Post: #1
Title: هرار اليونان، في السودان، لماذا؟
Author: Bashasha
Date: 11-24-2005, 02:35 PM
Parent: #0
في الاخبار، الاغريق، بفكرو في التخلص من فضلاتم البشرية في السودان تحديدا!
اتخيلو الخبر ده جاري علي شريط الاخبار في الشاشة البلورية لقناة الجزيرة تحت!
فعلا غريب ليه من دون بلاد الدنيا الواسعة دي الجماعة ديل اختارو السودان؟
بل ليه كل من كان لديه فضل فضلات بشرية او ذرية يفكر في السودان كبالوعة او ارض نفايات؟
حتي الافكار والاطروحات السياسية المهترئة والفاقدة الصلاحية في عالم اليوم يتم تصديرا للسودان، للاختبار او للتخلص منها، كالوهابية، البعثية، الناصرية، وحتي اللجان الشعبية؟
يارب ليه؟
بزمتكم دي مش حاجة تموخل، بالذات مع قندفتنا او عنتظزتنا المعهودة كشعب الله المختار؟
|
Post: #2
Title: Re: هرار اليونان، في السودان، لماذا؟
Author: humida
Date: 11-24-2005, 02:38 PM
Parent: #1
ياخي ما امكن جايبنو سماد ..
وبدل ما ارضنا تطلع برسيم وبطيخ ..
تطلع لينا زيت زيتون وشوية شفع حلوين .. 
|
Post: #3
Title: Re: هرار اليونان، في السودان، لماذا؟
Author: Tragie Mustafa
Date: 11-24-2005, 02:47 PM
Parent: #2
بشاشا سلام
ومشتاقين
شفتا جنس ده يا بشاشا
بالله اذا ده تفكيرينا مش فعلا ننفع مكان لدفن قذارات العالم كله.
تراجي.
|
Post: #4
Title: Re: هرار اليونان، في السودان، لماذا؟
Author: munswor almophtah
Date: 11-24-2005, 02:55 PM
Parent: #3
الأغاريق سألوا الأتراك فى قبرص قالوا إليهم أين الكنيف والأدب خانه فاجاب الأتراك السودان فالأغايق أخذوا الفلسفه من السودان وبعرف البكماء سيأتون بالمقابل عزره............
منصور
|
Post: #5
Title: Re: هرار اليونان، في السودان، لماذا؟
Author: humida
Date: 11-24-2005, 02:56 PM
Parent: #3
تراجي ..
بطلي شلاقة عليك الله ..
جني وجن الخفة بتاعتك دي ..
شوفي موضوعك .. وكان عندك رد ردي ..
الديمقراطية .. البتنادي بيها دي ..
بتبيح لي اجي اقول داير نص طن هرار ازرعه في شارعنا ..
رأيي كدا .. وبتضمنه لي الديمقراطية ..
ومافي زول بقدر يسلبني الحق دا ..
وبرضو ما بقصر معاك .. أديك حقك كسودانية مثلي ..
وأوصل ليك ما استعصي عليك من فهم ..
احيانا يا عزيزتي .. تكون السخرية ملاذنا الوحيد ..
اذا وصل الامر الي هذا الحد .. فلا بأس أن نسخر من انفسنا ..
اذا مرر مثل هذا الامر .. فعلا نحتاج لجيل جديد ..
لا يستحقره الناس بدفن " هرارهم "
يا ربي الناس ديل اختاروا السودان ليه ..
يكونوا مفتكرننا " ادبخانة " بعمايلنا دي ..!!!
|
Post: #6
Title: Re: هرار اليونان، في السودان، لماذا؟
Author: Elmuez
Date: 11-24-2005, 03:01 PM
Parent: #1
لكن بيني بينك " أكرم " من ده:
Quote: رئيس مجلس الإدارة:
طه علي البشير
رئيس التحرير:
عادل الباز
المدير العام:
هاشم سهل
مستشار التحرير:
نور الدين مدني
مستشار هيئة التحرير:
أمال عباس
مدير التحرير:
حيدر المكاشفي
تحتوي على وجبات أطفال ملوثة
إبادة مواد استهلاكية وغذائية قيمتها أكثر من أربعة مليارات جنيه
الخرطوم : نهى عمر الشيخ
اوقفت نيابة حماية المستهلك، عمليات توزيع مواد اغاثية تحتوى على وجبات اطفال ملوثة وامرت بابادتها مع كميات اخرى من مواد غذائية واستهلاكية ومواد بناء غير مطابقة للمواصفات ومنتهية الصلاحية ، فاقت قيمتها الاربعة مليارات جنيه .
ونفذت النيابة عمليات الابادة امس بمنطقة جبل ابو وليدات بامدرمان، كاكبر كميات من المواد الغذائية والاستهلاكية، حيث قدرت بحمولة 25 شاحنة تم ضبطها داخل مخازن عدد من الشركات بكل من الخرطوم وبحرى، بجهد مشترك بين النيابة والامن الاقتصادى، فيما ابلغت وزارة الصحة عن بعضها الى جانب حاويتين من المواد الاغاثية التى وردت من بعض الدول العربية وتحتوى على كميات كبيرة من الوجبات الغذائية للاطفال .
وابلغت امال محمد عثمان، رئيس نيابة حماية المستهلك الصحافيين امس ان تلك العبوات تم فحصها بمعمل استاك الذى كشف عن تلوثها بالحشرات الضارة .
