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: ناجية مصطفى
Date: 05-19-2009, 11:29 PM
Parent: #126
نادية حبيبتى طمنينى كيف الوالد
والله انا قلبى كلو معاكم اليوم كلو بفكر فى معاناتكم
لانو المجرب وعاش الواقع المرير دا بعيش معاكم بكل احاسيسه
ربنا اعينكم يارب انا كنت بقول ليك سافرى خارج السودان لكن
طبعا صاحب الجلطة ما بستخمل الحركة وفى السودان مافى اسعاف مهئ
لنقل مرضى العناية المكثفة.وخلبكم انتو الحريصين غلى مواعيد العلاج
الممرضات فى السودان ما عندهم اهتمام يعنى باختصار ماعندنا تمريض
لذلك الممارض لازم اكون واعى ودقيق حريص.
ربنا بشفيه واعافيه يارب
|
Post: #128
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: هند محمد
Date: 05-20-2009, 05:37 AM
Parent: #127
نسال الله العظيم رب العرش العظيم رب العرش العظيم ان يشفيه
ربنا يطمنكم عليه
|
Post: #129
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: Alsa7afa_30
Date: 05-20-2009, 06:02 AM
Parent: #128
لا حول ولا قوة إلا بالله ..
نسأل الله الكريم أن يشفي الوالد يا نادية ..
و كما ذكر المهندس خليل عليكِ بالتوجه للدكتور الفاتح بشير فقد كان ذا سمعة طيبة إبان فترة عمله بالدوحة ..
و لا نقول إلا حسنبا الله و نعم الوكيل !!
|
Post: #133
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: Mahmoud Mustafa Mahmoud
Date: 05-20-2009, 07:59 AM
Parent: #129
Up
|
Post: #134
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: شمس الدين ساتى
Date: 05-20-2009, 08:41 AM
Parent: #133
يانادية كفارة للوالد وربنا يحفظه ويسلمه من كل شر
أطبائنا ما فيهم فايدة وذلك عن تجربة مع المرحومة
الوالدة وبالذات المخ والأعصاب .. سافري مع الوالد
خارج السودان وفتشي علاج هناك.. ربنا يحفظه ليكم
|
Post: #168
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: نادية عثمان
Date: 05-22-2009, 10:22 AM
Parent: #134
محمود مصطفى محمود
تسلم يارب
الأخ شمس الدين ساتي
رحم الله الوالدة وأسكنها فسيح الجنات يارب
نحن بالفعل بصدد علاج الوالد بالقاهرة
وربنا يمن عليهو بالشفاء بفضل دعواتكم الطيبات يارب
|
Post: #135
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: عبدالله احيمر
Date: 05-20-2009, 08:50 AM
Parent: #129
شــفاه الله وعافاه
.........
ما يحدث من الأطباء في السـودان شـيء محير و مخيف
ولي تجربة وهي أن شـقيقتي شـعرت ببعض السـخونة
ذهبت الى أخصائي الباطنية الوحيد بالمدينة
وبعـد الكشف أعطاها علاج الملاريا, ولكـن الحمى اســتمرت
وأصبحت لاتأكل أخيرا طلب إدخالها المسـشفى ,
وقال أنهـا ( بتتدلـع ) , علما بأن عمرها 58 ســنه وهي أم
لـ 7 من الأولاد والبنات .
أخبرناه بأننا سننقلها للخرطوم و أهـو ( الطشاش في بلد العمي شــوف )
رفض الدكتور وبشــدة ( ولم يكن يعطيها أي عـلاج جديد ) وقال ما عندهم أكتر
مما أعطيتكم له,
دخلت في حالة من عدم التركيز وبعض الهلوســـة
قال الدكتور ( إنها تعـاني من حالة نفســية , في زول منكم زعلهـا )
نفينـا وبشــدة
وأخيرا دخلت في حالة غيبوبة
وفي تلك اللحظة المتأخـرة وافـق على نقـلها
وصـلنـا الخرطوم وهي في نفس الحالة من الغيبوبة ,
وفي الأخير وبعـد مجموعة من الصـور والفحوصات المكلفة جــدا
اتضـح انهـا كانت تعاني من ملاريــا خبيثــة
وبدأت العلاج بالكينين لمدة طويل بسـبب التأخر في تشخيص الحالة
, والحمد لله فقـ د شــفيت
, ولكن ظهـرت ليها حالة من الغباش في انظر
ذهبنـا لأحد أكبر أخصائي العيـون
قال ( دا من الكينين , وما في أي مشــكلة )
وعندما رجعت للمراجعـة مـرة أخرى كان معـه أخصائي مصري
زائـر , وعندما كشــف عليهـا قال ( أن الشبكية متأثرة
نتيجـه لإرتفاع السـكر , وطلب حضورها لمصر لعمل جلسـات ليز
وقـد كان
...........
...........
في اعتقادي :-
1 / أننـا ما زلنـا نفتقــد للتخصصات الدقيقة
2 / أغلب الأطباء لا ينصحون المريض بمراجعة غيرهم من أصحاب التخصص الدقيق ( إن وجـد )
3 / أغلب الأطبـاء متكبر ومتعجـرف ويصر عل تشـخيصه للحالة , حتى لو كان خطــأ
4 / أغلب الأطبـاء لا يراعي قـلق أهل المريض عليه ويتعامل بمنتهى البرود
5 / أغلب الأطباء لا يثق في كلام أهل المريض ووصفهم لحالته ويظل يعتقد أنهم يكذبون عليه
وأنهم يضخمون الحالة , لذلك يتعامل حسـب ما يظنه هـو وببـرود كمان
؟؟؟
الأخت ناديه المواجـع كثيرة وربنــا يشـفي جميع المرضى
وخالص الدعاء بالشفاء لوالدك
|
Post: #136
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: ibrahim kojan
Date: 05-20-2009, 09:56 AM
Parent: #135
Quote: 1 / أننـا ما زلنـا نفتقــد للتخصصات الدقيقة
2 / أغلب الأطباء لا ينصحون المريض بمراجعة غيرهم من أصحاب التخصص الدقيق ( إن وجـد )
3 / أغلب الأطبـاء متكبر ومتعجـرف ويصر عل تشـخيصه للحالة , حتى لو كان خطــأ
4 / أغلب الأطبـاء لا يراعي قـلق أهل المريض عليه ويتعامل بمنتهى البرود
5 / أغلب الأطباء لا يثق في كلام أهل المريض ووصفهم لحالته ويظل يعتقد أنهم يكذبون عليه
وأنهم يضخمون الحالة , لذلك يتعامل حسـب ما يظنه هـو وببـرود كمان[/
اتمنا للوالد الشفلء يا ناديه وربنا يديهو الصحه.
ولو محتاجه لاي إستشاره الرجاء إرسال كل التقارير الطبيه في الايميل بتاعي.. في البروفايل
الاقتباس الفوق دا كلام ممتاز وهو كل او معظم الحقيقه إضافه لشئ مهم .. أخلاقيات المهن الطبيه منتهيه شديد.. كما أتمنا من كل الاخوه والاطباء مراجعة مداخلة د. شذي عن بروفسير داوود لكي يعرف الناس انو الطب ما عيادة وبس
أخلاق اولا واخيرا
وما أكثر الذين يكابرون(المكابره دلاله علي الجهل
(برف داوود قال : إحدي الاجابات المقنعه في الطب هي لو ماعارف قول ماعارف .. ومافي زول بيحاسبك لكن تكون ماعارف وتعمل فيها عارف دي مصيبه
واكبر المصائب عدم السؤال.. حتي تعرف
i dont know is a good answer as it will stimulate the urge for knowledge
this what the wise men of medicine said!
