ما أحلاهم : بدرالدين عبدالتام ، عصام على أحمد ، عوض الجزولي سعيد : اصدقاء ثلاث

إنتو بس هسع رحبوا بيهم ، سمبهار
بعدين حا أحكي ليكم عنهم
ولو مانفعوا معاكم
ممكن تسحبوا تراحيبكم

كما
على المذكورين أعلاه الإتصال بي لتزويدهم بإسم المستخدم والباسوورد

يا ابو ساندرا شكرا لك جبت من الزمن الجميل زول عزيز ، بدر الدين عبد التام ، يا سلام ، وزول تاني عصام محمد احمد ، زمان يا ولد ، وعوض الجزولى سعيد يازول ، انت عاوز تعمل انقلاب ؟ الناس الجميلين ديل ما حكايا كبيرة خلاس المهم من هسى يا بدر دا تلفونى 0249915016934 وخسمتك يا بدر كان ما كلمتني ، شكرا لك يا ابوساندرا ، علي هذا الثلاثى الرائع ولنا شرف الترحيب بكم اجمعين

الحبيب بركات..

مرحبا ب

بدر الدين عبد التام

عصام على احمد

عوض الجزولى سعيد

وزى ماقلت سمبهار كمان .. مليوووووووووووووووووووون مراحب

سلمى الشيخ سلامة:
الفنانة الشاملة
إحتفائك بالأولاد الصناديد في محلو
ومادفقتي مويتك على الرهاب

حبيبنا عصام محمد أحمد لابد وارد المنبر يوما ما ، وسنغني كأطفال العالم لحنآ واحد

ولكنا نتوعدك الآن بالولد العفيف عصام على أحمد أبودية

....
ما أحلاهم طبعاً،
وكمان عصام أبو ديه؟
يا سلاااااااام ياخ
....

ملـــــــــــــــــيون ســـــــــــــــــــــــلام
وملــــــــــــــــيون حبــــــــــــــــــــــاب
الاصدقاء
عصام على
عوض الجزولى
بدرالدين عبدالتام
هذا الثلاثى اضافه قويه لهذا المنبر
والى الامــــــــــــــــــــام

سلاماتى وتحياتى

الفاتح وديدي
مش مفروض نفرح إذ عصام علي أحمد أبودية بيننا ؟



1- بدر الدين عبدالتام :
---------------------------

أخر معتقل في معتقلات الجبهة الإسلامية الرسمية
ما ودهو بيوت الأشباح
فالرجل ذي بنية متينة
وقبضة فولاذية
ورجولة حقة
وعينا باردة

سرى تعليق ذكي أبان إعتقاله الطويل بأن الجماعة نسوهو

لمن سمعت إنو بدر التمام خرج من السودان إلى أديس أبابا
ثم امريكا
تيقنت ان السودان صار طارد جدآ
وغير محتمل أبدآ
فبدرالدين من اؤلئك الرجال الذين آمنوا بأن
السودان وطنا البإسمو كتبنا ورطنا
ولم يرد بخاطره أبدآ فكرة الهجرة أو الغربة حتى في أحلك الظروف

بدر الدين مناضل عتيد
له إسهامات ومواقف مشرفة جدآ في العمل النقابي
وإكتسب حنكة عبر تجارب كثيرة ومعارك صقلته
وكان ضيف في عهد السفاح نميري وعهد السفاحين الإسلامويين
على كوبر وشالا
ما أن نسمع بأن هناك تجريدة إعتقالات ومداهمات في الديم
ونرى الدخاخين تعلو في البيوت عندما تحرق/ تعدم الوثائق
نعرف أن بدرالدين عبدالتام أحد المقصودين

ومن الطرائف ، كنت ضمن مجموعة تكتب شعارات على الجدران في وقت كان فيه السفاح هاجئآ
وكان معنا شقيق البدر العزيز دكتور عزالدين عبدالتام
ما أن يصبح الصباح ويطالع الناس إحتجاجاتنا الموقعة بالأحمر على الجدران
حتى يجهز بدر الدين شنطته
وتعليقه الدائم بتأتاة محببة :
إنتو ماتكلمونا عشان نحضر نفسنا
وطبعآ عزالدين الدقيل كان ضبحوهو ما بيتكلم
حتى ينجز المهمة
ويضيع بدرالدين في الركب

بدرالدين قارئي نهم ومفكر من الطراز الأول
ومناضل حركي
ونقابي محنك

و زميل
جميل
و
نبيل

عبدالرحمن ..

شكراً لك يا صاحب المفاجآت ..

مرحباً ( بالفرسان الثلاثة ) ..

