.........المرجفون في المدينة...............

الشيء الوحيد الذى يمارسه بعض السودانيين وبمنتهى الابتزال..هو السياسة......ومن الاراجيف
1- ان مشروع الحركة الشعبية السودان الجديد...مشروع جنوبي حدوده ملكال شمالا...وان الراحل قرنق مفكر جنوبي فقط
2- ان التوجه الحضاري(ايدولجية الاخوان المسلمين) الممتد من تجربةنميري الاولي والثانية هومشروع سوداني صميم نابع من قيم وسلوكيات المجتمع السوداني ومدينة فاضلة..
3- ان السودان دولة عربية سلاليا وليس ثقافيا...وان مشروع السودان الجديد...يستهدف الهوية السودانية...العربية/الاسلامية
4- ,والحقيقة ان معظم احزاب السودان القديم ورموزه بمافي ذلك الحزب الحاكم..يختلفون اختلاف مقدار وليس لديهم ادني حس او ورع عن مألات السودان اذا لم يتم احترام اتفاق نيفاشا المدعوم دوليا وتوجيهه نحو مساره الطبيعي ...حسب ما مكتوب حرفيا... وتنزيله لمستوي الشعب اعلاميا...
5- وان جل المزايدين في الساحة السياسية السودانية منذ الاستقلال يتبعون اهواءهم وكل داع الي امر نكر ويتعاطون مع السياسة كترف شخصي دون ثوابت وطنيةاواخلاقية والشواهد كثيرة والنتائج امامكم...ولم ينجزوا اي شيء بحجم الضجيج الذى يمارسوه عبر الفضائيات (ماو غير الصين في اربعين سنة الي دولة عظمي)
6- ,ومن الاراجيف ان الاخ سلفا كير انفصالي..رغم ان حقيقة الاستفتاء يخص المواطنين الجنوبيين وليس السياسيين فقط
7- ان الجنوب والجنوبيين هم مصدر تعاستنا في الشمال وليس الانظمةالفاسدة والفاشلة والفاشية المتعاقبةمنذ الاستقلال الي اليوم ونقض العهود المزمن والمستمر
واخر الاراجيف الممجوجة
8_-انه كان يوما ما ديموقراطية في السودان ياسف علي زوالها الشعب السوداني ... والحديث ذو شجون
وهناك مزايد من الاراجيف في زمن ثورة المعلومات يتم تسميم وعي المواطنين بها عبر اجهزة الاعلام(الفضائية السودانية -فضائية الجزيرة-فضائيةالمستقلة والبث المباشر ) وعبر هذا البورد ايضا للشعب المغييب...بينما يسعى الشرفاء من امثال عمر القراي والاخ الكيك و صبري الشريف الاخت رجاء وغيرهم وهم كثر لتفنيدها هنا والفضل يرجع للاخ بكري...وليت طموحه يمتد لتاسيس فضائية سودانية تعرض الوجه الحضاري والثقافي والفكري للمجتمع السوداني...وتتيح فرصة عادلة للمبدعين السودانيين الحقيقيين داخل وخارج السودان لتقديم صورة المجتمع السوداني الحقيقية ..حتى لا نكون مثلا للسخرية في الفضائيات الاخري...والحديث ذو شجون

عندما جاء الراحل د.قرنق للخرطوم...فاجات قيامة الساحة الخضراء مرجفون السودان القديم...
في الحقيقة وجود قرنق 21 يوم فقط في السلطة جلب له 3مليون مؤيد واحترام 6 مليون سوداني الا اللذين في قلبوهم مرض فزادهم الله مرضا

هذا بالنسبة لمن يراهن على الشعب والديموقراطية ويقلل من شعبية الحركة..والتجمع الوطني في السودان...
ويحتكر الوعي والمواقف الوطنية والفكر والثقافة ايضا...

واخر الاراجيف هنا تحدث عن موت التجمع الوطني...وفي هذا الامر فحدث ولا حرج

adil amin
كل عام وأنت بخير.....
شايف البوست السمح ده نازل في الداون..
قلنا نيجي نديهو لكزة..
عشان

Quote: المرجفون في المدينة

من رجف.. يرجف رجفاً...
ويثبتو شوية..
خاصة.. وأنت ذكرت...
بعضمة كي بورديك.. وقلت..

Quote: الا اللذين في قلبوهم مرض فزادهم الله مرضا

غريبة..
الشيء شنو..
بس أنا وبناءاً على الحقيقة وعلى مرجعيتك في العدد والزخم المليوني ده...

