Post: #1
Title: قيام رحلة لبورداب الرياض يوم الجمعة 00000000
Author: طارق عبد اللطيف نقد
Date: 11-27-2005, 07:34 AM
Parent: #0
اليكم مني الحب والسلام والتحية
ده مجرد اقتراح
انا بقترح انوا نعمل رحلةلبورداب الرياض
ونأجر استراحة كبيرة ولا مزرعة
وكل واحد يساهم بي برنامج
والرحلة لي حاجات كتيرة خالص
اولا تجمع اجتماعي نعرف فية بعض اكثر بالذات الناس الجداد ذيي
ثانيا نطلع شوية من هموم الغربة ومعضلة الكفيل
ونتذكر رحل السودان- الجبل وبري- والمعرض - والجريف -والفكي هاشمم و ود العقلي
ثالثا -نذوب الجليد والخلافات الحادة في البورد
رابعا- ممكن ندعو بورداب الشرقية كمان لانهم قراب
وطبعا لازم تكون عائلية
|
Post: #2
Title: المانع شنو
Author: م. سيد احمد قدورة
Date: 11-28-2005, 07:31 AM
Parent: #1
أوافقك الرأى الاخ طارق.
وانا لا أدرى هل هنالك منسق لبورداب الرياض أم لا يا ود قاسم
أنا طبعا يا جماعة بوردابى جديد لنج
|
Post: #3
Title: Re: المانع شنو
Author: humida
Date: 11-28-2005, 09:54 AM
Parent: #2
آآآآآآآآآآآآآآخ انا من وجع البطن .. !!!
يا اخوي انت جديد .. ولا أصلك مندهش كدا ..
يا اخونا انت منو ..
كدي تعال اتعرف بالناس ..
وبعدين ممكن نمشي نفسحك ..
ونركبك الطوطحانية لو حبيت ..
بس عليك الله براحة ..
كورتنا هنا واطة .. وبكدارات ..
شغل الضفاري .. والطفيش دا ما بنفع ..
كدي امشي ألعب شد واركب .. واتمرن كويس
وتعال ..
 
|
Post: #23
Title: Re: المانع شنو
Author: معتصم دفع الله
Date: 11-29-2005, 08:59 AM
Parent: #3
مرحب بالوجيه طارق عبداللطيف ..
نورت المنبر ..
تخريمة حسب حالة الزهجة والطقس هنا ..
يا حميضة ما كنت كويس قبل ما أسافر الحصل ليك شنو ؟..
قام عليك الضرس زي صاحبك ؟..
|
Post: #4
Title: Re: قيام رحلة لبورداب الرياض يوم الجمعة 00000000
Author: طارق عبد اللطيف نقد
Date: 11-28-2005, 10:49 AM
Parent: #1
حميدة يا كبير يا رايق
اسأل كبارك في البورد
اسماعيل وراق
ودقاسم
صديق الموج
تمبس
مين طارق نقد
وبعدين ده مجرد اقتراح
وخليك ديمقراطي
|
Post: #5
Title: Re: قيام رحلة لبورداب الرياض يوم الجمعة 00000000
Author: humida
Date: 11-28-2005, 11:06 AM
Parent: #4
كبير الله ..!!
|
Post: #6
Title: Re: قيام رحلة لبورداب الرياض يوم الجمعة 00000000
Author: اساسي
Date: 11-28-2005, 11:48 AM
Parent: #5
| Quote: رحلة لبورداب الرياض يوم الجمعة |
ماشين البحر.!؟
يا حميضة انت بقيت ولد فالت .!! 
عندك كلام مفيد قولو ولا انطم
انا ما عارف في الرياض دي كلها ما لقيت ليك ولي امر؟
يا حليل المجاهد فصاحتك كلها معاهو لمن تقول ليهو جيب حق العشا
الله يطوطحك ويصهين منك قول امين
|
Post: #7
Title: Re: قيام رحلة لبورداب الرياض يوم الجمعة 00000000
Author: صديق الموج
Date: 11-28-2005, 12:07 PM
Parent: #1
Quote: آآآآآآآآآآآآآآخ انا من وجع البطن .. !!!
يا اخوي انت جديد .. ولا أصلك مندهش كدا ..
يا اخونا انت منو |
ده الان اداك وكتر ما بقول اديت
اب درق الموشح كله بالسوميت
اب رسوة البكر حجر شراب سيتيت
كاتال فى الخلاء وعقبان كريم فى البيت
|
Post: #8
Title: Re: قيام رحلة لبورداب الرياض يوم الجمعة 00000000
Author: humida
Date: 11-28-2005, 12:11 PM
Parent: #7
هيع .. هيع ..
برضو ما عرفتو ..!!
|
Post: #9
Title: Re: قيام رحلة لبورداب الرياض يوم الجمعة 00000000
Author: صديق الموج
Date: 11-28-2005, 05:40 PM
Parent: #1
Quote: هيع .. هيع ..