بدرالدين عبدالتام ، لم التقيه قبلاً في الديم ، لعل فارق السن ، ولكن حدثني عنه ( قليلاً ) حسن عثمان الحسن ( رحمه الله ) ..
شخص جدير بالاحترام والحفاوة به .. مليون سلام وتحية ، لهذا المناضل الفذ..
عصام علي ، صديقي اللدود ، مشوار حياة وعمر ، وذكريات ( بالكوم ) انسان فريد الطراز ..
نوعو انعدم ، كان أحد ركائز ( الدوحة ) قبل أن يغادر الى دبي الجميلة ، كان القاسم المشترك الأعظم لكل نشاطات الدوحة ، خاصة أيام الراحل المقيم مصطفى سيدأحمد ، وعصام لمن لا يعرفه كان لصيقاً جداً بالراحل مصطفى سيدأحمد ، ولديه كم هائل من الذكريات والأحداث ( الموّثقة ) ..
الباشمهندس عوض الجزولي ، يكفيه فخراً أنه إبن المناضل والنقابي الكبير ( الجزولي سعيد ) ومن منا لا يعرف الجزولي سعيد ؟؟ وهذا الشبل من ذاك الأسد ، فمرحباً به، إضافة حقيقية لهذا الموقع ، فمرحباً بك يا قريبي ..

شكراً يا عبدالرحمن ، دائماً ( شغلك نضيف ) يديك العافية ..


صلاح عبدالله

سلااه:
وماتنسى يا صلاح عبدالله
يا متمر
يا برلنت
برلنت دي ماعارف معناها لكن تسربت لوعي الداقس من المثلاثلات المصرية
ففهمت إنها حاجة نضيفة ولامعة

ماتنسى يا صلاح
لمن كنا بنغني وبنفاخر بأنا
{ أخوان الشهداء }
كان عصام علي أحمد أخوهم بالجد
فعصام أخ للشهداء
ودالزين
و
عبدالمنعم محمد أحمد { الهاموش }
قادة 19 يوليو المجيدة

أبوساندرا

كامل التقدير والترحاب للقادمين

أعرف عن معاشرة عصام على وعوض الجزولى سعيد ولم اتشرف ببدر التمام

هل النتيجة اتنين واحد ولصالح من ؟؟؟؟ وكلك مفهومية

Quote: لمن سمعت إنو بدر التمام خرج من السودان إلى أديس أبابا ثم امريكا تيقنت ان السودان صار طارد جدآ وغير محتمل أبدآ فبدرالدين من اؤلئك الرجال الذين آمنوا بأن السودان وطنا البإسمو كتبنا ورطنا ولم يرد بخاطره أبدآ فكرة الهجرة أو الغربة حتى في أحلك الظروف

الاخ ابوساندرة نعم بدرالدين عبدالتام من الوطنيين القلائل الذين حملو هموم الوطن والعمل النقابى فى حدقات اعينهم لقد تشرفت بالعمل مع الباشمهندس بدرالدين عبدالتام وزوجته الاستاذة والمربية فاطمة الجنيد فى منطقة الجريف غرب ابنت المعلم الفذ عبدالله محى الدين الجنيد آحد المعلمين الافذاذ الذين مرو على كلية الفنون ، كما لابد لى ان ارحب بالاخ عوض الجزولى سعيد حيث السر الجزولى سعيد شقيقه الاصغر صديق لى.
ومن هنا لابد لي ان احى رفاق واصدقاء الباشمهندس بدرالدين الاخوة صلاح عوض وفوزى امين ومصطفى زكى وكل هؤلا الشرفاء الذين قدموا الكثير من اجل اعلاء رايات الحرية والديمقراطية فى السودان.
سيف الدين محمد جبريل

الحبيب / محمد إبراهيم
الشهير ب ضحية

عارفك ماحا تخذلني أبدآ
يا واضح كما شمس الظهيرة
والأصدقاء الثلاث الذين رحبت بهم على بياض
يستحقون

العزيز أبو ساندرا
مرحب بالثلاثة
الغريبة يا عبد الرحمن ان الثلاثة يشتركون في صفات كثيرة ...
صدفه أم ملعوبة؟؟!!
بدر الدين عبد التام مناضل لا يشق له غبار .. منذ نعومة أظافره ..
عصام على الحبيب .. سليل الشهداء يكفى ما تركه من ذكريات في الدوحة على مختلف الأصعدة ..
لحظة سفره منها .. قال عصام إبراهيم الدوحة فقدت دينمو أساسي ..
صديقي العظيم عوض الجزولي .. مرتع الإنسانية والذوق .. شخص من النادر أن يجودالزمان بمثله .. إنسان مدهش حقيقي
وكلهم أضافه لسودانيزأونلاين
مرحب حبابكم عشرة

عبدالخالق عابد
يا أبوالزمل ساعد أخوك في الله عصام علي ماقادر يدخل رأسو
وقال الباسوورد ما بيدخل
وريهو وعلمو ولازم يكتب الإسم صاح بالمسافات ونقط الياء على علي
والهمزة كوز الذرة على ألف أحمد

خذ بيده هذا المأفون

التحية ل

Quote: هؤلا الشرفاء الذين قدموا الكثير من اجل اعلاء رايات الحرية والديمقراطية فى السودان.

