Post: #1
Title: Transitory
Author: alin
Date: 11-29-2005, 11:04 PM
بينى وبينك
حلاوة الروح وصباح العافية
عيون اطفال مشينا وراهم مدن احلام
رسوم وورود و رسايل
غناوى الشوق و الطمبور
دعا حبوبة..لمة حوشنا..بخورالصندل
بينا العفه و دءف اللمسه و شوك الالفة
بينى وبينك ياحبيب
الرهبة
ووقع الخوف على الصدمة
العشم الكبير ماحصل وحيحصل
صفا النية,عجز الحيلة و بحر شوق
امل,لانرد و درويشنا
اغانينا و قصايدنا
الكلمة الطيبة,الصدق ورفقة الروح الوحيدة
بينى وبينك فرحة القيا
السراب
و حرقة القلب الجديدة
بينى وبينك
عزة نفسك و كبرياءى
رفضى و انحيازك
لخطوط ما ظنيتها بتشبهك
لكنى فى مفترق الدرب البتسمع فيو صوت حوافرك
بقلة حيلة و بياض خاطر ..بودعك
اقالد وعود شالا الزمن
ادمدم خطوتى وافارق بيوت اوهام
واهدئ خاطر روح ماعرفت تهدهدك
بينى وبينك..مسافة خاينة
لما قطعتها و جيتك
لا شفعت لا حننت قدر
ولا النية..
الا بس فبال تفوت
الاعز منك باستودعك
يديك العافية و الحب و يسعدك
|
Post: #2
Title: Re: Transitory
Author: nada ali
Date: 11-30-2005, 02:21 AM
Parent: #1
***
|
|