الكبر,,,, دخل

من علامات الكبر لمن الواحد خلاص يبدأ يخش فى السنين الحرجة هى ما الحرجه خالص لكن بداياتة كدة
اها الواحد اول مايكبر كدى فى السن يجوك الاولاد كان اولادك ولا اولاد اخوك اختك المهم لمن يجو يسلمو عليك يبوسو راسك ومعاها ازيك ياحاج كيفنك الصحة كيف استريح والله ماتقوم يعنى حاجات كدى من تسمعه تعرف رقبتك دخلت فى العمر داك
ولمن تكون معاهم فى ملمه يقولو ليك لا لا الاتبدأ انت الاول بالحديث انت الكبير بتاعنا وبتاع القعده دى وةبعداك يخشو ليك فى الاسئلة ويهروك بيها انت قعد تصبغ شعرك دة مالو اتملى شيب كدةى لى اصلو عمرك كم فرقك من فلان كم سنة كدة تكون المهم راسك كان مافيهو شيبا كتير بتملى من نقتم
وكان اتكلمت ليك مع واحد ساى فى الشارع يقول ليك انت فى مقام ابوى لو ماكدى كان رديت ليك
وفى علامة برضو بتاع كبر سمعتة بيها طراطيش كلام انو الواحد لمن يكبر معارفو واهلو بيبدو يموتو دى ما متأكدة منها لكن قالو كدى يعنى بتكثر الوفيات عندو .
اما اصحابنا الشباب تلقاهم بقو يعملو الف حساب قدامك فى كلامات كدى بحاول مايقولوها قدامك عشان عامل السن وكدة وبعدين قعادك معاهم بتكون قاعد ليهم فى حلقم دايرنك متين تتخارج من جمبهم
بعدين بتبدأ تتحرج من تصرفات كدى كت بتقوم بيها زمان تقول بالله انا كت بعمل كدى بالغت انا والله صحى كتة طايش
ومرات كدى بتسمع ليك نصايح من ولدك او ود اختك ولد اخوك يعنى يقول ليك والله اكل دا وخلى دا عشان دا لمن تاكلو بقوى العضام وماتشرب البيبسى والكولا لانهم بهششو العضام وتلقى النس تجامل فيك وتمشى ليك كلامك ومرات تقوم تتجوعل وتعمل فيها الكبير وتديهم نصايح وتلقى روحك مابتقدر تساهر فى التلفزيون زى زمان تقوم تعكس دة على المساكين اليادوبم دايرين يشوفو الدنيا فى اللحظة دى هم بحبوك بالالوان وتقوم تديهم النصايح وتختهم فى مقارنات بين زمنم زمن العولمة وزمنك بتاع العصر الحجرى وهم اها بس منتظرين متين المحاضرة دى تنتهى ويقعدوا فى التلفزيون دى كلها علامات كبر انتبهو ليها فى ناس تتصرف التصرفات الفاتت دى كلها ومفتكرين روحم انهم عقلو عشان كدة بيتعمل ليهم حساب وماعارفين انو دة كبر


دى العلامات العامة لكن علامات الدكاترة دى بجيكم ليها تانى طولت عليكم اسى

تعريف المسن والشيخوخة :

اختلفت الآراء وتضاربت في تعريف المسن ؟ وهل هو الذي بلغ من العمر سنا معيناً 65 عاماً مثلاُ فأكثر ؟ أو هو الذي تبدو عليه آثار تميزه بكبر السن ؟ .

هناك رأي بأن الشيخوخة تغير طبيعي في حياة الإنسان أي أنها تطور فسيولوجي شأنها كمرحلة الرضاعة والطفولة والبلوغ والسن الوسط ثم الكهولة، وهذه سنة الله في خلقه وقد يفسر هذا التغير الفسيولوجي بأنه نتيجة التحول الذي يطرأ علي أنسجة كبير السن وخلاياه .

وهناك رأي أخر بأن الشيخوخة هي نتيجة لتراكم ظواهر كثيرة منها ما هو مرضي- مثل تصلب الشرايين والأمراض المزمنة -ومنها ما هو بسبب نقص التغذية والتقلبات الجوية والحالة النفسية والعصبية والحالة المناعية ومنها ما هو بسبب المؤثرات الداخليـة والخارجية والإسراف فـي تعاطي العقاقير والعدوى 00 إلي آخره مما يـؤدي إلـي الاضمحلال والشيخوخة ، ذلك إذا أتـت مبكـرة عن ميعادها الافتراضي.

