الهلال السوداني يستعد للوداد المغربي بمباراة ضد المريخ

في مباراة تعتبر في اطار استعداد نادي الهلال للمباراة الكبيرة ضد نادي الوداد المغربي ضمن مباريات دور الثمانيه لبطولة كاس الانديه الابطال العربيه يلعب نادي الهلال مباراة ختام كاس السودان ضد نادي المريخ ...وسيستفيد الهلال كثيرا من هذه المباراه بيد ان نتيجتها لاتمثل له اهمية كبري بقدر ما هي اختبار حقيقي للاستعدادات ومعرفة نقاط الضعف ومعالجة السلبيات قبل اللقاء الكبير. فيما يمثل اللقاء اهمية كبري لنادي المريخ حيث تعتبر معركة كرامه لحفظ ماء الوجه بالنسبه للاعبي المريخ ولرد بعض الدين لمجلس اداره ناديهم الذي لم يقصر معهم وبذل كل غال ونفيس لذلك ستكون المباراه لهم مسألة حياه او موت....كان الله في عونهم

استعدوا جيداً .. لعل وعسى بعد كل هذه السنين!!!

يسمع من فمك...امين....اما من ناحية الاستعداد فما تخاف....بس ناقصين كديستكم ممكن تسلفونا ليها{ بعد نهاية المباراه طبعا}
تسلم علي المداخله ياراجل يا ذوق

الأخ الهلالابي الأصيل ياسر عبد القادر

صباحك رائع ورائق بطعم الهلال..
والله العظيم يا اخي أنا تخلصت من كل العادات الضارة ، لكن ما قدرت أتخلى عن تشجيع الهلال (طبعاً أنا مقتنع بأن الكورة السودانية لا ينافسها في المستوى إلا السياسة السودانية) لكن بصراحة الهلال ما بتخلى .. السودان ده تعرف فيهو ثلاثة أشياء جميلة، الهلال ووردي والنيل الذي لم يستفد منه إلا صائدو السمك والمساطيل.
مباراة الهلال والمريخ لا تعرف التكهنات ولا تخضع للظروف المحيطة ، وعموماً نتمنى أن يقدم الفريقان مباراة جادة ورائعة والنصر دوماً للهلال إن شاء الله.

الأخ راكوبة،،
مليون سلام واحترام،،
يا اخي أولاً ونيابة عن أصحاب الذوق الرفيع أحب أن أشكرك جزيلاً عن الإبداع الذي ظللت تقدمه لنا من طرب أصيل ، وبالمناسبة مبروك الموقع الرائع الذي أكملت تصميمه أخيراً..
لكن.. آه من لكن .. إنت عارف عيبك وما في داعي أقولو ليك..
وللضمان كده الليله حاول اتعشى بدري..

والله كويس نحن في مستوى الوداد ودا شرف كبير لينا لاننا فعلا البنجيب ليكم الكاسات المحموله جواً وانت قاعدين مكتفين ايديكم ومستواكم المحلي دا ماعارفين ينتهي متين شمباب الامل عطبره هلال بورتسودان اتمنى ان يكون لاعبي المريخ على قدر المسؤولية وفعلاً يعطوكم درس تستفيدوا منو عشان الحصة الكاربة مابتنسي مهما طال الزمن وفعلا نحن مستوانا الوداد والرجاء والاهلي المصري والزمالك وانت مستواكم لكصر الموريتاني وحرس الحدود


بس ياريت بعد مانديكم الدرس الخصوصي دا تستفيدوا ماتمشوا تجونا بالخمسات والستات (والرجال) وتفضحونا وتشرطوا عينا زي ماشرطوها من قبل خاصة امام دول المغرب العربي والله يستر

