Post: #1
Title: قد لا اكون..
Author: نجود حسن عبد الرحمن
Date: 12-04-2005, 06:52 AM
Parent: #0
قد لا اكون اشبة احد
ولا حتى زرقة بحر عشقتة ذات يوم
ولكن غناء روحى لايشبة أحد..
وضفائر أحلامى ليس لضوئها مثل
واجزم انى منفردة بتمرد وقتى .. على الرتابة والتقليد
|
Post: #2
Title: Re: قد لا اكون..
Author: عبدالرحمن عبدالله أبوشيبة
Date: 12-04-2005, 07:00 AM
Parent: #1
| Quote: واجزم انى منفردة بتمرد وقتى .. على الرتابة والتقليد |
في الحالة دي عليك الاضافة والتجديد
والسمو بفرح السعادة والعمر المديد
|
Post: #3
Title: Re: قد لا اكون..
Author: فضيلي جماع
Date: 12-04-2005, 07:06 AM
Parent: #1
الغالية نجود
واصلي ..ففي الذي كتبت هنا ألمح بريق شيء مفرح.
Quote: وضفائر أحلامى ليست لضوئها مثل
واجزم انى منفردة بتمرد وقتى .. على الرتابة والتقليد |
أعجبني إلى حد الدهشة هذا المقطع.
الأصوب في اعتقادي أن تقولي: (وضفائر أحلامي ليس لضوئهامثل) بدلا من "ليست" فالضمير عائد للضوء وهو مذكر وليس للضفائر.
أشد على يدك!
|
Post: #4
Title: Re: قد لا اكون..
Author: بلدى يا حبوب
Date: 12-04-2005, 07:13 AM
Parent: #1
نجود
ضيف الشرف استاذنا الاديب فضيلى جماع قال كلمته فنحن فى انتظار الجديد
تحياتى
|
Post: #5
Title: Re: قد لا اكون..
Author: محمد مختار جعفر
Date: 12-04-2005, 10:00 AM
Parent: #4
الشابة.. نجود بت حسن السومرية... لك التحية ...
نظم جميل ولوحة ذات أبعاد موقلة فى التفرد..
نغمها شجى تعطى إحساسابالفخر وعزة النفس (هذا قد يكون)
أو لا قد يكون لدى البعض فى إستيعاب هذه الأسطر ..
وفى نهاية الأمر هى كلمات ذات أبعاد فليتصورها كل على
شاكلته و كل حسب منظوره فالرؤى تتباين ولكن يبقى الأثر الجمالى....
هذه مجرد مداخلة... وأرجو لك المواصلة والتوفيق
محمد مختار
-----------
|
Post: #6
Title: Re: قد لا اكون..
Author: Emad Abdulla
Date: 12-04-2005, 10:50 AM
Parent: #1
نجود ؟؟؟؟
أعتذر .. لكني أراك للمرة الأولى .. مضيئة
كيف جاز لك أن تخبيْ كل هذا الومض الأنيق ؟
حوصرتي يا نجود بعادية الأشياء وعفويتك المحببة لمحبيك .. فركنتي الى ذلك
تمردي .. فقط مرة واحدة
تمردي ..
ودعي ( هذه النجود ) تتنفس ..
هي قادرة علي السطوع ..
( واجزم انى منفردة بتمرد وقتى .. على الرتابة والتقليد )
يدعو للتأمل .. هكذا إنهمار ..
( ولكن غناء روحى لايشبه أحد ) ..
دعوة فلسفية .. مازالت أصداؤها تتردد : التفرد .. التمرد علي عادية الأشياء واستتباب علاقات الوجود ..
الغناء حد الإنصهار .. غناء ما كان .. و ليس له أن يكون .. غناء يشبه الحلم بواقع لا تؤطره حسابات عقلانية مهترئة ..
إنتي صح ..
أكسحي في السكة دي .. ما ح تخسري
أستاذ فضيلي شاف ضو .. و شيخي العارف هذا ذو بصيرة باصرة مبصرة ..
فهنيئا لك ..
مودتي والإحترام
|
Post: #7
Title: Re: قد لا اكون..
Author: بدر الدين الأمير
Date: 12-04-2005, 12:46 PM
Parent: #6
أكون أو لا أكون تلك هى القضية (شكسبير)
حين تكون نجود بلا فارس تعود العاديات غير ضبحى
والخروج عن المسلمات فى التذوق حتى على ماهو ثابت فى الا لوان
ءانها بداية رحلة ءاكتشافنا للأنا الشعرية وكم هى شاقة وعظيمة
منذ البدء الابداع الحقيقى هو خروج عن المسلم به نجود أنا مشفق عليك من نجود
وكونى كما تريدين وليس كما تريد الثوابت المتوهمة
بدرالدين الامير
|
Post: #8
Title: Re: قد لا اكون..