هذا ويلعب الاستعداد الشخصي والعائلي دورا في بلوغ الإنسان مرحلة الشيخوخة قبل الأوان وهو الذي يصدق عليه القول بالشيخوخة المبكرة .

والفصل بين هذه الأنواع قد لا يكون بالسهولة أو الإمكان ولهذا تعتبر الشيخوخة خلاصة تلك المسببات جميعاً .

ولقد اختلفت الآراء كذلك في الوقت الذي تبدأ فيه الشيخوخة ، وأوضحت دراسات عدة أن التقدم في السن ، وبالتالي ظهور أعراض الشيخوخة سواء صحياً أو نفسياً أو عقلياً قد يبدأ في أي مرحلة من مراحل العمر 0000 فالقدرات عامة تبدأ في التغير ابتداء من سن العشرين، ومن جهة أخرى فمن المعروف أن سن الشخص قد لا يكون بالضرورة متفقاً واحتفاظه بوظائفه البدنية .

وعلي هذا يتفق الكثيرون علي تعريف الشيخوخة بأنها مرحلة العمر التي تبدأ فيها الوظائف الجسدية والعقلية في التدهور بصورة أكثر وضوحاً مما كانت عليه في الفترات السابقة من العمر .

ولذلك فقد تم تقسيم المسنين إلي مجموعتين :-

المسن النشط أو الصغير من 60 – 75.

المسن الكبير من 76 وما فوقها
التغيرات المنظورة التي تصاحب التقدم في السن :-


كلما تقدم السن فإن هناك تغيرات فسيولوجية تؤثر علي القوة العضلية والقدرة علي التحمل وتضعف العظام وتتأثر أنسجة المفاصل خاصة في السيدات ، وتتأثر وظائف القلب والأوعية الدموية 000كل هذا يجعل القدرة علي المجهود البدني محدودة ويتأثر الجهاز التنفسي ، ونتيجة لهذه التغيرات تقل قدرة المسن علي أداء العمل العضلي كلما تقدم عمره ولا سيما في أداء الأعمال قصيرة الأمد التي تتطلب مجهوداً فائقاً لمدة قصيرة وكذلك الأعمال التي تتطلب جهداً متوسطاً لمدة طويلة وكذلك تتأثر الوظائف الحسية مثل التغيرات التي تصيب العينين والسمع000 كما أن هناك العديد من المتغيرات التي تصيب الجهاز العصبي وتؤثر علي القدرة علي أداء العمل وسرعة التعامل مع المعلومات الواردة إليه .

التقدم في السن والأداء الوظيفي :-

يتأثر الأداء الوظيفي بالتقدم في السن خاصة في المواقع التي تعتمد علي كفاءة الوظائف الذهنية مثل الأنشطة الحسية والإدراكية و الانتباه المتقطع و الذاكرة والتعامل السريع مع المعلومات . وهناك اتجاه في بعض الدول المتقدمة إلي انتقال العامل بعد 45 عاماً من العمل العضلي العنيف إلي أعمال أخف.

والمسنون عادة لا تناسبهم الأعمال التي لا يمكنهم التحكم في سرعتها أو تلك التي يرهقهم فيها الجري وراء الحافز المادي (العمل بالقطعة) أو تلك الأعمال التي تتطلب الحركة المستمرة أو سرعة الأداء أو الحاجة إلي تعلم مهارات جديدة .

أما حوادث العمل فهي أقل حدوثاً بين العاملين المسنين نسبياً ولكنها إذا حدثت فإن الوقت اللازم للشفاء يكون أكبر .

وبينما بينت البحوث والدراسات أن العامل المسن تقل كفاءته العضلية عن العامل الأصغر سناً ومن هنا فإنه يوجه إلي مجالات أخرى يكون فيها أكثر فائدة ، ولكي يتحقق ذلك ينبغي أن يهيأ له عمل يتوافق مع قدراته وتغيراته السمعية والبصرية والذهنية وأن تحدد المجالات التي يمكن أن يؤديها بكفاءة أكبر .


