تشرفوا وقفوا إجلالا واعتزازا , عائشة الفلاتية ضيفة علي المنبر " حوار نادر "..

يشرفني كثيرا أن أقدم ليكم وربما لأول مرة في المنبر الحر هذه الكلمات الخالدة خلود الفلاتية ذلك الإسم الكبير في حياتنا الفنية والإجتماعية , رحمها الله و أسكنها فسيح جناته, البوست مفتوح كذلك لمواد متنوعة حول الفلاتية لا نتوقع أن يضن ويبخل بها من يملكونها, هذه بمثابة حروفالمقدمة في مشروع التوثيق للفلاتية الذي نتمني له أن يريةالنور ويكتمل :

الصحافة, الجمعة 18 نوفمبر 05

حوارات قديمة

حوار مع الفنانة الراحلة عائشة الفلاتية.. عمره أكثر من ربع قرن !!
شقيت وتعبت ووهبت عمري كله لوطني
أول سودانية تتمرد على تقاليد الحجاب وتقتحم الحياة العامة في شجاعة وجرأة قبل أكثر من ربع قرن من الزمان لتصبح مطربة مبدعة تردد الآفاق شهرتها وذلك في مجتمع متخلف ومتزمت.. ثم تنجح نجاحاً منقطع النظير رغم منافسة أساطين الفن من الرجال الذين عاصرتهم.. عائشة الفلاتية.. سيدة ظلت الى آخر رمق من حياتها تحتفظ في حرص بالغ على بعض معالم الربيع في قسمات وجهها الوضيئة.. وهي بعد خفيفة الدم.. حلوة الحديث.. رقيقة الأحاسيس.. لا تغيب الابتسامة الودودة من شفتيها الا لماماً .. ولا تتعثر في اطلاق الدعابة الطلية المرحة في سرعة بديهة حاضرة دائماً..
قلت لها وأنا أتأمل الـ «تي» الأخضر الموسوم على خدها:
* ايه اللي رماك في حكاية الفن دي.. ياعائشة؟
* واسرعت تقول بصوت تشوبه رنة أسف: تقول شنو؟!
وصمتت وكأنها أرادت أن تتجنب الحديث في هذا الصدد.. فمضيت أقول: ما هو لابد أن تكون في عوامل وظروف دفعتك في الطريق ده.. وانتي أساساً عندك المؤهلات والموهبة اللي بتجعل منك مطربة؟.. وسرحت عائشة بنظراتها بعيداً من خلال النافذة.. ثم قالت فجأة: أصله يا سيدي.. لما كان عمري زي سبعة سنين وكده كنت بندمج مع البنات في بيوت الأعراس واللعبات.. وعشان صوتي كان جميل وانا كنت معتزه بيهو جداً.. كنت دائماً بسيطر على الموقف واقوم بالهلولة كلها..
* وكنتو بتغنو شنو؟
* غنا النسوان الكبار.. ما ياهو.. أغاني السيرة والدلوكة.. ومرات غنا سرور وكرومه.. واوعى بالك.. في بيوت الأعراس ما بقعد في السباته عشان أرقص.. كنت مهتمة بس بأني اسمع واسرق الغنا..
* وبعدين؟
* بعدين شنو؟! ما اهلي زوجوني وانا صغيرة.. عمري 11 سنة.. واقول ليك الحق.. الحياة الزوجية ما عجبتني كله كله.. لاني بحب امرق اروح الأفراح.. والزوج من الزمن داك ما بدور زوجته تمرق من البيت.. قول الراجل زهج وطلقني!
* جننتيهو يعني؟
* واطلقت عائشة ضحكة مزغردة ومضت تقول: بعدين يا سيدي.. قعدت فوق البيت.. مع أهلي يعني.
* طيب .. برضه ما عرفنا.. الفن ده .. دخل في حياتك كيف؟
* اصلو ياود امي.. في واحد راجل صعيدي مولد هنا اسمه محمد زقالي بيعرفونا.. يقوم يجي من مصر واحد خواجه اسمه ميشيان .. ميشيان بتاع الاسطوانات.. ميشيان ده كان جاي يسوق غنايين يسجل ليهم اسطوانات في مصر.. طلب من زقالي يفتش ليهو عن واحدة بتعرف تغني.. قامو جوني فوق البيت وطلبو مني أغني.. وغنيت ليهم غنا الزمن داك البعرفو.. الخواجة انبسط جداً وكنت بتمنى يقول لي قومي تسافري معانا كنت عاوزة ابقى مشهورة..
قول ياسيدي.. الخواجة قال البنت صوتها جميل جداً وتقوم معانا.. أبويا حلف بي جدودو انه ما ممكن.. قال ياجماعة مصر دي انا ماشفتها.. كيف بتي الصغيرة دي تمشيها؟.. وبكيت وزعلت.. والخواجه قعد يترجى أبوي وقال انه مسئول عن أي حاجة تحصل لي.. وما أطول عليك ياود أمي.. في النهاية الخواجة عمل معانا كنتراتو بعشرين غنوة بي ستين جنيه..
مش معقول؟
ما الجنيه الزمن داك كان جنيه.. والدنيا مازي حسه..!
الكلام ده كان زي سنة كم؟
سنة 1936م.. قول يازول سافرت مصر.. وسقت معاي الشيال بتاعي «أبوحراز» والخواجه في مصر سكنت معاهو في بيته مع زوجته واخته ووليداتو..
وسجلتي شنو؟
أغاني كثيرة ما بتذكرها كلها.. لاكين أول غنوة سجلتها اسطوانة يا حنوني عليك بزيد في جنوني ومن زمن بنادي لاكين لطشا عبدالعزيز داؤود وحسع قاعد يغنيها !! وكانت أغانيا ناجحة جداً.. وكان الزمن داك الفوتوغرافات راقدة.. واللي ماعنده فوتوغراف اشترى ليهو واحد عشان يسمع عائشة الفلاتية وكان بيوزع الاسطوانات «البازار السوداني» الخواجه كاتيفانيدس وولده ديمتري ومحلهم في المحطة الوسطى.. ولما كنت في مصر كان بيزوروني ناس عظيمين جداً.. الاستاذ بشير عبدالرحمن وهو سوداني بيشتغل في وزارة الزراعة في مصر.. والف لي غنوه بتقول «البنيه ست العربية».
* ومنو مؤلفين أغنياتك التانيه؟
* أغلبهم عبدالرحمن الريح..
* وكنتي مرتاحة في مصر؟
* الزمن داك لبس التوب ما كان عند المصريين.. فكانوا الاولاد بيزفوني ويقولوا .. تعالوا شوفو الوليه الله لابسه كفن.. زهجت وغيرت ملابسي..

