Post: #1
Title: ركن الدوبيت السودانى
Author: نادية عثمان
Date: 02-04-2005, 10:28 AM
Parent: #0
بورسودان برّية الليلة سال فيك دم
دم أدروب حبيب فى الحارة بتحزّم
ياعروس الرمال سكنوك جيوش الهم
أوشيك أنا معاك ناخد القصاص حرّم
وعجبى !!
فنجان قهوة حار اشمعنى يتكسّر
ناس اوشيك حرام ليه يكتلم عسكر
بالدم الدفق عمق الجرح أكبر
البن باقى مر شان دفّقوا السكر
وعجبى!!
البلد الحزين ولّع بكل جنبات
فى الشرق الحبيب وفى غربنا الأموات
مسكين ياوطن مابشفى من أزمات
فيك فرسان تجقلب وفيك صراخ أمات
وعجبى !!
|
Post: #2
Title: عقبي
Author: elhilayla
Date: 02-04-2005, 10:42 AM
Parent: #1
عقبي
|
Post: #3
Title: Re: عقبي
Author: Balla Musa
Date: 02-04-2005, 10:52 AM
Parent: #2
الدين لى معادو والحساب بى فايلو وكل زولن يجيب قلمو ويورى فعايلو تدور الدنيا كل مذنب تورى عمايلو ساحرن الكبير بى الحسره يملا فتايلو
http://يا وليد: ممنوع الحداد لامن نعدل الصورة
الأستاذة نادية لك التحية
|
Post: #4
Title: Re: عقبي
Author: سجيمان
Date: 02-04-2005, 10:56 AM
Parent: #3
نادية.....
انا ما بعرف ادوبي
جيت ابشّر بس
|
Post: #5
Title: Re: عقبي
Author: Balla Musa
Date: 02-04-2005, 11:20 AM
Parent: #4
سجيمان كيف حالك
Quote: انا ما بعرف ادوبي
جيت ابشّر بس |
يا اخوى إنت بتبشر فى المناحة? ذكرتنى النور الجيلانى و ناس الكدرو هو يغنى الرحلة الأبدية و هم يرقصوا رغم أن الأغنية كتبت فى رثاء فرقة النور الجلانى والذين ماتوا فى حادث مرورى بعد أن رجعوا من حفلة بالكدرو.
|
Post: #14
Title: Re: عقبي
Author: نادية عثمان
Date: 02-05-2005, 04:07 PM
Parent: #4
سجمان العزيز بشّر عديلة وفال
بالفرح النبيل نمسح حزنا الطال
غنى معاى نقول ونجر خيوط موال
قول ليا الجريدة واقولك المرسال
|
Post: #12
Title: Re: عقبي
Author: نادية عثمان
Date: 02-05-2005, 02:45 PM
Parent: #3
البلد الحبيب مين البيعدل مايلو
صارى الحزن ابدا فى حشاهو وشايلو
الزول الظلوم حتما تظلمو فعايلو
فى يوما قريب بيبهدلنو عمايلو
|
Post: #11
Title: Re: عقبي
Author: نادية عثمان
Date: 02-05-2005, 02:37 PM
Parent: #2
: elhilayla
elhilayla الاخ العزيز
شكرا على المرور
|
Post: #6
Title: Re: ركن الدوبيت السودانى
Author: صديق الموج
Date: 02-04-2005, 11:23 AM
Parent: #1
نادية هلا هلا حرم جعلية ونجحت
|
Post: #7
Title: Re: ركن الدوبيت السودانى
Author: حبيب نورة
Date: 02-04-2005, 11:49 AM
Parent: #6
نادية
سلامات
|
Post: #16
Title: Re: ركن الدوبيت السودانى
Author: نادية عثمان
Date: 02-05-2005, 04:14 PM
Parent: #7
حبيب نورة الحبيبتك تجرى بس حفيانة
فيك يازول لسان حنّكت بيهو فلانة
باع عربيتو كامرى ومازدا برضو عشانها
مامهم جوع بطون وكت القلوب شبعانة
وعجبى وعجبكّّ!!
|
Post: #25
Title: Re: ركن الدوبيت السودانى
Author: حبيب نورة
Date: 02-06-2005, 06:38 AM
Parent: #16
نادية
Quote: حبيب نورة الحبيبتك تجرى بس حفيانة
فيك يازول لسان حنّكت بيهو فلانة
باع عربيتو كامرى ومازدا برضو عشانها
مامهم جوع بطون وكت القلوب شبعانة
|
بنت الناس حرام... يا الكل يوم فاضحانا كترتي الكلام.. المنو الله........هدانـا عربية شنو ؟ نحن الفلس........هدّانـا ولي حق السجار تعبت معـاه.......خطانا
|
Post: #29
Title: Re: ركن الدوبيت السودانى
Author: نادية عثمان
Date: 02-06-2005, 07:26 AM
Parent: #25
حبيب نورة
موبايلك يالعزيز رناتو ليه خلصانة
انعل ابو الفلس دائما ورانا ورانا
لو عندك قروش كان الرصيد كفانا
وفى اللاسلكى كان يازول نغنى غنانا
وعجبى جنس عجب !!
|
Post: #30
Title: Re: ركن الدوبيت السودانى
Author: حبيب نورة
Date: 02-06-2005, 07:37 AM
Parent: #29
Quote: موبايلك يالعزيز رناتو ليه خلصانة
انعل ابو الفلس دائما ورانا ورانا
لو عندك قروش كان الرصيد كفانا
وفى اللاسلكى كان يازول نغنى غنانا
|
الكمل قروشنا وخلي الجـيوبـــــــــ سجمانة حديث الزولة في ساعة الخلوق ........نجضانة ابو عيالك دوام قاعد معانا.......... معانا لو ما بعد البلاد..كان يا نادية جانا أزانا
أجي يا بنتي!!!!
|
Post: #32
Title: Re: ركن الدوبيت السودانى
Author: نادية عثمان
Date: 02-06-2005, 07:57 AM
Parent: #30
الكمل قروشنا وخلي الجـيوبـــــــــ سجمانة حديث الزولة في ساعة الخلوق ........نجضانة ابو عيالك دوام قاعد معانا.......... معانا لو ما بعد البلاد..كان يا نادية جانا أزانا
حبيب نورة
شن تجدى القروش لو صحتك عدمانة
وكت روحك تمام الفلسة ماهامانا
بحبك ابو العيال زى مازمان حبانا
مابقول ليك شئ عارفك ولدنا جنانا
وعجبى لدرجة قف تأمل !!
|
Post: #15
Title: Re: ركن الدوبيت السودانى
Author: نادية عثمان
Date: 02-05-2005, 04:09 PM
Parent: #6
جعلية وشلوخها السمحة ستة عوارض
لابترفض كلامها ولابتجيهو معارض
لو ربك اراد وزاح من طريقك عارض
تدورك بت جعل وتداوى فيك المارض
|
Post: #8
Title: Re: ركن الدوبيت السودانى
Author: ناذر محمد الخليفة
Date: 02-04-2005, 11:58 AM
Parent: #1
الللييييييييييييييييييللللللللللللل ليل وليل ليل يا ليا يااااااااااااااااا جعلى وشايقي ودنقلاوي إيش فايداني غير خلقت خلاف خلت أخوي عاداني هممممممممممممممممممممممم بالكرم الجد معروف وما هماني يكفي النيل أبونا والجنس سوداني
|
Post: #9
Title: Re: ركن الدوبيت السودانى
Author: saif massad ali
Date: 02-04-2005, 12:04 PM
Parent: #8
لي فوق
|
Post: #18
Title: Re: ركن الدوبيت السودانى
Author: نادية عثمان
Date: 02-05-2005, 04:22 PM
Parent: #9
saif massad
تسلم على المرور
وفوق فوق سودانا فوق ..منبرنا فوق ..ونحنا فوووق
|
Post: #17
Title: Re: ركن الدوبيت السودانى
Author: نادية عثمان
Date: 02-05-2005, 04:20 PM
Parent: #8
فى حدق العيون وطنك تملّى مكانو
تعشق لون ترابو وفرحتو واحزانو
فى كل المحافل باقى انت لسانو
تفخر بيهو ديمة ومابتسيب الهانو
|
Post: #10
Title: Re: ركن الدوبيت السودانى
Author: ناذر محمد الخليفة
Date: 02-04-2005, 12:09 PM
Parent: #1
الليييييييييييييييييييييييلللللللل
محببي العلي خلاني راح متحرج الحالة العلي خلاني يت متفرج ليييييييييلللللللللل يا الله العليم الحالة العاي تفرج أصبح حظي جائر الجوكرين ومعرج
|
Post: #13
Title: Re: ركن الدوبيت السودانى
Author: محمد حسن العمدة
Date: 02-05-2005, 03:00 PM
Parent: #10
كدي اول حاجة نشيل الفاتحة على ارواح الشهداء وبعد داك نشيل كباية الشاي ونعصر الفراش
حمد لله على السلامة يا
ناذر يا خوي انت من جماعة السودان الجديد اياهم ولا شنو ؟؟؟؟؟؟؟؟ جعلية وشايقية ودنقلاية زنوجة الشمال الكارهين لانفسهم
|
Post: #20
Title: Re: ركن الدوبيت السودانى
Author: نادية عثمان
Date: 02-05-2005, 04:31 PM
Parent: #13
مرحب بيك اخوى ود الاصول العمدة
يمين الامتحان شال من عيونى الغمدة
لكن ياعزيز ربى الكريم بنحمدا
وبكرة اكيد نكون فى صفوف نجاحنا الامضاء
وعجبى!
|
Post: #19
Title: Re: ركن الدوبيت السودانى
Author: نادية عثمان
Date: 02-05-2005, 04:28 PM
Parent: #10
مكافح بى شرف فخر الشباب وفخارو
يتمنّوا الصغار لو فى طريقك ساروا
الزول الكسول فى الدنيا ياكل نارو
والبيفهم يكون مجد الأحبة شعارو
|
Post: #21
Title: Re: ركن الدوبيت السودانى
Author: Balla Musa
Date: 02-05-2005, 04:49 PM
Parent: #19
ما قالوا السلام سنة دخول الدار وردوا فريضه للضيف دون فرز و خيار ما شفنا الأصول قاسوها بى العبار عجيبه الدنيا, تسقيك من دلوها مرار
|
Post: #22
Title: Re: ركن الدوبيت السودانى
Author: نادية عثمان
Date: 02-05-2005, 05:02 PM
ياعم موسى شوف البلة ولدك جار
ظلمنى ظلم شديد وجعنى وجعا حار
قال لشخصى قولا اثرو زى النار
لكن برضو قلبى بيقبل الاعذار !
العزيز بلة موسى ارجع للردود وحاتلاقانى رديت وقلت ليك بنفس القافية ختاما :
البلد الحبيب مين البيعدل مايلو
صارى الحزن ابدا فى حشاهو وشايلو
الزول الظلوم حتما تظلمو فعايلو
فى يوما قريب بيبهدلنو عمايلو
|
Post: #23
Title: Re: ركن الدوبيت السودانى
Author: Balla Musa
Date: 02-05-2005, 09:41 PM
Parent: #22
Quote: ياعم موسى شوف البلة ولدك جار
ظلمنى ظلم شديد وجعنى وجعا حار
قال لشخصى قولا اثرو زى النار
لكن برضو قلبى بيقبل الاعذار ! |
ن نرجع تانى لى سطرى الكتبتو عتاب ا الناس ليها بى المعلوم سلام و حباب د دوبيتك قبيل حييتو دون اسباب يه يهون لى ناس سلامك غيرى دون حجاب؟
|
Post: #24
Title: Re: ركن الدوبيت السودانى
Author: نادية عثمان
Date: 02-06-2005, 05:51 AM
Parent: #23
نرجع تانى لى سطرى الكتبتو عتاب الناس ليها بى المعلوم سلام و حباب دوبيتك قبيل حييتو دون اسباب يهون لى ناس سلامك غيرى دون حجاب؟
العزيز بلة موسى :
سلام وكمان مربع والف منى حباب
سلام وبدون سلام مايانا نحنا اصحاب
يابلة العزيز مابينا ياخى عتاب
تدخل تانى توووش وبدون تدق الباب
|
Post: #26
Title: Re: ركن الدوبيت السودانى
Author: انور الطيب
Date: 02-06-2005, 06:40 AM
Parent: #24
الأخت نادية عثمان تحياتي الحارة لك ولمن معك ، أعجبت جدا بهذا البوست لأنك باختصار استطعت أن تنقلي همك وقضيتك بصورة جميلة وغير مألوفة في البورد والانترنت وربما كادت أن تنقرض ، وأنا معجب جدا بصياغتك لكلماتك على نهج الدوبيت وقدرتك الفائقة" ماشاء الله" على صياغة كلماتك الجميلة المنمقة . لك أجزل الشكر
على الهامش: يقال أن الدوبيت هذا فارسي الأصل وهو بمعنى دو " اثنين" وبيت " بيت الشعر" لكن ربما لأهل اللغة والمعرفة شأن آخر .
لك التحية
|
Post: #28
Title: Re: ركن الدوبيت السودانى
Author: نادية عثمان
Date: 02-06-2005, 07:09 AM
Parent: #26
الاخ الاكرم..انور الطيب
تسلم للمرور يازول والف تحية
وجع بلدى الحبيب فوق همى زاد البيا
السودان بلد مابنرضى فيهو اذية
رجالة شعبو ظاهرة وكافى حسن النية
|
Post: #27
Title: Re: ركن الدوبيت السودانى
Author: ناذر محمد الخليفة
Date: 02-06-2005, 06:45 AM
Parent: #1
والله باود العمدة كتلتني كتل جربنا السودان القديم بما فيهو كدي قلنانجرب السودان الجديد ...
لك التحية
|
Post: #31
Title: Re: ركن الدوبيت السودانى
Author: almulaomar
Date: 02-06-2005, 07:48 AM
Parent: #1
يا بت الكرم يا نادية بت عثمان نظمك للشعر إيقاع في إيد فنان أنتي خير مثال لي عازة السودان شرفتي المنتدي ورفعتي راسنا كمان
|
Post: #33
Title: Re: ركن الدوبيت السودانى
Author: نادية عثمان
Date: 02-06-2005, 10:39 AM
Parent: #31
العزيز الملا عمر
قلت: يا بت الكرم يا نادية بت عثمان نظمك للشعر إيقاع في إيد فنان أنتي خير مثال لي عازة السودان شرفتي المنتدي ورفعتي راسنا كمان
وبقول ليك:
ياود القبايل يسلم السودان
بلدنا شعارها نخوة وخير وحب وحنان
ياعمر البلد حقتنا فيها امان
بس قالو الصبر بيغلب بنى الانسان
وعجبى!
|
Post: #34
Title: Re: ركن الدوبيت السودانى
Author: خال فاطمة
Date: 02-06-2005, 10:45 AM
Parent: #33
سلام يا بت عتمان سلام يا أخت الحبان سلام يا شعرك واصل كل الحبان ..
|
Post: #35
Title: Re: ركن الدوبيت السودانى
Author: munswor almophtah
Date: 02-06-2005, 10:56 AM
Parent: #34
ملكات النحل جادن شهد لى شفانا وشافن شوف عيان حالتنا كيف خربانا افواج احتجاج فاتحه الصدور عريانا بوليس السجم شكاهها بالجبخانا
منصور
|
Post: #37
Title: Re: ركن الدوبيت السودانى
Author: نادية عثمان
Date: 02-06-2005, 12:30 PM
Parent: #35
منصور العزيز
قلت:
ملكات النحل جادن شهد لى شفانا وشافن شوف عيان حالتنا كيف خربانا افواج احتجاج فاتحه الصدور عريانا بوليس السجم شكاهها بالجبخانا
جبخانة ورصاص دناميت وماهامانا
بنطلع فى وجوه العسكر الغشانا
لو كتلونا مرحب واستباحو دماءنا
بلدنا اكيد فى يوم ناخد القصاص علشانا
وعجب!
|
Post: #36
Title: Re: ركن الدوبيت السودانى
Author: نادية عثمان
Date: 02-06-2005, 12:23 PM
Parent: #34
خال فاطمة العزيز
كتلنى الشعر عشقا وهزتنى القوافى
حبيبتى حروف وكلمة من الزمن الخرافى
بقت فى الغربة مآوى فى قلب المنافى
مصيبة الشعر أكبر فى دنيا الصحافى !
عن تجربة وعجبى!
|
Post: #38
Title: Re: ركن الدوبيت السودانى
Author: Elmosley
Date: 02-06-2005, 01:01 PM
Parent: #1
فنجان قهوه كارب يعدل مزاجنا يروق عايزين يدلقوه يبقي الادب مدلوق ادروب اللسد حالف يجيبلو حقوق من زولا ظلوم اب راس عديم طايوق
|
Post: #40
Title: Re: ركن الدوبيت السودانى
Author: osly2
Date: 02-06-2005, 01:14 PM
Parent: #38
Quote: فنجان قهوه كارب يعدل مزاجنا يروق عايزين يدلقوه يبقي الادب مدلوق ادروب اللسد حالف يجيبلو حقوق من زولا ظلوم اب راس عديم طايوق |
الطايوق ظهر بس تحتو مافيش راس الزول اللعين كل فهمو ببقى مداس الخيل لو كبن البركه فى الفراس باكر تب بفوت يـا موصلى الكباس
|
Post: #47
Title: Re: ركن الدوبيت السودانى
Author: Elmosley
Date: 02-06-2005, 06:11 PM
Parent: #40
اوسلينا الكريم الدنيا باقيه حزينه شايف ابو الدقيق الليله حرق المينا مكتول الصباح الليله... كيف امسينا باقيلك كده ظالمنا ... بقدر لينا؟؟
|
Post: #41
Title: Re: ركن الدوبيت السودانى
Author: نادية عثمان
Date: 02-06-2005, 02:06 PM
Parent: #38
الموصلى ود الخال
ادروب بكرة ياخد حقو دون نقصان
ثروة وسلطة ياخد دون فرز كيمان
الدم غالى جد فى الغالية بورسودان
لو سكتو الرجال مابسكتو النسوان
وعجبى!!
|
Post: #48
Title: Re: ركن الدوبيت السودانى
Author: Elmosley
Date: 02-06-2005, 06:17 PM
Parent: #41
عاد يابت اخوي باكر بجي الميزان والظالم بروح بي شرو... بالكيمان وان كتر كلام نديهو... بي البمبان ونخم العسل..... ونغرفو بالكيزان
|
Post: #49
Title: Re: ركن الدوبيت السودانى
Author: نادية عثمان
Date: 02-06-2005, 06:51 PM
Parent: #48
الموصلى الغالى ود الخال
قلت:
عاد يابت اخوي باكر بجي الميزان والظالم بروح بي شرو... بالكيمان وان كتر كلام نديهو... بي البمبان ونخم العسل..... ونغرفو بالكيزان
وبقول ليك :
معمول العسل بالخاصة للسودان
عسلنا كتير بكفى بغرّق الحيشان
بس الطمع البغيض بيقرض بنى الانسان
ومسيخ العسل لو غرفوا بالكيزان!!!!
وعجبى من هنا للصبااااح ياموصلى!!
|
Post: #50
Title: Re: ركن الدوبيت السودانى
Author: Elmosley
Date: 02-06-2005, 07:00 PM
Parent: #49
عاد ياناديه كيف... بنزعلك ونشابي الكيزان خلاص غيرنا بيها.... كبابي والجالب الاذي عمرو بيعيش ...عزابي ونكون ناس علم. ناس كندي والفارابي
|
Post: #51
Title: Re: ركن الدوبيت السودانى
Author: نادية عثمان
Date: 02-06-2005, 07:32 PM
Parent: #50
الموصلى
السودان بلدنا بلد ابوى واحبابى
لو جاها الضرر بتفوت سمومنا الدابى
لابنقول عروبة ولاجنس غرابى
لازول جنجويد لابنعرف الجلابى !
وعجبى جد جد!!
|
Post: #39
Title: Re: ركن الدوبيت السودانى
Author: ناذر محمد الخليفة
Date: 02-06-2005, 01:12 PM
Parent: #1
يانادية الناس دي كلها دوبيتي فيها إلا أنا !!!!! مالي أعجمي ولا عشان إسمي صعب ؟؟ّّّ!!
|
Post: #42
Title: Re: ركن الدوبيت السودانى
Author: Abdelrahman Elegeil
Date: 02-06-2005, 02:28 PM
Parent: #39
الـســودان وطـنـا وفـيـه شـبـر تـب مـا بـنـدي
وإلا مـراكــب الـعـدو فـوق دمـانـا تـعـدي
مـا بـنـنـسـى الــوطــن وقـلـوبـنـا مـا بـتـصـدئ أصـحـاب تـار وجـرحـنـا قـيـحـه يـنـدئ
أصــحــاب ثأر وجــرحـنـا قـيـحـه يـنــــدئ
|
Post: #43
Title: Re: ركن الدوبيت السودانى
Author: shazaly gafar
Date: 02-06-2005, 03:04 PM
Parent: #42
يا بت عثمان سلا م ينجيك من السَّاسه فى بورسودان غُبُن مردومه فوقو حِساسه الجرح الكبير ما بتنفعو الكركاسه كل ما نقول نعمِّر تِتْردم من ساسه شاذلى
|
Post: #46
Title: Re: ركن الدوبيت السودانى
Author: نادية عثمان
Date: 02-06-2005, 06:10 PM
Parent: #43
الاخ شاذلى جعفر
قلت:
يا بت عثمان سلا م ينجيك من السَّاسه فى بورسودان غُبُن مردومه فوقو حِساسه الجرح الكبير ما بتنفعو الكركاسه كل ما نقول نعمِّر تِتْردم من ساسه وبقول ليك:
زمان وصفو السياسة وقالوا عليها شينة
لاصادقة فى وعودها لاطيبة وحنينة
تخلى الناس تغير صفاتها وحتى دينها
تسيب الغازى حرا وتعتقل الرهينة !
وعجبى جد جد!!
|
Post: #45
Title: Re: ركن الدوبيت السودانى
Author: نادية عثمان
Date: 02-06-2005, 06:04 PM
Parent: #42
Abdelrahman Elegeil
الشعب الجسور مين لى نفوسو بيهدئ
مابرضى الحقارة وقول سفيه متعدى
بورسودان وحلفا وتوتى كسلا وشندى
الشافع الصغير قبل الكبير متحدى
وعجبى!
|
Post: #44
Title: Re: ركن الدوبيت السودانى
Author: نادية عثمان
Date: 02-06-2005, 05:58 PM
Parent: #39
العزيز ناذر محمد الخليفة
وحاة ربى العظيم دوبيت اكيد ياناذر
بس ماكتبت اسمك اصلو اسما نادر
من معنى النذور الوصى بيها القادر
ياود الخليفة تعال ندوبى لباكر
وعجبى!
والله رديت بس بدخل عليك توش من غير مااكتب اسامى وهسة برضو بلة قال نفس الكلام ياشباب البيت بيتكم وانا والله سعيدة بوجودكم ودوبايكم معاى ويلا نقول وندوبى بدون عتاب لانكم كلكم ااخوان واصحاب..سمح
|
Post: #52
Title: Re: ركن الدوبيت السودانى
Author: Kamel mohamad
Date: 02-06-2005, 07:57 PM
Parent: #44
-1-
تقول لِى شنو
وتقولى لِى منو ،
-2-
أنحنَا السَّاسْ
ونَحنا الرَّاسْ
ونحن الدّنيا جبناهَا
وبَنيناها..