برضو ما عرفتو ..!! |
حميدة يخس عليك ليه ما بتقول لى عملت عملية تجميل!! تصدق برضو ما عرفتك بالبهدلة
الجديدة...(اقصد البدلة)
وبعدين شفت الولد طارق ده امسك فيه قوى..والله تختو فى الجرح يبرأ بجد جد،،
|
Post: #10
Title: Re: قيام رحلة لبورداب الرياض يوم الجمعة 00000000
Author: صلاح الدين عبدالله محمد
Date: 11-29-2005, 01:07 AM
Parent: #9
Quote: حميدة يخس عليك ليه ما بتقول لى عملت عملية تجميل!! تصدق برضو ما عرفتك بالبهدلة
الجديدة...(اقصد البدلة) |
: D
|
Post: #11
Title: مافى داعى
Author: م. سيد احمد قدورة
Date: 11-29-2005, 03:00 AM
Parent: #1
يا جماعة الناس ديل مالم نفسهم بقى حار كدى.
يا حميدة خلي روحك رياضية واقبل اقتراحات الناس.
ونحنا والله ما قلنا كلام يضايقك قدر دا كلوا.
يا خى على الاقل رحب بينا.ولا شنو يا ود قاسم وتمبس والموج
|
Post: #12
Title: Re: قيام رحلة لبورداب الرياض يوم الجمعة 00000000
Author: ahmed haneen
Date: 11-29-2005, 03:50 AM
Parent: #1
الأخوان طارق نقد
وم سيداحمد قدورة
معليش يا شباب ترحيبنا جاء متأخر
وبرضو عمايل حميدة دي محسوبة عليهو براهو
وليس علي بورداب الرياض
واخونا حميضة فالح بس في دعوات السفارة وشراب الكركدي
وللأسف هنالك لجنة لبورداب الرياض برئاسة ود الباوقة
والكاردينال محمد الشيخ ،، وهم الأن شايفين وصامتين
عن عمايل الود حميضة
وهنا اسألهم ما رائكم في هذة الدعوة
والسؤال ايضا للكبار
ابوجهينة والخال ودقاسم والعم حمزاوي
واعود لأرحب بكم مرة اخري
وكان جاكم رشاش كعب امسحوا لينا في وشينا
|
Post: #13
Title: Re: قيام رحلة لبورداب الرياض يوم الجمعة 00000000
Author: ودقاسم
Date: 11-29-2005, 04:04 AM
Parent: #1
طارق نقد
سيد أحمد قدورة
لكم التحية والمودة
لا حاجة لكم للتعرف على كل بورداب الرياض ، فمنهم من لا يرغب أصلا في التعرف بالآخرين ، ومنهم من إذا عرفتهم لا يأتيك منه إلا الشر ...
الرحلة قائمة ، يوم الجمعة نجتمع بعد صلاة الجمعة في الصالحية ثم ننطلق إلى الاستراحة المعروفة لديك يا طارق ، نتغدى هناك ، ونستمتع بغناء مرزوق وياسر والمكاشفي وعزالدين ...
والجلسة عائلية ،،،
آمل أن أسمع راي صديق الموج وأحمد حنين وود الباوقة والناس الحلوين فقط ...
|
Post: #14
Title: Re: قيام رحلة لبورداب الرياض يوم الجمعة 00000000
Author: اساسي
Date: 11-29-2005, 04:22 AM
Parent: #13
Quote: نجتمع بعد صلاة الجمعة في الصالحية
|
للمندي والمضغوط والحنيذ والقرصان
|
Post: #31
Title: Re: قيام رحلة لبورداب الرياض يوم الجمعة 00000000
Author: ود الباوقة
Date: 11-29-2005, 04:10 PM
Parent: #13
| Quote: آمل أن أسمع راي صديق الموج وأحمد حنين وود الباوقة والناس الحلوين فقط ... |
الخال العزيز .. ما عندنا اي مانع وحضور باذن الله .. ومعنا كل بورداب الرياض الحلوين..
بالمناسبة الاستراحة ياتا يا خال تقصد الجيناكم فيها انا وحنين والمجموعة اللطيفة ..
والله ان شاء الله تدوم الافراح ...
|
Post: #15
Title: Re: قيام رحلة لبورداب الرياض يوم الجمعة 00000000
Author: حمزاوي
Date: 11-29-2005, 04:33 AM
Parent: #1
طارق نقد
وسيداحمد قدورة
يا هلا ويا مرحبا
ان شاء الله نتلاقى يوم الجمعة
ومرحب بيكم في بورداب الرياض
وأظن الدعوة جات في وقتها
|
Post: #16
Title: Re: قيام رحلة لبورداب الرياض يوم الجمعة 00000000
Author: humida
Date: 11-29-2005, 04:46 AM
Parent: #15
Quote: حميدة يخس عليك ليه ما بتقول لى عملت عملية تجميل!! تصدق برضو ما عرفتك بالبهدلة
الجديدة...(اقصد البدلة)
|
عليك الله كيف يا عمنا .. كدا ما مواكب للمرحلة ..
أحمد حنين ..
اها اقتراحك شنو انت .. يجوا يربطوني في شجرة ..
ولا يعلقوني في المروحة ..
روق يا حبة ..
الكلام الذي دا ما بتأكل معاي بيهو عيش .. !!
|
Post: #17
Title: أهو دا الكلام الزين
Author: م. سيد احمد قدورة
Date: 11-29-2005, 04:50 AM
Parent: #1
تحياتى لكم ايها العقلاء.
ونسنلتقى حتما انشاء الله نهار الجمعة
|
Post: #18
Title: Re: أهو دا الكلام الزين
Author: humida
Date: 11-29-2005, 05:00 AM
Parent: #17
| Quote: ونسنلتقى حتما انشاء الله نهار الجمعة |
حبابك عشرة ..