Author: عصمت العالم
Date: 12-04-2005, 03:17 PM
Parent: #7
لانك .. إنسراب ذلك الغناء الشجون..
الانسراب..
يندلق فى إنسكابه
بلا عذاب..
لانك فى تلونك الفريد
قدسية.ثمالة الرحيق..
من.دنك...المعتق..
نوار كل ذلك التفتح الانيق..
تملأ كل الدوائر.فواح رائحة
الجروف والخريف..
انت ذلك العقيق.
سوميت..التبهرج..
وجدلة الحرير..
بلونها الاحمرار..
ويخجل النهار.
حين تقدمين بلا ميعاد..
يا مستحيلة.
يا عصية..
يا سحابة..من طيف..
عبق ..الذكريات..
|
Post: #9
Title: Re: قد لا اكون..
Author: عبدالرحمن عبدالله أبوشيبة
Date: 12-05-2005, 00:55 AM
Parent: #8
نجود
عودي لألقك المعهود فعظماء المنبر هؤلاء كتبوا لك أجمل العبارات وشدوا على يدك لتواصلي سيرك في عالم الانبهار الذي لم يقو على إبصاره المكفوفون المسكونون بتعكير صفو الآخرين ،، دعي شمعتك تتحدى عواتي الرياح لتبقى مضيئة في دواخلنا فما أحوجنا لهافي هذا الزمن الأغبر.
تحياتي ومودتي لك ولمن شدوا من أزرك.
|
Post: #10
Title: Re: قد لا اكون..
Author: نجود حسن عبد الرحمن
Date: 12-05-2005, 01:15 AM
Parent: #9
ابشيبة
فضيلى جماع
بلدى ياحبوب
محمد مختار جعفر
عماد عبدالله
بدرالدين الامير
عصمت العالم
شكرا على المداخلات الرائعه واوعدكم بالمزيد انشاء الله
العزيز والغالى ابشيبة
مع كل صباح .. اتهجى صوتك كأنى للتو أدرك لغة الكلام
شكرا يا الغالى
|
Post: #11
Title: Re: قد لا اكون..
Author: عبدالرحمن عبدالله أبوشيبة
Date: 12-05-2005, 05:47 AM
Parent: #10
Quote: العزيز والغالى ابشيبة
مع كل صباح .. اتهجى صوتك كأنى للتو أدرك لغة الكلام
شكرا يا الغالى
|
وأدرك شهريا الصبااااااااااااااااااااااااااااااح
فسكت عن الكلام المبااااااااااااااااااااااااااااح
|
Post: #12
Title: Re: قد لا اكون..
Author: WadAker
Date: 12-05-2005, 08:48 AM
Parent: #1
| Quote: واوعدكم بالمزيد انشاء الله |
| Quote: عودي لألقك المعهود فعظماء المنبر هؤلاء كتبوا لك أجمل العبارات وشدوا على يدك لتواصلي سيرك في عالم الانبهار الذي لم يقو على إبصاره المكفوفون المسكونون بتعكير صفو الآخرين ،، دعي شمعتك تتحدى عواتي الرياح لتبقى مضيئة في دواخلنا فما أحوجنا لهافي هذا الزمن الأغبر. |
يعنى جايه تانىىىىىىىىىىىىىى ........ اااااااااااااااااخ ... وانا ذاتى حاعوووود
ضفرة: بس قبل افارق واعود ...ركزو هنا...واوعدكم بالمزيد+ عودي لألقك المعهود فعظماء المنبر هؤلاء كتبوا لك أجمل العبارات وشدوا على يدك لتواصلي سيرك في عالم الانبهار الذي لم يقو على إبصاره المكفوفون المسكونون بتعكير صفو الآخرين ،، دعي شمعتك تتحدى عواتي الرياح لتبقى مضيئة في دواخلنا فما أحوجنا لهافي هذا الزمن الأغبر.[/
|
Post: #13
Title: Re: قد لا اكون..
Author: عبدالرحمن عبدالله أبوشيبة
Date: 12-05-2005, 08:53 AM
| Quote: يعنى جايه تانىىىىىىىىىىىىىى ........ اااااااااااااااااخ |
سلامتك يالحبيب باين عليك ممكون ومش صابرررررررررررررررررررر عكلتك عينة يسكوك من هنا تخش بي هنا إنت متعب ياخي فعلاً زيما قالت نجوووووووووووووووووووود اسم على مسمى عكر وعكلته
|
Post: #14
Title: Re: قد لا اكون..
Author: WadAker
Date: 12-05-2005, 09:06 AM
Parent: #1
| Quote: عكلتك عينة يسكوك من هنا تخش بي هنا |
تبكى بس
|
Post: #15
Title: Re: قد لا اكون..
