Post: #1
Title: ثلاث طلبات بأسم البرامة والبرلومات..لكل السناير والسنيرات
Author: الخير محمد عوض
Date: 11-18-2005, 06:13 PM
Parent: #0
اخـواني واخـواتى البـورداب
السـناير منكـم والسنيرات
البرالمة مثلنـا والبرلـومـات
مـن تبـقـى منهـم ومـن فـات
(1)
واقـع الأمـر ان لى (ثلاث) طلـبات...طـلبي الأول أوجـهه لكل السنـاير والسـنيرات بأن
لكـم مني خالـص التـحـيات المـباركـات وانتم على مرمى حجـر من عـام جـديد, نتمـنى
ان يجعـله الله عـلينا عـام خـير وبركـة وسـلام ومصـالحـات...خطـرت لي فكـرة ادعـوا
خـلالـها كل المـختلفين والمختلفـات لدخـول هـذا البـوسـت والقـيام بشيـئ مـن
المصـالحات, علا وعسـى ان يكـتبـها المـولى عـزّ وعلا لنا فـي ميزان الحـسـنـات....
(2)
طـلب آخـر بأسم كل البرالمـة والبرلـومات بان يسـادعـدنا أولي الفضـل مـن السانير
والسنيرات في حـل عـقـدة المـداخلات وكـيف لـنا ان نكّـبر الخـطـوط ونـلـون الكلمـات
وأصـدقكم القـول بأنهـا اكـبر الأزمـات التي تدخـلنا في كـثيـر من الأحـراجـات.
(3)
ان لا يقـل عـدد زوار هـذا البوٍسـت عن المـية او الميـات على ان يكـونوا/نّ من
الظريفـيب والظـريفات ولعمـري انّ في ذلك نـوع من التشجـيعات لنا نحـن البرالـمة
والبرلومـات.
البرلـوم الخـير.
|
Post: #2
Title: Re: ثلاث طلبات بأسم البرامة والبرلومات..لكل السناير والسنيرات
Author: القلب النابض
Date: 11-18-2005, 06:19 PM
Parent: #1
برولم بي سنونو
ومن أول مرة داير تلون وتخت وشوش والله انت ظريف
يا نا س فيصل نوبي ساعدو الزول دا
انا ببقى ليك واسطة غايتو. لاني ما شاطرة في دي.
السناير والسنيورات يهدوكم عاطر التحيات
ويقولو ليكم دمت بيننا يا برالمة وبرلومات
اخشى ان يستمر اللقب حتى التخرج لانه عندنا زول دفعتنا اتخرج من زمن ولسة الناس بتقول ليه فلان البرلوم.
|
Post: #4
Title: Re: ثلاث طلبات بأسم البرامة والبرلومات..لكل السناير والسنيرات
Author: الخير محمد عوض
Date: 11-18-2005, 06:43 PM
Parent: #2
اختـنا الحبيبة
القلب النابض
اشـكر لك هـذه الكلمات القيمـات ولا اشـك ابدا فى ان هذا البوسـت سيحـطم كل الارقام
القياسـيات لأنّـك كنت اول المـتداخـلات...
لك خـالص الـود.
امّـا الحبيب فيـصل نوبى فأشعـر ان ما بيني وبينه ستنشـا اقوى الصـداقات لانه رجـل صلـح
ومصالحـات وقد رأيت ذلك منـه في كثير من البوسـتات.
ولأنك صـافية نبيلـة لك منى أخلص التمنيأت
الخـير.
|
Post: #3
Title: Re: ثلاث طلبات بأسم البرامة والبرلومات..لكل السناير والسنيرات
Author: محمد عيد الله
Date: 11-18-2005, 06:22 PM
Parent: #1
هاك دة واحد برلوم جيديد لنج
جاء يشد من ازر اخيه البرلوم
ويقول لك كل عام وجميع البورداب بخير
اه ودعتك الله
محمد عبد الله
|
Post: #5
Title: Re: ثلاث طلبات بأسم البرامة والبرلومات..لكل السناير والسنيرات
Author: الخير محمد عوض
Date: 11-18-2005, 07:06 PM
Parent: #3
محـمـدعيد الله
كيفك يا حبيب وكل سنة وانت طيب
| Quote: هاك دة واحد برلوم جيديد لنج |
ولكنك يا صـديقى لسـت ببرلـوم اذ ان لك (142) من المشاركات
والبرالمـة دائمـا لا يتجـاوزون المئـات.
وودي ياجمـيل.
|
Post: #6
Title: Re: ثلاث طلبات بأسم البرامة والبرلومات..لكل السناير والسنيرات
Author: الخير محمد عوض
Date: 11-18-2005, 08:12 PM
Parent: #5
يا اليـف الصـيد يا ابو عيـونا صـاد
انت ليـه يا جمـيل عني نافــر وصـاد
كل يـوم يا جميـل ليـك بالـمـرصــاد
انا ودعـي ما حـمّــد والشـرك ماصـاد
هذا المقطـع الباكى مـن شـعر الحقيبة كتبه الشأعر الفذ( المسّـاح)..انا المـسـّاح دمع
البكى....نهدية باسـم جميع البرالمـة للزميلة ايمـان صـالح التى اسـتفرد بها زوي
الخبرات وحـرمـوا بذلك منهـا البرالـمة والبرلومات...