وانا اول زول بكون في انتظارك ..
حتجي لابس شنو .. !!!
|
Post: #19
Title: مرحب
Author: م. سيد احمد قدورة
Date: 11-29-2005, 05:06 AM
Parent: #1
سآتى لابسا ثوب المودة والترحاب لأرحب بك أخى حميدة وان كنت لم ترحب بى حتى الان
|
Post: #20
Title: Re: مرحب
Author: زول ساكت
Date: 11-29-2005, 07:58 AM
Parent: #19
| Quote: ومنهم من إذا عرفتهم لا يأتيك منه إلا الشر ... |
حواليناولا علينا ياخال
|
Post: #22
Title: Re: مرحب
Author: humida
Date: 11-29-2005, 08:57 AM
Parent: #20
قدورة ..
كيف يا زول .. انت بتأكل وتنكر ولا شنو ..
عرفت من ساعات فقط انك من بورداب الرياض ..
الامر كله مزاح ..
ليس كما يصوره ود قاسم واحمد حنين ..
فهؤلاء يكتبون بنفسيات لا أعلم عنها الكثير ..
وما بحب اسلوب المطاعنة ..
فأتركهم في غيهم يعمهون ..
رغم محاولات ود قاسم جر آخرين معه في طريقه ..
فقط للحق احمد حنين .. عجبني جدا في توجيه الكلام الي مباشرة ..
ما بينا حواجز تدعونا الي لف الكلام والمطاعنة وما بين السطور ..
اللهم الا من يعاني من عقدة ملازمة له لا يستطيع ألا أن يكون كما نتوقع منه ..
لا يستطيع الانسان ان " يمرق " من جلده ويحوم فترة طويلة ..
عمنا زول ساكت ..
وصفنا ود قاسم قبل هذا بالصعاليق
نتوقع اكثر من ذلك ..
فنظرة الارتقاء في الخلافات ..
تتطور من اسوأ الي اسوأ ..
وددت أن اصمت ولا اتكلم ابدا .. احتراما لقيم لدي
قد لا يملكها الآخرين .. ولكن ليس لدي الحق بمطالبتهم بها .. !!!
|
Post: #21
Title: Re: قيام رحلة لبورداب الرياض يوم الجمعة 00000000
Author: صديق الموج
Date: 11-29-2005, 08:38 AM
Parent: #1
انا معاكم يا خال حتى لو نقعد فى مقصورة الصالحية..الرجاء الاتصال للتنسيق
اما الولد حميدة يجى غصبا عنه عشان يمسك الابريق ويغسل لى اعمامه ديل
فاهم يا ولد يا حميضة شديد،،،
|
Post: #24
Title: Re: قيام رحلة لبورداب الرياض يوم الجمعة 00000000
Author: humida
Date: 11-29-2005, 09:04 AM
Parent: #21
| Quote: اما الولد حميدة يجى غصبا عنه عشان يمسك الابريق ويغسل لى اعمامه ديل |
جاااااي من يوم الخميس بالليل ..
يا عمنا صديق انت عارف قصدي شنو من الاول
وانت تعلم جيدا ان الامر كله لا يصل الي سوء النية ..
ولا كما يريد ان يصوره ود قاسم ..
الموضوع اتفه من أن يناقشه " رجال "
ونقعد نسوط فيهو .. ونلت ونعجن ..
مرحب بيك يا ود نقد ..
وليك علي اشيلك وألف بيك ميدان الصالحية ..
وأخلي الجماعة يهتفوا ليك في المقصورة ..
ويا قدورة .. نعمل ليك درع البورداب من الطبقة الاولي ..
ونديك معاهو الود دكين هدية ..
كدا كيف ..
يلا امشوا شوفوا ليكم حتة تانية صوطوا فيها ..
|
Post: #25
Title: Re: قيام رحلة لبورداب الرياض يوم الجمعة 00000000
Author: ود الباوقة
Date: 11-29-2005, 10:35 AM
Quote: وللأسف هنالك لجنة لبورداب الرياض برئاسة ود الباوقة
والكاردينال محمد الشيخ ،، وهم الأن شايفين وصامتين
عن عمايل الود حميضة |
ما دام الاسف يا حنين .. اهو الود حميدة جا واعتذر للاخوان وتساوت الكتوف ..
بعدين يا صديقي انا كنت من ضمن الاخوان الرحبوا بالاخ طارق وتركت امر لقائناللتساخير ..
ومن هنا ارحب بالاخ قدورة وموعدنا الصالحية ومن بعدها الاستراحة حسب دعوة الخال .. وحتى ذلك الوقت تحياتنا لطارق وقدورة ..
طارق وقدورة نتمنى ان نراكم ايضا في اجتماع السفارة القادم ... شدو حيلكم معانا ..
ود الباوقة
|
Post: #26
Title: Re: قيام رحلة لبورداب الرياض يوم الجمعة 00000000
Author: مهدى الصادق السيد
Date: 11-29-2005, 10:36 AM
Parent: #1
الاخ طارق نقد
كيفك يابطل
حميده دا ولد الفى قلبو على لسانو وقلبو ابيض
قدور مرحب بيك
بورداب الرياض احلى ناس بس ما يدخلوا بينهم (الغرباء )وما .......