|
Post: #137
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: Dr.Elsadig Abdalla
Date: 05-20-2009, 10:43 AM
Parent: #136
ألف سلامات للوالد ....يجب كتابة إسم هذا الطبيب هنا ليعرف الجميع من هو كما تم الاتفاق من قبل في مثل هذه الحالات
|
Post: #138
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: عزان سعيد
Date: 05-20-2009, 01:56 PM
Parent: #137
استلمت هذا الايميل من دكتور مصطفى داوود إبن استاذنا العظيم برفسور داوود رداً على ما كتبه الشايقي ، و لي عودة :
الأخ عزان، أرجو نشر الرد التالى على موقع سودانيز اونلاين نيابة عنى وذلك لأنى لا أملك كلمة مرور للمشاركة فى المنتدى مباشرة
الأخ حسن سيداحمد - الملقب الشايقى
بالإشارة إلى مداخلتك بتاريخ 17 مايو 2009 الساعة23.23 من خلال بوست *بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحباط)!!* للأستاذة نادية عثمان -شفى الله والدها-
لقد حز فى نفسى ما ذكرته بالباطل و رميك الإساءات جزافاً فى حق البروفسير داود مصطفى، وأنا أكتب الآن ليس لأنه والدى فحسب بل لأنه رجل يضن الزمان أن يجود بأمثاله، وقد كان أجدر بك أن تتحرى الصدق فى ما تكتب
إن قواعد الموضوعية كانت تتطلب تفادى ذكر الأسماء وذلك بإفتراض أنكم تناقشون قضية و تنتقدون سلبيات و ليس أشخاصاً بعينهم خصوصاً أنك ترحمت عليه و تعلم أنه لا يملك أن يرد على كذبك و يفند إتهاماتك
لقد أعترفت لاحقاً و فى إيميل رداً على إيميل من الدكتور سامى عمر بخطئك و أنه بعد رجوعك إلى السيدة والدتك فإن الطبيب المقصود لم يكن بروفسير داود
و أنا أرفق أدناه الإيميل بعد أن حذفت منه إسم طبيبكم
إنى أفترض أنه بمثل ما أمتلكت من جرأة لتفترى على المرحوم بروفسير داود وتقذفه كذباً فى روايتك أن تملك نفس القدر من الشجاعة لتقر بخطئك و تعتذر بوضوح عن ذلك و ليس فقط سحب الإسم من البوست الذى قرأه الالآف و منهم قطعاً من لا يعرف البروفسير شخصياً و قد خرج بإنطباعات خاطئة و لن ينتبه لسحبك للإسم لاحقاً و قد لا يرجع للبوست مرة أخرى أساساً
لا أجد ما يعبر عن ما يغمرنى من إستياء و أنت تزج بإسم ذلك الطبيب الإنسان فى تجربتك الشخصية لمرض السيدة والدتك التى خلُصت فيها إلى وصف اطباء السودان بالتجار و رجال الأعمال و الحرامية و الجهلة و المشعوذين و إستعمال المضحكات المبكيات من الجمل مثل - هلعاً أو فلساً من قيمة الوصول للبروف فى عيادته الخاصة - و إستغرابك لأن سعادة البروف كما وصفته لم يكشف على والدتك طوال خمس سنوات، و التعليق الذى أخجل أن أذكره و الذى ادعيت أن استشاريان سودانيان بالسعودية - بذات تخصص البروف و هو استاذهما فى طب جامعة الخرطوم - إمعاناً فى تأكيدك أن المعنى هو بروفسير داود، لتأتى و تقر فى الإيميل أن والدتك كانت تتابع مع طبيب أخر، مع العلم أننا لم نسمع بأى بروفسير فى ذلك التخصص بجامعة الخرطوم يحمل الاسم الذى ذكرت
إن أبسط قواعد الشجاعة الأدبية و الأخلاقية تتطلب أن تعتذر بوضوح و صراحة أنك اخطأت فى حق ذلك الرجل خاصة وأنه قد أصبح ذكرى فى نفوس أهله و مرضاه الذين يعلمون قدره جيداً
و هو إن لا تعلم جزء من تاريخ ناصع لأطباء السودان الذين إن رضيت أو أبيت منهم الكثيرين من العلماء و الشرفاء و الصادقين الذين يتحلون بالمسئولية و لا يزالون يعملون فى ظروف قاسية بمستشفيات السودان المختلفة ليقدموا ما يستطيعون لخدمة أهلهم البسطاء
أرجو من الله العلى القدير أن يشفى مرضانا و مرضاكم و أن يرحم بروفسير داود و يجزيه حسن الجزاء بقدر ما قدم لوطنه و أهله و طلبته و مرضاه
مصطفى داود مصطفى خالد
ايميل دكتور سامي :
From: sami omer <[email protected]>
Subject: Professor Dawood
To: [email protected]
Date: Monday, May 18, 2009, 2:08 AM
Alsalamualekom,
I am a doctor and I was a student of Professor Dawood rahimahu Allah. Professor Dawood did NOT have a private clinic at all as he dedicated his life to treating patients and teaching students. What wrote about him in Sudaneseonline is not true, please check the name of the doctor who was treating your aunt and please remove Professor Dawood's name from this.
Regards,
Sami
رد الشايقي :
From: Hassan Sidahmed <[email protected]>
Subject: Re: Professor Dawood
To: "sami omer" <[email protected]>
Date: Tuesday, May 19, 2009, 5:45 PM
Dr. Sami
Thanks for ur email
I just call my mother in sudan to be sure about the doctor name.
ur right the name is (Dr. --------- -------).
I remove Dr Dawood from the post
Thanks ......
|
Post: #139
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: أيزابيلا
Date: 05-20-2009, 04:57 PM
Parent: #138
أحي الشايقى على شجاعته وتحريه الخبر فى حق الاستاذ داؤد
وأرجو ان تكتمل شجاعته بالاعتذار هنا بوضوح كما طلب منه ابنه
شكرا للاستاذ بله موسى على بوسته البروفسر داؤد مصطفى خالد: أكتب ماتعرفه عنه من فضلك!
|
Post: #143
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: Dr. Moiz Bakhiet
Date: 05-21-2009, 00:16 AM
Parent: #139
الحبيبة نادية،
راجعي إيميلك على الهوت ميل
|
Post: #144
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: حنين للبلد
Date: 05-21-2009, 01:07 AM
Parent: #143
العزيزة نادية
الف سلامة للوالد وربنا يشفيه ..خالص الدعوات بان تتلبسه ثياب العافية يارب.
ربنا يكون في عونك.
|
Post: #145
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: Hadeer Alzain
Date: 05-21-2009, 09:06 AM
Parent: #144
الأخت العزيزة نادية
نسأل الله العظيم رب العرش العظيم أن يشفي ويعافي والدكم الكريم
ربنا يطمنكم عليه
ويديكم طولة البال والصبر مع تجار الطب
|
Post: #146
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: bent awad el kareem
Date: 05-21-2009, 09:30 AM
Parent: #145
اللهم إني أسألك باسمك الطاهر الطيب المبارك الأحب إليك الذي إذا دعيت به أجبت وإذا سئلت به أعطيت وإذا استرحمت به رحمت وإذا استفرجت به فرجت .. نسألك أن تشفي أبونا عثمان شفاء عاجلا غير آجل شفاء لا يغادر سقما ..
اللهم يا رحمن يا رحيم يا سميع يا عليم يا غفور يا كريم إني أسألك بعدد من سجد لك في حرمك المقدس من يوم خلقت الدنيا الى يوم القيامة ان تعافيه وتجعل مرضه في موازين حسناته ..
أللهم أمين .. أللهم أمين .. أللهم أمي
يا نادية يا ختي خلو عشمكم في الله كبير وربنا لو حبه عبده ابتلاه أكيد ربنا بحب عم عثمان وأنشاء الله يزول الفيه يا قادر يا كريم .....
أما الطب في السودان ... حدث ولا حرج ...
|
Post: #149
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: Raja
Date: 05-21-2009, 11:05 AM
Parent: #146
الحبيبة نادية..
ألف ســلامة للوالد الغالي. وربي يرفع بيده ويرد له عافيته قرييب..
إتخيلتك في القاهرة.. أنا موجودة في الفترة القادمة. وأكيد حنتلاقى..
ســـلامة مرة تانية
|
Post: #152
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: ombadda
Date: 05-21-2009, 11:53 AM
Parent: #149
ويتواصل مسلسل اللعنات على الأطباء علها تشفى هذا المريض.
ما عارف البوست دة لمناقشة مشكلة معينة:
| Quote: : بعض أطباء المخ والأعصاب في السودان لا إنسانيين |
أم لصب اللعنات على الأطباء.
أم لطلب الدعاء..
إذا كان لطلب الدعاء:
ندعو المولى عز وجل أن يقوى إيمانك..
|
Post: #153
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: نادية عثمان
Date: 05-21-2009, 12:23 PM
Parent: #152
الأكرم ombadda
تحياتي وتقديري
البوست ده ليس لشئ إلا لما ورد في عنوانه ( بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحباط) !!
كل مايحتويه عنوان البوست ثم مابدأت به مداخلتي لاتحدث عن ( بعض) وليس ( كل) ممارسات
الأطباء الذين فقدوا الإنسانية في التعامل مع المرضى وذويهم هو موضوع البوست !
تجدني حتى لم أذكر أسماء الاطباء الذين تسببوا في الأذى لوالدي رغم طلب البعض مني ذلك
وهذا تأكيدا لشئ وأحد أن هذا البوست تعبيراً عن الإحباط والحزن لما أصاب والدي
من أولائك الأطباء من دون التشهير بهم
( رغم أن بعضهم يستحق المقاضاة وليس التشهير بمجرد ذكر إسمه فحسب)!!
المهم
البوست فرصة ليحكي بعضهم مافيهم من وجع ومغصة من (بعض) أطباء
فقدوا إنسانيتهم في التعامل معهم كمرضى وكذوي مرضى !
وايضاً في غير طلب منى وكعادة أهل السودان السمحين لم يبخل كل
من دخل هذا البوست بالدعاء الطيب لوالدي فهو يحتاج لدعوات بالشفاء من رب رحيم عظيم
و
شكراً لدعائك الطيب بأن يقوي الله إيماني
ومن جانبي أدعو الله أن يصبرني أيضاً على رؤيةوالدي وحبيبي الغالي
وهو في هذه الحال الحرجة بسبب بعض أطباء بلادي للأسف !!
تقديري وإحترامي
|
Post: #154
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: انعام حيمورة
Date: 05-21-2009, 12:32 PM
Parent: #153
اللهم يا شافي اشفي العم عثمان ..
اللهم يا كافي ..