كما ال يفوتنى ان انوه بان قائـمـة الخـطّـاب عند ايمان قد تجاوزت المئة وبـذا يكون
قد تـمّ غلقهـا حتـى يتثنى لهـا القيام ببعض اجـراءات التصفـية الأولية...بيد ان العزيز
صـديق المـوج يبـدو في موقف لا يحـســد عليه .
وفي انتظـارك يا ايمـان.
|
Post: #7
Title: Re: ثلاث طلبات بأسم البرامة والبرلومات..لكل السناير والسنيرات
Author: الخير محمد عوض
Date: 11-19-2005, 00:23 AM
Parent: #6
عـاش نضـال الـسـنـاير...
و..........
ا.........
ل........
س.......
ن......
ي.....
و....
ر...
ا..
ت.
|
Post: #58
Title: Re: ثلاث طلبات بأسم البرامة والبرلومات..لكل السناير والسنيرات
Author: الخير محمد عوض
Date: 12-03-2005, 12:32 PM
Parent: #5
**
|
Post: #8
Title: Re: ثلاث طلبات بأسم البرامة والبرلومات..لكل السناير والسنيرات
Author: فيصل نوبي
Date: 11-19-2005, 00:54 AM
Parent: #1
الخير
سلام
و مبروك العضوية 
و اشكركم انت و القلب
اخوكم زاتو بقا برلوم بعد ما غير اسمو
بجيكم راجع عشان الالوان و الحركات سمح !
|
Post: #9
Title: Re: ثلاث طلبات بأسم البرامة والبرلومات..لكل السناير والسنيرات
Author: الخير محمد عوض
Date: 11-19-2005, 01:40 AM
Parent: #8
| Quote: و اشكركم انت و القلب |
ويا قلب انا كنت قايلك تبت من تعـب السفـر
ومن مخاواة القماري ومن شراب مـوية المـطـر
فيـصـل الحـبيب..اهـاترانى قـاعد وراجيـك تب.
لك فيض المزن وهـو يهمـي شـو.. شـو.. شـو
شـرفتناونور بيتنا وشارع بيتنـا
كنأ فرشـنا السـكة ورود لو كلـمتنا كان بالجية
(شبكتـيـنا يا أمنـة فى شـباك شـبك شـبـكت شـبايكـو معانـا
لبـس التوب شبك فـي شبايكـامـشـابكـانـا
والداير الشـبك يـشبك شبكـتو معانـا)
التـحـية لفيصـل نوبـي
وشـجـر الدوم.
الخير
|
Post: #10
Title: Re: ثلاث طلبات بأسم البرامة والبرلومات..لكل السناير والسنيرات
Author: محمد السر
Date: 11-19-2005, 02:53 AM
Parent: #9
مرحباً بالخير
|
Post: #11
Title: Re: ثلاث طلبات بأسم البرامة والبرلومات..لكل السناير والسنيرات
Author: الخير محمد عوض
Date: 11-19-2005, 03:32 AM
Parent: #10
الأخ محمـد الـســر
اسـعدني مـرورك وكـريم ترحـيبك بى...
اداوم على متابعة بوسـتاتك الشـيـقة والتى اسـتمـتع حـقـا بمطـالعتهـا
وقطـعا ستكـون لنا مداخلات (اوتومسفيرية) في القريب العاجـل.
كما وأتمنى عودتك هنأ مرات ومـرات حتى لا يـسـتفرد بنا (عتاة السناير)
ويـقـمـوا بتطبيق تكتيكاتهم الاوتومسفيرية علينا بسـحب برلوماتنـا النواضـر
اللائي يخفـن علينا من ظـلـنـاومن يلات التحـزب المبكـر
لك وودى وتقديري.
الخـيـر.
|
Post: #12
Title: Re: ثلاث طلبات بأسم البرامة والبرلومات..لكل السناير والسنيرات
Author: الخير محمد عوض
Date: 11-19-2005, 04:38 AM
Parent: #11
احـد البرالمـة الشـليقـين داير يعبر عن اعجابـه باحـد السناير اللامعين
فقام قال ليه:
يا قمـر انا ما بطـولك
اديني من نـورك ومـيـض
شـان انـور وابقى طولك
فمـا كان من السـنير الذي لم يعجـبه اطـراء البرلـوم له ان رد قائـلا:
( كسـير تلج )
البرالمة ليهم الله وعيشـة الكـدسـه.
|
Post: #13
Title: Re: ثلاث طلبات بأسم البرامة والبرلومات..لكل السناير والسنيرات
Author: إيمان صالح
Date: 11-19-2005, 05:04 AM
Parent: #1
الخير قول خير
والعافية درجات
ايمان
|
Post: #14
Title: Re: ثلاث طلبات بأسم البرامة والبرلومات..لكل السناير والسنيرات
Author: محمد السر
Date: 11-19-2005, 05:25 AM
Parent: #1
عارف زي كلامك دا: | Quote: البرالمة ليهم الله وعيشـة الكـدسـه |
لو قلتو هنا:أمثال سودانية جديدة لم تسمع بها من قبل !! بتبقى سنير في يومين
|
Post: #15
Title: Re: ثلاث طلبات بأسم البرامة والبرلومات..لكل السناير والسنيرات
Author: ABDELAZIZ MAHADY
Date: 11-19-2005, 06:20 AM
Parent: #14
البرلوم شديد ...