بِويت ..فى بِويتْ
وأسْعل جدى ترهاقَا
وخلى الفَاقة .. والقَاقا
-3-
تقول لِى شنو
وتقول لِى منو ،
-4-
تَالا أبوى .. بعنخى لَزَمْ
وتَالا اللُمْ..أَبوىْ أوْلبَابْ
وأمى مهيرة بتْ عبودْ
وأخويا المهدى ..سيد السيفْ
والخلى النصارى تقيفْ
هناك ..فى القيفْ ،
-5-
تقول لِى شنو
وتقول لِى منو ،
-6-
ونحن الشينْ
ونحن الزينْ
ونحن العقبه والعتمور
ونحن القِبله .. والقرعانْ
ونحن الشانْ
ونحن النانْ
أتينا عشانْ
نسوى الدّنيا للإنسانْ
تقول لِى شنو
وتقول لِى منو ،
-8-
ونحن الصّافى
والوَافى ،
ونحن الشّافى
والكافِى ،
ونحن الزادْ
ونحن العِينه
والزِيّنه ،
ونحن – يمين – أهالينا
أهلى سرورْ
ووكَتين ينزل المستورْ
تَرَانَه النور
-9-
تقول لِى شنو
وتقول لِى منو ،
-10-
ونحن الجبنه واللبريقْ
ونحن قداحنا سَاوات ضيقْ
ونحن بيوتنا مفتوحاتْ
مَسَاىْ .. وَصباحْ
ونحن وشُوشنا
مطروحاتْ
مَسَاىْ وصباحْ
ونحن السَمحه
والقَمحه
ونحن الطله .. واللمحه ،
ونحن الصِيدْ
ونحن العيدْ ،
-11-
تقولى لِى شنو
وتقولى لِى منو ،
-12-
ونحن عُزَازْ
ونحن حَرَازْ
ونحن هَشَابْ
ونحن قُمُوحْ
ونحن تُمُورْ
ونحن عُيُوشْ
ونحن النيلْ
وَكضَاب – يا زويل – منْ قالْ
إنّك .. تانى لينا متيلْ ،
تقولى لِى شنو
وتقولى لِى منو ،
-13-
ونحن الحَجه والتوبه ،
ونحن الهِجره .. والأوبه ،
ونحن كُتَارْ
ونحن كُبَارْ ،
ونحن – يمين – جُمَال الشيلْ
ونحن – يمين –نَضِمنا قليلْ ،
-14-
تقول لِى شنو
وتقول لِى منو ،
-15-
ونحن مِحايه
نحن طِرايه
نحن فِدايه
نحن سِمايه
نحن حجاب
ونحن اللوحْ
ونحن شَرَافه فى الدنيا
ونحن كِتاب عِلمْ مفتوحْ
على كل البُلودات ..نُورْ ،
ونحن – يمين – مَداين نورْ ،
ووشنا نورْ ،
-16-
تقول لِى شنو
وتقول لِى منو ،
-17-
ونحن الحِنه والجرتقْ
ونحن الزفه والسيره ،
ونحن ..أبشرى والشبال ،
ونحن السَىْ
ونحن الوَىْ
ونحن الرقبه .. والتُمْ تُمْ
ونحن اللَمْ ..
يكون فى الدنيا ..متلنا ..لمْ
-18-
تقولى لِى شنو
وتقول لِى منو ،
-19-
ونحن العَاجْ
ونحن الصَاجْ
ونحن البوشْ
ونحن الحوشْ
ونحن الناسْ
وكتين الديارا ..يباس
وإن درت العديل والزين
تعال يا زول ،
وإن كست الكعب والشين
أرح .. يا زول
-20-
تقولى لى شنو
وتقول لى منو ،
-21-
ونحن السورْ
ونحن الحُورْ ،
ونحن بناتنا محروساتْ
ونحن وِلادنا ضُلالاتْ
ونحن أُماتنا ياهِنْ ..ديلْ ،
وجِيب ورينى زيىِّ منو ،
وتقول لِى شنو
وتقول لِى منو ،
-22-
ونحن فَزَعْ
ونحن وجَعْ
ونحن اليُمه ..واليَابَا
ونحن أريتو بالتَابَه ،
ونحن – يمين – إذا حَرّتْ ،
نخلى الواطه ..رُقَابه ،
-23-
تقولى لِى شنو
وتقولى لِى منو ،
-24-
ونحن زَغَاوه والعطرونْ
ونحن الدُونَا ..مافيشُ دونُ
ونحن وِلاد مَلك خِرتيتْ
وسَابَ الجرْ
وحجَر السِكه ،
والتاكا ،
وسيّدنا الفى الجبل ..دَاكَا
ونحن – يمين – نضِمنا كُتُرْ
وشيَتنا كُتُرْ
وأسعَل ناس كَرن والطُورْ ،
وأسعَل كَررى .. والعَتْمُورْ
وأسعل – يا جنَاَ – الخرتُومْ ،
وشوف كيفن زعلنا كُتُرْ ،
وشوف كيفن فرحنا كُتُرْ ،
أنحنا الـ للرجال خُوسَه ،
ونحن –يمين – جِنَات موسى ،
-25-
تقولى لِى شنو
وتقول لِى منو ،
-26-
ونحن الدوكه
والضُلاله ، والدونكه ،
ونحن الدانقه ،
والراكوبه ، والواطه ،
ونحن الفَكَه
والشِبكَه
ونحن الحجزه .. والعكَه ،
ونحن الجُودْ ،
ونحن أسودْ ،
ونحن النَانْ ،
حديثنا إذا أرِدتو رُطَانْ
وحين دايرين ..نسوى بَيَانْ ،
-27-
تقول لِى شنو
وتقول لِى منو ،
-28-
ونحن الخَلوهَ والدايره ،
ونحن تَكيه العايره ،
ونحن الضُّلْ ،
ونحن الكُلْ ،
ونحن سبيل غريب الليلْ ،
ونحن صباح مسافر الليلْ ،
ونحن فَنَاجرةَ الدّنيا ،
ونحن حَبَابْ
حديثنا حَبَابْ
تعال شَرِف .. وشوفنى منو ،
وتقولِى شنو ،
وتقولِى منو ،
-29-
أقيف لِسَعْ
وأقيف وأسمعْ ،
ونحن صديرى منضوم ويلْ
ونحن القَرمصيص ..بلحيلْ ،
ونحن التوبْ
ونحن الووبْ
وناس حبوبْ
وناس حَرّمْ
ونحن إذا رأينا كبيرْ
نقيف طولنا ..ونقولْ لُه ..حَبَابْ
ونديه البُكَان ..ترحابْ
ونحن. اليَانَا ديل .. يا زولْ
وتسعلنى .. وتقول لِى منو
وتقولِى شنو ،
-30-
أقيف لسعْ
وأقيف .. وأسمعْ
ونحن التَايَهْ
والاندايَهْ
والزِريعهْ
والعيزومهْ
واتفضلْ ،
ونحن الرايَه مرفُوعه
ونحن الكُلفَه مرفُوعه
ونحن حلفتَ ... مدفوعه
-31-
تقول لِى شنو
وتقول لِى منو ،
-32-
وأما عجيبْ
وأما غريبْ ،
وأقيف لسعْ
وأقيف .. وأسمعْ ،
-33-
أنا الكَعَب البسوى الويلْ
وأنا الزول السَمِحْ ..بلحيل ،
وداير ..منَِّهُمْ .. يَاتُو ..،
تقولى لِى شنو
وتقول لِى منو ،
|
Post: #53
Title: Re: ركن الدوبيت السودانى
Author: Kamel mohamad
Date: 02-06-2005, 08:03 PM
Parent: #52
مرحبـ أستاذة نادية عثمان مختار لك التحية و التقدير
لقد نشرت قصيدة اسيدـأحمد الحردلو فوق هذا البوست و يتواصل الحوار
|
Post: #54
Title: Re: ركن الدوبيت السودانى
Author: Abo Amna
Date: 02-07-2005, 00:26 AM
Parent: #53
ئشكرا نادية عثمان لهذا الموقف.
لو أنني حتي احفظ بعض الدوبيت لشاركت ولكني برغم ذلك اشارك هذا الاحساس بما يحدث في وطني.
تحياتي لك وزلضيوفك الكرام
|
Post: #55
Title: Re: ركن الدوبيت السودانى
Author: Elmosley
Date: 02-07-2005, 04:27 AM
Parent: #54
يازول الشرق... يالبرصاص ..كتلوه انسانك غرق في بحر..... دم خلوهو ديل ظالمين عديل والظلم ماسابوهو والشعب الحزين ناسينو. ما بطروهو
|
Post: #58
Title: Re: ركن الدوبيت السودانى
Author: نادية عثمان
Date: 02-07-2005, 04:57 AM
Parent: #55
ود الخال الموصلى الغالى
قلت:
يازول الشرق... يالبرصاص ..كتلوه انسانك غرق في بحر..... دم خلوهو ديل ظالمين عديل والظلم ماسابوهو والشعب الحزين ناسينو. ما بطروهو
وبقول ليك:
ادروب زول نجيض بالطلقة مابكتلوهو
بيقلع حق ابوه مامنحة بس يدوهو
الزول الجسور فى الحارة مابنادوهو
تلقاه فى الوطيس فارس يهابو عدوه
|
Post: #59
Title: Re: ركن الدوبيت السودانى
Author: Elmosley
Date: 02-07-2005, 05:38 AM
Parent: #58
ياناديه قلتي ادروب زول نجيض بالطلقة مابكتلوهو
بيقلع حق ابوه مامنحة بس يدوهو
الزول الجسور فى الحارة مابنادوهو
تلقاه فى الوطيس فارس يهابو عدوه
اها ان بقول
الزول الجسور كان قام بولع نار والسيف عندو تب قاطع رهيب بتار وادروب ان سخي جيشو بيكون جرار يفخر بي شهيدو الاسمو.. ود كرار
|
Post: #63
Title: Re: ركن الدوبيت السودانى
Author: نادية عثمان
Date: 02-07-2005, 07:31 AM
Parent: #59
الموصلى العزيز
قلت :
الزول الجسور كان قام بولع نار والسيف عندو تب قاطع رهيب بتار وادروب ان سخي جيشو بيكون جرار يفخر بي شهيدو الاسمو.. ود كرار
وبقول ليك:
ادروب ساعة يقوم تبقى الدعاشة غبار
مابرضى الحقارة وماهو زول حقار
مزاج قهوة وظريف لكنو ماغدار
كتلوهو العساكر ظلم واستهتار !!
وعجبى لدرجة الدهشة والله!!
|
Post: #66
Title: Re: ركن الدوبيت السودانى
Author: Elmosley
Date: 02-07-2005, 08:18 AM
Parent: #63
ياناديه بت اهلي قلتي ادروب ساعة يقوم تبقى الدعاشة غبار
مابرضى الحقارة وماهو زول حقار
مزاج قهوة وظريف لكنو ماغدار
كتلوهو العساكر ظلم واستهتار !!
وانا بقول ادروب ياناديه فاهم عارف مقام الدار مابرضي الحقاره والظلم..... مابندار مابعرف الدسديس مابيرضي.. بيهو هظار ادروب ان ظلمتو..... لازم بجيب التار
|
Post: #69
Title: Re: ركن الدوبيت السودانى
Author: نادية عثمان
Date: 02-07-2005, 11:51 AM
Parent: #66
الموصلى الغالى
قلت:
ادروب ياناديه فاهم عارف مقام الدار مابرضي الحقاره والظلم..... مابندار مابعرف الدسديس مابيرضي.. بيهو هظار ادروب ان ظلمتو..... لازم بجيب التار
وبقول ليك:
لو كمل الرصاص ماكملن الحجار
اوشيك ان وقع ادروب بقيف زنهار
بيجيب حق اخوه وحق ابوه والجار
السودانى زول شايل الرجالة شعار
ومن دون عجب!!
|
Post: #57
Title: Re: ركن الدوبيت السودانى
Author: نادية عثمان
Date: 02-07-2005, 04:48 AM
Parent: #54
ابو امنة العزيز يكفينا شرف الطلة
الفرحة بتخص والوجعة لى خلق الله
الالم الكريه قاعد مقيم فى الحلة
الا فرحنا برضك اصلو مابنخلى !
|
Post: #56
Title: Re: ركن الدوبيت السودانى
Author: نادية عثمان
Date: 02-07-2005, 04:42 AM
Parent: #53
العزيز كامل محمد
الف مرحب بالمرور ..والف شكر على روعة الهدية
وقد صدق حبيبنا الحردلو المبدع
تقولى شنو ..وتقولى منو
نحنا فعلا مابشبهونا ناس ..السودان وشعبه خير امة اخرجت للناس ..وزيهم فى الدنيا مافى!
كن حاضرا ايها الاخ العزيز وواصل الحوار
|
Post: #60
Title: Re: ركن الدوبيت السودانى
Author: Shinteer
Date: 02-07-2005, 06:03 AM
Parent: #56
الأخت نادية دي من زماااااان أنا عارف هوايتها العجيبة التي ظنناها حكراً للرجال (باستثناء نساء شوييييية). هواية التعبير بآداة الدوبيت. لكن الليلة الملا راسي ده هو أستاذنا يوسف الموصلي. تابعت كل مجادعاتك مع الأخت نادية أبحث عن خللٍ ما .. فلم أجد!!. يوسف الموصلي .. صدقني إنت مثال للمثقف "العضوي" الحقيقي. غايتو أنا متكيّف منك إلى ما لا تخوم ولا حدود ولا بظبورطي ولا جناسي. لكن في الحقيقة إنت أصلاً مدوْزن في أعماق إحساسك بالحرف والنغم .. فما أظن يغلبك الدوبيت وتقعيد بـحرو المفارِق لشروط العولمة. نادية قريبتك دي طفشت ليها زمن مع دميرة الدوبيت .. وإنت برضو خليك زي ما إنت: مثال للمثقف إبن الأرض، إبن الناس، إبن الطين، إبن الكل.
بس ما تغرق.
|
Post: #61
Title: Re: ركن الدوبيت السودانى
Author: Elmosley
Date: 02-07-2005, 06:17 AM
Parent: #60
الحبيب شنتير امارس هنا هواية الانصهار في المجتمع واغرق فيها لارتقي بالفنان في داخلي فالفنان ياصديقي العزيز لا يمثل اي شيئ ان لم يعبر عن الحياة والمجتمع وان كان ذلك من منظور الخيال مارست كتابة الشعر الغنائي في عمر المراهقة طالبا//كنت احيانا اقول القصيده ملحنه وجاهزه وكان العدد فوق ال200 هلل تصدق؟؟ وفجأه اكتشفت انها ليست مراهقة عمر وجسد فقط بل انها مراهقة شعريه ولكنني اعتز بها علي كل حال ومنها اغنية بريدك ياحبيبي بريدك علي سبيل المثال الان اتمرن هنا واتعلم من الاخرين مع اهمية التعبير عن الموقف الذي تفضلت بمعاينته فيما اكتب هذا البورد هو جامعتي التي اتعلم منها واتدرب فيها بلا خجل فان اخطات وتم تقويمي فهذا انما يعود بالفائدة لي ولابنائي وجمهوري والشعب الكريم الذي هو احق بالفنان المتعلم لان الاجيال تتعلم منه لك محبتي الخالصه
|
Post: #62
Title: Re: ركن الدوبيت السودانى
Author: عبد المنعم ابراهيم الحاج
Date: 02-07-2005, 06:50 AM
Parent: #61
ياناديه السلام اول بعد لمينا مسدارك سمح جدعاتو ماكنة رصينة
منعم ابراهيم
|
Post: #65
Title: Re: ركن الدوبيت السودانى
Author: نادية عثمان
Date: 02-07-2005, 07:43 AM
Parent: #62
العزيز عبد المنعم ابراهيم الحاج:
الوطن الحبيب ابدا دوام لامينا
فى الغربة ام شتات الكعبة جدا شينة
لامينا الوداد واصلا قلوبنا حنينة
مرحب بيك اخوى يامنعم الطارينا !
|
Post: #64
Title: Re: ركن الدوبيت السودانى
Author: نادية عثمان
Date: 02-07-2005, 07:39 AM
Parent: #60
العزيز شانتير
اهلين الف مرحب بيك اخوى شانتير
يوسف اصلو فالح من صباهو صغير
كان فى الروضة شاطر وفى الموسيقى خطير
وكان بيقعد يغنى والاغانى تطير !!
وعجبى!
|
Post: #67
Title: Re: ركن الدوبيت السودانى
Author: ناذر محمد الخليفة
Date: 02-07-2005, 10:15 AM
Parent: #1
حيوا معاي بنت الأصول ديك نادية زارعالنا الفرح زهراتو لينةونادية غيرت لي زمنا من طباعن شينة وسادية فرهدت جوز ولوز يرويهاعزن وساقية
|
Post: #68
Title: Re: ركن الدوبيت السودانى
Author: نادية عثمان
Date: 02-07-2005, 11:35 AM
Parent: #67
العزيز ناذر محمد الخليفة
قلت :
حيوا معاي بنت الأصول ديك نادية زارعالنا الفرح زهراتو لينةونادية غيرت لي زمنا من طباعن شينة وسادية فرهدت جوز ولوز يرويهاعزن وساقية
تسلم ياعزيزنا الغالى جدا ناذر
يازولا كريم بالطيبة ديمة تبادر
حوش جدك كبير بالخير مدفق عامر
ومن سودانا هابة علينا نسمة بشائر
|
Post: #70
Title: Re: ركن الدوبيت السودانى
Author: luai
Date: 02-07-2005, 12:11 PM
Parent: #68
نادية عثمان يا مبدعة تحياتي وهاك مشاركة
الليلة البلد مليان مشاكل وغيوم والدنيا الرايحه ما بتستاهل هموم احسن نوحد جهودنا سلام وتنمية ومحبة من شرق لغرب وجنوب وشمال وحتى الخرتوم
|
Post: #71
Title: Re: ركن الدوبيت السودانى
Author: نادية عثمان
Date: 02-07-2005, 12:30 PM
Parent: #70
العزيز لؤى
قلت:
الليلة البلد مليان مشاكل وغيوم والدنيا الرايحه ما بتستاهل هموم احسن نوحد جهودنا سلام وتنمية ومحبة من شرق لغرب وجنوب وشمال وحتى الخرتوم
وبقول ليك :
ياوطنى الجميل يالمافى زيك زى
حبيبك ليك بعود طال ماهو مرزق حى
خليك فى العليك وخلى العليا على
لو يتجسّر عدوك بنأكلو لحما نئ
|
Post: #72
Title: Re: ركن الدوبيت السودانى
Author: محمد خليفة محمد جميل
Date: 02-07-2005, 05:18 PM
Parent: #71
نادية... سلام يشبهك.. ايتها المبللة بالصياغات... هذا هو العبث... مطر أصم..ينتظر الولادة.. ومازلت ألوك الدهشة.. وهذه رجفة أولي.. وساعود..متي ما سمحت قصاصات الوقت.. سلملم....
|
Post: #74
Title: Re: ركن الدوبيت السودانى
Author: نادية عثمان
Date: 02-07-2005, 05:41 PM
Parent: #72
محمد خليفة محمد جميل
لك التحية التى تليق بمقامك
ياود الخليفة مرورك اصلو جميل
ياود الاصول فى الحارة جمل الشيل
زول رائع كمان وحروفو رقة تميل
مرحب بيك دوام وحتما تعود بالحيل !
|
Post: #73
Title: Re: ركن الدوبيت السودانى
Author: Elmosley
Date: 02-07-2005, 05:41 PM
Parent: #70
لكن... يالؤي الدنيا.... مابتدوم والناس عارفه كم ظلم الحكم معلوم كيفن يااخوي ظالم... يحب.. مظلوم اوشيك الجميل اليوم... صبح مهموم
|
Post: #75
Title: Re: ركن الدوبيت السودانى
Author: نادية عثمان
Date: 02-07-2005, 05:57 PM
Parent: #73
ودعوة للحب ..الاخاء ..التسامح..الصفاء ..السلااااااااااااااااااااام ..السلام ..السلام
جون ياأهلنا زول وحدة ومقاصدو سلام
قال من نمولى لى حلفا بيربى حمام
أطفال مروى فى رومبيك سنا الاحلام
وأولاد زاندى فى شندى وصغيرهم نام !!
وبدون عجبى !!
**** ***** *****
الحرب القبيل مالقينا فيها هوادة
حقول الغام ونار لابدّ من اخمادها
من أجل التحول لازمة لينا ارادة
جنوب وشمال بلدنا ونحنا كلنا سادة!!
**** **** *****
منو القال بت شمال مايعرسولا جنوبى
شول سيد البلد متل الشمالى النوبى
يمين لو دار بنيتى أديها ليه بى توبى
ومن بقرو الحلوب لبنا يكون مشروبى ..
***** **** ***
الزول المجاهد يوم دخل للغابة
شان يحمى الجنوب مايسرقوه عصابة
الزول شان يعيش لابد يكونلو مهابة
فى ظل السلام الوحدة تبقى حبابها ..
|
Post: #76
Title: Re: ركن الدوبيت السودانى
Author: munswor almophtah
Date: 02-07-2005, 10:51 PM
Parent: #75
ماك حكامه يا مهيرة الزمان الجانا وجانا وشو كالح وكاشف عميف احزانا هداوة البال محاها وشرد علينا عيالنا وزي ما قبيل زكرتى دانتو ما هامانا
منصور
|
Post: #77
Title: Re: ركن الدوبيت السودانى
Author: نادية عثمان
Date: 02-08-2005, 05:37 AM
Parent: #76
منصور العزيز
هلا بالطلة :
السلام كان ديمة مطلب وكلو جارا ليهو ساعى
بس بخاف المدة تطول ونحنا هدتنا المساعى
الحجج والنقة كترت مابشوف كان ليها داعى
الوطن الجرحو نوسر كان جميل لو ليه نراعى !!
ومن دون عجبى!!
|
Post: #79
Title: Re: ركن الدوبيت السودانى
Author: anwar abu gaidaa
Date: 02-08-2005, 06:02 AM
Parent: #77
زى الراسيات صحه وثبات ورزانه كم قابلنا بى وحها بشوش واجزانا لم لا نمدحهبالال سن العجزانه
|
Post: #80
Title: Re: ركن الدوبيت السودانى
Author: نادية عثمان
Date: 02-08-2005, 06:38 AM
Parent: #79
العزيز انور ابو غيداء
قلت:
زى الراسيات صحه وثبات ورزانه كم قابلنا بى وحها بشوش واجزانا لم لا نمدحهبالال سن العجزانه
وبقول ليك :
السودان عموم وجها بشوش وجميل
مابعرف العوج تلقاهو دربو عديل
مابرضى الحقارة ومابتلاقى ذليل
السودان معلم جيل وراهو الجيل
|
Post: #78
Title: Re: ركن الدوبيت السودانى
Author: Elawad Eltayeb
Date: 02-08-2005, 05:53 AM
Parent: #76
محاولة أولى عشان خاطر هذا المنبر الراقي:
شوف تاريخ بلادي تلقاهو ابدا شاهد الوطن الكبير عايزلو قلبا زاهد مو قلبا عقيم للزايلة دايما جاهد للسلطة الخؤون تلقاهو صدرو يناهد مادي غصن سلام والسونكي خلفو يلابد
مانا الداقسين ولانا بنكاري زليم السكران حدانا في الجبهة ببقى هميم وأم حاجبا رفيع في الدارة تبقي جحيم
غايتو "زليم" دي كان ما نبذ زي ما أنا فاكر عدلوها زي ما "تكرهوا".
العوض أحمد الطيب
|
Post: #81
Title: Re: ركن الدوبيت السودانى
Author: نادية عثمان
Date: 02-08-2005, 08:28 AM
Parent: #78
العزيز العوض احمد الطيب
قلت:
شوف تاريخ بلادي تلقاهو ابدا شاهد الوطن الكبير عايزلو قلبا زاهد مو قلبا عقيم للزايلة دايما جاهد للسلطة الخؤون تلقاهو صدرو يناهد مادي غصن سلام والسونكي خلفو يلابد
وبقول ليك :
اوعك تخاف واغرز خناجرك فى صميم قلب الريئس
انت الشروق لو اظلمت وانت البتستر للبنيات ياعريس
قلمك درع حبرك رصاص يحرق حشا الاسد الكديس
انت الطريق مرسوم عديل واصلو العوج درب التعيس
ومن دون عجب!!
|
Post: #82
Title: Re: ركن الدوبيت السودانى
Author: anwar abu gaidaa
Date: 02-08-2005, 01:40 PM
Parent: #81
فاليحيا الوطن واليحيو اساطين عرشو يحيو ليحيو ميت ارضو ويمجدوا ارثو يحفظو نيلو يحفظو ارضو يحفظو قرشو يحفظو حرمتو والخاين يقلعو عرشو
|
Post: #83
Title: Re: ركن الدوبيت السودانى
Author: نادية عثمان
Date: 02-08-2005, 01:50 PM
Parent: #82
العزيز انور ابو غيداء
بقول ليك :
مسكين يابلد جرحوك أهلك وناسك
طعنوك فى فؤادك ونزّفوك احساسك
أولادك زمان ماكان بيرضوا مساسك
وهسة بعد جنوبك جه غربك يقطع رأسك !!
وعجبى شديد والله!!
|
Post: #84
Title: Re: ركن الدوبيت السودانى
Author: ودالعباسية
Date: 02-08-2005, 03:29 PM
Parent: #83
التحية ليك يانادية على البوست الجميل دا
والله فعلا متعة لا توصف وخاصة مجادعات المتداخلين
ولكن للاسف ما بعرف ادوبى زيكم ...
لكن بالجد حاجة حلوة
لى قدام ....
|
Post: #86
Title: Re: ركن الدوبيت السودانى
Author: نادية عثمان
Date: 02-08-2005, 04:39 PM
Parent: #84
العزيز ود العباسية
لك التحايا الطيبات والف مرحب بالمرور
قلت :
(ولكن للاسف ما بعرف ادوبى زيكم ...)
