Post: #1
Title: اول مرة اصدق الشرطة في خدمة الشعب
Author: mohmmed said ahmed
Date: 11-09-2005, 08:44 AM
جني وجن الشرطة ومراكز الشرطة ومشاكل الشرطة ما عارف الزلعة دى جايا من وين مع انو الواحد مسكين وما بتاع مشاكل
المهم
امس كنا في طريقنا للعين لحضور زواج د مها يوسف محمد ادريس بسيارة شقيقي عمر
في منتصف الطريق تعطلت السيارة وقفنا 5 دقايق جا شاب سوداني وقف انشاء ما في عوجة يا شباب بعد شوية جات عربة الشرطة ويك ويك ويك ويك
اللهم اجعله خير شرطة دبي
سلام عليكم يازول شو المشكلة
والله يا جنابو مافي اي مشكلة اهي دى الرخصة واهى دى ملكية السيارة
الزول ينزل ويفحص السيارة ويقول انبوب نقل الماء انفجر لازم يتغير ونحنا بين مصدقين وما مصدقين العسكرى يقول نحنا نرجع دبي ونشتري ليكم قطعة الغيار ونرجع
نتكلم كدا جات مارا سيارة نقل السيارات العسكرى قال انتظروا نجيب السيارة دى وفعلا ويك ويك ويك انطلقوا جو راجعين ومعاهم الباكستاني رفعنا السيارة حتى العين واصلحنا العطل وحصلنا الحفلة
كان سلوك حضاري مدهش من شرطة دبي
اول مرة اشوف شرطة زي دى في بلد عربي
|
Post: #2
Title: Re: اول مرة اصدق الشرطة في خدمة الشعب
Author: على اسماعيل
Date: 11-09-2005, 09:07 AM
Parent: #1
الاخ محمد سيد احمد .. خالص التحايا ...
العيد مبارك عليك ...
اخبارك واخبار ام العيال ......
| Quote: اول مرة اشوف شرطة زي دى في بلد عربي |
حقيقة يا محمد شرطة دبى مواقفها الايجابية كثيرة جدا ولا يسعنى الوقت لكى اسردها لك وطيلة فترة اقامتى الفاقت العشرين عام لم احس بالشرطة الا عندما تحتاج لخدمة ....
تحية خاصة لشرطة دبى ولرئيسها الشيخ محمد بن راشد ال مكتوم ولقائدها اللواء ضاحى خلفان وكل الضباط وضباط الصف والافراد لهم التجلة والانحناءة ....
|
Post: #3
Title: Re: اول مرة اصدق الشرطة في خدمة الشعب
Author: wadahmed
Date: 11-09-2005, 09:12 AM
Parent: #1
الأخ محمد سيد أحمد ،
سلام ،
إنه سلوك حضاري جميل ، وخاصة عندما يأتي من الشرطة والتي عادة ما يتوجس الناس منها خيفة ، وهنا في سلطنة عمان ، وفي بداية رمضان تعرضت لحادث مرور وكان الطرف الآخر شرطيا ، اتصل الرجل بمركز الشرطة وباعتبار أنه شرطي أرسلوا ضابطا وبعد معاينة موقع الحادث وأخذ إفادات الطرفين ، كان قرار الضابط مفاجئا بالنسبة لي إذ أنه خطأ الشرطي العماني ، - ربما لأن الشرطي كان بالخلف - مع إنني كنت الطرف المخطيء في الحادث ...
وعندما أبلغت الضابط بأنني ( أنا من كان مخطئا في الحادث وليس الشرطي ) سألني مرتين ما إذا كنت تعرضت لأي ضغط من قبل الشرطي وعندما أجبته بالنفي صحح قراره .. وعندما سافرت إلى السودان عن طريق البر كان رجال الشرطة متعاونين للغاية ويقومون بإرشاد المسافرين وتنبيههم للمطبات الموجودة بالطريق .... وطبعا لكل قاعدة شواذ.
مع خالص مودتي ،
|
Post: #4
Title: Re: اول مرة اصدق الشرطة في خدمة الشعب
Author: Eng. Mohammed al sayed
Date: 11-09-2005, 01:30 PM
Parent: #3
صاحبي...
أراد أن يستخرج رخصة قيادة
...حصل إرتباك
لما إستفسر...
قالوا ليهوا ممنوع إستخراج رخصة لي حرمة...فوجئ في اللحظة ديك إنوا إقامته بإسم حرمة
لم يستطع زيارة أهله لسنين...وعندما قرر النزول للزواج وافته المنيةبحادث حركة. إنا لله وإنا إليه راجعون
دا غير المخالفات البتتلصق لي ناس ماعندها حتي رخصة أو عربية.
|
|