شفاء لا يغادر سقما
الف سلامة
|
Post: #158
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: ismeil abbas
Date: 05-21-2009, 03:22 PM
Parent: #154
Quote: أرجو من الله العلى القدير أن يشفى مرضانا و مرضاكم و أن يرحم بروفسير داود و يجزيه حسن الجزاء بقدر ما قدم لوطنه و أهله و طلبته و مرضاه
مصطفى داود مصطفى خالد
|
ويشفى والد زميلتنا واختنا نادية يارب..........إسماعيل محمد احمد عباس...
|
Post: #189
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: نادية عثمان
Date: 05-24-2009, 03:07 PM
Parent: #154
الخلوقة إنعام حيمورة
شكراً جميلاً لدعواتك الطيبات وجعلها
الله في ميزان حسناتك ومن نصيب الوالد يارب
|
Post: #159
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: نادية عثمان
Date: 05-21-2009, 07:44 PM
Parent: #149
الحبيبة الغالية رجاء العباسي
تسلمي من كل شرور الدنيا يارب
أنا لي سبعة شهور خارج القاهرة
وقريب برجع عشان الوالد حايصل كايرو قدامي باذن الله
أتمنى الأقيك ياحبيبة لأنو بالجد وأحشاني كتير وطولنا شديد ماشفنا بعض
وأصلي الدعوات لعمك حاج عثمان يارجوية عشان ربنا يكمل شفاءه وتسلمي يارب
تحياتي للوالدة الحبيبة ولأخواتك كلهم ويارب يكونوا بألف خير
خلي بالك منك وماتشوفي شر يارب
|
Post: #207
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: نادية عثمان
Date: 05-25-2009, 09:43 PM
Parent: #146
bent awad el kareem
الله عليك وعلى دعواتك الطيبات
والله أثلج دعائك الطيب قلبي
وربنا يجعلوا من نصيب الوالد ويبعد عنو المرض يارب
وربنا مايضوقك حزن على قريب أو حبيب يارب
كتر خيرك كتيييييييييييير والله
|
Post: #205
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: نادية عثمان
Date: 05-25-2009, 06:53 PM
Parent: #145
هدير الزين
تسلمي من كل شر وماتشوفي شين في أحبابك ياااااارب
|
Post: #200
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: نادية عثمان
Date: 05-25-2009, 12:39 PM
Parent: #144
الحبيبة حنين للبلد
تسلم من كل شر يارب
وماتشوفي ضر في أحبابك ياقادر ياكريم
|
Post: #191
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: نادية عثمان
Date: 05-24-2009, 09:42 PM
Parent: #143
النبيل الأنسان بروف معز
وصلت رسالة الإيميل وأتمنى أن نلحق الوالد بالعلاج السليم
حسب تشخيصك وتوجيهك باذن الله وسنرفق تقريرك للطبيب في القاهرة باذن الله
ربنا يسلمك ويغطيك ويحفظك يارب
|
Post: #192
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: عمار عوض
Date: 05-25-2009, 00:12 AM
Parent: #191
العذيذة ناديه
ماتشيلى هم , وستجدينا فى انتظاره بكل تاكيد هنا فى القاهره
وسنفعل مابوسعنا حتى تقر عينك برؤيته سالما معافى
رسلت رقمى هنا فى القاهرة على الماسنجر
|
Post: #193
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: نادية عثمان
Date: 05-25-2009, 06:49 AM
Parent: #192
العزيز عمار عوض
ياها المحرية فيك أخوي وتسلم يارب
راجع ماسنجرك سمح ؟
|
Post: #190
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: نادية عثمان
Date: 05-24-2009, 06:13 PM
Parent: #138
الأكرم عزان سعيد
شكراً للمرور ونقل إيميل التوضيح
|
Post: #157
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: نادية عثمان
Date: 05-21-2009, 03:12 PM
Parent: #137
الكريم Dr.Elsadig Abdalla
تسلم من كل شر يارب
وعفواً لا أريد أن أكتب أسماء هؤلاء الأطباء هنا
حتى لا نشهر بهم وليتهم يعرفون أنفسهم ويشعرون بشئ من تأنيب الضمير ليتهم !!
|
Post: #160
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: خالد المحرب
Date: 05-21-2009, 10:14 PM
Parent: #157
نادية ات زعلانه ليه
تغير كل شى داخل بلادى
اظن دى اول تجربه
|
Post: #161
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: د.كرار التهامي
Date: 05-21-2009, 10:54 PM
Parent: #160
الاخت نادية
صباح الخير
سلامة الوالد
كلمني هذا المساء الاخ ضياء الدين بلال
ارجو ان توالي الوالد الكريم بالدعاء
وتضيئ شمعة من حوله بالامل
ولاتركني للياس والاستياء فهذه الاقدار القاسية اجر وثواب
كما ارجو الاتصال
|
Post: #165
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: عفاف أبو حريرة
Date: 05-21-2009, 11:57 PM
Parent: #161
الاخت ناديه نسال ات يشفى الوالد
شدى حيلك تحياتى اختى العزىزه
|
Post: #176
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: نادية عثمان
Date: 05-23-2009, 12:32 PM
Parent: #165
الحبيبة عفاف أبو حريرة
تسلمي وماتشوفي شر يارب
دعوتك وكوني بألف خير
|
Post: #175
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: نادية عثمان
Date: 05-23-2009, 08:23 AM
Parent: #161
الأكرم د. كرار التهامي
تحية طيبة
وشكراً جميلاً لاهتمامك ومؤازرتك الطيبة
وشكراً لضياء الدين الصديق الخلوق
بحثت عن تلفونك ولم أجده للأسف
ساحاول أخذه من الأخ ضياء الدين وأوافيك بتفاصيل حالة الوالد
وماعدمناك يارب
وماتشوف شر
|
Post: #169
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: نادية عثمان
Date: 05-22-2009, 11:33 AM
Parent: #160
الرجل الخلوق خالد المحرب
تحياتي
هذه ليست اول تجربة ولكن فاض الكيل وقد تدهور حال الوالد جدا
الله في !!
|
Post: #174
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: نادية عثمان
Date: 05-22-2009, 08:06 PM
Parent: #136
المحترم د. إبراهيم كوجان
تسلم من كل شر يارب
وفعلا الطب ماعيادة وبس ووالله مرات أخلاقيات المهنة
بتكون أفضل لينا نفسياً طالما الطبيب ماقدر يعالج مرضانا
لنقص الإمكانات أو ماشابه !!
راجع الماسنجر
وماعدمناك يارب
|
Post: #173
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: نادية عثمان
Date: 05-22-2009, 06:10 PM
Parent: #135
الأخ الأكرم عبد الله احيمر
تسلم يارب وتسلم شقيقتك وكل أحبابك
نحنا يحمد لينا إننا وبكل الثقة في أطباء بلادنا
بنجري عليهم في الأول قبل التفكير في المغادرة خارج الحدود
سعياً وراء العلاج ولكن للأسف ( البعض) منهم يخذلوننا ويجرحوننا ويزيدون همنا هماً !!
الله في !!
|
Post: #167
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: نادية عثمان
Date: 05-22-2009, 08:03 AM
Parent: #129
الحبيبة ناجية مصطفى
تسلمي ياغالية والوالد بالفعل في طريقه لمغادرة البلاد
بحثاً عن الإستشفاء في الخارج باذن الله !
الغالية هند محمد
تسلمي ياصديقة وشكراً لدعواتك الطيبات
الصحافة تلاتين
ربنا ماحرمنا منك أخوي وشكرا جميلاً للدعوات الطيبات كطيبة قلبك الأبيض..
ومع تقديري للدكتور الفاتح بشير
ولجهودكم أنت وخليل بس أبوي خلاص بغادر البلد بس دعواتك ماتنقظع منو سمح ؟
|
Post: #164
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: نادية عثمان
Date: 05-21-2009, 11:54 PM
Parent: #126
الطبيب الإنسان د. ياسر عبد القادر
تسام من كل شر يارب وشكرا ليك كتير وربنا يقدرنا على جزاك يارب
|
Post: #163
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: نادية عثمان
Date: 05-21-2009, 11:48 PM
Parent: #123
هاشم أحمد خلف الله
تسلم من كل شر يارب
وربنا يجعل دعواتك من نصيب أبوي الحبيب يارب
|
Post: #166
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: نادية عثمان
Date: 05-22-2009, 07:28 AM
Parent: #163
الأخ المحترم أمبدة
لم تكن معي والوالد وأنا في تجوالي بين الاطباء متضرعة لله ومتعشمة في
علم وخبرات أطباء بلادي لترى كيف كان تعاملهم فظاً غليظاً ولا يمت للإنسانية بصلة !!
لم تكن هناك ونحن نركض خلف أشهر الأطباء وندفع أموالاً طائلة في العيادات الخاصة للاطباء
ليلحقوا يده فتعطلت رجله !
وليلحقوا رجله فتعطّل لسانه !
وليلحقوا لسانه فتعطّل بصره !
ومازال الوالد الحبيب يعاني كل يوم من جلطة جديدة أو نزيف جديد
بين خلايا مخه بينما (بعض) أطباء المخ والأعصاب يعاملونه ويعاملونا بلا إنسانية
وانا أصر على إستخدام عبارة (اللإنسانية) لأنني جربت التعامل مع أطباء إنسانين تعاملوا مع
والدي من منطلق أنه والدهم وتفهّموا جزعنا عليه ولم يغلظوا لنا القول ولم يرفضوا
ملاحظاتنا نحن أهل المريض وهم يعرفون أننا لسنا أطباء ولكن أجوبتنا وملاحظاتنا تسهل عليهم عملية
التشخيص السليم ومن ثمّ العلاج السليم والسريع والناجع !
تقول أن الطبيب وحده من له الحق في قرار إدخال المريض العناية المكثفة .. ولعلك نسيت
أن الأستاذ الصحافي الراحل حسن ساتي جادل الأطباء متوسلاً إياهم دخوله للعناية فرفضوا فخرّ الرجل
صريعاً لأنه كان يحس الألم ويعرف حوجته للدخول سريعا للعناية المركزة !
