الهلال صبر الكثير يارب قدر إيش فضل!!

مين زيك ياهلال يحتمل كل الظروف!!

رغم الفشــــــل الفظيع ابداً مافى خوف

صبرك طويــــــل وطبعك اصلاً ولوف

تطلع قريـــب نقرا من المقالات الالوف!!

نقول يمكن إحتمال مامعروفه الظروف

المرة دى قالو جد وقالوا حا يسعدوا للالوف

ترجع ذى مامشيت نقول بكرة النشوف!!

بس الاعجب كمان لسانك بالجد فصيح!!

كل ماتنهزم ترجع تجعـــجع تنبح تصيح

التوانى احسن من اوائل كاس الصفيح!!

كاس الامم متين كان زى الكاس المسيخ!!

ياجماعه هووووى مايصح إلا الصحيح

مابتتلحق بالجد لسانكم عاد ما فصيـــــح

والعجب العجاب كمان فضايحكم بالهبل

زى حكاية الاهداف البتدخل بالجُمل!!!

زى حكاية قونكم الجلد فى تونس اصغر طِفل

وماننسى حكاية اللاعب النشيـــط الانسطل

وتم تسجيل سابقتو فى اوســخ واقذر سِجل

ولا تزوير الشهادات والتلاعب بالجـــُمل

ولا عيــــــــــــــــــــــــــــــــــــــــــــك

ولا ديـــــــــــــــــــــــــــــــــــــــــــــــك

بصراحة قصتك ماليها حل غير التمسك بالامل

والاجتهاد والكد فى العمل يمكن تصل!!

واخر ابتكارات ارباب الارابيب البطل

قال يستعين بالتكنولوجيا والله ياهو الفضل

سمعتو بالقمر الصناعى الجاى من حِلة زحل

متوجه عديل قاصد لى سوق البصل

ياربى يكون وصل؟؟؟؟؟؟؟؟؟؟؟؟؟؟؟؟

ولا يكون اتعطل او فيهو بلك فصل

او قطع بنزين عديـــل ولا يكون لِستك نزل

غايتو ناس الزمن العجيب عليهم جنس دجل.

ياخى صدقناك خلاص بس هم راجين الخلاص

شبعوا كلام سمع شرقتهم وعودك المتل العسل

لكن الواقع مُر كئيب والاستاد قبيح جواهو كديس قدل.

وحوض مردوم مامعروف متين يجلبق ويكون للاولمبيات اجمل محل.

ياخ اقول ليك خليك دايما فى دور صاحب البطل.

Quote: قدر إيش فضل

....كديسة ونص........

قصدك ذى دي



هههههههههههههههههههههههههههههههههههه

اول تعليق على القصيده كان من الاستاذ معتصم عيدروس الكاتب الصحفى المعروف وكان:-

عندما كان الزمان جميلاً ومن خلال ارشيف اخي الاكبر مجذوب عيدروس من صحف ومجلات كنت اجد الكثير من المسجالات بين مشجعي الهلال والمريخ .. ولم تكن هذه المساجلات بين مشجعين عاديين .. فقد كانت بين ادباء .. من الوزن الثقيل ويكفي ان من بينهم الشاعرين الكبيرين محيي الدين فارس وابوامنة حامد ..
في ذلك العصرالذهبي كان كل شئ مثالياً فالكرة في قمتها والتشجيع ارقي تشجيع ..
ذاك الزمان الجميل يمكن ان يعود اليوم بمثل قصيدة سامي الرائعة هذه علي ان تتبعها قصائد للاهلة وكتاب وشعراء الهلال والمريخ

اتمنى ان تتاح للاخ معتصم فرصة الالتحاق بسودانيزاونلاين فمن هم مثله إضافه.

السيد/ سامي

اولا تحياتي .. انا يا سيدي عضو قديم في هذا المنبر وان كنت قليل المشاركة لكنني كثيرالمتابعة لكل ما يكتب .. فانا على سبيل المثال اتابع كثير من الموضوعات والمداخلات التي تكتبها واجدها في مجملها تتمحور حول خلافك مع احد اعضاء المنبر والفريق الذي تقوم بتشجيعه ... ولا ضير في ان تنتمي الى احد الفرق ولا ضير في ان تشجعه وتمجده بشتى السبل ولكن الضير ان تتمحور كل كتاباتك حول هذا الامر وتصبح شغلك الشاغل وتجد نفسك متلبسا ومنغمسا في معارك في غير ما معترك وداخلا في متاهات الخصومة وفجورها واقعا في اتون الكره(بضم الكاف ) المشتعل الذي يعمي البصر والبصيرة .... فيا اخي رفقا بنفسك وبجهدك وطاقتك الابداعية والتي احسب ان تم توجيهها نحو امر اخر لكان افيد لك ولنا .... مع وافر شكري وتقديري

كلامك على عينى وراسى يازول ياطه.