Quote: أول سودانية تتمرد على تقاليد الحجاب وتقتحم الحياة العامة في شجاعة وجرأة قبل أكثر من ربع قرن من الزمان

الأخ المعز::

تحية::

عائشة الفلاتية صارت إلى ربها فلماذا هذا البهتان في حقها؟؟!!!

من قال لك إنها كانت متبرجة؟؟ هذا السيدة كانت ملتزمة بشحمة المرأة السودانية وظلت تتزين بالثوب السوداني حتى توفاها الله تعالى.





فلاش:

أنصار تفسخ المرأة عاوزين يكبروا الكوم ولو برفات الموتي!!!

أخونا جاد, تحية..
واضح أنك لم تستطع تمييز الخط الفاصل مابين ماسطرته أنا بالدعوة لتوقير وتوثيق تجربة عائشة الفلاتية كإنسان وكمغني, وبين الحيز الصحفي الذي يحوي مادة الحوار القديم مع الفلاتية .. لذلك ولأنك ( وبطبيعة الحال! ) آثرت التشنج والتوتر والعصبية والتوصيف المنفلت لمن لم تلتقيهم في حياتك بالمرة , فهاهي المادة أنقلها لك مرة أخري والتي تبدأ بتقديم الصحفي الذي أجري الحوار..
ماهي العلاقة مابين التبرج, الإحتشام, الدعوة لتفسخ المرأة , ومابين نقل مادة صحفية عريقة تحدثنا فيها شخصية مبجلة مثل الفلاتية حول تجربة إقتحامها لساحة الفن والغناء في وسط محافظ( غير متشنج) أتاح لنا دون أدني أسباب العصبية والفتنة أن نتلقي ونتعرف علي كوامن إبداع إمرأة مطربة إستطاعت ( دون تفسخ ) أن تسطر وتخلد إسما بحجم ( الفلاتية ) في حياة أمة عريقة !.. هل كان لهذا أن يحدث في ( زمنكم ) زمن المتشنجة ?..
ومن دراك بأنني من دعاة التفسخ, أو التعريض بي حشمة الفلاتية !..هذا حديث لا يصدر إلا عن من حسب نفسه بؤرة قيمية, أو عن مخيلة مهووسة ..
أعد القرائة, الله يهديكم :