يعني بالواضح عاوزين كاس ماعاوزين برطعة في الفاضي لكصر حرس حدود دي من حظكم


ابومصطفى

الأخ ياسر :
صباحات الله بي خيرا ..
تعرف انا يوم مباراة هلال مريخ دي عندي طقوس كده كان ما عملتها ما برتاح ومن ضمنها عدم التعليق على المباراة في نفس يوم المباراة وعدم قراءة جرائد نفس اليوم وما بستحم وبلبس في اليوم ده يا أبيض يا أزرق وبكون مسكيييييييييييييييين عشان كده خلي ناس راكوبة وكيجا ديل الليلة يتفسحوا فينا وما حا أقدر أرد عليهم أسة لكن إن شاء الله بعد الكورة سواء غالب أو مغلوب حا أجي أرد عليهم ...
تخريمة :
نادراً ما أكمل مباراة هلال مريخ عبر التلفزيون ويا تلقاني لافي في الشوارع ساي ومتابعها بالتلفون يا تلفاني داخل ومارق في الشقة زي أم العروس ....
تمنياتنا لي هلال الملايين بمواصلة ما هو معتاد من فوز وتتويج في منصات الجماعة إن شاء الله ..

انت عارف ياعمر الفاروق الأمراض التي فيها دي وخاصة عدم (الاستحمام) دي اللوعة التي ادخلها فيكم لاعبي المريخ على مر السنين (يعني وبعيد عنك انك اصبت بمرض مزمن) امل من المولى عز وجل ان يزول
ودا دليل قاطع على عدم ثقتكم بلاعبيتكم ايه رايك تستحم قبل المبارة بيوم حمام طويل كدا بتاع كم يوم كدا لانو بالحال دا بكره ماحستحم وممكن بعدو وبعدو اعمل حسابك بتبرص

وانت خير متحدث عن حال الهلال وعن اللوعة الادخلها فيكم لاعبي المريخ بس ياريت البقية يعترفوا بطقوسك دي وانا متاكد في ناس طقوسهم اكتر من طقوسك دي دا لو ماجابت ليها طلاق وخرج ولم يعد وهكذا.....
وايديك العافيةويسكنك العرضة جنوب لانو العرضة شمال فيها التيجاني المحامي

بالمناسبة ليه مستشفى التيجاني الماحي قريبة من استاذ الهلال دا موضوع عاوز دراسة برضوا؟؟؟؟؟؟؟


ابومصطفى

وليه كل الطقوس دي لمباراه اقل من عاديه....انا بكتب ليك الان قبل المباراه...لكن اؤكد ليك انه اذا فاز الهلال سنذهب لننام عادي وكانو ماحصل حاجه...لكن اذا انهزمنا سنساهر لنعرف كيف هستر المريخاب واحتفلوا حتي الصبح...ولم يتركوا ناس الخرطوم الغلبانين ينوموا...حيث ان الموضوع في حد ذاته انجاز لايدانيه انجاز...مع ودي وتقديري

مرحبا اخي كيجا....اولا منو القال ليك انتو في مستوي الوداد ...احنا قلنا بنستعد بيكم للقاء الوداد يعني مباراة تجريبيه فقط...اما المستوي المحلي فيكفي ان لكم ثلاث سنوات لم تفارقوا الدور الاول في بطولات الصف الثاني...وهي بطولات الثانويه يعني ليست بطولات ابطال الدوري التي يحتكرها الهلال لزمن طويل ووصل لنهائياتها مرتين ودا اكبر انجاز حقيقي للكره السودانيه اما انتو خليكم في تاريخكم القديم دا كلو كاسات سيكافا ودبي وهلم جرا من المنافسات النكره بس اعلامكم المضلل خلق منها بطولات زائفه ووهميه... اللهم الا كاس منديلا وهو بطولة ثواني الدوري يعني برضو ما الابطال وعموما اصبحت ماضي في ماض ولو ماكانت ضربه حظ لماذا لم تكرروها او تدافعوا عن لقبكم ......برضو ليك كل الود

Quote: وللضمان كده الليله حاول اتعشى بدري

نصرالدين
تحياتي
انا حكاية العشا دي خليتها من بدري ، كفاية اتمشا!

