Post: #1
Title: السمين يقع ..والضعيف يقيف
Author: ابوبكر الامين يوسف
Date: 11-12-2005, 02:57 PM
عندما كنا صغارا كنا نتماسك بقوة ونشكل دائرة
يظل مركزها ثابتا ونظل ندور ونلف بقوة ونحن نردد السمين يقع والضعيف يقيف
وفعلا يقع السمين ويقيف الضعيف ...
وعندما كبرنا كبرت معنا الدائرة وتغير شكل المركز لكنه يظل مركز
وهنا نتماسك تماسكا هشا ونحن نردد السمين يقع والضعيف ...
ولكن كم كانت دهشتى عندما وقع السمين ..وايضا الضعيف ...
وظلت تدور الدائرة والمركز هو المركز هشا يدور حول نفسه
( بكه فى لحظات هترشة )
|
Post: #2
Title: Re: السمين يقع ..والضعيف يقيف
Author: Eng. Mohammed al sayed
Date: 11-12-2005, 03:29 PM
Parent: #1
Quote: ولكن كم كانت دهشتى عندما وقع السمين ..وايضا الضعيف ...
|
( بكه فى لحظات تجلي )
|
Post: #3
Title: Re: السمين يقع ..والضعيف يقيف
Author: عبدالماجد فرح يوسف
Date: 11-12-2005, 04:57 PM
Parent: #2
الفات الفات وفي إيدينو سبعة لفات وفي يدينو
والعســــــــكر واقف طابور
|
Post: #4
Title: Re: السمين يقع ..والضعيف يقيف
Author: ابوبكر الامين يوسف
Date: 11-12-2005, 09:58 PM
Parent: #3
الغالى باشمهندس محمد تحية طيبة ياجميل
( الباشمهندس يمسك بيدى عسى ولعل .... استطيع الوقوف )
|
Post: #5
Title: Re: السمين يقع ..والضعيف يقيف
Author: Eng. Mohammed al sayed
Date: 11-13-2005, 07:54 AM
Parent: #4
الأخ أبو بكر تحياتي
الزمن دا الكل عندوا كرش ,سموها تنبلة أو تلاجة أو(حنانة) عشان كدا ناسك الفوق ديل كلهم وقعوا
(...)
قالوا علماء حلمنتيش قسمو البطن لى تلاتة أنواع الأولى تنبلة ودى قالو البتظهر مع البنطلون وبيكون مثبتها الحزام، والتانية سموها تلاجة وقالو دى بتظهر فى الجلاليب، أما النوع التالت فسموه حنانة ودى بتاعت ناس أكل السوسة والعافية المدسوسة بتظهر صغنتوتة كده ودلعوها سموها حنونة وقالو فيها:
على قدر مالإيدين تحوش
تكتر قروش
تكبر كروش
من دون رتوش
حنونة ياكرش الدلع
حنونة يالحوت البلع
جواك كم فروج هجع
كل الغطس فيك ماقلع
مايهمك الحلك ينشرط
ولا الجسم يمسكو الضغط
دار تبلعى ومابتسمعى
وتتكردمى وتتجمعى ويا زولة ماتتوزعى
أمشى الفخود زيدى الخدود
إضيقى ولو بى كُسر أو أبقى سنكيت فى الضهر
==========
حنونة بتحب الغلال
كان بالحرام كان بالحلال
حتى التسالى تفسخى وتهدلى وتترخرخى
ومن الصباح دار تنحشى
وساعة الفطور تتحرشى
لو ميرى ساكت تبلعى
ولو فيو عضم بتقرمشى
لا بتصغرى وتتفشفشى
لا تقلى لا بتكرمشى
لا تطقى لا بتنفسى
يازولة ماغلبنا المشى
=============
يا (حننن) إنتى حنى
وشوفى الضعيف كيف بتنهز وكتين يقيف
والزول قصير بعد الفطور
