Post: #1
Title: عاجل جدآ لبورداب الخرطوم :مساء اليوم الإثنين21/2 عندنا
Author: أبو ساندرا
Date: 02-21-2005, 03:31 AM
تمر على الخرطوم في زيارة خاطفة جدآ للوطن بعد طول غياب شخصية معتبرة من شخصيات المنبر الحر ، ترغب في لقاء ناس الخرطوم ،لذلك ندعوكم اليوم الإثنين في دارنا للقاء مبسط وعميق نتعهد ان نقدم فيه الكركدي البارد والشاي بالحليب وحزمة مشاعر وعمر خليل وعوده المشدود على وتر الفرح وصوته الطاغي ، وونسة طاعمة ، ونعتذر لآن الأمر تم بعجل والزيارة كما قلنا خاطفة ، للتنسيق الإتصال على 0912454648 أو 0918326943 وإلى جانب الشخصية التي نتحفظ على ذكرها حتى نستمتع بالمفاجأة والدهشة في العيون ، نتوقع أن يشرفنا الصديق عبدالرحمن حمدالنيل { قوي}
|
Post: #2
Title: Re: عاجل جدآ لبورداب الخرطوم :مساء اليوم الإثنين21/2 عندنا
Author: عشة بت فاطنة
Date: 02-21-2005, 03:35 AM
Parent: #1
ابو ساندرا دي غيظة ولا شنو ؟
وبعدين أنت مأجزبهناك ؟ بشوفك متجدع بجناين الشاطئ !! غايتو كان ما غرمتو لي القعدات دي كلها ما عافية منكم .
|
Post: #3
Title: Re: عاجل جدآ لبورداب الخرطوم :مساء اليوم الإثنين21/2 عندنا
Author: Hussein Mallasi
Date: 02-21-2005, 03:38 AM
Parent: #1
دي منو دي يا ربي - الشخصية - !!
غايتو الله يسهل و نقدر نجي الليلة يا ابو ساندرا؛
بس ان شاء الله يكون عندكم بن.
|
Post: #4
Title: Re: عاجل جدآ لبورداب الخرطوم :مساء اليوم الإثنين21/2 عندنا
Author: علاء الدين يوسف علي محمد
Date: 02-21-2005, 03:44 AM
Parent: #3
أتمى أن لا تنسوا وليد محمد المبارك
لأنو بوردابي و من الخرطوم
عشان ما يبقى إسمكم "جزء من بورداب الخرطوم"
و تبقو إسم على مسمى
يا بكرة نسمع ببورداب جبرونا و بورداب أم بدة كرور.
و زي ما قال وليد
حالنا في البورد زي حالنا في السودان
جماعات و أحزاب
و جيوش تحرير و تدمير
و إستنارة و ظلام
قاتل الله السياسة
و أعقب الوليد بحكمة قال فيها
الي كل اعضاء سودانين اون لاين الاحباء
يا جماعة البلد وصلت الحالة دي
واليبب السياسية والساسة
ما تخلوا البورد يصل الحالة دي
وبوصيكم على الاجتماعيات
اكرر الاجتماعايات
الاجتماعيات فوق السياسة
|
Post: #5
Title: Re: عاجل جدآ لبورداب الخرطوم :مساء اليوم الإثنين21/2 عندنا
Author: أبو ساندرا
Date: 02-21-2005, 03:51 AM
Parent: #1
عشة بت فاطنة
يعني لو حكينا عن لقاء مساء البارحة كنتو حا تقولو شنو . بالأمس بدءآ من السادسة وحتى الثانية عشر ، 6 ساعات في رحابة حوار ساخن وممتع ومدهش ومفيد ، سنحكي عن تفاصيله بعد رفع حالة الطواريء ، ده غير أمسية أبوعركي البخيت في معرض الخرطوم الدولي والتي غنى فيها كما لم يغن من قبل ، وسبقتها أخرى لعقد الجلاد في ركن أم در السياحي لصالح نفاج ، وقبلها أقام إتحاد طلاب جامعة الخرطوم إحتفال لتخليد ذكرى الراحل مصطفى سيدأحمد قرأ فيه هاشم صديق ومحمد الحسن حسن سالم {حميد} و أزهري محمد علي ، ولم يكن هناك موطأ قدم خال في الميدان الشرقي لجامعة الخرطوم
حسين ملاسي :
بن تركي من بتاع أهلك ، وبن حبشي من بتاع أهلي في الرضاع ، طبعآ إنت { أتراكتيف } وأنا { جعلتي } والأنيشا ذاتها متوفرة تحديآ للمشير الزاهل
|
Post: #6
Title: Re: عاجل جدآ لبورداب الخرطوم :مساء اليوم الإثنين21/2 عندنا
Author: الملك
Date: 02-21-2005, 09:10 AM
Parent: #5
....ديل الناس العارفها.....للتثبيت
المهندس تلفونوا مقفول
عاصم الحزين
قرمبوز
ضياء الدين
طلال عفيفى
جمال محمد احمد
اسماعيل ميرغنى
اسماعيل هميم
ود عقاب
ملكة سبأ
دريمز
الفاضلابى
منال
سنكو
رانيا
سمرية
إسلام
غادة
حسين ملاسى
عبير خيرى
ابويسرا
مزن
جمال تاج السر بواسطه مهند
عبد الغنى
|
Post: #7
Title: Re: عاجل جدآ لبورداب الخرطوم :مساء اليوم الإثنين21/2 عندنا
Author: Giwey
Date: 02-21-2005, 09:29 AM
Parent: #6
أبوساندرا...
