واخيرا الادبخــانة الســودانـية تعلن تواطـؤها مع الرساليـين؟؟

بعد غيبة خمسة عشر عاما قضاها في المنفي الامريكي قرر العودة صديقي الريفي الجميل الى اهله في الوطن يحمل اشواقا وحنينا لا يوصف للاهل للقرية والتراب وملاعب الطفولة الجميلة رجع وهو يحمل جوازا اجنبيا وبرفقته زوجته اليانكية البيضاء وطفلاه التوأم وقد بلغا من العمر عشر سنوات وقد كانوا ايضا في لهفة واشواق للتعرف على موطن ابيهم الجميل والذي شوقهم اليه بالحكاوي والذكريات الجميلة وهي تبعث فضولا طفوليا في التوأم الجميل وامهما الحسناء .
استقبله الاهل في المطار بالزغاريد واغاني الفرح وهو يزف عريسا وابالطفلين قمرين الى قريته مباشرة من مطار الخرطوم على متن سيارة اخيه( البرنسة) حيث ركب صديقي وزوجته مع اخيه السائق في المقعدين الاماميين للسيارة واما التوأم فقد استمتعا بالركوب برفقة عميهما وعماتهما في مؤخرة السيارة و( عجاجة) الوطن تلفح وجهيهما الجميلين وشعرهما الذهبي الجميل........
وصلا القرية...وبعد خمسة عشر عاما كان في انتظاره ذات البيت كان البيت وذات الباب كان الباب وذات الحائط وذات الشجرة الشاحبة وذات (المزيرة) القديمة .... وكان صديقي مستمتعا بهذه التفاصيل الجميلة...التي افتقدها في المنافي البعيدة..
اكلوا شربوا ضحكوا وكان السمر وكان الاهل و( انبل الشوق).... بعدالاستمتاع باكل الكمونية والعصيدة اللذيذة بملاح الشرموط الحبيب ( الاسهال حصل )احد التوأمين طلب من والده مستأذنا الذهاب لقضاء الحاجة ... وبعفوية اشار الوالد لاخيه ان يأخذالتوأم الي ( بيت الادب او المستراح او الادبخانة او الانقاذ) ليقضي امرا كان عاديا...
التوأم الاخر طلب ايضا ذات الشيء واحاله الاب المشغول بتحية زائريه من الاهل الى الشقيق الاخر .... وذهب به الي (الانقاذ) فوجدا (الانقاذ) مشغولة حتى اللحظة بالتوأم الاول ... وبالبيت كالعادة( انقاذ) واحدة ... فجرى بالتوأم ( المزنوق) الى ( انقاذ) الجيران وحمدا لله كانت غير مأهولة......ايضا مازال التوأم الاول يجاهد في ( انقاذ) البيت عله يفعلها في هذه الحفرة العجيبة والتي تحتاج تصويبا دقيقا في ظلام انقاذي مطبق.. وهنا ايضا طلبت بادب وحياء (خواجي ) جم مدام( دايانا) من زوجها ال(rest room) وهنا(اتلبج) صديقي واشار الى شقيقته ان تصحبهاالى ( انقاذ) البيت الوحيدة ولكن ( انقاذ) البيت ظلت مشغولة حتى اللحظة بمجاهدات التوأم الشهيد الاول..وحاولت الشقيقةوهي تصحب زوجةاخيها الى ( انقاذ) الجيران ولكنها ايضا كانت مشغولة بمجاهدات التوأم الشهيد الثاني....هنا.... وقعت الشقيقة في حيص بيص وذهبت ب( الخواجية) الي بيت الجيران الثاني علهم يظفروا ب( انقاذ ) اخرى مهيئة للجهاد في هذه اليانكية البيضاء. ولحسن الحظ.... وجدوا عند الجيران (انقاذا) اكثر هوسا ولوثة ولا تصلح ابد لاستعمال ادمي سوي....