وكشفت رئيس النيابة، عن وجود عدد من بلاغات التسمم التى وردت اليهم بسبب بعض المواد الغذائية ،و شددت على عدم السماح بدخولها الى البلاد مرة اخرى. وقالت ان كل المواد التى ابيدت من المواد المستوردة المنتهية الصلاحية وغير المطابقه للمواصفات . وذكرت ان النيابة ستقدم المتهمين فيها الى المحاكمة بعد اكمال اجراءات التحقيق معهم فيما يتعلق بمخالفة المواصفات وقانون الاطعمة، مناشدة التجار بمراجعة بضائعهم والتبليغ الفورى عن اي مواد منتهية الصلاحية، وحثت المنتجين الالتزام بلائحة تنظيم الاطعمة .
|
Post: #8
Title: Re: هرار اليونان، في السودان، لماذا؟
Author: jini
Date: 11-24-2005, 03:11 PM
Parent: #6
كحل وسط يمكن مقايضاتهم بي هرارنا ومعاهو شوية دراخمات لعبد الرحيم أبوعصاية وبارك الله في من أفاد واستفاد وخاصة انو هرارنا سماد عضوى نمرة واحد بعكس هرارهم الملوث
بس من وين الهرار لصائمى الدهر!!!
جنى
|
Post: #7
Title: Re: هرار اليونان، في السودان، لماذا؟
Author: عبدالماجد فرح يوسف
Date: 11-24-2005, 03:10 PM
Parent: #1
العزيز بشاشا
نقول شنو غير لاحولة ولاقوة إلا بالله
وياهو ده الخبر كما هو منشور في الجزيرة نت
___
منظمات بيئية تحذر من نقل نفايات اليونان للسودان
شادي الأيوبي-أثينا
حذرت منظمات بيئية من المخاطر التي تنطوي عليها صفقة محتملة بين شركة يونانية خاصة والحكومة السودانية، لنقل نفايات مدينة أثينا عن طريق البحر لمعالجتها عبر شركة أميركية في السودان.
وحسبما أورده بيان شركة إيديل إيلاس اليونانية، فمن المنتظر أن يطرح عرض الشركة لدراسته من قبل شركة المياه اليونانية والتي تدير محطة تكرير النفايات بالمنطقة.
وتقول الشركة إن نقل النفايات إلى السودان هو واحد من عدة حلول مؤقتة مطروحة لحل مشكلة النفايات في المدينة، على أن تقوم شركة أميركية في السودان بمعالجة الكمية التي تقدر بحوالي170 ألف طن نفايات.
ويشير البيان إلى أن الشركة الأميركية ستقوم من خلال عملية المعالجة بنزع المعادن الثقيلة من النفايات وإعادة بيعها، بينما سيستخدم الطين المتبقي في عمليات التشجير.
مشاكل صحية
وليس من المعروف حتى هذه الساعة من أي جهة رسمية في السودان حصلت الشركة على ترخيص نقل تلك المواد، ولكن منظمات حماية البيئة تقول إن هذه النفايات تحتوي على كميات كبيرة من المعادن الثقيلة المشعة وهي تحتاج إلى معالجة خاصة، ولهذا السبب يمنع استخدام الطين المستخرج منها في الزراعة والسماد الزراعي.
وتعتبر هذه المنظمات أن الصفقة غير أخلاقية، وأنها بكل بساطة تصدير للمشاكل البيئية اليونانية إلى بلاد العالم الثالث.
ويقول مدير مكتب منظمة السلام الأخضر في اليونان نيكوس خرلابيذيس، إنه ليست هناك معلومات رسمية حول نسبة المواد المشعة والعضوية التي تحتوي عليها المواد المزمع تصديرها للسودان، لكن القياسات السابقة أكدت وجود كميات كبيرة فوق المسموح بها للبيئة والصحة العامة والتي تعتبر ضارة جدا للصحة العامة وللبيئة معا.
وأًضاف أن وزارة البيئة اليونانية لم تعط حتى الساعة معلومات رسمية حول الصفقة وترتيباتها، لكن المشكلة أن هناك غموضا كبيرا في كثير من نواحيها مشيرا إلى أن استخدام هذه المواد في السماد الزراعي ممنوع في اليونان منذ حوالي عشر سنين.
وفي اتصال للجزيرة نت مع مكتب محافظ منطقة بيريه التي تتبع لها محطة الصرف الصحي، قال المسؤول الإعلامي إن مهمة محافظة بيريه تنحصر في مراقبة عملية التحميل ومدى خضوعها للمعايير البيئية والصحية.
أما مسؤولو مكاتب شركة النقل في سالونيك فقد أكدوا في اتصال مع الجزيرة نت أن الصفقة قانونية تماما، وأن هناك تأكيدات من مراكز أبحاث وجامعات محلية وخارجية بأن المخلفات غير ضارة بالبيئة.
معاهدة بايزيل
وحول معاهدة بايزل التي تحكم مسألة التصرف بمخلفات الصرف الصحي والتي وقعت عليها اليونان، قال خرلابيذيس إن المعاهدة التي عقدت عام 1994 طالبت الدول الغنية صراحة بإنشاء محطات للتعامل مع مخلفات الصرف الصحي ومعالجتها.
