Post: #1
Title: بتعملوا شنو فى الحالة دى يا ناس
Author: وفاء تاج الدين
Date: 12-11-2005, 12:33 PM
لو صحيتو من النوم لسة بتقولو يا فتاح يا عليم يا رزاق يا كريم وعيونكم ما فتحت زى الناس ذاتو وقايمين زهجانين كدة بدون سبب
بتعملو شنو
|
Post: #2
Title: Re: بتعملوا شنو فى الحالة دى يا ناس
Author: خدر
Date: 12-11-2005, 12:59 PM
Parent: #1
بنوم تاني 
|
Post: #3
Title: Re: بتعملوا شنو فى الحالة دى يا ناس
Author: على احمد على
Date: 12-11-2005, 01:24 PM
Parent: #1
عليك بالوضو
|
Post: #4
Title: Re: بتعملوا شنو فى الحالة دى يا ناس
Author: وفاء تاج الدين
Date: 12-11-2005, 02:31 PM
Parent: #1
اها ولو قمت بها تانى
|
Post: #5
Title: Re: بتعملوا شنو فى الحالة دى يا ناس
Author: mohamed osman bakry
Date: 12-11-2005, 02:44 PM
Parent: #4
| Quote: اها ولو قمت بها تانى |
جري علي الحمام
وفي الحوض
أنوم تاني
|
Post: #6
Title: Re: بتعملوا شنو فى الحالة دى يا ناس
Author: بدر الدين الأمير
Date: 12-11-2005, 02:46 PM
Parent: #4
وفاء لك الوفاء: نقول
( دنيا لايملكهامن يملكها أغنى اهليهاسادتها الفقراء)
الكلام : للفيتورى من ديوان مقطوعة لدرويش متجول
بدرالدين الامير
|
Post: #7
Title: Re: بتعملوا شنو فى الحالة دى يا ناس
Author: Muna Khugali
Date: 12-11-2005, 03:04 PM
Parent: #6
أقول للزهج الليلة يا أنـا يا إنت..وطـبعا في النهاية لازم أكـون انـا!
مـني
|
Post: #8
Title: Re: بتعملوا شنو فى الحالة دى يا ناس
Author: وفاء تاج الدين
Date: 12-11-2005, 03:09 PM
Parent: #1
Quote: جري علي الحمام
وفي الحوض
أنوم تاني |
ههههههههههههههه
بعد الضحكة دى اكيد الزهجة بتكون فكت حبة
|
Post: #9
Title: Re: بتعملوا شنو فى الحالة دى يا ناس
Author: samo
Date: 12-11-2005, 03:12 PM
Parent: #1
بجري على التلفون واكلم حبيبتى ..
وبس.
|
Post: #10
Title: Re: بتعملوا شنو فى الحالة دى يا ناس
Author: وفاء تاج الدين
Date: 12-11-2005, 03:17 PM
Parent: #1
جزاك الله خير بنصيحتك الحلوة دى
|
Post: #11
Title: Re: بتعملوا شنو فى الحالة دى يا ناس
Author: Tumadir
Date: 12-11-2005, 03:21 PM
Parent: #10
بسلم عليك ...وفاقداك
|
Post: #12
Title: Re: بتعملوا شنو فى الحالة دى يا ناس
Author: وفاء تاج الدين
Date: 12-11-2005, 03:45 PM
Parent: #1
| Quote: بسلم عليك ...وفاقداك |
فـــــاقداك أنا وضربت لك وخليت لك رسالة الصباح
|
Post: #13
Title: Re: بتعملوا شنو فى الحالة دى يا ناس
Author: Eng. Mohammed al sayed
Date: 12-11-2005, 03:52 PM
Parent: #1
عندي كتاب تفسير إبن سيرين تحت المخدة بصورة دائمة ألحق أترجم الرؤيا الرئيتا قبل ماتدخل عليها سيناريوهات من أحداث اليوم وتلخبط الأحداث,أو تتنسي الرؤيا مع المشغوليات,وبكدا أعرف البي والعلي .أوإزداد ثقة في تصرفاتي.
أما إذا ماكان في رؤيا ودي نادرة جدا,(حياتنا بقت هلوسة كلها), بنوم تاني خمسة دقائق ,ودي بتكون أحلي من النومة الاصلية,أما إذا كان عندي دوام, علي الحمام مباشرة,الدش أكتر حاجة أحبها في الدنيا,رغم إنوا السخان محروق الأيام دي والموية بااااردة,(أعملوا لي صندوق عشان أصلحوا).
|
Post: #14
Title: Re: بتعملوا شنو فى الحالة دى يا ناس
Author: نادية عثمان
Date: 12-11-2005, 04:55 PM
Parent: #13
بجيب عروسة ناندى واقعد العب بيها !!
|
Post: #15
Title: Re: بتعملوا شنو فى الحالة دى يا ناس
Author: عصمت العالم
Date: 12-11-2005, 05:37 PM
Parent: #14
العزيزه وفاء..
توضى..صلى ركعتين...واستغفرى..ورددى يا لطيف..