يازول يكفينا شرف الطلة ودى بالدنيا ولى قدام نعبر عن فرحنا ووجعنا وهمنا مع بعض !
ولى قدام على رأى العزيزة بنية
|
Post: #85
Title: Re: ركن الدوبيت السودانى
Author: عبدالله وداعه الامين
Date: 02-08-2005, 04:32 PM
Parent: #83
مسكين البلد يا نادية كيف الشورة؟ انقطع الرسن والجتة عادمة شعورة من بدل العرس سموهو موت الكورة بي عقول الرجال والله لعبوا الكورة
يا نادية البلد باكر تجيك اخبارة راقدة علي النعيم والسلم فيها امارة ماتغرك دقونم والله ديل سمسارة راس مالم بضيع والباقي كلو خسارة
|
Post: #87
Title: Re: ركن الدوبيت السودانى
Author: نادية عثمان
Date: 02-08-2005, 06:09 PM
Parent: #85
العزيز عبد الله وداعة الامين
قلت : مسكين البلد يا نادية كيف الشورة؟ انقطع الرسن والجتة عادمة شعورة من بدل العرس سموهو موت الكورة بي عقول الرجال والله لعبوا الكورة
وبقول ليك :
ياود الامين الحالة فيها خطورة
باللون السواد جد شوهوها الصورة
مكشوف حالنا بس وكل الخلق مستورة
الحرة بتموت تب مابتعيش بشطورها !!
وقلت : يا نادية البلد باكر تجيك اخبارة راقدة علي النعيم والسلم فيها امارة ماتغرك دقونم والله ديل سمسارة راس مالم بضيع والباقي كلو خسارة
وبقول ليك:
اخبار البلد ياريت تكون بس سارة
الموت والخراب كسرين بدون جبارة
تربية الدقون بالجد بتبقى عوارة
لو سابوا البلد بناسها تولع نارها !!
|
Post: #88
Title: Re: ركن الدوبيت السودانى
Author: anwar abu gaidaa
Date: 02-09-2005, 11:50 PM
Parent: #87
سودانيه سود عاليين الهمم بنسند الضعيف وما بناكل الرمم ومين زينا
|
Post: #89
Title: Re: ركن الدوبيت السودانى
Author: نادية عثمان
Date: 02-10-2005, 08:04 AM
Parent: #88
انور ابو غيداء
قلت :
سودانيه سود عاليين الهمم بنسند الضعيف وما بناكل الرمم ومين زينا
وبقول ليك:
السودان حبيبى علا منو بخاف
سبب خوفى الملاريا وبردها الرجاف
من انثى الانوفليس نفسى ديمة تعاف
بعد حمى وطراش حلقى يابس جاف !!
|
Post: #90
Title: Re: ركن الدوبيت السودانى
Author: نادية عثمان
Date: 02-10-2005, 09:40 AM
Parent: #89
صاح انت الملك وفوق رأسك أجمل تاج
مصنوع من دهب أحمر وسن العاج
بس قلبك لئيم أسود بلون الصاج
مابتخاف من الله برغم انك حاج !!
وعجبى !!
|
Post: #91
Title: Re: ركن الدوبيت السودانى
Author: anwar abu gaidaa
Date: 02-10-2005, 09:46 AM
Parent: #90
يا عزه ايناك يعشقوك تلتا يموت تلتين يقوك دم الشباب طاهر سقوك القرشى والشهداء المثال
|
Post: #92
Title: Re: ركن الدوبيت السودانى
Author: anwar abu gaidaa
Date: 02-10-2005, 09:52 AM
Parent: #91
فتياتنا تعدو على الرهب مالقاصدات سوق الدهب نسن الانوثه على اللهب يوم داك ضارعن الرجال
لا ادرى للابطال مثل فى الجمله واحد ما انكتل حتى الضرير كر وكتل اهم جدودكم يا رجال
|
Post: #93
Title: Re: ركن الدوبيت السودانى
Author: نادية عثمان
Date: 02-10-2005, 11:09 AM
Parent: #92
العزيز انور ابو غيداء
ياعاشق الجمال اعرف انحنا جمالنا مالو مثيل
انحنا الفركة والسوميت وقولة السى معاها عديل
انحنا الخمرة والدخان والريف دور فتيل فى فتيل
معانا بتعرف ايه الحب وبدونا أخير تقع فى النيل !!
سودانية بس فى الكون حباها المولى أحلى جمال
غنج معجون من الصندل وبسمة وأغلى تيه ودلال
لآدنة طرية زى مخمل ومشيتها زى عظيم مختال
سودانية بس فى الكون توزنها بالدهب والمال !!
ومن دون عجب!!
|
Post: #94
Title: Re: ركن الدوبيت السودانى
Author: Mohamed A. Salih
Date: 02-10-2005, 11:29 AM
Parent: #1
كلام سمح تب استاذه ناديه... تعجبني موهبتك .. اها نشارك بي حاجة قديمه...
يا الماشي الخلا سلم علي القلدونا الانقليز بالكنترات ملكونا كل صبح جديد زي الغنم عدونا يا رب يا كريم تبرد حشا الولدونا
|
Post: #95
Title: Re: ركن الدوبيت السودانى
Author: عبدالله وداعه الامين
Date: 02-10-2005, 01:34 PM
Parent: #94
الماشي الخلا خليهو شوف الجونا كيزان السجم خلو البلد محزونه يزرعو في الحرب بقت البلد طاحونة تطحن في الخلق بي الدم تعجن المونة
|
Post: #96
Title: Re: ركن الدوبيت السودانى
Author: osly2
Date: 02-10-2005, 02:13 PM
Parent: #95
Quote: الماشي الخلا خليهو شوف الجونا كيزان السجم خلو البلد محزونه يزرعو في الحرب بقت البلد طاحونة تطحن في الخلق بي الدم تعجن المونة |
وشوف مونة السجم زى ناسا كم ملعونه كل مدماك يقيف فوق راس تكون مسحونه الناس بالحرب يا شوقى شاحب لونا والكيزان هناك مادين كروش مدهونه
|
Post: #99
Title: Re: ركن الدوبيت السودانى
Author: نادية عثمان
Date: 02-10-2005, 02:55 PM
Parent: #96
اوسلى 2
قلت:
وشوف مونة السجم زى ناسا كم ملعونه كل مدماك يقيف فوق راس تكون مسحونه الناس بالحرب يا شوقى شاحب لونا والكيزان هناك مادين كروش مدهونه
وبقول ليك :
البلد العزيز تسلم عشانا عيونها
كم خيرات كتير فى جوفها جد مدفونة
مهما نحنا نقسو تظل بلدنا حنونة
ننعم بى جمالها وروعتها وفنونها !!
|
Post: #101
Title: Re: ركن الدوبيت السودانى
Author: Mohamed A. Salih
Date: 02-10-2005, 04:16 PM
Parent: #96
عبد الله صحيح قولك يمين يا خونا من غير حرب ديل مصو شربو دمانا نفخوها الجيوب وخلو العباد غلبانا صحيح طيب الصبر علا الدماء عكرانا
|
Post: #98
Title: Re: ركن الدوبيت السودانى
Author: نادية عثمان
Date: 02-10-2005, 02:49 PM
Parent: #95
العزيز عبد الله وداعة الامين
قلت:
الماشي الخلا خليهو شوف الجونا كيزان السجم خلو البلد محزونه يزرعو في الحرب بقت البلد طاحونة تطحن في الخلق بي الدم تعجن المونة
وبقول ليك:
ياود الامين الدنيا جد مجنونة
وهمومنا الكتار مابقينا نعرف لونها
طاحونة السجم فيها العيال مطحونة
لكن يالعزيز ارواحنا مابنخونها !!
|
Post: #97
Title: Re: ركن الدوبيت السودانى
Author: نادية عثمان
Date: 02-10-2005, 02:43 PM
Parent: #94
الاخ محمد صالح
قلت :
يا الماشي الخلا سلم علي القلدونا الانقليز بالكنترات ملكونا كل صبح جديد زي الغنم عدونا يا رب يا كريم تبرد حشا الولدونا
وبقول للوطن عبرك :
الحواليك مرتزقة وفيك طامعين
عاملين انهم حلوين وهم شينين
ناس لابتعرف الله ولاكتاب الدين
لاحمدوا الآله لاسجدوا يوم شاكرين !!
|
Post: #100
Title: Re: ركن الدوبيت السودانى
Author: عبدالله وداعه الامين
Date: 02-10-2005, 03:57 PM
Parent: #97
الطمعانين كتار يا نادية والمرتزقه انملت البلد عدم الشريف الفرقه يا اوسلي انكرب جيب السلاح والدرقه قبال نمبرش و نروح شمار في مرقه
|
Post: #104
Title: Re: ركن الدوبيت السودانى
Author: osly2
Date: 02-10-2005, 04:34 PM
Parent: #100
Quote: الطمعانين كتار يا نادية والمرتزقه انملت البلد عدم الشريف الفرقه يا اوسلي انكرب جيب السلاح والدرقه قبال نمبرش و نروح شمار في مرقه |
يا ناديه البشر راحت شمار فى مرقه زى عبد الله اخوى قاعد مكوزم حرقه الناس فى الشرق ماتت بنار منحرقه والكوز اللعين مشغول بحد السرقه
|
Post: #106
Title: Re: ركن الدوبيت السودانى
Author: نادية عثمان
Date: 02-11-2005, 08:39 AM
Parent: #100
العزيز عبد الله وداعة الامين
قلت :
الطمعانين كتار يا نادية والمرتزقه انملت البلد عدم الشريف الفرقه يا اوسلي انكرب جيب السلاح والدرقه قبال نمبرش و نروح شمار في مرقه
وبقول انا :
محظوظ الوطن بالخيرين أولاودو
الولد الاصيل بيشيل طبائع أجدادو
فى التقى والورع مابيشبهوه أندادو
تفخربوا القبيلة وبتو أم أحفادو
|
Post: #102
Title: Re: ركن الدوبيت السودانى
Author: المسافر
Date: 02-10-2005, 04:20 PM
Parent: #97
الأخت نادية تحية للأخت الفهيمة
واسمحي لي أحي الدكتور / محمد عبد الرحمن صالح وأقول ليه حمد الله على السلامة منتظر أخبارك
Quote: يا الماشي الخلا سلم علي القلدونا الانقليز بالكنترات ملكونا كل صبح جديد زي الغنم عدونا يا رب يا كريم تبرد حشا الولدونا |
ما دام أخينا محمد رجعنا لي زمن الإنقليز تحضرني هذه الأبيات من مسرحية على عبد اللطيف التي قمنا بتمثيلها في المدرسة الإبتدائية وقد حفظتها منذ ذلك التاريخ:
(( ياوطني العزيز أنا داير أداوي جروحك وداير أشوفك فوق قمم المعالي صروحك داير أبني مجدك داير أنعش روحك يا وطني العزيز يعز علي يحكمك بريطاني الحكم الثنائي فوق صدرك جسم كالسل والسرطاني مرحب بالسجون والهانة والتشريد مرحب بالسجون والذل والتجريد لو كان لي عدوك يرد))
السجون والهانة والتشريد والذل والتجريد كانت من أدوات المستعمر التي مارسها على أبناء الوطن في ذلك الزمان.. ويظهر أن المستعمر ترك أدواته خلفه لما تم جلاءه من البلاد.
|
Post: #103
Title: Re: ركن الدوبيت السودانى
Author: Mohamed A. Salih
Date: 02-10-2005, 04:30 PM
Parent: #102
الاخ الحبيب المسافر عدت قبل ايام من الخرطوم... التفاصيل لاحقا اخوك محمد
|
Post: #105
Title: Re: ركن الدوبيت السودانى
Author: anwar abu gaidaa
Date: 02-11-2005, 00:31 AM
Parent: #103
يا جريعة العسل الشارقه لى رشافك نهبتى قلوبنا بالعنجه وبروق كشافك ربنا سمحك كيتا على من شافك حرقتينا يا شافعه التحرق شافك
تطيب بيها النفوس من حيث خصالها طيبه اخلاقا جميله ثم خلقا طيبه بت ناسا عزاز بعد اللطافه رطيبه اريده امى ات تعالى لى ماك طيبه؟
|
Post: #108
Title: Re: ركن الدوبيت السودانى
Author: نادية عثمان
Date: 02-11-2005, 09:13 AM
Parent: #105
العزيز انور ابو غيداء
قلت :
يا جريعة العسل الشارقه لى رشافك نهبتى قلوبنا بالعنجه وبروق كشافك ربنا سمحك كيتا على من شافك حرقتينا يا شافعه التحرق شافك
وبقول انا :
صافى يالدهب المجمر انت ياسر الخزانة
انت للمكلوم مواسى وفرحة الناس الحزانة
ابتهاجنا وريدنا أكبر يالقليبك اصطفانا
كلمة منك تسوى دنيا وبسمتك يازول كفانا !!
وتانى قلت: تطيب بيها النفوس من حيث خصالها طيبه اخلاقا جميله ثم خلقا طيبه بت ناسا عزاز بعد اللطافه رطيبه اريده امى ات تعالى لى ماك طيبه؟
وبقول انا :
طيبة طول ماانت طيب ياابو الغيداء الجميلة
غيداء بت العز حلاتها للحسب ونسب سليلة
نحنا فى الغربة التحرق نطرى اوطانا الاصيلة
اصلو ياانور بلادنا مهما تقسى نقول حليلها !!
|
Post: #107
Title: Re: ركن الدوبيت السودانى
Author: نادية عثمان
Date: 02-11-2005, 08:59 AM
Parent: #102
العزيز المسافر
تسلم على المرور الرائع ..ومشاهد المسرحية الثورية
وكن مارا دوما من هنا فوجودك يسعدنا ..
|
Post: #110
Title: Re: ركن الدوبيت السودانى
Author: ناذر محمد الخليفة
Date: 02-11-2005, 12:29 PM
Parent: #107
يانادية أنجدينا دوباك مالو مقصر؟ في أمور السياسة بس براها محصر فينا فن وجمال ونخلاً طويل ما بقصر بس ٌإنتي خلي السياسةونهارك براهو بعصر
|
Post: #111
Title: Re: ركن الدوبيت السودانى
Author: Mohamed A. Salih
Date: 02-11-2005, 02:25 PM
Parent: #110
سياسة الجن شن غيرها عاد بندوبي زمان الكان عدل الليله صار مقلوبي تجار الدين بي هناكا قالبين هوبي واطاتنا المن جدودنا..باعوها لي ناس بوبي
|
Post: #114
Title: Re: ركن الدوبيت السودانى
Author: نادية عثمان
Date: 02-11-2005, 05:08 PM
Parent: #111
العزيز محمد صالح
قلت:
سياسة الجن شن غيرها عاد بندوبي زمان الكان عدل الليله صار مقلوبي تجار الدين بي هناكا قالبين هوبي واطاتنا المن جدودنا..باعوها لي ناس بوبي
وبقول ليك:
ياقشاش دموعا هاملة ساعة المرّة
يابسيفا مهنّد مابعيد الكرّة
من النار الهشيم تطلع ومابتنضرا
تريدك وتفتخربك عازة بت السرّة !!
|
Post: #121
Title: Re: ركن الدوبيت السودانى
Author: Mohamed A. Salih
Date: 02-11-2005, 08:30 PM
Parent: #114
ياقشاش دموعا هاملة ساعة المرّة
يابسيفا مهنّد مابعيد الكرّة
من النار الهشيم تطلع ومابتنضرا
تريدك وتفتخربك عازة بت السرّة !!
عازه نحن حماها من الغشيم الجاني نحن ولاد مهيرا وعزة السوداني بنشيل البنادق ونقبل النيشاني ونخلي الطير يحوم فوق الرمم شبعاني
|
Post: #112
Title: Re: ركن الدوبيت السودانى
Author: نادية عثمان
Date: 02-11-2005, 04:36 PM
Parent: #110
العزيز ناذر محمد الخليفة
قلت :
يانادية أنجدينا دوباك مالو مقصر؟ في أمور السياسة بس براها محصر فينا فن وجمال ونخلاً طويل ما بقصر بس ٌإنتي خلي السياسةونهارك براهو بعصر
وبقول انا :
يازول ارجع اقرأ وشوف كلامى وعيد
نوعت الحديث حب ونوع سياسة وصيد
الدوباى حلاوتو يكون غنا وتغريد
سياسة وفن ولوعة فرح وحزن شديد!!
|
Post: #109
Title: Re: ركن الدوبيت السودانى
Author: Nasr
Date: 02-11-2005, 09:36 AM
Parent: #1
this is really nice. I haven't seen like this in a long time
|
Post: #113
Title: Re: ركن الدوبيت السودانى
Author: munswor almophtah
Date: 02-11-2005, 04:49 PM
Parent: #109
أفرحى خلى حزنك جمر البلاد باطاها وكان هبلت هبيله الليله خابرو دواها حاله الكان قبيل برجع سريع بضياها وجنياتا الشموس عقبان بعدلو قفاها
شنو ليك مو صقع
منصور
|
Post: #116
Title: Re: ركن الدوبيت السودانى
Author: نادية عثمان
Date: 02-11-2005, 05:26 PM
Parent: #113
منصور الغالى
قلت:
أفرحى خلى حزنك جمر البلاد باطاها وكان هبلت هبيله الليله خابرو دواها حاله الكان قبيل برجع سريع بضياها وجنياتا الشموس عقبان بعدلو قفاها
وبقول انا :
البراق برق شلعن خيوط الضو
الحب انبهل دفّق سمعتلو شو
محروسين يقين ماقلنا كلمة لو
قوافلنا بتسير وكلابها تنبح هو !!!
|
Post: #117
Title: Re: ركن الدوبيت السودانى
Author: munswor almophtah
Date: 02-11-2005, 06:03 PM
Parent: #116
الدفيق مرق لى سيدو جاب النو تمم للمطامير ودع خلاس القو قبل للواري اللبنادر بو وبضع فى الدهب صقرن بسوى الخو
منصور
|
Post: #118
Title: Re: ركن الدوبيت السودانى
Author: نادية عثمان
Date: 02-11-2005, 06:17 PM
Parent: #117
منصور الغالى
الباب ليك فتح من دون تقولو الكو
يالاسد النتر صقر البحار والجو
يالزول السمح حاشاك من العو
نادينى وبجيك فى اللحظة بل فى التو !!
|
Post: #120
Title: Re: ركن الدوبيت السودانى
Author: munswor almophtah
Date: 02-11-2005, 07:23 PM
Parent: #118
الباب انفتح زغرادتو تنده رو اسدا مو هزيل بكرش ضباع البو فارسا سمهرير بين الرجال الضو وحفاظ للجميل من دون قبيح او سو
منصور
|
Post: #115
Title: Re: ركن الدوبيت السودانى
Author: نادية عثمان
Date: 02-11-2005, 05:12 PM
Parent: #109
ناصر العزيز
نايس انت ونايس الزمن الجابك لينا
فعلا جميل انت والزمن الجابك مارى بهذا البوست لتزداد فرحتى ومن معى
كن مارا من هنا دوما ولك احلى الامنيات ..
|
Post: #119
Title: Re: ركن الدوبيت السودانى
Author: نادية عثمان
Date: 02-11-2005, 06:48 PM
Parent: #115
نحنا فى زمن المصالح بالقولات والسواطة
وانت يازولى الشفيف أحلى مافيك البساطة
لامنافق لامخادع زى بشر زاد انحطاطها
الا بس حظك معاكس فى زمن سمتو الوساطة !!
وعجبى !!
|
Post: #122
Title: Re: ركن الدوبيت السودانى
Author: abookyassarra
Date: 02-11-2005, 09:09 PM
Parent: #1
حباب الغالية بت عثمان حبابو غناها حديثك زى غنا السارحة التنادى جناها وزى غيما هطل أسقى البطانة رواها عقبى يام زمام طرينا أخوات طه
|
Post: #130
Title: Re: ركن الدوبيت السودانى
Author: نادية عثمان
Date: 02-12-2005, 03:13 PM
Parent: #122
العزيز ابو قيثارة
قلت:
حباب الغالية بت عثمان حبابو غناها حديثك زى غنا السارحة التنادى جناها وزى غيما هطل أسقى البطانة رواها عقبى يام زمام طرينا أخوات طه وبقول ليك انا :
ابو القيثارة شدوك يستبيح الآهة
ياالزول الجسور الشينة اتحداها
جيتك ياالعزيز انا كنت بترجّاها
مرحب بيك تعال فرّح شقيقة طه!!
|
Post: #123
Title: Re: ركن الدوبيت السودانى
Author: Mohamed Adam
Date: 02-11-2005, 09:15 PM
Parent: #1
يا نادية مدلول الكلام مرات بيجرّح ناسنا وين الوطن الكان قبيل راسمنو في كراسنا لقنونا ليهو من يفع حتي شيب راسنا
طعن الفؤاد يانادية أصلا ليهو دلالة التهميش مرض عضال تدارية ما بدارا عايزلو ولدا صنديد ماهر بيرفض الحقارا
كم إشتكي المظلوم وجرحوا زايد عوارا ما شاف غير أنياب الذئآب بارزالو ما بتضارا كانهوا قبيل بتحري ماعايز قولة المقالة بس للصبر حدود لو فاتها تبقي بهدلا ومهانا
|
Post: #133
Title: Re: ركن الدوبيت السودانى
Author: نادية عثمان
Date: 02-12-2005, 04:26 PM
Parent: #123
العزيز محمد ادم
قلت:
يا نادية مدلول الكلام مرات بيجرّح ناسنا وين الوطن الكان قبيل راسمنو في كراسنا لقنونا ليهو من يفع حتي شيب راسنا
طعن الفؤاد يانادية أصلا ليهو دلالة التهميش مرض عضال تدارية ما بدارا عايزلو ولدا صنديد ماهر بيرفض الحقارا
كم إشتكي المظلوم وجرحوا زايد عوارا ما شاف غير أنياب الذئآب بارزالو ما بتضارا كانهوا قبيل بتحري ماعايز قولة المقالة بس للصبر حدود لو فاتها تبقي بهدلا ومهانا
وتاااااانى بقول :
يابلدى القبايلك تشكى من تهميشك
ظالم ولاّ مظلوم من فعايل جيشك
اولادك بيقطعوّا فى منابت ريشك
قول ياوطنى حكمك الا بس ببشيشك!!
|
Post: #124
Title: Re: ركن الدوبيت السودانى
Author: samwal ebrahiem
Date: 02-12-2005, 01:33 AM
Parent: #1
نادية الرائعة
في الشرق الحبيبة ولعت نيران ادروب الولوف والله ود فرسان بورسودان الجميلة محميه بـ الشجعان بتحدو البندقية بـ الخنجر المسنون ما برضو المذلة لو الروح تهون السمؤل
|
Post: #125
Title: Re: ركن الدوبيت السودانى
Author: حبيب نورة
Date: 02-12-2005, 08:06 AM
Parent: #124
البوست يا ام نفل سووهو قالو وقلنا في سياسة السجم البيها نحن كملنا نحن أهل مزاح ثابت تملِّي أصـلنا في النضمي السمح مين البدوبي متلنا
|
Post: #126
Title: Re: ركن الدوبيت السودانى
Author: نادية عثمان
Date: 02-12-2005, 08:23 AM
Parent: #125
حبيب نورة الغالى
قلت:
البوست يا ام نفل سووهو قالو وقلنا في سياسة السجم البيها نحن كملنا نحن أهل مزاح ثابت تملِّي أصـلنا في النضمي السمح مين البدوبي متلنا
واسمع ده:
الشعب الحنون يافردة جنو سياسة
بس قلبو العطوف مليان شعور وحساسة
بعشق بالعيون السمحة والمياسة
من طبعو الوفاء مافيهو اى خساسة !!
وعجبى!!
