هل هي قلة الانسانية ام نقص في التربية ام ماذا؟ شاهد الفيلم ولا حولة ولا قوة الا بالله!!!!!!!!!!

هل يمكن ان يكون هذا اسلوب تربوي سليم؟ أين الانسانية ونظم التربية الحديثة؟ ما هو التأثير النفسي لمثل هذا العقاب على نفس هذا الطالب المسكين؟

لا حولة ولا قوة الا بالله العلي العظيم

الأخ / عثمان
ممكن تدينا القصة من الأول , الود دا عمل شنو ؟ حتى نقدر ندلو بدلونا .

الاخ عثمان
تحياتى
ماشاهدته اسلوب تربوى ما غريب فى كثير من المجتمعات المتخلفة والله رغم المنظر المريع لكن قياسا بماكان يقوم به بعض الاباء فى بلدنا الولد دا ماشاف اى حاجةوالضرب كان وسيلة تربوية مشروعة فى المدارس اما فى البيت فكل افراد العائلة يساهمون فى ضرب الصغار كوسيلة للتقويم والتربية وطبعا ضرب عشواىء وباى حاجة تكون فى متناول الضارب ود ياما سبب بلاوى للاطفال وخلق منهم شخصيات ضعيفة ومهتزة ومعقدة جدا.
اعتقد ان الجهل سبب اساسى حتى على مستوى المؤسسات التربوية . والظاهرة دى بدأت تتوارى امام الوعى المتنامى والتعليم لكن دا فى مناطق الوعى.

الأخ عثمان

هذه جريمة.
لا تبرير و لا رجوع للتاريخ و لا نريد منك تفاصيل عن القصة و ماذا فعل هذا الفتي .
هناك واجب أخلاقي لمن يعرف هذا الجاني التبليغ عنه .

الاخ عثمان ... سلام
لا اري فلما الان ربما هنالك خلل
محمد عبد الله

الاخ عثمــان

تحيه

انا من المعارضين لهذا الاســلوب الوحشى كاداة للتربيه كما يطلق البعض بانه اسلوب من اساليب التربيه بغض النظر عن انها كانت وسيــله مشــروعه من قبل .. هل معنى ذلك كل مشروع مباح او صيحيح .. هذا ليس له علاقه بالتربيه ... فى اطفال ما حصل ولديهم ضربوهم او فى المدارس ما اضربوا هل بمعنى ذلك انهم سيصبحـون فاسدين غير صالحين ... وايضا تسمع مقولة بتقول او بمعنى اصح بيتا من الشعر العــلم يرفعهم والضرب ينفعهــم
وانا لا ادرى اذا كتب البيت صحيحا .. هذا ليس باسلوب تربوى على الاطلاق والتربيه دى يعنى وقفت بس على الضــرب دى فلسفه بيزنطــيه... اذكــر يوما وانا طالبا بالابتدائيه وكان جنى وجنى الاستاذ البضرب .. يوم من الايام فى الطابــور انو فى طالب من الطلبه ما متذكر عمل شنو شدوهوا ليك صباح الرحمان داك والدنيا بــرد شوف بالله عسكريه بس المهم اربعــه عتاوله شالوهوا لىك ذى خروف السلخانه العايزين اضبحوهوا وهو بكورك ويصــرخ يعنى الشغله كانت مؤلمه خالص بالنسبه لى المهم انسحبت من الطابور بــراحه مشيت لقيت ليك حجــر مدقلــب ..لمن جيت لقيت ليك الود السوطين الاوائل نزلوا فيهــوا والله كان ذى البجلدوا فينى بالظبط المهم فنيت ليك الحجر داك فى الاستاذ طقاهوا فى جبهتــوا لمن نضارتو وقــعت وبعد داك فللــى البيت والقصــه دى طويله بس عايز اوضــح مدى قذارة هذا الاسلــوب الذى يطلق عليه اســلوب تربوى والذى لايمس باى علاقه بالتربيه..هذا الاسلوب بعض الاستاذه يستغلونه للتخلص من الضغط النفسى او البعض مريضيين نفسيا يتلذذون بــه وهم يضربون هؤلاء التلاميذ كا الحصيــن

تحياتى

bob

كالعادة.. واحد مريض يفرغ عقده ومشاكلة الشخصية في من هم تحت رحمته!!
وبعد دا يجي مظفر النواب، وبكل بساطة يقول ليك: "في الشرق لنا حكام قردة" !!.
تخيل الطفل دا بعد 30 سنة بقى رئيس دولة!!
لكي تلتحق بسلك التعليم مطلوب منك شهادة (ورقة).. فقط!!
لكي تنتسب للكلية الحربية مطلوب منك -مع الشهادة- أشياء كثيرة من ضمنها مراقبة سلوكك العام سِراً لمدة ثلاثة أشهر من قِبَل فرع الاستخبارات!!
لي جار معرفتي به سطحية كان يعمل مدرساً للغة العربية ومواد أخرى في مدرسة ابتدائية في الحي، بعد سفره خارج السودان اضطر لمراسلتي بواسطة قادم لأرسل له بعض المستلزمات.. تمنيت وقتها لو كنت أملك قلماً أحمر!! كي أعيد له الخطاب ممهوراً بـ "أعِد" مترحماً في متنه على عربي تلامذته.