تلاتة مليون جنيه شهريا ..اين انت يا شيخ حسن؟؟

الليلة مخصوص مشيت قاعة الصداقة حيث تعقد جلسات البرلمان

لاقاني واحد (نائب برلماني)

_حق الله بق الله

_قال لي جاية تعملي شنو؟؟
_
قلت ليهو جاية اشوف المعارضة عاملة شنو في البرلمان قاعدة تبصم علي القرارات ولا

عندها رايها براها؟


ضحك وقال لي معارضة شنو يا شيخة

وعرفت منو انو في قرار طلع بي مخصصات النائب البرلماني

تصدقوا انها تلاتة مليون جنيه في الشهر _دة حسب كلام الراجل دة _

باقي ليكم بعد دة في كلام?

تلاتة مليون جنيه هي مخصصات البرلماني في الشهر
شوفوا كم زول في البرلمان
وكم شهر في السنة
وكم قرار في اليوم
وكم ..وكم..
______________
استغفر الله العظيم

ازيك يا محاسن
انا برضو مشيت الليله هناك
الغريبة لنفس السبب
وعرفت انك موجوده لكنك للاسف انت ما دخلت القاعة
ولو عملتى كده كنت حتشوفى فاطمة احمد ابراهيم وصالح محمود
كيف بيقاتلوا عشان على الاقل صوتهم يتسمع رغم انو المسألة محسومة
بقصة ال52% لكن ما اظن الموضوع عندو علاقة بالمخصصات والملايين
وبعدين منو حسن ده؟؟

صباح أحمد الصحفية (سجم الصحافة) و سجم البورد بتاع بكري الخاليك إنتي و أشباهك تعوسو فيهو

وضحتي لي بما لا يدع ظن إنك صحفية درجة رابعة و شايفا التلاتة مليون دي قروش، يا صحفية يا شاطرة في صحفي (رياضي) اسمو مزمل أبو القاسم عشان بيكتب عمود واحد يوميا في صحيفة اسمها الكابتن بيأخد سبعة مليون ده غير إنو صحفي يعمل في صحيفة إماراتية و مستقر في أبوظبي.

أحمد إبراهيم الطاهر كرئيس للمجلس السابق مخصصاتو تبلغ 25 مليون جنيه من أموال الشعب السوداني، كونو مخصصاتو تبقى 3 مليون ده كلام أعوج تب.

لكن الظاهر إنتي محرشا بس بأقل من التلاتة مليون المريلا فيهم ديل.

بكري ياخ الكيزان و الأمنجية ديل بقوا يقرفونا من المكان ده[/B

مرتضى جعفر

محاسن ازيك
سالتي منو شيخ حسن دة
معقولة ما بتعرفيهو ؟؟
ارجعي لاغنية حنان بلو بلو القالت فيها
يا حسن يا حسنا
يا القائد رسنا
وانتي تفهمي الحاصل

لعناية بكري

مرتضى جعفر

Quote: ولو عملتى كده كنت حتشوفى فاطمة احمد ابراهيم وصالح محمود كيف بيقاتلوا عشان على الاقل صوتهم يتسمع

لعناية بكري


معا من أجل أن يتم تطهير هذا المكان من الكيزان و الأمنجية

مرتضى جعفر

كتبت الصحفية

Quote: تلاتة مليون جنيه هي مخصصات البرلماني في الشهر شوفوا كم زول في البرلمان وكم شهر في السنة وكم قرار في اليوم وكم ..وكم..

يا صحفية يا همامة زمان المجلس الوطني ده نوابو بيشتغلو مجاني و لمدة 16 سنة و أسئلتك السطحية دي كانت وين

بعدين ياخ الحرامية المسكو السودان ده من 1989 لحدي 9 يناير 2005 ما بيسرقوا فيو و دونك طريق الإنقاذ الغربي، أو فضيحة مستشفى الرباط و المدينة الرياضية بتاعت رامبو أو يوسف عبد الفتاح و غيــــــــــــــــــــرو، إنتي كنتي وين

معا من أجل تطهير هذا المكان من الكيزان و الأمنجية

مرتضى جعفر

up

لمن يهمهم الأمر

عوضا عن أن يصبح هذا المكان مساحة للفكر أصبح وكرا للأمنجية و الكيزان، معا من أجل تطهيره.

