Post: #1
Title: *** رجفة قلم ***
Author: soma
Date: 11-25-2005, 03:12 AM
Parent: #0
رجفة قلم ..لحظات شجن
انات دواخل ترتجى..
نفحات عبيرا مختزن
رفات مشاعر تنتحب ..
مركونه فى عمق الزمن..
تعبير انامل بالرسم
لوحات تضم سهد الوطن..
وجع المسافات فى الدرب
متكيه فى حيل الحزن..
رعشة قلب عايش هناك
ودران بتاوق فى البدن
زحمة احاسيس تبتهل
ناجت غرام مليان فتن
****
والنيل يقاوم فى الجزر
امواج تصارع فى القدر
يمكن يضاحك ضى قمر..
ويمكن يغازل غيم عبر ..
حتى القمر ما بنتظر..
مرات يطل وهجو البسر
مرات يسل سيف الصخر
ذرات شعاع تكوى الفجر
تلسع طيور فوق الشدر
رجفات نجوم وكتين تمر
تدفر حنين ضامى البدر..
والا البسيمات الفى الثغر
محبوسه فى فاها البكر
راجيه الصباح الكان بهر
لمتين يطل لون المطر
ولمتين يفوح نفس الزهر
ويرجع يخط قلما يتيما
انكســـــــــر
سومـــــا
اسماء الجنيد مسقط
|
Post: #2
Title: Re: *** رجفة قلم ***
Author: قرشـــو
Date: 11-26-2005, 05:23 PM
Parent: #1
Quote:
والنيل يقاوم فى الجزر
امواج تصارع فى القدر
يمكن يضاحك ضى قمر..
ويمكن يغازل غيم عبر ..
حتى القمر ما بنتظر..
مرات يطل وهجو البسر
مرات يسل سيف الصخر
ذرات شعاع تكوى الفجر
تلسع طيور فوق الشدر
رجفات نجوم وكتين تمر
تدفر حنين ضامى البدر..
|
ألف مرحب بالاستاذة الشاعرة سومه
ياخى نحن كنا محرومين من هذه الروائع
ولكنك دوما وفية للبورد واهله وهانت تعودى بالدرر
حقيقة كلمات جميلة تبعث كل الجمال فى النفس
الله يحفظك ويخليك ويديك العافية
|
Post: #3
Title: Re: *** رجفة قلم ***
Author: Abureesh
Date: 11-26-2005, 05:57 PM
سلام يا اسمـاء الجنيــد
دائما هكذا.. ابداع من مكامن البيئـة ولسان الريف الذى لا يعرف التنطـع والتفلسف
|
|