Post: #1
Title: كيف كانت رحلة بورداب الرياض امس0000؟
Author: طارق عبد اللطيف نقد
Date: 12-03-2005, 04:47 AM
في جو اسري حميم
حضرت اول رحلة لي انا وسيداحمد وعبد القادرلي بورداب الرياض
كان الحضور مميز ومقدر
كما شرفنا بالحضور البروفسير عزالدين عمر موسي
مما اضفى على الرحلة رونقا وبهاء
وقد اتحفنا بخفة ظلةونهنا بشيء من علمة
فلة منا التحية والتقدير
كما اطربناالاخ ياسر الحلفايا بأبداعات من درر الحقيبة
كتر خيرك ياسر ويوم شكرك ما يجي
كما اتحفنا الاستاذ حسين حمزة بروائعة الشعريةالمتميزة
كم نال الموج جائزة احسن شيال في الرحلة
والتحية والتقدير وتعظيم سلامل لأم حيدرعلي الغدا ء الجميل الطاعم
التحية ليك ولي الفرقة المساعدة
والتحية والتجلة لأم قاسمم للمساهمة الفاعلة في الرحلة
والتحية والتجلة والتقدير لكل من حضر امس وساهم في انجاح الرحلة
وحقيقي تعرفنا علي كوكبة نيرة وطلعنا شوية من روتين العمل والبيت والاجتماعات
وكنت اتمنى حضور بقية اعضاء البورد ولكن الجايات اكتر انشاء الله
وهناك اقتراح بي انها تكون شهرية والى الملتقي
|
Post: #2
Title: Re: كيف كانت رحلة بورداب الرياض امس0000؟
Author: humida
Date: 12-03-2005, 04:54 AM
Parent: #1
تاني يا طارق ..
انت ما بتتوب ولا شنو .. 
دايما لمة الاخوان بتكون كما تشتهي ..
كنت اتمني الحضور .. نسبة لكمية الفياقة التي اعاني منها يوم الجمعة ..
ولكن لأسباب فنية .. قررت ان احترم نفسي في الفترة الاخيرة ..
وعلي العموم ذي ما قلت الجايات اكتر من الرايحات ..
وحتما بلاقيك .. علي استنفراد كما يقول اهلنا المصريين ..
وسأجدك وستجدني .. كأي سودانيين ممكن يتقابلوا ..
تحية لسرورك الجميل ..
|
Post: #3
Title: Re: كيف كانت رحلة بورداب الرياض امس0000؟
Author: طارق عبد اللطيف نقد
Date: 12-03-2005, 05:16 AM
Parent: #1
شكرا حميدة
وحقيق انا شخصيا افتقدك امس
وكنت اتمنى حضورك
وفي الحقية انحنا اتقابلنا اكتر من مرة
ولما نتلاقى ح تتذكر
لك الود والاماني المترفة
الي ان نلتق
|
Post: #4
Title: Re: كيف كانت رحلة بورداب الرياض امس0000؟
Author: طارق عبد اللطيف نقد
Date: 12-03-2005, 05:18 AM
Parent: #1
شكرا حميدة
وحقيق انا شخصيا افتقدك امس
وكنت اتمنى حضورك
وفي الحقية انحنا اتقابلنا اكتر من مرة
ولما نتلاقى ح تتذكر
لك الود والاماني المترفة
الي ان نلتق
|
Post: #5
Title: Re: كيف كانت رحلة بورداب الرياض امس0000؟
Author: طارق عبد اللطيف نقد
Date: 12-03-2005, 05:18 AM
Parent: #1
شكرا حميدة
وحقيق انا شخصيا افتقدك امس
وكنت اتمنى حضورك
وفي الحقية انحنا اتقابلنا اكتر من مرة
ولما نتلاقى ح تتذكر
لك الود والاماني المترفة
الي ان نلتق
|
Post: #6
Title: Re: كيف كانت رحلة بورداب الرياض امس0000؟
Author: ملكة سبأ
Date: 12-03-2005, 05:32 AM
Parent: #1
عفوا ناس الرياض خطأ فني .. بجيكم تاني
|
Post: #7
Title: Re: كيف كانت رحلة بورداب الرياض امس0000؟
Author: ملكة سبأ
Date: 12-03-2005, 05:56 AM
Parent: #1
سلامات ناس الرياض
كدوا واصلو عشان نحكم وجيبو الصور ..
