Post: #1
Title: البشير يدشّن خدمات شبكة (كنار) للاتصالات
Author: ghariba
Date: 11-28-2005, 03:55 PM
البشير يدشّن خدمات شبكة (كنار) للاتصالات
الخرطوم/الصحافة
دشن الرئيس عمر البشير، أمس بقاعة الصداقة، خدمة شبكة (كنارتل) للاتصالات بالسودان، وقال رئيس مجلس ادارة الشركة محمد حسن عمران، ان مؤسسة الامارات تسعى لبناء استراتيجية استثمار طويلة الامد وشراكة قوية مع الحكومة السودانية والقطاعات الاخرى، مشيرا الى التقنيات الحديثة التي ستستخدمها (كنارتل) لتقديم خدمات الاتصالات ونقل البيانات، مشيرا الى ان الهدف من ذلك تقديم خدمات تدفع عجلة التنمية بالسودان.
من جانبه، اكد المدير التنفيذى والعضو المنتدب لكنارتل سعود الجنيبي، ان نسبة 72% من الكوادر العاملة بالشركة من السودانيين، وقد تم اختيارهم بمقياس الاستثمارات الدولية، واضاف ان كنارتل ستساهم فى بناء السودان خلال هذه المرحلة التاريخية المهمة، مشيرا الى ان السودان يعتبر الان من اوائل الدول التى تعتمد خدمة الجيل الثالث من الاتصالات والتي ترتكز على أحدث الخدمات من خلال الشبكات اللاسلكية والكيبلات الضوئية، وسيكون البيع للجمهور لاحقا.من جانبه، قال وزير الدولة للاعلام والاتصالات فرح ابراهيم ،ان الحكومة عزمت على تطوير قطاع الاتصالات منذ زمن حتى يواكب التغييرات الدولية والعولمة، ودعا الى تطوير وتشجيع هذا القطاع، مؤكدا ان انطلاقة (كنارتل) تعتبر اضافة حقيقية لخدمات الاتصالات بالبلاد.
وقد استعرضت شركة (كنارتل) في الحفل امكانياتها الفنية والتقنية فى مجال الاتصالات.
|
Post: #2
Title: Re: البشير يدشّن خدمات شبكة (كنار) للاتصالات
Author: Ahmed Abdallah
Date: 11-28-2005, 04:08 PM
Parent: #1
يا غريبة ياخي الله يديك العافية وينور طريقك ويبلغك مقصودك .. فكنا ياخي من القرف ده ..
كل ألأخبار البتجيبها دي موجوده في صفحة ألأخبار وأكل عليها الدهر وشرب ... نفسي ياخي أقرأ ليك شيء فيه فائدة من بنات أفكارك ... ما معقول ياخي إنت اليوم كله غير لقيط أخبار السفارة والبشير عمل والشير فعل..ما عندك شيء ..
أرحمنا الله يرحمك .............
لك يا عزبزي العتبى ..
|
Post: #4
Title: Re: البشير يدشّن خدمات شبكة (كنار) للاتصالات
Author: mutwakil toum
Date: 11-28-2005, 05:01 PM
Parent: #2
المجاهد الأستاذ غريبة .
سلام عليكم ..
اتصالات واستثمار وعشان نواكب العالم الأول ده كلام هش يا غريبة يا أخوي . الدولة الفالحة بتبداء بالانسان . بياتو منطق دولة تعتبر ركيزة عمالة للدول النفطية- مثلاً - ودول العالم الاول والتاني والتالت
تجيها في عقر دارها بي نسبة اتنين وسبعين في المية من العمالة وين السبعة وعشرين .
بيزنيس الإتصالات معروف انو اسرع المشاريع بتجيب الدولار من ضنبو طايع ومختار .. البشير شايل مقصو وحايم محل القروش يا غريبة استثمار وطني بتاع ايه يا ابن الناس . الاستثمار الوطني كان موجود في البلد لكن مجدول وبكشح في ساقية التنمية وصعب يخش جيب البشير الغريق.
بتعرف الفرِق بين التنمية والنمو يا غريبة ؟؟ .
أقول ليك أنا .
الفرق بين الـتنتمية DEVELOPMENT و الـنمو GROWTH يا غريبة . إنو التنمية تسند النمو ..كييف . يعني تعمل مشروع تسميه الجزيرة تبيع القطن بي مليون جنية ده النمو ..تشيل ربعا لتطوير أدوات المشروع ودي التنمية وربعا تسند بيهو ميزانية الدولة ودي تنمية وربعا تبني بيهو صواني وكباري زي يوسف كان بعمل وكدة . لكن تعمل شركات إتصالات دي تبني طابق تاني في بيت زِبالة دي اسمها حرمنة وهي مادة في الإقتصاد الإسلامي ..
اها يا غريبة عين الحسود فيها خازوق والبشير يارب يِلهط وما يشبع . آآآآمين
|
Post: #3
Title: Re: البشير يدشّن خدمات شبكة (كنار) للاتصالات
Author: صديق الموج
Date: 11-28-2005, 04:49 PM
Parent: #1
Quote: يا غريبة ياخي الله يديك العافية وينور طريقك ويبلغك مقصودك .. فكنا ياخي من القرف ده ..
كل ألأخبار البتجيبها دي موجوده في صفحة ألأخبار وأكل عليها الدهر وشرب ... نفسي ياخي أقرأ ليك شيء فيه فائدة من بنات أفكارك ... ما معقول ياخي إنت اليوم كله غير لقيط أخبار السفارة والبشير عمل والشير فعل..ما عندك شيء ..
أرحمنا الله يرحمك ............. |
قلت ينات شنو يا احمد اخوى؟؟ طال انتظارك يا حبيب
|
|