Quote: الصحافة, الجمعة 18 نوفمبر 05 حوارات قديمة حوار مع الفنانة الراحلة عائشة الفلاتية.. عمره أكثر من ربع قرن !! شقيت وتعبت ووهبت عمري كله لوطني أول سودانية تتمرد على تقاليد الحجاب وتقتحم الحياة العامة في شجاعة وجرأة قبل أكثر من ربع قرن من الزمان لتصبح مطربة مبدعة تردد الآفاق شهرتها وذلك في مجتمع متخلف ومتزمت.. ثم تنجح نجاحاً منقطع النظير رغم منافسة أساطين الفن من الرجال الذين عاصرتهم.. عائشة الفلاتية.. سيدة ظلت الى آخر رمق من حياتها تحتفظ في حرص بالغ على بعض معالم الربيع في قسمات وجهها الوضيئة.. وهي بعد خفيفة الدم.. حلوة الحديث.. رقيقة الأحاسيس.. لا تغيب الابتسامة الودودة من شفتيها الا لماماً .. ولا تتعثر في اطلاق الدعابة الطلية المرحة في سرعة بديهة حاضرة دائماً.. قلت لها وأنا أتأمل الـ «تي» الأخضر الموسوم على خدها: * ايه اللي رماك في حكاية الفن دي.. ياعائشة؟ * واسرعت تقول بصوت تشوبه رنة أسف: تقول شنو؟! وصمتت وكأنها أرادت أن تتجنب الحديث في هذا الصدد.. فمضيت أقول: ما هو لابد أن تكون في عوامل وظروف دفعتك في الطريق ده.. وانتي أساساً عندك المؤهلات والموهبة اللي بتجعل منك مطربة؟.. وسرحت عائشة بنظراتها بعيداً من خلال النافذة.. ثم قالت فجأة: أصله يا سيدي.. لما كان عمري زي سبعة سنين وكده كنت بندمج مع البنات في بيوت الأعراس واللعبات.. وعشان صوتي كان جميل وانا كنت معتزه بيهو جداً.. كنت دائماً بسيطر على الموقف واقوم بالهلولة كلها.. * وكنتو بتغنو شنو؟ * غنا النسوان الكبار.. ما ياهو.. أغاني السيرة والدلوكة.. ومرات غنا سرور وكرومه.. واوعى بالك.. في بيوت الأعراس ما بقعد في السباته عشان أرقص.. كنت مهتمة بس بأني اسمع واسرق الغنا.. * وبعدين؟ * بعدين شنو؟! ما اهلي زوجوني وانا صغيرة.. عمري 11 سنة.. واقول ليك الحق.. الحياة الزوجية ما عجبتني كله كله.. لاني بحب امرق اروح الأفراح.. والزوج من الزمن داك ما بدور زوجته تمرق من البيت.. قول الراجل زهج وطلقني! * جننتيهو يعني؟ * واطلقت عائشة ضحكة مزغردة ومضت تقول: بعدين يا سيدي.. قعدت فوق البيت.. مع أهلي يعني. * طيب .. برضه ما عرفنا.. الفن ده .. دخل في حياتك كيف؟ * اصلو ياود امي.. في واحد راجل صعيدي مولد هنا اسمه محمد زقالي بيعرفونا.. يقوم يجي من مصر واحد خواجه اسمه ميشيان .. ميشيان بتاع الاسطوانات.. ميشيان ده كان جاي يسوق غنايين يسجل ليهم اسطوانات في مصر.. طلب من زقالي يفتش ليهو عن واحدة بتعرف تغني.. قامو جوني فوق البيت وطلبو مني أغني.. وغنيت ليهم غنا الزمن داك البعرفو.. الخواجة انبسط جداً وكنت بتمنى يقول لي قومي تسافري معانا كنت عاوزة ابقى مشهورة.. قول ياسيدي.. الخواجة قال البنت صوتها جميل جداً وتقوم معانا.. أبويا حلف بي جدودو انه ما ممكن.. قال ياجماعة مصر دي انا ماشفتها.. كيف بتي الصغيرة دي تمشيها؟.. وبكيت وزعلت.. والخواجه قعد يترجى أبوي وقال انه مسئول عن أي حاجة تحصل لي.. وما أطول عليك ياود أمي.. في النهاية الخواجة عمل معانا كنتراتو بعشرين غنوة بي ستين جنيه.. مش معقول؟ ما الجنيه الزمن داك كان جنيه.. والدنيا مازي حسه..! الكلام ده كان زي سنة كم؟ سنة 1936م.. قول يازول سافرت مصر.. وسقت معاي الشيال بتاعي «أبوحراز» والخواجه في مصر سكنت معاهو في بيته مع زوجته واخته ووليداتو.. وسجلتي شنو؟ أغاني كثيرة ما بتذكرها كلها.. لاكين أول غنوة سجلتها اسطوانة يا حنوني عليك بزيد في جنوني ومن زمن بنادي لاكين لطشا عبدالعزيز داؤود وحسع قاعد يغنيها !! وكانت أغانيا ناجحة جداً.. وكان الزمن داك الفوتوغرافات راقدة.. واللي ماعنده فوتوغراف اشترى ليهو واحد عشان يسمع عائشة الفلاتية وكان بيوزع الاسطوانات «البازار السوداني» الخواجه كاتيفانيدس وولده ديمتري ومحلهم في المحطة الوسطى.. ولما كنت في مصر كان بيزوروني ناس عظيمين جداً.. الاستاذ بشير عبدالرحمن وهو سوداني بيشتغل في وزارة الزراعة في مصر.. والف لي غنوه بتقول «البنيه ست العربية». * ومنو مؤلفين أغنياتك التانيه؟ * أغلبهم عبدالرحمن الريح.. * وكنتي مرتاحة في مصر؟ * الزمن داك لبس التوب ما كان عند المصريين.. فكانوا الاولاد بيزفوني ويقولوا .. تعالوا شوفو الوليه الله لابسه كفن.. زهجت وغيرت ملابسي..