وأوضح أنه في حال خلو المخلفات من المواد المشعة والضارة فإن المعاهدة تتيح استخدامها في عمليات التسميد الزراعي، مشيرا إلى أن المعاهدة بشكل عام تهدف إلى منع الدول الغنية من تصدير صرفها الصحي إلى الدول الأفقر.
ولكن المسؤول البيئي استدرك بالقول إن المعاهدة "تم الالتفاف عليها ليصير بإمكان الدول الغنية تصدير صرفها الصحي إلى دول أخرى في حال موافقة تلك الدول".
وأضاف خرلابيذيس أن اليونان لم تلتزم منذ توقيع المعاهدة عام 1994 ببناء الإنشاءات اللازمة للتكرير الصحي، ونتيجة لذلك فقد وصلت حالة منشأة التكرير إلى عدم القدرة على الاستيعاب.
واعتبر مدير مكتب السلام الأخضر أن العملية التي تجري الآن "تندرج تحت ما نسميه العنصرية البيئية وهي أن نتخلص نحن في الدول الغنية من مشاكلنا البيئية عبر تصديرها للدول الأفقر، ليدفع الفقراء ثمن الصفقات من أرواحهم وصحتهم".
|
Post: #9
Title: Re: هرار اليونان، في السودان، لماذا؟
Author: humida
Date: 11-24-2005, 03:17 PM
Parent: #7
الاستاذ عبد الماجد
| Quote: شركة أميركية في السودان |
الشركات الاميركية ممنوعة من العمل في السودان ..
بقانون العقوبات المطبق علي السودان من الكونغرس الامريكي ..
ولي تجربة شخصية مع الامر ..
في سنة 99 كنت أود الجلوس لإمتحانات المايكروسوفت من السودان
وعلمت انها تعمل من مركزها في القاهرة بالنسبة للطلبة للسودانيين
ولا تقدم اي تراخيص للامتحانات لأي جهة سودانية ..
كونها ممنوعة من التعامل مع السودان كشركة امريكية حسب قانون العقوبات الامريكي ..
وقبل يومين ايضا ..
اتجهت الي شركة فيدكس لنقل الطرود البريدية حول العالم ..
ولم أجد لديهم خدمة الي السودان .. أسوة بجميع دول العالم
وايضا ذلك بسبب قانون العقوبات الامريكي المطبق علي السودان
|
Post: #10
Title: Re: هرار اليونان، في السودان، لماذا؟
Author: Ahmed Abdallah
Date: 11-24-2005, 03:23 PM
Parent: #9
Quote: الشركات الاميركية ممنوعة من العمل في السودان ..
بقانون العقوبات المطبق علي السودان من الكونغرس الامريكي ..
|
حميدة ... سلام
بإستثناء استيراد الصمغ العربي.. وتصدير الهرار ...
لك مودتي
|
Post: #12
Title: Re: هرار اليونان، في السودان، لماذا؟
Author: humida
Date: 11-24-2005, 03:27 PM
Parent: #10
تصدير ولا إستيراد ..
لانه نحن كان بقينا علي التصدير
اظن ما نغطي الاحتياج المحلي .. !!
|
Post: #14
Title: Re: هرار اليونان، في السودان، لماذا؟
Author: Ahmed Abdallah
Date: 11-24-2005, 03:35 PM
Parent: #12
| Quote: تصدير ولا إستيراد .. |
والله يا حميدة عندك حق .. ليه نحن ما نصدر هرار ... لانه العالم الاول أوجد بدائل كثيرة للصمغ العربي ... لكن بيني وبينك ... أحسن كل دولة تلم هرارها عليها ...
|
Post: #11
Title: Re: هرار اليونان، في السودان، لماذا؟
Author: Bashasha
Date: 11-24-2005, 03:27 PM
Parent: #1
| Quote: تطلع لينا زيت زيتون وشوية شفع حلوين |
حميدة ازيك.
يعني شفعنا الحاليين، او من دون سماد يوناني، اري، ابيض، ماحلوين؟
طيب ماعشان كده الجماعة جو دافرين بي هرارم لي عندنا عشان مايتخلصو منو.
عشان كده قلنا كتير، الاخرين بيقرو المكتوب علي جبين السوداني والذي يقرا:
انا اكره نفسي!
مااظن البكره روحو بحب البلد الانجبت الزول الفي المرايا!
عشان كده البلد هاملة اوما ليها سيد او ده سر اختيارا ككوشة كبيرة علي مستوي العالم!
ياحليلم الاتوسدو الطوب في كرري!
ياحليلو الجا يكوس للامام المهدي في فولة المصارين، او بالصدفة لقي جيش هكس معسكر في شيكان، فقرر الهجوم الفوري بمعاونة اطفاله، علي جيش بحالو!
الله الله
في كرري شرشل اتعجب من السودانيين البهجمو علي المربع الانجليزي او اياديهم خالية حتي من مجرد السلاح الابيض!
الخليفة بعد ماسوا حيلتو، مد فروتو او رجي يومو، او كانو "مديت" اليوم داك!*
النار قالو تخرا الرماد، او عشان كده خرا اليونان كاس بكان اخري ناس في العالم اليوم!
حاجة تمغس ياخي!