مرتضى جعفر

***********

خالص التحايا صباح والجميع

مرتضى برضو عايزين نسمع رايك هنا.المنبر مابين عمر على وبكرى ابوبكر....
لانو بقيت عندى اوليات قبل السياسه فى قلة الادب والاتهامات المن طرف دى...
لانو ديك بقى امرها محسوم لكن بتصلح برضو ..
المشكله فى عدم التربيه والذمه والاخلاق بالقروش مابشتروهم ..
ماشفنا رايك ولا انت عاجبك؟؟!!!

والتحايا النواضر..

***

Murtada Gafar
دى ماعرفت معناها شنو

Quote: ***

عموما انت ماهو بالغصب لكى تدلى رائيك لكن كنت اطمح ان رائ بعضهم ؟؟!!!

والتحاياالنواضر..

مفروض انك عارفة انى ما بسمع
لبلوبلو
والله انا سؤالى جادى منو حسن دا؟؟؟

***

صباح

اكتبي ما تشائين

انقلي الحقيقة من الداخل

سني قلمك

اصدعي بالحق

والحق ابلج

هي الديمقراطية

بنورها ونارها

نكتوي بنارها ونستضئ بنورها.

اشرعي منارات الكلام

عوضا عن أن يصبح هذا المكان مساحة للفكر أصبح وكرا للأمنجية و الكيزان، معا من أجل تطهيره.

مرتضى جعفر

تروتسكي

سلامات. بس ممكن أمر عليك هناك لو لقيت وقت.

مرتضى جعفر

Murtada Gafar
تشكر سيدى...

في 1991 و في جامعة الخرطوم إنتزعت قائمة المحايدين مسنودة بتجمع التنظيمات السياسية الوطنية من إنتزاع الأتحاد من تنظيم الإتجاه الإسلامي و الذي ظل و بسند من سلطته الفاشية يختطف الإتحاد عن طريق التزوير الذي فضح أمره عضو التنظيم (الإتجاه الإسلامي) الذي إنسلخ منه "عمار أحمد آدم" المعروف بجامعة الخرطوم على مدى ثلاثة عقود. جدير بالإشارة إنه إنسلخ لأنه طلب منه المشاركة في تزوير إحدى الإنتخابات و أقام ركنه الشهير تحت شجرة جغرافيا التي إنتزعها مأمون حميدة من جذورها دون شجر الجامعة الكثير

في سبتمبر من ذات العام دارت أحداث عنف مشهودة طرد على إثرها تنظيم السلطة من داخليات الجامعة "البركس" و داخلية الطلابات لمدة أسبوع كانوا يقيمون فيها في مسجد الجامعة و لم يستطيعوا الرجوع إلى داخلياتهم أو ينتظموا في دروسهم إلا بعد أن تدخل جهاز الأمن الفاشي الذي كان على رأسه مجرم الحرب نافع علي نافع و تم الإقتحام في الساعات الأولى من الصباح و شمل حتى داخلية الطالبات اللآئي كن نائمات و لم يحترم كلاب الأمن حرمة الليل و تم إعتقال من أرادت السلطة أن تعتقله.

بعدها حوصر طلاب الإتجاه الإسلامي ذراع السلطة وسط الطلاب عن طريق عزلة إجتماعية ضاربة و مستحكمة، فحتى جلوسهم في السفرة أو قاعة المحاضرات كان منعزلا، و بعدها إختطف مأمون حميدة الذي كان مديرا للجامعة الإتحاد نفسه من الحركة الطلابية و ظل معتقلا لديه لمدة عامين تم خلالها تجميده و منع فيها النشاط الطلابي و تم فيه تدمير ما كان يعرف بالنشاط و هو المكان الذي يقع إلى الشرق من الميدان الغربي و إلى الغرب من كلية الآداب.

أتعجب على من ينادي الآن بالديمقراطية، أين كان من الديمقراطية و هي تغتصب من الوطن طيلة 16 عاما

يجب أن لا تنطلي علينا فرية الديمقراطية التي يرددها هؤلاء

معا ضد تطبيع الكيزان لوجودهم هنا أو في خارطة السياسية السودانية

معا لعزلة شبيهة ضد كل أنصار السلطة في الفضاء الإليكتروني

معا لأن يسترد هذا المكان عافيته و أن يلجم الكيزان و الأمنجية حتى لا يؤدوا هذا الدور القذر

معا لكنس الأمنجية و الكيزان من هذا المكان

و هل تعوز الكيزان إمكانية إنشاء موقع على الإنترنت لكنها محاولات التخريب التي رضعوها من ثدي ما عرف بالحركة الإسلامية رضعات مشبعات؟

مرتضى جعفر

مرتدي جعفر
اعرف مالذي اغضبك من هذا البوست
لكن لا وقت لدي اضيعه معك
شوف ليك شغلة غيري
-------------------
-غالبا- من يتهمون الاخرين بانهم في الامن في النهاية بطلعوا هم الفي الامن
وامشي اسال ليك شيوعي كبير عن الموضوع دة

الصحفية صباح أحمد (سجم الصحافة و الصحفيين لي حدهم)..