واحساس الراحه سينسرب اليك فى هدوء ودعه..
وتنفرج الازمه...
اتكلى امرك لله..فهو عون وحرز وعطاء غير محدود ولا مسبوق..
واكثرى من الصلاه على الرسول ..صلى عليه الله وسلم
عميق ودى
|
Post: #36
Title: Re: بتعملوا شنو فى الحالة دى يا ناس
Author: وفاء تاج الدين
Date: 12-12-2005, 11:02 PM
Parent: #15
العزيز العالم
| Quote: توضى..صلى ركعتين...واستغفرى..ورددى يا لطيف.. |
دائما لكلماتك وقع خاص .. يكفى حضورك البهى بهذه النصيحة الكنز
كن بكل الخير وتحياتى لك وللأسرة
|
Post: #16
Title: Re: بتعملوا شنو فى الحالة دى يا ناس
Author: عبد الحميد البرنس
Date: 12-11-2005, 05:41 PM
Parent: #14
الأستاذة وفاء:
بقول عند يوم يبدأ في الخامسة والنصف صباحا: "والله البلد دي صعبة خلاس" وأمشي للشغل. "مسلم أمري لله ودعوات الوالدة". مع تقديري.
|
Post: #17
Title: Re: بتعملوا شنو فى الحالة دى يا ناس
Author: نادية عثمان
Date: 12-11-2005, 05:52 PM
Parent: #16
لسة زهجانة ياعسللى ؟؟
|
Post: #37
Title: Re: بتعملوا شنو فى الحالة دى يا ناس
Author: وفاء تاج الدين
Date: 12-12-2005, 11:10 PM
Parent: #16
المحترم عبد الحميد البرنس
شكرا لمرورك الجميل
| Quote: والله البلد دي صعبة خلاس |
غايتو البلد خليها ساى ...الحمد لله
وتعجبنى جدا مقولتك لك مثل ما فى قلب أمى لى من دعاء
|
Post: #18
Title: Re: بتعملوا شنو فى الحالة دى يا ناس
Author: وفاء تاج الدين
Date: 12-11-2005, 06:34 PM
Parent: #1
بدر الدين الأمير
شكرا لمرورك الجميل واليك هذه
Quote: ورحت تنفخ فيهم منك
ترفعهم ، فيسقط البعض
أو تبنى ..فينكسر
أردت تخلق أبطالاً ، تعيد بهم
عصر النبوة والرؤيا ، فما قدروا
هتفت : ياعمر
مكتوب لك العمر
وليس ينقص فيك الجهد والسهر
وإنما تنقص الاعمار في وطن
يغتاله القهر، أو يغتاله الخطر
!وقلت..
والشاهدان ، اللّيل والسفر
وشغلة في مدار الكون تستعر
هذي الطيور التي احمرت مخاليبها
فوق الصخور لنا
ولتستح الحفر
وسرت غضبان في التاريخ
لا عنق إلأ ومنك على طياته أثر
تصفو ، وتجفو
وتستعلي ، وتبتدر
وتستفز ، وتستثنى ، وتحتقر
هذا زمانك
لا هذا زمانُهم |
للفيتورى
|
Post: #19
Title: Re: بتعملوا شنو فى الحالة دى يا ناس
Author: وفاء تاج الدين
Date: 12-11-2005, 07:15 PM
Parent: #1
| Quote: أقول للزهج الليلة يا أنـا يا إنت..وطـبعا في النهاية لازم أكـون انـا! |
الجميلة خالتو منى
عارفة ..مرات بحاول اتحدى الحالة زيك كدا ومرات بستسلم والأستسلام بيكون أكتر
|
Post: #20
Title: Re: بتعملوا شنو فى الحالة دى يا ناس
Author: وفاء تاج الدين
Date: 12-11-2005, 09:42 PM
Parent: #1
eng mohamed
سلامات
| Quote: ,(أعملوا لي صندوق عشان أصلحوا). |
ههههههههههههههه
|
Post: #21
Title: Re: بتعملوا شنو فى الحالة دى يا ناس
Author: وفاء تاج الدين
Date: 12-11-2005, 11:08 PM
Parent: #1
samo
سلامات
و بختك بالحبيبة البتفرق بيك
|
Post: #27
Title: Re: بتعملوا شنو فى الحالة دى يا ناس
Author: samo
Date: 12-12-2005, 00:30 AM
Parent: #21
| Quote: و بختك بالحبيبة البتفرق بيك |
هي لكن .. كيفن تكون حبيبة اذا مافرقت لي
؟؟؟ 
|
Post: #64
Title: Re: بتعملوا شنو فى الحالة دى يا ناس
Author: وفاء تاج الدين
Date: 12-14-2005, 03:53 AM
Parent: #27
يا samo
| Quote: كيفن تكون حبيبة اذا مافرقت لي |
مرات الحبيبة هى سبب التنشنة ولا شنو???
|
Post: #22
Title: Re: بتعملوا شنو فى الحالة دى يا ناس
Author: Emad Abdulla
Date: 12-11-2005, 11:20 PM
Parent: #1
وفاء ..