*) "مديت" من date يامحسن خالد، يارعواتي، معناها مواعيدا
|
Post: #13
Title: Re: هرار اليونان، في السودان، لماذا؟
Author: humida
Date: 11-24-2005, 03:33 PM
Parent: #11
| Quote: في كرري شرشل اتعجب من السودانيين البهجمو علي المربع الانجليزي او اياديهم خالية حتي من مجرد السلاح الابيض |
عشان كدا كان المثل الشعبي " الرجال ماتوا في كرري " ..
المشكلة بين ثقافتين ..
بين ناس مشوا طائعين مختارين أمرهم .. متقبلين الموت ..
وبين ناس لا يملكون من امرهم شيئا ..
المشكلة مافي الـ " هرار " المشكلة انه أمور ذي دي تمرر ..
فوق رقبتك يا شعب ..
ومشروع ذي دا .. هو رسالة فقط مكتوبة بالبونط العريض ..
طز فيكم يا شعب يا مرض .. !!!!
|
Post: #16
Title: Re: هرار اليونان، في السودان، لماذا؟
Author: kh_abboud
Date: 11-24-2005, 03:43 PM
Parent: #13
لم يتعرّض السودان لهذا المستوى من الهوان إلا 5فى هذا العهد ... يجب أل تمر هذه الصفقة المريبة .... وبالمناسبة ..أين شركاء السطة من الحركة الشعبية ( لتحرير السودان) ؟
|
Post: #17
Title: Re: هرار اليونان، في السودان، لماذا؟
Author: محمدين محمد اسحق
Date: 11-24-2005, 03:45 PM
Parent: #13
بشاشا مرحبأ بالعودة مرة أخري
وشكرأ علي البوست ..
وحقيقة دا الفضل ...
| Quote: ويقول مدير مكتب منظمة السلام الأخضر في اليونان نيكوس خرلابيذيس، إنه ليست هناك معلومات رسمية حول نسبة المواد المشعة والعضوية التي تحتوي عليها المواد المزمع تصديرها للسودان، لكن القياسات السابقة أكدت وجود كميات كبيرة فوق المسموح بها للبيئة والصحة العامة والتي تعتبر ضارة جدا للصحة العامة وللبيئة معا. |
|
Post: #15
Title: Re: هرار اليونان، في السودان، لماذا؟
Author: Bashasha
Date: 11-24-2005, 03:41 PM
Parent: #1
تراجي نورتي،
فعلا دي ظاهرة غريبة.
ليه من دون خلق الله بلدنا دايما محط انظار النفايات؟
|
Post: #18
Title: Re: هرار اليونان، في السودان، لماذا؟
Author: jini
Date: 11-24-2005, 03:55 PM
Parent: #15
| Quote: ليه من دون خلق الله بلدنا دايما محط انظار النفايات؟ |
من يهن يسهل الهوان عليه
ما لجرح بميت ايلام
وفى ناس هوان اكتر مننا!
جنى
|
Post: #19
Title: Re: هرار اليونان، في السودان، لماذا؟
Author: Bashasha
Date: 11-24-2005, 04:32 PM
Parent: #1
منصور يامراحب،
السؤال ليه من بين كل شعوب الارض، احنا ادبخانة؟
النفايات الذرية مبلوعة، لكن براز الاخرين، شئ مؤلم!
لاحظ من صياغة الخبر، انهم اول مافكرو في حل فكرو في السودان تحديدا، ممايوضح وجود راي عام عالمي في مجال التخلص من الفضلات، يضع السودان علي راس القائمة!
السؤال:
ليه السودان، والسر الاحنا ماعارفنو شنو؟
|
Post: #20
Title: Re: هرار اليونان، في السودان، لماذا؟
Author: هشام هباني
Date: 11-24-2005, 04:52 PM
Parent: #19
الاخ العزيز / بشاشا
مساك الله بالخير
شنو يعني الغريب في الامر ...الهرار يستورد هــــــــــــرار... فالنظام هرار والفكرة هرار واولو الامر عصبة من الهـــــــــــــرارين وكل زول حر في هرارو طالما بقينا بلد
ادبخـــــــــــــــانة والجايات اكتر من الرايحات؟؟؟
هباني
|
Post: #21
Title: Re: هرار اليونان، في السودان، لماذا؟
Author: Tragie Mustafa
Date: 11-24-2005, 05:14 PM
Parent: #20
الاعزاء بشاشا وزوار بوسته
سلام مره آخرى
واكرر مع هباني:
Quote: طالما بقينا بلد
ادبخـــــــــــــــانة والجايات اكتر من الرايحات؟؟؟
|
وكان الله في عون البلد.
تراجي.
|
Post: #22
Title: Re: هرار اليونان، في السودان، لماذا؟
Author: Tragie Mustafa
Date: 11-24-2005, 05:18 PM
Parent: #21
Quote:
لم يتعرّض السودان لهذا المستوى من الهوان إلا فى هذا العهد ... يجب أل تمر هذه الصفقة
المريبة .... وبالمناسبة ..أين شركاء السطة من الحركة الشعبية ( لتحرير السودان) ؟
|
|
Post: #23
Title: Re: هرار اليونان، في السودان، لماذا؟
Author: Bashasha
Date: 11-24-2005, 05:46 PM
Parent: #1
| Quote: لم يتعرّض السودان لهذا المستوى من الهوان إلا 5فى هذا العهد |
عبود تحياتي، شرفنا.
ياخوي السودان الحالي طلع من بطن امو المصرية او ابوهو البريطاني هوام في يناير 1956!
ماتمسحوها في رقبة حيطة النظام القصيرة!
