Post: #1
Title: يابكري شيل شيلتك
Author: عبدالرحمن عبدالله أبوشيبة
Date: 11-29-2005, 12:02 PM
Parent: #0
صدقوني أنا ندمت على اليوم الوافق لي فيهو بكري بعضوية منبر السجم والرماد دا ومن يومها لا عارفين نشتغل ولا عارفين نراجع مع الاولاد ولاعارفين نقضي مشاوير البيوت ولاعارفين نجامل الناس والسبب هذا السجم الاسمو المنبر ،، الواحد فينا حايم من بوست لي بوست لمن تجيهو دوخه ،، المراجعين يخشو عليك في المكتب يلقوك تطقطق ما تعرف حتى تخلص ليهم معاملاتهم وام العيال والاولاد في يسبو ويسخطو لمن يشوفوك جايي من الشغل ملابسك ماعايز تبدلها تفتح النت ينادوك للغدا زين زين جاي جاي دقيقة دقيقة ،، ياناس بصراحة الشغل دا اخد مننا كل وقتنا الواحد حتى في النوم ماماخد راحتو يتخيل ليك الناس بترد عليك في البوست الفلاني والعجب العجاب لمن تكوني بتجاكر ليك في واحد زي ودعكر ولا الموج ولا سجيمان ولا عماد عبدالله منهم المراهق المتصابي ومنهم المراهق الطايش يخلوك تتقلب في النوم عشان ماينفردو بالبلوم .
ياجماعة بصراحة أنا إذا طردوني من البيت ولا من الشغل راح أدفع قضية في المدعو بكري أبوبكري ومن الآن خليكم شاهدين وقد أعذر من أنذر وكلامي دا ماعايزو يعتبرو بكري تهديد ويقوم يشطب عضويتي برضو ماراح يكون حل للمشكلة راح أتاوق بالشبك GUEST يعني .
وأنا عارف في كتيرين متضررين مثلي وأنا مطالبهم بعرضحالهم لمعرفة تداعيات هذه الأزمة الخطيرة التي سترفع لمجلس الأمن في غضون اسبوع مالم يقدم بكري حلول جذرية لهذا المنبر مثله مثل الملف النووي الايراني أو ملف اغتيال الحريري أو أزمة دارفور فهو لايقل شأناً على الاطلاق .
مع خالص ودي
المتضرر رقم واحد والبقية تأتي تباعاً ويلا علينا جاي والما يشتري يتفرج ويا بكري شيل شيلتك هدومك الفوقك دي ندللها في سوق الله واكبر
قرصة : آخرتها كمان جابت ليها مكاواه من سجيمان ونادية بكري يغديهم ويشربهم شاي ونحن نشرب هوا وناكل نييييييييييييييييييييييييييييم.
|
Post: #2
Title: Re: يابكري شيل شيلتك
Author: saif massad ali
Date: 11-29-2005, 12:16 PM
Parent: #1
ابو شيبة
انا اخوك انا الاحدب والله يطردوك اشيل عشرة زيك يا ابو الرجال ما تخاف الهميل لميناهم خلي انت سيد الناس
|
Post: #3
Title: Re: يابكري شيل شيلتك
Author: عبدالرحمن عبدالله أبوشيبة
Date: 11-30-2005, 00:03 AM
Parent: #2
Quote: ابو شيبة
انا اخوك انا الاحدب والله يطردوك اشيل عشرة زيك يا ابو الرجال ما تخاف الهميل لميناهم خلي انت سيد الناس |
تسلم ياسيف مساعد ياها المحيرة في يا أبو الرجال سند وعضد ليوم الشدائد والمحن تحضر بلانا وما تحضر عشانا.
|
Post: #4
Title: Re: يابكري شيل شيلتك
Author: saadeldin abdelrahman
Date: 11-30-2005, 00:34 AM
Parent: #1
سلام ابو شيبة أخوي
وحرررررم!
ما يشيلا براهو..نشيلا معاهو انا وانت و كل البعرف الفيل وما بطعن في ضلو.
سلمت أخي ودمت لأهلك وبلدك.
|
Post: #5
Title: Re: يابكري شيل شيلتك
Author: عبدالرحمن عبدالله أبوشيبة
Date: 11-30-2005, 00:54 AM
Parent: #4
Quote: سلام ابو شيبة أخوي
وحرررررم!
ما يشيلا براهو..نشيلا معاهو انا وانت و كل البعرف الفيل وما بطعن في ضلو.
سلمت أخي ودمت لأهلك وبلدك. |
حبيبي سعد
النماذج الطيبة من السودانيين أمثالكم هي التي غرست فينا حب الادمان على هذا المنبر الذي شغفنا بحبه حتى الثمالة ،، كسر فينا رتابة الغربة والوجوه المستعارة التي تأذينا من رؤيتها عشرات السنين .