ولا يوجد بها ضـــــــــوء كشأن ظلام الانقاذ الام .. وامدوها بذات اللمبة القديمة الرعناء لطرد ظلام الانقاذ و(جك معفص) من الالمونيوم للوضوء وبالطبع ليس هنالك ورق لللتواليت ... دخلت اليانكية الطيبة هذا المجهول الانقاذي السوداني الغريب..... بعد لحظات صرخت صرخات مدوية سمعها كل الجيران قادمةمن صوب ( الانقاذ) حيث هاجمت الضيفة المسكينة مجموعة من الوطاويط والجعارين وقوات من ابو الدرداق السوداني المجاهد في هذه الساحات اي ساحات الفداء وخرت مغمى عليها.... وهرع الجميع تجاه ( انقاذ) الجار الثالت حيث انبعث صوت اليانكية المستغيثة وهو جار قد اوصي عليه الرسول ( ص)... ولا تليفون ولا اسعاف ولا شرطة....ولا صرف صحي واقتحم الزوج الطيب وحده ( انقاذ) الجيران لنجدة زوجته المستغيثة والجميع يرفضون الدخول لنجدتها من باب الحياء وستر العورات وعدم شرعيتهم في مس هذه الانثى الحلال وهو امر شرعي حنيف... ووجدها الزوج المسكين في حالة تدعو للرثاء ويندى يراعي خجلا من توصيفها وقد فعلتها من هول الصدمة في ثيابها .......والمؤمن مصاب... وهناصرخ الاب المسكين من هول الفجيعة وهو يسب الانقاذ ودينها والتخلف اذ كيف بعد خمسة عشر عاما يزداد الناس فقراوسوءا واخرون ترهلوا ثراء وفسادا وتذكر في ذات اللحظة الاب المسكين اينيه التوأم وصاح في شقيقة امشوا ياجماعة شوفوا الاولاد ديل وين والحاصل عليهم شنو انعل ابو دي بلد وابو دي حكومة من الجهلة والكذابين والفاسدين والسراق .. تقولوا لي جهاد وكضب وتنمية وتقدم وانقاذ..الله العنكم في القبل الاربعة يا اوغاد) وهنا هرع الجميع الى ( الانقاذ) الاولى ووجدوا التوأم الاول يصرخ في داخلها خوفا ورعبا من هذا الظلام وحشرات الظلام وقد قضي حاجته في ثيابه..واستمتع بذلك ابو الدرداق وجعارين
( الانقاذ) وهم يتناولون وجبة من قادم امريكي لذيذ..وجماعةاخرى هرعت الي( الانقاذ) الثانية فوجدوا التوأم الثاني مغمى عليه وقدمه اليمنى قد تدلت داخل حفرة (الانقاذ) وجعارين وبراغيت تلتهم الرزق الامريكي اللذيذ وأيضا فعلها في ثيابه .........
في الصباح الباكر حزمت الام المسكينة حقائبهاو قررت الاسرة الصغيرة الام الحسناء وابناها التوأم قرارا قاطعابالعودة للوطن اليانكي البعيدبعد حادثة ( الانقاذ) وقد اخبروا اباهم الطيب المسكين بهكذا قرار.. وهم يتمنون له اجازة سعيدة بين الاهل والاحباب....فقال لهم:OK وذهبوا في ذات الصبح للخرطوم لقضاء الحاجة في اي فندق خال من حفر ( الانقاذ) وهناك في الخرطوم ايضا هو قرر السفر والعودة بصحبة اسرته الصغيرة لذلك المنفي البعيد وهو يلعن حتى الاشياء ومتهما ( الادبخانة أوالمستراح) بالتواطؤ مع عصبة الانقاذ وهم يفسدون عليه عطله وعودة كان يتمناها منذ زمن بعيد .....حيث لا فرق لديه الان بين وضع الانقاذ وحفر البراز وخاصة بعد فضيحة فضلات اليونان حيث سيصبح السودان الرسالي الانقاذي اكبر( عيفونة في التاريخ) يعني عيفونة او ( ود باندية) بحجم وطن ينضح خواء وخراء في زمن الانقاذ اي زمن الاعجاز؟؟
ولله في خلقه شئون.