( لعنتُ كافورا .. ونِمْتُ مقهورا )
شُفتي .. ؟؟؟
أمل دنقل كان تفتيحه ..
جربي الوصفة دي ..
يمكن تحيق في ( ناس القصر والمنشية ) ..
يمكن ..
|
Post: #23
Title: Re: بتعملوا شنو فى الحالة دى يا ناس
Author: وفاء تاج الدين
Date: 12-11-2005, 11:45 PM
Parent: #1
emad abdulla
سلامات
ليتنا مثلهم فقال ايضا هذا العظيم
Quote: كلُّ باقهْ..
بينَ إغماءة وإفاقهْ
تتنفسُ مِثلِىَ - بالكادِ - ثانيةً.. ثانيهْ
وعلى صدرِها حمَلتْ - راضيهْ...
اسمَ قاتِلها في بطاقهْ |
!
|
Post: #24
Title: Re: بتعملوا شنو فى الحالة دى يا ناس
Author: Emad Abdulla
Date: 12-11-2005, 11:59 PM
Parent: #1
وفاء ..
( أبشري .. سُبينا .. وأيم الحق )
..............
قلت لكم في السنة البعيدة
عن خطر الجندي
عن قلبه الأعمى، وعن همته القعيدة
يحرس من يمنحه راتبه الشهري
وزيه الرسمي
ليرهب الخصوم بالجعجعة الجوفاء
والقعقعة الشديدة
لكنه.. إن يحن الموت..
فداء الوطن المقهور والعقيدة:
فر من الميدان
وحاصر السلطان
واغتصب الكرسي
وأعلن "الثورة" في المذياع والجريدة ..
...............
تأملي ..
عرفتي الزهج جاي من وين ؟؟؟
دواير دواير دواير .. مشبكة ملصقة ملخبطة ..
وكلها مربوطة بالـ ( كاكي أب دقنا كضابة ) ..
|
Post: #25
Title: يعني توارد خواطر ولا شنو..
Author: عبدالغني كرم الله بشير
Date: 12-12-2005, 00:12 AM
Parent: #1
حاليا بقرأ في موضوع اسمو (الرحلة الليلية للروح)، وهي رحلة يومية تقوم بها الروح، بعد النوم، وهو كتاب (جوستاف يونج)، هذا المحلل والمفكر النفسي الكبير، وطبعا النوم عالم كبير، خصب، وخلاق، (حتى الحيوانات تحلم)، وللحق مجرد أن نغوص في النوم ترحل النفس لعالم آخر، أكثر ثراء وخصوبة، فالدنيا، دنياوات، وبالمناسبة أكثر اسباب الدبرسة بتجي من الرحلة الليلية دي للروح، عشان كدة أ غلب الانبياء والمصلحين بسألوا تلاميذون في فجر كل يوم (شفتو شنو في الرؤى)، والماشاف يكون أعمى، فالإنسان (لا تأخذه سنة ولا نوم)، فقلبه نابض حتى وهو نائم، والقبر (يعتبر موت مجاز)، لأنو روض من رياض الجنة...والرحلة طويلة، طويلة (زي ما بقول النور الجيلاني)،والنوم بتشوف بكرة (رؤية يوسف)، وفي النوم بنحل كثير من المشاكل والعقد النفسية، ومش كدة، كمان بنقلى حل لمعضلات فكرية، فكثير من المفكرين لقو حل مشاكلهم في النوم (عشان كدة أنفضي عن النوم الشكل التقليدي)، وسوف تري أنه رحلة لعالم آخر، أكثر بهاء وغموض، وحاتجي (لليقظة)، مليانة شعور وصفاء، وأكثر كمان... فلا سلطان لقدرة الإنسان في النوم، فهو يطير، ويقفز من حقبة لحقبة أخرى، (أكثر ثراء)، وهناك باحث سوداني مغمور كتب كتاب رائعة أسمو (الانفلات الحلمي)، إنشاء يقع في عينك، قد تلقي في المكتبة الشعبية (على رصيف الجامع الكبير)، أصلو ممنوع من المكتبات، لأنو (الهوس النفسي)، منعو من النشر، ودقي يامزيكة..
عشان كدي يا اختي وفاء، شوفي روحك دي مشت وين في النوم، شرقت ولا غربت...
مع ألذ نوم، وألذ يقظة...
|
Post: #48
Title: Re: يعني توارد خواطر ولا شنو..
Author: قرشـــو
Date: 12-13-2005, 04:23 AM
Parent: #25
الاخت وفاء
استأذنك للرد على الاخ عبدالغنى كرم الله بشير الذى ورد فى مداخلته ما يلى :
Quote:
فالإنسان (لا تأخذه سنة ولا نوم)، فقلبه نابض حتى وهو نائم، |
هذا الوصف الذى أتيت به سيدى بين هلالين ورد فى حق المولى عز وجل فى سورة البقرة فى اية الكرسى ولا يجب ان نطلقه على الانسان لان الانسان يموت فى كل يوم حين نومه كما قال المولى عز وجل كذلك ورغم احترامى للدراسة التى أتيت بها ولكنها جانبت الصواب فى هذه النقطة تحديدا وهى تبدو كفلسفة الهندوس الذين لا يأمنون بالله تعالى ورغم ان الحكمة ضالة المؤمن حيثما وجدها فهو احق بها ولكن ان توافقت مع مبادىء ديننا الحنيف..