إخلاء طرف :
الجوز دا غادرنا صباح اليوم
للإستلام والإفادة
|
Post: #10
Title: Re: كيف كانت رحلة بورداب الرياض امس0000؟
Author: حمد فتح الرحمن
Date: 12-03-2005, 06:13 AM
Parent: #7
الاخ / طارق عبد اللطيف
مرحبا بك اضافة كاملة الدسم لهذا البورد .
آسف للتاخير في الترحيب بكم ، و ارجو العذر .
تخيل ما ربط بينك و بين طارق عبد اللطيف البعرفو الا بعد ما شفت البوست بتاع الكلاكلة بتاعك .
|
Post: #15
Title: Re: كيف كانت رحلة بورداب الرياض امس0000؟
Author: DKEEN
Date: 12-03-2005, 06:49 AM
Parent: #7
ملكة سبا
سلامي ومعزتي..
وصل الجوز سالمين غير غانمين ..
فور وصولهم تم الاطلاع علي يد احدهم فوجدت خالية من الحناء ..
يبدو ان تقصيرا قد جاء منكم بورداب الخرطوم ..او ان تقصيرا قد جاء من جيب المشار اليه..
موش قنا ليكم عرسو ليهم ورسلوهم لينا..
وافر المعزات والتحية تاني يا بقليس..
|
Post: #8
Title: Re: كيف كانت رحلة بورداب الرياض امس0000؟
Author: طارق عبد اللطيف نقد
Date: 12-03-2005, 06:02 AM
Parent: #1
تمبس وحنين
صباح الورد ولا مساء الفل ما عارف
نزلو لي ناس الخرطوم ديل الصور
لانة كمان معاهم سيدا
وشكرا ليك ياشذى
|
Post: #9
Title: ,re
Author: م. سيد احمد قدورة
Date: 12-03-2005, 06:04 AM
Parent: #1
أمانى ما بنستلمو ليكى يا ملكة سبأ ن دا فيهو ريحة التراب
|
Post: #11
Title: Re: كيف كانت رحلة بورداب الرياض امس0000؟
Author: Eng. Mohammed al sayed
Date: 12-03-2005, 06:28 AM
Parent: #1
| Quote: كما اطربناالاخ ياسر الحلفايا بأبداعات من درر الحقيبة |
تحياتي أخي طارق وكنا نتمني تقضوا معانا اليوم دا في الشرقية
وفاتنا لقاء الأخ ياسر وسماع صوته المحبب.
|
Post: #12
Title: Re: كيف كانت رحلة بورداب الرياض امس0000؟
Author: ghariba
Date: 12-03-2005, 06:40 AM
Parent: #1
الاخ نقد
تقصد رحلة بورداب الملتقى الثقافي في ممنتدى سودانيز اون لاين .
|
Post: #14
Title: Re: كيف كانت رحلة بورداب الرياض امس0000؟
Author: ودقاسم
Date: 12-03-2005, 06:48 AM
Parent: #12
صلاح غريبة
من الأفضل أن تكون بعيدا عن هذا المكان ..
|
Post: #13
Title: Re: كيف كانت رحلة بورداب الرياض امس0000؟
Author: ودقاسم
Date: 12-03-2005, 06:47 AM
Parent: #1
الحضور :
طارق نقد ، سيد أحمد قدورة ، عبد القادر عبد الرحيم ، حمزاوي ، حسين حسن حسين ، تمبس ، محمد الشيخ ، أحمد حنين ، عبد الباقي الجيلي ، وليد شريف ، صديق الموج وأسرته ، إسماعيل وراق ، مهدي الصادق ، ود الباوقة ، ودقاسم وأسرته ،،،
إن شاء الله أكون مانسيت زول ..