التقدم في السن والأمراض الذهانية

مع ارتفاع مستوي الرعاية الصحية سوف يرتفع عدد المسنين وبالتالي سوف ينتشر عصاب وذهان الشيخوخة ويتراوح نسبة انتشار ذهان الشيخوخة من مكان لآخر ولكن تدل بعض الأبحاث علي أن حوالي 1 % من المسنين يعانون من عته الشيخوخة وهو أحد أمراض ذهان الشيخوخة 000 وتلعـب العوامـل الاجتماعيـة دوراً هامـاً في انتشار هذه الأمراض وأهم العوامل الآتي:-

1-العزلة الاجتماعية : حيث أصبحت الأسر مفككة بعد التقدم الصناعي والحضاري وسهولة المواصلات بين البلاد المختلفة حيث00 نجد أن الأجيال الجديدة تهاجر من بلد إلي أخر وأحياناً يحدث الانفصال في سن مبكرة 00 فيجد الآباء والأمهات أنفسهم في عزلة عن باقي العائلة ويصبحون في عزلة اجتماعية تعزز ظهور الأمراض النفسية والعقلية 000 وذلك عكس ما كان يحدث في الماضي حيث الأسر الممتدة التي تتكون من عدة أجيال حيث يحترم فيها المسنين وتحترم شيخوختهم .

2-العجز : ويحدث العجز والعزلة الاجتماعية من جراء حدوث أمراض جسمانية خاصة تلك المتعلقة بالحواس الخاصة وأهمها فقدان الإبصار والسمع مما يفصل بين المسن والمجتمع الذي يعيش فيه ومن ثم يبدأ الشك فيمن حوله ويتولد عنده بعض الضلالات الإضطهاديه وغيرها من أعراض العصاب

3-التقاعد : حيث تثير مشكلة التقاعد في المسن عدة عوامل أهمها نقص الدخل المادي وزيادة الفراغ وضياع الأهداف وفقدان جزء من احترامه الأولي . ولذلك يجب الوقاية من التقاعد المفاجئ وجعلها عملية تدريجية حتى يستفاد من المتقاعد بطريقة استشارية نظراً للخبرة الطويلة التي مر بها ولمنع ظهـور أعـراض المرض النفسي عليه .

ونستطيع تصنيف اضطرابات الشيخوخة العقلية كالآتي:

1-عته ما قبل الشيخوخة (الخرف المبكر) .

2-عته الشيخوخة .

3-عته تصلب شرايين المخ .

4-ذهان الشيخوخة الوجداني .

5-فصام الشيخوخة .

وعندما يبدأ المرض الذهاني في المريض المسن فإن كلاً من الأسرة والمريض يعاني من مشاكل المرض وعلاماته حيث يبدأ المريض في الشكوى المتكررة من الآلام الجسمانية التي تتكرر وتؤثر علي أكثر من جهاز من أجهزة الجسم ويذهب المريض من طبيب إلي آخر بحثاً عن العلاج المناسب وعندما تظهر الأعراض النفسية يلجأ أهل المسن أخيراً للطبيب النفسي .

ويتميز العته بكافة أنواعه بالأعراض الإكلينيكية والسلوكية الآتية :-

1-تغير عقلي : حيث يضطرب الفهم ويتشتت الانتباه ويصعب التركيز وتضمحل الذاكرة أولاً للأحداث القريبة ثم تمتد لتشمل كل حياة الفرد مع اضطراب في التعرف علي الزمان والمكان ، وتدهور القدرة علي الحكم والتقدير السليم مع التأرجح الواضح في درجة الانتباه .

2-تغير وجداني : حيث يظهر الاضطراب الانفعالي بكافة أنواعه وخاصة عدم التناسب الوجداني والضحك والبكاء بدون سبب وبطريقة اندفاعية فجائية ، ويتغير المزاج من الاكتئاب للمرح بصورة سريعة ويصاحب الاكتئاب بداية المرض في حوالي 30 % من الحالات .

3-تغير سلوكي : حيث يسلك المريض سلوكاً غريباً عن طبيعته ، مختلفاً عن سابق عهده ، كالاستغراق في الجنس والانحراف والاستعراء أمام الأسرة والأصدقاء .