يرحب بك البرلوم (حبببببببببببببببه) ويفرد أجنحتة إحتفاءا بك/بهم/بنا ويتمني لكم حضور متواصل
|
Post: #16
Title: Re: ثلاث طلبات بأسم البرامة والبرلومات..لكل السناير والسنيرات
Author: الخير محمد عوض
Date: 11-19-2005, 11:34 AM
Parent: #15
كتـبـت البرلومـة المـتمـردة:
Quote: الخير قول خير
والعافية درجات |
هلا هلا...كـلام ناس واصـلـين تب
اشـكر لك مـرورك الكريم وهذه الابتسامـة.
وودي
|
Post: #19
Title: Re: ثلاث طلبات بأسم البرامة والبرلومات..لكل السناير والسنيرات
Author: الخير محمد عوض
Date: 11-19-2005, 12:07 PM
Parent: #15
الاخ البرلـوم حبببببببة
عبد العـزيـز مهدي
كـيفك يا عزيز دنيـاك نـحـن طامعين تبقى عزيـز دنـيانا
اشـكر لك هـذا الاحـتفاء...
ابقى قريـب فطلائع (البـرالمـة) تحتـاجك.
وودى.
اخـوك الخـيـر.
|
Post: #17
Title: Re: ثلاث طلبات بأسم البرامة والبرلومات..لكل السناير والسنيرات
Author: الخير محمد عوض
Date: 11-19-2005, 11:48 AM
Parent: #14
الاخ محمـد الســر
تسـلم ....
Quote: Quote: البرالمة ليهم الله وعيشـة الكـدسـة
لو قلتو هنا:أمثال سودانية جديدة لم تسمع بها من قبل !! بتبقى سنير في يومين |
كنت قاب قوسـين او ادنـى من فعل ذلك الا ان ( شقيقة نضأل البرالمـة) ايمان صالح قد
طلبت مني ارجاء الامـر متزرعة بـأن
وتسـلم تاني.
الخير
|
Post: #18
Title: Re: ثلاث طلبات بأسم البرامة والبرلومات..لكل السناير والسنيرات
Author: فتحي البحيري
Date: 11-19-2005, 12:01 PM
Parent: #1
الأخ الخير عن نفسي ارحب بطلباتك الـ 3 واستجيب لاتنين منهن (نص نص ) وهو
الطلب التاني : المتعلق بمعلومات عن التلوين فعلى حد معرفتي الضعيفة يمكنك تلوين الألوان أحمر وأخضر وأزرق بكتابة أي من الكلمات blue red green بين قوسين مربعين (ورتبم براك) ! مثلا أنا لكي أجعل عبارة هي يا برلوم اعمل حسابك تظهر حمراء كما ترى أضع أمامها بين قوسين مربعين كلمة red وخلفها نفس الكلمة بعدها اسلاش داخل القوسين المربعين .. وهكذا قس
الطلب الأول : نعم ، أنا اختلفت بحق أو بدونه (الله أعلم ) هنا مع عديدين (اعمل حسابك!) وعلى سبيل المثال لا الحصر : عادل عبد العاطي والخالة بيان (رد الله غربتهما) وأساس ود.معز ... إلخ (ويمكن الأخ بكري ذاتو ماخد في خاطرو من جهتي ) واطمئنك يا صديقي أن الخلافات هنا شيء طبيعي لسخونة المواضيع وطبيعة المنابر وما في حاجة في النفوس إطلاقا
... دعني انتهز فرصة طلباتك هذه لاتقدم بتحية عاطرة لكل من حدثت بيني وبينه (حاجة) هنا وأشكرك
محبتي دائمة
|
Post: #20
Title: Re: ثلاث طلبات بأسم البرامة والبرلومات..لكل السناير والسنيرات
Author: الخير محمد عوض
Date: 11-19-2005, 01:05 PM
Parent: #18
الاخ فتحي البحـيـري
اولا :لـك وافـر الشـكر لهذه المسـاهمة الكريمة التي من شـأنها فك الطلاسـم الكيبودريـة
لاخـوانكـم البرالمة ومن ثم( فك الحنـك)لكثير منهـم وأنا اولهم..فيمـا يتعلق بالتلـوين
اتمنى ان تفيدونااكثر بوضع نمـوذج للشكل النهائ الذي تكون عليهاالكلـمةالمراد تلوينها
امـا فيمـا يتعلق بامر تكبير الخطوط اتمنى ان يكون الخـطوة التي تلي مرحلة التلوين...
ام الوجـوه الضـاحكـة(    ) فهـذا كل ما قدرنا عليه الله.
ثانيا: اود ايضأ ان اشكر لكم استجابتكم الكريمــة على طلبـي الاول والذي اصر على انه
اكثر الطلبات اهميـة.
Quote: الطلب الأول : نعم ، أنا اختلفت بحق أو بدونه (الله أعلم ) هنا مع عديدين (اعمل حسابك!) وعلى سبيل المثال لا الحصر : عادل عبد العاطي والخالة بيان (رد الله غربتهما) وأساس ود.معز ... إلخ (ويمكن الأخ بكري ذاتو ماخد في خاطرو من جهتي ) واطمئنك يا صديقي أن الخلافات هنا شيء طبيعي لسخونة المواضيع وطبيعة المنابر وما في حاجة في النفوس إطلاقا
... دعني انتهز فرصة طلباتك هذه لاتقدم بتحية عاطرة لكل من حدثت بيني وبينه (حاجة) هنا وأشكرك |
وهذا دائما عشمنا فيكم يااستاذ بحيرى..اتمنى ان يعيد الاخـوة السـناير النظـر كرتين
لهـذه المسـامحة النبيلة من شخصكم الكريم...تسـلم كتيييييييييير.