ارجو قبول ملاحظتى بلا حساسية سيدى
مع تحياتى
|
Post: #26
Title: Re: بتعملوا شنو فى الحالة دى يا ناس
Author: وفاء تاج الدين
Date: 12-12-2005, 00:27 AM
Parent: #1
عبد الغنى كرم الله بشير
اولا مرحب بيك فى البورد ثم فى البوست ..
أعجبنى ما أوردت وأعجبنى أكثر هذا التعبير الهوس النفسي
| Quote: قد تلقي في المكتبة الشعبية (على رصيف الجامع الكبير)، أصلو ممنوع من المكتبات، لأنو (الهوس النفسي)، منعو من النشر، ودقي يامزيكة.. |
وما أتمنى قرأته الآم ظهر حادة
|
Post: #31
Title: Re: بتعملوا شنو فى الحالة دى يا ناس
Author: عبدالغني كرم الله بشير
Date: 12-12-2005, 01:59 AM
Parent: #26
لو طاقتكم (يارب بتعريفها)، قريبة كان الواحد مدة ليك نسخة من (آلام ظهر حادة)، ولكن صرنا قبيلة الشتات الأولى في العالم، (والله يهود بابل)، ما يلحقونا...
وصى حكيم عجوز سلطان قومه، قديما، ( لاتقسروا قومكم على الرحيل عن الوطن)، وكأنه يحس بمرارة الغربة، وكأنه يقول لهم (وفروا لهم الخبز والحرية)...
همسة : كتبت (آلام ظهر حادة)، لأني بحب الكتابة بس، (كي أغوص في ذاتي، المتعبة، وكي أسبر البئر الداخلي..)، بس، وبعديها (بغرق في نوم عميق)، مش زيك، وبصحى منو سعيد وبشوش (كضاب كضب)، ...
دحين الساعة عندكم كم، عشان نسألك (أهه، نمتي كيف أمس، بعد مشاركة اخوان واخياتك ليك)..
والله مفهوم الكرة الأرضية، جهجهنا، ما نعرف الناس هسع في ضحى ولا في الليل، ولا بردانين، ولا صاحين يادوب، غايتو، جنس لغز...
|
Post: #28
Title: Re: بتعملوا شنو فى الحالة دى يا ناس
Author: وفاء تاج الدين
Date: 12-12-2005, 00:32 AM
Parent: #1
emad abdulla
Quote: تأملي ..
عرفتي الزهج جاي من وين ؟؟؟ |
عارف ?المشكلة لمن تكون عارف وما داير تعرف
|
Post: #29
Title: Re: بتعملوا شنو فى الحالة دى يا ناس
Author: وفاء تاج الدين
Date: 12-12-2005, 01:21 AM
Parent: #1
نادية salamat
| Quote: بجيب عروسة ناندى واقعد العب بيها !! |
قايلانى ما بعمل كدة ....لكن البيدنى فرصة منو .. طوالى بتجى جارية تقول لى دى يا ماما وصارة لى وشها
|
Post: #30
Title: Re: بتعملوا شنو فى الحالة دى يا ناس
Author: فيصل نوبي
Date: 12-12-2005, 01:43 AM
Parent: #1
وفاء تاج الدين
سلامتك انتي من الزهج
حمام دافيء و ركعتين و تلفون لاكتر زول بتريديو و بتحبيو وهو بحبك
|
Post: #40
Title: Re: بتعملوا شنو فى الحالة دى يا ناس
Author: وفاء تاج الدين
Date: 12-13-2005, 00:36 AM
Parent: #30
فيصل نوبى
سلامات....وشكرا للمشاركة والمرور
دعواتك بس شـــــــديد..وربنا كريم
|
Post: #32
Title: Re: بتعملوا شنو فى الحالة دى يا ناس
Author: مريم بنت الحسين
Date: 12-12-2005, 03:17 AM
Parent: #1
وفاء العزيزة.. انت وينك مختفية كده لا حس ولا خبر.. مشتاقين...
شايفه نصائح الزملاء والزميلات كلها خير وبركة... بس انت فكري في العدد البحبك ده، وحتصحي مرتاحه جداً...
بنت الحسين
|
Post: #44
Title: Re: بتعملوا شنو فى الحالة دى يا ناس
Author: وفاء تاج الدين
Date: 12-13-2005, 01:42 AM
Parent: #32
الحبيبة مريم بنت الحسين
| Quote: انت وينك مختفية كده لا حس ولا خبر.. مشتاقين |
...
