اين الشفيف اللطيف الظريف العفيف دكتور ياسر الشريف؟؟

يا جماعة البنبر افو والله الكلام ده عيب شديد عليكم والدنيا عيد كيفنكم اظنكم ما سودانيين ما بتتفقدوا بعض خلاص والله بقيتوا خواجات ...ما فيكم زول بن ناس اقول وينو اخونا الشريف ياسر الشريف.... وشنو الحاصل ليهو ... والراجل ناشط جدا جدا في كل البوستات ما شاء الله تلقاهو بقلمو الظريف واللطيف والشفيف والعفيف لانو ياسر الشريف... ان شاء الله الماتع خير وطمنونا عليهو يا ناس المانيا اخونا الهميم سيف ود مساعد تب ده واجبك ونحن اديناك العمودية هناك فوق بلد الالمان عشان تطمنا علي اخوانك وفي امان الله ولي قدام..

هباني ظاااااااااااااااااطو

غير متاح لي الان لوح مفاتيح عربي ولكنى احببت ان اشكر نيابة عن اخي دكتور ياسر كل من يسأل عنه وأطمئنهم بأنه بخير فقط مشغول بموضوع عمل توثيقى كبير لحركة وفكر الاستاذ محمود محمد طه وابناءه الجمهوريين وهو لاشك عمل جد كبير وسيكون له ما بعده

[B
عزيزى هشام

تحياتى ..

كلنا نفتقد الدكتور الشفيف ياسر ا لشريف
وعزائنا انه مشغول بعمل يحتاج لهمة عالية
ووقت وفير ..بالتوفيق دكتور ياسر وفى انتظار
مجهوداتك ..

ودى

شكراً الأخ هشام هباني لهذا الواجب الذي ( دقسنا ) فيه - أخص نفسي -

نشعر بفراغ عريض خلفه الأخ د. ياسر الشريف الذي أذكر أنه قد هيأنا له .

لكننا لم نكن نظن أنه سيطول هكذا .
لا أقول وداعاً.. ولكن ...


كما أرجو أن تسمح لي أن أسأل الأخوان والأخوات عموماُ و الجمهوريين والجمهوريات

خصوصاً أن يطمئنوننا عل صحة الأخ عمر عبدالله الذي أجريت له عملية غضروف

Thanks very much عاطف عمر
for asking about Omer Hawari and sorry for writing in English. Omer is doing fine, he has to stay for 3 weeks on bed and before reseeing the doctor again, however he is doing so fine and we hope that we will see him soon in this forum

العزيز هشام هباني،

تحية المودة والإعزاز..

لم أفتح سودانيز أونلاين لفترة ولكن زوجتي إلهام نبهتني لبوستك الذي كتبته بعد مكالمة أحد الجبناء وتهديده إياك..

ثم قرأت في سودانايل مقابلة الصحفي ضياء الدين بلال بعنوان:

Quote: راضية عاشوري تواجه سيلاً من الاتهامات.. وترد! برونك ليس الحاكم العام للسودان..!! نتحسب لظهور جماعات وحركات متطرفة في السودان!! لم أسمع بقضية فندق المريديان.. وهذا ما حدث بكافوري!!

فأردت أن أحيط بشئ عما حدث في المريديان وكافوري، وقلت جايز ألقى شئ في سودانيز أونلاين فبدأت التصفح ووقعت على بوستك هذا..

أشكرك عليه وعلى كلماتك، وأشكر الأخوان عبد الله عثمان ومحمد عبد الرحمن وعاطف عمر..

وأسأل الله أن يحفظك ويحفظ جميع الشرفاء من كيد الإرهابيين والفاسدين.. لعلكم سمعتم عن تقرير "منظمة الشفافية الدولية" عن الفساد وموضع السودان في قمة الدول العربية التي ينتشر فيها الفساد الحكومي..

وأنتهز الفرصة لألقي بالسلام والشكر على من جاءتني منهم مسنجرات خاصة وجدتها الآن وهم الأستاذة لنا مهدي التي تلقيت منها شكرا على تعزيتي، والأخ محمد سيد أحمد الذي بارك العيد، والأخ عجب الفيا ايضا بمباركة العيد..

سلامي للأخ عبد الله عثمان.. وأظن أنني ساصوم أيضا عن الصالون الكتابي لبعض الوقت..

سلامي للجميع.. وإذا كان واحد عارف تفاصيل ما حدث في المريديان وكافوري أرجو أن يكتبه في هذا البوست.. ولن أعدم من يحيله لي، خاصة الأخ عبد الله عثمان..

ياسر

ياسر