الضيوف : البروف عز الدين عمر موسى ، الشاعر حسين حمزة وأسرته ، الأستاذ كمال ميرغني وأسرته ، الأستاذ بدوي الحسن وأسرته ، الأستاذة مارغريت جادين رئيسة جمعية المحبة والسلام ، الأستاذة مدينة السردار من جمعية نساء جبال النوبة ، الأستاذ يوسف السماني ( بوردابي من منازلهم وياريت بكري يسجلوا معانا ، الأستاذ صديق إبراهيم الجيو ممثلا لرابطة الصالحية ، الفنان ياسر صالح ...
شاركتنا بعض عضوية الملتقى رجالا ونساء ..
اتصل معتذرا من الزملاء: الصادق خليفة ، مصدق ، عمران ...
امتدت الجلسة من الثانية ظهرا حتى التاسعة مساء ... وتابع الحضور التجهيزات لاحتفالات الخرطوم عاصمة الثقافة العربية التي تدار بروفاتها من الاستراحة ، وتعرفوا على عدد كبير من المشاركين .
تابع الحضور كلمات متبادلة من الزملاء القدامى والجدد ، وكلمة الملتقى ، وتعريف بالمنبر ، والملتقى ، وغناء وطرب من الفنان ياسر بمساندة الشاعر حسين حمزة والعضو صديق الموج ، وتفاعل من الحضور ، وحوارات مختلفة في قضايا مختلفة ، وقراءات من حسين حمزة وودقاسم ...
الصور لدى الأخ أحمد حنين ...
|
Post: #16
Title: Re: كيف كانت رحلة بورداب الرياض امس0000؟
Author: عبدالقادر علي عبدالرحيم
Date: 12-03-2005, 08:46 AM
Parent: #1
الأخ ود قاسم
تحياتي
انت صلاح غريبة ده مش واقف من الكتابة
ماتخيلت انو بدا يكتب تاني لأنو في محل الصوره كان بيظهر مع سوار الدهب . التقول قاصر بيعرف بالاخرين . الحمدلله البقي يظهر في الصورة براهو
|
Post: #17
Title: Re: كيف كانت رحلة بورداب الرياض امس0000؟
Author: ahmed haneen
Date: 12-03-2005, 10:53 AM
Parent: #1
الأخ طارق نقد والأخوان
حقيقة كان يوم جميل رغم افتقادنا لبعض الأخوان
الرائع صلاح شتات والشفيف معتصم والأستاذ احمد الشايقي
ديل طبعا كانوا خالطين في توتي والشية مدورة
والشمارات يا تمبس وصلت قبلهم
برضو اعتذر عمران وغاب ابوامنة وحبيب بلدو اظنه ايضا في
السودان
كان فعلا يوما رائعا وياسر الكلاكلة ما قصر
واجمل حاجة كان اننا كسبنا اخوان جدد
طارق نقد والمهندس سيداحمد قدورة
اولا نديكم فاتحة شهية عن الصور
رغم انني جاهل في الصور دي لكن احمل المسؤولية كاملة
للود تمبس ،، تصدقوا التاريخ ما عرف يظبطوا
لأنو كان مشغول بي حاجات وحاجات وحاجات
وكل مرة يدق تلفون لي ناس توتي
لمن شريحتو كملت
وشمارو برضو عندنا
ودموع شتات في توتي برضو عندنا
وبكاء الشفيف معتصم في مدينة النيل خبرو جابو
وعيييك
دي كيف معاك يا نقد وحسن حسين
ودي هدية لي زول العفاض
المهندس سيداحمد قدورة
|
Post: #18
Title: Re: كيف كانت رحلة بورداب الرياض امس0000؟
Author: مهدى الصادق السيد
Date: 12-03-2005, 11:17 AM
Parent: #1
رحلة كانت رحلة احلى من رحلة الكاشف
ياشباب غريبة دا مسؤليتى الفردية بس مش ذى مسؤلية صلاح ادريس
مع عنتر طلاق ثلاثة ؟؟؟؟؟؟؟؟؟؟؟
ياحنين وين باقى الصور
ضرورى نزل الباقى وخاصة صورة قدوره كير
ياغريبة روح العب بعيد شوية قبل ان نفتح ملف
