Post: #1
Title: الفياجرا تغزو البقالات
Author: EMU إيمو
Date: 11-08-2005, 09:28 AM
عيدكم مبارك
اشتقت ليكم شوق المريض للعافية
معظمنا يعرف ان عقار الفياجرا ليس مقوياً
ولكنه يستخدم كعلاج . وبالنسبة للكثير من الرجال فان الفياجرا
تحتاج إلى وصفة طبيب ويبدأ تأثيرها في خلال 14 دقيقة وتستمر
لمدة أربع ساعات على الاقل ومن ثم إذا لم يحدث شئ خلال ساعة أو
ساعتين فانه من المحتمل أن يكون المشتري ضحية الفياجرا المغشوشة.
عودة للعنوان ، الكثر من الشباب في دول الخليج لهم علاقة حميدة مع
العقاقير التي يستخدمها البعض للترف ، والصديق دكتور ناصر واحد منهم
اراد العودة للسودان وبرفقته كمية من الفياجرا لعله يجد فيها ربح
يغطي تكاليف السفر ، اتصلت عليه : اخبار العلاج ،قال: خليها ساكت انا الآن
حايم على البقالات لتوزيع ما تبقى
بالله عليكم السودان محتاج لفياجرا؟
|
Post: #2
Title: Re: الفياجرا تغزو البقالات
Author: DKEEN
Date: 11-08-2005, 12:40 PM
Parent: #1
اخيرا..
يعني بعد ده الواحد يعرس ؟؟
مبروك يااساسي تاني جرورة من الدكان ساي...
|
Post: #3
Title: Re: الفياجرا تغزو البقالات
Author: Elmuez
Date: 11-08-2005, 05:20 PM
Parent: #1
نعم .. فياقرا للذكر و جنريتر للأنثي !..
|
Post: #4
Title: Re: الفياجرا تغزو البقالات
Author: EMU إيمو
Date: 11-09-2005, 03:27 AM
Parent: #1
DKEEN
Elmuez
عيدكم مبارك
الإسرائليون يفكرون في عقار العقم
لتوزيعه على لفلسطينيين في قوارير مياه الصحة
جمال حسن سعيد يمتلك حقوق اقتراع في تصنيع عقار
يضاف إلى مياه النيل لتخصيب الخرطوم
|
Post: #5
Title: Re: الفياجرا تغزو البقالات
Author: jini
Date: 11-09-2005, 03:59 AM
Parent: #4
الهاجى: فياجرا دا شنو كمان!
سيد الدكان: يعنى تبلع حبة تعمل سبعة
الهاجى: يعنى مهدن
جنى
|
Post: #6
Title: Re: الفياجرا تغزو البقالات
Author: DKEEN
Date: 11-09-2005, 06:33 AM
Parent: #1
جني
ايمو
عندي صاحبنا من كوستي ..
كان قبل العرس النوع البحلف ليك انو لو ما عمل سبعة تمنية ما ينوم..
ومستغرب في الهاملين بتاعين الزمن ده..
تزوج في اول 2002 م
اها في الاجازة الفاتت لاقيتو في فاتحة في الحلفايا..
حلف قال لي يا عزيز لامن اجي خاشي البيت باليل واشم ريحة الدخان بخش تحت السرير بتاع اوضة النوم..
قمتا ضحكتا وشلت الجريدة الجني عشان اتصفحها..
قام اتلفت لي بي قوة وشال الجريدة مني وقال: انتا قايل كلمة بخش تحت السرير دي صيغة مبالغة من كوني بزوغ من المرة؟؟
والله العظيم تلاتة ياعزيز انا بخش تحت السرير عدييييييييييل ...
المرة بتجي تدنقر عديل وتقول لي امرق انا عارفاك هنا.. ياخي دي قصة مستحمية ساي ..قال هناي قال..
بلاي ده موش زول عسلللي عديل ؟؟
|
|