إنتي مفتكرا إنو في حاجة مزعلاني أكتر من إنحطاطك بالصحافة لهذا الدرك، ياخ المهنة دي شريفة و طلعت للناس أفذاذ بس ما تدنسوها و تحطوا من قدرها بهذا الإسفاف و الركاكة البتكتبي فيها دي إنتي و اشباهك.

أنا فاضيييييييييييييييي لفضح هذه العينات و الموضوع ده مفرغ ليو نفسي، و الوقت البيتم فيو طردكم و كنسكم من هذا الفضاء الرحب قرب خالص.

لكن سؤالي قائم المجلس الوطني الفات ده كان نوابو شغالين مجانا ولا شنو؟ شوف الصحافة و الصحفيه دي محنها؟ عجائب و جهل كمان

مرتضى جعفر

العزيز مرتضى جعفر

Quote: صباح أحمد (سجم الصحافة و الصحفيين لي حدهم)..

ياخى ما تزعل منها الصحفية الهمامة دى..

اظنها اليومين ديل ما لاقيه ليها زول (يمليها) البتكتبوا..فقامت قال كدى انا ما اجرب اكتب براى ..واهو دى النتيجة!!..

صباح قلت لى: (وحدة وصراع الامتداد)

Quote: _قال لي جاية تعملي شنو؟؟ _ قلت ليهو جاية اشوف المعارضة عاملة شنو في البرلمان قاعدة تبصم علي القرارات ولا عندها رايها براها؟ ضحك وقال لي معارضة شنو يا شيخة وعرفت منو انو في قرار طلع بي مخصصات النائب البرلماني تصدقوا انها تلاتة مليون جنيه في الشهر _دة حسب كلام الراجل دة _ باقي ليكم بعد دة في كلام?

ملخص رأي الهيئة البرلمانية للحزب الشيوعي في ميزانية عام 2006 في 8 نقاط

تورد هيئة تحرير الميدان الكلمة التي ألقاها الأستاذ سليمان حامد الحاج عضو سكرتارية اللجنة المركزية للحزب الشيوعي السوداني وأحد ممثلي التجمع الوطني الديمقراطي في المجلس الوطني أثناء مناقشة المجلس لميزانية عام 2006. وقد حوت الكلمة تلخيصاً لرأي الهيئة البرلمانية للحزب في الميزانية الذي أودعته لرئاسة المجلس، ووزع على عدد من الجهات البرلمانية والإعلامية والصحف السيارة. نعد في الميدان بنشر رأي الحزب المفصل كاملاً قريباً. فإلى نص الملخص.

أولاً: هذه الميزانية لا تختلف كثيراً عن الميزانية السابقة في تكريس الفقر وتوسيع دائرته وتعميق حدة التفاوت بين شرائح المجتمع المختلفة وطبقاته.

ثانياً: الأهداف التي تنشدها الموازنة وهي ( تحقيق معدل نمو 10% وتخفيض التضخم ) تنسفها تفاصيل الإيرادات والإنفاق العام.

ثالثاً: زيادة الأجور المقترحة في ابريل 2006 (إذا حدث ذلك) ستبتلعها الزيادات في الأسعار والضرائب الواردة في الموازنة.

رابعاً: الإيرادات تعتمد أساساً على البترول وهو يمثل 53.1% من الإيرادات العامة. + الضرائب بشقيها مباشرة وغير مباشرة وتبلغ 39.5 %. + 7.4% فقط هي إيرادات غير ضريبية في الميزانية.

ده مؤشر واضح للزيادات التي ستحدث حتماً في الأسعار ، مما يضاعف أعباء المعيشة ويجعل حياة الأغلبية الساحقة من الشعب جحيماً لا يطاق.

خامساً: ما هو غريب ومريب فعلاً إن هناك إيرادات لم ترد في الميزانية مثل:

1- إيرادات الذهب والمعادن الأخرى وهي أكثر من 50 مليون دولار في العام.