Author: عبدالرحمن عبدالله أبوشيبة
Date: 12-05-2005, 09:17 AM
Parent: #14
جعلي + شايقية : طلعو رباطابيييييييييييييييي
|
Post: #16
Title: Re: قد لا اكون..
Author: WadAker
Date: 12-05-2005, 09:24 AM
Parent: #1
| Quote: طلعو رباطابيييييييييييييييي |
ماتخجل قول رباطىىىىىىىىىىى
|
Post: #17
Title: Re: قد لا اكون..
Author: saif massad ali
Date: 12-05-2005, 09:26 AM
Parent: #16
انت اقعد لي في نفسي كدي , والله انت خوفت سجيمان ذاتو
|
Post: #21
Title: Re: قد لا اكون..
Author: فيصل نوبي
Date: 12-07-2005, 05:00 AM
Parent: #17
| Quote: انت اقعد لي في نفسي كدي , والله انت خوفت سجيمان ذاتو |
ما قلتو نوبة يا سيف يا اخوي
|
Post: #18
Title: Re: قد لا اكون..
Author: معتصم الطاهر
Date: 12-06-2005, 04:52 AM
Parent: #1
نجود
هذه المرة أقرأك بعد أن زهدت فى بوستاتك ..
ولما قيل لى أن نجود كتبت بوست
قلت لهم  يعنى ؟)
قالوا متفردا ..
ولأنى أثق فى من قال دخلت
لم تخذليه
وأعجبت بكتابتك
كيف لمن تحمل هذا الفهم .. هذه اللغة ..
أن تركن الى العادية والإسهاب ..
الآن بدأت فى الكتابة
سنقرأ لك ..
وسنكتب
شكرا لهذا الجمال ..
|
Post: #19
Title: Re: قد لا اكون..
Author: عصمت العالم
Date: 12-06-2005, 04:03 PM
Parent: #18
ولو قلت ليك...
يا طيف ..الجمال..
كل الكلام..
فى صياغة ليل الحلم الندى..
وكيف.سرح الخيال..
عبرمسافات الارتحال..
عند الافق..
وفوق مدى ابصار العيون..
وعند حد .الزمن المحال..
بتبقى الامانى..فى إرتعاش.
الانتعاش..
امل الرجاء بين التوقع والامل..
وبين احضان..كل الجمال..
اغمرى الكون بالضياء..
ما انت بدرالاكتمال..
فى رونق.ذاك المساء..
|
Post: #20
Title: Re: قد لا اكون..
Author: WadAker
Date: 12-07-2005, 04:46 AM
Parent: #1
| Quote: واجزم انى منفردة بتمرد وقتى .. على الرتابة والتقليد |
ليييييييييييييييييييييييييييه الجزم
|
Post: #22
Title: Re: قد لا اكون..
Author: WadAker
Date: 12-07-2005, 05:23 AM
Parent: #1
نوبى تحية بالتخصص
| Quote: ما قلتو نوبة يا سيف يا اخوي |
واحد زاق والتانى قال الرووووووووووب
ضفرة: انا مشنق طاقتى الحمراء وسكينى الفوراوية ولابس ساربادوق شرقاوى ومركوب جلد تيتل جنوبى وحابس الدرب لى اب شيبه وود عوج الدرب
|
Post: #23
Title: Re: قد لا اكون..
Author: عبدالرحمن عبدالله أبوشيبة
Date: 12-07-2005, 05:39 AM
Parent: #22
| Quote: ضفرة: انا مشنق طاقتى الحمراء وسكينى الفوراوية ولابس ساربادوق شرقاوى ومركوب جلد تيتل جنوبى وحابس الدرب لى اب شيبه وود عوج الدرب |
ياسيف --- القائمة زادت واحد بقو 16
|
Post: #24
Title: Re: قد لا اكون..
Author: ودقاسم
Date: 12-07-2005, 07:28 AM
Parent: #1
قد لا أشبه احداً
ولا حتى زرقة بحر عشقته ذات يوم
وغناء روحى لا يشبه أحد..
وضفائر أحلامى ليس لضوئها مثيل
وأجزم أنى منفردة بتمرد وقتى .. على الرتابة والتقليد ..
نجود الهمزات ، والتاء المربوطة في محل الهاء ، والمثيل هو الشبيه ، وأكون ، في قد لا أكون زائدة وقد جعلت بالنص ثقلاً ..
|
Post: #25
Title: Re: قد لا اكون..
Author: نجود حسن عبد الرحمن
Date: 12-07-2005, 07:43 AM
Parent: #24
| Quote: نجود الهمزات ، والتاء المربوطة في محل الهاء ، والمثيل هو الشبيه ، وأكون ، في قد لا أكون زائدة وقد جعلت بالنص ثقلاً .. |
اسوى شنو ياود قاسم كل ما اقول اكتب الهاء يدى تمشى للتاء المربوطة عارف السبب ؟
عشان جم المسطرة لانو بعد الكلمة بضغط المسطرة والهاء بعيدة وعاوزة ليها ركشة
شكرا للتصحيح بس سبقك ود الطاهر وانشغلت وماصلحتو ..
|
Post: #26
Title: Re: قد لا اكون..