جري شديد وناس المنشطات يمتنعون

اخي نصرالدين... مشكور علي الطله يااصيل...وحب الهلال واجب علينا ومفخره..ودمت

يا كيجا:

Quote: انت عارف ياعمر الفاروق الأمراض التي فيها دي وخاصة عدم (الاستحمام) دي اللوعة التي ادخلها فيكم لاعبي المريخ على مر السنين (يعني وبعيد عنك انك اصبت بمرض مزمن) امل من المولى عز وجل ان يزول ودا دليل قاطع على عدم ثقتكم بلاعبيتكم ايه رايك تستحم قبل المبارة بيوم حمام طويل كدا بتاع كم يوم كدا لانو بالحال دا بكره ماحستحم وممكن بعدو وبعدو اعمل حسابك بتبرص وانت خير متحدث عن حال الهلال وعن اللوعة الادخلها فيكم لاعبي المريخ بس ياريت البقية يعترفوا بطقوسك دي وانا متاكد في ناس طقوسهم اكتر من طقوسك دي دا لو ماجابت ليها طلاق وخرج ولم يعد وهكذا..... وايديك العافيةويسكنك العرضة جنوب لانو العرضة شمال فيها التيجاني المحامي بالمناسبة ليه مستشفى التيجاني الماحي قريبة من استاذ الهلال دا موضوع عاوز دراسة برضوا؟؟؟؟؟؟؟ ابومصطفى

اللهم إن الهلال والمريخ لاعبين الليلة
بس خليني أحلل صيامي وبجيك

للمـــــــــريخ

برغم الهدف الصحيح مائتان بالمائه وتم الغائه تحت دهشة الجيع وبرغم ضربة الجزاء الصحيحه مائه بالمائه ولم تحتسب.. وبرغم هطرقات العجب وقلق التي ذهبت ادراج الرياح.....سنقول لكم بكل الشفافيه مبروك بشرط الا تهولوا الموضوع وتعطوه اكثر مما يستحق خاصه اعلامكم المضلل ارجو الايصور لكم انكم احرزتم كاس العالم للانديه...انها مجرد منافسه ثانوية ليست رئيسيه

ياسر
هاردلك
بعد مباراة الأمس قرر الوداد إرسال الصف الثاني كما فعل من قبل الترجي وأرسل لكم الصف الثاني

اخي راكوبه..واخبره ايضا بان يرسلوا حكام من الصف الرابع من عندهم لانهم سيكونون اصدق واكثر شفافيه من صفنا الاول الذي شاهدناه بالامس...وبعدين تيم الامس هذا اليس هو صفكم الوحيد من العواجيز والخرد {قبل التصفيه القادمه طبعا}الذي لا ثاني له. عموما اين تحديات العجب وقلق وخلافه الم تذهب اذراج الرياح بعد ماقبضوا المليارات....عموما كما ذكرت لن اعطي الموضوع اكثر من حقه لانه كما ذكرت في اول البوست...واترككم لافراحكم لانكم محتاجين ليهالانكم طولتوا جدامنهاولنلتفت نحن لما ينتظرنا من مواجهات مع ابطال العرب من امثالنا

ياسر
براحه ما تنفعل، ما أصلا أي حكم في الدنيا أول ما ياخد الشارة الدولية، بوصوهوا بس يحكم لي فريق اسمهو الهلال السوداني لازم يهزموا
أفريقياً
عربياً
محلياً
موزبيقياً!!!
النغمة تكررت كثيراً ومللناها والله!!
أما تشكيل المريخ فهم جلهم من الشباب باستثناء العجب وجندي نميري الذي دخل فقط لتنفيذ ركلة الترجيح الصائبة.
والحالة الواد ميدو اللعاب بره، يعني اتأكدتوا مافي دبل كيك ولا حاجة خارقة، قصرنا معاكم؟!
وحكاية تفرغكم لمقابلة أبطال العرب ، الوداد بطل عربي وافريقي لكن انتو بطل شنو؟!!
يمكن اختوا كاس من ورانا ولا حاجة!! أفيدنا أفادك الله

يا سيدي الكريم لم انفعل ولن انفعل لتوافه الامور...ثانيا اري ان صوتكم قد ارتفع قليلا ونبرته قد تغيرت...حمدا لله علي السلامه فقد نجوتم من دمار نادي المريخ الذي كان قاب قوسين او ادني لولا ستر الله...ثالثا انتم لم تهزمونا داخل المباراه وانم ضربت الجزاء والتي تحتكم للحظ فقط وليس غيره..وكل ماخرج منكم من زبد قبل المباراه قد ذهب ادراج الرياح.
اما عن الوداد اتفق معك في انه بطل ويلعب في بطوله ابطال لذلك سنلعب ضده...ايكفي هذا ام لا