Quote: وخرت مغمى عليها....

....................................
وقعت ولا حصل ليها إنقاذ؟

Quote: ( بيت الادب او المستراح او الادبخانة او الانقاذ)

سلة براز العالم

هو صاحبك ده طالما جالس فى امريكيا بتاعتكم دى
15 سنة ما قادر يعمل ليه ادبخانة زى الناس
وطالما عندو يانكيه متل دى ما كان يستاجر ليها
فى الهليتون ولا المرديان ولا يستورد ليها غرف انقاذية
متحركة اصلا هو زول مقتدر ومقيم فى امريكا 19 سنة كان
على الاقل يجيب ليه جمس سوبر حتى لا يغربل اطفاله بعجاج
البرنسة بتاعت اخو يا عزيزى طالما كل شى هنا لا يصلح
للاستعمال الادمى جاى لشنو وعشان شنو؟؟؟؟؟؟ يا بنى انما الاوطان
بتبنى يسواعد بنيها وزولك ده ما عمل لوطنه الصغير شى ما فى داعى لعودته وانت زاتك كان متلو كده ما اظن فى داعى لعودتك

الباشمهندس محمد والسيد الناظر

لكم التحايا

بعد فضيحة ( الكاكا بتاعة اليونان) التي بحمد الله وجدت لها مكانا طيبا وامينا ومناسبا في ارض السودان وحينهاالسودان سيصبح في عهد الانقاذ وهو اعظم انجاز انه سيصبح اكبر (عيفــــــــــــونـة) في التاريخ البشري .. تخيلوا وطنا بحاله اصبخ
( عيفونة) العالم كله ولله قي خلقه شئون؟؟



وليد الكوز عيار 500
تحياتي

اوعي تكون (ال قسم السيد للتصدير الاستيراد) بدل كوناكري ستعمل في اثينا مباشرة لتستورد لنا (برازا يونانيا) كريما في وطن صيرتموه اكبر ( عيفونــة) في التاريخ
ولله في خلقه شئون..؟؟

Mr
هشام هباني
ما تخلي حقدك وكراهيتك لحكومة الأنقاذ تخليك تشوه سمعة YR HOME LAND
وما تخلي نعيم امريكا تنسيك YR MATHER LAND
الحقونا
يا ناس أصلاح الكتابة بالمنبر....وياناس ميثاق الشرف
حكمة اليوم
اه من أسهال الكلام

يا وليد الكوز عيار 500

طبعا صاحبي لم يهاجر بل هجر قسرا وما ذهب لكنز المال ولو كان منافقا لظل باقيا في الوطن باغيا مثل كل اولئك المنافقين والانتهازيين والمتسلقين واللصوص من سدنة الانقاذ..ولكان بيته الان قصرا مثل قصر شقيقةالرئيس او قصور المتنفذين الاوغاد.. ومتى كانت قضية الصرف الصحي في الدول مسئولية افراد بل هي من اس مسئوليات الدولة والتي تخلت وتنصلت عن كل مسئولياتها تجاه مواطنيها.........(لكن المصيبة يا وليد انو العتب ما علي صاحبي انو ما صلح ( الانقاذ) بتاعتهم حتى تصلح للاستعمال الادمي بعد خمسة عشر عاما في المنفي لكن العتب على الدولة بتاعتناالرسالية النفطية انها بعد سبعتاشر سنة صيرت من الوطن اكبرادبخانة في التاريخ لبراز اليونانيين اي عيفونة بالشطة والليمونة؟؟)واتوقع قريبا انو (ال قسم السيد للتصدير والاستيراد) ستجلب لنا ايضا صفقة براز من كوناكري ؟؟ ولله في خلقه شئون..

عزيزي player

لو كنا ننسى اوطاننا لما وقفنا لحظة وراء هذا الجهاز اللعين الساعات الطوال انصاف الليالي ونحن نعتصر المرارات والقرف والاحباطات ونعايش هموم اهلنا في ذلك الوطن المنفى الجميل.. وعندنا هنا ما تيسر من نعيم الحياة ورغدها ما ينسينا كل شيء في ذلك الواقع الازيم ... لكن حب الاوطان ورطة والتزام اخلاقي لا يحسه ولا يحمله الا من امتلك الضمير..