وكذلك والدي الذي يُنبئ حاله عن سؤاله رأينا أنه يحتاج لملاحظة طبية لصيقة فطلبنا ذلك ورفض الطبيب
وبكل أدب طلبنا منه هاتفه لا لنزعج ( سيادته) ولكن فقط لنعرف طريقه حال حدوث طارئ جديد للوالد !!
في كل الدنيا الطبيب هو الذي يعطيك رقم هاتفه بكل إنسانية ويطلب منك الإتصال به في أي ساعة من الليل أو النهار حال حدوث اي جديد لمريضه فلماذا يرفض عدد من الأطباء الذين التقيتهم في السودان ذلك وبشدة ؟!!
المهم
لم أتجنى ولم أظلم أي طبيب ووالدي هو المظلوم الأوحد ونحن معه !
كل ما أتمناه أن يستشعر ( بعض) الاطباء مسئوليتهم وأن يتحسسوا ضمائرهم وإنسانيتهم
وأن يتقوا الله في مرضاهم وذوي المرضى فهل هذا كثير ؟!
|
Post: #170
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: عمار عوض
Date: 05-22-2009, 01:12 PM
Parent: #166
نادية سلامات وربنا يقوم الوالد بالسلامه
اخصائي من نفس هذا النوع الذى تشكين منه ,كنا نحج اليه انا واسرتى , ايام ماكانت والدتى المرحومه , مريضه , كان كل مقابله يكتب لنا روشته جديده , ونحن يامؤمن يامصدق على حس الاسم الكبير دا
نجرى ونشترى الدواء , استمر الحال على هذا المنوال , الا تفاقمت حالة الوالده المرضيه , وبعد ان دخلت فى غيبوبه , حملناها الى المستشفى التاهيلى الخاص فى السلاح الطبى , وهناك بكل برود قال لى اخصائي اخر من نفس عينة الاول , امك دى حالتها متاخرة , واحسن تجهزوا للفراش , فار الدم فى عروقى واشتبكت معه بالايدى , وبعدها بيومين افاقت لمده يوم واحد , وقامت بتوزيع عفوها على ابنائها , وعندما حدثوها بما قاله الطبيب واشتباكى معه , قالت انا عافيه منو , ومن الدكتور الاول . لترحل الى بارئها فى اليوم الثالث وهى فى غيبوبتها .
لكن المؤلم ان صديق للاسره عندما اتى للعزاء وهو اخصائي مقيم فى المملكة السعوديه , كان يتابع حالتها بالهاتف , قال بعد ان راى اخر الفحوصات ان الامر كان مقدور عليه باستئصال الجزء المعطوب فى الكبد , وهو ما اشار به لطبيبها المعالج بعد ان علم بحادثة اشتباكنا مع بعض .
عفوت عنه ولم ازكر اسمه , وهو اخصائي باطنية شهير , ايفاء لرغبة والدتى وعفوها وان كنت , اشعر بالدم يفور فى عروقى كلما مررت بباب عيادته المطله على شارع رئيسي .
نادية ربنا يصبرك
ويهنئك بسلامة قومة عثمان من سرير المرض .
لاكن نصيحتى ليك , الدكاترة الاخصائين السودانين , لا تامنى لهم , فهم غير متابعين لتطورات الطب فى العالم
حاولى امرقى ابوك كان قدرتى والله معاك ونحن البنقدر عليه بنسوى
موجودين بالقاهرة
|
Post: #171
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: نهال كرار
Date: 05-22-2009, 02:32 PM
Parent: #170
العزيزة نادية
دعواتي لوالدك بالشفاء العاجل
وربنا يطمنك عليه ان شاءالله
|
Post: #177
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: علاء الدين يوسف علي محمد
Date: 05-23-2009, 01:44 PM
Parent: #171
يانادية لأ !!
ما بشبهك هذا الحزن
و البسمة لو ما ليك حتكون لِمَنْ!!!!؟
|
Post: #178
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: عوض محمد احمد
Date: 05-23-2009, 02:10 PM
Parent: #177
| Quote: في كل الدنيا الطبيب هو الذي يعطيك رقم هاتفه بكل إنسانية ويطلب منك الإتصال به في أي ساعة من الليل أو النهار حال حدوث اي جديد لمريضه فلماذا يرفض عدد من الأطباء الذين التقيتهم في السودان ذلك وبشدة ؟!! |
الاخت نادية
سلام
و اتمنى ان يكون الوالد الان فى وضع افضل
لكن اصدقك القول: من ناحية مهنية لا شئ يلزم اى طبيب باعطاء وقم تلفونه.
ان شاء اعطاء الرقم كان الامر تفضلا منه
و ان رفض فمعه الحق
فالمقابلة فى العيادة الخاصة تنتهى بنهايتها او بتحديد موعد جديد
اذاحصل اى طارئ فمكانه اقسام الطوارئ
و هى اجسن مكان للتعامل مع الحالات الطارئة
العيادات الخاصة هى اخر مكان فى الدنيا يمكنه التعامل مع الجالات الجرجة او الطارئة
العيادات الخاصة و لو كان يعمل بها افضل طبيب فى العالم ليست مفيدة البتة فى الجالات الحرجة
و اقسام الطوارى و لو كان يعمل بها اسوا طبيب امتياز افضل من العيادات الخاصة
المشكلة فى اضرار المرضى على مقابلة اسماء قليلة من الاستشاريين من (النجوم) و هم ليسوا بالضرورة الافضل.
هولا الاستشاريين مشغولون فاضافة لميات المرضى فى عياداتهم فلديهم التزامات اخرى (ادارية و تدريسية و اخرى)
|
Post: #202
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: نادية عثمان
Date: 05-25-2009, 03:46 PM
Parent: #178
د. عوض محمد أحمد
دعني أشكرك أولاً على منتهى إنسانيتك معي وإتصالك
وكذلك الدكتورة ندى وجزاكم الله عنا خير الجزاء
أما عن موضوع هاتف الطبيب الخاص وحقه في عدم إعطائه للمريض وذويه فدعني أصدقك القول
فمثل هذه المعاملة لم أجدها إلا في السودان !!
فأنا أعيش في مصر منذ سبعة عشر عاماًولم يزجرني أي طبيب مرة ولم يحوجني للتوسل إليه
وطلب هاتفه للمتابعة لأنه هو الذي كان يقوم بذلك
ويرجوني الإتصال في أي ساعة من الليل أو النهار عند الإحتياج لأي إستشارة!!
وعامة طالما أن هذه هي طريقة التعامل والسستم المتبع
من الأطباء في بلادنا فلنا أن نبحث عن العلاج في أرض الله الواسعة
بعيداً عن الذل والإهانة والقسوة والله كريم علينا !
تقديري وتسلم يارب وماقصرت ربي يحفظك يارب
|
Post: #196
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: نادية عثمان
Date: 05-25-2009, 10:46 AM
Parent: #177
شقيقي الغالي
علاء الدين يوسف
أقول ليك شنو بس ؟
والله مافي زول بحب الحزن لكن الحزن أظنه بحبنا !!
أبوي ياعلاء هو أروع وأجمل زول باقي لينا في الدنيا دي
إنت بس ماتوقف الدعاء عسى ربنا يرفع عنه المرض يااااارب
تسلم ياعلاء وخليك قريب وجودك باعث على الطمأنينة شديد سمح ؟
|
Post: #195
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: نادية عثمان
Date: 05-25-2009, 08:58 AM
Parent: #171
الصديقة الحبيبة نهال كرار
تسلمي من كل شر يارب
وربنا يسمع منك ويشفي أبوي الغالي يارب
|
Post: #179
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: نادية عثمان
Date: 05-23-2009, 07:30 PM
Parent: #170
عمار عوض
قلت لي إنت في القاهرة ؟
كده تمام التمام والحمد لله
عمك عثمان مختار في طريقه اليكم وأنا وراءه بتلاتة يوم كده
عندك تلفون بهاء عيسى ؟
ممكن تلفونك برضو ؟
|
Post: #181
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: مصدق مصطفى حسين
Date: 05-23-2009, 11:02 PM
Parent: #179
اختى الحبيبه ناديه
ربنا يعينكم ويشفى الوالد شفاءا لا يغادر سقما,
و يطمنكم عليه , اجر و عافيه ان شاءالله .
|
Post: #204
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: نادية عثمان
Date: 05-25-2009, 06:41 PM
Parent: #181
الفنان الجميل
مصدق مصطفى حسين
تسلم وماتشوف شر في أحبابك يارب
كن بعافية دوماً
|
Post: #182
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: نادية عثمان
Date: 05-23-2009, 11:06 PM
Parent: #170
النبيل عمار عوض
كلما أقرأ قصة معاناتك مع الوالدة رحمة الله عليها
أجدني مختنقة بالعبرة والحسرة والألم !!
لها الرحمة والمغفرة وعندما التقيك باذن الله في القاهرة
سأحكي لك العجب العجاب وبرضو دون أسماء بس ربنا يهديهم لينا أطباء بلادنا
عشان حرام مايبقوا هم والمرض علينا !!
|
Post: #183
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: حسين نوباتيا
Date: 05-23-2009, 11:21 PM
Parent: #182
الاستاذة نادية ..
ربنا يكلل مساعيك لعلاج الوالد بالنجاح .. وان شاء الله رحلتكم للقاهرة تكون سببا في استردادو كامل الصحة والعافية..