لكم كل الود
|
Post: #27
Title: Re: قيام رحلة لبورداب الرياض يوم الجمعة 00000000
Author: ود الباوقة
Date: 11-29-2005, 10:48 AM
Parent: #26
| Quote: بورداب الرياض احلى ناس بس ما يدخلوا بينهم (الغرباء )وما ....... |
اصاب مهدي واخطا اخرون ... والله الكلام من عندك ويقيف.. لكن نسوي شنو غريبة الدنيا ..
عموماارقد ونم قرير العين يا ود الصادق ...
|
Post: #28
Title: Re: قيام رحلة لبورداب الرياض يوم الجمعة 00000000
Author: humida
Date: 11-29-2005, 11:01 AM
Parent: #27
يا ود الباوقة ..
أحمد حنين دا .. أنا عازرو .. خليهو يبرطم ساي ..
برضو نيتو طيبة .. داير يعمل لي لجنة عشان تربيني ..
انا زاتو قلت لو ما الله بريدني ما كان جابني لناس الرياض ..
أنا كدا اطمئنيت أن حأ أتربى علي ايدي امينة ..
وصحي الجمل ما بشوف عوجة رقبتو ..
ما هو جمل في النهاية .. ( ما احمد حنين قصدي الجمل ) ..!!!
عمنا مهدي ..
ازيك يا راجل ..
معليش اختلف معاك .. في الامر ..
الناس البتعمل في العمايل دي وبتحفر وتلف وتدور ..
ناس مننا .. رفعناهم في مكانة عالي شوية ..
وربما كما يبدو لي جاتهم لفة رأس ..
قاموا طرشوا لينا في رأسنا نحن ..
وبما أنك صاحب شأن ..
اريد أن أحدثك عن احترامنا لكيان الصلاحية
من باب لا تبخسوا الناس اشيائهم ..
ولكن لا نرضي أن نكون تحت مشيئة الصلاحية وأن نجر اليها مثل " الغنم "
ولا نريد ان يفرض علينا الملتقي السوداني والجالية وكثير من الامور التي لا ناقة لنا فيها ولا جمل ..
والجمل هنا برضو ما احمد حنين ..
نريد أن ناتي كما نأتي دائما الي الصلاحية مجتمع السودانيين الذي نعامل فيه بكل احترام ..
كوننا كيان قائم بذاته ..
وسأذكر لك في يوم من الايام لما ذكرت لك هذه النقطة بالتحديد ..
|
Post: #29
Title: Re: قيام رحلة لبورداب الرياض يوم الجمعة 00000000
Author: humida
Date: 11-29-2005, 11:07 AM
Parent: #28
| Quote: قام عليك الضرس زي صاحبك ؟.. |
معتصم .. حبيبنا ..
تعال حصل بسرعة .. قبل ما تلقانا بقينا بنلعب في نجوم كرمة .. !!
|
Post: #30
Title: Re: قيام رحلة لبورداب الرياض يوم الجمعة 00000000
Author: عمر الفاروق
Date: 11-29-2005, 11:26 AM
Parent: #1
بورداب الرياض :
والله بقيتوا عاملين زي الرئيس الفلسطيني ياسر عرفات رحمه الله ..
|
Post: #33
Title: Re: قيام رحلة لبورداب الرياض يوم الجمعة 00000000
Author: زول ساكت
Date: 11-30-2005, 00:16 AM
Parent: #30
Quote: بورداب الرياض :
والله بقيتوا عاملين زي الرئيس الفلسطيني ياسر عرفات رحمه الله .. |
ياعمر الفاروق ماحددت لينا قبل السم ولا بعدو
|
Post: #34
Title: Re: قيام رحلة لبورداب الرياض يوم الجمعة 00000000
Author: humida
Date: 11-30-2005, 00:41 AM
Parent: #33
ياخي عمر الفاروق دا ..
من زمان ما عرف اللعبة ..
وقام جاري بعيد .. !! 
|
Post: #32
Title: Re: قيام رحلة لبورداب الرياض يوم الجمعة 00000000
Author: ودقاسم
Date: 11-30-2005, 00:06 AM
Parent: #1
Quote: ليس كما يصوره ود قاسم واحمد حنين ..
فهؤلاء يكتبون بنفسيات لا أعلم عنها الكثير ..
وما بحب اسلوب المطاعنة ..
فأتركهم في غيهم يعمهون ..
رغم محاولات ود قاسم جر آخرين معه في طريقه ..
فقط للحق احمد حنين .. عجبني جدا في توجيه الكلام الي مباشرة ..
ما بينا حواجز تدعونا الي لف الكلام والمطاعنة وما بين السطور ..
اللهم الا من يعاني من عقدة ملازمة له لا يستطيع ألا أن يكون كما نتوقع منه ..
لا يستطيع الانسان ان " يمرق " من جلده ويحوم فترة طويلة ..
عمنا زول ساكت ..
وصفنا ود قاسم قبل هذا بالصعاليق
نتوقع اكثر من ذلك ..
فنظرة الارتقاء في الخلافات ..
تتطور من اسوأ الي اسوأ ..
وددت أن اصمت ولا اتكلم ابدا .. احتراما لقيم لدي
قد لا يملكها الآخرين .. ولكن ليس لدي الحق بمطالبتهم بها .. !!!
وصحي الجمل ما بشوف عوجة رقبتو ..
ما هو جمل في النهاية .. ( ما احمد حنين قصدي الجمل ) ..!!!
