Post: #1
Title: أها ياجماعه أنا مغترب ولميت الدولارات وجاهز للعرس
Author: WADKASSALA
Date: 11-13-2005, 11:48 PM
أها ياأخوانى القصة بدأت من باقى لى سنه للتخرج من الجامعه وظهر أسمى مع ناس اللوتراب وجانا الخبر مبروووك ياودكسلا بقيت أمريكى ...... يا أخوانا بلاش هظار والخبر إنتشر ياأخوانا أنا عمرى ماقدمت فى اللوترى.... المهم الصباح تلفون من قريبى من أمريكا (مبروك يازول وعقبال مانشوفك معانا)..... ياأخوانا الخبر ده أكيد؟؟ طيب وين لقيتو صورى؟؟؟ ياخى قطعناها من صور الرحله فى كسلا.
أول حاجه شلت هم الشغل بعد التخرج والخدمه الألزاميه.أها مرت سنه وباقى على التخرج شهور وصل جواب المعاينه فى القاهره وتم المطلوب ونجحت وسقط سبعتاشر واحد ماأدوهم بس أنا المحظوظ. وتم التجهيز للسفر.........................................
نواصل
|
Post: #2
Title: Re: أها ياجماعه أنا مغترب ولميت الدولارات وجاهز للعرس
Author: WADKASSALA
Date: 11-13-2005, 11:50 PM
Parent: #1
أها نرجع ليكم ياأخوانا
أول حاجه بقيت أشوف جكس الجامعه أغبش أغبش رغم المحاولات الشديده لكسب الود وهاك يادفاتر وهاك يامذكرات وأخوكم عامل تقيل والجكسويه تسأل العرس متين وأنا فى رأى نعقد قبل ماتسافر وحراسه شديده من جكس الجامعه وأخوكم عامل تقيل(لى حق مش سوقى حار)...
مع إقتراب موعد السفر وصادف نهاية الحياة الجامعيه أخوكم من حفلة وداع من حدائق لفنادق لى بيوت كمان ( مش قولت لكم سوقى حار).
والجكسويه لاعبه معاى قوون باك (ليها حق مش سوقى حار) محل ما أقبل معاى وكل واحده تدينى صورة علشان أقدم ليها فى اللوترى (كمان معاها العنوان والتلفون) والزمن داك لاموبتيل لاإريبا...... والحاجه الجننتنى وجننت الجكس بتاعى هى...................................... نواصل
|
|