Quote: ان تتبعها قصائد للاهلة وكتاب وشعراء الهلال والمريخ

انا لا شاعر ولا كاتب هلالي انا مشجع بسيط قلت أنجر لي حاجة أسة من بنات أفكاري لحدي ما أقعد ليك بي رواقة (مرتجلة أسة):

صحيح الشينة منكورة..
بعد ما فكّت الكورة ..!!!
تتموها بي مقصورة ..؟؟
فضايحكم متلتلة كابا ماسورة ..
كدايسكم في كل إستاد متلبة ناطا لي سورا..
ميا ..جاو ..جاو ..تقول ساكّالا عصفورة ..

ويا عصفورة ....
ركّي هناك في النافورة ..
وكان ما لقيتيها ركّيلهم في مقصورة ..
وأعملي حسابك ما تقعي باقي سمعنا مهجورة ..
وجيبي لي شمارتهم زمن ماجد وقدورة ..
لحدّي عجبكو بي سيدو وجاريهو بي مقطورة ..

تجي العصفورة ..صو ..صو ..صو
تلاتة سنين نفتش لينا في كاسات ..
لا لمينا في الممتاز ولا لمينا في السودان ولا لمينا في نحاسات ..
غلب بي الكوم شي بي الواحدات شي إتنينات شي بي الخمسات ..
ومع الهلال أسكت ساي هزايمنا مفصلا بي المقاسات ..

واحد الله مسمار حار ..وما ليهو تاني خالد بخيت وزي النار ..وجن ماشات تلاتة ويا حليل طمبل الفرفار ..وأربعة سنين مع والي الدين له عقبى الدار..وخفنا من الخامسة أن لعنة الله عليها عفينا التار..

اّه اه ..اه ..اه من المقاسات ..
فضايحنا بقت منقولة شي Art شي نايل سات ..
يشيلوا الكورة يطلعوا برة لا يمنعهم البوليس ولا حتى الحراسات ..
يا زيكو عليك الله تعال أرجع بشوت برة بطييرا فوق بلينتينا عفيناهو خلاص حا نوقف العرسات ..




بجيك تاني إن شاء الله عشان أواصل صوصااااات العصفوة يا سامي ..

عمر ود الفاروق انت شاعر بى انه الهلال عجز ولا لا.!!!؟؟؟

أيوة..

بس بدون تعديل...

يخلق من الشبه...................

سامي الخصال:

Quote: عمر ود الفاروق انت شاعر بى انه الهلال عجز ولا لا.!!!؟؟؟

الهلال فريق لا يعرف العجز وفريق قاهر للمستحيل ويكفي إنو وصل للنهائي في 92 وفي كشفو في 14 لاعب بس !!!!!!
الهلال لا يعرف العجز ولكنها المجنوووووووونة ..تعبث له حتى في النهائيات العربية ناهيك عن الأفريقية !!!!!
الهلال إن كان عاجزاً فالمريخ أيضاً عاجزاً فالمريخ ومنذ تأسيسه في عشرينيات القرن إلا أنه إنتظر حتى العام 1985 ليفوز بأول بطولة مطعون في قيمتها الفنية ثم 1989 !!فهل كان المريخ عاجزاً !!!!!!!
إن كان العجز كذلك فيجب أن تعترف أن المريخ عاجز عربياً وأرجو من أن توضح لي أفضل إنجاز حققه المريخ عربياً !!!!!! وخوفي منأن تذكر لي كأس ال90 دقيقة !!!!!!
الهلال يا سامي ليس بعاجز !!!!!!!!
وصدقني تلاتة نهائيات من عنديييينا تساوي كل كؤوسكم !!!!!!!

Quote: كل ماتنهزم ترجع تجعـــجع تنبح تصيح التوانى احسن من اوائل كاس الصفيح!! كاس الامم متين كان زى الكاس المسيخ!! ياجماعه هووووى مايصح إلا الصحيح

عاد ياود الفاروق جنس بيش لمــــــــــــــــــن غلط.

تخريمه:-

انتو الزول داك ناتفين ريشو كده مالكم على ألايمان حنيت عليهو....لكن اساسى شبكتو عاجبانى شديد.