والى لقاء اخـر لك مني اوفر الود.
الخـير.
|
Post: #21
Title: Re: ثلاث طلبات بأسم البرامة والبرلومات..لكل السناير والسنيرات
Author: الخير محمد عوض
Date: 11-19-2005, 01:19 PM
Parent: #20
كنت معجـبا ايما اعجاب بالاختـلاف المهذب والائتلاف الاكثر تهـذيبا بين الاستـاذين:
حـسـين ملاسـي وعثـمـان محمـد صـالح
|
Post: #22
Title: Re: ثلاث طلبات بأسم البرامة والبرلومات..لكل السناير والسنيرات
Author: محمد السر
Date: 11-19-2005, 01:23 PM
Parent: #1
Up
|
Post: #23
Title: Re: ثلاث طلبات بأسم البرامة والبرلومات..لكل السناير والسنيرات
Author: الخير محمد عوض
Date: 11-19-2005, 01:38 PM
Parent: #22
اشـكرك اخي محمد الســر لرفع البوسـت.
اخوك الخير.
|
Post: #24
Title: Re: ثلاث طلبات بأسم البرامة والبرلومات..لكل السناير والسنيرات
Author: محمد السر
Date: 11-19-2005, 01:44 PM
Parent: #23
الخير..
يا مان العفو..
ياخي أنا بهظر..
وعشان فهمتني غلط حا أسحب المداخلة وانت برضو أسحب قبل ما زول يحس ونبوظ البوست الجميل دا
ديشااااااااااااك.. يا مان إنت شكلك متابع سودانيز كويس وعارف بعد مداخلتين تلاتة الزول بيقول ليك المدعوووو
تسلم ياحبيب
|
Post: #25
Title: Re: ثلاث طلبات بأسم البرامة والبرلومات..لكل السناير والسنيرات
Author: tmbis
Date: 11-19-2005, 01:45 PM
Parent: #22
يا استاذمحمد السر ..
إذا تكرمت .. المدعو الخير دهـ .. سنيري بي سنة في المتوسطة
..
وود حلتي .. بالتالي ما ترهبو لينا .. علشان ما تكون مشروع جديد لي الواحد يبتدي بيك اول اشهر الجاي ده
..
.
الخير ..
بوستاتك اخوانية خالص وبتلم الاخوان الهادئين زيك كدا ..
تعرف يااستاذ محمد السر .. الخير ده زمان كنت بشوفو العصريات بس مش ود حلتي وأي حاجة ؟؟ لكن بشوفو العصريات بس وجنو قمصان بيضاء وجنو يجيك حالق جديد
..
انا ح افك ليك بوست قديم بتاع برالمة .. قدام حسع بقو سنايرك ، حاول تركز معاهو ،،
.. خارطة الطريق للبرلوم الجديد ..
.
.
بعدين انت برلوم بي سنونك البتعمل Quote من قولت تيت ؟؟
|
Post: #26
Title: Re: ثلاث طلبات بأسم البرامة والبرلومات..لكل السناير والسنيرات
Author: محمد السر
Date: 11-19-2005, 01:51 PM
Parent: #25
ما قلت ليك يا الخير!!!
أهو قبضنا اللواء طيار أركان فرار ... شخصياً
يا تمبس ياخ قول للخير أنا ما من ناس الـ"المدعووو"
|
Post: #28
Title: Re: ثلاث طلبات بأسم البرامة والبرلومات..لكل السناير والسنيرات
Author: الخير محمد عوض
Date: 11-19-2005, 02:11 PM
Parent: #26
اها يا محمـد السـر
علم ونفذ
لكن يا مان بيني وبينك كدة اخـوك اخد ليه خـوفه.
وبعدين عشان انفذ طلبك دا تعبت تعب (جهجهة برالمة) ههههههه.
ما قلنا ليكم علمـونا.
تسلم يا حبيب.
اخوك الخير.
|
Post: #29
Title: Re: ثلاث طلبات بأسم البرامة والبرلومات..لكل السناير والسنيرات
Author: tmbis
Date: 11-19-2005, 02:17 PM
Parent: #26
| Quote: ما قلت ليك يا الخير!!! |
هههههههههه
..
يا الخير .. دقيقة ياخ
خليك من المكيشة بتاعت البرالمة دي .. إنت زول سنير مفترض انك مفتح اكتر من كدا هههههههه
يامحمد السر .. والله حركت حذفان المداخلات دي ما لذيذة مفترض تكون عارف البرلوم بيكون ( حساس ) كيف علشان كدا كان تواصل ليهو في نفس ( السلم ) ده وتشوف نهايتو شنو
والله غايتو فرصة وضيعتها تاني تلقى ليك برلوم ابو الدقيق زي ده وين ؟؟
|
Post: #32
Title: Re: ثلاث طلبات بأسم البرامة والبرلومات..لكل السناير والسنيرات
Author: الخير محمد عوض
Date: 11-19-2005, 04:42 PM
Parent: #29
تمبس اخوي وود حلتي
والله ما تتصـور انا سعيد كيف بتشـريفك لي بالدخـول الى هذا البوســت والله ايام يا تمبش
طبعا الشـوق من هنا لي عندك...كما واحب ان اشـكر لك ترحيبك بي في هذا المنبر الذي
يشـرفني ان اكون احد اعضائه بين اخوة احبهـم واسعـد ان اكون بينهم.