واى نعم القطر الشالنى انا يتكسر حتة حتة بس مااكون انا جواه لحظة التكسير ياحبيبو !!
|
Post: #127
Title: Re: ركن الدوبيت السودانى
Author: anwar abu gaidaa
Date: 02-12-2005, 10:26 AM
Parent: #126
بت العزاز ناديه مساء النور عليك
|
Post: #140
Title: Re: ركن الدوبيت السودانى
Author: نادية عثمان
Date: 02-13-2005, 08:07 AM
Parent: #127
ود الاصول انور ابو الغيداء
مساء الخيرات على عيونك اخوى
شن الخبر ..نعل مافى عوجة ؟
|
Post: #128
Title: Re: ركن الدوبيت السودانى
Author: عبدالله وداعه الامين
Date: 02-12-2005, 02:13 PM
Parent: #125
حبيب نوره الحبيب الدنيا جد سبورة بخطوط التعب رسمت وجوهنا سطوره كابدنا الشقى وضلينا جوة جحوره شن طعم السياسه لو الظروف مستوره
|
Post: #129
Title: Re: ركن الدوبيت السودانى
Author: munswor almophtah
Date: 02-12-2005, 02:19 PM
Parent: #128
الباب انفتح زغرادتو تنده رو اسدا مو هزيل بكرش ضباع البو فارسا سمهرير بين الرجال الضو وحفاظ للجميل من دون قبيح او سو
منصور
|
Post: #131
Title: Re: ركن الدوبيت السودانى
Author: نادية عثمان
Date: 02-12-2005, 03:51 PM
Parent: #129
الغالى منصور
قلت:
الباب انفتح زغرادتو تنده رو اسدا مو هزيل بكرش ضباع البو فارسا سمهرير بين الرجال الضو وحفاظ للجميل من دون قبيح او سو
وبقول انا :
الرعد الضرب فى راسنا قولة دو
اسدا ماك كديس فى الحارة قال النو
يازولا هميم ماك العوير كشلو
ساعات الفرح جايكا تسرع فوو
|
Post: #132
Title: Re: ركن الدوبيت السودانى
Author: Mohamed A. Salih
Date: 02-12-2005, 04:15 PM
Parent: #129
ما دام ما اصريتو علي حرف الواو نجاريكم....
سودانيه نحن مافي واحدا فينا اضينه لخو ما هامينا الضرب حت لو بي سلاح الجو جاهزين للنضال ناس العجيل والنو شايلين السلاح يا العدو الليله شن بتسو
|
Post: #142
Title: Re: ركن الدوبيت السودانى
Author: نادية عثمان
Date: 02-13-2005, 08:12 AM
Parent: #132
العزيز محمد صالح
قلت:
ما دام ما اصريتو علي حرف الواو نجاريكم....
سودانيه نحن مافي واحدا فينا اضينه لخو ما هامينا الضرب حت لو بي سلاح الجو جاهزين للنضال ناس العجيل والنو شايلين السلاح يا العدو الليله شن بتسو
وبقول ليك انا :
جارينا وتعال قول واسمع الدوبيت
ياود الرجال فى عز ابوكا ربيت
فى الحارة القبيحة وقفت واتصديت
مكانك فوق اخوى يالاصلو مااتدليت !
|
Post: #134
Title: Re: ركن الدوبيت السودانى
Author: نادية عثمان
Date: 02-12-2005, 04:35 PM
Parent: #124
العزيز سمؤل ابراهيم
قلت:
في الشرق الحبيبة ولعت نيران ادروب الولوف والله ود فرسان بورسودان الجميلة محميه بـ الشجعان بتحدو البندقية بـ الخنجر المسنون ما برضو المذلة لو الروح تهون
وبقول ليك:
ثروة وسلطة نقسمها بينا بالميزان
عدالة قسمة مابتقبل قوانين مذهب الحيتان
نبنى كنيسة جمب جامع وقرع أجراس مع الآذان
بلدنا الزيو مافى مثيل سماتو سماحة الاديان
|
Post: #135
Title: Re: ركن الدوبيت السودانى
Author: محمد حسن العمدة
Date: 02-12-2005, 05:04 PM
Parent: #134
غطو ريسينكم من الفليق
يا نادية البلد القبيل خيرا جوا وبرا ساطوها اللئام جعلوها بلد الزله الزول في حقو ديمة ضايق المرا وباسم الدين كان نضم يتزلا
|
Post: #144
Title: Re: ركن الدوبيت السودانى
Author: نادية عثمان
Date: 02-13-2005, 08:17 AM
Parent: #135
الغالى محمد حسن العمدة
قلت:
غطو ريسينكم من الفليق
يا نادية البلد القبيل خيرا جوا وبرا ساطوها اللئام جعلوها بلد الزله الزول في حقو ديمة ضايق المرا وباسم الدين كان نضم يتزلا
وبقول ليك :
مابنتغطى من فليق ومن جبخانة
نحنا العزة والبارود اكلنا عشانا
بنقول العديلة الحارة ماهمانا
ود العمدة مرحب جيت سكنت حدانا
|
Post: #136
Title: Re: ركن الدوبيت السودانى
Author: abookyassarra
Date: 02-12-2005, 10:33 PM
Parent: #1
الأخت / نادية محسوبك ( أبو السَارَه )
ومتل ما قالوا
زمنك كله تاكل باردة ما ضق حاره أطـرى الليلة يا طه أم حمـد والساره درق البازه جاك ذي سحابه الجاره وحس أب جقره والقربين صواقعاً كاره
اكل حاره وما ضق بارده ماك داريني وأســأل عني ربعاى البعرفو قريني حس أبو قره والقـربين دوام باريني أنا أخو الساره كان يبق الكلام عانيني
براق العشا الغرباني زادني علايل وهفن لي بسسمات الظريف مو مايل البي ذوقه فاق أم جمــالاً هايل النقــرابي والشف في أم فنايد خايل
|
Post: #137
Title: Re: ركن الدوبيت السودانى
Author: Balla Musa
Date: 02-12-2005, 10:48 PM
Parent: #136
آخ أنامن لحظات نواعسو طعنت ومن صحن الجمال الصافى خاتى القنته العارض برز سايق فيالق سته كل فيلق يقول لى الكان قبيل مين انت
إبراهيم العبادى
|
Post: #138
Title: Re: ركن الدوبيت السودانى
Author: munswor almophtah
Date: 02-13-2005, 01:14 AM
Parent: #137
قلت الليله أرقد بدري آخد راحه علا الناديا هامها حال الوطن واتراحه شغلت بالى حاله الما بتعجبو قباحه وشديت الاعيسر لامتين تصد لى مراحه
منصور
|
Post: #139
Title: Re: ركن الدوبيت السودانى
Author: Abdelrahman Elegeil
Date: 02-13-2005, 07:53 AM
Parent: #138
بت الأربـاب حـفـيـدة الـمـك ضـاقـت ووصـلـت تـد للـحـد
خـلـيهـم ال يـدوروا إن شـاء الله مـحـل رهـيـف تـنـقـد
الـكـيـزان كـدوا الـبـلـد خـلـوهـا كـورة دومـة
إنـتـهـازيـة مـحـسـوبـيـة حـلـيـل الـعـفـة ال بـقـت مـعـدومـة نـاس دار فــور حــالـتـهـم مـنـكـوبـة فـرقـوا بينهـم عـرب وزرقـة وجـات الـطـوبـة فـي الـمـعـطـوبـة
حـلـيـل الـبـلـد الـ أصـبـحـت مـغـلـوبـة
سـاسـهـا وسـايـسـهـا الـكـيـزان وبـقـت مـنــهـوبـة
وحـكـمـوهـا نـاس قـوش والـجـاز الـ بـشـلـعـوا طـوبـا
الـكـيـزان الـمـجـوس نـاقـصـيـن الـعـقـل والـديـن
زعـمـوا الـزور خـلافـة الـمـهـدي وودتـورشـيـن
الـكـيـزان الـنـجـوس بـيـاعـيـن الـذمـم بـرخــيـص
ضـيـعـوا للـبـلـد ودوها فـي حـيـص بـيـص
ويـن الـمـشـروع الـحـضـاري وعـرس الـشـهـيـد والـزيـن
ويـن الـتـرابـي وجـهـاد الـقـرود والـزفـاف للـعـيـن
الـكيزان اللئام مـا يخلوا مـن اللـوم
سـائلين الله الكريـم يـوريـنا فـيـهـم يـوم
كيـوم داحـس والـغبراء وراوندا وبورنـدي والنذيـر الشؤم
يوم ترقد رممهم كوم وليمة أب صـلعة وأبعـشـوم
يـا رب يـا كـريـم يـا رب يـا كـريـم تقوم الـميزانا
تـعـدل الـعـوج الـحصـل وتقـرض جـمـيع كـيـزانـا
|
Post: #141
Title: Re: ركن الدوبيت السودانى
Author: Mohamed A. Salih
Date: 02-13-2005, 08:10 AM
Parent: #139
ابو وضحه الحبيب الليله جيتا جيت عوج النضم وكتين المشروع يكون للصيت لي خم الغبش ولي كرسي الحكم تثبيت عمايلم زي عمايل اليانكي في تكريت
|
Post: #143
Title: Re: ركن الدوبيت السودانى
Author: anwar abu gaidaa
Date: 02-13-2005, 08:15 AM
Parent: #139
بسم الله الكريم البارح قلت اقول مساء الخير وما تمتيتها؟ فاذا بنداء غيداء من تحت الدرج تريد خدمات الاب وقد لبيت ندائها ولم البى نداءالدوبيت فلكم العذر ان جاءت التحيه مبتوره يا بت كرام الناس وكت عاوز اقول قدر ما اقول انوم من نومى اتب حاس تانى وحبك يا جميل من الدمع حسانى للاسى والنويح ريدك دوام حسانى وحالف ما بسيبك حت كان ابوك حسانى
|
Post: #151
Title: Re: ركن الدوبيت السودانى
Author: نادية عثمان
Date: 02-13-2005, 09:17 AM
Parent: #143
العزيز انور ابو غيداء
قلت:
قدر ما اقول انوم من نومى اتب حاس تانى وحبك يا جميل من الدمع حسانى للاسى والنويح ريدك دوام حسانى وحالف ما بسيبك حت كان ابوك حسانى
وبقول :
كده يازول تفارقنى وفى فد لحظة تنسانى
كت قايلانى فى جواك تبيع الدنيا علشانى
وعرفت حقيقة انى خيال مافى يقين بيغشانى
أمش يازول كفاى تعذيب وعيش فى بهجة أحزانى !!
|
Post: #149
Title: Re: ركن الدوبيت السودانى
Author: نادية عثمان
Date: 02-13-2005, 08:38 AM
Parent: #139
العزيز عبد الرحمن العجيل
اشكرك على المرور الجميل
وللحبيبة دارفور نقول:
فى بلد الزرق دار سلطنة وسلطان
بتلقى القاسية هينة والقساوة حنان
أهل حكمة المساليت والزغاوة كمان
أطفوا الفتنة يلا وكترّوا الكيمان!!
|
Post: #148
Title: Re: ركن الدوبيت السودانى
Author: نادية عثمان
Date: 02-13-2005, 08:32 AM
Parent: #138
العزيز منصور
قلت:
قلت الليله أرقد بدري آخد راحه علا الناديا هامها حال الوطن واتراحه شغلت بالى حاله الما بتعجبو قباحه وشديت الاعيسر لامتين تصد لى مراحه
وبقول انا :
كيف نرقد ننوم وبلدنا زايدة جراحها
قوم يااخوى نشوف حلا بكل صراحة
ياسلما يكون ياتنقلب كتاحة
الحق ضمة ظاهر مابدورلو فصاحة !!
|
Post: #146
Title: Re: ركن الدوبيت السودانى
Author: نادية عثمان
Date: 02-13-2005, 08:28 AM
Parent: #137
الغالى بلة موسى
جبت: آخ أنامن لحظات نواعسو طعنت ومن صحن الجمال الصافى خاتى القنته العارض برز سايق فيالق سته كل فيلق يقول لى الكان قبيل مين انت
إبراهيم العبادى
وبقول انا :
جبت الليلة قولا من عظيم الشآنى
ابو العبادى فخرا فى جبين سودانى
هدية عظيمة جبتها بالخصوص علشانى
اظنك يالعزيز بالعشق امدرمانى !!
|
Post: #195
Title: Re: ركن الدوبيت السودانى
Author: shak
Date: 02-15-2005, 05:47 PM
Parent: #146
الببدا الظلم بنتمو ليو حرم والكايسة النجيضة ما بتقرضم فلاى الرجال قاصد نقيع الدم غتاى العروض لو بى توبو ما بعدم نادية لك شكرى وتحيات اخوى ود عابدين
|
Post: #145
Title: Re: ركن الدوبيت السودانى
Author: نادية عثمان
Date: 02-13-2005, 08:21 AM
Parent: #136
ابو السارة العزيز قولك يمين قيثارة
يالزول الهميم الماجفل فى الداره
تستاهل يجوك بالعربة والطيارة
مرحب بيك اخوى ترحاب كمان بحرارة !!
|
Post: #164
Title: Re: ركن الدوبيت السودانى
Author: أبوتقى
Date: 02-13-2005, 09:43 PM
Parent: #145
نشهد بالله انك مبدعة
|
Post: #183
Title: Re: ركن الدوبيت السودانى
Author: Elmosley
Date: 02-14-2005, 07:19 PM
Parent: #164
يابت اللهل شوفيهو قول الساسه الجوع والحرب خلت ندوبي سياسه والحريه تب ابطالنا من حراسه واولاد البلد صادقين بيرفعو راسه
|
Post: #185
Title: Re: ركن الدوبيت السودانى
Author: نادية عثمان
Date: 02-14-2005, 10:06 PM
Parent: #183
الموصلى الغالى
قلت
يابت اللهل شوفيهو قول الساسه الجوع والحرب خلت ندوبي سياسه والحريه تب ابطالنا من حراسه واولاد البلد صادقين بيرفعو راسه
وبقول ليك انا :
ود خالى العزيز يلاك نغنى غرام
بالحب ياالكبير بيكون وطنا تمام
البلد البينزف فيه نربى حمام
ونعيش حرية حقة وخير وود وسلام!!
|
Post: #196
Title: Re: ركن الدوبيت السودانى
Author: Elmosley
Date: 02-15-2005, 06:00 PM
Parent: #185
يابت اللهل مالو السلام مطلوب ياريت الشمال يعشق تملي جنوب عنصرة الجماعه تبقالنا حلم كذوب الحربه ماتت مرميه تب بالطوب
وعجبي
|
Post: #242
Title: Re: ركن الدوبيت السودانى
Author: Tumadir
Date: 02-23-2005, 06:16 PM
Parent: #145
ياجماعه ما لاقاكم شيطان اضنينو طوال وعندو تلاته عيون جه طاير بى جاى؟؟
ده شيطان شعرى ....شارد منى ....قال بشتغل كتير...
|
Post: #258
Title: Re: ركن الدوبيت السودانى
Author: نادية عثمان
Date: 02-27-2005, 06:48 PM
Parent: #242
تماضر الحبيبة البلسم الشافى حزن القلوب
قلتى :
Quote: ياجماعه ما لاقاكم شيطان اضنينو طوال وعندو تلاته عيون جه طاير بى جاى؟؟
ده شيطان شعرى ....شارد منى ....قال بشتغل كتير... |
وهاك منى قول :
زى جمالك ياحبيبة أصلو ماقابلنى يوم
يالمشاعرك فيض مدفّق كم ازاح فينا الهموم
انتى الهامك ملائكة مابجيك شيطان يحوم
ياتماضر ابقى قاءاااعدة وكل من اتبل يعوم !!
وليك حبى الدافق حتى تستغيثى !!
|
Post: #305
Title: Re: ركن الدوبيت السودانى
Author: مجدي شبندر
Date: 03-03-2005, 04:19 PM
Parent: #145
جسمي انقسم وجرحو بانت بادية جابو الدكاترة من الحضر والبادية بي المي الكبير شفت الخدود النادية شرد المرض مني قريب صيدلية نادية
وا عجبي
|
Post: #306
Title: Re: ركن الدوبيت السودانى
Author: مجدي شبندر
Date: 03-03-2005, 04:21 PM
Parent: #145
جسمي انقسم وجرحو بانت بادية جابو الدكاترة من الحضر والبادية بي المي الكبير شفت الخدود النادية شرد المرض مني قريب صيدلية نادية
وا عجبي
|
Post: #307
Title: Re: ركن الدوبيت السودانى
Author: مجدي شبندر
Date: 03-03-2005, 04:22 PM
Parent: #145
جسمي انقسم وجرحو بانت بادية جابو الدكاترة من الحضر والبادية بي المي الكبير شفت الخدود النادية شرد المرض مني قريب صيدلية نادية
وا عجبي
|
Post: #338
Title: Re: ركن الدوبيت السودانى
Author: Omayma Alfargony
Date: 03-09-2005, 07:43 AM
Parent: #145
الموهوبة نادية عثمان
والله انا في غاية الدهشة والاعجاب
اها والمابعرف يقول دوبيت لكن بفهم فيه ممكن يدخل؟
|
Post: #147
Title: Re: ركن الدوبيت السودانى
Author: بلدى يا حبوب
Date: 02-13-2005, 08:32 AM
Parent: #1
هلالنا العظيم الليلة دور قمره فى بلاد النجاشى حكر اسمه ضرغامنا (هيثم)هاج وافترسه ود الشريف قالوا اتبين فى شبكه يا ود ادريس كراعك علينا بارده مثل ناس ابوعبده الكانوا بجبوا الشارده با رجال الهلال الليلة شبلو وسط زغاريد البنات واعرضوا تحياتى
|
Post: #150
Title: Re: ركن الدوبيت السودانى
Author: anwar abu gaidaa
Date: 02-13-2005, 08:48 AM
Parent: #147
جعلى ودنقلاوى وشايقى ايه فايدانى غير جعلت خلاف خلت اخوى عادانى ويكفى النيل ابونا والجنس سودانى
|
Post: #152
Title: Re: ركن الدوبيت السودانى
Author: نادية عثمان
Date: 02-13-2005, 09:29 AM
Parent: #150
العزيز انور ابو غيداء
قلت:
جعلى ودنقلاوى وشايقى ايه فايدانى غير جعلت خلاف خلت اخوى عادانى ويكفى النيل ابونا والجنس سودانى
وبقول انا :
شايقى ودنقلاوى اخّوّة فايتة الحد
فتيل ريحة وبخور عودين عبيرهم ند
ايد فوق ايد تمّلى بيبقوا ساعة الجد
لو تسأل عليهم تلقى عندى الرد !!
|
Post: #153
Title: Re: ركن الدوبيت السودانى
Author: نادية عثمان
Date: 02-13-2005, 09:44 AM
Parent: #147
بلدى ياحبوب العزيز
قلت:
هلالنا العظيم الليلة دور قمره فى بلاد النجاشى حكر اسمه ضرغامنا (هيثم)هاج وافترسه ود الشريف قالوا اتبين فى شبكه يا ود ادريس كراعك علينا بارده مثل ناس ابوعبده الكانوا بجبوا الشارده با رجال الهلال الليلة شبلو وسط زغاريد البنات واعرضوا
وبقول ليك :
مبروك للهلال الديمة مرفوع رأس
هيثم زول لعيب وانسان كمان حساس
ماعرف الهزيمة ونصرو كالاناناس
بس مريخنا برضك ياما جاب الكأس!!
|
Post: #154
Title: Re: ركن الدوبيت السودانى
Author: نادية عثمان
Date: 02-13-2005, 02:00 PM
Parent: #153
سمعت وقالوا عنك دار تكون مشهور
عاشق الكورة مرة وفى الاغانى سرور
بى قرشك بيقولوا بتشهر المغمور
ومطربك المفضل بالخصوص فرفور !!
|
Post: #155
Title: Re: ركن الدوبيت السودانى
Author: anwar abu gaidaa
Date: 02-13-2005, 02:08 PM
Parent: #154
اماتى القبيل بى حنهن لجنى كرفه وقلده كيف شوق اللبن رجنى حزنا جانى فى ميع الصبى الجنى اطلع منى يا جلدى المنمل جنى واطلع منى يا حزنا بقى مكجنى ود القدال
|
Post: #156
Title: Re: ركن الدوبيت السودانى
Author: نادية عثمان
Date: 02-13-2005, 03:22 PM
Parent: #155
الغالى انور ابو غيداء
على لسان الشامخ القدال قلت:
اماتى القبيل بى حنهن لجنى كرفه وقلده كيف شوق اللبن رجنى حزنا جانى فى ميع الصبى الجنى اطلع منى يا جلدى المنمل جنى واطلع منى يا حزنا بقى مكجنى ود القدال
وبقول فى رسالتى للمبدع القدال :
ياقدال أبيت الطلة ليه ياشاعر
يالحبك مقيم فى روحنا أحلى مشاعر
ناديناك خمسة وده النداء العاشر
دوبيتنا بيكون من غيرك انت مشاتر !!
وارجو ان يستجيب القدال وينور بوجوده هذا الركن السودانى وهمتك معانا ياابو غيداء !
|
Post: #157
Title: Re: ركن الدوبيت السودانى
Author: Ahmed Al Bashir
Date: 02-13-2005, 04:04 PM
Parent: #1
و هاك يا ناديه دى منى
تعال يا القدل بشعره فينا مجاهر ناديه بتنادى و روحها فايضه مشاعر اسرع قبال ليلنا يطل صباحه الباكر دوبيتك بدونه ما بطيب لنا خاطر
|
Post: #158
Title: Re: ركن الدوبيت السودانى
Author: Abdelrahman Elegeil
Date: 02-13-2005, 05:27 PM
Parent: #157
بعـد إذن بـت الأجــواد
أبـو عـمـار الـحـبـيـب إنـت ويـن يـا عـم وضـحـة بـتـقـول لـيك
ســمـوك بالـخـريـف يـا سـر مـعـانـي الـجــد
وبـيـتـك بـابـه فـاتـح وبـيـوت الـرجـال تـنـسـد
يا الـضـهـري الـ بـعـم قـبـلـي و شـروق واصـعـد
|
Post: #159
Title: Re: ركن الدوبيت السودانى
Author: Mohamed A. Salih
Date: 02-13-2005, 08:33 PM
Parent: #158
خصايلك يا الحبيب الغالي ماب تنعد سبقك للجود والكرم ديمه فايق الحد سديد قولك .. وفي الحجه سليم الرد تسلم وضحه وتكون زخرة سودان الغد
|
Post: #162
Title: Re: ركن الدوبيت السودانى
Author: نادية عثمان
Date: 02-13-2005, 09:36 PM
Parent: #159
العزيز محمد صالح
خصايلك يا الحبيب الغالي ماب تنعد سبقك للجود والكرم ديمه فايق الحد سديد قولك .. وفي الحجه سليم الرد تسلم وضحه وتكون زخرة سودان الغد
الله مااروعك !
|
Post: #161
Title: Re: ركن الدوبيت السودانى
Author: نادية عثمان
Date: 02-13-2005, 09:34 PM
Parent: #158
العزيز عبد الرحمن العجيل
اذنك معاك ..والبيت بيتك
|
Post: #174
Title: Re: ركن الدوبيت السودانى
Author: Abdelrahman Elegeil
Date: 02-14-2005, 08:22 AM
Parent: #161
حفيدة الـمك نحن الشعر ما لينا فيه نصيب
وبالحماسة ترانا بنجاريكم ونباريكم شخبطة وربريب
دبايوا أدروب الولوف ناس بورسودان وقفتم بتشرف
وإت زول معايش دخلوك السياسة بالضرورة ماك متزلف
أوهاج سيد المسقى الـ مابشبهنو سيوف
عاد واسي ضربك في الفقرة والقضروف
البشاري سيد العنافي للدواس مكلوف
بتا بالله كاسر خصمك إت خالي من الخوف
شايل درقة حاقب سيفك صقر البجا الرطانة
حفيد دقنة موت أوشيك والله ما سرانا
كيزان السواد لو جات بالمراد كان الدم ركب والدواس بالزانة
أف أبو عمار كرري تانية!! الشجاعة هزمتها الجبخانة
تب عليك علي عثمان كلمتك ضهبانة
بورتسودان الجريحة مستشفاها صار جبانة
برز شنقراي أخوك يا العنود تاجوج وكل الـ بزرقوا بصيدوا
وحالف تار أوشيك يجيب ويزيدوا
|
Post: #176
Title: Re: ركن الدوبيت السودانى
Author: نادية عثمان
Date: 02-14-2005, 11:40 AM
Parent: #174
العزيز عبد الرحمن العجيل
قلت:
حفيدة الـمك نحن الشعر ما لينا فيه نصيب
وبالحماسة ترانا بنجاريكم ونباريكم شخبطة وربريب
وبقول ليك:
قولك فى الشعر صادق ومن جواك
تعشق للوطن مابترضى ليهو هلاك
محزون يالعجيل شان انطفت افلاك
فى البلد الحبيب تب مابعيش اعداك !
|
Post: #184
Title: Re: ركن الدوبيت السودانى
Author: Abdelrahman Elegeil
Date: 02-14-2005, 08:43 PM
Parent: #176
تـسـلـمى حـفـيـدة بـنـات جـعـل الـعـزاز مـن جــم
ســماحــتك خــلقة مـا مـكيـاج
نوارة دار جـعـل يـا الأميرة أم تـاج
أدبـك طـبعـة مـو تـلـقـين و مـدارس
بت الأرباب رافعـة رأس أبـوهـا الـفـارس
|
Post: #192
Title: Re: ركن الدوبيت السودانى
Author: نادية عثمان
Date: 02-15-2005, 04:50 PM
Parent: #184
العزيز عبد الرحمن العجيل
قلت:
ســماحــتك خــلقة مـا مـكيـاج
نوارة دار جـعـل يـا الأميرة أم تـاج
أدبـك طـبعـة مـو تـلـقـين و مـدارس
بت الأرباب رافعـة رأس أبـوهـا الـفـارس
وبقول ليك انا :
ياود دار جعل اهلك عزاز بالحيل
تاريخهم مدوّن فى مصاحف الجيل
معروف فى الشديدة الحارة جمل الشيل
وحاشاك لاسفيه لا للخواجة عميل !