2- إيرادات المؤسسات التي تشارك الحكومة برأسمال فيها مثل (مشروع سندس، البنك الإسلامي للتنمية ... الخ).

3- إيرادات الشركات والمؤسسات التابعة للأجهزة الأمنية مثل (مجموعة قادرة للاستثمار – شاكرين – وبشائر للبترول ... الخ).

4- عائدات صادر المشتقات البترولية (وتبلغ أكثر من 114 مليون دولار في العام).

5- إيرادات ديوان الزكاة رغم ضخامتها وهي (240 مليار دينار في عام 2005 إلى 312 مليار دينار).

سادساً: يلاحظ في الإيرادات التالي:

1- نصيب الحكومة من البترول لا يتعدى 52.5% من عائدات النفط والحكومة تدعي أن نصيبها 80%. – ونجد أسعار بيع النفط المصدر متدنية في حين هناك ارتفاع كبير في الأسعار العالمية؛ السؤال الذي يفرض نفسه ويحتاج إلى إجابة واضحة من وزير المالية هو : كيف يتم تسويق البترول السوداني؟ وكم من نصيب الحكومة في البترول يدخل الموازنة؟ (لأن هذا مسكوت عنه).

2- هناك زيادة كبيرة في الضرائب غير المباشرة بلغ 571 مليار دينار. وهي ستلقي أعباء كبيرة على المواطن المسحوق أصلاً.

3- كذلك الزيادة في ضريبة القيمة المضافة من 10% إلى 12%.

سابعاً: فيما يتعلق بالإنفاق العام نجد أشياء أكثر غرابة:

1- معظم الفصل الأول (الأجور والمرتبات) مخصصة للأمن والدفاع (260.5 مليار دينار من جملة 408 مليار دينار).

2- المخصص من مصروفات التسيير للأمن والدفاع يعادل 73.1 مليار دينار من جملة 127.8 مليار دينار.

3- ونجد أن الإنفاق على التنمية لا يتجاوز 17.5% من الإنفاق العام.

– والدعم الاجتماعي العام يعادل 1.9% فقط من الإنفاق العام.

4- لا توجد ميزانية تنمية اتحادية لقطاعي الصحة والتعليم.

5- يحدث ذلك في وقت تنفق فيه الحكومة من مال الشعب على منظماتها الحزبية كما هو مبين دون حياء في الموازنة مثل: منظمة الشهيد، وهيئة الذكر والذاكرين وغيرها !!

6- الحكومة لا تدعم البترول ولا أي سلعة أخرى. ويؤكد ذلك بنك السودان عن عائدات البترول (مال التركيز).

7- الحكومة لم ترصد أي اعتماد لمقابلة إعادة المفصولين ودفع الضرر وإنصاف المعاشيين.

8- مطلوب وقف الخصخصة وبيع القطاع العام بل دعمه وإصلاحه وفتح ملف الفساد في عمليات بيع الوحدات الحكومية والتصرف في القطاع العام.

9- الموازنة لم تضع أي اعتماد للتنمية القومية في جنوب البلاد. وهي موازنة تكرس لانفصال الجنوب إذا سارت بهذه الصورة.

المخصص لحكومة الجنوب من إيرادات البترول ونصيب الولايات الجنوبية قليل ولا يزيد عن 319 مليار دينار أي 16.5% فقط زيادة عن اعتماد عام 2005.

ثامناً: أما عن دارفور والمخصصات المحددة لها:

فرغم أن سكان دارفور الذين تأثروا مباشرة بالأحداث يبلغ عددهم حوالي 3.4 مليون أي نصف سكان دارفور.

عدد القرى التي تم حرقها وتدميرها يفوق الـ 4 ألف قرية. عدد المواطنين في المعسكرات ، داخل البلاد وخارجها يبلغ عددهم 2 مليون من النساء والأطفال والعجزة. (استناداً إلى تقرير الأمين العام للأمم المتحدة شهر نوفمبر 2005).

لم يرد في خطاب الموازنة أي إسهام للحكومة في الإنفاق على احتياجات المواطنين وعلى رأسها إعادة تعمير القرى المدمرة أو الإعاشة والخدمات. في حين نجد مخصصات الدفاع والأمن بلغت أكثر من 126 مليار دينار.

* ومعلوم أن الحكومة تسعى بإصرار لشراء مقاتلات وقاذفات بينما وقفت الحرب في الجنوب وهناك محادثات للوصول لتسوية سلمية في دارفور.

هيئة تحرير الميدان

18 فبراير 2005