المعز سلامات وعوافي

Quote: أول سودانية تتمرد على تقاليد الحجاب وتقتحم الحياة العامة في شجاعة وجرأة قبل أكثر من ربع قرن من الزمان لتصبح مطربة

دايما العقليات السلفية بتفهم من الكلام ما تريد فهمه فقط ليس ما يشير ليهو الكلام ؟
اخي جاد ..سوال وجيه : هل تقاليد الحجاب تعني الحجاب بمفهومه الشايع (غطاء الراس ولا يظهر سوي الكفين و ..) ولا تعني تقاليد الحجاب المذكورة اعلاه التقاليد السودانية القديمة التي كانت تحث علي حجب المراة السودانية عن الحياة العامة وحصر وظائفها حيث لا وجود داخل الاسر للمرأة الفنانة او التي تعلو بصوتها الي اخره من سلسلة الممنوعات .

مستغربة في حصر الاخ جاد الكلام في فكرة الحشمة والتفسخ ؟؟؟؟؟؟؟؟؟؟؟

Quote: دايما العقليات السلفية بتفهم من الكلام ما تريد فهمه فقط ليس ما يشير ليهو الكلام ؟

يديكي العافية ياريهان,
دي كانت الجرعة الناقصة في حديثي , مع ملاحظة أننا نتحدث حول " العام " فإذا بالرجل يجرنا جر لـ" الخاص " !..التحية للفلاتية وهي تغرق البلد بالمطربات !..

الأخ المعز ::

المعذرة .. ولك العتبى .. وأحول الرد للصحفي الذي أعد ديباجة الموضوع ..

فيما يخص باقي كلامك عن شخصي .. ما يهمك أخد راحتك يا حبيب.


تحياتي،،

الأخت ريهان الريح ..

عوافي ..

لا ليس تمرداً على الحجاب بالمعني الذي تقصديه يا أختنا.. إنما يقصد الصحفي تمرداً مثل تمرد المصرية هدى شعراوي .. وهي ليست بأي حال سلفاً لنا ولا سلفاً للراحلة عائشة الفلاتية ..

وسلفنا الذي أعتز به وأرجو أن أكون مثله لم يحجب المرأة عن ميادين العمل .. فالمرأة كانت في عهد السلف في فجر الإسلام هي من تدير المستشفيات الميدانية وأعمال الإخلاء الطبي للجرحى في أرض المعارك .. وهي المقاتلة على صهوات الخيل وهي العالمة الفقيهة والشاعرة المجيدة ولها في مجالات الحياة فنون شتى.