4-تغير في الشخصية : ويأخذ ذلك طابع الأنانية والسلبية وكثرة الطلبات وضيق اهتماماته والبدء في العزلة عن الناس مع حب التملك والسيطرة ، وتوهم العلل البدنية والشك فيمن حوله ، واتهامهم بالكلام عنه ورغبتهم في التخلص منه ويساعد علي ذلك اضطراب الذاكرة 000وتتدهور حاله مرضي عته الشيخوخة تدريجياً حتى يفقد المريض ذاكرته وشخصيته تماماً ويصاب أحياناً بسلس البول والبراز .





أهمية الصحة النفسية للمسنين :

والمقصود بالصحة النفسية هنا هو مدي قدرة المسن علي التوافق مع نفسه . ومع المجتمع الذي يعيش فيه 000 وهذا ما يؤدي إلي التمتع بحياة خالية من الاضطرابات النفسية وأن يرضي عن نفسه 00 وأن يتقبل ذاته كما يتقبل الآخرين فلا يبدوا منه ما يدل علي عدم التوافق الاجتماعي ويتطلب التقدم في السن التكيف مع التغيرات الجسمية والعقلية التي تصاحب الشيخوخة 000 وتوقع المزيد من التغيرات في المراحل التالية 000 وبذلك يشير التوافق مع التقدم في السن إلي ردود فعل الفرد تجاه تداخل التغيرات البيولوجية والنفسية والاجتماعية 000 كما يشير إلي مدي الرضا عن الحياة وتجنب القلب والاكتئاب النفسى .

وقد تكون التأثيرات النفسية للمشكلات الاقتصادية من الأهمية نفسياً بقدر أهميتها المادية 000 كما أن هذه المشكلات قد تكون سبباً في إرهاف الشعور بعدم الاستقلال أو فقدان المركز الاجتماعي . والأفراد الذين يحسنون التوافق مع الشيخوخة هم عادة أكثر اقتناعاً بحياتهم

ومن جهة أخرى فإن التقاليد التي تحترم الشيخوخة وتعطي المسنين حقهم من الاحترام والتبجيل 00 واستشارتهم في مسائل الحياة المختلفة تساعد علي تحقيق التوافق النفسي والاجتماعي الضروري لطمأنينة المسن وسعادته .

هذا وقد أوضحت الدراسات أن اتجاه أغلب المسنين نحو العمل والنشاط أفضل من اتجاههم نحو التقاعد والاعتزال 000 وأن أغلب المسنين يرغبون في العمل ومواصلة النشاط لأطول فترة ممكنة بعد التقاعد والاعتزال وأن الحاجة للإنجاز تميز النمط الواقعي لهم حتى ولو كان العمل الجديد في مراتب وظيفية أدني من التي كانوا يشغلونها قبل التقاعد أو أقل أجراً 000 لأن ذلك يساعدهم علي الإبقاء علي الشعور بوجود هدف خلال تلك المرحلة المتأخرة من العمر 000 كما أن انشغال المتقاعد بالأنشطة اليدوية والهوايات الإنتاجية كالخزف والزراعة يعتبر بدون شك نوعاً من الرضا والسلوك التوافقي .
ولك مني الشكر

والله يا ود حلاوى من الكتبتو فى المسنين دة

خليتنى مشيت قريت البروفايل بتاعك

إن شاء الله بروفايلي عجبك !!

لانخاف الكبر الذين يخافون الكبر الفنانين والفنانات حينما يمضي ربيع العمر لكن بعد الاربعين لازم نقلل السكر ولازم نظارة قراية وممكن تحب بت صغيرة بعد الزواج لكي تشعر بالشباب

اديك من حق الرجال
قالوا الراجل بمر بي تلاتة مراحل
المرحلة الاولى تلقي ليك يساعد في المطبخ ويمسك الاولاد ويدلع في المرا اخر دلع
المرحلة التانية بالليل لمن يدور ينوم براهو كدا يقول منو ؟ منو الفي الباب ؟ المرا تقول يا راجل قول بسم الله مافي زول في الباب انت بس يتخيل ليك ساكت
المرحلة التالتة ودي الخطيرة وحذفناها لانو انشاء الله ما يصلها واحد مننا