تلقاهو مشدود زى خابور
وفوق السمين متل البقر وقتين يدر
بالغتى بس أنفاسنا ماقادرين نجر
يا حاجة ضايقتى الصدر
حنونة لاتنفك كمان لا زى ترلة بتنفصل
حنونة لو عايزين نقوم تلقانا دايرين نتفتل
حنونة ماسابت أكل
الزول جنين داخل أمو كان عايش طفل
وكت الخشيم كان منقفل
حنونة شغالة بحبل
|
Post: #6
Title: Re: السمين يقع ..والضعيف يقيف
Author: حسام يوسف
Date: 11-13-2005, 09:58 AM
Parent: #5
بكور يا غالي كيفك
تعرف يا بكه الزمن دا
ما زمن اغبر عشان كده
الموازين كلها اتغيرت
فبقي السمين بقيف والضعيف بقع
|
Post: #7
Title: Re: السمين يقع ..والضعيف يقيف
Author: ابوبكر الامين يوسف
Date: 11-13-2005, 12:29 PM
Parent: #6
الغالى عبدالماجد فرح تحياتى ياراقى
اخوك لفه لماراسو داش وانا اقول ده من شنو ياربى
يكون من العسكر الوقف طابور ولا من شليل الراح
ايدك معاى اخوك وقع
|
Post: #8
Title: Re: السمين يقع ..والضعيف يقيف
Author: ابوبكر الامين يوسف
Date: 11-13-2005, 04:59 PM
Parent: #7
باشمهندس محمد كده وريتنا انواع الكروش بتفاصيلها
اها بجيك راجع بى مزااااااااااج امكن اقدر اقيف
|
Post: #9
Title: Re: السمين يقع ..والضعيف يقيف
Author: فيصل عباس
Date: 11-13-2005, 05:19 PM
Parent: #1
بكو اللذيذ
تعرف حميد قال في واحد من نصوص المميزه
يا وقعه الواقفين هنا
ويا وقفه الواقعين هناك
انت واقع وين
ولا انت واقف وين
ازيك ونص
|
Post: #10
Title: Re: السمين يقع ..والضعيف يقيف
Author: ابوبكر الامين يوسف
Date: 11-13-2005, 07:33 PM
Parent: #9
الغالى حسام يازول ياجميل تحية وشوق
تعرف ياحسام بقينا ماقادرين نميز بين السمين والضعيف
لكن ميزنا منو الوقع ومنو على الحافة
والحفرة كبيرة وماذال بها من المتسع مايكفى للاخرين
تحياتى
|
Post: #11
Title: Re: السمين يقع ..والضعيف يقيف
Author: سفيان بشير نابرى
Date: 11-14-2005, 00:40 AM
Parent: #10
بكة...
ياخوى العيد مبارك عليك
شنو ياخ مالك؟؟؟
ماكنت هادى ورائق ولو هترشته مابظهر عليك ؟؟!!!
شن جده على المخده يا بكة طمنى ياخ؟؟!!!
عاين يابكة سؤال ورد غطاهو:-
عليك الله معتز فداسى ده كان بقع والا بيقيف؟؟؟
(( سفيان فى قمة تزكره وشوقه الى سنايره))
|
Post: #12
Title: Re: السمين يقع ..والضعيف يقيف
Author: ابوبكر الامين يوسف
Date: 11-14-2005, 02:20 PM
Parent: #11
ابو الطيب المكاشفى تحية وشوقين
اعرف بس وين وقف حميد عشان اقع انا
بكرة حاكون على اتصال بيك او ربما اكون موعود بالقيا
امكن نقدر نصنع بسمة عيد
|
Post: #13
Title: Re: السمين يقع ..والضعيف يقيف
Author: محمد عبدالرحمن
Date: 11-14-2005, 02:46 PM
Parent: #12
يابكه ..