والله بالأكتر يا مريوم... ولسة جارية فى حاجاتى ديك دعواتك وحأضرب ليك
|
Post: #33
Title: Re: بتعملوا شنو فى الحالة دى يا ناس
Author: نهال كرار
Date: 12-12-2005, 07:38 AM
Parent: #1
شفتي دا جزاء البغيب ومابسأل
بصحى من النوم زهجان كدا من غير سبب
|
Post: #43
Title: Re: بتعملوا شنو فى الحالة دى يا ناس
Author: وفاء تاج الدين
Date: 12-13-2005, 01:22 AM
Parent: #33
نهــــــال إزيك ومشتاقيييين
Quote: شفتي دا جزاء البغيب ومابسأل
بصحى من النوم زهجان كدا من غير سبب |
تكون الزهجة دى عشان طولت منك ياربى???
|
Post: #34
Title: Re: بتعملوا شنو فى الحالة دى يا ناس
Author: وفاء تاج الدين
Date: 12-12-2005, 08:33 AM
Parent: #1
الليلة قمت كويسة بس زهجانة من حاجة تانية عارفين شنو???
مستغرقة وحلمانة حلم حلو إنى مع ناس أمى وأخواتى..قوم يا المنبه أضرب هههههههههه
أصلو لازم تجى حاجة تقطع وتبوظ اللحظات الحلوة...
|
Post: #35
Title: Re: بتعملوا شنو فى الحالة دى يا ناس
Author: Eng. Mohammed al sayed
Date: 12-12-2005, 02:17 PM
Parent: #34
| Quote: قوم يا المنبه أضرب |
كان تعملي زي ماعمل (أبو الشو)*
في قديم الأزل وقبل أن يسرق-بضم الياء وفتح حرف الراء- في جامع منتزه المقرن حذاء(الله يكرم السامعين) أبو الشو*
ذلك الحذاء المعلم, طويل العنق ذو الزوائد الحديدية والرباط الذي يكاد أن يصل منتصف الساق لشخص غير أبو الشو *إذا إنتعله .ذلك الحذا الذي يعتبر فخر صناعة دولة لم نستطع أن نتعرف علي إسمها ,لتخندق إسمها في زاوية ربما لم نستطع التعرف عليها لبعدها,وغرابة تصميم الحذاء.
المهم ذات يوم إستيقظ أبو الشو* علي صوت المنبه الذي إختار يوما خطأ للتنبيه وهو يوم الجمعة,فما كان من أبو الشو إلا وأن جاد للمنبه بعاجل ضربة بحذاءه المابغباني.ولا أكتم سرا إن قلت تشتت دم المنبه** العتيق بين القبائل الأربعة.
...............................................................................
أبو الشو* واحد صاحبي مابتعرفيو
دم المنبه** أي تروسه الزمن داك كان المنبه عندوا إضنين كبار.كبار خلاس
|
Post: #38
Title: Re: بتعملوا شنو فى الحالة دى يا ناس
Author: Mamoun Ahmed
Date: 12-12-2005, 11:21 PM
Parent: #35
وفـــاء
في زيارته الباريسية
أفاق رامبو علي صوت أحذية التعساْء المتوجهين الى اعمالهم فجرا
فردد بيته الشهير:
في نفسي ذعـــر من جميع المهن
ثم تدثر سترته البالية وغفا!!
|
Post: #39
Title: Re: بتعملوا شنو فى الحالة دى يا ناس
Author: عبدالغني كرم الله بشير
Date: 12-12-2005, 11:28 PM
Parent: #38
معليش يا وفاء، خليني أطرف بامون ده
(في نفسي ذعـــر من جميع المهن)
والله رامبو ده عجيب بشكل، والله ده بيت القصيد، والله انا دائما بردد مع أصحابي، قلت ليهم والله لو الجنة (فراغ بس)، هذا يكفي....
لعن الله العمل... الشين، الكعب، الاستعبادي، هنتاك مقولة للعقاد تعجبي، وهي بتقول (وقت العمل بمتلكك، ووقت الغراغ بتمتلكه...)..
مع امنياتي لكم (وفاء، وسرب هذا البوست، ومامون)، بفراغ جميل وخصب وخلاق..
نعود لوفاء (ست البيت طبعا)..
همسة أخيرة (نمتي كيف أمس)، أصلو الواجد دعا ليك (أبشرا)...
|
Post: #41
Title: Re: بتعملوا شنو فى الحالة دى يا ناس
Author: وفاء تاج الدين
Date: 12-13-2005, 00:42 AM
Parent: #38
mamoun ahmed
سلامات رامبوية
كما حملت كلماتك...
| Quote: في نفسي ذعـــر من جميع المهن |
وفى نفسى ذعرمن كل شى ما عدا أبنتى
|
Post: #51
Title: Re: بتعملوا شنو فى الحالة دى يا ناس
Author: وفاء تاج الدين
Date: 12-13-2005, 10:09 AM
Parent: #35
eng:mohamed
سلامـــات مربعة لزوم الهندسة
| Quote: إلا وأن جاد للمنبه بعاجل ضربة بحذاءه المابغباني.ولا أكتم سرا إن قلت تشتت دم المنبه** العتيق بين القبائل الأربعة |
.
