مستجد النعمه ضايق يا الهلالاب ما تتكلموا معاهم

مستجدين ليهم كم سنة التواني

خلوهم اصلوا الفرح فارقهم سنيين

خلوهم يفرحوا ويقولو البقولوه اصلهم غير الكلام ما عندهم شيء

احبائي الهلالاب

ما يضايقكم كلامهم

الفوز وبالحكم الاسمو حمد النيل

نسال ربنا يلاقي السواه في شعب الهلال في اولادو

ربنا ما يكسبو نعمه

ربنا ما يقدمو تاني لي قدام

اما اهلنا في جنوب العرضه بنقول ليهم افرحوا اصلو ليكم مده ما سعدتو بي كاس

أخي الفاضل عباس اسمح أن أقدم الدعوة من خلال البوست الرائع لأحبائنا الهلالاب أن يدعوا الإدارة للإنسحاب من مباراة الوداد حتى لا تتكرر المأساة ويفضحوا إخوتنا أفراد الجالية السودانية بالمغرب كما فعلوا معنا في بداية التسعينات.. وبلاش فضايح!

حبيبنا محمد الامين

يا اخوي انشاء الله مافي فضايح لكن انا هنا بتكلم عن قوم فارقهم الفرح سنيين عددا

ومع الوداد ما تخاف انشاء الله الهلال قادر علي تخطيه لانو مافي حكم بيقف معاهم ومافي اتحاد شداد

حبيبنا محمد الامين

يا اخوي انشاء الله مافي فضايح لكن انا هنا بتكلم عن قوم فارقهم الفرح سنيين عددا

ومع الوداد ما تخاف انشاء الله الهلال قادر علي تخطيه لانو مافي حكم بيقف معاهم ومافي

اتحاد شداد

ولك التحيه اخي

عباس أخوي
حمد الله على السلامة

Quote: لانو مافي حكم بيقف معاهم ومافي اتحاد شداد

بكرة تجو وتنكرو الكلام، وتلعنوا في أبو الحكم زاتو!
الحكم يذبح
الحكم ينحر
الحكم يضحي
الحكم يترصد
الحكم مريخابي
ما عارف كورة داريو كان وين

اخوي عباس

براحه على نفسك

المستجد في الجيش هو البدخل الجيش لاول مره ويبدا التدريب

المستجد كلمة كبيرة وهي في حساباتنا بتقال لمن يملك الشئ لاول مره لكن ياخوي راجع شوف كاس السودان دا نحن معرسنو عديل كدا 7 مرات على الاقل في اكتر من كدا العرس الحلال لاربعة نساء لكن نحن اتخطينا الحدود ودا بسبب (قلة الرجال) المعانا في الساحة
بيني بينك نحن ذاتو فترنا من الزواج الكتير دا ممكن نديكم ليه السنة الجايه بس اول حاجة كدي لقيتو كورة داريوكان السوداني ولالسع


لكم العتبى حتى ترضوا

ابومصطفى

ابو مصطفي الحبيب

ونحنا الدوري العام معرسنو عديل وهو نفس الفرق نحنا الدوري العام شايلنو 6 مرات مقابل 4 للمريخ

وانتو شلتو كاس السودان 6 مرات مقابل 4 للهلال

لكن الليه طعم ياتو كاس الدوري ولا كاس السودان

ربنا يخلي ليك مصطفي ويطلع هلالابي زي كل ناس مدني وكمان اتحاداوي روماني

أخونا الغالي عباس،،
الأخوان محمد الأمين وراكوبة
سلام وشوق كتير..