الأخ ياسر
صوتنا مرتفع دايماً وواصل، أصلنا الوحيدين الرافعين اسم السودان! ومن غيرنا؟
والنادي الذي ينهار ويدمر من ضياع بطولة أو اثنتين كان بالأولى ان يدمر النادي الذي فشل طيلة تاريخه وحتى هذه اللحظة في تحقيق انجاز!!
أما ركلات الترجيح فهي بها جانب للحظ وجانب للمهارة والخبرة، وعلى العموم كرة (الكان) لا تنطبق عليها اياً من الشرطين أعلاه! لا خبرة لا مهارة لا حظ!!!
أما مباراة الوداد، فقلبي فعلاً على الوداد المسكين!!!
ومسكين البدا يأمل

تحبوا نجهز ليكم اعلام الوداد البيضاوي لمؤازرته من الان

والله يا ياسر من باب المعاملة بالمثل، ممكن، لكننا أحسن منكم
في مباراة المولودية لم يصبر مشجعو الهلال إلا دقيقة واحدة، خاصة مع ضغط المولودية في الخمس دقائق الأولى للمباراة، فراحو يطلقوا الصيحات "ويي ووه اه عييك" فكان منظرهم مخجل للغاية، وهم الحاضرون للمباراة بالأعلام والدفوف لمساندة المريخ!!!

Quote: ريكاردو يستبعد الفصل بركلات الترجيح أظهر مدرب الهلال ريكاردو تفاؤلا واضحا في مقدرة فريقه على تحقيق الفوز على المريخ ونيل بطولة كأس السودان دون الحاجة للفصل بركلات الترجيح حيث درب البرازيلي اللاعبين امس الاول وامس على جميع التدريبات عدا ركلات الترجيح . وكان الهلال قد وضع اللمسات الاخيرة لقمة اليوم من خلال تدريب خفيف امس لمدة 45 دقيقة خصص ريكاردو الجزء الأكبر منه لتدريبات تكتيكية واختتمه بتقسيمة بين المرشح والمرابط إنتهت بفوز الاول بثلاثة اهداف نظيفة تبادل في إحرازها كل من قودوين .. بيتر جيمس وهيثم طمبل .

برازيلي آآآآآآآآآآآآل

• على جماهير المريخ (الصديق) الا تفرط فى أفراحها...فالأسد الهلالى الذى رأيناه بالأمس قد تعامل بقانون الصفح عند المقدره!
• لم أكن أرجم بالغيب حين كتبت

  Quote: وكهلالابى أقول أننى غير كثير مبالٍ بما ستؤول اليه نتيجة المباراه...فإن أتانا الكأس فزيادة لماء البحر...وإن ذهب بعيداً-جنوباً- عنا.. فكفاية من أعين (حوصاء)..ومن شر حاسدٍ إذا حسد!

• حضرتُ مباراة الأمس وانا فى حالة إسترخاء كامل...وينتابنى إحساس بالشفقه عندما تصل الكوره الى أقدام فتية المارد الأزرق!
• مصدر الشفقه هو أننا لا نريد لأحبابنا البهدله أكثر من هذا...كما لا نريد لهم فقدان رئيسهم الخلوق السيد جمال الوالى!


• دخول رأسمال وطنى واعى بمقدرة السيد جمال الوالى فى مجال كرة القدم هو إنجاز يجب أن نعض عليه بالنواجز!
• على جماهير المريخ ألا تنسى أن فى إحتياطى الهلال بالأمس كان يجلس خالد جوليت والنذير محمود وإسحق كرنقو!
• وهذا بديل لا يوجد له نظير فى قائمة المريخ الأساسيه...ولو توفر للسعد من أمثالهم لما لعب ميرغنى كنيد أوفيصل العجب!
• إسترخاء لاعبى الهلال وجماهيره داخل الإستاد وخارجه كان فيه رساله واضحه للحكم ومعاونوه!
• الحكم كان واعياً ووطنياً حينما بذل جهده للحفاظ على معادلة الكره فى بلادنا الحبيبه!
• ماذا سيكون الحال إن حسب الهدف الصحيح..أو صفَّر فى ضربة الجزاء الواضحه كالشمس؟!
• الحكم ورجال خطوطه كانوا وطنيين للغايه...وعلى جماهير الهلال ألا تترصدهم فى المستقبل!
  