Quote: يامحمد السر .. والله حركت حذفان المداخلات دي ما لذيذة مفترض تكون عارف البرلوم بيكون ( حساس ) كيف علشان كدا كان تواصل ليهو في نفس ( السلم ) ده وتشوف نهايتو شنو
والله غايتو فرصة وضيعتها تاني تلقى ليك برلوم ابو الدقيق زي ده وين ؟؟ |
طبعا يا صاحبي القصـة دى لو اتواصلـت اخوك كان اكل نيـم
والله يا تمبس زي ما قلت ليك الشـوق بحـر وباذن الله حا اتصل عليك.
لك مـني خالص الود.
|
Post: #27
Title: Re: ثلاث طلبات بأسم البرامة والبرلومات..لكل السناير والسنيرات
Author: سعيد شمت
Date: 11-19-2005, 02:07 PM
Parent: #1
اخــــى الخير
فلنقل جميعا خير والعافية درجات لكنى اؤؤمن على ما تطلبه باسمنا
|
Post: #33
Title: Re: ثلاث طلبات بأسم البرامة والبرلومات..لكل السناير والسنيرات
Author: الخير محمد عوض
Date: 11-19-2005, 04:55 PM
Parent: #27
الاخ الفاضـل سعيد شمـت
Quote: اخــــى الخير
فلنقل جميعا خير والعافية درجات لكنى اؤؤمن على ما تطلبه باسمنا |
اشـكرك على المرور الذي يشـّد من ازر البرالمـة ويقـويهم.
لك مني خالص الـود.
|
Post: #30
Title: Re: ثلاث طلبات بأسم البرامة والبرلومات..لكل السناير والسنيرات
Author: ناذر محمد الخليفة
Date: 11-19-2005, 03:46 PM
Parent: #1
ممكن نقول UP يا الخير !!!!
|
Post: #31
Title: Re: ثلاث طلبات بأسم البرامة والبرلومات..لكل السناير والسنيرات
Author: الخير محمد عوض
Date: 11-19-2005, 04:20 PM
Parent: #30
Quote: المتواجدون الان بالمنبر العام 173 شخص » (1 )عضو و (172) زائرا
»الخير محمد عوض
هذه الصفحة يعاد تحديثها كل 120 ثانية |
محمـد وردي الذي اتمنى له عاجل الشـفاء عندو غنية بقول فيها
(براييييييي سـويتها في نفســـي)
ولا تعليق اكثـر من هذا.
|
Post: #34
Title: Re: ثلاث طلبات بأسم البرامة والبرلومات..لكل السناير والسنيرات
Author: bob
Date: 11-19-2005, 05:05 PM
Parent: #31
يا البرلوم الخــير
| Quote: براييييييي سـويتها في نفســـي |
سويت شنو يا الخيــر؟
|
Post: #36
Title: Re: ثلاث طلبات بأسم البرامة والبرلومات..لكل السناير والسنيرات
Author: الخير محمد عوض
Date: 11-19-2005, 05:28 PM
Parent: #34
الاخ الحبيب bob زااااااااتو هنا
كيفك يا bob والله شـرفت الديار وكل سـنة وانت طـيـب.
| Quote: سويت شنو يا الخيــر؟ |
بيني وبينك كده يا بوب اخـوك خـاف يقـوم يجـي واحـد من السناير داخل
ويقـول البرلـوم دا ماسكاه (ام فريحـانة) ولا شنـو, اليـوم كله خاتي
بنبرو ومصنقر هنا, عمل لينا وجـع وش ..لكن اخوك برلوم بسنـونو
القصة مرت بسـلام.
مره ثانية اشكرك على المـداخلة.
وتسـلم
الخـير
|
Post: #40
Title: Re: ثلاث طلبات بأسم البرامة والبرلومات..لكل السناير والسنيرات
Author: bob
Date: 11-20-2005, 03:25 PM
Parent: #36
وانتا طيب يا الخير
Quote: بيني وبينك كده يا بوب اخـوك خـاف يقـوم يجـي واحـد من السناير داخل
ويقـول البرلـوم دا ماسكاه (ام فريحـانة) ولا شنـو, اليـوم كله خاتي |
لا يازول انتا تمام هسى برلــوم نحيض عشان السناير ما اجوا ادقسوك ما انتا كدا مظهر الضمنــه بره ............
دى ترقيه منى
برلــوم وكيل عريــف
bob
|
Post: #35
Title: Re: ثلاث طلبات بأسم البرامة والبرلومات..لكل السناير والسنيرات
Author: الخير محمد عوض
Date: 11-19-2005, 05:11 PM
Parent: #30
ناذر محمـد الخليفة
| Quote: ممكن نقول UP يا الخير !!!! |
تقـول up سـاي يا ناذر انـت تقـول الدايره هـو انحنا لاقينك...شـرفت الديار والله
يا ناذر وسـعداء بك الى ما لا نهايـة...بس المـرة الجـاية ما بنخليـك الا تورينـا
الصنفـرات دي بعمـلوها كيف
شـرفتنا كتييييييير اخـي ناذر وما تحرمنـا من طلاتك وبالمناسـبة فيصل نوبي مشـى وين؟
قال حا يجي ينفحنا ببعض التكتيكات الاوتمسفيريةثم خـرج ولم يعـد...بالله عليك الله يا
ناذر كان لاقيتـو قـول ليهـو البرالمة منتظرنك..واظهر وبان ليك الامـان.