|
Post: #202
Title: Re: ركن الدوبيت السودانى
Author: Abdelrahman Elegeil
Date: 02-15-2005, 10:24 PM
Parent: #192
بت الأرباب أنا مـن مـجـاراتك وقف وأظني قلت الـــروووب
لــكــن بنـدور نـمك فوق خـالك الأمــيــر نـقـدالله
وتسلمي يا درة دار جعل من عيون خلق الله
المشـاركـة لو سمحت ظروفك يا بت العزيز الغالي بندورا في بوست
أبوأبراهيم المخصص ليه
|
Post: #160
Title: Re: ركن الدوبيت السودانى
Author: نادية عثمان
Date: 02-13-2005, 09:33 PM
Parent: #157
العزيز احمد البشير
قلت:
تعال يا القدل بشعره فينا مجاهر ناديه بتنادى و روحها فايضه مشاعر اسرع قبال ليلنا يطل صباحه الباكر دوبيتك بدونه ما بطيب لنا خاطر
وبقول انا :
القدال تعال روّق مزاجنا العاكر
زولا جد نبيل فى نوعو قطعا نادر
حافظ للجميل ماهو اللئيم الناكر
ياود طه يحفظك الحفيظ القادر !!
|
Post: #163
Title: Re: ركن الدوبيت السودانى
Author: abookyassarra
Date: 02-13-2005, 09:39 PM
Parent: #1
بت عثمان أديبة وفارسة خاتية القول فايته الناس سماحة تسعد صباح الزول شانك أمك مهيره فُتى الشوامخ طول يسلم لى لسانك يام منطقاً مقبول
|
Post: #165
Title: Re: ركن الدوبيت السودانى
Author: نادية عثمان
Date: 02-13-2005, 09:53 PM
Parent: #163
الغالى ابو السارة
تسلم يالعزيز الليلة كيف أمسيت
ياود الكرام يالبشموخ ضويت
حاشاك ماك لئيم للحرمة اتعديت
ابوك يالسّارة ركاّزة الفريق والبيت !!
|
Post: #166
Title: Re: ركن الدوبيت السودانى
Author: نادية عثمان
Date: 02-13-2005, 09:55 PM
Parent: #165
تماضر يالحبيبة انحنا مشتاقين
ياام وجها صبوح بتعودى لينا متين
ياام قلما رصين كتب العديل والزين
وحياتك تعودى عليكى شيخ الدين !!
|
Post: #167
Title: Re: ركن الدوبيت السودانى
Author: anwar abu gaidaa
Date: 02-14-2005, 00:10 AM
Parent: #166
صباح الخير عليكم جت؟ الشاى؟ الشاى نعنعو واديه لى قرباك والبن حرفو واديهو لى اعداك اوصاف الجحبم الفيها مابتغباك زرقه ومره وحاره شن عباك؟
|
Post: #168
Title: Re: ركن الدوبيت السودانى
Author: anwar abu gaidaa
Date: 02-14-2005, 05:09 AM
Parent: #167
تعال يا حبيبى النريك صفاتنا ما عاشرنا زوول ضاق عسلنا وفاتنا نحن رجال عمل نحن الخشن كفاتنا نحن وفانا مع العاشرنا حدو وفاتنا
نحن المحسنين العالمين تعرفنا نحن رجال عمل نحن الكتير طارفنا
نحن الضاق عسلنا اصلو ما بفارقنا والغلا ان تفحل نحن بيطردو جرفنا
|
Post: #170
Title: Re: ركن الدوبيت السودانى
Author: نادية عثمان
Date: 02-14-2005, 07:35 AM
Parent: #168
العزيز انور ابو غيداء
وهاك منى دى :
يوم خلقوا الجمال ادوهو لى حواتنا
الوجه الصبوح اتميزنبو بناتنا
وكت يكفوا القدور نطلع شبه اماتنا
سمحات بالوراثة جبدنا حبوباتنا
|
Post: #169
Title: Re: ركن الدوبيت السودانى
Author: بلدى يا حبوب
Date: 02-14-2005, 06:38 AM
Parent: #1
بحلف اقول الحوش الكبير بتهدأ كترت الكلام بجيب لينا الفرجه عزف القوانين حرم ما بتشيل الوجعه لو ما الناس براه اتعدلت وفى كتابة البوستات بأسم الله كتبت بصراحة بقول تعالوا نتحزم قبال ما نبدا الفكرة نحلف يمين مافينى زولن ينسى الحوش الكبير بسيده وحلفاية الملوك كمان فى ايده حرم كبيرنا ما برضى زولن فى حوشه ما يلغى مودة تحباتى
|
Post: #171
Title: Re: ركن الدوبيت السودانى
Author: Rawia
Date: 02-14-2005, 07:36 AM
Parent: #169
كل عيد حب وانتو طيبين
|
Post: #175
Title: Re: ركن الدوبيت السودانى
Author: نادية عثمان
Date: 02-14-2005, 08:35 AM
Parent: #171
راوية العباسى العزيزة
هديتك الحلوة مقبولة وهاك منى هدية :
يابت دار جعل انا عندى ليكى مقولة
فى الزوق ياالعزيزة طلعتى انتى الأولى
بت علوية تسلمى والورود مقبولة
ياراوية الجميلة فى عرضها وفى طولها !
|
Post: #172
Title: Re: ركن الدوبيت السودانى
Author: نادية عثمان
Date: 02-14-2005, 07:41 AM
Parent: #169
الغالى بلدى ياحبوب
كلامك صاح وبقول انا :
الحوش الكبير والله بشيل الكل
لكن النفوس الفيها مرض السل
تكره للورد وتعافها ريحة الفل
المنبر وطن مابنرضى ليهو الذل!!
|
Post: #173
Title: Re: ركن الدوبيت السودانى
Author: ناذر محمد الخليفة
Date: 02-14-2005, 08:15 AM
Parent: #1
يانادية شن بقولك والله مفجوعين في كتر الحرابةالمحت الحجر والطين علا بس بقول دايرين ننسى مجبورين مامابيها سياستك والله حالف يمين
|
Post: #177
Title: Re: ركن الدوبيت السودانى
Author: نادية عثمان
Date: 02-14-2005, 11:47 AM
Parent: #173
العزيز ناذر محمد الخليفة
قلت: يانادية شن بقولك والله مفجوعين في كتر الحرابةالمحت الحجر والطين علا بس بقول دايرين ننسى مجبورين مامابيها سياستك والله حالف يمين
وبقول انا: ناذر يالعزيز حاشاك من الشين
من قول السياسة حقيقة زهجانيين
لكن للوطن فى الرقبة عهد ودين
نحميه بالفؤاد وبجبرة السكين !!
|
Post: #178
Title: Re: ركن الدوبيت السودانى
Author: نادية عثمان
Date: 02-14-2005, 01:26 PM
Parent: #177
الانسان رخيص تمنو لو قارنتو بالدولار
ولو قارنتو بالبترول يمين أرخص من السولار
مافيه غير لسان لاذع ومقدرة فايقة فى الشوبار
فى السودان فقير وغنى أهم صفاتهم البوبار !!
|
Post: #181
Title: Re: ركن الدوبيت السودانى
Author: عبدالله وداعه الامين
Date: 02-14-2005, 01:41 PM
Parent: #178
الانسان برخّص روحو نادية براهو يجري علي الفتن يلقى الفتن تبراهو شن طعم الدهب يا غاليه شن معناهو ان كانت النفوس طيبه وبزينه بهاهو
|
Post: #186
Title: Re: ركن الدوبيت السودانى
Author: نادية عثمان
Date: 02-14-2005, 10:16 PM
Parent: #181
العزيز عبدالله وداعة الامين
اسمع من ده:
أكيد المال بيسعد صحبو من دون شك
بيهو الضيقة توسع والعقد تنفك
تجيب بالمال سعادتك والجلود تنحك
تعيش عز القبيلة وينصّبوك المك!!
|
Post: #179
Title: Re: ركن الدوبيت السودانى
Author: عبود احمد النصيح
Date: 02-14-2005, 01:26 PM
Parent: #177
نحنا اولاد بلد نقعد نقوم علي كيفنا في حدب الجبال نائمين متوسدين ايدينا اما رجعنا رجعة تفرح الراجينا واما موتنا موتا لا كفن لا طينة
|
Post: #180
Title: Re: ركن الدوبيت السودانى
Author: نادية عثمان
Date: 02-14-2005, 01:36 PM
Parent: #179
الاخ عبود احمد النصيح
قلت:
نحنا اولاد بلد نقعد نقوم علي كيفنا في حدب الجبال نائمين متوسدين ايدينا اما رجعنا رجعة تفرح الراجينا واما موتنا موتا لا كفن لا طينة
وبقول للبلد عبرك:
من بطنك ولدتى الشايقى والدينكاوى
ولدتى كمان جعل ودناقلة والغرباوى
دمّك يابلدنا الطاهرة ياما بيساوى
عنك ياما قلنا وماخلصنا حكاوى !!
|
Post: #182
Title: Re: ركن الدوبيت السودانى
Author: عبود احمد النصيح
Date: 02-14-2005, 06:18 PM
Parent: #180
الليلة الدنيا فرندقس والزمن عصار
والارنب في جريهو بدي الكلب فرار
والفار شال عصاتو وقال الكديس وين طار
|
Post: #187
Title: Re: ركن الدوبيت السودانى
Author: نادية عثمان
Date: 02-14-2005, 10:22 PM
Parent: #182
الاخ عبود احمد النصيح
مهما عشنا برضو ببقى عمرنا فانى
مابنقدر نزوّد عمرنا ولو ثوانى
يالزول المثالى وقلبو رقيق وحانى
افرح ياخ شوية وعيش جوة الامانى !!
|
Post: #188
Title: Re: ركن الدوبيت السودانى
Author: نادية عثمان
Date: 02-15-2005, 09:27 AM
Parent: #187
بتدفّق لسانك يااب لسان مقدود
لسان لو صنتو صانك وأكرمك بالجود
لابتصدق حديث لابتوفى يوم بوعود
دلوكة الجلود مابشبّهوك بالعود !!!
|
Post: #189
Title: Re: ركن الدوبيت السودانى
Author: anwar abu gaidaa
Date: 02-15-2005, 10:41 AM
Parent: #188
عفارم عليك يا الغاليه ابواتك قبيل بحلو للعوجات ومطموراك تكيل للخاله والعمات بابك ما انقفل وايديك دوام بارزات يا اب قلبا حديد فى الحوبه مل بتنفات
وعينك يا الصقر فى الحاره ما بتنوم صدرك للضعاف دايما بعرق العوم لا بتتلام ولا بتعرف تجيب اللوم وفى نص الفريق للفارغه ما بتحوم ود ناسا كرام جمعو المكارم كوم تفرح بيك بنات الباديه والخرتوم
ودقر يا عين؟
|
Post: #191
Title: Re: ركن الدوبيت السودانى
Author: نادية عثمان
Date: 02-15-2005, 02:26 PM
Parent: #189
العزيز انور ابو غيداء
قلت كلام بديع ثم (ودقر يا عين)
وبقول انا :
دقر ياعين على وعليك على الباقين
دقر ياحوشنا محروس بى برا وياسين
دقراولادنابى سر الاله البارى محفوظين
ربنا يحفظك ياانور ابو غيداء قول امين !
|
Post: #190
Title: Re: ركن الدوبيت السودانى
Author: Mohamed A. Salih
Date: 02-15-2005, 11:13 AM
Parent: #188
لسان الجن يا ناديه الخلي ناس الحوش كومين كوم لي ناس روضه وكوم تاني لي علاء الدين جنس فلهمه غايتو وعاملين فيها ناس فاهمين صح القلم ما بزيل بلم قول يا لطيف يا معين
|
Post: #193
Title: Re: ركن الدوبيت السودانى
Author: نادية عثمان
Date: 02-15-2005, 04:58 PM
Parent: #190
العزيز محمد صالح
قلت:لسان الجن يا ناديه الخلي ناس الحوش كومين كوم لي ناس روضه وكوم تاني لي علاء الدين جنس فلهمه غايتو وعاملين فيها ناس فاهمين صح القلم ما بزيل بلم قول يا لطيف يا معين
وبقول:
محمد يالعزيز والله محزونين
عشان الحوش أكيدقصدوه ناس حاقدين
بس يبقى العشم فيك ياجنا الصالحين
تدوبى تنادى حتما برجعوا السمحين !!
|
Post: #194
Title: Re: ركن الدوبيت السودانى
Author: نادية عثمان
Date: 02-15-2005, 05:38 PM
Parent: #193
بكرى اخوى حباب ودى المحريّة فيك
اخو الاخوان يمين مهما نشتكيك
نزعل يوم ونحرد ونرجع تانى ليك
منبرنا الحبيب كلنا فيه شريك !!
|
Post: #197
Title: Re: ركن الدوبيت السودانى
Author: Mohamed A. Salih
Date: 02-15-2005, 06:13 PM
Parent: #194
سيد الحوش صبر حرم صبر ايوب سوولو المغص وشيتا وجع عرقوب حار بيه الدليل وعلي الامر مغلوب ما فضللو علا يقفلو ويقول الروب
|
Post: #200
Title: Re: ركن الدوبيت السودانى
Author: نادية عثمان
Date: 02-15-2005, 09:52 PM
Parent: #197
الغالى محمد صالح
قلت: سيد الحوش صبر حرم صبر ايوب سوولو المغص وشيتا وجع عرقوب حار بيه الدليل وعلي الامر مغلوب ما فضللو علا يقفلو ويقول الروب
وبقول :
سيد الحوش اخوى بكرى البنالنا الجنة
منبر زى وطن فيهو الاراك والحنة
السودان عزيز واولادو شالو محنة
يابكرى الصبور الحوش ده فيهو اهلنا !!
|
Post: #198
Title: Re: ركن الدوبيت السودانى
Author: نادية عثمان
Date: 02-15-2005, 06:13 PM
Parent: #194
ابو تقى العزيز
قلت :
(نشهد بالله انك مبدعة )
وبقول ليك انا :
كتابة الشعر بدأت معاى أجمل هواية
فصحى وعامى بكتب ومن كل الزوايا
ببكى ومرة اضحك وأعيش عمق الحكاية
وتبقى قصائدى قصة تتحول رواية !!
لك التحية الغالى ابو تقى وشهادتك وسام على صدرى ماحييت !
|
Post: #199
Title: Re: ركن الدوبيت السودانى
Author: عبود احمد النصيح
Date: 02-15-2005, 07:41 PM
Parent: #187
الليلة الناس الناس في العروض مقيسة بي تيبانة ما يهمك لباسن والعروض عريانة نحن حراس رزق ذي التكنو امانة ذي أبل ا لرحيل شايلة السقا وعطشانة
|
Post: #201
Title: Re: ركن الدوبيت السودانى
Author: نادية عثمان
Date: 02-15-2005, 10:03 PM
Parent: #199
الاخ عبود احمد النصيح
تسلم على الهمة ..واسمع منى :
يالهم القبيل اختاناماتغشانا
زمن كانوا الخواجات بالسلاح راكبانا
وخلينا النعيش حلو الوعود طربانة
السودان ولدنا نصونو بالجبخانة !!
|
Post: #203
Title: Re: ركن الدوبيت السودانى
Author: anwar abu gaidaa
Date: 02-16-2005, 03:46 AM
Parent: #201
لى قدام انا جاى؟ وتسلمو ياالحلويين؟
|
Post: #204
Title: Re: ركن الدوبيت السودانى
Author: anwar abu gaidaa
Date: 02-16-2005, 03:47 AM
Parent: #203
فووق يا بت كرام الناس
|
Post: #205
Title: Re: ركن الدوبيت السودانى
Author: نادية عثمان
Date: 02-16-2005, 08:25 AM
Parent: #204
العزيز انور ابو غيداء
يازول وين مشيت طولت ياخى الغيبة
خليت الشكوك تحرقنى بل والريبة
غيابك جد بكون يانورنا حاجة غريبة
ياسيد الكرم يالمابتعرف العيبة !!
|
Post: #206
Title: Re: ركن الدوبيت السودانى
Author: نادية عثمان
Date: 02-16-2005, 09:02 AM
Parent: #205
بى طيبة النفوس ببقى القلب عمران
نحنا العز ابونا والجنس سودان
منبرنا العزيز من أكبر الحيشان
فيهو جمال مدفّق ويكفى فيهو بيان !!
|
Post: #207
Title: Re: ركن الدوبيت السودانى
Author: Mohamed A. Salih
Date: 02-16-2005, 09:54 AM
Parent: #205
طريت الليله محبوبتي الزمان السمحه زنوبه طريت القعده في ضل العصر والقهوه في الراكوبه زمن ننزل للجروف ونحش للغنم عقاب اللوبه بي فراقك الجسد انهلك والروح بقت مسلوبه
|
Post: #208
Title: Re: ركن الدوبيت السودانى
Author: نادية عثمان
Date: 02-16-2005, 10:46 AM
Parent: #207
العزيز محمد صالح
قلت:
طريت الليله محبوبتي الزمان السمحه زنوبه طريت القعده في ضل العصر والقهوه في الراكوبه زمن ننزل للجروف ونحش للغنم عقاب اللوبه بي فراقك الجسد انهلك والروح بقت مسلوبه
وهاك منى قول :
عولمة وثورة تطور وفى المفاهيم انقلاب
بالموبايل والاتارى اتغيرت لغة الشباب
اختفت روح المحبة والاحاديث العذاب
المواكبة شئ ضرورى الا كعب الاستلاب !!
|
Post: #209
Title: Re: ركن الدوبيت السودانى
Author: Mohamed A. Salih
Date: 02-16-2005, 03:19 PM
Parent: #208
الي فطومه .....
كيفن نسيتي العشره الكانت بينا رسلتك كم رساله علا ما رديتنا الوحده والغربه خاربات بيتنا علي العلي جيتي انتي كاويتنا
لا تقوليلي جاريه والجري ملحوق مركز مني حداك بس خطوتين لي فوق الكسل وعدم الهمه ماهن من الزوق الا بقول يا جمل الشيل اصبر روق
خصمتك بالله شماركم ده قللي منو الدين العليك عبر الاثير قوم تمو اناالحال العلي ماك ظني غايب عنو الملل الشديد من الكؤوس شاربنو
ما فضللي علا ارسل المرسال طال الانتظار علي الكلس اب شال صحيح طيب الصبر علا الولف كتال ومن جفاكم نال اب شنب ما نال
الحنين بين الحبايب اصلو غريزه غاليه انتي وكمان لي قلوبنا عزيزه سلامي للحبايب من الدقي للجيزه واوعك ترجعي من دار المعز دون فيزه
في الختام سلامي للقريب وبعيد اغريهم تحياتي لزوم العيد مشتاق كتير وحبي ليكي شديد وشكري الجزيل لمحمد الصنديد
|
Post: #215
Title: Re: ركن الدوبيت السودانى
Author: نادية عثمان
Date: 02-19-2005, 07:05 PM
Parent: #209
العزيز محمد صالح
قلت :
خصمتك بالله شماركم ده قللي منو الدين العليك عبر الاثير قوم تمو اناالحال العلي ماك ظني غايب عنو الملل الشديد من الكؤوس شاربنو
وهاك منى دى :
مليعينة الحياة ولاايمكن انا ملعونة
الدنيا الغرورة الخاينة والمجنونة
سرقت حظى منى ونزّفتنى سنونها
عضتنى بضروسها وحمرتلى عيونها !!
|
Post: #210
Title: Re: ركن الدوبيت السودانى
Author: عبود احمد النصيح
Date: 02-16-2005, 07:08 PM
Parent: #201
Quote: ما بتنبأ زى واحدين وما هماني ونوقع القدر بتحمل الجايني انا اخوى نادية شاده اعضاى مادا لساني سمحة الطيبة في الدنيا ومناى يلفاني |
|
Post: #211
Title: Re: ركن الدوبيت السودانى
Author: عبدالله وداعه الامين
Date: 02-16-2005, 07:47 PM
Parent: #210
Quote: أكيد المال بيسعد صحبو من دون شك
بيهو الضيقة توسع والعقد تنفك
تجيب بالمال سعادتك والجلود تنحك
تعيش عز القبيلة وينصّبوك المك!! |
ما بجيب السعادة المال وكلو شبك بفك الضيقة ساعة الدنيا تبقى لبك ويوم تتكبس الحاله و قروشنا برك تضيق الواسعه يصبح مالنا لينا شرك
|
Post: #217
Title: Re: ركن الدوبيت السودانى
Author: نادية عثمان
Date: 02-19-2005, 07:30 PM
Parent: #211
العزيز عبد الله وداعة الامين
قلت:
ما بجيب السعادة المال وكلو شبك بفك الضيقة ساعة الدنيا تبقى لبك ويوم تتكبس الحاله و قروشنا برك تضيق الواسعه يصبح مالنا لينا شرك
وهاك منى برضو:
لقيتك زول بسيط رغم الهيلمان
نظراتك عميقة ومليانة بحنان
الله اداك عظمة وسلطة وصولجان
وخير ماهل مدفّق لى آخر الزمان !!
|
Post: #216
Title: Re: ركن الدوبيت السودانى
Author: نادية عثمان
Date: 02-19-2005, 07:22 PM
Parent: #210
العزيز عبود احمد النصيح
كل مااقول خلاص حظى التعيس اتبسّم
الاقى الهم هطل قدام عيونى اتجسّم
ماكافرة باالهى الجاب حظوظو وقسّم
عبير الرحمة كافى للعباد تتنسّم
|
Post: #226
Title: Re: ركن الدوبيت السودانى
Author: عبود احمد النصيح
Date: 02-20-2005, 11:47 AM
Parent: #216
يوم الخميس انحنا اتلمينا جماعة وحكينا بصفة النفس طماعة جروة عسل ما بتحوق في الدناعة خلت قلبي شغال زى ثواني الساعة
|
Post: #212
Title: Re: ركن الدوبيت السودانى
Author: بلدى يا حبوب
Date: 02-17-2005, 00:05 AM
Parent: #1
نادية كيف حالك السودان وطنا كيف يهون والله تقرير مصير ده بداية العلة جنوبنا الحبيب ارح تعال نتلمه ملوال اخوى خليك معنا ابان دقون ياما كشفوا حالنا الموت الحصل اصلو مافى بالنا جلابة الحرب تعال نكشف حالهم فى سودان جديد مصيره ينسوا احلامهم
تحياتى
|
Post: #213
Title: Re: ركن الدوبيت السودانى
Author: Abdelrahman Elegeil
Date: 02-18-2005, 02:20 PM
Parent: #212
UP UP
|
Post: #214
Title: Re: ركن الدوبيت السودانى
Author: anwar abu gaidaa
Date: 02-19-2005, 00:46 AM
Parent: #213
up
|
Post: #220
Title: Re: ركن الدوبيت السودانى
Author: نادية عثمان
Date: 02-19-2005, 07:59 PM
Parent: #214
العزيز انور ابو غيداء
قلت:
up
وقولى انا:
فوق من دونك وجودك تبقى ناقصة كتير
نعل بس مافى عوجة ياالزول الأمير
غيداء الحبيبة اكيد حاتكون بخير
أنور يأخى غيبتك بقت شيتا خطير !!
|
Post: #218
Title: Re: ركن الدوبيت السودانى
Author: Elmosley
Date: 02-19-2005, 07:33 PM
Parent: #213
ناديه اسمحي لي بان اشارك بما كتبته في بوست الامير نقد الله
هنا
متيمن اقيف واشكي الظلم.. لي الله يرفع ده المرض. من الامير نقد الله الزول الهميم الاصلو ما.. بينذله والكان السبب ان شالله يوم يتشله
|
Post: #219
Title: Re: ركن الدوبيت السودانى
Author: نادية عثمان
Date: 02-19-2005, 07:47 PM
Parent: #212
العزيز بلدى ياحبوب
قلت:
السودان وطنا كيف يهون والله تقرير مصير ده بداية العلة جنوبنا الحبيب ارح تعال نتلمه ملوال اخوى خليك معنا ابان دقون ياما كشفوا حالنا الموت الحصل اصلو مافى بالنا جلابة الحرب تعال نكشف حالهم فى سودان جديد مصيره ينسوا احلامهم
وهاك قولى :
خير بلدنا الكان مدفّق هسة قام أكلو الجراد
حتى دارفور العروس لبست أكفان الحداد
حبة من أولادها قاموا لمّوا خيلهم والعتاد
بالسلاح طلبوا العدالة وحاموا بين ليبيا وتشاد!!