عمنا مهدي ..
ازيك يا راجل ..
معليش اختلف معاك .. في الامر ..
الناس البتعمل في العمايل دي وبتحفر وتلف وتدور ..
ناس مننا .. رفعناهم في مكانة عالي شوية ..
وربما كما يبدو لي جاتهم لفة رأس ..
قاموا طرشوا لينا في رأسنا نحن ..
وبما أنك صاحب شأن ..
اريد أن أحدثك عن احترامنا لكيان الصلاحية
من باب لا تبخسوا الناس اشيائهم ..
ولكن لا نرضي أن نكون تحت مشيئة الصلاحية وأن نجر اليها مثل " الغنم "
ولا نريد ان يفرض علينا الملتقي السوداني والجالية وكثير من الامور التي لا ناقة لنا فيها ولا جمل ..
والجمل هنا برضو ما احمد حنين ..
نريد أن ناتي كما نأتي دائما الي الصلاحية مجتمع السودانيين الذي نعامل فيه بكل احترام ..
كوننا كيان قائم بذاته ..
وسأذكر لك في يوم من الايام لما ذكرت لك هذه النقطة بالتحديد .. |
والله يا ود قاسم تستاهل أكتر من كده كتير ...
|
Post: #35
Title: Re: قيام رحلة لبورداب الرياض يوم الجمعة 00000000
Author: اساسي
Date: 11-30-2005, 01:18 AM
Parent: #32
| Quote: والله يا ود قاسم تستاهل أكتر من كده كتير ... |
صدق القول يعانق العقول
|
Post: #36
Title: Re: قيام رحلة لبورداب الرياض يوم الجمعة 00000000
Author: ahmed haneen
Date: 11-30-2005, 01:19 AM
Parent: #1
اخوي حميدة
خليك من الجمل وعوجة رقبتو
اتكلم عن الحاجات القدرك
مثلا الغنماية وكيف انو ضنبها ما بغطي عورتها
( دي مش غنماية سجيمان)
بعدين يا حميدة
انت في اي موضوع قايم سداري ولما الناس يعصروك
تقول انك قاعد تهظر
يا خي بطل حركات وهظارك البايخ دا
اوعا يكون دا من تأثير الكركدي وكدا
|
Post: #37
Title: Re: قيام رحلة لبورداب الرياض يوم الجمعة 00000000
Author: humida
Date: 11-30-2005, 01:39 AM
Parent: #36
ما دايرة ليها قومة سداري ..
الكلام من الاول واضح يا حنين ..
انت البتحب اللولة ..
وانا شكرتك جدا جدا جدا ..
كونه الواحد الزمن دا يلقى ليهو ناس يربوهو ..
والله بتكون فرصة ممتازة ..
وذي ما قلت قبل كدا مرارا وتكرارا ..
انا ما قاعد ازعل منك ..
لانه ما بتوقع منك اكتر من كدا ..
لا يكلف الله نفسا الا وسعها ..
انت حاول تكون .. وانشاء الله ليك اجر المحاولة .. !!
|
Post: #38
Title: Re: قيام رحلة لبورداب الرياض يوم الجمعة 00000000
Author: عبدالقادر علي عبدالرحيم
Date: 11-30-2005, 01:52 AM
Parent: #1
موافقين عي الرحلة
بس نب نعرف الغداء من البيوت أو المطاعم. يعني لابد من شوية ترتيب وتنظيم ياصاحب الفكرة عشان مانتجهجه.
أخي حميدة ..تحياتي
نيابة عن الصالحية والملتقي أقول ليك ماتتجرجر لأحد
|
Post: #39
Title: Re: قيام رحلة لبورداب الرياض يوم الجمعة 00000000
Author: طارق عبد اللطيف نقد
Date: 11-30-2005, 02:52 AM
Parent: #1
كل الشكر للزملاء
م0سيداحمدقدورة
معتصم دفع الله وياريت تكون معانا لكن برضو معانا بي احساسك يازول ياجميل
اساسي الله يدينا بحر
صديق الموج يديك العافية وتلم الناس
صلاح الدين عبدالله محمد
احمدحنين لك الشكر اجزلة
ودقاسم الرجل السوداني الاصيل الشهم لك الود والتجلة
ودالباوقة
حمزاوي قريبي الرائع لك التحايا النضرة
مهدي الصاق الثائر الجسور لك الاحترام والتجلة
عمر الفاروق سعيد بمرورك وانشاء الله ح نتقابل وفرصة اكثر من سعيدة
زول ساكت لك التحايا وبرضو مدعو للرحلة
عبدالقادر علي عبدالرحيم لك التاحيا النوضر وانت عارف الحريم في البلد دي ما بطبخوا وما في داعي تحرجنا لكن الاهم الحضور
حميدة انا عارف قلبك ابيض ذي زهر الربيع
وما في محبة الا بعد عداوة
وانشاء الله يوم الجمعة نكون سمن علي عسل
افتقدتة الاخوان اسماعيل وراق وحسين حسن حسين
انشاءالله تكونا سامعين وحاضرين
|
Post: #40
Title: Re: قيام رحلة لبورداب الرياض يوم الجمعة 00000000
Author: طارق عبد اللطيف نقد
Date: 11-30-2005, 02:59 AM
Parent: #1
تمبس وينك
انتة اهم زول في الرحلة دي
وعامل مطنش
بالمناسبة الدعوة موجهة لي ناس الشرقية وانشاء الله يجونا يوم الخميس
|
Post: #41
Title: Re: قيام رحلة لبورداب الرياض يوم الجمعة 00000000
Author: إسماعيل وراق
Date: 11-30-2005, 03:48 AM
Parent: #40
Quote: افتقدتة الاخوان اسماعيل وراق وحسين حسن حسين
انشاءالله تكونا سامعين وحاضرين |
جاييكم وكمان بالمركوب والعلى الله والبسطونة.