بالنسبة للشركاء فهم بتمسكنو لمان يتمكنو، والحركة دخلت "الديربي" ده متاخرة خمسين سنة، او من الصفر!
لو الليلة عبدالخالق محجوب مثلا كان د.قرنق، ده ماكان الحال!
والحركة القي بها في اليم مكتوفة، والان تلام انها ابتلت!
|
Post: #24
Title: Re: هرار اليونان، في السودان، لماذا؟
Author: Bashasha
Date: 11-24-2005, 07:16 PM
Parent: #1
وداسحاق وينك، مشتاقين.
فعلا ده الفضل!
|
Post: #25
Title: Re: هرار اليونان، في السودان، لماذا؟
Author: Walid Safwat
Date: 11-24-2005, 09:02 PM
Parent: #1
فعلا دي بلد مايترفع ليها شطب
بلد ادبخانة
حكومة هرارة
وشعب مهررو عليه
|
Post: #26
Title: Re: هرار اليونان، في السودان، لماذا؟
Author: بدرالدين شنا
Date: 11-24-2005, 10:36 PM
Parent: #1
|
Post: #27
Title: Re: هرار اليونان، في السودان، لماذا؟
Author: humida
Date: 11-25-2005, 07:24 AM
Parent: #26
*
|
Post: #28
Title: Re: هرار اليونان، في السودان، لماذا؟
Author: عبدالماجد فرح يوسف
Date: 11-25-2005, 10:42 AM
Parent: #27
الاخ بشاشا وزوار البوست
وجدت المقال كما هو منشور في الصحيفة اليونانية وهنا موقعها باللغة الانجليزية:
http://www.ekathimerini.com/4dcgi/_w_articles_politics_...229_22/11/2005_63294
-----------------
................
Attica’s excess sludge could trickle to Sudan
Giorgos Christakis/ANA
Thousands of tons of sludge from the waste-processing plant on the islet of Psyttaleia (photo) may be shipped to Sudan, the Athens Water Supply and Sewerage Company (EYDAP) said yesterday. Taking the sludge to Sudan is one of various options being considered, it said.
Authorities are considering transporting thousands of tons of partly treated human waste from an islet off Piraeus nearly 3,000 kilometers to Sudan as a solution to Attica’s growing sewage problems, the Athens Water Company (EYDAP) said yesterday.
A tanker with the capacity to carry some 26,000 tons of sludge has already arrived at the islet of Psyttaleia, where Attica’s only sewage treatment plant is located. EYDAP officials have asked the firm Edil Hellas to look into how the 170,000 tons of waste on the site can gradually be transferred from the islet.
The board of EYDAP has yet to give the go-ahead for the program to begin in earnest, but it looks likely that a pilot scheme will start soon. This will involve the sludge being transported some 2,700 kilometers by sea to Sudan, where it will be dried and compacted at a US-owned plant in the African state before being used as a fertilizer. The process will also extract the heavy metals from the waste.
Transporting the sewage will cost EYDAP between 50 and 80 euros per ton, sources said. The company said that if it proceeds with this option, it will only do so until a drying unit is built on Psyttaleia. The Public Works Ministry will also have to rubber-stamp the deal.
Sources at the European Environment Agency said that if the Sudanese government agrees to the deal, then there is no legislation to prevent the transportation of the sludge.
Greek environmentalists, however, labeled the move as “unethical.” “The use of sludge as a fertilizer in Sudan, when such a use is banned in Greece, is a blatant case of environmental racism,” the head of Greenpeace in Greece, Nikos Haralambidis, told Kathimerini.
|
Post: #29
Title: Re: هرار اليونان، في السودان، لماذا؟
Author: عبدالماجد فرح يوسف
Date: 11-25-2005, 10:52 AM
Parent: #28
ويبدو أن اليونان تعاني من ضغوط الإتحاد الأوربي لها لترفع من مستوى مستوجبات البيئة لتتماشي مع المعايير الأوربية للبيئة. القطف أدنا يؤكد ذلك, فهناك زيارات تفتيشية بيئية من الأتحاد الاوربي لليونان, أقرؤوا معي:
Greece blacklisted for flouting green laws
An apparently lax approach by the government on the environmental front has landed Greece in eighth position on the EU’s blacklist of countries which are violating the bloc’s green rules.
According to data released yesterday by Synaspismos Left Coalition MEP Dimitris Papadimoulis, there are 47 outstanding cases against Greece regarding the insufficient or poor implementation of European Commission guidelines.
Most breaches relate to waste management and environmental protection. Some 40 warning letters have been sent to local authorities on these cases, the data showed.
Greece has yet to set local laws on EU guidelines relating to noise pollution, the strategic impact of environmental consequences and access to environmental information.
On the list of 25 countries, Spain is the worst offender, with 183 outstanding cases.
المصدر : أضغط هنا
|
Post: #31
Title: Re: هرار اليونان، في السودان، لماذا؟
Author: jini
Date: 11-25-2005, 11:04 AM
Parent: #28
Quote: على أن تقوم شركة أميركية في السودان بمعالجة الكمية التي تقدر بحوالي 170 ألف طن نفايات.
|
انى أغرق أغرق تحت...
How much per capita
وناسنا بتاعين تجارة الترانزيت المرة دى حيلقوا مشترى وين!!