عم حسن بالمناسبة امس تقابلنا انا وعبد الرؤف صابون
عند عم حسن
|
Post: #19
Title: Re: كيف كانت رحلة بورداب الرياض امس0000؟
Author: ahmed haneen
Date: 12-03-2005, 12:26 PM
Parent: #1
الأخ ود الصادق
لا عليك بغريبة
الراجل معذور جاري وراء المعايش
اليك هذة الهدية
وبعدين بتجيك باقي صور
|
Post: #20
Title: Re: كيف كانت رحلة بورداب الرياض امس0000؟
Author: ahmed haneen
Date: 12-03-2005, 12:33 PM
Parent: #1
واحدة حلوة والبقية تأتي
الكاردينال ود الشيخ يلقي كلمة سودانيزاونلاين
|
Post: #21
Title: Re: كيف كانت رحلة بورداب الرياض امس0000؟
Author: مهدى الصادق السيد
Date: 12-03-2005, 12:34 PM
Parent: #1
ياطارق
الجماعة فشلوا فى تكوين جالية الرياض مشوا يكونوا
فى جالية الدمام الان الاجتماع ساخن
|
Post: #22
Title: Re: كيف كانت رحلة بورداب الرياض امس0000؟
Author: حسين حسن حسين
Date: 12-03-2005, 02:23 PM
Parent: #1
الوفي طارق نفد
لك الود
بورداب الرياض الحضور
ايها السامقون كغامات النخيل في بلادي والشمامخون شموخ اجدادكماالفابضون جمرقضاياكم لكم مناالثناياالعطرات المعبقة باريج الوطن الساكن فيكم . افرحتم دواخلنا بعد فقدنا الضحك في الزمن المضمحل .
لكم جزيل الشكر
بوسف السماني يوسف ([email protected])
|
Post: #23
Title: Re: كيف كانت رحلة بورداب الرياض امس0000؟
Author: طارق عبد اللطيف نقد
Date: 12-03-2005, 04:24 PM
Parent: #1
شكرا حنين ومزيد من الصور
وتمبس شماراتو بدت من بوست رحلة توتي
وحمدلله علي سلامة الجوز شتات والشايقي
القضوها خلط ونسوا موضوع العرس
يوسف السماني ايها الرائع الشفيف
نشكرك للتواصل الحميم
وانشاء الله قريبا معنا في بورداب الرياض
وحسين حسن واصل كفاحك
معليش انا قبيل نسيت اقول انو امس اكتشفنا الشاعر داخل ودقاسم الشفاف
|
Post: #24
Title: Re: كيف كانت رحلة بورداب الرياض امس0000؟
Author: طارق عبد اللطيف نقد
Date: 12-04-2005, 05:51 AM
Parent: #1
الزميل مهدي الصادق
والله يكونوا جاليات الدنيا كلها لكن بتاعت الرياض دي ما بقدروا عليها
صاحبك صلاح ادريس نكر قصة الطلاق علي الهواء مباشرة وقال انحنا اصلا ما دايرين عنتر ده
محتاجين لي بعض صور الضيوف ياحنيييييييييييييييييييين
|
Post: #25
Title: Re: كيف كانت رحلة بورداب الرياض امس0000؟
Author: عمر الفاروق
Date: 12-04-2005, 06:13 AM
Parent: #1
كتب أحمد حنين :
| Quote: رغم انني جاهل في الصور |
يا راااااااااااااااااااااااااااااااااااااااجل !!!!!!!!!!!!!!!!!!!!!!!!
فيك الخير ..
|
Post: #26
Title: Re: كيف كانت رحلة بورداب الرياض امس0000؟
Author: عبدالقادر علي عبدالرحيم
Date: 12-04-2005, 07:08 AM
Parent: #1
Quote: الجماعة فشلوا فى تكوين جالية الرياض مشوا يكونوا
فى جالية الدمام الان الاجتماع ساخن |
ود القبايل مهدي
تحياتي
ليه جبهجيةالدمام مايستعينوا بي دبلوماسي الأنابيب العمل جاليةالرياض وهرب.