قريبي سامي
مسكاقمي
مبدع كما هو فريقك صاحب الكاسات المحمولة جواً
لك تحياتي من البعد
بس خايف حرس الحدود يوقف التحية حقتي دي

Quote: لحدّي عجبكو بي سيدو وجاريهو بي مقطورة ..

عليك الله دا شعر شنو يا ود الفاروق
أموت انا في المتنبي

حمزاوينا:

Quote: أموت انا في المتنبي

وأحب نانسي عجرم زاتو

عليك الله ماتحاول تهدى لى عمر ده ياحمزاوى ..

والله الزول ده لو سجلناهو يكون احسن من عنتر.

سلامات يا سامي،
أولا،
الصاروخ المدمر ده لو وقع في استادكم السمح داك كان بقت عليكم مقولة لا كورة لا استاد حسن الصورة...


ثانيا،
فرصة الهلال في إحراز بطولة خارجية زادت صعوبة بعد تطور مستوى الأندية الإفريقية والعربية على السواء وازدياد اهتمام هذه الأندية بالبطولات للحصول على المكافآت المالية التي يقارب بعضها المليون دولار، هذا فضلاً عن تعديل أنظمة البطولات بطريقة تجعل الفائز بها فريقاً مكتملاً ومستحقاً لها (فوز الأهلي المصري ومن قبله أنيمبا النيجيري بكأس الاندية الإفريقية في العامين الأخيرين دليل على ذلك)، نظام المجموعات المتبع حالياً يقلل فرص فرقنا (الهلال والمريخ) في المنافسة على البطولات لعدم قدرتها على إحراز نتائج إيجايبة خارج السودان (الهلال مثلاً في كأس الكونفدرالية للعام الماضي فاز في السودان على فرق مجموعته كلها لكنه خسر أمامها خارج السودان رغم حوجته لفوز وحيد كان يكفيه للصعود للمباراة النهائية)،

ثالثا،
لست متشائماً، لكني أشكك في قدرة الهلال على تكرار انجاز المريخ، والسبب ليس الهلال، بل مجموعة الأسباب التي ذكرتها أعلاه، رغم أنّي أتمنى ذلك من كل قلبي، وحتى يتحقق ذلك الحلم، سنكتفي بتعكير صفاكم، وهزيمتكم مثنى وثلاث ورباع، في ملعبنا الذي نأمل في رؤيته قريباً في أبهى الصور، وفي ملعبكم الجميل الذي صار الفأل الحسن لنا في مباريات تحديد بطل الدوري الممتاز، وفي الدوحة... يا ربي الوقت داك راكوبة كان وين؟!
أحمد الريّح

Quote: فرصة الهلال في إحراز بطولة خارجية زادت صعوبة بعد تطور مستوى الأندية الإفريقية والعربية على السواء وازدياد اهتمام هذه الأندية بالبطولات للحصول على المكافآت المالية التي يقارب بعضها المليون دولار، هذا فضلاً عن تعديل أنظمة البطولات بطريقة تجعل الفائز بها فريقاً مكتملاً ومستحقاً لها (فوز الأهلي المصري ومن قبله أنيمبا النيجيري بكأس الاندية الإفريقية في العامين الأخيرين دليل على ذلك)، نظام المجموعات المتبع حالياً يقلل فرص فرقنا (الهلال والمريخ) في المنافسة على البطولات لعدم قدرتها على إحراز نتائج إيجايبة خارج السودان (الهلال مثلاً في كأس الكونفدرالية للعام الماضي فاز في السودان على فرق مجموعته كلها لكنه خسر أمامها خارج السودان رغم حوجته لفوز وحيد كان يكفيه للصعود للمباراة النهائية)،

ابصم بالعشره على كلامك ياود الريح.

نحن فعلاً مامؤهلين حالياً لماذكرت من اسباب بالاضافة لتخلف العقلية التى تدار بها الاندية والاتحادات.

فعلاً ماقلت إلا الحق نحن غير مؤهليـــــــــــــــــــــن

سامي عبد الوهاب
تحيــة حمــراء يزينها ذهب أصفر

والله عمر الفاروق دا شدة ما فرفارة تقول ( زولو )
الزول ده مش أحسن يقفل ليهم يمين
بدل يجنسو داريوكان ؟؟

ياخ بطولة دى بعيدة شوية على الهلال
هسي ( 75 ) سنة باقي ليهم ( 25 ) وينافسو
بعدين هم ناسين البطولة دي فيها منو ؟
إتحاد جدة
النصر
الزمالك و.. ووووو
يعني الوصافة بتاعتهم فى ( تلتلة )
بعدين يا سامي إنت عارف أحلى تعصب فى الدنيا
أنك تتعصب للمريخ
ويا ( طه ) حلاوة التشجيع فى التعصب الجميل
التعصب بتاع الفكاهة والمكاواة الجميلة مش تعصب ( البمبان )

سامي
أنا منتعصب شديد للمريخ
بالله ورينا غرفة المريخ دي وين ؟؟
بدقع ليك ( 25 مليون )
والله عاوز أسلم على ( عنتر ) بسسسس

Quote: تحيــة حمــراء يزينها ذهب أصفر

ثابت زى تحيتك دى ردها صعب يعنى اي رد يكون فيه تقصير.