Quote: دايما العقليات السلفية بتفهم من الكلام ما تريد فهمه فقط ليس ما يشير ليهو الكلام؟

فلاش:

مسكين من يتنقص عقلية سلفنا الصالح .. رب كلمة لا تلقى لها بالاً تكون عليك يوماً وبالاً ..

http://www.rayaam.net/22005/07/09/art/art.htm
... عائشة الفلاتية بقناة النيل الأزرق ü في اطار التوثيق للمبدعين ...

سلام للجميع
أظن اكثركم عارف انه في الزمن داك المرأة السودانية كانت بتتبلم بتوبها يعني بتجر التوب وتلف بيهو رأسها وتلفوا بعد داك على فمها وأنفها وبذلك بيكون شكلها زي المنقبات الحاليات ما بظهر منها غير عيونها ..وأفتكر قصد الكاتب بأنها تمردت على تقاليد الحجاب بقصد بها انهاتركت عادة البليم ولبسته زي ما بنشوفوا حاليا

على فكرة ده تحليل الوالدة أنا ذاتي أول مرة أعرف موضوع البليم ده..لكن هي قالت الحكاية دي كانت موجودة وبدأت تنحسر في جيل أمها وعماتها

سلام يانسمة ياجاية من الوطن !
أتفق مع تعريف ريهان حول الإستخدام المجازي لمعني الحجاب هنا , لتأتي إضافة ( مامتك ) وتثري الموضوع وتكتمل الصورة اللوحة الجميلة التي يخرج لنا منها صوت الفلاتية العميق.. لكي التحية و لي مامتك كمان..

تكرم راكوب..مساهمة فاخرة, ولو لحقتنا بي وثيقة قديمة كمان أو أي ورقة قديمة..

كتر خيرك, مع أمنياتي العطرة..

الأخ Elmuez لك التحية والشكر مقدما هذا بحق شرف وتشريف وأيما تشريف بما قدمته فهذه ليست كلمات خالدات فحسب ْْانماتوثيق بديع وهام لفنانة عظيمة بحق وأرجو ان لا تتوقف أبدا وهذا ما كنت أدعوا اليه يا أعضاء المنبر وقلت تحت عنوان أسمعوا الكلام ده يا أعضاء المنبر ..هل من كتابات مفيدة ؟؟ قبل يومين فقط 21\11....ده الكلام.. ودى الثقافة ودى الوثائق المحتاج لها الشباب ..حفظك الله دوما ودمت .......محمد مختار جعفر

الأخ Elmuez لك التحية والشكر مقدما هذا بحق شرف وتشريف وأيما تشريف بما قدمته فهذه ليست كلمات خالدات فحسب ْْانماتوثيق بديع وهام لفنانة عظيمة بحق وأرجو ان لا تتوقف أبدا وهذا ما كنت أدعوا اليه يا أعضاء المنبر وقلت تحت عنوان أسمعوا الكلام ده يا أعضاء المنبر ..هل من كتابات مفيدة ؟؟ قبل يومين فقط 21\11....ده الكلام.. ودى الثقافة ودى الوثائق المحتاج لها الشباب ..حفظك الله دوما ودمت .......محمد مختار جعفر

الأخ محمد مختار, تحية وتقدير..
شرفتنا كتير بهذه الكلمات الداعمة كما أرجو أن نتمكن من الحصول علي المزيد من المواد التي تخدم هذا المقام , سوف أبحث بدوري عن ما يفيد ..
لك ودي,

Quote: وعشان صوتي كان جميل وانا كنت معتزه بيهو جداً

يا الله!!!
شوف بالله الكلام دة صعب كيف؟
في ناس لحدي هسي ما عارفين إنو صعب ليه (!)
*****
تحياتي الطيبات آخي المعز

Quote: شوف بالله الكلام دة صعب كيف؟

تحية ياأخ أبكر..
فعلا ملاحظة " تهبش " !..لاحظ :

Quote: * ايه اللي رماك في حكاية الفن دي.. ياعائشة؟ * واسرعت تقول بصوت تشوبه رنة أسف: تقول شنو؟! وصمتت وكأنها أرادت أن تتجنب الحديث في هذا الصدد

Quote: وسرحت عائشة بنظراتها بعيداً من خلال النافذة

تسترجع في ذاكرتها صور لي معركة أدبية قاسية جدا , أن تغني ' تلعلع ' حرمة آنذاك كانت فكرة كارثية جدا !..
مع وجود الرغبة و العشم ده كله:

Quote: في بيوت الأعراس ما بقعد في السباته عشان أرقص.. كنت مهتمة بس بأني اسمع واسرق الغنا

ده مش مثل صارخ و تجسيد عملاق لي حكاية ' جيل التضحيات ' !