ناذر
لك خالص الود والتقـدير.
|
Post: #37
Title: Re: ثلاث طلبات بأسم البرامة والبرلومات..لكل السناير والسنيرات
Author: فيصل نوبي
Date: 11-20-2005, 08:35 AM
Parent: #35
UP
Quote: وبالمناسـبة فيصل نوبي مشـى وين؟
قال حا يجي ينفحنا ببعض التكتيكات الاوتمسفيريةثم خـرج ولم يعـد...بالله عليك الله يا
ناذر كان لاقيتـو قـول ليهـو البرالمة منتظرنك..واظهر وبان ليك الامـان. |
هاك دي الوجوه الضاحكة
|
Post: #38
Title: Re: ثلاث طلبات بأسم البرامة والبرلومات..لكل السناير والسنيرات
Author: الخير محمد عوض
Date: 11-20-2005, 02:25 PM
Parent: #37
الاخ فيصـل نوبي
لك جزيل الشكـر والتقدير ودمت لنا اخـا كريما.
الخير.
|
Post: #39
Title: Re: ثلاث طلبات بأسم البرامة والبرلومات..لكل السناير والسنيرات
Author: صديق الموج
Date: 11-20-2005, 03:12 PM
Parent: #1
Quote: كما ال يفوتنى ان انوه بان قائـمـة الخـطّـاب عند ايمان قد تجاوزت المئة وبـذا يكون
قد تـمّ غلقهـا حتـى يتثنى لهـا القيام ببعض اجـراءات التصفـية الأولية...بيد ان العزيز
صـديق المـوج يبـدو في موقف لا يحـســد عليه .
وفي انتظـارك يا ايمـان. |
انت ما قلت برلوم الشمارات ليك شنو؟؟؟؟
|
Post: #41
Title: Re: ثلاث طلبات بأسم البرامة والبرلومات..لكل السناير والسنيرات
Author: mohamed osman bakry
Date: 11-20-2005, 03:47 PM
Parent: #39
Quote: انت ما قلت برلوم الشمارات ليك شنو؟؟؟؟
|
ياخ ده رب الشمار
أدو تاني بس شهر
____________________
يا جوك
شايفك فتحت ليا
ده كلو من كتابي?
|
Post: #42
Title: Re: ثلاث طلبات بأسم البرامة والبرلومات..لكل السناير والسنيرات
Author: صلاح شعيب
Date: 11-20-2005, 06:45 PM
Parent: #41
الخير ودبانت وودالاهلية
والله ماتتخيل سعادتي بوجودك هنا..وفي امريكا كمان
مع السنايرة وأخشي أن تكون هذه قبيلة جديدة علي وزن السناهير
وقيل السمادير..وديل الاخيرين من قبايل العكام ود قاضي سنار ..وليس من قبايل اب
روف , حيث الطريق الشاقي الترام..وكذا ينشد صديقناعثمان الذي جمعنا في
دكانه ذاك , وكثيراً ماكان الفول يئن ويرجحن, هذا إذا لم يكن محمدعبدالسلام وسمية حسن آنذاك ينشدن لي في المسالمة غزالة ..او بت ملوك النيل, فيما يقوم الواحد سداري طربان
, طرباً لدرجة يجعل عامر كلانا يهديك آخر تسجيلات موسكو من صوت الاستاذ..
تلك أيام مضت ياالخير , عندما كانت بانت ببترولها وحاج شيكوهاوجقاواها وصلاح الصادقها وسيف أبلانشها, وضياء الدين السمين, وصاعوط صابر, وباسطة حسين إمام ..وكمان فيها سينما للبراملةالذين زف بهم واقع الجفاف والتصحر مثلي..والله يطري أولئك المبدعين والاماكن المترعة..
كيف لاأتذكرك..ونقاشات كثيرة لم تنته..وبقي شئ من حتي..وربما نكملها في أمريكا
التي حملتني بالاطفال..أثنين, أسيل وإسراء , أما امهما فهي تشكو لطوب الارض من
طول المسافة واللهفة والعيون..إن ضمتك نيوهامشير , ففرجينياـ ريستون تمارس فينا ساديتهاوضلالها الرأسمالي ..وكلو عند الامريكان صابون, ومع ذلك لن تنافس بانت صبري ودكان صلاح غندورـ حيث كان للميرندا حنينها, وفوكس حسن كريازي وهقلا.. وحسن عبدالنبي..وليالي نادي الموردة..
وعبدالحي بتاع المواتر ..أما هاشم صديق وسعد يوسف واخوانه عبيد وخلافهم فمازال الشوق إليهم..فها نسيت بعد هذا ..؟
|
Post: #49
Title: Re: ثلاث طلبات بأسم البرامة والبرلومات..لكل السناير والسنيرات
Author: الخير محمد عوض
Date: 11-21-2005, 06:07 PM
Parent: #42
الرجـل الذي قال نعم للجمال
صـلاح شعيـب(نور وزهـور وعطـور واستلم المجـال..صـوت منسـاب بلور وشـبه ناس قـلال)
انـهاالغربة ياعزيزى,انه الخفـوت يستصـرخ ماتبقي من ترايم( بانتية) شفيفـة تعتلى
منصـة هذا الشقي المتأرجح بين ان يكون او لا يكـون وهذه مراهقة اخـرى اودت بي الى
منزلق آخر موغل حتى العظـم في ماذا وكيف ولماذا يكـون الخفـوت -قاتله الله يااخي-....
| Quote: تلك أيام مضت ياالخير , عندما كانت بانت ببترولها وحاج شيكوهاوجقاواها وصلاح الصادقها وسيف أبلانشها, وضياء الدين السمين, وصاعوط صابر, وباسطة حسين إمام ..وكمان فيها سينما للبراملةالذين زف بهم واقع الجفاف والتصحر مثلي..والله يطري أولئك المبدعين والاماكن المترعة |
نعم, يا صـديقي تلك ايام مضـت وليتنـا عدنا او عـادت الايام...