|
Post: #221
Title: Re: ركن الدوبيت السودانى
Author: نادية عثمان
Date: 02-20-2005, 04:33 AM
Parent: #219
تسلم الموصلى العزيز وتمر دائما مرورك طيب
وهاك اسمع منى :
دناقلة اولاد بلد مجد الجدود حفظوه
بالتقى والورع شعب البلاد حكموه
لاهتكوا العروض لازول برئ ظلموه
هم فخر الوطن ساعة الوطيس يحموه!!
|
Post: #222
Title: Re: ركن الدوبيت السودانى
Author: anwar abu gaidaa
Date: 02-20-2005, 04:40 AM
Parent: #219
كتر خيرك كتير يا بت كرام الناس اماتك حفلنك بالدهب والماس وليكم سلام كلكم من لى تحت ولى الراس شاحد الله الكريم دايما تكونو اساس بى علم بى فهم بى راس وتسوو كل جميل وتبطلو الدواس
قدوم الخير قدومكم يا بدور الظلمه ابطال الكفاح رجال الظلمه لو لاكم يا عقول الوعى ما فهمنا معنى الكلمه حريتنا كانت تبقى لينا فرحه وحلمه
|
Post: #223
Title: Re: ركن الدوبيت السودانى
Author: anwar abu gaidaa
Date: 02-20-2005, 04:45 AM
Parent: #222
سبب الغياب؟ سوء الحظ فقط ما نيتى مالا افشرو لكن الزمان كتر على انا قشرو يعل صبر الصبور حسسى العلى اناعشرو كان لايق طعام وانا بفراكم ادشرو؟
|
Post: #224
Title: Re: ركن الدوبيت السودانى
Author: anwar abu gaidaa
Date: 02-20-2005, 04:51 AM
Parent: #223
انصر السبوع واتن جميع اماته باللتنين عزمنا على ضبح تسماته اجتمعو الاحبه الجمله عزو حماته واقفين كالكهارب يضووا لى مهماته
يات من كان حدقلو اسم بقت العباره جسيمه سميناها امنه ان شاء الله حاقه اسيمه بت ارباب تحضر لو وتختو وسيمه قبل المايقين يلمع كانو قسيمه
|
Post: #225
Title: Re: ركن الدوبيت السودانى
Author: نادية عثمان
Date: 02-20-2005, 05:07 AM
Parent: #223
العزيز انور ابو غيداء
مرحب بالطلة وبركة الجيتنا سالم غانم ياابو غيداء الغالى
ويلا دوووووبى
ركن الدوبيت من غيرك ناقصو عامود أساسى
مراحب هتووووون!
|
Post: #227
Title: Re: ركن الدوبيت السودانى
Author: نادية عثمان
Date: 02-21-2005, 06:06 PM
Parent: #225
الغالى انور ابو غيداء
قلت: انصر السبوع واتن جميع اماته باللتنين عزمنا على ضبح تسماته اجتمعو الاحبه الجمله عزو حماته واقفين كالكهارب يضووا لى مهماته
يات من كان حدقلو اسم بقت العباره جسيمه سميناها امنه ان شاء الله حاقه اسيمه بت ارباب تحضر لو وتختو وسيمه قبل المايقين يلمع كانو قسيمه
وهاك منى قول :
آمنة انشاء الله تكبر وتلحق الكلية
سليلة دار جعل وابوها صافى النية
تورين يوم سمايتك جد عليكى شوية
ناقتين منى ليك يابت اخويا هدية !
|
Post: #228
Title: Re: ركن الدوبيت السودانى
Author: نادية عثمان
Date: 02-21-2005, 06:29 PM
Parent: #227
أخضر كاكى مرحب يافخر العساكر
انسانى فى صفاتك وساعة الشدّة ماكر
عدوك تقلب حياتو تخلى مزاجو عاكر
أبوك وصاك بوطنك ولى توصيتو فاكر !!
|
Post: #229
Title: Re: ركن الدوبيت السودانى
Author: نادية عثمان
Date: 02-22-2005, 07:01 AM
Parent: #228
انا بتك أبوى فارس قبيلة دنقل
بالمال والرويحة الغالية ماك بتبخل
شامخ زى نخيلك وحادى زى المنجل
فى الحارة الشديدة يمين عدوك يتفنقل !!
|
Post: #230
Title: دناقله يا رسول الله
Author: Mohamed A. Salih
Date: 02-22-2005, 09:51 AM
Parent: #229
يقولون للرحمن أرتي وللجزيرة آرتي وللغنمايه برتي وللدقيق نورتي
|
Post: #231
Title: Re: دناقله يا رسول الله
Author: نادية عثمان
Date: 02-22-2005, 10:25 AM
Parent: #230
الاكرم محمد صالح
قلت:
دناقلة يارسول الله
ثم:
يقولون للرحمن أرتي وللجزيرة آرتي وللغنمايه برتي وللدقيق نورتي
واسمح لى ان اسألك مامعنى هذا الكلام عشان اقدر ارد بالدوبيت المناسب ..!!
|
Post: #232
Title: Re: دناقله يا رسول الله
Author: Mohamed A. Salih
Date: 02-22-2005, 10:55 AM
Parent: #231
دناقله يا رسول الله: ده طبعا نكته في اهلنا الدناقله. في اتنين مشو الحج ومن الضمن مشو لزيارة قبر الرسول صلي الله عليه وسلم.. فيبدو ان حارس القبر تحدث اليهم .. ما متأكد قال ليهم شنو بالضبط لكن اخوانا الدناقله ردو عليهو بقول "دناقله يا رسول الله" .. يعني افتكرو المتحث الرسول صلي الله عليه وسلم.
بلغة الدناقله:
أرتي تعني الله آرتي تعني الجزيره برتي تعني الغنمايه نورتي تعني الدقيق
|
Post: #233
Title: Re: دناقله يا رسول الله
Author: نادية عثمان
Date: 02-22-2005, 12:18 PM
Parent: #232
العزيز محمد صالح
بالمناسبة يعنى انا دنقلاوية ابا عن جد
واما عن حبوبة
وتانى هاك اقرأ كلامى ده :
انا بتك أبوى فارس قبيلة دنقل
بالمال والرويحة الغالية ماك بتبخل
شامخ زى نخيلك وحادى زى المنجل
فى الحارة الشديدة يمين عدوك يتفنقل !!
|
Post: #234
Title: Re: دناقله يا رسول الله
Author: Mohamed A. Salih
Date: 02-22-2005, 12:41 PM
Parent: #233
Quote: بالمناسبة يعنى انا دنقلاوية ابا عن جد
واما عن حبوبة |
مش ماقول!! ياني من اندنا??!! والله انا كنت مفتكرك جعليه ما عارف ليه.
|
Post: #235
Title: Re: دناقله يا رسول الله
Author: نادية عثمان
Date: 02-22-2005, 12:55 PM
Parent: #234
محمد صالح الاكرم
والله الله نجدك الليلة
طالما طلعت انت زاتك من اندينا يبقى سماح
انا هسة كلمت الموصلى ود خالى كان جايب عكازو وجاييك عدييييييييييل
اقايتو
ارتى كريمو !!
|
Post: #236
Title: Re: دناقله يا رسول الله
Author: Mohamed A. Salih
Date: 02-22-2005, 01:08 PM
Parent: #235
Quote: انا هسة كلمت الموصلى ود خالى كان جايب عكازو وجاييك عدييييييييييل |
يا جماعه مافي داعي للعكاكيز والخبيط وبقول:
انا البحر الكبير المالح كدي ادوني عصا وحمارا فالح شوفوني اكان ما اروح للموصلي في بكانو اصالح
اي والله ارتي كريمن
|
Post: #237
Title: Re: دناقله يا رسول الله
Author: Elmosley
Date: 02-22-2005, 01:49 PM
Parent: #236
ياناديه بت الناس و...عقلك فالح كيف ماعرفتي الزول... محمد صالح دنقل قدر في طولو... بحر المالح اسمك تمام... ظاهر وماهو الطالح
|
Post: #238
Title: Re: دناقله يا رسول الله
Author: نادية عثمان
Date: 02-22-2005, 06:26 PM
Parent: #237
الموصلى الغالى
محمد صالح تود
كيفن ياهى مانعرفها
ان تود اى بتان منى ..
كان فالح ترجم ياموصلى ..!!
|
Post: #239
Title: Re: دناقله يا رسول الله
Author: Mohamed A. Salih
Date: 02-23-2005, 10:55 AM
Parent: #238
مهمد ادهمان تود تنن سر التجار تود تنن كجي منكن تال تنن قلمو في اليمين تنن
* اسكن اي مني ويكوري???
|
Post: #240
Title: Re: دناقله يا رسول الله
Author: نادية عثمان
Date: 02-23-2005, 04:06 PM
Parent: #239
مهمد صاله تود
هئ شافه ار دسن تونجل
سكر كرى
مهمد
ار سرى ماقنن دو ..
اسكن يامهمد اى منى وى ؟
|
Post: #241
Title: Re: دناقله يا رسول الله
Author: نادية عثمان
Date: 02-23-2005, 06:11 PM
Parent: #240
جات تماضر ياجماعة الرسول تأكلو الكرامة
بت شيوخ الدين أصيلة مافى زول بلحق مقامها
ياتماضر ياأميرة حاشا مافوقك ملامة
ابتسامتك لون بهاك وشامخة زى النخلة قامة ..!!
هذا مع وافر حبى وتقديرى
نادية
|
Post: #243
Title: Re: دناقله يا رسول الله
Author: نادية عثمان
Date: 02-23-2005, 07:06 PM
Parent: #241
ود حى الدناقلة القائد الأسطول
يالصادق الأمين المابخيبلك قول
الصعب العسير دائما تجيبلو حلول
شخصيتك مهابة وحاشا مادلدول..!
|
Post: #244
Title: Re: دناقله يا رسول الله
Author: Mohamed A. Salih
Date: 02-24-2005, 08:07 AM
Parent: #240
ههههههههه لكنتك ظريفه بماسبة شافه ذكرتيني اغنية:
ووو شافيد إنكي تونجقي ار اودقرنا ووو شافيد إنكي بوبي تلقرنا اكي ثانوير دابونادن ووو شافيد ثانوي عالير دابونادن ووو شافيد
|
Post: #245
Title: Re: ركن الدوبيت السودانى
Author: بلدى يا حبوب
Date: 02-24-2005, 08:13 AM
Parent: #1
الشايلة القلب ماكفاية ليك يا وطن يكمل مليون دواية عشان تكبر واهلك يختوك تكابة كل جاهلن ينفطم بعناية بحبك واول كلامه يقول ياوطن يا يمة يا يابا
تحياتى
|
Post: #246
Title: Re: ركن الدوبيت السودانى
Author: نادية عثمان
Date: 02-24-2005, 09:07 AM
Parent: #245
العزيز بلدى ياحبوب
اسمع منى :
زى ماقالو مثلا حب الناس مذاهب
بحب حريتى واكره ظلمات الغياهب
ترتيل شيخ بجوّد وترتيل قس وراهب
حكمة رب معظّم هو الخلق المواهب !
|
Post: #247
Title: Re: ركن الدوبيت السودانى
Author: Mohamed A. Salih
Date: 02-24-2005, 11:17 AM
Parent: #246
Quote: زى ماقالو مثلا حب الناس مذاهب
بحب حريتى واكره ظلمات الغياهب
ترتيل شيخ بجوّد وترتيل قس وراهب
حكمة رب معظّم هو الخلق المواهب ! |
الحريه بندورا وما بياباها الا زولا خايب عجيبه الدنيا قاعدين فوق روسينا مصايب لا بحنو علي الصغير ولا حتي بدو احترام للشايب كاتمين انفاسنا ومن المغص مالين بطوناهبايب
|
Post: #248
Title: Re: ركن الدوبيت السودانى
Author: نادية عثمان
Date: 02-24-2005, 02:45 PM
Parent: #247
محمد صالح العزيز
وهاك قولى ده:
فى أرض الكنانة بحب هواء الحرية
لانظام عام وخاص لابتظبطك دورية
لاقانون طؤارى وكشة فى الضهرية
لابمسكوك عساكر ويجلدوك بالمية !!
شفت كيفن؟!!
|
Post: #249
Title: Re: ركن الدوبيت السودانى
Author: نادية عثمان
Date: 02-24-2005, 03:10 PM
Parent: #248
حركة وبيها اتحرك ضمير الناس
تقول للدنيا نحنا جنوب كتير انداس
جات شعبية وطنية ومركّزة ساس
كأس المر شراب علقم بيسمم بهجة الاحساس!!
|
Post: #250
Title: Re: ركن الدوبيت السودانى
Author: Mohamed A. Salih
Date: 02-25-2005, 01:23 PM
Parent: #249
ركننا الحبيب لازم يكون لي فوق تعالو ندوبي يا اصحاب الزوق ولا تقولولي اصبر ويا زول روق المهم ندوبي والباقي ملحوق
|
Post: #251
Title: Re: ركن الدوبيت السودانى
Author: انا بنت النيل
Date: 02-25-2005, 02:11 PM
Parent: #250
جذبني الركن وشميت ريحة البطانه الماطره عديل اتحيرت واتفكرت في ناديةالضليعة وقادره تب عجبتـني وفكرتها من دار جعلنا الزاخره بس عجبي اللقيت مسداره برطانة وحلات سماره
|
Post: #253
Title: Re: ركن الدوبيت السودانى
Author: نادية عثمان
Date: 02-25-2005, 03:38 PM
Parent: #251
العزيزة انا بت النيل
Quote: جذبني الركن وشميت ريحة البطانه الماطره عديل اتحيرت واتفكرت في ناديةالضليعة وقادره تب عجبتـني وفكرتها من دار جعلنا الزاخره بس عجبي اللقيت مسداره برطانة وحلات سماره |
دار جعل العزاز بلد الملوك والسادة
يامهد الحضارة ودولة فوق العادة
لو يهجم عدوك بلقى الرجال سدادة
يرحبوا بالردى وحوّة جعل ولاّدة !!
وحوة بنى دنقل برضو ولادة وكل حواء السودان باتجاهاته الاربعة تسلمى على المرور الراقى ولازم تجى تانى ياغالية.
|
Post: #254
Title: Re: ركن الدوبيت السودانى
Author: Mohamed A. Salih
Date: 02-25-2005, 04:00 PM
Parent: #251
Quote: جذبني الركن وشميت ريحة البطانه الماطره عديل اتحيرت واتفكرت في ناديةالضليعة وقادره تب عجبتـني وفكرتها من دار جعلنا الزاخره بس عجبي اللقيت مسداره برطانة وحلات سماره |
مرحبتين حبابك يا السمحه بت النيل بت العز والكرم الفي طباعك أصيل كالثري للثري منك بنوت الجيل شرفتي الديار فالقومه ليكي عديل
|
Post: #252
Title: Re: ركن الدوبيت السودانى
Author: نادية عثمان
Date: 02-25-2005, 03:24 PM
Parent: #250
الغالى محمد صالح
قلت:
Quote: ركننا الحبيب لازم يكون لي فوق تعالو ندوبي يا اصحاب الزوق ولا تقولولي اصبر ويا زول روق المهم ندوبي والباقي ملحوق |
تسلم ياعزيز سيد الفهم والذوق
يالزول اللطيف لالصقة لا لايوق
الراجل المؤدب حاشا مو صعلوق
ود صالح تعال ناداك رسول الشوق !!
|
Post: #255
Title: Re: ركن الدوبيت السودانى
Author: Abdelrahman Elegeil
Date: 02-26-2005, 08:35 PM
Parent: #252
UP UP UP UP UP UP UP UP
|
Post: #256
Title: Re: ركن الدوبيت السودانى
Author: نادية عثمان
Date: 02-27-2005, 01:38 PM
Parent: #255
عبد الرحمن العجيل الغالى
فوق كده ساى مابينفع
وهاك اسمع منى ده:
يالزول الحلو بشيش على ماتقسو
الراجل العظيم مابس ضخامة حسو
الوجه العبوس بشوف اخيرلك دسو
عشانكم حواء خلقت يالرجال ماتنسو !!
|
Post: #257
Title: Re: ركن الدوبيت السودانى
Author: Mohamed A. Salih
Date: 02-27-2005, 06:28 PM
Parent: #256
Quote: عبد الرحمن العجيل الغالى
فوق كده ساى مابينفع |
قال ابو وضحه في قول الشعر مالو نصيب وبفول انا في قول الشعر تب هو نجيب صادق في كلامو وبرضو في التعقيب موزون شعرو وفي فهم الاشاره لبيب
|
Post: #259
Title: Re: ركن الدوبيت السودانى
Author: نادية عثمان
Date: 02-28-2005, 11:12 AM
Parent: #257
حنتى المعطونة صندل من جمال بلدى الحنينة
الوطن البّق نورو زى ملامح زول رتينة
حنة من حنية دافقة ومن طمأنينة وسكينة
ختى يمة الحنة ليا وكترى الريد فى العجينة !!
|
Post: #260
Title: Re: ركن الدوبيت السودانى
Author: Abdelrahman Elegeil
Date: 02-28-2005, 11:33 AM
Parent: #259
بت الأرباب عثمان
حنتك دي مافي شك حنة دامر المجزوب الحبيبة
الزول السمح برة لا بد يكون سمح جواه
لابس حنتنا تاج نحن نموت عشانو والجميع يفداه
|
Post: #265
Title: Re: ركن الدوبيت السودانى
Author: نادية عثمان
Date: 02-28-2005, 05:42 PM
Parent: #260
الغالى عبد الرحمن العجيل
بركة الجيت ..بركة الجيت
Quote: حنتك دي مافي شك حنة دامر المجزوب الحبيبة
الزول السمح برة لا بد يكون سمح جواه
لابس حنتنا تاج نحن نموت عشانو والجميع يفداه |
وهاك منى قول :
صدقت القول وتسلم دامر المجذوب
جلابية شال وجلد البقر مركوب
الوطن الاصيل معدول ومو مقلوب
نغنى عشانو نقدل بلدى ياحبوب
|
Post: #266
Title: Re: ركن الدوبيت السودانى
Author: Mohamed A. Salih
Date: 02-28-2005, 06:37 PM
Parent: #260
الدامر الشاربه من النيل هي رويانا شجعان اولادها ووكت الحاره هم فرسانا انصار المهدي الطردو الغشم من سودانا كتار خلاويها ومولعه فيها ديمه نيرانا
|
Post: #264
Title: الحنة
Author: Mohamed A. Salih
Date: 02-28-2005, 01:34 PM
Parent: #259
جمال الحنه في الايدين وحلاة رسمه يمين بالله ابدعت الحنانه بت قسمه زول رتينه في الشفاه حلاة بسمه بديع الخالق الجبار بديع رسمه
|
Post: #267
Title: Re: الحنة
Author: نادية عثمان
Date: 02-28-2005, 06:40 PM
Parent: #264
بحلف ليك قسم بى حبى ليك والخوّة
عرسك يالأمير فى يوم أكيد بتسوّى
تفرح بالجديد وعدوك الم يتلوّى
تحبك وتشتهيك فى الدنيا أجمل حوّة ..!!
الاهداء لمحمد صالح وكل من تمنى العديل والزين..!!
|
Post: #270
Title: Re: الحنة
Author: Mohamed A. Salih
Date: 02-28-2005, 07:18 PM
Parent: #267
Quote: بحلف ليك قسم بى حبى ليك والخوّة عرسك يالأمير فى يوم أكيد بتسوّى تفرح بالجديد وعدوك الم يتلوّى تحبك وتشتهيك فى الدنيا أجمل حوّة ..!!
الاهداء لمحمد صالح وكل من تمنى العديل والزين..!! |
انا من قم صغير مكتوب لي شقيان لا قرايه لا علم وقدمايا حفيان جاري وراء الابل الديمه جربان ومن قل البرود انا جسمي هلكان
اها باقي ليكى بترضي بي حوه ??!
|
Post: #261
Title: Re: ركن الدوبيت السودانى
Author: عبد الرحمن الشبلي
Date: 02-28-2005, 12:16 PM
Parent: #1
احب من ايدك اتعلم واكون فيني الكلام والنم عشان اقدر اعيش واحلم وافيض زي الجمال والنيل ناديه دي اول مره خلي حكمك بشيش
|
Post: #262
Title: Re: ركن الدوبيت السودانى
Author: انا بنت النيل
Date: 02-28-2005, 01:18 PM
Parent: #261
جيتك تاني يااختي العزيزة ونادية يالزهرة وحلاتـك باديــة بالشب واللبـان ياراقيـة ارقيك من حسودا عينه جافلة وباغية
|
Post: #263
Title: Re: ركن الدوبيت السودانى
Author: انا بنت النيل
Date: 02-28-2005, 01:31 PM
Parent: #262
عذرا نادية ما ان جات سيرة الحنة ودامر المجزوب حتي هاجني الشوف والحنين الدافق لهاواقول.. الدامر بلد والمولي عظم شانا والجود والكرم مكتوب علي بيبانا يارب ياكريم تجعلني من سكانا
|
Post: #268
Title: Re: ركن الدوبيت السودانى
Author: osly2
Date: 02-28-2005, 06:55 PM
Parent: #263
غبت وجيت معاك يا ناديه نمشى دروب نفتح كل باب فى بلدنا كان مـــزروب الا الريح ابت وفى البوست هابه هبوب ضاع منى الطريق وراح منى درب ادروب
|
Post: #274
Title: Re: ركن الدوبيت السودانى
Author: نادية عثمان
Date: 02-28-2005, 07:56 PM
Parent: #268
اوسلى 2 العزيز ومرحب بالطلة الغالية
قلت:
Quote: غبت وجيت معاك يا ناديه نمشى دروب نفتح كل باب فى بلدنا كان مـــزروب الا الريح ابت وفى البوست هابه هبوب ضاع منى الطريق وراح منى درب ادروب |
وهاك منى قول :
درب ادروب دوام ياوسلى فينا لهيب
اوشيك الجميل دبايوا زولى حبيب
الباب انفتح لو حتى جابلو دبيب
البكا والنواح تب مابكتل الديب !!
|
Post: #269
Title: Re: ركن الدوبيت السودانى
Author: Elmosley
Date: 02-28-2005, 07:01 PM
Parent: #263
في الدامر هناك بلد الحلاتن زينه عاجبني الجمال الديمه ببهج فينا منديل القمر بي رقه... بيماسينا مالك يالقطر فايت الرزينه حنينه
|
Post: #275
Title: Re: ركن الدوبيت السودانى
Author: نادية عثمان
Date: 02-28-2005, 08:09 PM
Parent: #269
موصلى ود الخال .. بركة الجيت وهاك اسمع منى :
موصلى يالعزيز ود خالى قلبو حنين
مالك غبت عن بوست الاحبة سنين
يوسف يالصدوق ومعروف نزيه وأمين
زعلانة وأكيد بشكيك لشرف الدين !!!
|
Post: #276
Title: Re: ركن الدوبيت السودانى
Author: Elmosley
Date: 02-28-2005, 09:06 PM
Parent: #275
عاد ياناديه شن قدرني..... امشي سنين هوالماعاش حدا البورد شن بشوف غيرشين بوردا فيهو سمحاتا بيملو...... العين وفيهو فرسانا عليهم تب دقر.... ياعين
|
Post: #273
Title: Re: ركن الدوبيت السودانى
Author: نادية عثمان
Date: 02-28-2005, 07:46 PM
Parent: #263
بت النيل الغالية
Quote: عذرا نادية ما ان جات سيرة الحنة ودامر المجزوب حتي هاجني الشوف والحنين الدافق لهاواقول |
..