شفتي يا نجود لمن تفتح الباب وتخش جوة وتقوم المرا تقول ليك يا ولدي إنت جيت ؟؟؟
تعرف طوالي إنو المرا دي جلكنت خلااااااااااااااااص وبقت تلعب تحت الخمسين

اها جيتكم لى علامات الدكاترة ودى فيها الواحد حياتو كلها تبقى دكاترة يعنى بتبدأ بى الم المفاصل والركب يبقو خرد دايرين ليهم عمرة وتلقى الواحد خلاص بعده ياكرسى جاك زول عاوز يقعد فى الكرسى مابيقدر يقعد فى الارض ما الركب بقن دايراتلهن عمرة لانو لو لحق قعد فى الارض تانى يقومو الجليل الرحيم غايتو الصلاة كدى كدى بتتعده لكن بعد سنة كدى من ما الركب بقت خردة بتبقى الصلاة فى الكرسى ..
اما القراية بعده خلاص زمنة فات وغناية مات بعده يالنضارات جاك زول والتلفزيون بكون عدم شوف وعدم سمع اها فى الحالة دى بضطر الواحد يسمع الرادى عشان الرادى بقدر يقربو من اضنيهو لكن التلفزيون بعمل ازعاج للامة الجمبو غايتو ممكن الواحد يحضرو فى حالة واحده الا تكون فى مباراة شغاله ويكون حافظ ارقام اللاعبين وكدة يعرف الجاب قون من الشات برة..
وبرضو تلقى الواحد بقى يعد فى سنونو الثابتة دى والمخلخلة دى وهاك يادكتور جاتك زيارة ..
بعد ماينزل للسجود ويخت يدينو على الارض يقيف ثانية ثانيتين(عشان يتواسى ) قبل مايسجد وتلامس جبهتة للأرض ..
والشعر يبدأ يصلع والحواجبين تتهدل ويبقى فى فتيش للمقص عشان يواسوهن
ويقعد يلملم فى المسامير والصواميل المرمية(دة ماخرف لكن كبر والله صدقونى)
ولو عندو عربية تلقاهو ململم اكياس النايلون يقول بحتاج ليهم
وبتحول طريقة حك الجلد في الرأس والوش من الهرش إلى اللطف وبرأس الأصبع مع الضفر بدل الأظفار مجتمعة.
وكل مايدخل البيت يطفى الانوار ويسل الفيش
ولجتو بتكتر عرفتو اللجه

اها دى علامات الكبر كلها سوا لو واحد حسى بى اى عرض من الاعراض المزكورة اعلاة يعرف روحو طوالى دخل المرحلة اياها مايقوم يفتكرة عقلان منو.


سمح ياسجيمان

Quote: فى حالة واحده الا تكون فى مباراة شغاله ويكون حافظ ارقام اللاعبين وكدة يعرف الجاب قون من الشات برة..

بس قولي لي قدر يشوف الأرقام كيف؟قالت يعرفوا قالت..!




أسمعيني هاك المفيد في السكة الحديد ,وسيبك من كلام الدكاترة وغيرهم,
من ما الواحد يقول:

آآآآآآآآآآآآء قلتي شنوووووووووو؟
أعرفي خلاس تب الزول دا ...عندوا معاينة

Quote: سمح ياسجيمان

يعني سجيمان عجوز البورد !!!

ما سمعك كان قال جاب ليكي عريس 12 سلندر

هوي يا بت إنتي قاعدة تراقبيني ولا الكلام ده جبتي من وييييييييييييييييين؟؟؟


الشايقي

نجود لكن لقيتك سغيلا خلاس(ما تصلحيها -بحب اكتبها كد عشان معبرة اكثر من ثقيلة)

يعنى فى داعى تذكرينا ...زعلان منك،،،،

هههههههههههههههههههههههههه


والله البوست بتاعى ظهر مواهب مدفونة كانت (مع الاعتذار لمواهب)

نجود سلام

شنو لميتي في العجائز شغل جد, انا صغير وجاهل

Quote: شنو لميتي في العجائز شغل جد, انا صغير وجاهل

واللابسن فى عويناتك ديل لينسسlenses

Quote: واللابسن فى عويناتك ديل لينسسlenses

نجود بيكي علينا المولي يجود
كدي قولي لي 20سنة قراية بس مابودرن الشوف

لكن صورتك ديك شلتها وعلقتها فوق البيت

Quote: نجود بيكي علينا المولي يجود كدي قولي لي 20سنة قراية بس مابودرن الشوف لكن صورتك ديك شلتها وعلقتها فوق البيت