Quote: إتحاد جدة

حرام عليك تخلعهم كده عمر الفاروق ده مابستحمل جنس الخلع دى..تلقاهو هسى يدعو ربنا يخارجهم من محطه الحدود ومايوسع ليهم القدود.

Quote: بعدين يا سامي إنت عارف أحلى تعصب فى الدنيا أنك تتعصب للمريخ

عليك الله كلم لى طه ده مع انو الصراحه كلامو سمح عجبنى.

Quote: بالله ورينا غرفة المريخ دي وين ؟؟ بدقع ليك ( 25 مليون ) والله عاوز أسلم على ( عنتر ) بسسسس

بالله ياحلاة( لقلق) لاحظ لقلق دى بتشبه قلق كيف..مع انى هسى وديت لية امانة اقصد لنور الدين عنتر !! ناس الكبتن كاتبين انه فى الحفظ والصون مع ناس الهلال...ياربى تسجيلو برضو مسؤلية الارباب!!

عجبى

Quote: ياحلاة( لقلق) لاحظ لقلق دى بتشبه قلق كيف

سامي
ربنا يخضر ضراعك ويعليك فوق المابيك
والله ريحتني
إنت عارف قبل يومين المريخ لعب مع الفريق البلغاري
المريخ فاز ( 3 / صفر ) الجماعة قالو
المباراة أحسن منها تمرين والبلغاري ضعييف وما عارف شنو وشنو
ربك رب الخير فضحهم البارح
نفس الفريق لعب مع الهلال مطعم بي ( قلق )
سموهو الفريق القومي
بخراج الرووح تعـادل ( 2/2 )
والتعادل زاتو جاء كيف ؟؟

كورة معكوسة من قلق لو أنا كنت جبتها
وضربة ثابتة من بعيييد برضو ( قلق )
عليك الله يا سامي مش لينا حق نتعصب ؟؟

والله ( قلق ) صحي صحي

Quote: نفس الفريق لعب مع الهلال مطعم بي ( قلق )

قول قلق مطعم بفريق الهلال.

سامي الخصال وثابت البطل

Quote: كورة معكوسة من قلق لو أنا كنت جبتها وضربة ثابتة من بعيييد برضو ( قلق ) عليك الله يا سامي مش لينا حق نتعصب ؟؟ والله ( قلق ) صحي صحي

طيب يا حلاة لقلق إنتو وقت حضرتو الكورة ما سألتو روحكم وأقوان الفريق البلغاري جات كيف؟؟؟؟
والله القون الأول ومن الثانية 30 وقبل ما رضا يشكر ناس الإضاءة والتلفزة تووووووووووف جابو فينا قون من الجهة اليمين محل كان واقف قلق أو زي ما تقول نايم قلق !!!
وانا بي حكم تعصبي الشديد للهلال وفجعتي بي إشارك قلق رصدت كل تحركات قلق ووالله ووالله ووالله راجعوا شريط المباراة وشوفو معظم هجمات الفريق البلغاري وخصوصاً الشوط الأول كانت بي ياتو جهة وتحديداً محل منو !!!
قلق إستمتع بي لعبو مع الهلال وباصات هيثم الفنان وبقا مخلوع وما بيرجع يغطي !!!!
صحي والله قلق !!!!!!!
وبعدين والله نحن زاااااااااااااتو الشعار الأحمر ده بيعمل لينا وجع قلب ولمن لقيت الفريق لابس أحمر عرفت الخرمجة !!!!!!
غايتو الله يجازي محنك يا مازدا !!!!!
وبعدين ما السعودي لعب والعجب لعب ولا ديل يا ربي في التسجيلات الجديدة للهلال!!!
وبعدين ماف جديد ما ياهو الحال من زمااااااااااااااااااااااان والمنتخب القومي بيلعب بي 9 من الهلال وإتنين من المريخ الجد شنو في الموضوع !!!!