جنى
|
Post: #30
Title: Re: هرار اليونان، في السودان، لماذا؟
Author: Bashasha
Date: 11-25-2005, 11:01 AM
Parent: #1
| Quote: وفى ناس هوان اكتر مننا! |
جني يامراحب،
هو نحن ناس في الاول؟
احنا هوام عديل كده!
بالعدم الصفحة الاولي كانت تحولت الي تظاهرة سايبرية، تنتقل شرارتا للشارع ثم البرلمان كمسالة مستعجلة، لانو بتحصل اشياء غريبة ومريبة جدا في بلدنا منذ ايام السيد 10%.
مين عارف في كم 10% في السلطة، او مين عارف قبضو كم في شنو؟
دي مسالة خطيرة جدا!
|
Post: #32
Title: Re: هرار اليونان، في السودان، لماذا؟
Author: عبدالماجد فرح يوسف
Date: 11-25-2005, 11:32 AM
Parent: #30
أها ياجماعة الحكاية دي نوصلها حدها
أدناه موقع الإنترنت لشركة المياه اليونانية
ويمكن الجميع مكاتبتها وإزعاجها والإستفسار من حقيقة هذا الموضوع الكريه
ونرجو من وزير البيئة السوداني السيد: نهار التعقيب علي هذه المأساة
هنا موقع شركة المياه اليونانية EYDAP
الآن يجب مساعدتي في معرفة الشركة المملوكة لأمريكا والتي تعمل في تجفيف المخلفات البشرية في السودان, وكذلك كيفية مخاطبة السيد وزير البيئة السوداني, حتي نجمع جميع الخيوط.
|
Post: #33
Title: Re: هرار اليونان، في السودان، لماذا؟
Author: حاتم الياس
Date: 11-25-2005, 12:29 PM
Parent: #32
بشاشا أحي تناولك الهادف للموضوع
كما أننى أبشرك بأننى تأكدت من أنك ماعربى ولاعلاقة لك أبداً بالعروبه
من بعيد أو قريب لأن هؤلا العرب الملاعين لهم حيل لطيفه فى التعامل مع قاموس اللغة العربيه
أما لغتك فلها رائحه وطعم...ياسلام ياسلام أيها الأفريقى العظيم
|
Post: #34
Title: Re: هرار اليونان، في السودان، لماذا؟
Author: حاتم الياس
Date: 11-25-2005, 12:36 PM
Parent: #33
كتب أحدهم فى مرحاض عام
(هنا تسقط كل أبداعات المطبخ)
|
Post: #35
Title: Re: هرار اليونان، في السودان، لماذا؟
Author: Bashasha
Date: 11-25-2005, 06:37 PM
Parent: #1
| Quote: شنو يعني الغريب في الامر ...الهرار يستورد هــــــــــــرار... |
هشام هباني يامراحب نورت.
هو ياريت كان استيراد، كده مبلوع!
ماالهرار، بقصد المبادرة بي طلب السلعة او استيرادها.
من الخبر اعلاه، يبدو لي الاغاريق، من عندهم، صنقعو دنقعو مالقوا غير السودان!
يعني هم الفكرو في كده انطلاقا من سمعة بلدنا الظيتا، ضارب في المحافل الدولية!
السؤال ليه السودان تحديدا؟
شخصيا ده المحيرني.
|
Post: #36
Title: Re: هرار اليونان، في السودان، لماذا؟
Author: omar ali
Date: 11-25-2005, 10:28 PM
Parent: #1
العزيز بشــاشا
ســـلامات
في نفس الوقت الذي حملت فيه وسائل الاعلام
نبــــأ نية الاغاريق ارســـال فضــــلاتهم
الي السودان كان هناك خبر بان الحكومة
السودانية تريد التوسط بين سوريا ولبنان
لترطيب العلاقات بين البلدين.
ديل ما فاهمين سياسـة وبس وكمان ما عـارفين
قدر انفسهم ..باقي ليك الشوام ديل بيقبلوا
بوسيط " زي دا عبد" في نظرهم وكمان بيدفنوا
في بلده فضلات ناس من دولة تانية.
|
Post: #38
Title: Re: هرار اليونان، في السودان، لماذا؟
Author: خدر
Date: 11-27-2005, 01:50 PM
Parent: #37
| Quote: هرار اليونان ، في السودان، لماذا؟ |
بشاشا
مبسوط منك  ... دي الترجمة الاساسية للخبر
عشان الناس دي تنتبه
|
Post: #39
Title: Re: هرار اليونان، في السودان، لماذا؟
Author: عبدالماجد فرح يوسف
Date: 11-27-2005, 03:54 PM
Parent: #38
| Quote: وكان وزير البيئة والتنمية العمرانية، الدكتور احمد بابكر نهار، قد وجهه الامين العام للمحلس الاعلي للبيئة دكتور سعد الدين، باجراء الاتصالات اللازمة ومتابعة واستجلاء الحقائق حول ما نشرته «الصحافة» أمس الاول عن عزم شركة يونانية تعمل في مجال توفير المياه ومعالجة المخلفات العضويةارسال 170 الف طن من المخلفات البشرية للتخلص منها في السودان، بجانب توجيهه بمتابعة امر الناقلة التي تحمل هذة المخلفات لاتخاذ اللازم حيال هذا القضية الخطرة |
المصدر
وهنا موقع جريدة الصحافة
التعليق: يبدو أن السيد وزير البيئة السوداني قد علم بالخبر عن طريق جريدة الصحافة, والإخوة في سودانيزأونلاين بريمة وبشاشا وسبيل قد نشروه قبل أن تنشره جريدة الصحافة. بمعنى آخر, أن وزير البيئة السوداني علم بالخبر بعد أن قرأه الآلاف والخبر كما هو معروف تداولته مئات وكالات الأنباء والمحطات التلفزيونية والإذاعية وأيضا نشر في كثير من المواقع الإسفيريىة وخاصة تلك المهتمة بالشأن البيئي.