أولاً هاردلك يا عباس وهكذا حال المستديرة.
صدقني دي أول مرة أتمنى فيها هزيمة الهلال رغم أني هلالابي بالميلاد.
لأن الهلال بصراحة لعب باستهتار شديد ودخل الملعب والنتيجة مضمونة في جيبو..
لأول مرة أحس بأن المريخ يلعب وهو خائف من الهزيمة.. وأخيراً استفاد من
فرصة ضربات الجزاء وحقق الانتصار..
لاعبو الهلال كانوا في لياقة بدنية متدنية خالص ولا يدرون ماذا يفعلون
مع أن خصمهم كان وديعاً ومستسلماً على غير العادة، وأنا شخصياً أرى أن
المدرب يتحمل الوزر الأكبر من هذه النتيجة ، لأنه لم يتعامل مع المباراة
بجدية وكان شبة متأكد من الفوز رغم أنه لم يستعمل الأساليب التي تقوده للفوز.
كنت أتمنى أن يكون كتاب المريخ موضوعيين ويتركوا السخرية من كرة داريو كان
التي لعبها في السماء ، ويبحثوا سبب ضعف فريقهم ويعملوا على معالجة القصور فيه،
لكنهم تركوا فريقهم الهزيل وانصرفوا لاشياء لا يستفيد منها المريخ وبالطبع لا تقلل
من الهلال. إذا طالعت أعمدة كتاب المريخ لوجدتهم يكرهون الهلال أكثر من كونهم
يحبون المريخ..
وزي ما قالوا أهلنا البلقى هبوبو بضرِي.
ونحن بنقول الجايات أكتر من الرايحات..

Quote: كرة داريو كان التي لعبها في السماء

الاخ نصرالدين
تحياتي وهاردلك
وبالمناسبة في كرة اثناء اللعب سددها داريو (كان) بطريقة غريبة لا تقل (شتارة) على طريقة تسديد ركلة الترجيح.
ولماذا امتنع مهاجمو الهلال من تسديد ركلات الترجيح بما فيهم الكابتن هيثم مصطفى؟
وحتى المريخ لم يكن جيداً وإن لعب بنصف مستوى مباراة نهائي الممتاز، لانتصر بنتيجة عريضة على الهلال
ولكنها هلال مريخ وحسابات القمة

وأنا شخصياً أرى أن
المدرب يتحمل الوزر الأكبر من هذه النتيجة ، لأنه لم يتعامل مع المباراة
بجدية وكان شبة متأكد من الفوز رغم أنه لم يستعمل الأساليب التي تقوده للفوز.


الحبيب نصر الدين

مع الحكم ده ما كان في مجال للفوز داخل الميدان

تحيات

راكوبه الحبيب

ضرو عيشكم سااااااااااااي

ليكم حق الحكم ما سيحه جابو ليكم شالو درمه جابو حمد النيل

تحيات

عبس الحبيب

Quote: ليكم حق الحكم ما سيحه جابو ليكم شالو درمه جابو حمد النيل

طوالي كده .. غيروها شويه
والله اي مباراة للهلال من نهائي 87 حتى مباراة حرس الحدود الأخيرة يتهم فيها التحكيم بالانحياز للفريق الآخر، معقولة بس!
او لو اقتنعتوا انو الحكاية كده، خلاص بطلوها ، اصلا لحدي هسي مافي كاسات ولا حتى مؤشرات لإنجازات قادمة.
وياكافي البلا لا مقصورة ولاكورة ولا عنتورة ولا حتى عجورة وكرة طائه في السما تقول عصفورة!

وكورة باليد مدفورة

وحكم تاني ما بحكم للهلال كورة

زي درمه التامبيره

وجمهور طالت عليه الحيرة

ورئيس نادي حضر الكورة في فداسي

وكان مندسي

وعامل فيها ماشي



تحياتي

وحكم تاني ما بحكم للهلال كورة
والجمهور تاني كلو في المقصورة
خايفين من كور شترا وكدايس ما معروفة
ووالينا قاعد موتوا ياناس عنتورة
جمهورنا صفوة وحضارة ومريخنا اسطورة
ديمه رافع راسكم بي كاسات أرضية ومحمولة
كورة ومقصورة وعنتورة وكاسات محمولة
دهب ودم واستادنا بقى للسودان صورة
أبقى على (الوداد) وردد معاي الشينة منكورة!

أبقى على (الوداد) وردد معاي الشينة منكورة!


والله دي بعدين الا تنكرها

يا حبيب

ما بننكرها بس إنتو ما تعملوها شينة .. هاك الوداد ده!

ما بننكرها بس إنتو ما تعملوها شينة .. هاك الوداد ده!