والله خايفين تطلع معاقة ماتقدر تمشي وتقابل المغتربين ذي جالية حسين حمدي
|
Post: #27
Title: Re: كيف كانت رحلة بورداب الرياض امس0000؟
Author: ahmed haneen
Date: 12-04-2005, 11:53 AM
Parent: #1
الأخ طارق وقدورة تحيات مباركات
اخونا تمبس وين باقي الصور
هدية للأخ عبد القادر
|
Post: #28
Title: Re: كيف كانت رحلة بورداب الرياض امس0000؟
Author: طارق عبد اللطيف نقد
Date: 12-04-2005, 04:48 PM
Parent: #1
شكرا الزميل حنين
علي المجهود المقدر
وده حالتك ماخبير تصوير وما بتعرف00000000
تمبس
وينك من يوم الرحلة لاحس ولا خبر
اكيد مع شمارات السودان مع شتات والشايقي
ومع صور رحلة توتي
معزور
لكن في باقي صور ماشفناها ياريت تنزلة
ولك التحايا العطرة
الاماني المترفة
|
Post: #29
Title: Re: كيف كانت رحلة بورداب الرياض امس0000؟
Author: ahmed haneen
Date: 12-05-2005, 11:54 AM
Parent: #1
الفيل تمبس وينك
ما زال الفيل نائما
العم صديق الموج من قرية الصلوعاب ريفي المتمة
|
Post: #30
Title: Re: كيف كانت رحلة بورداب الرياض امس0000؟
Author: ahmed haneen
Date: 12-05-2005, 12:02 PM
Parent: #1
نواصل بعد الفاصل
الحاج تمبس ولحظة تجلي وشوية دندنة ،،
طبعا انا كنت سامع
بس بسألكم تخيلوا وتوقعوا تمبس بغني في شنو؟؟؟
|
Post: #31
Title: Re: كيف كانت رحلة بورداب الرياض امس0000؟
Author: ALazhary2
Date: 12-05-2005, 01:37 PM
Parent: #1
تحية لجميع الإخوة الموجودين ولدي سؤال إذا سمحتم وهو موجه للاخ ود قاسم وبقية وبعض من إنتقد صلاح غريبة
مالذي فعله صلاح غريبة وجعلكم توجهون له هذه الانتقادات اللاذعة ؟
المشكلة في هذا المنبر أنك لاتستطيع الحصول عللى المقالات السابقة للكتاب.
كنت أتمنى لو أجد جميع ماشارك فيه العضو في ملفه الشخصي.
هل يمكن ان يخبرنا أحدكم بسر هذه الكراهية لصلاح غريبة .
هل هي بسبب فكر معين يحمله؟ أم بسبب تصرفات بدرت منه بخصوص الجالية السودانية بالرياض؟
وقبل الختام أفيد بان سر إهتمامي بصلاح غريبة انني اعرفه ولايعرفني حيث انه قريب لأحد الأصدقاء الاعزاء .
ولكم الشكر الجزيل
|
Post: #32
Title: Re: كيف كانت رحلة بورداب الرياض امس0000؟
Author: طارق عبد اللطيف نقد
Date: 12-05-2005, 02:47 PM
Parent: #1
الرائع حنين
والله ماقصرت ويوم شكرك ما يجي
تمبس كان بغني في
سكبنا دموعنا ما روينا
حملنا الشوق كفاية عزاب
ومتين يتقابل الاحباب 0000000 احباب
الازهري2
لك التحية والاحترام والتقدير للتواصل الاهتمام000 و
مشكلة صلاح غريبة انة كوز 00000
ولو كان كوز عن قناعة او جبهة اسلامية من الدراسة او من الحلة
كان الواحد احترمة لكن مشكلتة
بقي مؤتمر وطني حديثا 000 وانحنا خايفين يكون بقي انتهازي بتاع مصالح 0
|
Post: #33
Title: Re: كيف كانت رحلة بورداب الرياض امس0000؟
Author: tmbis
Date: 12-06-2005, 04:42 AM
Parent: #32
عبد القادر  خــالهم.. ويبدو متنكراً مهــدي الصادق  يوسف السماني بوردابي على الأبواب
|
Post: #35
Title: Re: كيف كانت رحلة بورداب الرياض امس0000؟
Author: إسماعيل وراق
Date: 12-06-2005, 04:56 AM
Parent: #33
اليوم كان جميل
والأجمل أننا تعرفنا على وجوه جديدة كلها وسامة
تخريمة:
كتب الأزهري سائلاً عن سر كراهية البعض لصلاح غريبة..