سيف مساعد نحن جعليين وبنطعن اعمل حسابك،،،

Quote: سيف مساعد نحن جعليين وبنطعن اعمل حسابك،،،

يازول الحاصل شنو

نجود... انتي شوفتيني بي عيونك.... وانا ارقص كما لم يرقص قرد.. كيفني ليكي؟؟؟؟....اصلو الجايب لنا النضم صديق الموج دا.... يا اخي لما تجي تصور اجلط لك شوية صبيغة في شعرك دا......

يا نجود سلام
كان كده نحن قرررربنا نطلع برة الشبكة
الله يستر

انتو الكبر بيخش ولا بدقش!

البدخل ده الأستاذ ود الأمين

أما البدقش فهو المجروس


مع الإعتذار لمجروس الفنانة الزمان...

يكون نزلوها للصالح عام

Quote: نجود... انتي شوفتيني بي عيونك.... وانا ارقص كما لم يرقص قرد.. كيفني ليكي؟؟؟؟....اصلو الجايب لنا النضم صديق الموج دا.... يا اخي لما تجي تصور اجلط لك شوية صبيغة في شعرك دا......

سجيمان يا دفعة كيفك بى غادى

ما سمعت المثل البقول:

لايصلح الصباغ ما افسد عمر الجزلى

لقيتنى كيف يا نجود يا ست البنوت،،،

ومن علامات الكبر أيضاً أيها الرفاق والرفيقات رقة المشاعر ورهافة القلب والدمعة القريبة ،، أما ترون كل البوستات التي نتردد عليها يصيبها البلبل فالبكاء عبر الأثير له طعمه الخاص ودفء المشاعر يقرب المسافات وفي ذات الوقت نتمتع بصمغ سوبرقلو سرعان مايكبل أقدام حسناوات المنبررررررررررررررر دون فكاك .

بالله يا نجود

شوفي لينا ليه علاج معاكي !!

Quote: بالله يا نجود شوفي لينا ليه علاج معاكي !!

هوووووووووووووزي

يا اختي إنتي ماشاء الله عليك صغيرة وجاهلة عمر الزهور عمر المنى.

Quote: اصلو الجايب لنا النضم صديق الموج دا.... يا اخي لما تجي تصور اجلط لك شوية صبيغة في شعرك دا......

اى يا لموج اسمع كلام سجيمان دة صبغ الشعرات وخت ليك لنسس فى عويناتك بنات المنبر كلهن بتهافتن عليك كدى جرب عشان غيرك يتشجع


عبد الماجد ود فرح

Quote: يا نجود سلام كان كده نحن قرررربنا نطلع برة الشبكة الله يستر

معقولة بس انتو زى صلعتكم دى موضة انت ماشفت روبرتو كارلوس ولا شنو

وماشى بعيد لية عندك بكرى ابوبكر سيد الناس ماكبير لكن متابع الموضه

(والله اعلم موضة ولا وراثة)

ود الموج تانى

Quote: سجيمان يا دفعة كيفك بى غادى ما سمعت المثل البقول: لايصلح الصباغ ما افسد عمر الجزلى لقيتنى كيف يا نجود يا ست البنوت،،،

عمر الجزلى سوى شنو ياربى غير البنعرفو

لقيتك ياود الموج حكاااااية

بالله سجيمان دفعتك

(هي هي هي هي)

ابشيبة

Quote: ومن علامات الكبر أيضاً أيها الرفاق والرفيقات رقة المشاعر ورهافة القلب والدمعة القريبة ،، أما ترون كل البوستات التي نتردد عليها يصيبها البلبل فالبكاء عبر الأثير له طعمه الخاص ودفء المشاعر يقرب المسافات وفي ذات الوقت نتمتع بصمغ سوبرقلو سرعان مايكبل أقدام حسناوات المنبررررررررررررررر دون فكاك .

جنس بكا هو لكن

هوزى ست البنات

Quote: بالله يا نجود شوفي لينا ليه علاج معاكي !!

