شواكيش 000ومقاشيش000؟

الفكره كل واحد يعبر بى مهنتو فى اقوى شاكوش

نبداء ونيابة عن ستات الشاى
استيم وعدم مفاهيم
..رضينا بالهم
..وركبنا يا عم
..قطاطي
..ومستوى واطي
..شربتو شايينا
..ونسيتو أسامينا
..فترنا من الكوارع
..ونوم الشوارع
..تفاح
..وقلبك مرتاح
..سيبك
..وروح لي نصيبك
..وبي جازك
..شتات يا وهم


ست شاي مسطولة ، وتعاني اثار شاكوش مزمن

هييييييييييييييييييييي اعمل شخيت واقيف بعيد

نسيت دى اتقالت فى الشكلة

يا نجود

ستات الشاي ديل صاحبات سجيمان وبكري ابو بكر,يجي سجيمان يوريهو ليهو,وبكري ابو بكر يفصلو من المنبر

Quote: ستات الشاي ديل صاحبات سجيمان وبكري ابو بكر,يجي سجيمان يوريهو ليهو,وبكري ابو بكر يفصلو من المنبر

ود نوبى ده بس قاعد يتفرج ويضاحك

الاخت نجود تشكرات كميات على الاضافه بس بدون جمارك مش؟

اديك دى حقت مهندس مجهجه

أقاوم ريدي بالأسمنت
وأشيلك في سطوح الحب
وحبل الريدة سيخة طويلة ما بتنهد
وبيم الحب مسلح بي حديد الشوق
ومونة اللهفة والحرمان طوابق قلبي كلها ليك
مهندس مسطول بيعبر عن مشاعرو

انت عارف شكلك كدة جيت متأخر لانك ماسردت الشكلة كلها عملت مونتاج ولا شنو
اسمع الفاتك

يالمسكين وحيران..
ياسعران وجربان
يالخشيت الساونا ولسة وسخان ..
ناس العشاء نسوك وناس الفيديو فطوك..
يالصوتك زى الغراب وريحتك زى الشراب ..
الزمن فاتك والقطر شاتك ..
وااى انا من شناتك..
وحبة يامدنى ..

Quote: هييييييييييييييييييييي اعمل شخيت واقيف بعيد نسيت دى اتقالت فى الشكلة

+

Quote: يا نجود ستات الشاي ديل صاحبات سجيمان وبكري ابو بكر,يجي سجيمان يوريهو ليهو,وبكري ابو بكر يفصلو من المنبر

=
سيك سيك معلق فيك

بعد عقدين من الزمان
اليوم وانا في العمل كتبت المعلقة الثامنة ويطيب لي أن أنشرها هنا, أقول فيها:ـ





. ..نسيتك

ست شاي مسطولة ، وتعاني اثار شاكوش مزمن

دي ست شاي ولا سيد شاي

عقدو العقود وكتبو الكتاب
وانتى قاعده محكرة لاجاكى شاب لادق باب..
راجية العريس؟!
أرجى السراب ..
الناس بتقطف فى الزهور مابمشو لى شدر الهشاب ..

















ستات شاى مع بعضن فى شكلة

Quote: عقدو العقود وكتبو الكتاب وانتى قاعده محكرة لاجاكى شاب لادق باب.. راجية العريس؟! أرجى السراب .. الناس بتقطف فى الزهور مابمشو لى شدر الهشاب .. ستات شاى مع بعضن فى شكلة

ان شاءالله ما جاك براد طاير

Quote: ان شاءالله ما جاك براد طاير

ما اسمو براد ياجاهل اسمو كفتيرة















اعلم فيك لمتين

ياجاهل اسمو كفتيرة

اعلم فيك لمتين
لحدما تفطمينى ......

واحد مهنتو غني هابط
قال ليها بعد الشاكوش:


بتحرميني من وصلك .. إخي عليك.. وعلي أصلك

طيب كدى نشوف دى

ناس بالموبايل0000000000وناس فاقدين سوائل

ناس بالكريمات 000000000وناس بى زيت اللقيمات

ناس بالكريسيدا0000000000وناس ماكلين عصيدا

ناس نفسيات00000000000000وناس عدم امكانيات

( كفاك ولا اقطعوا معاك)