لكن لو أنا باريت رغبة الكسير دى المنبه هين حأكسر الدنيا الجميــــلة دى كلها
|
Post: #42
Title: Re: بتعملوا شنو فى الحالة دى يا ناس
Author: وفاء تاج الدين
Date: 12-13-2005, 00:50 AM
Parent: #1
عبد الغنى كرم الله
شكرا ثانية للتفقد والمتابعة
أمبارح نمت وصحيت أحسن شوية بعد مداخلاتكم الرقيقة...
| Quote: (وقت العمل بمتلكك، ووقت الغراغ بتمتلكه...).. |
ولو حسيت إنك ممتلك بفتح اللام من العمل والفراغ...تقبل وين وتحكى الوجعة
|
Post: #45
Title: Re: بتعملوا شنو فى الحالة دى يا ناس
Author: Adil Osman
Date: 12-13-2005, 01:43 AM
Parent: #1
الاخت وفاء.. صباح الخير بتوقيت زهجان زيك..
لقيت فى الانترنيت تنظيم اسمه "حملة مكافحة الزهج"!!
ولقيت الفيديو ده..
شوفيهو، وبعدين تعالى..
تعالى نشوف قصة الزهج دى تتحل كيف..
الله كريم غايتو..
http://media.ebaumsworld.com/wmv/boredomwheel.wmv
|
Post: #49
Title: Re: بتعملوا شنو فى الحالة دى يا ناس
Author: وفاء تاج الدين
Date: 12-13-2005, 09:53 AM
Parent: #45
عادل عثمان
شكرا المشاركة والمرور
وشكرا اللينك الظريف دا ... ... لكن نعيش بالوهم ??ولمتين??أحنا هسة حياتنا ملانة وهم لكن دى أختارت وهم أو خيال مضحك ونحنا أخترنا وهمة كضابة
يا لطيف على قول ندى القلعة.. قالت الأمور جاتط يا لطيف ...
|
Post: #46
Title: Re: بتعملوا شنو فى الحالة دى يا ناس
Author: نجود حسن عبد الرحمن
Date: 12-13-2005, 03:57 AM
Parent: #1
بقول كدى بينى وبين نفسى يعنى الله يتوب علينا من الروتين اليومى دة
متين نتخارج من البلد دى ونغير جو وناس (دى ماحالتى براى كتااااار البقولو نفس الكلام)
المهم بعداك بشوف لى صلاة اصليها وكباية شاى (ويالطعه) مواصلات جاك زول من ما تقيف لغاية ماتلاقى ليك تاتا توصلك تكون نسيت انت ماشى وين (ودة الزهج بيعينو).
----------------------------------------------------
وفوية ازيك
الزهج نسانى اسلم عليك
|
Post: #50
Title: Re: بتعملوا شنو فى الحالة دى يا ناس
Author: وفاء تاج الدين
Date: 12-13-2005, 10:02 AM
Parent: #46
نجووووووود إزييييييك
| Quote: متين نتخارج من البلد دى ونغير جو وناس |
شوفى النحدثك على قول حبوبة..
مرقنا من البلد والحال فى حاله القصة واضح فينا نحن أو الظاهر فى الإذدواجية
ربك يهون
|
Post: #47
Title: Re: بتعملوا شنو فى الحالة دى يا ناس
Author: قرشـــو
Date: 12-13-2005, 04:18 AM
Parent: #1
الأخت وفاء
لك التحية
كثيرا ما اصحو كذلك واجد ان لا شىء يمكن ان يذهب هذه الزهجة وفى ذلك اليوم لا اود الحديث مع احد ولا سماع شىء ولا مقابلة انسان ولا عمل اى شىء فقط الاستسلام لهذه الزهجة والسخط من كل شىء .... حقيقى ليست لدى وصفة جاهزة لك ولعل وصفات الاحباب اعلاه تكون فعالة ولكنى احببت مشاركتك والقول لك انك لست وحدك عزيزتى فكلنا فى الزهج شرق ..
ملحوظة :
انا كلما اكون مفلس على الحديدة بكون زهجان زي زهجتك دى
|
Post: #52
Title: Re: بتعملوا شنو فى الحالة دى يا ناس
Author: Mamoun Ahmed
Date: 12-13-2005, 10:19 AM
Parent: #47
وفــاء
الشاعر الالماني الفظيع
برتولد بريخت
له قصيدة فظيعة عن قومة الزهج الصباحية
ومطلعها:
النظرة الاولي من الشباك في الصباح...
نعالي التي احس فيها الراحة!
-----------
مش اول شي في الصباح سفنجتك؟
|
Post: #53
Title: Re: بتعملوا شنو فى الحالة دى يا ناس
Author: وفاء تاج الدين
Date: 12-13-2005, 10:36 AM
Parent: #52
| Quote: مش اول شي في الصباح سفنجتك؟ |
هههههههههههه ..كانت لكن هسة بتى
|
Post: #55
Title: Re: بتعملوا شنو فى الحالة دى يا ناس
Author: وفاء تاج الدين
Date: 12-13-2005, 01:32 PM
Parent: #47
قرشو
سلامات وتحايا....
| Quote: حقيقى ليست لدى وصفة جاهزة لك ولعل وصفات الاحباب اعلاه تكون فعالة ولكنى احببت مشاركتك |
شكرا للمشاركة وسؤالكم وتفقدكم يكفى شكرا قرشو مرة تانية
|
Post: #54
Title: Re: بتعملوا شنو فى الحالة دى يا ناس
Author: سامي عبد الوهاب إدريس
Date: 12-13-2005, 11:33 AM
Parent: #1
الأخت وفاء
لك التحية..