• مدرب الهلال الشاطر دفع ببيتر جيمس كبروفه لمباراة الوداد الدوليه!


• مثلما كان مدربنا بعيد النظر...على جماهير الهلال أن تكون واعية ايضاً...وأن تطوى صفحة مباراة الأمس سريعاً!
• تنتظرنا مهام جسام تبدأ بمباراة الوداد...ثم دورى الأبطال الأفريقى الذى لا يلعب فيه إلا الكبار!
  
• الذى أخافنى فى مباراة الأمس هو المستوى المهزوز الذى ظهر به دفاع الهلال...وعلى مدرب الهلال إعتبار هذه المباراه بروفه للوداد والعمل على معالجة الثغرات سريعاً
  
• أعرف-تماماً- أن فتية الهلال قادرون على معالجة هناتهم...وأعرف-تماماً- أنهم يتعاملون بمقولة لكل مقامٍ مقال!
• فى مباراة الوداد سنشاهد ريتشارد آخر...ومرق آخر...وجبريل آخر!
  
• وعلى قدر أهل العزم تأتى العزائمُ...!
• على جماهير الناديين ألا تفرط فى المشاحنات والمهاترات...لأن هناك خطر داهم يتهدد وجود العملاقين الأزليين!
• لم أكن ارجم بالغيب حين كتبت:

  Quote: على الجماهير أن تحاصر هذا الإتحاد الجبان وتعمل على مقاومة قراراته الجائره فى حق لعيبتها وتفضح أفقه الضيق الذى يعمل على تدمير الفرق لمصلحة طموحات شخصيه جداً جداً..

• كتبت هذا الحديث قبل إنعقاد الجمعيه العموميه المهزله....وقبل إسبوع بالتمام!
• 
  تحالف جماهير الناديين ضد هذا الإتحاد الهنبول هو واجب المرحله الحاليه العاجل!
• جماهير الهلال + جماهير المريخ=الشعب السودانى!
• الشعب الذى قذف بالدكتاتوريه المايويه الى مزبلة التاريخ...والشعب الذى أفشل المشروع (الحضارى) هو مؤهل-تماماً- بالإطاحه بذلك الطاؤوس العجوز!
• نسيت أقول ليكم الف مبروك يا مريخاب!

اخي الاعز الي من نفسي....ابحث كثيرا عنك...احتاج لبعض الوقت لنستانس سويا ونسترجع بعضا من الذكريات
اتفق معك في ما ذكرت اخي واؤيد ما خطه يراك الجميل ...لك كل الود

اخي الاعز الي من نفسي...مكي....ابحث كثيرا عنك...احتاج لبعض الوقت لنستانس سويا ونسترجع بعضا من الذكريات
اتفق معك في ما ذكرت اخي واؤيد ما خطه يراك الجميل ...لك كل الود

العزيز راكوبة ..
سلام ..
وانتو حا تقابلوا المولودية متين ..؟؟؟؟

أخونا سيف
تحياتي..
هاردلك
المولودية بطل الجزائر وبطل أفريقيا؟ ولا غيروا
قابلناه وأخرجنا بفارق هدف
ولك أن تقارن بين مباراتنا ضد المولودية ومباراتكم ضد (لكصر) و(الهجانه) الذين يمثلون للمرة الأولى في تاريخهما ويتشاركون مع الهلال في عدم حصولهم حتى الآن على أي إنجاز خارجي!!
اعتقد أن قرعة الدور الاول كانت عادلة!!
وعقبال تجاوزكم للوداد المغربي

سلام يا شباب
التحية ل yassir Abdelgadir
مكي ...
تحياتي
بتجيب الكلام الأزرق ده من وين؟
راكوبة إحترامي يا أخي والله
فقد حاولت تشكر الراكوبة في الخريف
ودي
بوعسل أبوعسل