|
Post: #42
Title: Re: قيام رحلة لبورداب الرياض يوم الجمعة 00000000
Author: welyab
Date: 11-30-2005, 04:27 AM
Parent: #41
Quote: يوم الجمعة نجتمع بعد صلاة الجمعة في الصالحية ثم ننطلق إلى الاستراحة المعروفة لديك يا طارق ، نتغدى هناك ، ونستمتع بغناء مرزوق وياسر والمكاشفي وعزالدين ...
والجلسة عائلية ،،، |
عزيزي ود قاسم مع التحية هو مرزوق ما سافر !! عشان الاولاد يستمتعو باغنية عديلة
اعتقد ان هنالك قصور في اداء اللجنة !!
زمان كنا متابعين وبتصلنا دعوات واتصالات تلفونية وفي اخر اجتماع في بيت ابوجهينه كان في اقتراح بتكلبف بعض الاخوة في اللجنة بالاتصال وتبليغ المناسبات وكمان وسيلة لجمع المساهمات المالية !! عشان اغلب الاعضاء مش منتظمين في دخول الموقع ويصعب ايضا متابعة المستجدات عبر الموقع ... يعني لو ما دخلت يوميا في مواضيع بتروح في الزحمة !!!
|
Post: #43
Title: Re: قيام رحلة لبورداب الرياض يوم الجمعة 00000000
Author: humida
Date: 11-30-2005, 04:46 AM
Parent: #42
Quote: اعتقد ان هنالك قصور في اداء اللجنة !!
|
اللجنة زاتها ما عندها خبر ..
يعني اعتراضنا من قبيل كان علي شنو ..
وكما يبدو لي أن اللجنة الموقرة دي ..
بقت عاملة ذي حاجة نفيسة ..
كل ما تحصل وفاة .. النسوان يفوتنها ..
وتكون آخر من يعلم .. !!
|
Post: #44
Title: Re: قيام رحلة لبورداب الرياض يوم الجمعة 00000000
Author: humida
Date: 11-30-2005, 06:04 AM
Parent: #43
| Quote: حميدة انا عارف قلبك ابيض ذي زهر الربيع |
العزيز طارق ..
الزول لمن يشتري عربية جديدة لنج بلقى في الدرج الفوق كاتلوج الاستعمال ..
في طبقات تعامل البشر .. اعتقدنا ان لا حاجة لنا بهذا الكاتلوغ ..
لتوارث الامر .. فهم بعد فهم .. وطريقة بعد طريقة ..
فَهمنا في المشاكل .. تربط كرفتتك .. وتهذب نفسك ..
اهتمام بالمظهر .. لازم كلامك يكون مظبوط .. وحجتك قوية ..
ما كتبته لك أعلاه .. يمكنك أن تقرأه حسب الكاتلوج .. وتعرف في اي باب يندرج ..
تعاملت معك بأريحية .. كون حدسي فيك يقتضي بأنك تبادلت الفهم طبقة بعد طبقة ..
ولم يأتيك فجأة .. فأنخلعت به ..
أمدرمان الحبيبة علمتنا الكثير .. اريحيتها جعلتنا متحررين تجاه الغير ..
ولك في عمنا صديق الموج أسوة حسنة .. قد يعتب علينا الكثيرين ..
ولكن ما بالنفس بالنفس ..
هؤلاء يعلموني ذي جوع بطنهم .. ولكن كاتلوج سودانيزانولاين مكتوب فيه
اقشر .. قبل ما يتقشر بيك ..
فطس .. قبل أن تأكلك الديابة ..
أركب الهوا .. وعوم مع الموجة ..
أدخل برجلك الشمال .. وتنحنح عند الدخول ..
غير أن دخلتك " الخلعة " في الناس .. حرضتني انا ايضا ..
علي ان امازحك في اخذك الموضوع ببساطة توحي بان الزول دا خاشي في الناس بالعرض ..
الكثيرين سألوني بحكم أني اول المتداخلين معك هنا .. من هو ..
تسآؤل أخر .. يا ناس اللجنة خير .. وهنا وليد يعتب علينا " ليه ما كلمتونا "
ونحن لا نملك من الامر غير دعوتك .. التي لم نتشرف بمعرفة صاحبها وجها لوجه ..
لم أرحب بك في البوست المخصص لذلك .. أحد ردودك لم يعجبني ..
ربما لصلاح غريبة .. خشيت من التصنيف الذي اتيت تحمله ..
خوفا من الاحراج .. واحتراما لنفسي .. اكتفيت بالابتسام لك من بعيد ..
لم تعجبني اللائحة التي تحمل .. في اول تعامل لك مع الناس هنا ..
قد يكون اثر باقي من صراعات الصالحية وخنشليلة .. وهتافات دايرين جالية ..
لكنها لا تمت الينا بصلة .. ولا نريد ان ننجر في حسابات آخري ..