أول شئ تتوضئ وتصلي وتلعني إبليس..
وبعدين تقومي تتصلي بشخص عزيز عليك بس تكوني متأكدة إنو زول ما نكدي..
وبعد كدا تشوفي شغلك..
وإذا لسه برضو زهجانة أحسن تنومي تاني وزي ما بقولوا (الرهيفة التنقد)
وأقعدي عافية
|
Post: #56
Title: Re: بتعملوا شنو فى الحالة دى يا ناس
Author: نادية عثمان
Date: 12-13-2005, 03:59 PM
Parent: #54
لسة مافكت ياوفوية ؟؟
|
Post: #62
Title: Re: بتعملوا شنو فى الحالة دى يا ناس
Author: وفاء تاج الدين
Date: 12-13-2005, 09:38 PM
Parent: #54
سامى سلامات
| Quote: أول شئ تتوضئ وتصلي وتلعني إبليس.. |
أنا غايتو إبليس دا ما خليت ليه جنبة يتكى عليها
|
Post: #57
Title: Re: بتعملوا شنو فى الحالة دى يا ناس
Author: وفاء تاج الدين
Date: 12-13-2005, 04:27 PM
Parent: #1
ندوية العسل
لسة والله ربنا كريم
|
Post: #58
Title: Re: بتعملوا شنو فى الحالة دى يا ناس
Author: نادية عثمان
Date: 12-13-2005, 04:49 PM
Parent: #57
يابت هوووووووووووووووى انا كده قلقت عليك
شيلى ناندى فى صفحتك واركبى اول طيارة وتعالى القاهرة حالا ..
ولااكلم نادية أمك ؟!!
واكلم حبوبتك ؟!!
وعبود خالك ؟!!
ورانيا ؟!!
وتاج ؟!!
وناس الحلة كلهم يقوموا يركبوا اتوبيس اربعة واربعين بشرطة ويجووووووووووك!!
|
Post: #59
Title: Re: بتعملوا شنو فى الحالة دى يا ناس
Author: وفاء تاج الدين
Date: 12-13-2005, 05:16 PM
Parent: #1
ندوية
| Quote: شيلى ناندى فى صفحتك واركبى اول طيارة وتعالى القاهرة حالا .. |
ياريت والله مشتاقة للقاهرة بس عندى حاجات هنا لو بتقدرى تمشى لنادية أمى وتقنعيها تجينى شوية تكونى ما قصرتى تب
ولاء قالت مالك فطتيها.. قالت ليك نسيتنى
|
Post: #60
Title: Re: بتعملوا شنو فى الحالة دى يا ناس
Author: نادية عثمان
Date: 12-13-2005, 05:57 PM
Parent: #59
| Quote: ياريت والله مشتاقة للقاهرة بس عندى حاجات هنا لو بتقدرى تمشى لنادية أمى وتقنعيها تجينى شوية تكونى ما قصرتى تب |
حاجات شنو ياوفوية اوعى تكونى عملتيها ؟!!
هوووووووووووووى امك فترت من البشتنة ماشة وجاية فى الدرب قومى تعالى انتى !!
| Quote: ولاء قالت مالك فطتيها.. قالت ليك نسيتنى |
انتى موش عارفة ولاء (اليطة وتنكة اوى ) عشان عارفة نفسها حلوة هيا اللى مارضيتيش تركب اربعة واربعين بشرطة عشان كده سبتها تنتظر الطيارة !!
قولى لولاء انها ورانيا ووفاء احلى واجدع بنات فى مصر !!
|
Post: #61
Title: Re: بتعملوا شنو فى الحالة دى يا ناس
Author: قاسم المهداوى
Date: 12-13-2005, 08:58 PM
Parent: #60
انا غايتو بشوف لى حاجه حامضه كدا
جبنه مضفره
زيتون
شطه
وحاجات مالحه ..... او ممكن دبل سفن اب ... او ما تبقى من بواقى الليل
ومن ثم على رقم تيلفون
عن حبيبتى بقول لكم يلا فكروا كلكم
مره غنت عن هوانا ... ومره مشينا .... الحتات الضلمه
ومره.... بغنى ليها ... وبفرح بيها البنيه الهايجه فى احضان خواطرى
البشتهيها .. ترا ترا تارارا بفرح بيها ...وبفرح بيها
قاسم المهداوى
|
Post: #66
Title: Re: بتعملوا شنو فى الحالة دى يا ناس
Author: وفاء تاج الدين
Date: 12-14-2005, 10:28 AM
Parent: #61
قاسم المهداوى..سلامات وتحايا
أول حاجة عملتها بعد ما قرأت مداخلتك سمعت عركى والهادى حامد لكن ما سمعت بفرح بيها.. سمعت المدينة وأكلت زيتونة قلت كدى النشوف نصيحتك
|
Post: #63
Title: Re: بتعملوا شنو فى الحالة دى يا ناس
Author: وفاء تاج الدين
Date: 12-13-2005, 10:24 PM
Parent: #60
ندوييييية
حاجات شنو ياوفوية اوعى تكونى عملتيها ؟!!