كما وارجو منك ان تترك لي رقم تلفونك على الماسنجر.
ابو صلاح سـأعـود.
|
Post: #48
Title: Re: ثلاث طلبات بأسم البرامة والبرلومات..لكل السناير والسنيرات
Author: الخير محمد عوض
Date: 11-21-2005, 04:56 PM
Parent: #39
صـديق الموج اخونا وصديقنا واستاذنا..شرفتنا كتير والله, من البوسـت بتاع شعر الحقيبة
داك وانا واخـوي معروف دا بنفتـش فيك..بركـة الشـفناك طيب...بـس ما تطول الغيبة.
لك كل الاحـترام.
الخـير.
|
Post: #43
Title: Re: ثلاث طلبات بأسم البرامة والبرلومات..لكل السناير والسنيرات
Author: إسماعيل التاج
Date: 11-20-2005, 07:35 PM
Parent: #1
والله لكن
ناس أمريكا ديل الواحد يجيك راكب إف 16 ويقول ليك مستجـد.
أها بس عشان ما تحسبونا في الدول المغضوب عليها (محور الشر) ،
قلت أجي أرحب وانضم لي (محور الخير).
نعمل شنو؟ منو البقدر على الأمريكان؟ كلو خير في خير.
مرحب بيك.
|
Post: #50
Title: Re: ثلاث طلبات بأسم البرامة والبرلومات..لكل السناير والسنيرات
Author: الخير محمد عوض
Date: 11-21-2005, 06:23 PM
Parent: #43
حبيبنا اسـماعيل
| Quote: ناس أمريكا ديل الواحد يجيك راكب إف 16 ويقول ليك مستجـد |
.
ايااسـماعيل صـبرا....بالمناسبة اسمـاعيل صبرا دا اخـو (حسـن صبرا)
| Quote: نعمل شنو؟ منو البقدر على الأمريكان؟ كلو خير في خير. |
خيرا جانا وجاكـم.
الودود سماعين تسـلم يا أخـوي
وبجيك صاد
ابو لين
|
Post: #44
Title: Re: ثلاث طلبات بأسم البرامة والبرلومات..لكل السناير والسنيرات
Author: محمد السر
Date: 11-20-2005, 09:41 PM
Parent: #1
| Quote: والله غايتو فرصة وضيعتها تاني تلقى ليك برلوم ابو الدقيق زي ده وين ؟؟ |
يا تمبس والله يدي أكلتني على البرلمة لكن من أول سطرين للخير لقيتو نجار درجة أولى.. ونحن اليومين ديل عندنا ورشة محتاجة عمال مهرة زيوو، عشان كدا قدمت السبت.. لكن كان ما جا الورشة ما بخلِّي.. وبطلِّع المستندات كلها..
طبعاً المداخلة بتاعة البرلمة ديك اتصورت بالـ Quic screen capture قبل ما يعدلها والبرلوم طالما يا دوب بيسأل عن الوشوش الضاحكة والألوان شكلو لسة ما عرف امتلاكنا للأسلحة المتطورة دي فلو عمل ميت وما جا الورشة البوست بتاع برلمتو جاهز ودا اسمه: "الخير.. الفقرة دي اتصورت.. تحب نذيع؟"
|
Post: #45
Title: Re: ثلاث طلبات بأسم البرامة والبرلومات..لكل السناير والسنيرات
Author: Marouf Sanad
Date: 11-20-2005, 09:58 PM
Parent: #44
الخير
ازيك , سنو
|
Post: #46
Title: Re: ثلاث طلبات بأسم البرامة والبرلومات..لكل السناير والسنيرات
Author: اساسي
Date: 11-20-2005, 11:15 PM
Parent: #45
يا االخير اديك ليها من الاخر كدا وانسي موضوع اقتراحاتك التلاتة الفوق دي كلها
تعرف يا وجيه تشوف ليك اجعص سنير شايف روحه وفاكيها نفي نفسه النوع المداخلاته البتقول يا دنيا ما فيك الا انا تشوف ليك واحد زي دا وتخت الرحمن في قلبك وتجيهو بي كل قوة عين وتاني ما يفرزوكم الا بالشولات وعلامات المد والاستفهام من بعض
وشوف بعد داك البيحصل ليك شنو .. في بوست اسمه حكمة المنتديات شوف في التكنيك دا
بالنسبة للاخ فتحي البحيري اعتذارك مقبول 
|
Post: #47
Title: Re: ثلاث طلبات بأسم البرامة والبرلومات..لكل السناير والسنيرات
Author: فيصل نوبي
Date: 11-21-2005, 03:22 AM
Parent: #46
اساسي
صاحبك مالك فاكيو عكس الهواء كده و ما شغال بيو ياخ حرام عليك
هسي عليك الله من اولها كده داير تمسكو عكاز ، يا راجل خليك حنين عليو
الخير
اساسي ده امسك فيو قوي ده سيد الكمبيوتر زاتو بيل قيتس بيستشيرو في اي شيء
نحن مساكين ساي يا حبة ... 
