اسئلة ..... للاجابة !!

هل يا تري سنفرح بفرحة العيد القادم و قد أزاح الله عنا هذا البلاء الذي ابتلينا به في حكم بلادنا الحبيبة ! و هل يا تري سنعود يوما للقرية الغناء !! للكوخ الموشح بالورد! وهل ستطرب قلوبنا خلية بلا جراح ؟
و هي اعزائي اسئلة مشروعة فهل من مجيب !! هل من مجيب
مع الود

و ما زلت منتظر الرد !!! و مازالت الاسئلة و الحيرة !!!!!!!!!!!!

مساء الخير استاذ مجدي
سؤالك سيدي اكثر من حزين يحمل فى طياته مأساة المغتربين والفراق القاسي علينا نحن من نتظر رجوعكم فى اوقات متفرقة من السنة ، وانتم من تتلهف قلوبكم فى العودة للديار
لم تعد الغربة كما نظنها حديث عن هروب او ملجأ انساني لظروفنا الاقتصادية او وحشية السلطة والقهر المفجع للمجتمع والمواطن ، الغربة اصبحت مأساة وطن لا يعرف اهله ولا حاكميه كيفية استعادة ابناءه ؟ ..... خلفت جفاء وقلوب قست على ارضها .. وشوق اصبح شبه مستحيل ان يتببل بالاحضان مرة اخرى ..
خلف هذا الاغتراب افرازات داخل مجتمعنا السوداني اشد قسوة على من يعانون الصمود ان كانوا فى الجامعات ، او الشارع السوداني ، ابناء وطن غريبون عنه بالتفكير والثقافة والتمدن والتحضر ، اصبح المجتمع المدني لا يدري كيف اعادتهم الى ارضهم الاولى هل نعاملهم كالعمالة الاجنبية ؟ ، ام زوار ديرة وسيرجعون لأصولهم المكتسبة ... اتحدث عن ابناء الغربة سيدي
لا ادري من اخطـأ سيدي اهل الدار الذين اعتادوا واسسوا لثقافة المغتربين والبوبار والاعراس والازواج ( المريشين ) ، ام الوطن الذي من فقره وتسلط حكامه ابى خيرة ابناءه ، ام انتم الذين اعتدتم على تركنا نحلم بالرؤيا مرة فى العام وكلانا يتجاهل القلوب المتفطرة من الاشواق والتوحش ؟.
لا استطيع ان اجيبك او يجيبك غيري ما لم تكن مؤمن ان دنياك هنا وان طال الزمان .. عندها سأضمن لك ان الظلم غاب وان الجوع يتضائل وان الدعاش فى الليالي الخريفية يزكم الانوف فى القرى ومن حولها ، وعلى فكرة نعيش الان حالة من الاستقرار مختلفة بس ساعدونا بالرجوع ..
الوطن اصبح على كف عفريت يتهاوى ويتقسم بين الاغراب والاحباب لذلك عودتكم تؤكد خوفكم ورغبتكم فى الارث

وشكرا

ملاذ

يا مجدي ويا ملاذ
أولاً مرحب بيكم الاتنين في البورد، طيب كان تجو من الباب في الأول...

ثانياً: ما تحلموا كتير .... العيد الجاي قرب !!!
تحياتي
الحلاوي

مجدي
ملاذ
اهلا بيكم وكل سنة وانتو طيبين
ويبدوا اننا سوف نرى اقلام رائعة ,,, اكتبوا ,,,و اكتبوا


العزيز الحلاوي العيد الجاي في السودان يارب

العزيز القلب النابض
جمعاً إن شاء الله متجمعين في السودان ...
كل عام وإنت طيب

Quote: العزيز القلب النابض

يا حلاوي دي بنية ما وليد

و قلب نابض ابيض كمان

مجدي و ملاذ ( م ، م )
عين الحسود فيها عود
اسفين للخروج عن موضوع البوست

Quote: يا حلاوي دي بنية ما وليد و قلب نابض ابيض كمان

العزيز فيصل:
والله عارف لكن تقول شنو في السرحان وعدم التركيز .. شكراً للتنبيه
العزيزة القلب النابض:
أعتذر عن هذا السهو غير المقصود
تحياتي ليكم

مجدي و ملاذ

والله دي مافي زول سبقكم عليها

شايتين من بره البورد

مرحب بيكم في بيتكم اول شيء

و جايين مسخنين كده مالكم ؟؟؟

ادوكم عضوية عشان ناس هناي ديل ولا شنو

و الله يا مجدي يا خوي ما عندك غير الصبر بس !! واعتبر الموضوع فكاهة كبيرة كده عشان تستمتع و تقدر تصبر !!! أو ح تحرق اعصابك ساي كل عام و كل عيد

العزيز مجدي
القرية لم تعد كما تركتها والكوخ بات ضريح
ربما ميقات الغربة بات فرض لابد ان يأديه المغترب
نرجو ان تستجاب فيه الدعوات
والذي حفظ يوسف في الجب قادر على حفظ السودان في البر

العزيزة ملاذ
اشكرك جدا على كلماتك الرائعات التى تدل على اصالة وروعة بت البلد
ورغم أن ما ذكرتة مأساة حقيقيه نعانى منها فى هذا الزمن زمن الغفلة الا اننى أريد ان احدثكم عن غربة من نوع اخر
واذا اتفقتم معى ان الغربة احساس...ومؤلم عندها اقول لكم اعنى تلك الغربة التى نعيشها فى الوطن , حيث لا الوطن هو الوطن ولا الأخلاء هم.

العزيز الحلاوى
ماذا تبقى لنا سوى ان نحلم عسى ولعل

الأعزاء القلب النابض , فيصل
لكم التحية

الغالى جدا { نصورات}
لك الشكر وانت تدوزن الأفكار الرائعات فى زمن العتمة
ولك التحية وانت فى طريعك الى {تاوار}

مع الود
مجدى