قولى زى مادايرة ودوبى مع كل زول هنا البوست بوستيك والبيت بيتك ياغالية
|
Post: #272
Title: Re: ركن الدوبيت السودانى
Author: نادية عثمان
Date: 02-28-2005, 07:43 PM
Parent: #262
الحبيبة بت النيل
قلتى :
Quote: جيتك تاني يااختي العزيزة ونادية يالزهرة وحلاتـك باديــة بالشب واللبـان ياراقيـة ارقيك من حسودا عينه جافلة وباغية |
بت النيل حبابك ديمة طلى تعالى
جيتك يالعزيزة تسر تريح بالى
ياالرائعة الودودة ويالمقامك عالى
بالزيك أكيد بصبح بلدنا مثالى !!
|
Post: #271
Title: Re: ركن الدوبيت السودانى
Author: نادية عثمان
Date: 02-28-2005, 07:27 PM
Parent: #261
العزيز عبد الرحمن الشبلى
قلت:
Quote: احب من ايدك اتعلم واكون فيني الكلام والنم عشان اقدر اعيش واحلم وافيض زي الجمال والنيل |
وهاك اسمع منى :
تعال ياشبلى نتعلم ونعمل لى زمنا حساب
ندرس عظمة التاريخ ذكرى المهدى والأحباب
علوم الحب سلام للناس ومعنى العشرة والأنساب
منّ المهد وحتى اللحد وبرضك راح نظل طلاب !!
|
Post: #277
Title: Re: ركن الدوبيت السودانى
Author: نادية عثمان
Date: 03-01-2005, 00:38 AM
Parent: #271
ود الخال يوسف
وهاك منى قولا :
شرف الدين شكيتلو وقال اكيد زعلان
عشان القسوة تب مابتشبه العثمان
قال ليك لااتصال لاجية للحبان
ماكان العشم والسينما ليها زمان !!!
|
Post: #278
Title: Re: ركن الدوبيت السودانى
Author: نادية عثمان
Date: 03-01-2005, 00:49 AM
Parent: #277
ياتماضر شوفى زولنا جاى شايل ليك هدية
بت شيوخ الدين حلاتها بتى من يومها الرضية
غنى يازول دوبى ليها بالنغيمات الشجية
قلنا مهما قلنا فيها برضو ببقى القول شوية !!
|
Post: #279
Title: Re: ركن الدوبيت السودانى
Author: nazar hussien
Date: 03-01-2005, 02:27 AM
Parent: #278
يا نادية نحن قوم لا نعرف الهدّ دحين هاك
جفلت بي عيونك صيدة وردت نيله وجهرت من ضياها القمره في عز ليله الزوق والجمال عن حنتك وتشكيله محنانات عديل طالبين يعرفو دليله
الدليل دا الكتلوج
|
Post: #281
Title: Re: ركن الدوبيت السودانى
Author: nazar hussien
Date: 03-01-2005, 03:04 AM
Parent: #279
سواد الحنه مو خته ورقاد ونشاف ونقش الحنة ما بظهر بلا كشاف
الا اللونو فاقع زي حرير او شاف
دحين شفتو القمر وكت الكسوف بنشاف؟
|
Post: #287
Title: Re: ركن الدوبيت السودانى
Author: نادية عثمان
Date: 03-01-2005, 10:05 AM
Parent: #281
الغالى نزار حسين
قلت:
Quote: سواد الحنه مو خته ورقاد ونشاف ونقش الحنة ما بظهر بلا كشاف
الا اللونو فاقع زي حرير او شاف
دحين شفتو القمر وكت الكسوف بنشاف؟ |
وهاك منى قول :
سواد الحنة أبيض فى قلوب عشاق
ريد وحنان والفة ومجمل الاشواق
روح الحنة للمرض الخطير ترياق
عشقوها العرب ناس لطفى ود بوشناق
|
Post: #285
Title: Re: ركن الدوبيت السودانى
Author: نادية عثمان
Date: 03-01-2005, 09:28 AM
Parent: #279
نزار حسين الغالى
قلت:
Quote: جفلت بي عيونك صيدة وردت نيله وجهرت من ضياها القمره في عز ليله الزوق والجمال عن حنتك وتشكيله محنانات عديل طالبين يعرفو دليله |
وهاك قولى :
ياغالى الأماسى الحلوة يأخى حليلها
فى السودان سماحة وفأل حسن وعديلة
حنة وصندلية ووريحة طيبة جميلة
حنانة البلد ترسم طريق لى جيلها !!
|
Post: #283
Title: Re: ركن الدوبيت السودانى
Author: Elmosley
Date: 03-01-2005, 05:02 AM
Parent: #277
كان ياناديه صح شرف الحبيب.. زعلان يبقي اكيد ولد خالتو الحبيب غلطان كيف انا انسي ....اشلاق بحري ياخلان حليل وطنيه.... والحلفايا والدكان
|
Post: #288
Title: Re: ركن الدوبيت السودانى
Author: نادية عثمان
Date: 03-01-2005, 02:37 PM
Parent: #283
الموصلى ود الخال
قلت:
Quote: كان ياناديه صح شرف الحبيب.. زعلان يبقي اكيد ولد خالتو الحبيب غلطان كيف انا انسي ....اشلاق بحري ياخلان حليل وطنيه.... والحلفايا والدكان |
وهاك منى قول :
صاح يايوسف الزول الجميل زعلان
شرف الدين ولد موسى وجنا الفرسان
قال ليك كيف نسيت العشرة والتحنان
وقال ليك يالحبيب متى ترجع السودان.........؟!!
|
Post: #280
Title: Re: ركن الدوبيت السودانى
Author: أحمد الشايقي
Date: 03-01-2005, 02:58 AM
Parent: #1
بت عثمان حبــاب
الحـاشــا ما بتـضـارا
أتعبتــي الشـعـر
مـا لقـينـا ليـه بصــارة
أخجـلـتي العنـب
زيـنـة شـبـاب ونـضـارة
جـهـرتني الكهـارب
بـس بـدور نـضـارة
|
Post: #282
Title: Re: ركن الدوبيت السودانى
Author: nazar hussien
Date: 03-01-2005, 03:18 AM
Parent: #280
يا الشايقي
النضارة ما بتشوف اشعة سين
ولا بتشوف جمال الروح وطبعا زين
الجهرت عيونك قمره بت دورين
وهي المغلوبه مجهوره وبتشكي سنين
|
Post: #292
Title: Re: ركن الدوبيت السودانى
Author: نادية عثمان
Date: 03-01-2005, 04:27 PM
Parent: #280
العزيز احمد الشايقى
Quote: بت عثمان حبــاب
الحـاشــا ما بتـضـارا
أتعبتــي الشـعـر
مـا لقـينـا ليـه بصــارة
أخجـلـتي العنـب
زيـنـة شـبـاب ونـضـارة
جـهـرتني الكهـارب
بـس بـدور نـضـارة |
وهاك منى قول :
يااحمد حباب الكلمة منك سارة
وطنى وود بلد مابترضى بيها حقارة
زول معروف كريم راجلا عديل دبّارة
شاب بالحيل وسيم ليهو البنات تتجارى !!
|
Post: #284
Title: Re: ركن الدوبيت السودانى
Author: ودقاسم
Date: 03-01-2005, 05:29 AM
Parent: #1
سمحات البنات سمح الغنا القطعنّو نايرات زي حرير توب العفاف لبسنّو بي قلبا كبير همّ الوطن شالنّو قادلات زي نجوم السما الوصلنّو
ينفع ده يا نادية ؟؟؟ أصلو أخوك من أهل العوض ..
|
Post: #293
Title: Re: ركن الدوبيت السودانى
Author: نادية عثمان
Date: 03-01-2005, 04:43 PM
Parent: #284
الغالى ود قاسم ..مرحب بالطلة الحلوة جدا
قلت:
Quote: سمحات البنات سمح الغنا القطعنّو نايرات زي حرير توب العفاف لبسنّو بي قلبا كبير همّ الوطن شالنّو قادلات زي نجوم السما الوصلنّو |
وهاك منى قول :
فرسان الرجال فى بلدى قيمة وهيبة
لافيهم سفيه لازول فعول للعيبة
ود قاسم ربيت شابا وبعد الشيبة
شايفاك يالعوض فيك رجفة الحبّيبة !!
Quote: ينفع ده يا نادية ؟؟؟ أصلو أخوك من أهل العوض .. |
وانا دنقلاوية اهل العوض بتاع دنقلا وقولك يالعوض ود قاسم حلو جدا الرسول تخليك معانا هنا دائما ..
|
Post: #286
Title: Re: ركن الدوبيت السودانى
Author: بلدى يا حبوب
Date: 03-01-2005, 09:44 AM
Parent: #1
يا ستنا طولت الغياب حزنان انا اليوم بمر ذى السنة اه انا ما كل يوم ساكى الرهاب امكن القاك انا سافرت فى البحر البعيد قلقان انا شايل معاى شوق السنين طالب اشوفك انا ما نظرة بس تشفى الجراح القاتلنى انا وعذاب البعاد لمن القاك بجن انا ويقول على مجنون بعاد ما ده انا يا حلوة بس كيف الوصول معيون انا قالوا الشفاء لمن اشوف عينك انا ما دواية دموع ولوح الصبر راجى انا وحروف كتاب حبك دواى انا يا روعة بين الزهور اكليل شايله انا ونسمات جروف وقت الغروب مناى انا تجيب الدعاش وجواه شوق لى انا تحياتى
|
Post: #294
Title: Re: ركن الدوبيت السودانى
Author: نادية عثمان
Date: 03-01-2005, 05:05 PM
Parent: #286
الغالى بلدى ياحبوب
قلت:
Quote: يا ستنا طولت الغياب حزنان انا اليوم بمر ذى السنة اه انا ما كل يوم ساكى الرهاب امكن القاك انا سافرت فى البحر البعيد قلقان انا شايل معاى شوق السنين طالب اشوفك انا ما نظرة بس تشفى الجراح القاتلنى انا وعذاب البعاد لمن القاك بجن انا ويقول على مجنون بعاد ما ده انا يا حلوة بس كيف الوصول معيون انا قالوا الشفاء لمن اشوف عينك انا ما دواية دموع ولوح الصبر راجى انا وحروف كتاب حبك دواى انا يا روعة بين الزهور اكليل شايله انا ونسمات جروف وقت الغروب مناى انا تجيب الدعاش وجواه شوق لى انا |
وهاك منى قول :
هيلى الصندل المعجون وهيلك سيفك البتار
هيلى الفركة والسوميت وانت هناك تخوض النار
بغنيلك واجر النم وادعو يصونك الستار
بحرسك بى رموش العين وتحرس جيشك الجرّار .!!
|
Post: #289
Title: Re: ركن الدوبيت السودانى
Author: Mahmoud Mustafa Mahmoud
Date: 03-01-2005, 03:01 PM
Parent: #1
نادية السمحة جابت نمة فوق نماتنا
جرست الفؤاد خلت لحمنا رفاتنا
ها جنوي تعالوا نعز رؤوس أماتنا
سمحة العرضة وسط أخوانا أدروباتنا
أكان مو دا البحر والقهرة في ريالاتنا
حفايا نجيكم إن بندوربهن نعلاتنا؟؟
أنا أخو السمحات لي حدهن
|
Post: #290
Title: Re: ركن الدوبيت السودانى
Author: نادية عثمان
Date: 03-01-2005, 03:36 PM
Parent: #289
العزيز محمود مصطفى محمود
قلت:
Quote: نادية السمحة جابت نمة فوق نماتنا
جرست الفؤاد خلت لحمنا رفاتنا
ها جنوي تعالوا نعز رؤوس أماتنا
سمحة العرضة وسط أخوانا أدروباتنا
أكان مو دا البحر والقهرة في ريالاتنا
حفايا نجيكم إن بندوربهن نعلاتنا؟؟ |
وهاك منى قول :
سمحة العرضة وسط الحوش مع الحبان
سمحة اللمّة ساعة الفرحة فى السودان
يامحمود ارح دوبيتنا فيهو حنان
وهاك اشرب معانا القهوة فى الديوان !!!
|
Post: #291
Title: Re: ركن الدوبيت السودانى
Author: ود الشيخ
Date: 03-01-2005, 03:57 PM
Parent: #1
بس يا نادية بسلم ساي الزيِّ أنا بكاي خلاص نقاي قُوليِّ ما مهم لكن برضو لي راي في النم يا نادية شاشاي حريف في القول وكمان حاحاي كان مشيتي كدا بجيك بي جاي ويا نادية في النم اخوك بكاي
|
Post: #295
Title: Re: ركن الدوبيت السودانى
Author: نادية عثمان
Date: 03-01-2005, 07:56 PM
Parent: #291
الغالى ود الشيخ
قلت:
Quote: بس يا نادية بسلم ساي الزيِّ أنا بكاي خلاص نقاي قُوليِّ ما مهم لكن برضو لي راي في النم يا نادية شاشاي حريف في القول وكمان حاحاي كان مشيتي كدا بجيك بي جاي ويا نادية في النم اخوك بكاي |
وهاك منى قول :
البنوت بغنولك حلاتو جناى
وكت تقعد يجيبولك كبابى الشاى
كان قبّلت يلتفتو ويقبّلو جاى
ومن فرحن يضيع اسمك وينادوا هناى !!
|
Post: #296
Title: Re: ركن الدوبيت السودانى
Author: أحمد الشايقي
Date: 03-01-2005, 10:31 PM
Parent: #1
فـوق شوفتنـا ديـك
جيب آنزار دوبيت
أنضـم سبحتــه,
أرويه زين, بيت بيت
مـن زي (حنّـتــه)
ال (كيــف) مرقـد السوميت,
حـالاً جــاز علي,
حـال (ال تقولّـك), أبيــت
|
Post: #298
Title: Re: ركن الدوبيت السودانى
Author: nazar hussien
Date: 03-01-2005, 11:37 PM
Parent: #296
احمد اخوي....ونادية اختي هاكم
جمال الحنة من لون سيدها بظهر و النقش الدقاق طاعما... مبهّر
الخلانا مشدوهين نتاوق وعينا تسهر سماحة الجن تقول ودّوها بعشر
ودّوها دي انطقوها كفعل امر بالدارجي....والدو الفيها نطقها زي دو الكوتشينه لانو حتي لو عملت شدة للدال وضمة ممكن تتنطق كفعل ماضي وانا قاصد الامر...
احجبا من عيون الناس وكاتل في البتاوق والبعاين والبناتل
سماحة الخلقة خلت قلبي حاتل يفج في ضلوعي بين مكتول وكاتل
|
Post: #316
Title: Re: ركن الدوبيت السودانى
Author: نادية عثمان
Date: 03-03-2005, 05:30 PM
Parent: #298
الغالى نزار حسين
قلت:
Quote: جمال الحنة من لون سيدها بظهر و النقش الدقاق طاعما... مبهّر
الخلانا مشدوهين نتاوق وعينا تسهر سماحة الجن تقول ودّوها بعشر |
وهاك منى قول:
ياود الكرام انا والله بيك فخورة
لابتهتك عروض لابتفضح المستورة
بتداوى الجروح وتجبّر المكسورة
مكة بلد رسولنا تملّى تمشى تزورا ..
|
Post: #299
Title: Re: ركن الدوبيت السودانى
Author: Abdelrahman Elegeil
Date: 03-02-2005, 00:14 AM
Parent: #296
سـلام يا أحباب حقيقة عجبني قطع ودقاسم وغلبني أقاوم سجن سجن غرامة غرامة
الحبيب ودقاسم قطعك الأخضر فوق الخدر دا رجعني عشرين ربيع لوراء في دامر المجزوب
وضواحيها وحفلات دارجعل والتي تتخلل فواصلها رميات من الدوبيت
واذكر رمية أولها
الـ يـابا البنات حد الله بينا وبينه
ورمية ثانية آخرها
العلماء الدرسوا العلم قالوا الدين غيرن مابيتم
وفي الحقيقة الرمية الأولى دي كنا نمر عليها مرور الكرام حتى قسمتنا جابتنالبلاد العم
سام فوجدناها حكمة فياودقاسم في البلد دي الزول العازب وما عنده Girlfriendلاتقعد
جواره بعمتك المدورة وإلا نصيبة إنحدفت عليك
وعلى ذكر الدامر وحنته وحفلاته التي كان يحيها الفنانون الشعبيون بالدلوكة والشتم
وطبعا البطان والشبال بشره فكان هناك الفنان الحاج أبوشيبة وعثمان بشير وإن أنسى
لاأنسى علي عبدالماجد الولهان الذي كان يغني ودمعه يجري على الشتم وهو يغني أغنيته
الشهيرة التى يقول في بعض مقاطعها
في الليل الهجع جاني طيف حبيبي ونوم عينيي نجع
والله يازميل
أحسب في النجوم الغاب والطلع في عذاب شديد وإزداد الوجع
والله يازميل نيران الغرام زايدة في ولع في جوفي الآلام وجني عاد رجع
والله يازميل صبح الصباح والوكت طلع والعليي ظهر للناس إنطبع
لا حكيم لي فاد لا طبيب نفع طبي أنا في الخضار والغفير منع
والله يازميل
دي إن بسمت تقول البرق الشلع والضمير محزوز زي جدي القلع
زي جوز رمان صدرك إنطبع والشباب في الكون لحسنك خضع
والباقي نسيته
|
Post: #317
Title: Re: ركن الدوبيت السودانى
Author: نادية عثمان
Date: 03-03-2005, 05:37 PM
Parent: #299
الغالى عبد الرحمن العجيل
ينساك الموت اخوى
قول امين ياود الاصول ..
|
Post: #332
Title: Re: ركن الدوبيت السودانى
Author: Abdelrahman Elegeil
Date: 03-08-2005, 09:18 AM
Parent: #317
الغالية بت الأجواد الموت دا عاد ما في منه مفر بس الواحد لو عاش حتى أربى وضحة
وأعلمهاوأزوجها وشاف جناها وقالوا ماأحلى من الجنى إلا جنى الجنى ولكن أعوذ بالله من
أرذل العمر
|
Post: #315
Title: Re: ركن الدوبيت السودانى
Author: نادية عثمان
Date: 03-03-2005, 05:12 PM
Parent: #296
الاكرم احمد الشايقى
قلت:
Quote: فـوق شوفتنـا ديـك
جيب آنزار دوبيت
أنضـم سبحتــه,
أرويه زين, بيت بيت
مـن زي (حنّـتــه)
ال (كيــف) مرقـد السوميت,
حـالاً جــاز علي,
حـال (ال تقولّـك), أبيــت |
تعال يانزار رد على احمد الشايقى الليلة مزاجو عالى وكلامو زى كل يوم سمح بالحيل والله
استمروا ياشباب فااروع ان نحرض بعضنا على الابداع..!
|
Post: #297
Title: Re: ركن الدوبيت السودانى
Author: ود الشيخ
Date: 03-01-2005, 10:54 PM
Parent: #1
قالوا البت الفنجرية دنقلاوية القوام اهيف والعيون عسلية واللهيج باسم وحروفو ماسية والكلام في طبعو حب وشفافية الرقيق في طبعو بالدر مكسية بت الرجال حرم ماهي منسية وركنك يا نادية جميل مية بالمية ندوبي وينبح صوتنا صبح وعشية اخوك ود دنقلاوي وامو شايقية ومن جزيرة لبب واجدادو شريفية خناقي كارب وده طبع الخناقية والراس ما بحفى لازم عمة ولا طاقية
|
Post: #318
Title: Re: ركن الدوبيت السودانى
Author: نادية عثمان
Date: 03-03-2005, 06:00 PM
Parent: #297
ود الشيخ الغالى
قلت:
Quote: قالوا البت الفنجرية دنقلاوية القوام اهيف والعيون عسلية واللهيج باسم وحروفو ماسية والكلام في طبعو حب وشفافية الرقيق في طبعو بالدر مكسية بت الرجال حرم ماهي منسية وركنك يا نادية جميل مية بالمية ندوبي وينبح صوتنا صبح وعشية اخوك ود دنقلاوي وامو شايقية ومن جزيرة لبب واجدادو شريفية خناقي كارب وده طبع الخناقية والراس ما بحفى لازم عمة ولا طاقية |
وهاك منى قول :
ود الشيخ حباب نخل الشمال العالى
يالاسد الجسور ماك السفيه متعالى
نظمك يالحنين بالحيل بيفرّح بالى
ساعة الجد تقيف مابتمشى وتقول مالى !!!
|
Post: #365
Title: Re: ركن الدوبيت السودانى
Author: munswor almophtah
Date: 05-12-2005, 10:38 AM
Parent: #297
ركن الدوبيت السودانى
|
Post: #300
Title: Re: ركن الدوبيت السودانى
Author: أحمد الشايقي
Date: 03-02-2005, 00:43 AM
Parent: #1
الأخ نزار حسين
الموقــر
Quote: سماحة الخلقة خلت قلبي حاتل يفج في ضلوعي بين مكتول وكاتل |
هذا هو الابداع الذي لم أسمع بمثلـه قريباً
( يا سيدي تستاهـل)
تحياتي
|
Post: #301
Title: Re: ركن الدوبيت السودانى
Author: أحمد الشايقي
Date: 03-02-2005, 00:59 AM
Parent: #1
العزيزة نادية عثمان
الشاعــرة الأديبـة
الزينـة ضيّ البيت
الخايلـة الرزينـة
الضاويـة دون كبريـت
نسّـاجـة الحــروف
(رص) لا إبـار, لا خيــت
كــت ناكـر زمان
– في حضرتـك قـرّيــت
|
Post: #319
Title: Re: ركن الدوبيت السودانى
Author: نادية عثمان
Date: 03-04-2005, 08:39 AM
Parent: #301
احمد الشايقى العزيز
قلت:
Quote: الشاعــرة الأديبـة
الزينـة ضيّ البيت
الخايلـة الرزينـة
الضاويـة دون كبريـت
نسّـاجـة الحــروف
(رص) لا إبـار, لا خيــت
كــت ناكـر زمان
– في حضرتـك قـرّيــت |
وهاك منى قول :
أحمد ياأخوى فى الغربة اتهديت
بنسج فى المواجع تعلا بيت فوق بيت
للشينة القبيحة انا ياما اتحديت
وفى المنبر لقيتكم ياملوك دوبيت !!
|
Post: #302
Title: Re: ركن الدوبيت السودانى
Author: ودقاسم
Date: 03-02-2005, 03:06 AM
Parent: #1
Quote: ود قاسم ربيت شابا وبعد الشيبة
شايفاك يالعوض فيك رجفة الحبّيبة !! |
نادية
ريدة البنات ما بتكبر عليها قلوب والريد ما جريمة عشان نسيبو نتوب الزول إن كبر ولبّسوهو التوب من تالاهو ديمة تهب عليّ هبوب
الشكر الجزيل لك أخي عبد الرحمن العجيل ...
|
Post: #303
Title: Re: ركن الدوبيت السودانى
Author: Abdelrahman Elegeil
Date: 03-02-2005, 11:16 AM
Parent: #302
العزيز ود قاسم همتك لا تقصر الله يديك العافية
|
Post: #304
Title: Re: ركن الدوبيت السودانى
Author: Mohamed A. Salih
Date: 03-03-2005, 04:01 PM
Parent: #303
فـــــــــــــــــــــووووووووق
|
Post: #308
Title: Re: ركن الدوبيت السودانى
Author: مجدي شبندر
Date: 03-03-2005, 04:30 PM
Parent: #304
جسمي انقسم وجروحو بانت بادية جابة الدكاترة إكشفو من الحضر والبادية بي المي الشديد شفت الخدود النادية شرد المرض مني حنب صيدلية نادية ودا الطب والعلاج
|
Post: #309
Title: Re: ركن الدوبيت السودانى
Author: مجدي شبندر
Date: 03-03-2005, 04:31 PM
Parent: #304
جسمي انقسم وجروحو بانت بادية جابة الدكاترة إكشفو من الحضر والبادية بي المي الشديد شفت الخدود النادية شرد المرض مني حنب صيدلية نادية ودا الطب والعلاج
|
Post: #310
Title: Re: ركن الدوبيت السودانى
Author: مجدي شبندر
Date: 03-03-2005, 04:32 PM
Parent: #304
جسمي انقسم وجروحو بانت بادية جابة الدكاترة إكشفو من الحضر والبادية بي المي الشديد شفت الخدود النادية شرد المرض مني حنب صيدلية نادية ودا الطب والعلاج
|
Post: #311
Title: Re: ركن الدوبيت السودانى
Author: مجدي شبندر
Date: 03-03-2005, 04:32 PM
Parent: #304
جسمي انقسم وجروحو بانت بادية جابة الدكاترة إكشفو من الحضر والبادية بي المي الشديد شفت الخدود النادية شرد المرض مني حنب صيدلية نادية ودا الطب والعلاج
|
Post: #312
Title: Re: ركن الدوبيت السودانى
Author: مجدي شبندر
Date: 03-03-2005, 04:33 PM
Parent: #304
جسمي انقسم وجروحو بانت بادية جابة الدكاترة إكشفو من الحضر والبادية بي المي الشديد شفت الخدود النادية شرد المرض مني حنب صيدلية نادية ودا الطب والعلاج
|
Post: #313
Title: Re: ركن الدوبيت السودانى
Author: مجدي شبندر
Date: 03-03-2005, 04:33 PM
Parent: #304
جسمي انقسم وجروحو بانت بادية جابة الدكاترة إكشفو من الحضر والبادية بي المي الشديد شفت الخدود النادية شرد المرض مني حنب صيدلية نادية ودا الطب والعلاج
|
Post: #314
Title: Re: ركن الدوبيت السودانى
Author: مجدي شبندر
Date: 03-03-2005, 04:33 PM
Parent: #304
جسمي انقسم وجروحو بانت بادية جابة الدكاترة إكشفو من الحضر والبادية بي المي الشديد شفت الخدود النادية شرد المرض مني حنب صيدلية نادية ودا الطب والعلاج
|
Post: #328
Title: Re: ركن الدوبيت السودانى
Author: نادية عثمان
Date: 03-06-2005, 08:32 PM
Parent: #314
العزيز مجدى شبندر
Quote: جسمي انقسم وجروحو بانت بادية جابة الدكاترة إكشفو من الحضر والبادية بي المي الشديد شفت الخدود النادية شرد المرض مني حنب صيدلية نادية |
تبرى من المرض ياود بلادى الغالى
يالزول الجميل صاحب المقام العالى
جنا الامات اخوى الشوفتو تسعد بالى
حاشاك من غرور المفترى المتعالى
|
Post: #321
Title: Re: ركن الدوبيت السودانى
Author: نادية عثمان
Date: 03-05-2005, 05:19 PM
Parent: #304
محمد صالح تود
الهى ايكى سلميرو ياربينا
ار سى هى شافة سكر كرى ؟!!
|
Post: #324
Title: Re: ركن الدوبيت السودانى
Author: Mohamed A. Salih
Date: 03-06-2005, 01:32 AM
Parent: #321
Quote: محمد صالح تود الهى ايكى سلميرو ياربينا ار سى هى شافة سكر كرى ؟!! |
ووو ناديه اسمان برو ارتي اكي سلميرن .. هال مندي? اي اون سكار كري ار اسل كري
يسأل منك الخير درة الشعبيه ليك مني السلام وألف ألف تحيه بجيكم صاد لي ونسه عصراويه وندوبي بي أروع لهجه نوبيه
|
Post: #320
Title: Re: ركن الدوبيت السودانى
Author: نادية عثمان
Date: 03-04-2005, 03:01 PM
Parent: #302
الغالى ود قاسم
Quote: ريدة البنات ما بتكبر عليها قلوب والريد ما جريمة عشان نسيبو نتوب الزول إن كبر ولبّسوهو التوب من تالاهو ديمة تهب عليّ هبوب |
وهاك منى قول
صدقت وليك بقول الحب حبيب الكل
الريدة الشديدة تقيك مرض السل
ود قاسم كلامك فيهو ريحة الفل
سلام يغشاك ارجع ياصديقنا وطل .!!
|
Post: #322
Title: Re: ركن الدوبيت السودانى
Author: osly2
Date: 03-05-2005, 05:39 PM
Parent: #320
Quote: درب ادروب دوام ياوسلى فينا لهيب
اوشيك الجميل دبايوا زولى حبيب
الباب انفتح لو حتى جابلو دبيب
البكا والنواح تب مابكتل الديب !! |
يا ناديه الوطن ما ليهو اى مــــــــثيل بس حكم القدر حكموهو ناس زى ديل ناس ادروب اسود حارسين جبل توتيل وباقى الناس اكيد باكر بعدلو المـــيل
|
Post: #323
Title: Re: ركن الدوبيت السودانى
Author: nazar hussien
Date: 03-05-2005, 11:08 PM
Parent: #322
Quote: محمد صالح تود
الهى ايكى سلميرو ياربينا
ار سى هى شافة سكر كرى |
يلا ندوبي بالرطانة....
