قمر صناعى عديــــــــل كدة لمنشاءات الهلال(خش واضحك لى معاك)

اخر التقارير التى بعث بها سواق القمر الصناعى الذى استاجرة الارباب الواعى ابو الحان مافى ليها داعى .. بواسطة الكمسارى الذى قام بجهد مقدر جداً بإرجاع بواقى الركاب وهش الذباب لعمل المسوحات الزلزالية بغية تهيئة الاجواء لرحلة فنية تتغنى فيها نادية سحلية وحوة طبلية..انهم ما ان هبطو إلى اجواء زريبة العيش حتى تجمعت حشود الكماسرة فى مسيرة سلمية لاستقبال قمر الهلال الصناعى العامل مابين سوق ليبيا وسوق العيش.

التقرير.

استلمنا عدد اطتناشر ورقة من فيئه ابو الِف وتيستاشر ورقة من ابو خمسميه و اشرة ميات...وما ان هبتنا للارادى المجاورة للإستاد هتى شرعنا فى المسوحات والتى بدات باختبار الهيطان بالسوائل..وكانت النتيجه ذوبانانها الكامل لذا توجب علينا التوصية بتشيد حيطان واستخدام الطين المبلول على طول واستعمال الفول كغذاء مقبول وخصوصاً انه سيجذب لنا كمية من اهل سخافة الهلال مما يوفر تغطية لاعمال القمر(الصناعى تجميع)

اما اختبار هالة الكراسى انتهت بمجموعة من المأسى اولاً اصابة الحسن التشاشى الذى تطوع معنا باصابة فى الرباط الصليبى...مما اطرنا لتنموية على عنقريب الغفير تحت ظل المزيرة التى تدعى مجازاً بالمقصورة والتى سنتطرق لها فى سياق تقريرنا هذا.

ثانياً نوصى بإبادة كل الكراسى المذكورة لانها تشكل اكبر خطورة على كل سكان المعمورة نسبة لسرعة انتشار الامراض التى تسببها للجالسين وماحاسين بالسكاكين قطاعة الدلاقين.

التربة رملية غير صالحة للزراعة لذا نوصى باحضار تربة من اراضى العرضة جنوب الخصبة وزراعهتها بنظام الدورة الثلاثية يعنى برسيم نجيل بور حتى تستفيد البهائم ويعم الخير على اصحاب الكارو والحمير.

اما المقصورة ونسبة لتصميمها المشابه لسبيل اولاد حاج حسن نوصى باعتمادها كما هى والاستفادة من ظلها فى تبريد جوف الارباب الماكضاب بكوز كوزين ثلاثة كل ما تذكر قلق او الصينى واتاه طيف يكينى او كلما تزمجر وتذكر مقلب عنتر او على الاقل كلما صاحبة تشطر وهدد وكسر وصرح وقرر...فهى ذات فوائد جمة لاصلاح حال الفريق الرمة عديم الهمة واسع الزومة الذى اكمل الثمانين ولليوم الكتاب ماتمه.

اما الدكاكين المجاورة والتى اطلق عليها اصطلاحاً مخازن فقد اتضح بعد المعاينه انها مخابئ لكل فارٍ ودابى وهواها هبابى وزيتها طالع وبـ تحت الابواب كابى ..وجاذبة للقطط ومسببه للشطط لهذا نوصى بالاتى تكسيرها ورشها يوماتى بالفليت والديتول والفارامول وراجع زيوت البترول عل عفنتها تزول او على الاقل ماتاذى زول.

وعلية تعتبر كل الارض فى حكم الخلاء ومسببه للبلاء ومن اراد تعميرها عليه الصلاة والدعاء بان لايصاب بالزبابة الرملية او الحمه النذفية او لاتجرحة طبلية او تصبح ريحته كابن باندية.

صدر تحت توقيع سواق القمر اياة والكمسارى بتاعو المجروح فى كراعو.

سامي ياخوي
سلام عليك
والله انا هلالابية لكن يعلم ربنا بشجع المريخ اكتر من الهلال لما يكون لاعب مع فريق اجنبي ووالله ده كلام حقيقي لكن ياخوي النصيحة انا مستغربة فيكم انتم ديل هنا جد حيرتوني وعملتوا الحكاية كراهية عديل.


وفوق فوق هلالنا فووووووووووووق



ايمان

يا ايمان اقول ليك الصراحة..

الحلوين خصوصاً من الجنس الناعم مكانهم كوكب المريخ على الاقل لو فى يوم حبيتى تشجعى فريقك من داخل الاستاد ممكن تعملى كده لكن عليك الله هسى لو ساقوك استاد الهلال لاسمح الله نفسك تطاوعك تدخلى!!


راجعى حكاية هلالابية دى لانى بصراحة شايفه ما مناسبه معاك.

النصيـــــــــــــــــحة

مع احترامى.

لا كان كدي انا برشلوناوية




ايمان

ياود عبدالوهاب

ايمان دي عاجبه المريخ لكن بتكون زي الهلالاب الاخرين زعلانه شويه
ولايهمك ياميمي سوف نسعدك قريبا

قمر صناعي قال خليهم اول يجيبوا ليهم كاسات لدولابهم الفاضي

الوالي الله ادا
مين بلحقوا


الجماعة مالقوا عنتر لسع

ابومصطفى

الجماعة مالقوا عنتر لسع

عنتر ده غايته كان راجل بتلقوه في بوست العرس
ملايين شنو البيدورها مع الشيلة المكربة ديك؟


ايمان

النجمة ده الهنان بتاااأنا نهن ...
مهفوووووووووووووور جووووووووووووة في القلب ...
تأرف يا أدمو الواهد مننا يق}د من سباه الرهمن لهدي فليل أشان يمشي الإستاد يكشف لي الأجب والسأودى !!!!!!!
والله ووالله إستاد المريخ ده بنوهو بي هقققققققنا وبي أرق جبينا اليوك كلو نمسه ونندف !!!
تأرف يا أبكرونا زماااااااااااان انا دخلت إستاد المريخ ده وبأد الكورة أققققسم بالله جاني وجأ رقبة أدييييييييييييييل كده وتلاتة يوم انا ماشي مدنقر في الأرد !!!!
ومرة كده هبسة قالت لي أبكرونا ألييييييك الله هفرة الدخان ده بقا ما كويس ألييك الله شوف لينا هفرة كبيرة شوية والله إلا وديتو إستاد المريخ !!!!!!!
نهن زمااااااااان لمن نجي من أمبدة ورى الواهد مننا بيكون مزنووووووق زنقة الصباه والله بس توووووووووووووشك للإستاد بتااء المريخ هييييييييييييه دنيا يا أدمو !!!!

والله يا أبكرونا انا الكلام ده كلو م أرفو إلا أسة من كلامك ده !!!!
وزماااااااااااان كده بتظكر قالوا أيزين يأملوا فندق وإستراهة جوة النادي أشان راهاات اللئيبة وكده أها والله ووالله الخرفة بي جوووووووة شي بتاااااال أديييييييل كده ..
ياخ المراتب زي خريطة الأااااااالم أدييييييل كده وريهتا صناااااااااانة صناااااانة إنت يا أبكرونا يكون الأجب ده قاااءد تبولا في السرير ؟؟؟؟؟
هئئئئئئئئئئئئة نهن ما نعرف كلام زي ده يا أدمو إلا بيكون هاسل !!!!!!!

أموماً ما ألينا يا فررررررررردة

عمر قالو قمركم هبت هبوت إترارى انا فاتيه ليهو بوستى خسوسى امشى شوفيها.