آيوة يا آخ المعز
زي ما شايف
الفن الحقيقي ما قاعد يجي ساي
الحكاية دي دايرة ليها قعدة طويلة



أبكر آدم إسماعيل

الأخ راكوبة ::

التحيات العطرة::


شكراً على هذا الجمال والبهجة التي أضفيتها علينا..

بالله عندها أيضاً أغنية جميلة بتقول من ضمنها ..

برسل ليك سلامي وباقة زهر ..

تكرم علينا بها .. هذه الأغنية تحملني إلى أوقات حبيبة وذكريات عزيزة .

تكفى أخي راكوبة..

جاد

أخوي العزيز راكوبة ..


الله الله


والله نقلتني نقلة حلوة جداً .. إلى أزمان زمان دييييييييييييييييييك


إلى حبي الأول دااااااااااااااااك


أقوليك .. هذه من أجمل الهدايا التي صدتها في هذا العام ..


اسمح لي أن أهديها للأخوة تمبس وود الباوقة وأساسي والأخ المعز ولكل جميل في هذا المنبر وهم كثر ..



خالص شكري ومودتي.


جــــــــــــاد

الأخ العزيز / المعز
تشكر يا حبيب على اضاءة مثل هذه الجوانب المهمة فى تاريخ الغناء السودانى الأصيل , ونسأل الله الرحمة لعائشة الفلاتية وأن يسكنها فسيح جناته .

الأخ المعز تحية طيبة وتقدير ، والرحمة والمغفرة للمبدعة الزاهدة الفنانة عائشة الفلاتية .,. عارف !! قبل كدة كان عندى بوست مكتوب بإسم "مارد" ، وعنوانه تقريباً عائشة الفلاتية الفنانة المبدعة الزاهدة .. ولكنى لا أتذكر الآن إن كان البوست المشار إليه قد نشر وقتها بــ سوانيزاونلاين أم سودان.نت ، فلا أتذكر على وجه الدقة ، ولكن أرجح إنه كان بـ سودان.نت .. بصراحة أنا اليومين دى مشغول جداً، المهم لو حبيت ولقيت وقت يمكن أن تبحث عنه وتقف عليه، اعتقد أن به معلومات لا بآس بها.. ربما تفيد فى التوثيق .. وختاماً لك المعزة والمعذرة والشكر .

جاد
والإهداء موصول للجميع، وحتى سيد السيرفر البنرفع فيهو الأغاني دي ، والله يرجع ليك كل الأزمان دييييييييك

شكرا جاد ولك العتبي ..

شكرا عبد الماجد , بس وين قلمك ?..

شكرا مسعود و حمد الله علي سلامة العودة , حذنت لصوبة تذكرك موضع المادة الجيدة بلا شك !.. رغم زحمتي اليومين ديل..أتمني أجد الفرصة للبحت !

مطربنا راكوبة .. ربنا مايحرمناش منك .. ياريت كمان ألحان الربيع بصوت حنان النيل + السمندل ..

تحياتي وودي لكم جميعا , الله يرحم خالتكم المبدعة ..

انها فنانه عظيمه وها هي تنوه عن العبقري

عبد الرحمن الريح الذي لايعرف الكثيرين قدره

الملحن الشاعر الرهيب

Quote: انها فنانه عظيمه وها هي تنوه عن العبقري عبد الرحمن الريح الذي لايعرف الكثيرين قدره الملحن الشاعر الرهيب

وهذه أوسمة موصلية بالطبع خاصة جدا !..ألف تحية وشكرا علي الدفعة الكبيرة أستاذنا الجليل موصلي ,
فعلا المقام يوجب ذكر الفذ عبدالرحمن الريح, المؤسف يكاد يكون الفضاء الاسفيري خالي تماما من ذكر الشاعر والملحن الفدير عبدالرحمن الريح !!!

الأخ المعز

الحبيب راكوبه

لكم الشكر الجميل على هذا الجمال

لست ادرى لماذا لا تغنى بناتنا فى برنامج نجوم الغد اغانى الراحلة فهى مقياس لحسن الصوت والتطريب


امتاع والله بصوت فريد لم يتكرر ابدا

مرحب قرشو..

Quote: امتاع والله بصوت فريد لم يتكرر ابدا

مافي أدني شك , لازلنا في انتظار راكوبة ليسمعنا المزيد ..