و يا نادية هداية الدكاترة ساهلة - كان ربنا هدا القائمين على امر الصحة في السودان..
تمنياتي لكم بالتوفيق والسداد..
|
Post: #208
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: نادية عثمان
Date: 05-25-2009, 10:46 PM
Parent: #183
الأكرم حسين نوباتيا
تسلم يارب
والحمد لله وصل الوالد الي القاهرة
ونتمنى من رب العالمين أن يمن عليه بالشفاء العاجل باذن الله
فقط وأصل معنا الدعوات من أجله وفي ميزان حسناتك يارب العالمين
|
Post: #186
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: ذواليد سليمان مصطفى
Date: 05-24-2009, 06:53 AM
Parent: #182
اطباء بلا هوية
بعضهم شرزمة والقليل منهم ابناء اسر صالحة
الويل والعار فى اطباء يعملون من اجل المال
ولايهمهم هم المرضى
ارجو منك نادية تخصيص حلقة فى التلفاز من اجل هولاء الشرزمة
وكلنا نعانى
وانا شخصيا خليت الاطباء
رجعت للعلاج البلدى
|
Post: #188
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: عوض محمد احمد
Date: 05-24-2009, 01:31 PM
Parent: #186
| Quote: بعضهم شرزمة والقليل منهم ابناء اسر صالحة |
لشرذمة فى اللغة هى الفئة قليلة العدد (ربما كانت صالحة او طالحة)
و هى ليست لفظ شتم
ثم ما دخل الاسر هنا؟
و ما معيار الصلاح عندك؟
الاطباء ماليين كل الشوارع الرئيسية فى العاصمة
و اذا لم يعجبك احدهم تجاوزه لغيره و لا داع لتعميم الشتائم
| Quote: الويل و العار فى اطباء |
الصجيح: لاطباء
| Quote: ارجو منك نادية تخصيص حلقة فى التلفاز من اجل هولاء الشرزمة |
كدا قلبت المعنى تماما
هوية؟!!!
هوية شنو؟
|
Post: #194
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: خالد عبد الله محمود
Date: 05-25-2009, 08:07 AM
Parent: #188
اللهم أشفه يا ارحم الراحمين
انت الشافي يا كريم ...
شفاءآ لا يغادر سقمآ....آمين
ألف سلامة لوالدنا عثمان مختار
|
Post: #199
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: محمد عبد الماجد الصايم
Date: 05-25-2009, 12:27 PM
Parent: #194
سلامة الوالد يا نادية
الله يديهو الصحة والعافية
|
Post: #214
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: نادية عثمان
Date: 05-26-2009, 03:01 PM
Parent: #199
أخوي الغالي محمد ود الصايم
تسلم من كل شر يارب
وربنا يستجيب دعواتك الطيبات من أجل أبوي يارب
|
Post: #213
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: نادية عثمان
Date: 05-26-2009, 12:32 PM
Parent: #194
الأكرم
خالد عبد الله محمود
جعل الله طيب دعواتك من نصيب الوالد يارب
وفي ميزان حسناتك وكتر خيرك يازول ياطيب القلب
|
Post: #211
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: نادية عثمان
Date: 05-26-2009, 10:35 AM
Parent: #186
الأخ ذو اليد مصطفي
بعد السلام
بالتأكيد أن كل الاطباء في بلادنا أبناء أسر صالحة
كلهم أبناء أسر تفانت وتعبت في تربيتهم إلى أن جعلتهم
في هذه المهنة المرموقة والتي لا يصل إليها إلا المجتهدين
والأذكياء في علمهم وتحصيل علومهم
لا يصح أن تقدح في تربيتهم وأخلاقهم ففي هذا تجاوز أربأ بك عنه وأدعوك أخي
للإعتذار عن تلك اللغة في حق شريحة الأطباء
فان كان غضبك من ( بعضهم) مشروعاً لاسباب ترأها موضوعية
ففي تعميمك والفاظك المستخدمة هنا خطأ كبيراً
أرجو أن تصححه أخي وأن تلتزم جانب الموضوعية في طرحك ولك التقدير
|
Post: #201
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: صلاح أبودية
Date: 05-25-2009, 01:24 PM
Parent: #1
اللهم أشفه
شفاء لا يغادر سقما
إنك على كل شئ قدير
|
Post: #203
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: عزان سعيد
Date: 05-25-2009, 05:33 PM
Parent: #201
الأخت نادية
أتمنى من الله لوالدك تمام الصحة وكمال العافية
إنه على كل شئ قدير
________________________________
ما زلنا فى إنتظار إعتذار الشايقى لأسرة بروفيسور داؤود وتلاميذه
________________________________
الأخ د. المعز عمر بخيت
أستغرب مرورك مرور الكرام على ما خط هنا بحق أستاذنا بروفسور داؤود
|
Post: #206
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: Dr.Elsadig Abdalla
Date: 05-25-2009, 09:27 PM
Parent: #203
سلامات مره أخرى
--منتهى اللاموضوعيه من البعض ..
--ماذا تعني أيها المدعو زواليد بان القليل من الأطباء من أسر صالحه ؟؟؟طيب ماذا عن الباقي ؟؟؟ومن أي نوع من الاسر تعتقد هم يا ذواليد ؟؟؟؟
أطباء بلا هويه؟؟؟ ماذا تعني بذلك يا أبو هويه؟؟؟
واضم صوتي للاخ عوض..ما دخل الاسر هنا؟؟هل ترضى أن يتحدث أحد عن أسرتك هنا؟؟
لما تكتب كلام ،أرجو أن يكون كلام مفيد، وإلا فالصمت أفضل
|
Post: #209
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: حامد محمد حامد
Date: 05-26-2009, 06:52 AM
Parent: #206
الاخت نادية
ادعوا الله القدير ان ينعم على الوالد العزيز الصحة والعافية
معظم اصدقائى فى الغربة والسودان من الاطباء ولا داعى هنا لذكر الاسماء فدعنى احى كل الاطباء اللذين كرسوا حياتهم وجل حياتهم فى اداء هذه المهنة الانسانية بكل ما تحمل المهنية من معنى , هم كثر فى سوداننا الحبيب.
لا للتجريح ولكن لابد من اظهار الحق ولو بصرخة او اى نوع من انواع التعبير وليس فقط برفع الدعاوى بالطرق القانونية اى بالوقوف امام المحاكم والا انقلبت العلاقة بين الطبيب ومريضه الى عداوة وبغضاء ولا انصح بالاطباء ان ينادوا بمثل هذه المناداة وبالذات فى مجتمع كالمجتمع السودانى والذى يغيب او يغيب بضم الغين عنه الكثير من المعلومات فما عليهم الا بالظاهر.
والذى يحدث فى السودان مرده مزيج من الغبن وقلة الحيلة تظهر فى لغة التخاطب بالسلب فيفسره الطرف الاخر كل على مقدار فهمه او احساسه , مشاعره ...........فلا الاطباء فوق النقد والتعليق على طريقة ادائهم ولا المرضى ومن والاهم على خطا . فاين تكمن المشكلة ؟
|
Post: #210
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: ombadda
Date: 05-26-2009, 07:07 AM
Parent: #209
|
Post: #212
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: MOHAMMED ELSHEIKH
Date: 05-26-2009, 10:49 AM
Parent: #210
نسأل الله لاه الشفاء العاجل انه مجيب الدعوات
ود الشيخ
|
Post: #215
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: أحمد طراوه
Date: 05-26-2009, 03:52 PM
Parent: #212
.. صادق تعاطفنا اختي الكريمة نادية .. و صادق دعواتنا مرفوعة لرب العباد ان يُخفف وعثاء الوالد
وبأسم الرابطة الإشتراكية للأطباء السودانيين التى شيد صرحها رجال مثل طه بعشر و موريس سدرة
و طاهر عبد الرحمن، و عبد الغفار الحداد (سيد العارفين) ، و عابدين شرف و عثمان سوركتى و عبد الوهاب
سنادة و آخرين أفذاذ
افاضل .. الرابطة الإشتراكية التى دفع الشهيد على فضل حياته ثمنا لبقاء رايتها عالية، باسمهم كلهم :
- اجزم بان الجريمة في مبتداها و اصلها صنعتها حكومة الظلم و الغباء و غياب العقل و الرحمة !
ومع ذلك نسجل إعتذار وطنى مباشر مسؤل لبسطاء و كادحي اهل السودان عن ما يجرى ! عن هذا الإنهيار
الشامل في القيم و الممارسة الطبية !!
- نجدد إلتزامنا الأخلاقي المهني - السياسي بمواصلة النضال لإستعادة الشرعية النقابية و
الديمقراطية الحقة بوصف الحريات النقابية - السياسية هي مفتاح حل مشاكل البلاد
و قطاع خدماتها الصحى
- ننضال اليوم وغدا من اجل تكريس الإستاندرد و قيم الممارسة المهنية المتحلية بتواصل المعرفة
و التحصيل ، و برفيع الخلق ، و الرحمة و العقلانية .. علمتنا التجربة نحن الاطباء انه :
لكي تكون سياسيا جيدا .. فكن طبيبا ممتازا
|
Post: #216
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: عوض محمد احمد
Date: 05-26-2009, 04:09 PM
Parent: #215
د. طراوة
سلام
انا معط فى مجل مداخلتك
لكن الاسف الجميع هنا يحاولون رمى المسئولية على عاتق الاطبا فقط من واقع غبائن شخصية فردية مع اطبا بعينهم
|
Post: #217
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: نادية عثمان
Date: 05-26-2009, 07:57 PM
Parent: #216
د. عوض محمد أحمد
سلامات
عفواً سيدي .. لكن إنت بتقرأ ردودي عليك ومداخلاتي ومداخلات بعض الأخوان هنا كويس ؟!!