وشكرا يا اباساندرا

مرحبا بالشرفاء


البيت بيتكم



شكرا أبوساندرا

مرحبا بالشرفاء


البيت بيتكم


they are very welcomed indeed
all including abu Sandra are invited in the posts
political rape
and
nazzar gabbani
welcome again

dr mustafaahmoud
شكرا أبوساندرا

ياسلام

يا ابوساندرا

دى ملحمة عديل كدا

تلاتة فرسان حتة واحدة

بدرالدين عبدالتام ، عصام على أحمد ، عوض الجزولي سعيد

يامراحـب

الزول الجميل
ابو ساندارا اليوم حتتحل مشكلة عصام على وحيجيكم تب داخل

كل الود

Salam Ustadh Abu-sandra and family.

Welcome my brother and friend Ibraheem Abud-eltam

Salam Banat eljineed and childerns


بدر الدين عبد التام مناضل لا يشق له غبار .. منذ نعومة أظافره

بدر الدين مناضل عتيد
له إسهامات ومواقف مشرفة جدآ في العمل النقابي
وإكتسب حنكة عبر تجارب كثيرة ومعارك صقلته
وكان ضيف في عهد السفاح نميري وعهد السفاحين الإسلامويين
على كوبر وشالا
ما أن نسمع بأن هناك تجريدة إعتقالات ومداهمات في الديم
ونرى الدخاخين تعلو في البيوت عندما تحرق/ تعدم الوثائق
نعرف أن بدرالدين عبدالتام أحد المقصودي.


Salam to the rest of the good women and men who devoted their lives , and still doing,for our country and to all other noble causes .


Mutwakil Mustafa el-hussein

الكومندنتا ابو ساندرا

من غيرنا يعطي لهذا الشعب معني ان يعيش و ينتصر.



مرحب بهم


مكسب


فيصل محمد خليل

....

Quote: الزول الجميل ابو ساندارا اليوم حتتحل مشكلة عصام على وحيجيكم تب داخل كل الود

حمدلّة ألف على السلامة
....

أبو ســـاندرا

بدر الدين عبد التام .. إلتقيته في أسرته مرتين أو ثلاث في نهاية الثمانينات، بحكم صداقة و زمالة مع آل الجنيد - أسرة المربي الفاضل الأستاذ عبدالله الجنيد - هؤلاء الناس الرائعين حد الإدهاش، بدءاً من عم الجنيد ، مروراً بفاطمة "تن تن" زوجة بدرالدين و حتي أحمد طفله الصغير آنذاك. و تفرقت بنا الســبل لنلتقي مرة أخري في المهجر بعد سنوات ليتواصل الود الذي بيننا - و قد كبر أحمد و دخل الجامعة - و بدر الدين و فاطمة كما هما - برغم كل الظروف - لم تنقص روعتهما شــئياً

مرحباً بالصديق بدرالدين و بإخوانه عصام و عوض

يا ابو ساندرا كيفنك
و الله بدل الزول يمشي اجازته السودان حقوا يجيك في الدوحة
مرحبا بضيوفك
عصام دا ياخي من اعلام الامتداد

Quote: > Add to Address Book Add Mobile Alert Yahoo! DomainKeys has confirmed that this message was sent by yahoo.com. Learn more Subject: My second message To: "Abdelrahman Barakat" Hi Barakat, I send you an email a week ago,also I tried to call on your phone that I found on sudaneseonline but I think it is disconnected.Iam expecting to respond to this email so I can get access to my account on sudaneseonline. Salam to the lovely girls and Rashida. Bedr

أعلاه الرسالة التي وصلتني من الصديق العزيز والمناضل المخضرم بدر الدين عبدالتام
وكما أشار سبقتها رسالة أولى شرح فيها الظروف التي تحول دون الكتابة حينها
وظننت ان ظرف الرحول من مكان إلى أخر مازالت تؤجل إنطلاقته هنا
نأمل أن تتمكن من التواصل
مع كل الشوق لك وتن تن والعيال

Quote: From: "bedreddin mohamed" Add to Address Book Add Mobile Alert Yahoo! DomainKeys has confirmed that this message was sent by yahoo.com. Learn more To: "Abdelrahman Barakat" Dear Barakat, Salam to you and the lovely girls.I wish Rashida with them now.I read your post on sudaneseonline,thanks for the nice introduction which is exaggerated.I have no access to the internet these days because Iam moving to another city now and by August 1st I will be able to get my normal life back.Salam again to Mahi,Sandra,Sandra and Rashida.I will try to call you soon. Bedr

وهذه رسالة بدر الأولى