لك الود ياكنز الرجال وليت بكري يقرأ هذا ليعرف كيف كان السبب في هذه الابتلاءات القاتلة والمدمرة والتي بسببها كما ذكرت قد نطرد من العمل ومن المنزل ونهيم على وجوهنا في مقاهي الانترنت .
|
Post: #6
Title: Re: يابكري شيل شيلتك
Author: WadAker
Date: 11-30-2005, 05:16 AM
Parent: #1
كدى النثبت دى لامن اجيك راجع
|
Post: #7
Title: Re: يابكري شيل شيلتك
Author: WadAker
Date: 11-30-2005, 05:18 AM
Parent: #1
| Quote: من تكوني بتجاكر ليك في واحد زي ودعكر ولا الموج ولا سجيمان ولا عماد عبدالله منهم المراهق المتصابي ومنهم المراهق الطايش يخلوك تتقلب في النوم عشان ماينفردو بالبلوم . |
ودى مع امنياتى ان تكون ام العيال بعيدة
|
Post: #8
Title: Re: يابكري شيل شيلتك
Author: عبدالرحمن عبدالله أبوشيبة
Date: 11-30-2005, 05:27 AM
Parent: #7
| Quote: ودى مع امنياتى ان تكون ام العيال بعيدة |
ودعكر
جيت عشان تجوطنا ياخوي أم العيال مابنديها طريقة تشوف حاجة قاعد اكتب بالحبر السري ولو جات مارة تظليل ودليييييييييييييييييييييييييييييييييييييييت ،، عايز تقول جبان جبان جبان لكني مابفك صوارييييييييييييييييييييييييخ زيك .
|
Post: #9
Title: Re: يابكري شيل شيلتك
Author: WadAker
Date: 11-30-2005, 07:42 AM
Parent: #1
| Quote: ياجماعة بصراحة أنا إذا طردوني من البيت ولا من الشغل راح أدفع قضية في المدعو بكري أبوبكري |
كدى خلينا من وااااااك و جاااااااك بتقول لام العيال طردونى عشان منيها.......... او عشان "ماتبكى ببكى انا" او ......... اجابة واحدة لا تكفى بل.. ثلاثة بكيات كافية كليك صريح مع ام العيال ودى نصيحة من مجرب
|
Post: #10
Title: Re: يابكري شيل شيلتك
Author: نجود حسن عبد الرحمن
Date: 11-30-2005, 07:58 AM
Parent: #9
ابشيبة كيفنك
بجيك راجعه اسى الوقت فات
بكرة سمح
|
Post: #11
Title: Re: يابكري شيل شيلتك
Author: WadAker
Date: 11-30-2005, 08:57 AM
Parent: #1
Quote: بجيك راجعه اسى الوقت فات
بكرة سمح |
سمححححححححححح
|
Post: #12
Title: Re: يابكري شيل شيلتك
Author: عبدالرحمن عبدالله أبوشيبة
Date: 11-30-2005, 10:00 AM
Parent: #11
المطه دي معاها صكة اسنان --- ياخي ارحم الحا مسحتها من الكيبورد
|
Post: #13
Title: Re: يابكري شيل شيلتك
Author: WadAker
Date: 11-30-2005, 10:13 AM
Parent: #1
| Quote: المطه دي معاها صكة اسنان --- ياخي ارحم الحا مسحتها من الكيبورد |
والا امكن جارى فرملة اليد
|
Post: #14
Title: Re: يابكري شيل شيلتك
Author: عبدالرحمن عبدالله أبوشيبة
Date: 11-30-2005, 10:38 AM
Parent: #13
| Quote: والا امكن جارى فرملة اليد |
يا ود عكر كدي خلينا من المماحكات بتاعتك دي ووريني رايك شنو في موضوع المنبر
سؤال : هل أنت تعاني مما أنا منه أعاني ؟
ماتقول لا تبقى كضبتين إنت من شدة المنبر ما شاغلك مالاقي وقت تكمل فيه كباية الشاي الشايله من كم شهر حتى قميصك ماقادر تبغيرو
بعدين طالبك تغير صورتك دي لانها مليانه حقارة وجسارة وحمرة عين ودي أوصاف جنا العباس الشوايقة معروفين بانهم سياسيين ومرنين وبنعصرو على الناس وفالحين ما بيغلتو على زول اما انت باين عليك شايقي تايوان.
|
Post: #15
Title: Re: يابكري شيل شيلتك
Author: WadAker
Date: 11-30-2005, 10:53 AM
Parent: #1
| Quote: سؤال : هل أنت تعاني مما أنا منه أعاني ؟ |
مع فرق بسيط .... انو انا بتقن مماحكاتى او..... واقعه لى كما يقولون ..اما عن الشوايقة فالحمدلله شلوخ الجدود "الله يرحمهم" اقنعت الحاكم العام ... ما سمعته بى عيش ودعكر
|
Post: #16
Title: Re: يابكري شيل شيلتك
Author: على احمد على
Date: 11-30-2005, 11:48 AM
Parent: #1
سمح .. السمح
|
Post: #17
Title: Re: يابكري شيل شيلتك
Author: WadAker
Date: 12-03-2005, 08:46 AM
Parent: #1
قاصد منو ياعبدالله
|
|