ثم ثانيا عن اية سمعة تتحدث وكاننا نحن الذين اوصلنا الوطن الى هذا القرف وهذا الخراب المخيف....وهذه السمعة العالمية السيئة.. ســـلهم اولئك الاوغاد الذين نهبوا السلطة والوطن في رابعة النهار وشوهوا سمعتنا وسمعة الوطن في كل مكان حتى بات المواطن السوداني شيئا تافها محتقرا في كل العالم و السودان الدولة في اخر تقارير منظمة الشفافية العالمية الدولة الاكثر فسادا اداريافي المنطقة وواحدة من اكبر اربع دول في العالم في الفساد الاداري.... وايضا نحن نتهم بالارهاب بسبب سياسات هؤلاء الحمقي والقتلة... اتق الله وكن رجلا ذا ضمير وقل الحق ومن يسكت عن الحق فهو شيطان اخرس ... ولله في خلقه شئون.

اتقى الله يا بنى وقول قولا يدخل الراس انت عارف كلامك
ده متل الادبخانة البتتكلم عنها دى....وده حالنا كده نعيش فى شمال
مهمش نحن واهل صاحبك ده لكن بنقدر الوطن وما بنسمعو كلمة ما بنرضاها
بنجتهد وبنبنى البنقدر عليه وبنكرم الضيف وبنساعد الملهوف وبنقعد فى تلك الادبخانة
الرجعت اليانكيه بتاعتكم لوطنها وبنقضى حاجتنا بنزور المريض وبنشيع الجنازة بناكل عصيدة بام رقيقة ومرات بنعجنها عكاره ديل بسكر وبدون سكر فى حالة انعدمه اولادنا كمان بيلعبو شليل والضغل وحرد وفات فات فى ليلو سبعه لفات وحينما ياتى المساء بنسال عن بعض واذيدك عولمه بنحضر
المسلسله والشفع ده فوق ده اها لمن نجى ماشين للبندر ديك بنركب ابو شبابيك مفتحه والسموم تلفح الصغير فينا بقوم للكبير والرجل بقوم للمراة
وده شى من حتى اها يا خوى ده السستم بتاعنا كده كان نفع معاك تعال
وكان ما نفع معاك خليك فى عمريكية بتاعكتم الخرابه التخربكم ..سواق تاكسى

عارف يا ولدي يا ظريف يا كوز يا تفتيحة

انت الشركة بتاعتكم دي (ال قسم السيد للتصدير والاستيراد) بدل قاعدين في كوناكري ليه عندي ليكم صفقة بت كلب دولار امريكي نضيف مامضروب وطالما السودان صار سلة (براز العالم) مثلما قال اخي الناظربعد فضيحة ( هرار اليونان)... والحكاية يبدو فيهابزنس تمام فهنا في تكساس الامريكان ايضاعندهم فائض فضلات بشرية وما عارفين اودوها وين وحمدلله ان بلادنا صارت رائدة في هذا المضمار الخروي وارضها ترحب بكل نفايات العالم وسعر الطن هنا في امريكا ارخص من اليونان ... وطبعا ما في مقارنة بين الفضلات الامريكية واليونانية... ديل الامريكان احسن ناس في الدنيا...فرجاء ترسل ليناتوكيل حتى نظبط ليكم الصفقة وتب ما عاوزين ابدا اي عمولة وحينها ستكونون الوكيل الوحيد في السودان للفضلات الامريكية....ال تصدير ال....... ولله في خلقه شئون

يا حبيبى انتم اهل للامريكان وهرار الامريكان اهلا لكم
طالما هم احسن ناس فى الدنيا افتح خشمك واجعلهم يصبو
هرارهم بداخلو فقط يطلع ليك حلاوه طحنية