فاستهجنت الامر ..
ذلك كما كان واقعي الذي تحدثت به لك ..
ولكل واقع آخر يريد فرض صورته .. تمنيات لك بصيد أوفر في مياه آخرى ..
|
Post: #53
Title: Re: قيام رحلة لبورداب الرياض يوم الجمعة 00000000
Author: ود الباوقة
Date: 11-30-2005, 08:27 AM
Parent: #42
| Quote: اعتقد ان هنالك قصور في اداء اللجنة !! |
اخي ولياب .. لا اعتقد ان هناك تقصير من اعضاء اللجنة .. اصلا الدعوة جات من الاخ طارق .. دون علمنا بها .. وانت تعلم ان كل احتفالاتنا السابقة كانت تتم عبر اللجان وبتنسيق تام بين الاخوة الاعضاء .. وحيث ان اخونا طارق عضو جديد على بورداب الرياض ربما لا يعرف ذلك .. مع ذلك رحبنا بالفكرة ولم نتبناها .. لا نعرف حتى الآن مكان الاستراحة ومساهمات الاعضاء المالية في مثل هذه مناسبات ..
عموما كنا نود ان نرجىء لقاء الجمعة القادم الى مناسبة كبيرة ستكون (مفاجأة)للجميع ) بعد ان يتم التنسيق التام بين كل بورداب الرياض وبالطريقة التي تعود الجميع عليها ..
هذا ما لزم توضيحه اخي ولياب ....
ود الباوقة
|
Post: #45
Title: Re: قيام رحلة لبورداب الرياض يوم الجمعة 00000000
Author: عبد الله عقيد
Date: 11-30-2005, 06:34 AM
Parent: #1
مرحبا طارق نقد
ومرحبا م. سيد احمد قدورة
مرحبا بكما
عضوان في المنبر وفي مجموعة بورداب الرياض
التي ضمت (بشكل رسمي) الأخ عبد القادر قبلكما
بقليل.. الذي انتقل من مرتبة عضو شرف إلى
عضو عامل..
وآمن أن يكونانضمام ثلاثتكم بسطا للمزيد
من الحيوية والجمال في لحمة هذه المجموعة
المتميزة..
ولكم التحية والتقدير
|
Post: #46
Title: حميدة
Author: م. سيد احمد قدورة
Date: 11-30-2005, 06:48 AM
Parent: #1
الحبيب حميدة والله حيرتنا انت دى ولا القبلها
|
Post: #47
Title: Re: قيام رحلة لبورداب الرياض يوم الجمعة 00000000
Author: ghariba
Date: 11-30-2005, 06:52 AM
Parent: #1
تابعت المداخلات الخاصة بالرحلة
فالفكرة جميلة جدا ورائعة
ولكن
اللقاء والتجمع في ( الصالحية ) وفي هذه الايام تعني الكثير
فالبورد أظن ان مقره ليس الصالحية
وسبق ان تحدثت اثناء لقاء نائب السفير بان بعض البورداب اصبحوا يوجهون البورداب الى جهة معينة
ولهذا
اذا كان الاجتماع في الصالحية
انا شخصيا لنا أحضر
وبعض الاخوان برضو مش حيحضروا
|
Post: #49
Title: Re: قيام رحلة لبورداب الرياض يوم الجمعة 00000000
Author: humida
Date: 11-30-2005, 07:22 AM
Parent: #47
| Quote: الحبيب حميدة والله حيرتنا انت دى ولا القبلها |
قدورة .. اها دا الكلام البجنن بوبي زاتو ..
قدر ما قلبتها يمين شمال ..
والله ما فهمت حاجة ..
تكون قاصد البتيخة يا ربي ..
|
Post: #48
Title: Re: قيام رحلة لبورداب الرياض يوم الجمعة 00000000
Author: ghariba
Date: 11-30-2005, 07:06 AM
Parent: #1
رحلة من شكلها خاصة ببورداب الصالحية والملتقى
وهذه رسالة كتبتها نيابة عن بعض الاخوان في البورد ولهم رأي
واذا تمت الرحلة بهذا الاسلوب فسنقوم بعمل اجتماع لبورداب الرياض عاجل
وتقييم الوضع
والاحتمال القائم بان ثمة جسم آخر سينسلخ من البورداب
ويشكل كيان خاص بهم
واسمه برضوا ( بورداب الرياض )
|
Post: #50
Title: Re: قيام رحلة لبورداب الرياض يوم الجمعة 00000000
Author: ebrahim_ali
Date: 11-30-2005, 07:33 AM
Parent: #48
سلام ياناس الرياض
بس حبينا نرحب بالضيوف الجدد
تخريمة لاساسي
(الجلسة عائلية ،،، ) ما في داعي يعني دكاكينية وكده أكرب بطنك عشان تكون من اصحاب الدعوات والجلسات العائلية
اطرف تعليق
ناس الرياض والعهدة لعمر الفاروق :
انكم صرتم مثل الرئيس الفلسطيني المرحوم الشهيد ياسر عرفات
|
Post: #51
Title: Re: قيام رحلة لبورداب الرياض يوم الجمعة 00000000
Author: DKEEN
Date: 11-30-2005, 07:50 AM
Parent: #1
| Quote: الجبل وبري- والمعرض - والجريف -والفكي هاشمم و ود العقلي |
ياسلاااااااااااااام ياطروق ..من وين الاخو؟؟
طبعا انا حاقوم استغل الرحلة دي واجيب خضر من الشرقية ونحتفل بيهو كلنا..