وهنا نتساءل عن مدى استفادة وزيرنا البيئي الهمام من تكنولوجيا المعلومات في وزارته حتي لا يكون آخر من يعلم.
أما رئيسه الأمين العام للمجلس الأعلي للبيئة(والله المنصب عندك) فنشكره جزيل الشكر لأنه يقرأ جريدة الصحافة مع قهوة الصباح والله ستر الدنيا ما رمضان.
يا ناس ياعالم العالم بقا قرية صغيرة أصحو وصحي النوم يا نهار والريس سعدالدين.
وننتظر رد من الوزير بعد أن يقوم بالاتصالات اللازمة ومتابعة واستجلاء الحقائق (ياربي وزير البيئة ورئيس مجلسها الأعلي ح يتصلو بي منو؟؟؟) الله يكون في عون الســـــــــودان الماعندو وجيع..
)
|
Post: #40
Title: Re: هرار اليونان، في السودان، لماذا؟
Author: محسن خالد
Date: 11-27-2005, 04:49 PM
Parent: #38
..
إزيك يا صاحبي بشاشا، وماك طيّب،..
ياخي أولاً صاحبي حميدة دا زول لذيذ وقاعد يقرق معاكم ساي، فانطرحوا شوية، عشان النكتة كمان ما تجلوها،...
وإنت يا حميدة ولدي خلي عندك أدب، وتراجي دي مره قدر أمك، كلمة شلاقة وخفَّة دي ما تقولها تاني، وأوعك تجي تتماسخ عليّ، لأني راجل قدر أبوك،..
يا بشاشا صاحبي،..
| Quote: *) "مديت" من date يا محسن خالد، يا رعواتي، معناها مواعيدا |
يا زول أنا كَلَّمتكم زماانك بإني كائن (مَجَرِّي)، ونحن في المريخ كما وصّف حلّتنا دكين -ذاتنا ما قاعدين نخرأ، اللهم إلا لما نكون راكبين التايم مشين بتاعتنا في فسحة ومارّين قريب من الأرض، خصوصاً عدل السودان،..
نجاوبك علي سؤالك ليه السودان تحديداً؟
لأنو السودان دا بلد كبييير، قدر الهجمة، وقاعد كلو بور وعاطل، أرض خرافية ومقصّبة ومواسَقَة خِلْقَة ربها وبعد دا قاعدة عانس، أنهار تتلّب جاي وجاي زي الحوت وزول واحد داير يحوشها بخزان -علاوة علي الخزانات البنوها الإنجليز- مافي، يعني المسألة مش إنو هم مستحقرنكم ومتفّهّنكم ودايرين يدوكم بالقلوط، كما يقال أداهو بالجزمة، الناس ديل حرسوكم سنة واتنين وبميات السنين، راجنكم تزرعوا وتنتجوا متل الخلق، وإنتو تتلابعوا وتطلبوا في المعونات وتدخُّل دول العالم، تأكلوا معوناتكم دي وتسفوا في السعوط وتشربوا في المريسة البنوم سيدها بعداك في ضل بيت ستّها، هم طبعاً ما فاهمين كدا، خواجات طيبانين خلاص ونيتن بيضاء زيهم، مفتكرين إنو الحكاية دي كلها shortage بتاع سماد وتقاوي، أها الناس ديل قصدن شريف، ودايرين ياخدو فيكم الأجر حسب ظنّهم، فما تفهموهم غلط ساكت، كدي قوموا أزرعوا الدنيا الاسمها السودان وعاطلة دي، شوفوا زول واحد يديكم بالقلوط، وكدا بس ح تصححوا فهمن عنكم وتدوهم فكرة صحيحة عن شعب مش أدباخة، بدون ما تنحمقوا ساي، إنتو مفتكرين إنو المظاهرات دي بتسوي حاجة؟ أبداً، بتحرّر الناس بالفعل، أبداً، بتحطّم نظام الأبرتايد؟ أبداً،..
صاح ما نديلا وأمبيكو طلعوا في رأس بيت جنوب إفريقيا، لكن البلد ذاتها كمشين وكآلة ضخمة وخرافية، ومحتاجة لجيوش من المتعلمين والمفكرين والمثقفين والتقنيين، لساها راكبة هي فوق السود، ولساهم السود عبيد تحت المشين دي، ولساهم البيض أسياد جنوب إفريقيا، وعشان كدي دوّرت معركة التحرر الحقيقية في جنوب إفريقيا في الأيامات دي، بالتعليم، بالكد، بالجد، فقد ولَّى زمن المظاهرات، جِدُّوا جِدُّوا، المظاهرات دي سلوك بتاع شعوب حسمت التخلّف، ونحن لسانا أكتر ناس في الدنيا، تشوفن طوالي تشبهن علي قلوط، بالله إنت من قلاليط الحارة كم، لا أنا من زُراقات التامنة،...