لمن انتى تقولى كدى ناس الموج وسجيمان يقعو البحر

مادايرة اقول ابشيبة تحصل مشاكل يقول اسى الدخلنى مع الموج وسجيمان شنو

والله يا ابشيبة فى وجه شبة فى النضارات بس لكن البمرقك منهم انو نضاراتم زى كعب

الكباية وانت نضاراتك الكبايى زاتة.وشعراتك سود ماعندك عوجة كعبين العندهم شح فى

الصبغه.

لا لا خلاص مابجي الحلة دى تاني

فتحوا لينا

.came to the party and didn't have my dinner

Quote: بشيبة Quote:جنس بكا هو لكن

وبي نخجيهو كمااااااااااان
أسأل نفسك بينك وبينها عن إخلاصنا ولييييييييييييييه تتجاهل شوقنا البينا للللا وللللا

هي هي هي هي
خلاث عرفت الثبب

ؤبث

عنيدة النديدة

وين انتى ياقلب

ياخ والله بالغتى عديل كدة مالك محاربة المنبر ليك مدة مابنتى انشاء الله المانع خير

وبعدين تعالى هنا عرس اخوى ماجيتى مالك

ولا الكبر دخل وبقيتى ما بتقدرى على السهر كان دة سببك عزرتك والله انا برضو عندى نظر.
















هبشة
هو سجيمان بجلالة قدرو حضر

لكن بينى وبينك انتى اكبر شوية هو ماحصل مرحلة العكاز دى

نجود البريدا والله كنت اتمني احضر العرس
لكن حقك حالفه قسم وشايلا نضر
كان وين ووين اجي احضرو

وسجيمان دا براك شفتيه
قالو يادي حتاه شديييد
غشان كدي ناس العكاز ديل حدهم صلاة المغرب

مكرر

الاخت نجود


السلام عليكم ورحمة الله تعالى وبركاته

دا كلام شنو يااختى بتصدقى اخر مرة مشيت

اجازة السودان اولاد اخوى سلموا على فى الراس

وكنت مبسوطة وسعيدة لهذا الاحترام وانا ما كنت

عارفة دى واحدة من علامات الكبر,,,,دخل

الله يكبر العقل يا اختى

(بوست رائع)



انتصار

Quote: دا كلام شنو يااختى بتصدقى اخر مرة مشيت اجازة السودان اولاد اخوى سلموا على فى الراس وكنت مبسوطة وسعيدة لهذا الاحترام وانا ما كنت عارفة دى واحدة من علامات الكبر,,,,دخل الله يكبر العقل يا اختى

انتصار
يعلم الله ضحكتيني واتخيلتك دنقرتي راسك كمان لمن توبك وقع ، إنتي عارفه زي ديل تقومي على حيلك وتديهم سكه كمان
زي أنا مره أولاد اختي جو يسلمو ولمن عايز أقوم قالو لي قبلك قبلك والله ماتقوم قلت ليهم دا علي أنا إنتو قايلني كبرت حرم أقوم وأصارعكم كمان.

حبوبة َ لينا جدنا عرس فوقها في البداية اتشجعت ومشت خطبت ليهو وجهزت ليهو شنطتو أول ما شالوها ليهو وقشر بي جلابيتو الجديدة جرت على البير ووردلب وقعت فيهو أول ما مرقوها قالو ليها العرس دا تم برضاك خبارك وقعتي في البير قالت ليهم حرقني وماكنت قايلاهو حار كدي


هيييييييييييييييييييييييييييييه يادنيا مافيكي زول بيعترف بالكبررررررررررررررر

Quote: اجازة السودان اولاد اخوى سلموا على فى الراس وكنت مبسوطة وسعيدة لهذا الاحترام وانا ما كنت عارفة دى واحدة من علامات الكبر,,,,دخل

ماتخافى دى بتكون حركة منهم ساى عشان انتى جاية من برة وعاوزين يوروك انهم اولاد

مؤدبين وكدة















وكمان ماتفرحى شديد يمكن يكونو شايفنك كبرتى

عارفة يانجود
عندي صاحبتي كلما نقعد نفرش الورق نزاكر تقول لي حالة اخير منها العرس
اقول ليها بري نحن صغار لسة تقول لي جملتها المشهورة

صغار شنو" بالتسنين فوق للعشرين وبالميلاد هو بنعد عاد"
ثم تضحك وتضيف ليها الكبر دخل.
كلما اجي مارة بالبوست دا بيجيني هذا الخاطر.
واصبحت جملتها مثلاً لكل الشلة.

