بطاقات تقدير واحترام

لود عقيد الذي افرد بوستاو كتب:


سأهديك بعض إبداعات الفتى الذي
خرج مغاضبا..
نزار حسين..

وهو من القلائل الذين يتميزون بحضور البديهة
والقريحة المتوقدة..
فكل ما سأستعرضه هنا.. كتب ارتجالا

فعلا يا صديقي خرجت علي سبيل الاحتجاج والحزن....ولكنك بحثت عني لتطييب الخاطر...ونقلت عني واخوتك...ما لا استحقه...وليتني اطول بعضا من هذا الاخلاص...ودمت اخا عزيزا وفيا...
فلك كل الحب والمودة....وما كنت لاطول هذا العياب يا صديقي...لولا فقدي لكلمة السر

ولعماد:

حزنك هذا على خبو حزمة ضوء في عتمة واقعنا الشين ..
حزنك النبيل هذا على تفريطنا للقيمة التي تدوزن تقبلنا ( لنا ) .. دون ( عك ) وتجريح و .. فجور .
يستدعي الإحترام .. ويستدعي مناداة ( مروتنا ) أن :
نزار .. أرجع .

لك جل الحب ايها الرجل النقي....ومعك لن نفرط في قيمنا...ان لم تزدنا هذه الاحتجاجات تمسكا....

ولسعد الدين الذي بدوره ايضا افرد بوستا حميما...كل احتراماتي وتقديري...

وارجو ان تبقي معنا هنا حارسا للفضيلة والكلمة الطيبة والاخوة الصادقة...

وللبدر سامي علاه:

دار بدون نزار؟؟؟
لا لا لا لا لا لا لا لا
حبيب تعال تعال تعال تعال نتم الريدة...

وها انذا اعود....وصدقني....وانا اعرف انك مصدقني....انني افتقدتك كما افتقد نفسي
برغم هذا التلاقي الاثيري الشحيح....وان ما تمينا الريده ...وبثيناها ونشرناها علي
رؤوس الاشهاد هنا....ما فائدة لمتنا يا البدر...

وللحبيب قرجة:




اي فتى اضعنا....فعلا نزار لا يعوض

وهاك ما كتبه في خيمة حلمنتيش الاولى

لك عندي الف خاطر يا قرجه وما بحثك عني الا جبرا لهذا الخاطر....فانت كنت تبحث عني
في زوايا نفسي...فكيف لا يكون لنفسي خاطرا لها....فمحبتي لك لا تحتاج لشادة او شهود
او بحث في ثنايا هذا البورد من زمان خيمات حلمنتيش واهل العوض وسنجاوي...فما ضيعتوني
ولن تضيعوني الا ان اضيّع نفسي.

وسأعود لاحبابي واصدقائي نادية عثمان, محمد الحسن العمدة, وسيف مساعد علي ..وصديق الموج وزول ساكت وطارق جبريل ودكتور معز وحافظ بشير والموصلي والطيب بشير وكل من لم اتطلع علي سؤاله عني وقطعا سأفعل ,


تشكراتي المخلصة للباشمهندس بكري ابوبكر الذي اعاد لي باسووردي المفقود

أخ نزار

حقاً إفتقدك البورد بشهادة من يحبوك وأوغلوا في طلب ودك وإيابك

وعشان خاطرهم عادت حروفك الحلوات تخاطرهم

مقاماً جميلاً وحميماً أخ نزار

شكرا لك عزيزي ايهاب محمد مصطفي...فالمقام بك وبأمثالك من الانقياء حتما سيكون
انقي واجمل....دمت اخا عزيزا طيبا

حباب

طلة الزول السمح

والله مشتاقين

يعني نادية لو ما جات البحرين ما كان عرفنا دربك

اقعد عافية وابرم طاقيتك قلووظ وجر عكازك في رمل الحوش

ارسم خارطة بكرة

عساهو باكر يكون اجمل

الف حمدلله علي السلامة الاخ نزار حسين

اخـي نـزار,,

انـاسـعيـدة برجـوعـك وكـذلك آية..واتمني ديك تكـون آخـر زعـلة وتاني ماتمشـي خـالص..