هسّع عليكم الله الدمبلوماسية السودانية دي كلها، بتاعة الكيزان دي، الحايمة بالدول كسفراء، والقاعدين يغالطوا في البنك الدولي والتانين في مجلس الأمن والأمم المتحدة وكافة منظمات الدنيا، كلهم، في ذمتكم، أول ما تشوف الواحد منهم، ما بتفتكروا طوالي تاجر خراء، ولو بقيت أي خواجة ما بتجر تكابسوا دغري، القلوط تصرفو بكم، والأدبخانة تخارجها في كم يوم؟
أمّة غبية وعاطلة وعدو للحداثة وما عندها أي اعتبار للتعليم ومتفرّغة للشجار، دشليون سنة مفكّر واحد ما عندها، مؤسسات أكاديمية ثابتة ما عندها، سياسي نزيه واحد ما عندها، حزب سياسي علمي واحد ما عندها، أي قنيط عامل فيها أحسن من قنيط الجنبو، وتنقنقوا من الخراء، والله أنا بقترح علي اليونانيين ديل بدل يشتتوا خراهم في الصقيعة ساي، وما يتعرف القلوط من العِمّة، يوسموا خراهم، من أجل فرز الدفن، عشان البترول بعدين ما يطلع فالسو،..
...
|
Post: #41
Title: Re: هرار اليونان، في السودان، لماذا؟
Author: عبدالماجد فرح يوسف
Date: 11-28-2005, 06:54 AM
Parent: #1
UUUPPPP
|
Post: #42
Title: Re: هرار اليونان، في السودان، لماذا؟
Author: nahla mahdi
Date: 11-28-2005, 07:54 AM
Parent: #41
up
|
Post: #43
Title: Re: هرار اليونان، في السودان، لماذا؟
Author: ود المايقوما
Date: 11-28-2005, 08:12 AM
Parent: #1
الباعو الاراضي وشردو الناس ( حلفا القديمة ) مابعيد عليهم يوافقو بدفن هرار الخواجات في السودان ( لتكون سلة العفانات )
( بالمناسبة ده زي ردك ورد صحبك محمد سليمان )يعني حقوق الكتابة محفوظة ماتخاف
|
Post: #44
Title: Re: هرار اليونان، في السودان، لماذا؟
Author: شرف الدين آدم إسماعيل
Date: 11-28-2005, 08:13 AM
Parent: #1
الاخوة المتداخلون /...........
السلام عليكم
اذا كان الناس فى السودان ما قبلانين بى بعض, و تجى الحيكومة من خلفهم تحرش دا على دا
ما عارف شنو ؟ تطهير عرقى ؟ ما عارف شنو ؟ جهاد ؟ ما عارف شنو ؟ حمرة وزرقة؟
اخوتى /......
الحال يغنى عن السؤال , فلا يزال البعض يتهكم ويستعر من الاخوة اللاجئيين السودانيين المعتصمين امام مكتب المفوضية الساميةلشئون اللاجئين بالقاهرة , ويهاجمهم ويصفهم بجالبى العار والفضيحة للسودان؟
اى عار جلبوه و اى فضحية سببوها ؟ وعينك فى الفيل وتطعن فى ضلو , لذا فان هذا من ذاك , فليس على ناس (خريستو) حرج من ارسال هرارهم الى السودان , وما تزعلوا دا حالكم.
|
Post: #45
Title: Re: هرار اليونان، في السودان، لماذا؟
Author: Marouf Sanad
Date: 11-28-2005, 09:58 AM
Parent: #44
بشاشا سلام
ياخي دا ياهو المضحك المبكي
ياخي والله حكومة الانقاذ دي عملت فينا عملية ابليس ما عملا ,
تاني الناس تقعد تناضل ضد الهرار يعني , والمعارضة السودانية تعترض و تهدد بضرب أنابيب الهرار .
طيب ما نسميهو هَراري بدل السودان
|
Post: #46
Title: Re: هرار اليونان، في السودان، لماذا؟
Author: عبدالماجد فرح يوسف
Date: 11-30-2005, 07:03 AM
Parent: #45
|
Post: #47
Title: Re: هرار اليونان، في السودان، لماذا؟
Author: jini
Date: 12-07-2005, 10:07 AM
Parent: #46
| Quote: هرار اليونان، في السودان، لماذا؟ |
170 ألف طن من الهرار تعادل حمولة 34 باخرة بواقع 5000 طن للباخرة او 34 رحلة Shuttle تعالوا نشوف معلومات البوليصة:
الراسل (Consignor ):
الشعب اليونانية :
المرسل اليه (Consignee):
الشعب الوداني
الإرسالية(consignment):
هــــــــــــــــــــرار يونانى ماركة كلاماتا
الوزن (weight):
170000 طن مترى
ميناء التحميل (port of loading):
بايروس
ميناء التفريغ(port of discharge):
بورتسودان
واهداء الى كل ظلامى أخرس
جنى
|
Post: #49
Title: Re: هرار اليونان، في السودان، لماذا؟
Author: othman mohmmadien
Date: 12-08-2005, 01:00 AM
Parent: #48
يا جماعة والله إنصدمت
بقرأ في الموضوع ومفتكرة القصة عن
هرار (قطط) اليونان في السودان لماذا؟
الحمد لله الذي أبعد عنا القطط وعافانا
كمان جايبنه لينا
|
|
|