حاجات زى قراية وشغل...أما قصة عملتيها دى فهمينى قصدك قبل ما أشاتر ولو الفهمتو فالأجابة لالالالالالالالالا بكوراكة المفروض تكونى سامعاها هسة..
نتى موش عارفة ولاء (اليطة وتنكة اوى ) عشان عارفة نفسها حلوة هيا اللى مارضيتيش تركب اربعة واربعين بشرطة عشان كده سبتها تنتظر الطيارة !!
غايتو ولاء دى مظلومة ظلم الحسن والحسين
قولى لولاء انها ورانيا ووفاء احلى واجدع بنات فى مصر !!
تسلمى يا عسل من ذوقك
|
Post: #65
Title: Re: بتعملوا شنو فى الحالة دى يا ناس
Author: Elawad Eltayeb
Date: 12-14-2005, 05:06 AM
Parent: #63
بالإضافة لنصائح الأخ عصمت العالم عند الصحو، لدي بعض من الإضافات لمرحلة ما قبل النوم وهي في نظري أساسية لما يليها.
حاولي قبل وقت النوم بوقت معقول محاولة الإسترخاء ووضع هموم الحياة جانباً (ويستحسن إذا كان ذلك بعد تصور حلول معينة لها (هدف: خطط) ثم التفكير بطريقة مشرقة في يوم الغد بإذن الله.
إذا كنت من محبي التلفزيون فلا تستمعي لقنوات الأخبار قبل النوم.
إختاري قنوات هادئة مثل Smarts TV ولديهم بث مخصص للإسترخاء. أو قنوات القرآن الكريم (الفجر). فالنوم على وضو وترديد الإستغفار يساعد كثيراً في تهيئة الروح والجسد والعقل لرحلة النوم الهنيئ الذي نتمناه لك.
أحلاماً سعيدة وصباح مشرق ومفعم بالأمل.
العوض الطيب
|
Post: #68
Title: Re: بتعملوا شنو فى الحالة دى يا ناس
Author: وفاء تاج الدين
Date: 12-14-2005, 02:02 PM
Parent: #65
العوض الطيب
لك التحية..
شكرا لمرورك ومشاركتك ..دعواتكم
|
Post: #67
Title: Re: بتعملوا شنو فى الحالة دى يا ناس
Author: صديق الموج
Date: 12-14-2005, 11:03 AM
Parent: #1
Quote: لو صحيتو من النوم لسة بتقولو يا فتاح يا عليم يا رزاق يا كريم وعيونكم ما فتحت زى الناس ذاتو وقايمين زهجانين كدة بدون سبب
بتعملو شنو |
لكن عليك الله الزهج ما اخير من قعاد ساكت،،،،
امى الله يعافيها بتقول البنوم ويقوم بى همه القديم يا بختوا
يعنى ما يقومن الهموم يزيدن..
|
Post: #71
Title: Re: بتعملوا شنو فى الحالة دى يا ناس
Author: وفاء تاج الدين
Date: 12-14-2005, 11:27 PM
Parent: #67
الفاضل صديق الموج
لك التحية...
| Quote: لكن عليك الله الزهج ما اخير من قعاد ساكت،،،، |
لا والله ...أصلو الزهق لمن يصل لمرحلتى دى أى حاجة بتكون أخير منه
|
Post: #69
Title: Re: بتعملوا شنو فى الحالة دى يا ناس
Author: حنين للبلد
Date: 12-14-2005, 06:17 PM
Parent: #1
وفاء ..بعاين لعيون ناندي...
ولو مانفع بمشي محلات نيويورك اشتري توب فلاته ارسلوا لي ناس فرجينيا.ززز
|
Post: #70
Title: Re: بتعملوا شنو فى الحالة دى يا ناس
Author: وفاء تاج الدين
Date: 12-14-2005, 07:52 PM
Parent: #69
| Quote: ولو مانفع بمشي محلات نيويورك اشتري توب فلاته ارسلوا لي ناس فرجينيا.ززز |
وين إنتى قاطعة خط الرجعة....والتوب دا إلا تصلينا تعزليهو براك
|
Post: #72
Title: Re: بتعملوا شنو فى الحالة دى يا ناس
Author: وفاء تاج الدين
Date: 12-15-2005, 04:03 AM
Parent: #1
تقوم الزهجة تزيد وتصل الحد لمن تجيك مكالمة بتنتظرها طول وقت يقظتك وما تجى إلا وإنت نايم ...بالله تكره النوم ذاتو
|
|