Quote: ناس بالكريمات 000000000وناس بى زيت اللقيمات

... زمااااان قامبي وسخ كرعي قال:ـ
الطياره بتقوم بي زيت الطعمية

نقلاً عن البوني في صحيفة الراي العام

الشاكوش الحقيقي هو احد ادوات النجارة وله استعمالان متناقضان فالرأس المدبب يستعمل في تثبيت وادخال المسامير عن طريق الطرق اما الرأس ذو الشفرتين فيستخدم في نزع المسامير وتتوسط الرأسين حلقة يدخل فيها عود خشبي عبارة عن مقبض. اما الشاكوش المجازي فيعني ان احدهم قد تقدم طالباً يد احداهن فكان الجواب بالرفض او بدأ قصة غرام ولم تصل لمرحلة الخطوبة ولكن تم ابعاده او احداهن تمت خطوبتها ولكن الخطيب «زاغ» فتكون اخذت شاكوش او دخلت في قصة غرام ولكن الشاب تجاوزها فإذن الشاكوش يمكن ان يقع على الشاب او الشابة.
العلاقة بين الاستعمال الحقيقي والمجازي للشاكوش فيها الكثير من العبقرية بجامع النزع والطرق بقوة فالشخص الذي اخذ شاكوشاً يكون قد تعرض لضربة قوية ومؤلمة وفي نفس الوقت يكون قد تم نزعه من حياة الآخر فهذه الحالة المزدوجة لا يقوم بها الا الشاكوش لان رأسه مزدوج وله وظيفتان متعارضتان. وعلى العموم هذا اجتهاد من العبد لله فمن كان يعرف سبباً آخر للربط بين الشاكوش الحقيقي والمجازي فليسعفنا به مشكوراً.
الشاهد في حياتنا السودانية ان حواء اكثر عرضة للشواكيش من الرجل فالرجل دائماً هو المبادر فهو الذي يبادر بالخطوبة ويبادر بفسخها ويبادر بالدخول في قصة الغرام ثم «يكب الزوغة» وقد يكون عابثاً من البداية او تكون «عينو زائغة» وما على حواء الا ان تستسلم لقدرها وتمزق آلامها في «حشاها» بل واحيانا تستلذ بها «حبيت وانجرحت» وفي تقديري ان هذه الشواكيش من اكثر انواع العنف ضد المرأة شيوعاً وهذا لا يعني ان المرأة لا تعطي شواكيش فعلى العكس لديها شواكيش «شافية» خاصة اذا كانت ذات فتنة وجمال فهي تلعب «بالقلوب مطامنة ومستأمنة» كما قال الشاعر القديم ولكن الواقع يقول ان شواكيش الرجال على النساء اكثر من شواكيش النساء على الرجال فالظلم من طبيعة الذكر اكثر من المرأة.
على حسب علمي وعلى طريقة «كان ما متنا شقينا المقابر» فالعبد لله لم يأخذ شاكوشاً ولم يعط شاكوشاً، فان الشواكيش مؤلمة جداً وان «المشوكشة» تفقد الثقة في الرجل بصفة عامة وان آثارها الداخلية والجروح التي تخلفها لن تندمل بسهولة رغم محاولة التغلب عليها بالرومانسية «بحكي ليكم يا مظاليم الهوى اصلي مجروح مرتين، يمكن القى الزيي فيكم عاش جراح الحب ومتعذب سنين.» فالرومانسية مرض نفسي قد لا يصل مرتبة الامراض العضوية خاصة الايدز ولكنه مرض بأي حال من الاحوال. عليه وبمناسبة نداء الامم المتحدة لمحاربة العنف ضد المرأة فاننا ندعو للالتفات لمسألة الشواكيش وعدم التهوين من شأنها وياحبذا لو التقطت اذاعة ام درمان «F.M.100» او صالون حواء هذا الموضوع وعرضت علينا نماذج من اللائى اخذن «الشواكيش» وكيف اثرت عليهن او كيف تجاوزنها وماهي انجع السبل لتفادي الشواكيش ونرفع جميعاً شعار «حياة خالية شاكوش».
كسرة:ـ
ارجو ان لا يعتبر هذا الموضوع انصرافياً او هازلاً فقد تابعت الحديث عن العنف ضد المرأة من الختان الفرعونى الى الاغتصاب فأردت الابتعاد عن الاعضاء التناسلية المباشرة وذكر ذلك الجانب المنسى

الاخ ابراهيم على

تحياتى ومشكور كتير على الاضافه
وكدى بنكون مشينا صاح فى فلسفة هذا الموضوع
ارجو المتابعه



الاخ مهندس محمدالسيد
تعرف العلاقه طيارة / طعميعه شنو؟
حرف ( الطاء )

ودعكر عليك الله ماتعكر مزاج البت دى ؟؟؟؟؟؟؟؟؟؟؟؟؟؟؟؟؟

Quote: ودعكر عليك الله ماتعكر مزاج البت دى ؟؟؟؟؟؟؟؟؟؟؟؟؟؟؟؟

ود عكر دة من بوستاتى بقى مطفشنى

يانجود ياانتى ياودعكر واحد فيكم عايز ليهو شاكوش!!!!!!!!!!!

اسمعى دى00000

شرنى شرنى

بس عليك الله ماتشوكشنى

Quote: ود عكر دة من بوستاتى بقى مطفشنى

لكن دا بوست علوبة مابوستك
علوبة حاضر ياااااخ

شكرا شكرا

بس اسألك سؤال انت الكبايه الشايله فى يدك الشمال دى فيها شنو؟

اى حاجه بيضاء بس شنو؟

Quote: الفكره كل واحد يعبر بى مهنتو فى اقوى شاكوش

قال الشاعر وغني له كم فنان من بعده:

* * *
حبيته ماحباني


اتذكرته قام * نساني
* * *


........................................................
كلمة قام* تدل علي سبق الإصرار والترصد في النسيان.

كويس انه نساهو بس

مش احسن من شاكوش ؟؟؟؟؟؟؟؟؟؟؟

لى قدام