Post: #1
Title: يا ناس الكديسة اه كاس السودان قرب الدور ده بجيبوا نمر
Author: بلدى يا حبوب
Date: 11-08-2005, 07:53 AM
نرجع الى هذهاللقطة الجميلة ولغز الكديسةالتى كانت اجمل لقطة فى مباراة القمة الاخيرة
طبعا اختلف عشاق الشياطين الحمر وللموج الازرق فى اصل وفصل الكديسة وسوف اكون محايدا حتى لا اوصف باننى هلالابى متعصب .
بالرجوع الى ظهور اول كديسة نجدها فى استتاد المريخ فى اواخر السبيعنات وامكن فى ذالك الزمن كانت مقبولة لوجود العديد من الخرابات حول الاستاد بجانب حفر الجير المشهورة والتى تحولت الان الى عمارات ولكن ان تظهر الان فهنا بيت القصيد
اما بالنسبة لاستاد الهلال فلقد ظهرت فيه كديسة قبل الرياضة الجماهرية وكان وقتها المدرب فوزى المرضى لاعبا وانتشرت شاعة ان فوزى المرضى هو الذى اتى بالكديسة وطبعا المريخاب اقنعوا بهذا الكلام ولكن بعض الهلالاب الغير متعصبون صححوا المعلومة وهى ان الكديسة كانت فى بيت فوزى المرضى ونسبة لقرب منزله من الاستاد تابعته وقبعت حول الميدان وكمان اتعللوا بوجود حوش البلدية بالقرب من استاد الهلال
وتكرر ظهوزر الكديسة فى المباراة الاخيرة وكما تعلمون ان فوزى المرضى ضمن طاقم التدريب بالهلال وهنا تظهر الشكوك
المهم مباراة يوم 14 نوفبر الحالى سوف تكون هنالك مباراة قمة لتحديد من هو بطل كأس السودان وان كانت المبارة باستاد المريخ فعلى الوالى ومجلس ادارته شراء نمر من الان وان لعبت المباراة باستاد الهلال على المدرب فوزى المرضى تحضير شرك كجامة بقبض النمر
تحياتى
|
Post: #2
Title: Re: يا ناس الكديسة اه كاس السودان قرب الدور ده بجيبوا نمر
Author: سامى عبد الوهاب مكى
Date: 11-08-2005, 08:02 AM
Parent: #1
حبوب
كلــــــــ سنه وانت طيب.
ظهرت كديستكم ايضاً فى هناى الهلال داك الجنب الزريبه فى مباراة الهلال والموردة.
غريب امر كدائسكم.
ياربى تكون حفيدة كديسة فوزى الاولى.
|
Post: #3
Title: Re: يا ناس الكديسة اه كاس السودان قرب الدور ده بجيبوا نمر
Author: ABDELAZIZ MAHADY
Date: 11-08-2005, 08:18 AM
Parent: #2
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
..........................
رمتني بداءها وانسلت!!!!!!!!!!!!!!!!!!!!
لكن ياهلالاب ... ما بتتعلموا كلو كلو
وعجبي....
|
Post: #4
Title: Re: يا ناس الكديسة اه كاس السودان قرب الدور ده بجيبوا نمر
Author: بلدى يا حبوب
Date: 11-08-2005, 08:58 AM
Parent: #1
الاخ/ سامى
ولك ايضا التهانى بالعيد السعيد
طيب ليه ما تكون اوطه ومن طرف المدرب محمود السعد اصلو نواع الكدايس ده مصرية وما بتشبه كدايسنا السودانية
تحياتى
|
Post: #5
Title: Re: يا ناس الكديسة اه كاس السودان قرب الدور ده بجيبوا نمر
Author: بلدى يا حبوب
Date: 11-08-2005, 09:00 AM
Parent: #1
الاخ/ عبد العزيز
رمتني بداءها وانسلت!!!!!!!!!!!!!!!!!!!!
وتعادلت ..........................
تحياتى
|
|