انشاء الله بس تكونوا التجربة ناجحة

بعدين قوون شنو المنقوض وضربة جزاء شنو

كان فيكم فائدة كنتو سويتو حاجة في الـ90 دقيقة الباقية دا غير الزمن الاضافي


وين كنتو

عليكم الله في حصل مره اتغلبتوا ماقلتو تحكيم ياخي بالطريقة دي والله كاس واحد محمول جوا مابتشيلوا

يديكم العافية

ابومصطفى

سلام للجميع
يا أبو مصطفى يا أخوي
الهلال ده يشيل ليهو كأس محمول جوا ليه؟
الهلال لاعب في الجو و لا لاعب اساسا في السودان
كفاية إنه بيشيل الكاسات من قدام أصحاب الفرقة التانية" المحمولة جوا"
الحمد لله شفتا في حياتي دي الهلال بيلطش في المريخ برباعية ضمن مسابقة الدوري السوداني الممتاز
و الحمد لله شفتا كابتن المريخ المهذب جدا منتصر الزاكي و هو بشيل الكورة و بيطلع بيها بعد ما كان الهلال متقدم اتنين صفر في الشوط الأول و الحكم محتسب ليهو ركلة جزاء.. و برضو تقولي شنو و تقولي منو؟
أما دوري الأبطال العرب و المستعربين و دوري رابطة الأبطال الإفريقي فممثل السودان شبه الدائم فيها فهو الهلال.. و تقدر تقول لي ليه؟ أظنه عشان اللجان المنظمة للبطولات دي و اتحاد شداد بيحبوا الهلال ساكت و عاوزنه يمثل..!!!
و بعد ده كله إنتو دلوقتي بتعرضو برة الحلبة، قصدي حلبة الأبطال، لحدي الموسم الجديد و فيه حتشاركوا في بطولة الكونفدرالية مش دوري رابطة الأبطال..
تحايا مليونية لراكوبة
و لسيد البوست ده

لك الشكر اخي ابوعسل ومرحبا بك ولي عوده لحديثك الشيق.
الاخ كيجا مرحبا بك ايضا ولي عوده لحديثك بس عليك ان تكون اكثر منطقية وواقعيه وسعة صدر وهي اوصاف لم نجدها حتي الان من الاخوة المريخاب..ولك الشكر ايضا

نعم...لقد انتصر الهلال بهدف ولكن.......القادم أصعب وأصعب...ليس مستحيلا

اداء الهلال امام الوداد جاء جيدا وظهرت بصمات ريكاردو واضحه ولكن مشكله انهاء الهجمه لاتزال علة الكره السودانيه.
اضاع قودوين فرصه لا تضيع.
هناك امل في تخطي الوداد

مظهر الهلال غير مطمئن خاصة خط الدفاع، وتهور المعز محجوب الذي كاد أن يتسبب في هدف مبكر في بداية المباراة.
أضاع رماة الوداد عدة فرص سانحة للتسجيل، وبقليل من الحظ كانت النتيجة ستكون عكسية.
غاب عن الوداد المدافع محمد بن شريفه وأعتقد الهاجم رقم 11 عبد الرحيم الصعيدي الذي له هدفين في البطولة حتى الآن.
المباراة سوف تكون خارج ملعب الوداد، للعقوبة التي وقعت عليه من الاتحاد العربي، وعلى الرغم من ذلك فإن هذه الخاصية ستكون سلاح ذو حدين في مواجهة الهلال.

الاخ راكوبه: الاحظ ان ملاحظاتك كلها سلبيه عن اداء الهلال ولكن سأرد عليك كالاتي:
الهلال بطل السودان وممثله الاوحد لعب امام الوداد بطل المغرب واحد اقوى فرق افريقيا ان لم يكن اقواها علي الاطلاق. دفاع الهلال ابدع واجاد كما لم يبدع من قبل بقيادة المايسترو ريتشارد وقفل كل المنافذ علي محترفي الوداد وعمالقته. المعز محجوب عملاق لايشق له غبار والدليل شباكه العذراء حتي الان في دوري الثمانيه للانديه الكبار ولفظ التهور لايمكن ان يطلق عليه من ناحيه الواقع.
اخيرا نحن
لانحتاج الي معلومات عن نادي الوداد فقد صرعناه عنوة واقتدرا ووفروها يمكن تقابلوهوا في يوم ما...ربما

Quote: المعز محجوب عملاق لايشق له غبار والدليل شباكه العذراء حتي الان في دوري الثمانيه للانديه الكبار ولفظ التهور لايمكن ان يطلق عليه من ناحيه الواقع.