Author: WadAker
Date: 12-07-2005, 10:57 AM
Parent: #1
| Quote: عشان جم المسطرة لانو بعد الكلمة بضغط المسطرة والهاء بعيدة وعاوزة ليها ركشة |
تانى كمان .... بعد الردحى كلو !!
|
Post: #28
Title: Re: قد لا اكون..
Author: نجود حسن عبد الرحمن
Date: 12-19-2005, 06:23 AM
Parent: #27
Quote: في بوست بيتكلم عنك
اتمني تشوفيو هنا
|
ود نوبى مشتاقين
بتاع البوست ماجاب كلام جديد لانو الموضوع دة اتناقشنا فيهو انا ومريم بنت الحسين واعتذرت ليها فيهو عن كلام كنت ناقلاهو نيابة عنها وذكرت فى نفس البوست انى نقلت بعض البوستات التى اوردتها فى المنبر
يعنى الكلام دة انا قلتو والكونت ماجاب حاجة جديدة
اما بوست بريدك لك وحدك فالبوست ماخود من اغنية ود اللمين يعنى حاجة معروفة ومستحيل اقول كاتباها براى والبوست كان لشئ ما فى نفس يعقوب
اتظكرت حاجة
خليهو بفتش عن السومرية يمكن يلقاها فى قناة ولا حاجة
لانى نسيت اكتب منقــــــــــــول
وكتر خيرك النبهتنى انو فى ناس ببحتو بوراى
وبالمناسبة هى لو بقت على انا هينة
اذا كان جريدة الراى العام ناقلة من بوستات سجيمان فى عدد يوم الجمعه ملحق تابع للجريدة ولافتين النظر ان الكاتب شخص اخر ناهيك عنى انا الكاتبة بوستات وماقلت منقول
|
Post: #29
Title: Re: قد لا اكون..
Author: نادية عثمان
Date: 12-19-2005, 10:20 PM
Parent: #28
| Quote: لانى نسيت اكتب منقــــــــــــول |
نجود العسللى
يعنى هسة الكلام السمح الفى البوست ده حقك ولا يجى زول يقول منقول كمان ؟!!
الببحتو وراك ديل ناس منو يانجودة ياسكرة ؟!! وعشان شنو ؟؟
|
Post: #30
Title: Re: قد لا اكون..
Author: HOPEFUL
Date: 12-19-2005, 10:54 PM
Parent: #29
((منقوووووووووووووووووووووووووووول))
الرجاء احترام عقول القراء والاساتذة المتدخلين
وعدم التلاعب في مثل هذه الامور
التي نص عليها قانون البورد صراحة
|
Post: #31
Title: Re: قد لا اكون..
Author: نجود حسن عبد الرحمن
Date: 12-20-2005, 02:01 AM
Parent: #29
| Quote: يعنى هسة الكلام السمح الفى البوست ده حقك ولا يجى زول يقول منقول كمان ؟!! |
لا دة حقى ياختى عل يجى زول ينقولو وما يكتب منقول واضيع انا فى الرجلين
والله ياندو ياختى زمان كنت كل ما الاقى لى كلام سمح ويعجبنى انقلو ومانت عارفة حكاية الحقوق محفوظة دى يعنى ماكت قايلة فيها حاجة عل بعد بت الحسين خلتنى انتبهت وقمت بقيت اكتب براى | Quote: الببحتو وراك ديل ناس منو يانجودة ياسكرة ؟!! وعشان شنو ؟؟ |
حكاية البحيت دى كمان براها التقول براى بنقل
ناس منو علمى علمك
وعشان شنو برضو دى ماعارفاها
|
Post: #32
Title: Re: قد لا اكون..
Author: saif massad ali
Date: 12-20-2005, 02:48 AM
Parent: #31
خلوها عليكم الله منقول مشتول معسول كلو حديثها سمح
|
Post: #33
Title: Re: قد لا اكون..
Author: ناصر محمد خليل
Date: 12-20-2005, 03:30 AM
Parent: #1
يعني حميدة وعبد الرازق ما براهم حرامية نت في المنبر دا !!
|
Post: #34
Title: Re: قد لا اكون..
Author: نجود حسن عبد الرحمن
Date: 12-20-2005, 04:13 AM
Parent: #33
| Quote: يعني حميدة وعبد الرازق ما براهم حرامية نت في المنبر دا !! |
براك قلتها يعنى طلعنا قروب
بس حرامية دى كبيرة شوية خليها لصوص
|
|