بتقول ( الجميع) هنا يحاولون رمي المسئولية على عاتق الأطباء !!
أنظر لكلمة ( الجميع هنا) في مداخلتك الكتبتها
في حين أنا وأخرين بنكتب كلمة ( بعض) الأطباء في كل مداخلاتنا !
وبعدين مافي ( غبائن) فردية ولا جمعية مع إنو حتى ( الغبينة)
لو إتولدت جواي فهي بسببها وضع نفسك مكاني وشوف
إحساسك بيكون كيف رغم إنو موضوع (غبينة) ده ماحصل والفي الضمائر عالم بيهو ربنا!
عن نفسي حزنت وإستفزني تصرفات ( بعض) الأطباء
تجاه مرض والدي وتجاه أسرتي وهذا ماكتبته كما كتب الآخرين تجاربهم
مع أطباء آخرين وهذا كل مافي الأمر وفي النهاية يظل الأطباء
بشر ويمكن أن يصدر عن بعضهم تصرفات
وسلوك لا إنساني وهذا ماحدث معي وأسرتي فذكرت الواقعة
دون التجني على ( الكل) وقلت ( البعض) فلماذا تعمم أنت وتقول ( الجميع هنا) ؟!
وبرضو لا أنسى تعاملك الإنساني معي أنت ود. ندى وإهتمامكم وتسلموا يارب
|
Post: #228
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: نادية عثمان
Date: 05-27-2009, 12:12 PM
Parent: #215
د. أحمد طراوة
شكراً نبيلاً لدعواتك الطيبات ولتحليلك
العميق لأزمة الطب والطبيب والمرض والمريض في بلادنا !
ورغم يقيني أن السياسة تدخل في كل تفصيلة من تفاصيل حياتنا ومانعانيه
من أزمات إلا أنني أجد سؤالاً يلح في خاطري دوماً وهو : إذا كانت الحكومات تضهدنا و( تبشتن) حالنا كسودانيين على مر الحقب السياسية في البلاد فلماذا لا يكون ذلك أدعى لنكون نحن كـ ( شعب) بكل فئاته على قلوب بعضنا البعض ونسعى لخدمة بعضنا البعض بدلاً عن (فش غبائننا) من الحكومة في بعضنا البعض ؟!
|
Post: #226
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: نادية عثمان
Date: 05-27-2009, 10:45 AM
Parent: #212
MOHAMMED ELSHEIKH
تسلم من كل شر وتقبل الله طيب دعواتك من أجل والدي الحبيب يارب
|
Post: #224
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: نادية عثمان
Date: 05-27-2009, 10:22 AM
Parent: #209
الأخ الاكرم
حامد محمد حامد
شكراً جميلاً لمداخلتك الثرة
ومعاً نتمنى أن يجد الطبيب في السودان الإهتمام من الدولة
وتوفير الإمكانيات له
ومعك نتمنى أن تعالج المشكلات التي تواجه الطبيب والمريض في السودان !
|
Post: #220
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: نادية عثمان
Date: 05-26-2009, 08:45 PM
Parent: #203
الأخ الأكرم عزان سعيد
شكراً جميلاً لطيب دعواتك من أجل الوالد
وجعلها الله في ميزان الحسنات
معك أطالب الأخ الكريم الشايقي لتصحيح الخطأ بفضيلة الإعتذار للبروف وأسرته
وإلى أن يأتي الشايقي وبالنيابة عنه .. مرة أخرى لأسرة البروف العتبى حتى يرضوا
|
Post: #218
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: نادية عثمان
Date: 05-26-2009, 08:07 PM
Parent: #201
الاكرم صلاح أبو دية
تسلم من كل شر يارب
وجعل الله دعواتك الطيبات من نصيب الوالد الطيب يارب
|
Post: #219
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: صديق الموج
Date: 05-26-2009, 08:44 PM
Parent: #218
الف سلامة يا نادية للوالد وربنا يشفيه ويعافيه
ويطمنكم عليه..
اما قصة دكانرة اخر زمن نخليها فى بوست براها،،،
|
Post: #221
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: abookyassarra
Date: 05-27-2009, 06:27 AM
Parent: #219
سلامتك من كل شر ياغالي
الله يجيرك من صدوف المقادير
ياجعل ماتشقيك سود الليالي
وتعيش مستانس واشوفك بخير
افزعتني والقلب ماهو بخالي
يرتاع من شئ يجيلك لو صغير
الأخت الغالية نادية
ألف سلامة لوالدنا عثمان
وان شاء الله ربنا ياخد بيده
وأعذرى غيابنا وعدم معرفة الأخبار
إلا مصادفة ..
عموماً ..بعد أسبوع أو عشرة أيام
سأمر فى طريق العودة بالقاهرة
وبالضرورة يوم للإطمئنان على الوالد الغالى
أبو السارة
|
Post: #222
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: نادية عثمان
Date: 05-27-2009, 09:45 AM
Parent: #221
ود المنا ؟؟
والله العظيم شفت صورة أبوي حبيبي في بروفائلك قلبي قال ( ششششح) !
عليك الله شفت الراجل السمح ده وشو مليان طيبة وحنية كيف ؟
ياحليلو والله المرض هد حيلو حبيبي الراجل الجميل الغالي!
تتذكر عمك عثمان لمن كنت بتجي تزوره يا ود المنا إنت ومصطفى أخوك
كان بتونس ويضحك وشايفكم وفي أمان الله كيف رغم تأثير الجلطة على يده ؟!
هسي مسكين بقى مابين جلطة ونزيف كل يوم والتاني وكل مرة بفقد شئ من حركة جسمه !
الحمد لله على كل شئ ياابو السارة ومنتظرين طلتك في مصر باذن الله سمح؟
|
Post: #241
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: abookyassarra
Date: 05-28-2009, 10:10 AM
Parent: #222
Quote: ود المنا ؟؟
والله العظيم شفت صورة أبوي حبيبي في بروفائلك قلبي قال ( ششششح) !
عليك الله شفت الراجل السمح ده وشو مليان طيبة وحنية كيف ؟
ياحليلو والله المرض هد حيلو حبيبي الراجل الجميل الغالي!
تتذكر عمك عثمان لمن كنت بتجي تزوره يا ود المنا إنت ومصطفى أخوك
كان بتونس ويضحك وشايفكم وفي أمان الله كيف رغم تأثير الجلطة على يده ؟!
هسي مسكين بقى مابين جلطة ونزيف كل يوم والتاني وكل مرة بفقد شئ من حركة جسمه !
الحمد لله على كل شئ ياابو السارة ومنتظرين طلتك في مصر باذن الله سمح؟ |
مليون سلامة ان شاء الله
وعمك زول فردة واجعنا مرضو
لكن شيخ عرب لن تمس وضاءته السنون
وزى ما كان عارفك وشايفك ولدو وبتو
فثقته فيك زى ما كلنا عارفين ما بتقع واطه
شيالة تقيلة وركازة فى ساعة الحارة بى مية راجل
ان شاء الله لمن نصل يكون تعافى وما يحتاج لى دكاترة السجم
|
Post: #223
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: نادية عثمان
Date: 05-27-2009, 10:07 AM
Parent: #219
الاخ والصديق الغالي صديق الموج
تسلم من كل شر يارب وكتر خيرك على الدعوات الطيبات
|
Post: #225
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: ismeil abbas
Date: 05-27-2009, 10:32 AM
Parent: #223
نعم يا ناديه...وجه ملىء بالحنيه والصدق..نسأل الله ان يشفيه ويعافيه يارب.....
اللهم أشفى العم عثمان ياشافى ياكافى يا معافى....
إسماعيل محمد احمد عباس..
|
Post: #227
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: bent awad el kareem
Date: 05-27-2009, 11:03 AM
Parent: #225
((( والله العظيم شفت صورة أبوي حبيبي في بروفائلك قلبي قال ( ششششح) !))
والله العظيم يا ناديه لما دخلت أشوف اخبار ابوك وشفته الكلام ده قلبي قال (ششششششششششششششح !)
انشاء يا ناديه بحكم الكريم القادر العطوف الحنين ياالله يالله يالله تشفي ابونا عثمان يارب
عطفك ورحمتك وحنانك وسعوا كل شيء يالله يا جبار اعطف وحن على ابونا عثمان ورجعه لي ناديه وكل افراد اسرتها وادخل البهجه والسرور في بيتهم يارب يا كريم تشفي سيد البيت وتملى البيت بي عطفه وحنانه.
قولي آمييييييييين يا ناديه وأسألي الله واتضرعي ربنا ما بيخذل عبده انشاء الله ربنا يرفعه ويوالي بالعافيه ........
أما الاطباء ربنا يعينهم ويعينا عليهم......