يا بكرى أبو بكر .. البوست دا إرهابى .. أسحبوا فورا

تعرفى يا نجود .. ناس كتيرة مسكت الورقة و القلم و بدأت تحسب

دى عندى .. لا قصة الهناى دى ما عندى .. و الكل يصل فى النهاية إلى أن الكبر لم يدخل بعد ...

ياود الحلاوى اقول ليك حاجة

فى علامة انا مازكرتها كمان من علامة الكبر

انو الواحد لمن يدور يقوم زى الشافع لمن يقوم من الارض

الاخت الصديقة نجود



غايتو انا الموضوع ده اظنه بهمني كتييييييييير



الكبر حصـــــــــــــــــــــــــــل

Quote: الكبر حصـــــــــــــــــــــــــــل

قبل كم سنه

الاخت نجود

بتصدقى شلت لى ورقة وقلم وكتبت النثقاط الهامة

من علامات الكبر الواردة فى البوست مش ملاحظة معاى

مشاكل هذا العصر والضغوط التى يعيشها الناس كفيلة

بان نصل سن الكهولة قبل الاوان ؟

هسع عبد الرحمن ابوشيبة يقول لى انت خلاص اصلا اولاد اخوك

عرفوا الحاصل بيك ! انا لسع شباب ذى ما قالت نجود الاولاد

مهذبين ومنتظرين الهدايا وغمضت عيونى يا نجود من اخر الصفحة


انتصار

Quote: بتصدقى شلت لى ورقة وقلم وكتبت النثقاط الهامة من علامات الكبر الواردة فى البوست مش ملاحظة معاى مشاكل هذا العصر والضغوط التى يعيشها الناس كفيلة بان نصل سن الكهولة قبل الاوان ؟

نتظهر علينا علامات الكبر ونلصقه فى العصر ومشاكلو

استسلمى ساى ياانتصار ياختى

ليه الاستسلام ممكن تعمل عملية صيانة لأن الصيانة بطول عمر العربية ناهيك عن الإنسان
وأكيد الصيانة المطلوبة تجدها في روشتة الدكاترة المتخصصين في الرشاقة والتخسيس ناس التربية البدنية وشفط الدهون والسليكون ورفع الحواجب والحقن لازالة التجاعيد وفي طرق كتيرة ومسيخة اتمنى حبوبتي زينب تشاهد برنامج swan 2 عشان تغير رأيها في النظارات ووليع النار الصباح بحطب الطلح لزوم تسخين العجلات ( الركب ) كان جابت ليها عريس لقطة من أمريكا وننعنش بعد حالنا دا

Quote: ليه الاستسلام ممكن تعمل عملية صيانة لأن الصيانة بطول عمر العربية ناهيك عن الإنسان وأكيد الصيانة المطلوبة تجدها في روشتة الدكاترة المتخصصين في الرشاقة والتخسيس ناس التربية البدنية وشفط الدهون والسليكون ورفع الحواجب والحقن لازالة التجاعيد وفي طرق كتيرة ومسيخة

برضو ما بترجعك زى الاول

يعنى زى العربية تصلحة وتقول بقت زى الجديدة لاحظ لكلمة زى دى وبعد يومين تبوظ تانى

اها احنا زى العربية بعمليات التجميل نبقى زى زمان بس سنة سنتين ونعمل واحده تانى وهكذا دواليك لغاية ما نجى ندور نضحك نلاقى خشمنابقى زى علبة الصلصة لمن تفتحة بسكين من كترة الشد شيد

ما مشكلة عادية المهم العمرة ( بفتح العين ) ما بطالة لكن مازي الجديد الأول ، والجديد في الكرو ( الجرح) سمح لكن برضو بمشي الحال وانتي عارفة الرجال أغلبيتهم ما بحتوا في الحاجات دي شديد ، يهمه الريحة الفايحة و تفاصيل ظاهرة لكن ما بدقق إلا إذا كان تفتيحة ومقددها يقدر يميز السمكرة من البوهية الأصلية .أنا أنصح الحريم بالصيانة المستمرة وترك اللهض الكتير والرمرمة