مـني

الاميرة مني والامورة آية...لكما مني آيات من الحب والاجلال...
تأثرت كثيرا حينما طالعت مداخلتكما بشأن دعوتي للبقاء..
لما اكنه لكما من احترام وتقدير خاص...وعدم امكانيتي لرفض طلب
من اميرتين من طهر ونقاء....ربنا يحفظكما من كل مكروه...

شكرا سيف مساعد

الصديق الهميم قرجة...قلت لي ابرم الطاقية قلووز ,,اها هااااادي برمة...والله انا مشتاق ليكم بالاكتر يا زول يا سمح...

لنادية عثمان مختار:

ارجع يااااااااااااااااااخ

يااااااااااااااااخ دي زي ما قال ليك صديق الموج اهلنا بندقو فيها سوط الضحي الاعلي....اولا يا ستي اولا تشرفت جدا بالتعرف عليك من قرب...وكأنها معرفة سنين برغم ان الزمان لم يمهلنا معك تواصلا وواجبا الا في حدود ما كان رسميا....وتخلفت عن وداعك بالمطار بدافع السخرة والعمل....وانا اجزم بانك اتطلعت علي ذلك...كانت اللحيظات معك كأحلي ما تكون السنين...فشكرا لهذا الاسبوع الذي اختلطت فيه المحنة بالدموع ان التقيناك...وقطعا سنلتقيك مرارا طالما اصبح التواصل سهلا....فشكرا لك مرتين

لسعد الدين:

باقة من حب واحترام...فما نشدته يا صديقي كان احتجاجا لوضع لا اقبله لا لنفسي ولا لك ولا لكل صديق...فاما نكتب كلمتنا باحترام...مهما كانت الخلافات والخصومات والخطوط الحمر....فانا ما كنت اصلا اطمع في بورد عفيف نزيه او مدينة فاضلة لأان ذلك عكش طبائع البشر ولو سادت النزاهة هنا هكذا مطلقة ...لتوقف نبض الحياة...ولكن يجب ان نناضل للحد الادني من الاحترام وعدم نبش أعراض الناس...فهروبي من المنبر او هكذا اسميه كان احتجاجا واضحا لما كان يكتب...وها انذا أعود واعرف ان الامور ربما تغيرت بعض الشيْ ولكن بوجود امثالك من الانقياء حتما سنصل الي ما ننشد...دمت اخا نقيا صادقا

الغالية تماضر شيخ الدين...

انا سعيد بحضورك وطلتك هنا لأنها زيادة الفة ونص وخمسه..."الالفة" دي بكسر الألف...وفي لحظات ابتعادك كنا نقول انك من الرائعين الذين يمنحون البورد أمنا وطمأنينة ومرح في اي لحظة تعاودي الطلة فيه...

حزني كان مؤقتا ,اعرف انني كنت سأعود عاجلا أم آجلا...بس بقت آجلا لأني اضعت الباسوورد...

عزيزى "الغالى" نزار حسين

من حسن حظى اننى لم اشهد خروجك المغاضب..وانما شهدت دخولك المصافح الجميل..

شايف انا مرزقة كيف؟؟


اهلا بك فى كل طقوسك ومناخاتك..

واهلا بك غايبا أم آيبا..

وحقيقة خلاص كونك عضو فى البورد دى ..حقيقة ثابته لا يمكن محوها..مثلها مثل جيناتك ..التى ترثها من والديك..ووطنك الذى "تدفن فيه صرتك"

كنت اغتاظ غيظا شديدا فى غيابى الاخير حين اجد بعض الناس يتحدثون معى كأنى حاضرة ...أو يتحدثون عنى كأننى لا ثمة آتية..

غيظ معناه "عرفونى كيف؟؟" والمهم فى النهاية أهو انا هنا وبكتب ليك يا نزار حسين كأنك اصلك هنا..

فأحسن ما تغيب...لانه المكتوب فى البورد لازم تشوفو العين........ههههههههه


ويااااااااااااهلا

نزار حسين


انتظرناك طويلاً ,إن شاء الله جبت العكاز والدواية والقلم

والحرد ما معانا استخدم كل الادوات المعاك كلها.


دمت بيننا

يا قلب يا نابض...انت كذلك من الذين يجب علي تحيتهم...وبثهم كل حبي وتقديري هكذا علنا...


العكاز مش كان مطلوب بالله عليك؟

وغيابي لم يكن حردا, أكثر منه احتجاجا...