هاك الحكم ده

صدقوني لو كنت مريخابي كنت حأفرح أكتر من كدة و أعمل دوشة أكبر من كدة
أقول ليكم ليه
لأنه ده أول نصر للمريخ على الهلال خلال الثلاث سنوات الأخيرة في منافسة رسمية
عارف حيجوا يقولوا درع الانقاذ!!
أنا هنا أتحدث عن المسابقات الرسمية التي ينظمها إتحاد كرة القدم السوداني
الذي يعترف به الفيفا و بمسابقاته، و لا أتحدث عن مباريات تقيمها سلطة لتمجيد نفسها..
بالمناسبة حسب لوائح الفيفا ضربات الجزاء الترجيحية يلجأ إليها لفك الإرتباط، و كسبها لا يعد
انتصارا كما أن خسارتها لا تعد هزيمة
مع ذلك فلنقل إن هذا هو أول نصر خلال ثلاث سنوات
بعدين الوداد دة يا ربي هو نادي سوداني و مقره العرضة جنوب؟
بوعسل أبوعسل

الأديب أبوعسل
تحياتي ومرحباً بك في هذا الحوش الإلكتروني

أخيراً حقق الهلال إنجاز المريخ المحلي بالفوز ثلاث مرات متتالية بكأس الدوري الممتاز، وهذا ما فعله المريخ منذ أعوام خلت!!! وسجل نفسه كأول نادي سوداني يحوز على بطولة الدوري الممتاز.
أما الحديث عن منافسات رسمية ولا غير رسمية، لا يعنينا كتير، فمباريات هلال مريخ لوحدها منافسة توازي كل المنافسات (الرسمية وغير الرسمية)
البرازيل بجلالة قدرها كسبت كأس العالم بالركلات الترجيحية، فلا يعيب المريخ هذا الانتصار ولا ينقص منه شيء البتة.
أما الوداد فكفاية شعارو أحمر ، ومرحب بيك تاني ولك كل (الوداد)

العزيز جدا راكوبة
شكرا على الترحيب الحار
أتفق معك أن الهلال كرر انجاز المريخ بالفوز بالدوري ثلاثة مواسم متتالية
و إن كان قد تفوق عليه في أنه فعلها مرتين بلا هزيمة
و تفوق أكثر بأن حاز البطولة لستة مواسم من عشرة
و أتفق معك أن كسب البطولة بضربات الحظ الترجيحية ليس فيه ما يعيب
لكن أن تتحيز للوداد و تنتظر أن يتفوق على الهلال لمجرد أن شعاره أحمر فهذه سابقة
أولا الوداد شعاره الأحمر و الأبيض
ثانيا هو نادي مغربي.. أكرر مغربي يعني ممثل المملكة المغربية و ليس السودان و هو لا ينافس الهلال في بطولة محلية سودانية بحيث أن تفوقه على الهلال(اذا حصل) سيفيد المريخ..
اسمح لي أخي أن أقول أنني أفهم جيدا أن تحب المريخ
أما أن تكره الهلال أكثر مما تحب المريخ فهذا ما أعجز عن فهمه.
ما سقته من تبريرك لتحيزك للوداد ضد الهلال يصب في خانة الكره ليس إلا
ما ذكرته من حديث عن منافسات رسمية و غير رسمية مهم جدا رغم أنه لا يهمك على حد قولك..لأن هذه المنافسات الرسمية هي وحدها التي تؤهل للعب خارجيا و ملاقاة أندية قوية مثل الوداد و الأهلي المصري و خلافه.. ألا تتفق معي أن إنجاز المريخ بالفوز بكأس الكؤوس جاء نتيجة لتمثيله السودان بعد تحقيقه لبطولة رسمية؟
و دمت أخي راكوبة
ولك كل الوداد
بوعسل أبوعسل