بكلامك ده انت وقعتك مابتغالطوا فيها اتنين
...اطمئن تماما من الحتة دى ..
|
Post: #14
Title: Re: السمين يقع ..والضعيف يقيف
Author: عنيده
Date: 11-14-2005, 02:59 PM
Parent: #1
ابو الحروف انزيك يااخوي
المهم تقع واقف
تخريمه
دي وقعه سودا باين
|
Post: #15
Title: Re: السمين يقع ..والضعيف يقيف
Author: ابوبكر الامين يوسف
Date: 11-15-2005, 01:20 PM
Parent: #14
محمد ياود عبدالرحمن تحياتى
بى كلامى ده فعلا وقعتى صعبة وكنت متوقع السيوف
لكن يبدو انها فقدت سيافيها
بطل زوغة ولا بكلم
|
Post: #16
Title: Re: السمين يقع ..والضعيف يقيف
Author: ابوبكر الامين يوسف
Date: 11-15-2005, 06:13 PM
Parent: #15
الغالى سفيان تحياتى ياجميل
اولا سنايرك ديل منو وعلى مااعتقد انو نحنا لما جينا برالمة انت خريج
الغالى سفيان الكان متخبئ ده كان وراهو براكين ولم تجد متنفس
تحياتى لجميع الاصدقاء
|
Post: #17
Title: Re: السمين يقع ..والضعيف يقيف
Author: أبكر آدم إسماعيل
Date: 11-15-2005, 07:33 PM
Parent: #16
إزيك يا بكة
كل سنة وإنت طيب
غايتو لو إنت قاعد ورا البحر آبو قرنين داك بتكون دي نوستالجيا ساي
آسمع دي
واحد قاعد ورا المحيط
يوم كدة قام قال عايز ياكل فول
قاموا الجماعة تعبوا جابو ليها الفول
قال مش عايز ياكل فول!!
أبكر آدم إسماعيل
|
Post: #18
Title: Re: السمين يقع ..والضعيف يقيف
Author: قرشـــو
Date: 11-15-2005, 07:49 PM
Parent: #1
الأخ ابوبكرالامين
ما زلت تجتر الماضى يا صديقى ؟؟
لعلنا الان نحاول جاهدين تثبيت تلك المفاهيم التى نشأنا عليها
ولكن هيهات فكل ثوابتنا اصبحت فى مهب الريح حتى الدينية منها
ترى من هو السمين فى عالمنا اليوم ومن هوالضعيف ؟؟؟
كل ما عرفناه اصبح مختلفا ولا شك
لك تحياتى
|
Post: #19
Title: Re: السمين يقع ..والضعيف يقيف
Author: خضر حسين خليل
Date: 11-15-2005, 07:55 PM
Parent: #1
بكة
ياساكنة في الوجدان ملك
( غنا شوايقة)
يابكة ٍأخوك ستف شنط وقعتوا .
سلام وأشواق
سلم لي علي محمد ود عبد الرحمن
خضر
|
Post: #20
Title: Re: السمين يقع ..والضعيف يقيف
Author: ابوبكر الامين يوسف
Date: 11-19-2005, 03:37 PM
Parent: #19
عنيدة الشديدة ازيك
طبعا انتى عارفة وقعتى اسود من السواد ( جايبة خبرى)
بس ربك يهون
|
Post: #21
Title: Re: السمين يقع ..والضعيف يقيف
Author: ابوبكر الامين يوسف
Date: 11-19-2005, 03:44 PM
Parent: #20
الغالى د/ ابكر تحياتى يازول الرايق الرائع
كل سنة وانت طيب وربنا يحقق امانيك الجميلة
ليك وحشة وياريت الفول يكون الفول بالجبنة والزيت زى اول كل شهر
والباقى بنتمو موية موية
تحياتى واحترامى
|
Post: #22
Title: Re: السمين يقع ..والضعيف يقيف
Author: ابوبكر الامين يوسف
Date: 11-19-2005, 05:02 PM
Parent: #21
الغالى قرشو مرحبا بالعودة الجميلة
ودعنا نجتر الماضى اظنه اجمل
ماسامعنا كل مرة مرة بنقول ياحليل زمان... اذن فى كل مرة
القادم حنظل
تحياتى واحترامى
|
Post: #23
Title: Re: السمين يقع ..والضعيف يقيف
Author: ابوبكر الامين يوسف
Date: 11-19-2005, 05:04 PM
Parent: #22
العزيز خضر تحياتى
حزمت الشنط ناوى الرحيل
مافى غير تلكع تسافر ...لكن وين وراك وراك
|
|