الأخ ياسر
سلامات

كنتوا عاوزين تستقبلوا أهداف من (لكصر) وسلاح الهجانة المصري كمان ولا شنو!
وكفاية فضيحة سيكافا، وأخطاء المعز القاتلة التي كلفت الفريق القومي الكثير، بمصاحبة الدفاع الهمام!!
وهاك التقرير ده ، من صحيفة الهلال الأولى " قوون"، عن مستوى أبوستة شريف والمعز

أما

Quote: صرعناه عنوة واقتدرا

فالهدف جاء من توفيق كبير، والكرة ضربت في المدافع، بعدما فشل طمبل في التعامل معها من "الفيرست تايم" .. وضحكتني عنوة دي
وعلى الأقل أشكرونا لأنو باين (المباراة الاستعدادية) آتت أؤكلها!

.

أخونا ياسر عبد القادر
..وجميع الأخوة عشاق الموج الأزرق
تهانينا بالانتصار .. وإن شاء الله يتكرر في مباراة الإياب


.............

راكوبة يا حاقد
بمناسبة فوز سيد الاتيام
وبافتراض انو عندك روح رياضية( الله يعلم تفتكر ... مريخابي ًَُ
دايرين لينا أغنية من بيت الكلاوي
هدية للملايين من عشاق الأزرق الدفاق


ونحن حندعو ليكم انو الأيام تسمح للمريخ انو يشارك ولو لمرة في منافسات الكبار .. بقصد " الأبطال "

منتظرين هديتك

أخونا حاتم
مبروك الفوز، والهدف (الحظ) الفوق ده ما هدية ، غايتو بالأمس أثبت هيثم طمبل أنه نصف مهاجم ، ويفتقد للمهارة اللازمة في كثير من الأحيان، ولو وجد بعض من حرفنة هيثم مصطفى لقدم الكثير للهلال.
وبالأمس أيضا فشل (إسرائيل) وتم استبداله واخوة (قودوين) بعدما أضاع فرصة ذهبية للتقدم قبل الهدف.
والفريق الذي يضيع الأهداف يعاقب ودون رحمة، وحسبك مباراة المريخ والمولودية بالسودان.
وتفضل الهدية دي ، برضو من فنان مريخي حتى النخاع
لك كل الود و(الوداد)
زرعوك في قلبي .. عبد الكريم الكابلي

.


شكرا يا راكوبة يا راجل ..يا راقي
هديتك رايعة بجد










...أخخخخخخخخخخخخ بس لو عدت لرشدك

حاتم
أعود لرشدي ولا لودادي؟
الرشاد حوالينا ومغطينا وننعم به ونفاخر في حضرة المريخ العظيم، أما الوداد فنتطلع له

راكوبه ياخوي كدي خليك في شغل الاغاني دا اظنك فالح فيهو ...وطلع لينا اي غنيه لي فنان مريخابي ولا هندي مافي مشكله المهم يغني....ولمن نرجع للمستوي المحلي بنقدر نتفاهم معك في الكوره بعدين

Quote: راكوبه ياخوي كدي خليك في شغل الاغاني دا اظنك فالح فيهو

ما تفقد المنطق طوالي كده، لسه في أمل .. وباقي وداد!

......صدقني ياراكوبه لم اصادف حتي الان اي احد من اهل المريخ يحتكم للمنطق..حتي انت الان تثبت هذا التشخيص...عمومالنا عوده لكم فقط انتظرونا حتي نفرغ من مهامنا الدوليه ونرجع ليكم...ولك التحيه علي الاغنيه الجميله

ياسر
تمشو وتجو بالسلامة وتلقونا نحنا يانا نحنا وكمان "حافظين لي ودادك"..
أما المنطق والحسابات، لو أقمتها قليلاً ستغير رأيك أيضاً.
وكويس انو الأغنية برضو لسه ليها دور!