الاستاذ أبوعسل
كويس اتفقنا في جزئية من الكلام، أما الحديث عن الأرقام القياسية محلياً هي ماركة مسجلة باسم المريخ منذ عقود خلت، ويكفيك أن أرقام المريخ تنافس الرينجرز الاسكتلندي وحاول الأهلي المصري العام الماضي تجاوزها، لكن الحمد لله كان الإعلام العربي والسوداني واعياً.!
أما التحيز للوداد لا لشيء سوى لموقف مشجعي الهلال في مباراة المريخ الأخيرة ضد المولودية الجزائري، حين استبشرنا خيراً بحضورهم للمران الأخير والطبل والزمر وخياطة علم الهلال وبه نجمة، والحضور قبل المباراة ، وبمجرد أن أنطلقت صافرة الحكم إنتهى كل شيء!!
أحلال عليكم حرام علينا!
أما حديثي عن مباريات الديربي في كل انحاء العالم هي تعتبر بطولة خاصة، بغض النظر عن موضوع التمثيل من عدمه، وهذا ما قصدته.
اما موضوع التمثيل في حد ذاته، فإن الهلال يمثل من بداية الستينات وحتى الآن ، والنتيجة صفر كبير مزركش!! أكثر من ثلاثين عاماً من التمثيل والاحتكاك، والذي احسب أنه قارب للإشتعال، وأصبح التمثيل تمثيلاً على الجمهور الغلبان، ليس إلا!
"الشغلة باين ما ماشه، جربوا حاجة تانية ، باسكت ولا اي حاجة الرياضات كتيرة"!!
وبعد كل هذه السنون اصبح الشعار الملازم لا كورة لا مقصورة .. ولا عنتورة
وأسلم لأخيك

Quote: مستجدين ليهم كم سنة التواني خلوهم اصلوا الفرح فارقهم سنيين خلوهم يفرحوا ويقولو البقولوه اصلهم غير الكلام ما عندهم شيء احبائي الهلالاب ما يضايقكم كلامهم الفوز وبالحكم الاسمو حمد النيل نسال ربنا يلاقي السواه في شعب الهلال في اولادو ربنا ما يكسبو نعمه ربنا ما يقدمو تاني لي قدام اما اهلنا في جنوب العرضه بنقول ليهم افرحوا اصلو ليكم مده ما سعدتو بي كاس

ماعرفتي النعمة إنتن قولن إنت شن عرفت هيييي شن عرفتن.

مرة شافت في رؤها كوره طايره في سماها

لعيبة تتبكي وتفرتق والميداليات وراها

وحليلي انا واحليلي الله ليليلى الله ليل

مرة شافت في رؤها كوره طايره في سماها

واودادي انا وا ودادي وا ودادي انا وا وداد

ماعرفتي بطولة إنتن قولي انتن شن جلبتن

مع الاعتذار للاغنية.

Quote: أخي الفاضل عباس اسمح أن أقدم الدعوة من خلال البوست الرائع لأحبائنا الهلالاب أن يدعوا الإدارة للإنسحاب من مباراة الوداد حتى لا تتكرر المأساة ويفضحوا إخوتنا أفراد الجالية السودانية بالمغرب كما فعلوا معنا في بداية التسعينات.. وبلاش فضايح!

هو ده الكلام حقناً وصوناً لسمعة السودانين نطالب بعدم السماح لابو الهل المحلي داخل عطبرة بالسفر.

ماعرفتي النعمة إنتن قولن إنت شن عرفت هيييي شن عرفتن.

مرة شافت في رؤها كوره طايره في سماها

لعيبة تتبكي وتفرتق والميداليات وراها

وحليلي انا واحليلي الله ليليلى الله ليل

مرة شافت في رؤها كوره طايره في سماها

واودادي انا وا ودادي وا ودادي انا وا وداد

ماعرفتي بطولة إنتن قولي انتن شن جلبتن



الحق هو ما عرفتي ناس شالو الكورة وجرو

لي اسي ما قادرين يقيفو علي حيلهم

هاهاهاهاهاهاهاهاهاهاهاهاهاهاهاهاها

قال فريق ده قال ليه كم سنة غايب منو الفرح والتاني علي طول هاهاهاهاهاها

عبس يا عبس
يا حرف الداريو كان

ون مان شو
الهلال رشو



كيف الحلة الجديدة
وإنشالله كلكم طيبين



ودالعجب