أولاً أخي العزيز ليس هناك كراهية..
والموضوع بسيط للغاية فقط صلاح غريبة يأتي بمعلومات غير صحيحة وعندما يتم إنتقاده أو تصحيح ما ورد بها تجده قد زعل من هذه الإنتقادات.. الغريب في الأمر حتى أهل السفارة الذين ينقل صلاح أخبارهم نجدهم قد تبرأوا في مرات عديدة عن تلك الأخبار التي ينقلها..
على سبيل المثال.. عندما أورد الأخ صلاح دراسة عن جامعة المغتربين، صرح لنا أحد المسئولين أن هذه المعلومات مغلوطة ويتحمل خطأها من قام بنقلها..
الشيئ الثاني أن الأخ صلاح يدخل في بوستات الآخرين بشكل أشتر.. على سبيل المثال عندما كتب الأخ طارق ومطالباً برحلة لبورداب الرياض، دخل صلاح غريبة وقال هؤلاء بورداب الملتقى وطبعاً هذه دعوة صريحة لضرب بورداب الرياض ومن ثم تشرذمهم..
بالمناسبة يا الأزهري أنت من الرياض وليه ما قاعد تظهر.. على كل نشوفك.
اها.. ارقد عافية.
|
Post: #36
Title: Re: كيف كانت رحلة بورداب الرياض امس0000؟
Author: ملكة سبأ
Date: 12-06-2005, 05:03 AM
Parent: #33
| Quote: بس بسألكم تخيلوا وتوقعوا تمبس بغني في شنو؟؟؟ |
في أغنية الحاج حجّا وجا ........... 
|
Post: #34
Title: Re: كيف كانت رحلة بورداب الرياض امس0000؟
Author: ودقاسم
Date: 12-06-2005, 04:54 AM
Parent: #1
تمبس - أحمد حنين
وين صور ضيوفنا ؟
البروف ، حسين حمزة والبقية ؟؟
|
Post: #37
Title: Re: كيف كانت رحلة بورداب الرياض امس0000؟
Author: gamal elsadig
Date: 12-06-2005, 06:55 AM
Parent: #34
التحية لكل البورداب في الرياض وفي كل دول المهجر
| Quote: العم صديق الموج من قرية الصلوعاب ريفي المتمة |
والله الزول ده قريبي تب .... وتحايا خاصة له
جمال حسين
|
Post: #38
Title: Re: كيف كانت رحلة بورداب الرياض امس0000؟
Author: ALazhary2
Date: 12-06-2005, 02:30 PM
Parent: #1
الاخ الكريم طارق نقد اشكر لك كريم الإستجابة ولطف الكلمات التي تنم عن خلق ونبل ن كما أشكر لك هذا التوضيح ، يشرفني عزيزي المرور بمقالاتكم المتميزة
الاخ الفاضل إسماعيل وراق أيضاً أشكر لكم تفضلكم بالإجابة وتلطفكم بالإهتمام بسؤالي وإن شاء الله أحاول جاهداً الإنضمام لجمعكم الكريم من بورداب الرياض وماشغلنا عنكم الا ظروف قاهرة تتعلق بالعمل والدراسة.
مرة أخرى لكم الشكر أجزله والثناء أوفره على إهتمامكم بسؤالي والإجابة عليه .
دمتم في لطف الله جميعاً .
|
Post: #39
Title: Re: كيف كانت رحلة بورداب الرياض امس0000؟
Author: ahmed haneen
Date: 12-07-2005, 10:39 AM
Parent: #1
يا اخوانا وين صديق الموج
|
Post: #40
Title: Re: كيف كانت رحلة بورداب الرياض امس0000؟
Author: ahmed haneen
Date: 12-23-2005, 07:52 AM
Parent: #1
فوق
عشانك يا موج قبل الأرشفة
وعشان الجكس عامل مظاهرة يطالب بي صورتك
|
Post: #41
Title: Re: كيف كانت رحلة بورداب الرياض امس0000؟
Author: صديق الموج
Date: 12-24-2005, 12:24 PM
Parent: #1
فووووووووووق مغرود فى البوست،،،
|
|