تحية مسائية ..ندية
لأجل الدعوة (الخصوصى) عبر هذا
البوست...ولأجل توكيدها لفظا و (حبا)
عبر الموبايل سآتى وعلى رأسى كل غبار
الخرطوم وصيفها (المباغت)....
لك حزمات المودة
عبد الرحمن قوى
|
Post: #8
Title: Re: عاجل جدآ لبورداب الخرطوم :مساء اليوم الإثنين21/2 عندنا
Author: عبدالله
Date: 02-21-2005, 10:08 AM
Parent: #7
لك التحية اباساندرا وانت تسعي للجمع دوما
لك الشكر علي مابذلت من جهد انت له دوما
والحية موصوله لك من الاولاد والجميع هنا
تحياتي عبرك لبورداب الخرطوم
وارجو ان تشاور لهم علي بيتنا للعلم
|
Post: #9
Title: Re: عاجل جدآ لبورداب الخرطوم :مساء اليوم الإثنين21/2 عندنا
Author: عشة بت فاطنة
Date: 02-22-2005, 02:05 AM
Parent: #8
كويس يا أبو ساندرا كمان معاها غيظة !!
|
Post: #10
Title: Re: عاجل جدآ لبورداب الخرطوم :مساء اليوم الإثنين21/2 عندنا
Author: فيصل عباس
Date: 02-22-2005, 04:09 AM
Parent: #1
ابو ساندرا
يا غياظ
انشاء الحاجات الانت فيها دي ماتنفعك ...
ومصيرك تجي راجع للوجع ده من تاني ,,,
وبعدين انت حدك وين الناس ديل رفدوك ولا انت الرفدتهم (سؤال لوجه الله)
وابقى طل من درب معروف عندك
|
Post: #11
Title: Re: عاجل جدآ لبورداب الخرطوم :مساء اليوم الإثنين21/2 عندنا
Author: أبو ساندرا
Date: 02-22-2005, 04:51 AM
Parent: #1
عبدالرحمن قوي:
شكرآ عل حضورك المميز ومساهمتك التي قادت النقاش في سكة مرشوشة بالحكايات الجميلة وفرشاة الراحل حسين شريف تجمل وجه الحياة ،وفقآ لسرد طلال عفيفي الماتع
عبدالله :
تحيات لك وللبنات وأمهن المكتنزة ظرفآ وجمال ، وفاتنا في ربقة الإلتزامات وزحمة المشاوير ان ندعوهن للإحتفاء بهن ، وعرفنا بعض الزملاء على حياة عند مرورها بقربنا في مشوارها اليومي أو هي مردوفة مع حاجة سكينة لواجب عزاء
عشة بت فاطنة
مرات الغيظ بيكون ممتع وتابعي معآ حتى تستمتعي للآخر
فيصل عباس
برضك مغتاظ ، فإستمتع ، وحضر لي ما يكفي من مناديل ، وشراب لا يجف في حافة الكأس.