العزيز/ وليد 500

يا عزيزي وليد هون علي نفسك شوية و ما تحاول ان تصرف الناس عن القضية الاساسية وهي قضية الخراب و الدمار ال>ي أصاب البلاد و العباد ... ففي عهد الدولة الرسالية صاحبة المشروع الحضاري اصبح السودان دافونة لعيفونات الآخرين و مكانا لا تفارقه كاميرات الآخرين لألتقاط صور العراة و الجياع و المرضي و القتلي و كل الصور المؤلمة ... ه>ا هو جوهر القضية و اعتقد ان عزيزنا هشام هباني و لأنه انسان شفاف و له عدة اساليب لتوصيل رسالته الانسانية كتب به>ه الصورة و اكاد اجزم بان هشام هباني ليس له اي صديق متزوج من امريكية او اغريقية و ه>ا الجزم ليس من باب ان الامريكان انجاس او غيرهم انجاس فالامريكان بني آدميين كما نحن بني آدميين و تجمعنا مع بعضنا البعض الهوية الانسانية شئنا ام ابينا ...شاءوا هم ام ابوا ... و لكن هدف ه>ا النفي هو التأكيد علي الرمزية العالية في الكتابة لهشام هباني ... فأنت يا وليد و هشام و كلنا سودانيين/ات يجمعنا وطن واحد شئنا ام ابينا و ما عادت تنفعنا اساليب دفن الرؤوس في الرمال تحت دعاوي نحن وطنيين اكثر لاننا نأكل الكسرة و الملاح و نشاهد المسلسل و نركب اللواري و العجاجة تكتح او اننا لم نغادر السودان ...الخ فه>ا الامر كوم و الهزائم التأريخية التي تعرضنا لها كوم آخر ... فنحن الآن موجودين في قائمة الدولة المنهارة و لن تنفعنا اللواري و لا العجاجة و لا المسلسلات التافهة التي لا تخاطب اي من قضايانا ... و انما تخدرنا طوال الليل و عندما يصبح الصبح لا ندري ما>ا نعمل و ما>ا ناكل و ما>ا نشرب و كيف سنتعالج من الامراض و كيف ستلتأم جراحاتنا الكثيرة و العميقة ... و لك مجدا حبي و تقديري... و الوطن حتما سيسعنا كلنا ان خاطبنا عقولنا و ليس عواطفنا .

عفوا عزيزى برير يا يوسف
انا ما بحاول اصرف الناس عن القضايا الاساسية...لكن للقضايا
الاساسية ابواب ارحب واجمل.. ابواب لاتمس الواقع المعاش بسوء والواقع
المعاش بقول هنالك حوالى 22% يقضون حوائجهم فى العراء و50% فى اماكن غير
صالحه للاستعمال الادمى وهى التى دخلتها اليانكيه بتاعة صاحبك ده و15%
صالحه للاستعمال و13% استعمال فاخر والاخيره دى ممكن تستقبل كان ما كان
كان جاى من امريكا ولا من باريس وباريس عندى بتمثل ارقى المدن فى العالم ....وهشام صاحبك ده زول ما شفاف لو كان شفاف كان ضرب لينا بمثل اجمل من كده دى ثقافة بتاعة ادبخانات ليس الا .. والقضايا كان بحلوها
بالطريقة دى كانت اتراكمت وما اعطتك الدرب....اما عن قصة وطنيين واننا لم نغادر السودان بقول ليك ان حاليا فى حالة سفر واصناف الراحه المريت بيها لو جلس اخونا هبانى فى امريكا الاف السنوات ما بحصلها
فوق ده كلو ما مرا بينا وقت وسخرنا من حياه قد عشناها من قبل
يالعكس بنتفاخر بهكذا حياه بنتفاخر بتلك الادبخانة ام هبوبا ضارب لانها اجلست هبانى وصاحب هبانى وهم سارحى الذهن وافكارهم مشتت وخصوصا لو كان هنالك قمر اربعتاشرى ما تقول لى الرجل بعالج فى قضية بصورة هزلية دى قضية على صالح قضية اخرة...........لك الود عزيزى برير واكيد اسفى لو شطحت شوية فعلى ما اظن دى اول مقابلة لينا مع بعض هنا

***

***

Quote: ...........لك الود عزيزى برير واكيد اسفى لو شطحت شوية فعلى ما اظن دى اول مقابلة لينا مع بعض هنا

العزيز /وليد 500

تسلم يا عزيز و لكن اراك ما زلت متيقنا بان لهباني صاحب متزوج من امريكية و انك ترفض رمزية هباني و ان هباني صاحبي غير شفاف ... عموما يا ولي حصل خير و من حقك ان تتمسك برأيك و ان الجايات اكثر من الرايحات يا عزيز و لسنا هنا في مقام من ارتاح احسن من من و كيف ؟ فانا ما زلت مع رمزية هباني التي ربطها بالنفايات و غيرها من الحكايات ... فالموضوع مؤلم و لكنه يعبر عن حالنا التعس... و تسلم مجددا.

