انفلونزا الطيور" تهدد مسيرة الاغاني وحمد الريح المتضرر الاول

انفلونزا الطيور خلقت ضجيجاً وعويلاً كبير في العالم وخطفت النجومية اعلامياً ونظن ان السودان اكثر البلاد تضرراً من هذا " المرض" باعتبار ان الاغنية السودانية تراثها وحاضرها تجد فيها " الطيور" مرتبة اولي من حيث بطولتها لكل الاحداث العاطفية في الاغنية التي تتناول وتستشهد بالطيور المختلفة مواقف عديدة.

العـزيز نبتة كنـغ؛ تحية مـني لك وشـكري على بوسـتك الطـريف هـذا... تعـرف، أمـس تذكـرت حكاية غنا الطيور دي، لأننا وفي الوقت الذي نجـد قمة الشتم والإسـاءة عنـد البـعض انو وا حـد يقـول ليه: يا طـيرة!، لكـن تجـده، وتجـدنا جميعا نغـني مع الكاشف: يـاريـت كنت زيـك! وفي الأشجار نقـيل وبي الأغصـان نميل.. يا طـير!، وفعـلا مـفردة الطيور في غنانا عندها استخدامات كثيرة وجميلة وطريفة ايضا، فهـل ستجعلنا انفلونزاها! نبحث عن رمز أو رموز أخرى خوفا من العـدوى، وهـل سنتخلى عن تحميل رسائلنا لها حـتى لا نسـاهم في نـشر المـرض بدل محاربته، لا وكمـان نقول ليه: وما تخلي زول في الحـلة إلا تسـلم علـيهو، وتحـضن ايديهو!... حـديثك عن حمـد الريح ذكـرني النكتة التي تروى عن الراحـل عبد العـزيز داؤد الـذي قال لحمد عندما سمعه يغني وطبعا اغانيهو كلها طيور: من حمام الوادي لي طير الرهو لي قوقن قوقن ، والقمري فوق نخـل الفريق الخ الخ.. قال ليهو: والله الواحـد يجيب نبلة يفرتك ليك حفلتك دي هسي!!

Quote: النكتة التي تروى عن الراحـل عبد العـزيز داؤد الـذي قال لحمد عندما سمعه يغني وطبعا اغانيهو كلها طيور: من حمام الوادي لي طير الرهو لي قوقن قوقن ، والقمري فوق نخـل الفريق الخ الخ.. قال ليهو: والله الواحـد يجيب نبلة يفرتك ليك حفلتك دي هسي!!

من اجمل النكات المرويه عن ابوداوود
ولي عوده لحديثك الشيق عيسى

فنان افريقيا الاول "محمد وردي" له نصيب في ذلك انطلاقاً من كلمات صلاح احمد ابراهيم في " الطير المهاجر" ( بالله ياطير قبل ما تشرب تمر علي بيت صغير) وقبلها بدأ محمد وردي مسيرته الفنية حينما غني" ياطير ياطاير" وقبل كل ذلك كانت اغنية الحقيبة عبارة عن " قفص" وهي تتعرض للطير من كل نوع "يلوحن لي حمامات" ثم نجد الكاشف في " انا ياطير محل ماتطير بشوفك" التي يرددها عصام محمد نور الان ولا ندري ان كانت تحمل " انفلونزا الطيور"ام يرددها خالية من جرثومة المرض كما كان يفعل عبقري الاغنية السودانية ابراهيم الكاشف.
وحيث الهدوء يوجد التاج مكي الذي يغني " شفت القمري طائر رفرف لي جناحو" كذلك نجد احمد الجابري الذي غني للجهة العليا في دنيا الطيور وهو يغني للطاؤوس " ملك الطيور" ولا يسقط صالح الضي من ورقة التغني والاستشهاد بالطيور وهو يغني " ياطير ماشي لي اهلنا بسراع احمل رسائلنا" وحتى الاغنيات التي تداولها الشارع وتغنت بها البنات كانت تحمل نفس الصفات (طيري ياقمرية وركي في الزنكية ) التي رددها محمود تاور في بداياته الفنية،

ولا ننسي:
والله نحنا مع الطيور المايتعرف ليها خرطة,,,,,,,ولا في إيدا جواز سفر










.............................................................
ليه مانكون أنحنا العادينا الطيور (الانفلونزا بنعرفا من زمااان)

Eng. Mohammed al sayed

Quote: والله نحنا مع الطيور المايتعرف ليها خرطة,,,,,,,ولا في إيدا جواز سفر

الطيور بتاعت مصطفى سيد احمد دي بالذات هي الجابت الانفلونزا لانها جات عابره دون ان تخضع لاجراءات الفحص الصحي عند المعابر (بدون جوازات سفر )

Nabta King

كتبنا في نفس الموضوع في البوست الفريد هتشكوك ........و انفلونزا الطيور
و افردنا جناح خاص للاغنية السودانية و تأثرها بهذا المرض الخبيث

الصادق البوصيري