ولمزيد من الغيظ
شرف جلسة الأمس المحتفى بهما ، منى وقوي وشارك وبحضور متميز :
- السفير جمال وزوجته وأبنته ، وتضامن سعادة السفير مع طلال عفيفي في الحكي عن الفنان الراحل حسين شريف
-عبدالرحمن قوي ، صاحب إقتراح أن نستمع إلى جانب الشعر والغناء إلى الحكايات
-طلال عفيفي ، إبتدر الحكايات وحكى بجمال جاذب حتى فرض الصمت على الحاضرين إستماعآ وإحترامآ ودهشة ، وكذلك قرأ طلال إقتراح لعاطف خيري وحينها كان يبحث عن نجم ضيعه في الأرض وطفق يبحث عنه في السماء
-عاصم الحزين ، مهند الجيلي تليا شعرآ خالصآ
-كورس جماعي مع عمر خليل الذي غنا باقة من أغنياته الجديدة وأنتخب لنا من ديوان الخليل ثم رائعة مرسي صالح سراج يقظة شعب التي نتوق فيها وردي على نفسه فأسكنها فؤاد الشعب تمامآ كنشيد وطني وسلام جمهوري ، في الكورس :
عبير خيري
ايزابيلا
ساندرا
ماهيتاب
منال محمد علي
هبة جمال ، رغمآ عن الزكام
نازك
مها ،أو آمال
حنان شنكل
الفنان القدير عصام عبدالحفيظ ومجموعته الذكية
إبراهيم الجريفاوي {قرمبوز}
ضياء الدين
إسلام عبدالرحمن
إسماعيل حميم وتعليقاته الممتعة
ضمرة ودعقاب وهديته الحلوة المعتبرة
والشاعر المجيد أسامة معاوية الطيب
والملحن المتمكن الإستاذ الصافي مهدي
ورشيدة والكركدي البارد والشاي بالحليب والتورتات الملونة والكيك دوغلاس
وأنا
وحوار ممتع حول سودانيز أونلاين والإختراقات والأخلاق ، حوار قاده طلال وشاركه الحزين وأوقفته منال بوعد منها ان تكتب بوستآ وطلبت منا ان نحتفظ بآرائنا لحين نشره
،أحيط عصام عبدالحفيظ بحواريه وحواري جميلات
ومارس قرمبوز عادته في الإصغاء وشرك بعيونه الجميلة
و
أبت المحتفى بها إلا ان ترد بدعوة أجمل لجميع الذين شاركوا أمس والذين إتصلوا معتذرين لظروف ضاغطة
يوم الجمعة ، من السابعة مساء وحتى الحادية عشر ، دعوة عشاء وونسة وغناء في حديقة الطفل في أركويت بعد عفراء مول على شارع مدني
يرجى الحرص على المواعيد ونكرر في تمام السابعة سوف نبداء البرنامج
شكرآ جزيلآ لكل من لبى دعوتنا أو إهتم بتوصيل إعتذاره لنا و نخص
غادة نصر
السمرية
ابو يسرا
|
Post: #12
Title: Re: عاجل جدآ لبورداب الخرطوم :مساء اليوم الإثنين21/2 عندنا
Author: أبو ساندرا
Date: 02-23-2005, 02:57 AM
Parent: #1
وكعادته كان ناجي الملك متألقآ و منتشرآ ، وين ما تقبل تلقاه
و مانديلا
وتحية لهالة الأحمدي وإعتذارها المتأخر ، وده عيب عدم قرآءة البورد من الصباح زي الجريدة بالنهار بتبقى بايتة
|
Post: #13
Title: Re: عاجل جدآ لبورداب الخرطوم :مساء اليوم الإثنين21/2 عندنا
Author: Giwey
Date: 02-23-2005, 03:16 AM
Parent: #12
ليلة ...ويا لها من ليلة...
أبوساندرا كان مضيافا بدعمه اللوجستى...
وفريقه المتجانس ..رشيدة والبنات اللالىء...روحه
المرحة وحضوره الجميل...لاحقنى بالبوست والتليفون
واستقبلنى عند المدخل وحضنه الوريف وطلته البهية
فغمرنى بحميمية منحتنى إحساس (زول البيت) القديم
وأزال عنى رهبة الولوج الأول فدخلت مباشرة فى فضاء
(اللمة) الحبيبة..واستمتعت بالرفقة الممتازة للأحباب
بورداب الخرطوم والضيوف منى خوجلى وعادل عثمان الكاتب
الرصين والمترجم الفنان الذى حضر وحضرت معه صورته المتميزة
بالمنبر الحر وصوت عمر خليل والتجريب الحميم بعيدا عن
غناء مصطفى هذه المرة ..وفتحت كوة يحكى من خلالها طلال عفيفى
بإسناد جيد من السفير جمال عن الراحل المقيم الفنان حسين شريف
وكانت وقفة ولمسة حلوة أن يقف الحضور على شىء من سيرة هذا
الرجل البالغ البهاء...
عموما كنت سعيدا تلك الليلة....
لكم الود من قبل ومن بعد
عبد الرحمن قوى
|
Post: #14
Title: Re: عاجل جدآ لبورداب الخرطوم :مساء اليوم الإثنين21/2 عندنا
Author: almohndis
Date: 02-23-2005, 11:23 AM
Parent: #1
موامرة تحك بليل ياود بركات
|
Post: #15
Title: Re: عاجل جدآ لبورداب الخرطوم :مساء اليوم الإثنين21/2 عندنا
Author: بهاء بكري
Date: 02-23-2005, 02:18 PM
Parent: #1
ابوساندرا .......... انشاءالله ماينفعك
|
Post: #16
Title: Re: عاجل جدآ لبورداب الخرطوم :مساء اليوم الإثنين21/2 عندنا
Author: ديامي
Date: 02-23-2005, 09:05 PM
Parent: #15
أبو ساندرا
التحية لكم ، وقاتل الله خطوط الجغرافيا الطولية التي تحول بيني والديم ،
ويجب أن تعلموا إنا من الحاسدين الحاسدين الحاسدين
|
|