هكذا يصوروا السودان للعالم

حبيبنا ياود يا ولــدي يا راحات

كدي خلينا نتكلم معاك كلام تكاسة ساكت

شايفك وبنعمة ربك فحدث تتفشر بانك مرتاح ولفيت الدنيا دي كلها والحتات الشفتها يا ولدي يا ود يا راحات هباني التكاسي السجمان المكسر في امريكا لو اشتغل الف سنة ما بحصلك ... كدي يا ولدي يا مرتاح ... ورينا الراحات دي عملتوهاظااطها كيفن في البلد الرسالية السجمانة البقت تتاجر في (الهرار) وكمان قالوا نلبس مما نصنع وناكل مما نزرع) وفي ذات الوقت دي بلد تتاجر في ( الهرار)... والله الراحات بتاعتكم دي تكون شركة (ال قسم السيد للتصدير والاستيراد) شغالة كمان وكيل لاستيراد اجود انواع ( الهرار) الافريقي من كوناكري ..وتكون كمان مصيبة ولا شنو رايك؟؟

سندة: شايفك يا ود يا راحات سحبت بسرعة حكاية شركة (ال قسم السيد للتصدير والاستيراد) بتاعتكم دي من البروفايل بتاعك مما جبت ليك خبرها قبال ما الناس الداقسين ديل ما اعرفوا الحكاية وعنوانكم غينيا كوناكري نحن صاحين يا حبيب... حنجيب ليك خبرها في اليومين ديل .كدي بالله ورينا الشركة بتاعتك دي ظااطهاشغالة شنو.. وبتستوردوا شنو وبتصدروا شنو؟؟ وفعلا ود راحات في السودان السجمان الجعان الفقران وحكومتو بتاجر في (الهرار) ده عندك خدمات نت اربع وعشرين ساعة يعني فايق ومتجدع ترد علي هباني الكحيان...

وبدور اسالك سعال يا حبيبنا يا ولدي يا راحات وباين عليك راجل حقاني وود شفاف وما بتخاف : كدي ورينا عمرك كم سنة وقريت وين وشغال شنو وشركتكم دي قامت متين وبتصدروا شنو وبتستوردوا شنو؟؟

هكذا يصوروا السودان للعالم
الذى يصور السودان هكذا هو نظام الإنقاذ و ازلام الإنقاذ و المدافعين عن الباطل و كيزان السوء
عبدالماجد

الاخوة/ البرير وعبد الماجد


ان من يدافعون عن هذا الواقع الخـــــــــرائي بالتأكيد مستفيدون وهو واقع صار كثير من قياداته يتملصون منه وينفون ارتباطهم به خجلا وحياء ... ولكنه لا زالت هنالك براغيث وديدان ومارغوت وبلاعيط لا زالت تستمرأ العيش في زمن الدولة البرازية الكبرى وتستميت في الدفاع عنها باسم الغيرة الوطنية وجلهم من السراق واللصوص الذين يعيشون على استغلال ونهب هذا الشعب المغبون وبمال الشعب كانت شركات التصدير والاستيراد ومنها من برع اليوم في تجارة الخراء ال تصدير ال............. ولله في خلقه شئون

!!! DISH 500

هشام هباني
وليد

ياجماعة باركوها ، وما تخلونا فرجة للبيسوا والمابيسوا ، وما تنسوا نحن سودانيين وما تعودنا في ثقافتنا العامة نتناول الاشياء بالصورة دي ، خليكم واقعيين ومنطقيين عشان نسمو فوق الخلافات الهامشية والالفاظ الغير لائقة، وعشان المنبر مايكون زي السوق والشارع العام ودي الاماكن الممكن الانسان يسمع فيها مالايرضاه ويسمع فيها الالفاظ الما ممكن يسمعها في البيت ولا عند الجيران.

الوطن قارورة مافي واحد فينا بيرضى تكون مخدوشة أو مكسورة

لكم التحية وطولوا بالكم فالايام دول واستبشروا بالخير تجدوه.

انها فلسفة الطاغوت و تجارة القلوط !!!!!
يا هشام اخوى
عبدالماجد

فوق