وشرحت لي نادية عثمان اسباب عدم الاستجابة للاحتجاج...وحاولت الرجوع لأستعمال العكاز
بس في نص الطريق الباسوورد ضاع مني وقدر ما كست لسه ما لقيتو لامن فصلت واحد جديد
وهسي داخل بيه لا هسي ما غسلتو عشان اشوفو بكش والله لا؟

نزار حسين
حمدا لله بالسلامة يا زول
وبركة الجيت راجع

انا والله حماسي قل للمنبر
وزيارتي ليه بقت قليلة
ومداخلاتي محدودة..
وخروج كان أحد الأسباب
أرجو أن تفتح عودتك المبروكة
شهيتنا للمنبر مرة أخرى

ولك الشكر والتقدير

لك التحية يا ود عقيد...

وأرجو ان لا يفتر حماسك....فانا أكتشفت خطأي بالابتعاد فور اتخاذ قراري
وما كان بمقدوري العودة للرد علي البوست الذي افردته انت وسكبت فيه
بصدق معاني الصداقة والاخوة الحقة...ولم اتمكن من الرد...

واكتشفت كذلك انو مافي مانع من تكاتل وتقول الشعر في سوق عكاظ...

فيا صديقي لأجلك عدت بعد ان صوبتني انت...فأرجو ان لا تبتعد كثيرا...

صحيح ان الكتابة فيه او حتي التعليقات احيانا تحتاج الي مزاج...
واحيانا المشاحنات فيه وأقصد المنبر تجبرك علي المرور علي
عناوين البوستات كالمرور علي شجر السيال من فوق ضهر لوري...
فابقي متي ما طاب لك...

أخي الحبيب نزار
يشرفنا و يوازننا كثيراً وجودك بيننا
بصوتك الموضوعي و ما تبذره من خير و جمال
فلتبق ولا تذهب
في زول بيحرد بيتو؟؟
محبتي و تقديري
لنا

الغالية لنا مهدي...

أولا: لك تقديري واحترامي الصادق...وشكري علي وصف لا استحقه...
ثانيا: الحرد كان احتجاج ...لتقويم ما يكتب ...وأنا الآن ابو
بنيات...وزوجة تطالع ما يكتب هنا وقطعا يطالعه الكثيرون غيرهن
وغيرهم...والكلمة هنا تبقي ان كانت سيفا او سما او من عبير زهرة...

كانت خشيتي يا لناان تتحول الكلمات الساقطة الي أقوال عادية...يجترها
الناس,,وقتما شعروا بحيف أو ظلم....وسرعان ما أكتشفت خطأ هذه الخشية..

لذلك سيكون الحرد غير مبرر...لا من بيتي ولا من بيت عدوي...

وسلمت بتوب العافية والصدق...

مرحبتين نزار الفات مغاضب قبل
و شيطان الشعر من يوم مشيت اتكبل
إنت الليلة جيت و فرحنا بيك إتدبل
إلا انا غير مساديرك حلف ما بقبل

مرحبتين نزار الفات مغاضب قبل
و شيطان الشعر من يوم مشيت اتكبل
إنت الليلة جيت و فرحنا بيك إتدبل
إلا انا غير مساديرك حلف ما بقبل


ابو البشير...مراحب كتيييرة يا زول انت بكسرولك خاطر...
كدي نشوف الخلال بجيب شنو؟


ما بتبقالي أعرض والسفيه اتشبّل
والمرنوعه قرنها في خديرها مسبّل
الوالد البنات يا ود بشير ومطبّل
غير سكين ضراع ما بتلفت ويتهبّل


هسي ان جاك رزاز مزكوم وعقلو مخبّل
يكتب ويمحي فيك زورا شمارو متبّل
دا غير الفرجه ,,واحد قال وواحد طبّل
ما بتمرق مغاضب وبي قيود تتكبل؟

اخي نزارووو
ما اسعدني بعودتك والله.. وحلاوة العوده غنيناها في موال..
وعقبال نرجع كلنا البلد و هي آمنه و بخير ووادعه..
فاهمين والله و مقدرين انك حردتنا ليه و كيف.. لكن زدت علينا
المغصه بي مرقتك دي هههه..
الحبيب
المره دي سماح بس تاني ما تعملا هههه..بتلقونا ماف

شكرا سعد الدين....وانا سعيد اكتر...لهذه السماحه...ايها الرجل النقي