طمنينا على الوالد خطوه خطوه
|
Post: #234
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: نادية عثمان
Date: 05-27-2009, 04:26 PM
Parent: #227
حبيبتي إنتي يابت عمي عوض الكريم
تسلمي لي ويسلم قلبك الطيب
والله حاسة باهتمامك ولهفتك لمعرفة أخبار أبونا حاج عثمان مختار
وسعيدة بيك وبالبوست ده لأنو جاب لي ناس حُنان وقلوبهم طيبة زيك ياحبيبة
وأطمنك أبوي هسي في مصر وفي اللحظة
دي هو عند الدكتور ولما يرجع بوريك الحصل شنو سمح؟
تسلمي من كل شر يابت عمي الغالية
|
Post: #229
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: نادية عثمان
Date: 05-27-2009, 01:03 PM
Parent: #225
أخي وصديقي الإنسان المحترم الخلوق
إسماعيل محمد أحمد عباس
تسلم من كل شرور الدنيا يارب
وخليني أحكي ليك على أبوي السمح ده شوية
عارف ؟
والله العظيم هذا العثمان مختار كان لما في صحتو وعافيتو
تلاقيهو في بيوت أعراس أهلنا كلهم بايت في الليل عشان
يضبح ليهم التور ويجهز اللحمة للطباخين لي عشاء الضيفان
وتلاقيهو يرجع يتمم على الصيوان وبعد داك يلبس جلابيتو البيضاء مكوية
ويجي يشهد على العقد بتاع العرس ويمشي بعد يطمن كل شئ تمام
وفي بيوت البكاء تلاقيهو من يسمع قولة فلان مات والله أول زول يصل بيت العزاء
ويقيف فوق رأس الميت بنفسو ويغسل الجنازة ويكفنها ويشيل عنقريب الميت
فوق كتفه ويصل المقابر يحفر ود اللحد بي نفسو وينزل فيهو ينزل الميت
ويهيل فوقه التراب ويطمن عليهو في رقدتو دي بين يدي الله وبعد داك يمشي !!
راجل تشهد عليهو أعماله الصالحات ويشهد
ليهو أي زول بعرفو في الشعبية وإشلاق بوليس بحري
والله ماعشان أبوي لكن راجل سوداني ضكران وخليني تاني أجي أحكي ليك عن سمح ؟
|
Post: #230
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: ايهاب اسماعيل
Date: 05-27-2009, 01:18 PM
Parent: #229
كفارة وسلامتو
وربنا يديهو العافية انشاء اللة....
|
Post: #231
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: Anwar Ahmed
Date: 05-27-2009, 01:51 PM
Parent: #230
اللهم أشفى العم عثمان واعطيه الصحة والعافية
اكاد اجزم كل بيت في السودان فيه ضحيه بسبب تشخيصات خطأ wrong diagnoses هولاء القلة من الأطباء لا يتعظون ان لم يجدوا من يحاسبهم يجب القضاء علي هذه الظواهر السالبة ... عدم اعطاء الطبيب المعالج لتلفونه يعني لا يمكن الاتصال به وقت الحاجه يعني انه لاتهمه صحة المريض وهذا يخالف شرف مهنه الطب ارجو إستشارة قانوني واتباع وسائل قانونية لفتح بلاغ علي هذا الطبيب .... كذلك تقديم شكوي لجمعية الاطباء بتأخر حالة العم عثمان لعدم تعاون هذا الطبيب.
أنور أحمد
|
Post: #232
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: ismeil abbas
Date: 05-27-2009, 03:00 PM
Parent: #231
ناديه الصديقه....
| Quote: والله ماعشان أبوي لكن راجل سوداني ضكران وخليني تاني أجي أحكي ليك عن سمح ؟ |
تعالى تانى وتالت...رجل بهذه الصفات يستحق أن يكون أباك ويستحق ان تفتخرى به...
خلينا نسمع عنه الكثير..ونسأل الله بقدر ما كان متفانيآ بقضاء حوائج الناس.ان يعطيه الله من فضله وينعم عليه بالصحة والعافية يارب...
وانا اقول الهمة بتاعتك دى جايباها من منو؟؟؟؟
إسماعيل محمد احمد عباس....
|
Post: #233
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: نادية عثمان
Date: 05-27-2009, 03:36 PM
Parent: #232
الأحباب جميعاً
أطمنكم إنو الوالد وصل القاهرة بالسلامة
وهسي هو عند الطبيب المعالج وبوافيكم بالأخبار سمح ؟
|
Post: #238
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: نادية عثمان
Date: 05-27-2009, 08:41 PM
Parent: #232
إسماعيل الصديق الوفي
عارف ؟
بمناسبة سؤالك بتاع الهمة دي جياباها من وين ..
والله كلنا نحنا أولاد عثمان مختار بنات
على أولاد مانجيب ربع همّية الراجل السمح ده !
يا إسماعيل عندي مزاج أحكي ليك في البوست ده وأحكي لكل الأحباب
المروا والحايمروا من هنا أعضاء وقراء
عن حاج عثمان مختار الرجل السوداني البسيط جداً
عاين :
أبوي عسكري بسيط إتدرج لمن وصل رتبة صول وبعدها نزل معاش
زول كريم بشكل كده مدهش !
أبوي يا إسماعيل كنا في بيت الإشلاق ومعروف بيوت الإشلاق ضيقة
كلها أوضتين وبرندة .. وقام أبوي عمل برندة تاني للبنات
وكان مرات يجي يصحينا من النوم يقول لينا
أمشوا الحوش التاني وهو حوش ضيق بينوموا فيهو هو وأمي ( الله يرحمها) وأخواني الصغار
والسبب في كده إنو في ناس ( غرباء) رجال ونساء فاتهم باص السفر وجوا قالوا لأبوي
دايرين نبيت عندك للصباح !!
وعارف الصباح وإنتظار الباص ده مرات بيمتد من تلاتة يوم لأسبوع
وأبوي متكفل بالضيوف رجال ونساء وأطفال
من مبيت لي أكل لي شراب وحتى هدومهم كان بيقول غسلوها ليهم !
والله هذا الرجل عثمان مختار إنسان بكل ماتحمله الكلمة من معانِ
وبالتأكيد مثله الكثيرين من أباء أبناء هذا الوطن الحبيب لهم المحبة جميعهم !
وبجيك تاني بسيرة حاج عثمان مختار سمح؟
|
Post: #236
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: نادية عثمان
Date: 05-27-2009, 06:48 PM
Parent: #231
الاكرم أنور أحمد
نشتكي منو ؟!
هو نحنا زعلنا ساي وفتحنا بوست لـ (بعض) الأطباء
التعاملهم غير إنساني في أطباء مارضوا وإعتبروها
تجني على الأطباء ( كلهم) تقول لي إشتكي ؟!!
الشكية لرب العالمين يا أحمد يا أخوي
وأبوي ربنا يتولاه ويجعل شفاه بيد أخوانا المصريين يارب
دعواتك اخي الكريم
|
Post: #235
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: نادية عثمان
Date: 05-27-2009, 05:35 PM
Parent: #230
الأكرم إيهاب إسماعيل
تسلم وكتر خيرك كتير وربنا يجعل دعواتك
الطيبات من نصيب الوالد يااااارب
|
Post: #237
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: ismeil abbas
Date: 05-27-2009, 07:52 PM
Parent: #235
الله يطمنك عليهو يا ناديه اكثر واكثر..ولا يحرمك يارب من هذه الحنية.....
إسماعيل محمد احمد عباس...
|
Post: #239
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: نادية عثمان
Date: 05-27-2009, 11:27 PM
Parent: #237
إسماعيل ياصديقي الوفي
تسلم ياربي من كل شر ويخلي ليك وليداتك وأحبابك يارب
طبعاً في الصورة الجبتها دي كان أبوي حبيبي شايفني وبتكلم معاي زي العجب !
كنت ماشة تصوير حلقة من برنامجي ( نخلات من بلادي) ومتعودة قبل ما أطلع لأي
تصوير أدخل ليهو أبوس رأسو وجبينو وأقول ليهو : أبوي أنا عندي تصوير أدعي لي بالتوفيق
يقوم يقول لي : بارك الله فيك أمشي يابتي
أها دعاء أبوي ده عندي بالدنيا ومافيها ولولاه لما نجحت في شئ في حياتي كلها !
ربنا يكمل شفاه ويبعد عنه الشر بحق جاه النبي يارب
|
Post: #240
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: نادية عثمان
Date: 05-28-2009, 00:05 AM
Parent: #239
ميسون ياحبيبة
رجع أبوي من الدكتور بحمد الله
وعارفاك متابعة البوست ده من خارج المنبر
وبرجع أحكي ليك بالتفصيل الحصل شنو سمح ؟
|
Post: #242
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: ismeil abbas
Date: 05-28-2009, 10:34 AM
Parent: #240
أحكى يا صديقة..عن سيرة هذا الرجل الطيب..الذى يمثل نموذج الرجل السودانى ألأصيل..
أحكى عن هذه السيرة السمحة.وسماحة خصالنا السودانيه ألأصيلة...
Quote: على أولاد مانجيب ربع همّية الراجل السمح ده !
يا إسماعيل عندي مزاج أحكي ليك في البوست ده وأحكي لكل الأحباب
المروا والحايمروا من هنا أعضاء وقراء
عن حاج عثمان مختار الرجل السوداني البسيط جداً
|
سمحة هذه البساطة..الممزوجة بالطيبة والشهامة..أحكى قدر ما تحكى..نحن نسمع ليك .أحكى عن هذا الرجل الطيب.. ونسأل الله له الشفاء..
إسماعيل محمد احمد عباس...
|
Post: #243
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: نادية عثمان
Date: 05-28-2009, 12:19 PM
Parent: #242
ياميسون
الدكتور قال إنو كترة الجلطات والنزيف
المتكرر أثرت على مركز الذاكرة في المخ !
