أفق ..

سنظل نحفر في الجدار
اما فتحنا سكة للضوء ..
أو متنا على سطح الجدار

الزملاء بالمنبر العام ..

بكل الاحترام والود اتمنى ان تكون اقامتى بينكم ملئية بالمعرفة وتبادل للهموم المشتركة وطرح للاراء الهادفة بكامل شكلها الموضوعى.
وحقيقة اننى لاأحس بنفسى غريباً بينكم فعلاقتي مع الموقع والمنتدى كمتصفح ليست بالقصيرة و أتمنى أن لا ترحبوا بي كزميل جديد بل ك(صديق قديم ) كان مسافراً فعاد اليكم ..
بشوق شديد ..
،،،،
فأهلآ بكم بيني وأنتم في ثنايا الروح ..

اهلا بالصديق العائد
.. اقامة طيبة لنا بينكم


عندي سؤال

ضرغام لية !؟

Quote: غريباً بينكم فعلاقتي مع الموقع والمنتدى كمتصفح ليست بالقصيرة و أتمنى أن لا ترحبوا بي كزميل جديد بل ك(صديق قديم ) كان مسافراً فعاد اليكم ..

اهليـــــــــــــن ضرغام

حمد الله على السلامة

مرحب بـ ضرغام

ولقدام.

الاعزاء...
خدر وسامى
شكراًعلى المداخلة وتحياتى لكم
ياخدر,,,,
سر التسميه دافعها معنوى
من وجهة نظر ثقافية بالنسبة للاسرة
لكن انازاتى ماعارف ليه......!
سلام

فتحت جوابك الأول
لقيتك لسه ياوطني
بتكتب بالعمار والدم
ولسه بتسكر امدرمان
على الشارع وتتكوم
وتمرق من صدر مسلول
نهودها تدوسن العربات
ترضع في الكلاب مشنوقة
من عينيها في الساحات
وتضحك في زمن مسموم
ولسه بترقد الخرطوم
تبيع أوراكها للماشين
تطل من فوق عماراتها
وتلز اطفالها في النيلين
وترجع للرقاد تاني
فتحت جوابك الأول
أشوفك في جواب تاني
مشيت اتمشى فوق همك
وصلني جوابك التاني
يحيض الغيم على سطورك
يقطر من سماك دمك ..

..........................



الهادي/ضرغام حسن

ود (ود) مدني الجميل

حمداً للرب على السلامة ..كيفك و(الجروح)

ومرحب بالقلم في هذا الفضاء..

___________________


أنا

جواي

شافع

محزون ..!!

متذكر..!

Quote: فتحت جوابك الأول لقيتك لسه ياوطني بتكتب بالعمار والدم ولسه بتسكر امدرمان على الشارع وتتكوم وتمرق من صدر مسلول نهودها تدوسن العربات ترضع في الكلاب مشنوقة من عينيها في الساحات وتضحك في زمن مسموم ولسه بترقد الخرطوم تبيع أوراكها للماشين تطل من فوق عماراتها وتلز اطفالها في النيلين وترجع للرقاد تاني فتحت جوابك الأول أشوفك في جواب تاني مشيت اتمشى فوق همك وصلني جوابك التاني يحيض الغيم على سطورك يقطر من سماك دمك ..

الف مرحبا بالصديق العائد
نتمنى ان يطيب لك للمقام

دمت...

Quote: أجيكْ عاشقْ مسافرْ ليلْ واجيكْ ولداً جَنَبْ بلحيلْ اجيكْ لا خَاتِراً مكسورْ ولا فارساً مَهيِضَ الحيْل أجيكْ سيفاً سنينْ مسلولْ وراكزْ ضُمه فوقَ الخيلْ أجيكْ مسدارْ من الدوبايْ واجيكَ دُعَاشْ وراهُ السيلْ واجيكْ لا خَاتي ... لا ظالمْ واجيكْ في القدلة زيَّ النيلْ واجيكْ يا مُبتَدا التاريخْ ويا خَبرَ اللِي كانوا قِبيلْ لأنَكْ ديمة كُنتَ معايْ مسولتْ بَيْ نهارْ في ليلْ ودايماً كُنتَ ليّا أصيلّ ولاكْ بَرَاني .. لانِي عَميلْ ودايماً كُنتَ بيّا كبيرْ ولاكْ هَيِّنْ .. ولانِي قليلْ وأهلَكْ ديله ..هُمْ أَهَلِي البِشيِلو الشيله فوق الشيلْ وانتَ أبويْ .. وأنتَ أخويْ وانتَ الهُولي .. ما هُولْ زولْ بشوفَكْ هَالي في حلفا وفي نِمُولي .. وفي توتيلْ واجيكْ يا موطنَ الحلوينْ ويا نيلاً ضُلُولُه نخيلْ عَشَانْ ما زالْ لدينا كلامْ ... كلاماً كُلُّه زينْ وعديلْ أجيكْ الليله شَانْ أفديكْ وشَانْ تَبْقَالنَا ديِمه دليكْ وشَانْ أديكَ عُمري الفاتْ وكُلَّ الجايي .. جيلْ في جيلْ عَشَانْ أشقي وعَشَانْ تلقي وعَشَانْ تَبْقَالنَا ديِمة جميلْ !

Safa Fagiri
تحياتى واشواقى على هذاالترحيب
وامنياتى ان تكون لى اقامة طيبة بينك........

ودمت