وحادفع نص الشرينق ..
والماعجبو يكلمني من هسع عشان اعمل حسابي وما احرج نفسي ..
|
Post: #52
Title: Re: قيام رحلة لبورداب الرياض يوم الجمعة 00000000
Author: humida
Date: 11-30-2005, 07:57 AM
Parent: #51
Quote: طبعا انا حاقوم استغل الرحلة دي واجيب خضر من الشرقية ونحتفل بيهو كلنا..
|
والله كدا تكون ديسكو عديل يا دكين ..
ما تقول الرحلة دي اساسا بتاعت ناس الملتقي ..
عندهم اجتماع وحاجزين هم الاستراحة ..
ونحن اساسا مترمتلين عليهم ..
نقوم يا حبة نقول ليهم عندنا زول دايرين نطهرو .. !!!!
|
Post: #54
Title: Re: قيام رحلة لبورداب الرياض يوم الجمعة 00000000
Author: وليد شريف
Date: 11-30-2005, 10:54 AM
Parent: #52
اولا اهلا بالاعضاء الجدد
وتاني اكان حصل انقسام انا بمشي مع ناس الصالحية عشان جني وجن ناس السفارة ديل
وتالت شئ حقو تفوتوا علي الناس فكرة الانقسام دي عشان دة هدف السفارة الاساسي
رابع شئ فكرة الانقسام دي جاتني من مداخلة المهندس صلاح غريبة
وخامس شئ البوست بقي عامل زي كورة هلال مريخ دافوووووووووووووووووري
وآخر شئ حميدة معاهو حق لانو التنسيق مفروض يتم مع لجنة السجم دي الكملت كركدي السفارة الطاعم دة .
|
Post: #56
Title: Re: قيام رحلة لبورداب الرياض يوم الجمعة 00000000
Author: ahmed haneen
Date: 11-30-2005, 01:09 PM
Parent: #1
Quote: ولهذا
اذا كان الاجتماع في الصالحية
انا شخصيا لنا أحضر |
دي احسن جملة مفيدة تكتبها يا غريبة
نرجو الألتزام بها
|
Post: #57
Title: Re: قيام رحلة لبورداب الرياض يوم الجمعة 00000000
Author: DEEK_ALJIN
Date: 11-30-2005, 03:00 PM
Parent: #56
حيرتونا والله .... هو فى شنو ؟؟؟؟
ومترو بى كم ؟؟؟؟
ومتين ؟؟؟
وخبزتو للرحله دى ولا لسه ؟؟
ديكو
|
Post: #58
Title: Re: قيام رحلة لبورداب الرياض يوم الجمعة 00000000
Author: طارق عبد اللطيف نقد
Date: 12-01-2005, 03:01 AM
Parent: #1
صباح الورد
اليكم مني الحب والسلام والتحية
والله ياجماعة الموضوع اخد اكبر من حجمة
اصلا فكرة الرحلة نبعت من انو
نتعرف بالناس علي جميع افكارهم
وخلق جو ودي حميم
وتذويب الجليد
والحدة في البورد والمناقشات الحادة
والله انا للاسف ما عارف اللجنةبتاعت الرياض
وكان مجرد اقتراح لاي مكان واي وزمان بس يكون يوم جمعة لانة اجازة
وكان ممكن ناس اللجنة يوافقوا علية او يرفضوة
وعموما انا ما شايف اي مشكلة الناس تتجمع وين
الاهم الناس تتجمع
واكيد الانسان الما داير يجي ويقابل الناس ده اكيد لية اجندة خاصة
|
Post: #59
Title: Re: قيام رحلة لبورداب الرياض يوم الجمعة 00000000
Author: humida
Date: 12-01-2005, 04:18 AM
Parent: #58
ما هو يا طارق عشان الاجندة الخاصة دي ما دايرين نجي ..
في اجتماع عاجل يوم السبت لرابطة بورداب الرياض ..
ممكن تجي .. عشان تفهم الحاصل شنو .. !!
|
Post: #62
Title: Re: قيام رحلة لبورداب الرياض يوم الجمعة 00000000
Author: ahmed haneen
Date: 12-01-2005, 02:17 PM
Parent: #59
حميدة
اتكلم بأسمك ومبروك عليك الأجتماع مع غريبة
لأنو يا حبيب
رئيس اللجنة ود الباوقة ما عندو خبر( اقرأ ما كتبه)
|
Post: #60
Title: Re: قيام رحلة لبورداب الرياض يوم الجمعة 00000000
Author: ghariba
Date: 12-01-2005, 04:24 AM
Parent: #1
الاخ حميدة
انا من أوائل الحضور لاجتماع يوم السبت
صلاح غريبة - الرياض
|
Post: #61
Title: Re: قيام رحلة لبورداب الرياض يوم الجمعة 00000000
Author: ود الباوقة
Date: 12-01-2005, 11:31 AM
Parent: #60
Quote: في اجتماع عاجل يوم السبت لرابطة بورداب الرياض ..
ممكن تجي .. عشان تفهم الحاصل شنو .. !! |
اجتماع السبت دا وين يا حميدة ... بقيتوا تلعبوا من ورانا  .....
|
|