وأدانا ليهو علاج لتنشيط الذاكرة
و
بكمل ليك
|
Post: #244
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: ناهد بشير الطيب
Date: 05-28-2009, 01:19 PM
Parent: #243
نادية الف الف سلامة عليه يارب يقوم بالسلامة وتشوفيه قريب
كويس وبصحة طيبة ....وتفرحوا انتى وهادية واخواتها ...
خلى بالك منه وربنا هو الحافظ ....
___________________
طبعا مشتاقين ...كتير كتير كتير
|
Post: #249
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: نادية عثمان
Date: 05-28-2009, 08:55 PM
Parent: #244
الحبيبة ناهد بشير الطيب
تسلمي من كل رور الدنيا يارب
وربنا يجعل دعواتك الطيبة من نصيب الوالد يارب
مشتاقة ليك بالأكتر
إنتي رجعتي جدة ولا لسة في الخرطوم ؟؟
|
Post: #245
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: نادية عثمان
Date: 05-28-2009, 02:15 PM
Parent: #242
الشقيق والصديق إسماعيل
تسلم يارب
وماتغيب وجودك باعث على الطمأنينة والفرح
في زمان ندر فيه الفرح والإطمئنان ياشقيقي !!
|
Post: #246
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: نادية عثمان
Date: 05-28-2009, 02:39 PM
Parent: #245
والدكتور قال :
الجلطات المتكررة أثرت على مركز البصر بصورة مباشرة
والنزيف أثر على مركز النطق والكلام بشكل كبير
ووجه الطبيب بإجراء جلسات علاج طبيعي مكثفة شديد
و
بكمل ليكم
|
Post: #248
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: كمال عباس
Date: 05-28-2009, 07:41 PM
Parent: #246
Quote: عاجل الشفاء للوالد
وان شاء الله اجر وعافية |
|
Post: #251
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: نادية عثمان
Date: 05-28-2009, 10:04 PM
Parent: #248
المحترم كمال عباس
كتر خيرك وشكراً طيباً على الدعاء الطيب
وتسلم من كل شر يارب
|
Post: #247
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: عزاز شامي
Date: 05-28-2009, 07:15 PM
Parent: #1
العزيزة نادية
الف حمدلله على سلامة الوالد و ان شاء الله تطمئني عليهو قريب
ارجو مراجعة الماسنجر الداخلي فقد وصلتني رسالة تخصك وارسلتها لك
كوني بألف خير
|
Post: #250
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: yasir Abdelgadir
Date: 05-28-2009, 09:58 PM
Parent: #247
الاخت الفاضلة: نادية
ربنا يطمنك علي والدك.....والله هو الشافي المعافي...وما الاطباء الا وسيلة فقط
نسال الله الشفاء لوالدك ......وربنا يعوده لكم سالما معافا من كل سقم
تحياتي
|
Post: #252
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: نادية عثمان
Date: 05-28-2009, 10:24 PM
Parent: #250
الدكتور قال:
نحافظ على الضغط بتاعو شديد
ومانخليهو يعلى خالص
وقال نبعد أبوي عن الزعل والإنفعالات نهائي
وقال نتكلم معاهو كتير ومانخليهو براهو لأنو معرض للإكتئاب !
ربي يشفيك يابا حبيبي الغالي ..
|
Post: #260
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: نادية عثمان
Date: 05-30-2009, 08:49 PM
Parent: #250
الطبيب الإنسان د. ياسر عبد القادر
كيفك يازول ياراقي ووين أراضيك في المملكة ولا خارجها ؟
تسلم يارب وجزاك الله عنا خير الجزاء باذن الله
|
Post: #253
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: نادية عثمان
Date: 05-29-2009, 08:54 AM
Parent: #247
العزيزة عزاز
جزاك الله كل خير يارب
تسلمي ويسلموا أحبابك وماتشوفي ولا يشوفوا شر يارب
وصلتني الرسالة وعميق شكري لكاتب الرسالة
الإنسان ولك ولكل من إهتم لأمر والدي الحبيب
كوني دوماً بألف خير
|
Post: #254
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: صداح وراق
Date: 05-29-2009, 01:27 PM
Parent: #253
سلامة الوالد وربنا يشفيهو وكل المرضي،آمين
موضوع الصحة في بلدنا موضوع نظام صحي،والتدهور الحاصل في كل مرافق الدولة بالضرورة أثر علي النظام الصحي.مسالة تدني مستوي الاطباء وعدم جاهزية المستشفيات الحكومية،وغلاء العلاج في المستوصفات مربوطة بواقع ونظام الصحة في البلد.
|
Post: #255
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: نادية عثمان
Date: 05-29-2009, 09:32 PM
Parent: #254
أنا فرحانة
الحمد لله جبر بخاطرنا وأبوي بحاول يستعيد المقدرة على الكلام
الليلة سمعت منو وبعضمة لسانو كلمة ( الحمد لله) من ( لسان) أبوي الكان فاقد النطق !
إذن بدأ يتماثل للشفاء بفضل الله سبحانه وتعالى
ثم بفضل دعواتكم الطيبات
وأصلوا الدعوات يطول عمركم يارب
وربي يكمل شفاء الوالد الحبيب باذن الله
|
Post: #256
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: حبيب نورة
Date: 05-29-2009, 09:49 PM
Parent: #255
نادية مالك ؟؟
خير أنشاء الله !!
|
Post: #257
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: نادية عثمان
Date: 05-29-2009, 10:16 PM
Parent: #256
حبيب نورة سلام
عاين
سألتني مالي ؟
صديقتي الحبيبة ميسون ردت بالنيابة عني وقالت ليك :
(الله لامسّخ عليك ضحكة بي مرض حبيباً ليك)!!
أها وقع ليك ياصديقي الغالي ؟!
|
Post: #258
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: bent awad el kareem
Date: 05-30-2009, 07:36 AM
Parent: #257
الحمدلله الحمدلله الحمدلله يا نادية ياختي الحمدلله على سلامة الوالد
وكلمة الحمدلله والشكر له نعمه كبيره جدا جدا وكلنا نحمدالله على سلامته
ونطقه لهذه الكلمة العظيمة وربنا قال لئن شكرتم لذيدنكم انشا الله ربنا يزيده صحه وعافيه
والانسان لما يحمدالله على كل شيء ربنا بحبه وانشاءالله كلما شكر ذاده نعمة العافية
والحمدلله الحمدلله الحمدلله الحمدلله الحمدلله الحمدلله الحمدلله
|
Post: #259
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: نادية عثمان
Date: 05-30-2009, 03:17 PM
Parent: #258
تسلموا يا أحباب وبرجع ليكم باذن الله
|
Post: #264
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: نادية عثمان
Date: 06-01-2009, 10:00 PM
Parent: #258
بت عمي عوض الكريم ياحبيبة قساي
دعواتك ياغالية خليها متواصلة وربنا بجبر بخاطرنا
عشان خاطر الراجل الطيب عمك حاج عثمان مختار ربي يديهو العافية سمح ؟
|
Post: #261
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: نادية عثمان
Date: 05-31-2009, 04:34 PM
Parent: #254
الأخ الكريم صداح وراق
تسلم يارب
وربنا يصلح الأحوال في بلدنا وكل مرافقها يارب
|
Post: #262
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: حسن طه محمد
Date: 06-01-2009, 06:23 AM
Parent: #261
الاخت العزيزة نادية
لكم أطيب تحية وأرجو ان يكون الوالد بخير وصحته في تحسن.
حاولت الاتصال بكم للاطمئنان علي صحة الوالد عن طريق الهاتف علي الرقم الذي اخذته من الاخ صلاح عثمان ولكن جاني الرد بان الرقم غير صحيح.
طمنينا علي صحته سائلين المولي عز وجل ان يواليه بتمام الصحة والعافية.
سلامنا للوالد ولكل من معكم.
|
Post: #263
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: انعام عبد الحفيظ
Date: 06-01-2009, 09:23 PM
Parent: #261
الف سلامة لـ والدك يا نادية
وربنا يتمم شفاؤه ويطمنكم عليه
|
Post: #265
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: نادية عثمان
Date: 06-02-2009, 10:54 AM
Parent: #263
الغالية إنعام
تسلمي من كل شر ياحبيبة
وماتشوفي إنتي شر في أحبابك يارب
دعواتك طيبة ربنا يجعلها من نصيب الوالد يارب
وفي ميزان حسناتك يانعومة العزيزة
|
Post: #266
Title: Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا
Author: عماد محمود علي
Date: 06-02-2009, 11:23 AM
Parent: #265
أختي الفاضلة نادية
ألف لا بأس للوالد طهور إنشاء الله ... الوالد سيكون بألف خير فقط تصدقي عليه وأكثري له من الدعاء بالشفاء أنصاف الليالي والناس نيام فرب السموات والأرض لا تأخذه سنة ولا نوم وسترين ...
| Quote: والله هذا الرجل عثمان مختار إنسان بكل ماتحمله الكلمة من معانِ |
بكل تأكيد من إنجب نادية مختار لا بد ان يتسم بهذه الصفة وأكثر ....
اللهم إني أسالك باسمائك الحسني وصفاتك العلا أن تشفي والدي عثمان مختار شفاءاً عاجلاً غير آجلاً .. يارب السموات ورب العرش العظيم ... يا من يقول للشيء كن فيكون قل لوالدي كن شافياً معافياً ليكون ..
|
|
|