اها الوجوه الضاحكة دورت معاك ولا لسة
|
Post: #52
Title: Re: ثلاث طلبات بأسم البرامة والبرلومات..لكل السناير والسنيرات
Author: الخير محمد عوض
Date: 11-21-2005, 06:51 PM
Parent: #46
اسـاسـي
كيفك اخـوي ..اشكرك لك المداخلة والترحيب..علا يا اخـوي بشوفك قلتلي انسى اقتراحاتي دى
Quote: يا االخير اديك ليها من الاخر كدا وانسي موضوع اقتراحاتك التلاتة الفوق دي كلها
|
كيف انسى يا اساسي ...( لو انت نسيت انا ما نسيت)
| Quote: بالنسبة للاخ فتحي البحيري اعتذارك مقبول |
ولك ودى ياشفيف...بس ما تحرمنا من طلاتك.
الخـير.
|
Post: #54
Title: Re: ثلاث طلبات بأسم البرامة والبرلومات..لكل السناير والسنيرات
Author: الخير محمد عوض
Date: 11-22-2005, 01:06 PM
Parent: #45
معروف
ومـا تيب
|
Post: #51
Title: Re: ثلاث طلبات بأسم البرامة والبرلومات..لكل السناير والسنيرات
Author: الخير محمد عوض
Date: 11-21-2005, 06:37 PM
Parent: #44
Quote: يا تمبس والله يدي أكلتني على البرلمة لكن من أول سطرين للخير لقيتو نجار درجة أولى.. ونحن اليومين ديل عندنا ورشة محتاجة عمال مهرة زيوو، عشان كدا قدمت السبت.. لكن كان ما جا الورشة ما بخلِّي.. وبطلِّع المستندات كلها..
طبعاً المداخلة بتاعة البرلمة ديك اتصورت بالـ Quic screen capture قبل ما يعدلها والبرلوم طالما يا دوب بيسأل عن الوشوش الضاحكة والألوان شكلو لسة ما عرف امتلاكنا للأسلحة المتطورة دي فلو عمل ميت وما جا الورشة البوست بتاع برلمتو جاهز ودا اسمه: "الخير.. الفقرة دي اتصورت.. تحب نزيع؟ |
"
يا محمد ابياتي القلال
تاج في جبينن وليك http://هلال ....بما اني مريخابي شـدييييد..وعارف اخـوي تمبس
حايجي يتشـمر فيني ويقول لي (يابرلوم يا مسـكين كـسـير التلج المن اسـى دا شنـو)
يامحـمد ما عندك عوجـة تب بس انت قول لي (الورشـة) وين و متين وانا بجيك مدرع تب
هلا هلا انا اخـو السـناير.
|
Post: #53
Title: Re: ثلاث طلبات بأسم البرامة والبرلومات..لكل السناير والسنيرات
Author: محمد السر
Date: 11-21-2005, 09:09 PM
Parent: #51
Quote: يا محمد ابياتي القلال
تاج في جبينن وليك http://هلال ....بما اني مريخابي شـدييييد..وعارف اخـوي تمبس
حايجي يتشـمر فيني ويقول لي (يابرلوم يا مسـكين كـسـير التلج المن اسـى دا شنـو)
يامحـمد ما عندك عوجـة تب بس انت قول لي (الورشـة) وين و متين وانا بجيك مدرع تب
هلا هلا انا اخـو السـناير. |
يا زول كان دي طريقتك في الكتابة بتقطع عيشنا من الورشة..
لكن برضو هاك عنوان الورشة:أمثال سودانية جديدة لم تسمع بها من قبل !!]
|
Post: #55
Title: Re: ثلاث طلبات بأسم البرامة والبرلومات..لكل السناير والسنيرات
Author: ABDELAZIZ MAHADY
Date: 11-24-2005, 10:05 AM
Parent: #53
في القريب يا( خير) ...
يا سنير البرالمة ...
وهاك من الياسبة الممشطة بالملح
......هدهد .....
___________
جاي ليك وخليك
(فووووووووووووووووووووووووووووووق)
|
Post: #56
Title: Re: ثلاث طلبات بأسم البرامة والبرلومات..لكل السناير والسنيرات
Author: الخير محمد عوض
Date: 11-24-2005, 12:59 PM
Parent: #55
يا سلام عليك يا عبد العزيز مهدي يا رايق
وشكرا جميلا لعاطف خيري
كما ولأزهري الذي قال:
كانت نضالاتك حلم زي علامات الاسى
تسلب مخاوفنا وتعيد لبيوتنا
حلم الانتصار
او زي حكايات المساء
تلهب عواطفنا وتموت
بيناتنا في وضح النهار
شفت الكلام دا كيف ياعزيز....والى اللقياء...تسـلم.
|
Post: #57
Title: Re: ثلاث طلبات بأسم البرامة والبرلومات..لكل السناير والسنيرات
Author: الخير محمد عوض
Date: 11-25-2005, 05:24 PM
Parent: #56
فليسمـح لي الأخـوة البرالمـة برفـع هذا البوسـت.
|
|