كيرا مس كيسا سوكا مس كيسّي كيرا سوكّ اكا كونجا مس كيسّي
ار سي هي ايكي تود ماسّيه
تقول لي ايلامان قون هسي
وما تسعلوني من المعني....الكلام دا علي ما اعتقد فيه محسي ودنقلاوي وهدندوي....وعربي....
يا نادية بالمرة ما تدينا حصص رطانة....فانا عاشق للغات النوبية عموما....
|
Post: #325
Title: محمد ود مدوقه
Author: Mohamed A. Salih
Date: 03-06-2005, 02:01 AM
Parent: #323
محمد ود مدوقه المن صغير تابي كانم سرو بي بطالي مو بتنبأ ربيع الفنجري فارقت عيل بالزيني بوم خبرا مهما جاني النوم غرز من عبني في دونكي الختيماي حصلت كعي مو ظرب صوت كتلت ود مدوقه وعقبت عطشاني إخوان فاطنه بركو وقبلو النيشاني وخلو الطير يحوم فوق الرمم شبعاني
|
Post: #326
Title: Re: محمد ود مدوقه
Author: انا بنت النيل
Date: 03-06-2005, 03:07 AM
Parent: #325
عذرا يا زهرة نادية نفاج صغير لود العقيل اظنك من العكد.. موكدي..عشان الدلوكة والشتامة شفتهن حولين الدامر في الشعديناب والمسياب والفريع والبان جديد ..وفي اتبرا الفوق والبسلي عند التبارة وكمان اهلي الحنان العالياب والزيداب..حينما يحمي ايقاع الدلوكة وترتفع العصي فوق والعجاجة في السما..والسوط يقول وا غربتي.. تسلم اخوي وين ما تكون
وتسلم نادية ست الدارة الخلت قلوبنا عمارة بي ريده ..وحلات الشارة من دامرنا اصلها حنة فاز من دارة
|
Post: #339
Title: Re: محمد ود مدوقه
Author: نادية عثمان
Date: 03-09-2005, 08:13 AM
Parent: #326
بت النيل الغالية
Quote: وتسلم نادية ست الدارة الخلت قلوبنا عمارة بي ريده ..وحلات الشارة من دامرنا اصلها حنة فاز من دارة |
وهاك منى قول :
تسلمى ياحبيبة ومرى زى ماتريدى
البيت بيت ابوك يالطلتك يوم عيدى
عن قول الجمال حشاك مابتحيدى
ارقصى ياجميلة وزيدى نمك وعيدى
|
Post: #340
Title: Re: محمد ود مدوقه
Author: Abdelrahman Elegeil
Date: 03-11-2005, 08:06 AM
Parent: #326
العزيزة بت العالياب العزاز بت النيل القومة ليك ولك العتبي حتى ترضي
على تأخير الرد.نعم ود عمك جعلي يحمدالله من الحديبة جنوب الدامر وطبعا
إنت عارفة وقع الدلوكة والشتم فينا زي وقع النحاس والجعلي الذي لا يتجاوب
معهن ماهو جعلي حر.
نحن الدامر كلما جاءت ذكرتها الواحد فينا يرجع وراء منذ سنون اللبن
وبالمناسبة لقد كان دفعتي من الدامر الثانوية وحتى الجامعة من العالياب
الأخوان محمد اليأس وأبراهيم العطا كنا زملاء دراسة لثمانية أعوام ولا أريد
أن أطيل ولكن طالما كنت تستمتعين بحفلات أهلك الجعليين هاك هذه الأغنية
لعلي بدالماجد والتي يقول فيها
أهله حموه المروق ........ ياناس الليلة غاب حتى الشروق
دا غاب وخلا الكون حزين.......أصله السماحة فراقها شين
الصابني منه منير الجبين........ يعلم بو الله رب العالمين
............ ياناس الليلة غاب حتى الشروق
مابننسى حبك لو في الظنون......نمشي لو محل ما يكون
داير أسمع النغم الحنون.....وأعرف كلامك بالعيون
........ياناس الليلة غاب حتى الشروق
دا أمانة ما ضايقيين لو ضيق.....لشوفته رابطين الطريق
لأنه نوارة الفريق..........الـ تحرق العالم حريق
......ياناس الليلة غاب حتى الشروق
دا الـ بق زي نور الصباح......ليه يكون مكتوم السراح
الـ شفنا مرة وتاني راح....أروحنا رايحة مع الرياح
ياناس الليلة غاب حتى الشروق
وطبعا الإيقاع يمثل الجانب الأهم
|
Post: #331
Title: Re: ركن الدوبيت السودانى
Author: نادية عثمان
Date: 03-08-2005, 07:27 AM
Parent: #323
نزار حسين الغالى
Quote: كيرا مس كيسا سوكا مس كيسّي كيرا سوكّ اكا كونجا مس كيسّي
ار سي هي ايكي تود ماسّيه
تقول لي ايلامان قون هسي
وما تسعلوني من المعني....الكلام دا علي ما اعتقد فيه محسي ودنقلاوي |
وهدندوي....وعربي....
الرسول فوقك تترجم لى الدوبيت عشان اقطع ليك واحد زيو ..!
|
Post: #327
Title: Re: ركن الدوبيت السودانى
Author: Mohamed A. Salih
Date: 03-06-2005, 06:53 PM
Parent: #322
Quote: يا ناديه الوطن ما ليهو اى مثيل بس حكم القدر حكموهو ناس زى ديل ناس ادروب اسود حارسين جبل توتيل وباقى الناس اكيد باكر بعدلو الميل |
ديل خلو الوطن ينزف جريح وعليل نهبو البلد ووقعو في الخصوم تنكيل بي اسم الجهاد خلو الامهات في عويل سواتهم لا شفنا في القرآن ولا الانجيل
|
Post: #329
Title: Re: ركن الدوبيت السودانى
Author: نادية عثمان
Date: 03-07-2005, 04:29 PM
Parent: #322
اوسلى الغالى
Quote: يا ناديه الوطن ما ليهو اى مــــــــثيل بس حكم القدر حكموهو ناس زى ديل ناس ادروب اسود حارسين جبل توتيل وباقى الناس اكيد باكر بعدلو المـــيل |
وهاك قولى :
يااوسلى الوطن ولد السماحو عديل
محروس بالآله نائم فى حضن النيل
اوشيك العزيز زول وطنى جد ونبيل
حاشاه مو عميل لازول اضينة عويل !!
|
Post: #330
Title: Re: ركن الدوبيت السودانى
Author: أحمد الشايقي
Date: 03-08-2005, 00:03 AM
Parent: #1
آآنزار إن قلـت:- احجبا من عيون الناس وكاتل في البتاوق والبعاين والبناتل
سماحة الخلقة خلت قلبي حاتل يفج في ضلوعي بين مكتول وكاتل
كدي شــوف دي,
طـلاب غـيّــهــن,
حظّـي المعـتــر حاتل
كل ما عشـقـت زيــن
عرضن عليّ تلاتـل
فرع (الحـنّـه) مشكـار ال (زّرع) والشـاتـل
مـال زي بان وفــاق
بي عوده فتـل الفاتـل
وتحياتي
|
Post: #333
Title: Re: ركن الدوبيت السودانى
Author: نادية عثمان
Date: 03-08-2005, 05:45 PM
Parent: #330
حباب سيد الرجال فى الحارة جمل الشيل
اخوك يافاطنة فارسا وزول عديل بالحيل
حارس للوطن فألو وسماحتو عديل
محروس بالكتاب وتوراتنا والانجيل !
|
Post: #334
Title: Re: ركن الدوبيت السودانى
Author: نادية عثمان
Date: 03-08-2005, 09:03 PM
Parent: #333
ود الموردابى اللقّبوه قرقور
شال انا عقلى تائه والفؤاد مسحور
بتلقاهو المرحّب ديمة بيك مسرور
قرقورية أجمل من بنات الحور !!
|
Post: #335
Title: Re: ركن الدوبيت السودانى
Author: nazar hussien
Date: 03-08-2005, 11:41 PM
Parent: #334
يا نادية اختي والله انا زاتي ما عارف معناه...
كلام لقطتو لقيط....الجزء الاول محسي وهو جزء من اغنية سمرة البغنيها وردي ومن بعده ساورا...والتاني دنقلاوي سمعته من صديقة ايام الجامعة سنة عشرين والتالت هدندوي سمعته من جدي سنة سته... ومعناه
امشي هسي العرب صاحين
اخوي احمد انت قلت كلام جنب خلاص...دا ما بنقدر نجاريه الا نتفرج ساكت كدي شوف كلامك دا تاني.... طـلاب غـيّــهــن,حظّـي المعـتــر حاتل
كل ما عشـقـت زيــن عرضن عليّ تلاتـل
فرع (الحـنّـه) مشكـار ال (زّرع) والشـاتـل
مـال زي بان وفــاق بي عوده فتـل الفاتـل
اها نفتل معاك
شخلوبا يميل بي سبيطو تالا الساحل ادعش نفسي بي مسك اب كريق الواحل
كل ما اقول اتوب شوق عشقو يصبح راحل فارم كبدتي وفات القلب بي مراحل
|
Post: #336
Title: Re: ركن الدوبيت السودانى
Author: أحمد الشايقي
Date: 03-09-2005, 00:08 AM
Parent: #1
العزيزة نادية عثمان , وكانت نمّـتك
أحمد ياأخوى فى الغربة اتهديت
بنسج فى المواجع تعلا بيت فوق بيت
للشينة القبيحة انا ياما اتحديت
وفى المنبر لقيتكم ياملوك دوبيت !!
وبالمنى الطيب هاكم نمّــوا معاي:
تبراكي المواجـــع
ديمــة رايقـة بال
ماهـل حالك, يقدل
بالسـّمـح والفــال
ضــي وجهـك يفوق
شلع البروق في النّـال
يشتاق لك دعـاش,
الدُكّــن, البــلال
وتحياتي
|
Post: #337
Title: Re: ركن الدوبيت السودانى
Author: ودقاسم
Date: 03-09-2005, 01:02 AM
Parent: #1
اللونية دي ما شايفها !
الليلة الصعيد جاب ريحة الفريك و اللوبة طرّانا الأهل والجبنة في الراكوبة كان ما ود البشير والليد بقت مغصوبة كان زرت البلد وقلبت فيهو الهوبة **************** عند قومة الفجر هبت علي نسمات من غرب الجزيرة وترعة التومات جفّفها البشير شتت عربها شتات ضيع قوت بلادنا وسواهو تلفونات ****************** يا العركي العزيز عبد الله ود الريح ود قاسم بعيد في غربة نادى وصيّح شوف ود البشيرعشعش فسادو وفوّح شوفولنا البديل كان حكمو يمشي يروح ********** شوف ود البشير الليلة جاب بترول غنولو وعرض ، بي شعبو مو مشغول هلل بالكضب ، حرّم علينا القول وتركيع العباد في حكمو ليه أصول
|
Post: #341
Title: Re: ركن الدوبيت السودانى
Author: Omayma Alfargony
Date: 03-12-2005, 04:10 AM
Parent: #337
نادية
القمرى البنوح وحزنو من احزانى
قوقايو البجرح بالحروف اوزانى
الشوق للوطن متل الشدر هزانى
يبسنى ومتل حز الزرار حزانى
(الفرجونى)
|
Post: #342
Title: Re: ركن الدوبيت السودانى
Author: نادية عثمان
Date: 03-12-2005, 02:12 PM
Parent: #341
اميمة الغالية نورتى البيت انتى والفرجونى العملاق ياست الناس
Quote: القمرى البنوح وحزنو من احزانى
قوقايو البجرح بالحروف اوزانى
الشوق للوطن متل الشدر هزانى
يبسنى ومتل حز الزرار حزانى |
وهاك منى قول :
الغربة وشتاتها نحل روحيتى أزانى
هاجت فينى زكرى وأيغظت أشجانى
النوم يأأميمة حلف عديل وابانى
وحاتك لا تغيبى تعالى تانى عشانى !!
|
Post: #343
Title: Re: ركن الدوبيت السودانى
Author: نادية عثمان
Date: 03-13-2005, 04:08 PM
Parent: #337
ود قاسمنا الزين
Quote: الليلة الصعيد جاب ريحة الفريك و اللوبة طرّانا الأهل والجبنة في الراكوبة كان ما ود البشير والليد بقت مغصوبة كان زرت البلد وقلبت فيهو الهوبة |
وهاك منى قول :
ماملك البشير لاعيسى لاعلوبة
للكل البلد بقرة وضروعها حلوبة
نعشقها بالسمح ونعشق شناتها عيوبها
صورتها زينة ضمة عديلة او مقلوبة !!
|
Post: #344
Title: Re: ركن الدوبيت السودانى
Author: Mohamed A. Salih
Date: 03-17-2005, 02:48 PM
Parent: #343
عقبي عقبي ..
|
Post: #345
Title: Re: ركن الدوبيت السودانى
Author: نادية عثمان
Date: 03-17-2005, 04:04 PM
Parent: #344
أطفال العراق آه أنا وآشريرى عليكم
شظايا من القذائف جات تقطّع فيكم
العربى الشقيق مامدّ ايدو اليكم
ياريت يالحبايب كنت قادرة أجيكم!!
|
Post: #346
Title: Re: ركن الدوبيت السودانى
Author: Mohamed A. Salih
Date: 03-17-2005, 05:21 PM
Parent: #345
Quote: العربى الشقيق مامدّ ايدو اليكم |
العروبه ....
زعمانا العرب للامريكان باعوكي زرعوك بالفتن وللكرامه سلبوكي هانوكي اليهود وبالفليت لطشوكي حليلك يا العروبه المتي وما دفنوكي
|
Post: #347
Title: Re: ركن الدوبيت السودانى
Author: نادية عثمان
Date: 03-17-2005, 07:37 PM
Parent: #346
Quote: زعمانا العرب للامريكان باعوكي زرعوك بالفتن وللكرامه سلبوكي هانوكي اليهود وبالفليت لطشوكي حليلك يا العروبه المتي وما دفنوكي |
وهاك منى قول:
اتفقوا العرب على انو مايتفقوا
الوطن الممزّق مين بلتّق فتقوا
لو اتكاتفتوا حتما خير كتير راح تلقوا
ولو درتو الشتات فى النار يمين تتحرقوا !!
|
Post: #348
Title: Re: ركن الدوبيت السودانى
Author: نادية عثمان
Date: 03-18-2005, 03:40 PM
Parent: #347
ود عمى الحبيب مابلقى زيو محال
أبو بتى وأبوى وعمى واخوى والخال
سندى الفى الشديدة بيستر الاحوال
محمد لى تعيش يازينى سمح الفأل!
|
Post: #349
Title: Re: ركن الدوبيت السودانى
Author: Mohamed A. Salih
Date: 03-18-2005, 04:15 PM
Parent: #348
Quote: ود عمى الحبيب مابلقى زيو محال أبو بتى وأبوى وعمى واخوى والخال سندى الفى الشديدة بيستر الاحوال محمد لى تعيش يازينى سمح الفأل |
طبعا محمد دا انا.. بلمن??
صحيح والله يا بنيه وراكي رجال ود عمك جمل شيلك الموهو دجال ساعة الحاره تلقيهو اسدا جال في دروب الحياة تب ما خلالو مجال
|
Post: #350
Title: Re: ركن الدوبيت السودانى
Author: نادية عثمان
Date: 03-18-2005, 04:31 PM
Parent: #349
محمد صالح تود ..الهى ايكى كسيبيرو ياربينا !!
أبو ايمان بشوش دائما ضحوك باسم
جمّعنا القدراللدروب راسم
عشنا سوة الهموم وللقمة بنقاسم
محمد لى ضهر ساعة القضا الحاسم!!
|
Post: #351
Title: Re: ركن الدوبيت السودانى
Author: Mohamed A. Salih
Date: 03-18-2005, 05:01 PM
Parent: #350
Quote: أبو ايمان بشوش دائما ضحوك باسم جمّعنا القدراللدروب راسم عشنا سوة الهموم وللقمة بنقاسم محمد لى ضهر ساعة القضا الحاسم!! |
ابو ايمان شن اسمو كدي النقول عاصم ود الشايقي برضو وليدنا وزول فاهم ان كان ساده تسعي وان كان لبن مافي تفاهم العندو الضهر ما بنصرب في بطنو بي زول غاشم
يلا خيرو اسلمنكو
|
Post: #352
Title: Re: ركن الدوبيت السودانى
Author: نادية عثمان
Date: 03-18-2005, 05:37 PM
Parent: #351
محمد صالح مالك داير تجيب لى الكتاحة والشبك ياتود؟
يااخوى ابو ايمان ده ياهو محمد ابو بتى زاتو والزول الشايقى داك زول صحبتى الدنقلاوية !!
وقع ليك ولااعيدو ليك؟!!!
|
Post: #353
Title: Re: ركن الدوبيت السودانى
Author: Mohamed A. Salih
Date: 03-18-2005, 11:30 PM
Parent: #352
Quote: محمد صالح مالك داير تجيب لى الكتاحة والشبك ياتود؟ يااخوى ابو ايمان ده ياهو محمد ابو بتى زاتو والزول الشايقى داك زول صحبتى الدنقلاوية !! وقع ليك ولااعيدو ليك؟!!! |
ههههههههههه Sorry والله انا افتكرت ود الشايقي زوجك اتاري هو مهمد .. اكن الموصلي انقي تودكي ويتمي..
|
Post: #354
Title: Re: ركن الدوبيت السودانى
Author: نادية عثمان
Date: 03-20-2005, 06:26 PM
Parent: #353
عم احمد مات يأأحباب
ادوهو الفااااااتحة !!
|
Post: #355
Title: Re: ركن الدوبيت السودانى
Author: Abdelrahman Elegeil
Date: 03-20-2005, 06:38 PM
Parent: #354
اللهم أرحمه وأغفر له وأسكنه فسيح جناتك وأنزل البركة في ذريته إنك مجيب الدعـاء آمـيـن .
|
Post: #356
Title: Re: ركن الدوبيت السودانى
Author: نادية عثمان
Date: 03-21-2005, 10:28 AM
Parent: #355
عم أحمد خلاص الليلة فات خلانا
شال فرحة حياتنا ترك قلوب حزنانة
حليم والله حبيبنا بكل مواقفو معانا
لاكان زول خداع لازول خطب رنانة !!
|
Post: #357
Title: Re: ركن الدوبيت السودانى
Author: munswor almophtah
Date: 05-10-2005, 01:33 PM
Parent: #356
عم أحمد هداك فى الجنه عندو مكانه فى وسط الكرام نجمه ولصيف لمعانه خير الدنيا داقو وفى الآخره حقو ضمانه زى موت الرضيع والدتو مى قمحانه
منصور
|
Post: #358
Title: Re: ركن الدوبيت السودانى
Author: ابوبكر الامين يوسف
Date: 05-10-2005, 01:50 PM
Parent: #357
مادايرالك الميته ام تراب شح.. دايرالك يوم لقاك بدماك تتوشح... الميت مسولب والعجاج يكتح.... الخيل عركسن ماقالن عدادن كم... انا فرتاك حافلن ملاى سروجن دم.... هلا ...هلا.. انا تمساح فداسى الكسرو مابتجبر...
|
Post: #359
Title: Re: ركن الدوبيت السودانى
Author: نادية عثمان
Date: 05-10-2005, 06:52 PM
Parent: #357
عم احمد شمس كم جهرت الافلاك
انسان شكلو بس لكن حقيقتو ملاك
يالزول الحليم فى الجنة يوم بلقاك
وفى الدنيا التعيسة بعيش على زكراك !!
|
Post: #360
Title: Re: ركن الدوبيت السودانى
Author: munswor almophtah
Date: 05-10-2005, 09:15 PM
Parent: #359
عمك داك مجره وإنتى نجمه هناك زهره وكوكبه وتجرى النجوم مجراك نيزك من مجالك شمس العالمين فى علاك وضؤ الخير حلالك باثاهو فى الاسلاك
منصور
|
Post: #361
Title: Re: ركن الدوبيت السودانى
Author: فريد ودالمسيد
Date: 05-10-2005, 10:52 PM
Parent: #1
ن = نادية المن زمان بي الروعـة تشجينا ا = السودان سماها وأرضهـا وديــــنا د = دوبت القلوب ودوبايا لينا رتيـــنة ة = تعرف لي النضم البجبر المكسور فينا
|
Post: #362
Title: Re: ركن الدوبيت السودانى
Author: فريد ودالمسيد
Date: 05-10-2005, 11:07 PM
Parent: #1
ن = نادية المن زمان بي الروعـة تشجينا ا = السودان سماها وأرضهـا وديــــنا د = دوبت القلوب ودوبايا لينا رتيـــنة ة = تعرف لي النضم البجبر المكسور فينا
|
Post: #363
Title: Re: ركن الدوبيت السودانى
Author: فريد ودالمسيد
Date: 05-10-2005, 11:08 PM
Parent: #1
ن = نادية المن زمان بي الروعـة تشجينا ا = السودان سماها وأرضهـا وديــــنا د = دوبت القلوب ودوبايا لينا رتيـــنة ة = تعرف لي النضم البجبر المكسور فينا
|
Post: #364
Title: Re: ركن الدوبيت السودانى
Author: أحمد الشايقي
Date: 05-11-2005, 01:52 AM
Parent: #1
الاستاذة الموقرة نادية عثمان
فليكن هــذا النداء للاستاذ محمد عبد القادر سبيل
لتعمير البوسـت
سـالم ود سبيل ماك البســف التابــة
أبواتـك تلوب الحار جمــر تقابــة
كان مطـر الرشـأش حـجـر دروب الغابة
نارك تضوي من فوق سـنـجة للشكـابـة
وخالص تحياتي
|
|