Quote: في الحقيقة وجود قرنق 21 يوم فقط في السلطة جلب له 3مليون مؤيد واحترام 6 مليون سوداني الا اللذين في قلبوهم مرض فزادهم الله مرضا

جينا نقول ليك هو عدد الشعب السوداني ده كم..
في آخر تعداد إحصائي للسكان...
خاصة وإنو في عدد مماثل ..
من الأمهات فقد فلذات أكباده..
وبيشوفو الدكتور قرنق..
هو السبب..
في ألمهم وآلامهم ومعاناتهم...
والنفترض إنو مثلهم محايد..
ومثلهم مؤيد للطرف الآخر...
وباقي تعداد الكم مليون نسمة ...
رأيهم شنو...


موش حاجة غريبة.....

الإرجاف هو ذلك الذي يمارسه الأخ الودود عادل الآن وأظن أن الإرجاف
ايضا التمشدق بالسودان الجديد الذي يفترضون فيه حرية الفكر والمعتقد
وفي ذات الوقت يمارس به الأخ عادل اقصاء فكريا والتعامل مع ما يسميه
بالأحزاب التقليدية ورموز السودان القديم على حسب زعم المرجف عادل
التعامل مع هذه الرموز باستعلاء والنظر اليها بدونية مخيفة

أخي عادل الحائط الذي اصطدم به سودانك الجديد المزعوم سينهد على
رأسيكما ( الموقعين عليه - بعيدا عن الملاحق الديكورية)ان لم تراجعا
مواقفكما الآحادية وان لم تستيقظوا من احلامكم الوردية ... نحن لسنا محبطين ولكنا نتعامل مع الواقع وانتم حلقتم في فضاءات الأحلام ...
الشعوب بطبعها تحب الإستطلاع وانتم ظننتم ان كل من خرج للقاء قرن فهو بالضرورة قد وقّع شفاهة على انضمامه للحركة الشعبية وصدقتم ذلك الأمر وسرتم على نهجه .........
هذا الأمر أخي عادل لا يضيرنا كثيرا فقط نتمنى ان تكون القناعات هي الأساس في كل الأشياء ................
أرجو من الأخ عادل ان لا يعتبر هذا الحديث قدحا في الحركة الشعبية او تقليلا من امكانياتها ... لا والله ليس هذا ما عنيته ولكني قصدت ان عليك ان تكن واقعيا

ودمت ايها الودود

العزيز محسن(جبل الرجاف)
مرحبتين حبابك واليوم سعيد الليلة جابك

Quote: الأخ عادل اقصاء فكريا والتعامل مع ما يسميه بالأحزاب التقليدية ورموز السودان القديم على حسب زعم المرجف عادل التعامل مع هذه الرموز باستعلاء والنظر اليها بدونية مخيفة

هذا بهتان...وجيب دليل واضح...نحن هنا نمارس النقد البناء ولا نتجاوز احد ولا ادعي باني العالم السمح الفات الكبار والقدرو.. ولا اعتقد باني معجزة السودان الكبري. وكمان ما بقول ليك اكثر وطنية لانو وطنية في السودان دي سينما وفي رواية اخري نوع من الشري فقط .اني ارد الاعتبار لمفكرين من بلادي اعتز بهم كثيرا واتصدي للحملات ضدهم رغم ان غيبهم الموت..الاستاذ محمود والدكتور جون قرنق وافكارهم النيرة

انت تنظر في المراة..فقط تابع الفضائيات واجهزة لاعلام وشوف منو بهاجم منوا..هل د.قرنق اساء لشخص او هل ناس الحركة بخسو ناس وبعدين اتهمنا بالارجاف
وانتظر انا بمشي الارشيف بجيب ليك كل ما قلته
ولازلت عند قولي لا توجد احزاب حقيقية في السودان القديم و لا توجد ديموقراطية وفقا لذلك؟..كما انهم غير مواكبين وغير مستوعبين لمتغيرات المرحلة يمارسون التشويش فقط وليس لهم رؤية واقعية بتاتا تتجاوز ذواتهم المترفة


وتعرف ناس قريحتي راحت بكرهو بوستاتي ليه وما بتفاعلو معاها..لانهم بكرهو الحقيقة وغرقانين في نرجسيتهم السعيدة...عشان كده مرحب بيك الف مرة في عالمنا المدهش عالم الحقيقة العارية في زمن ثورة المعلومات


وده فاصل صغير من المرواغة




شباك واحد وبابين!!]

العزيز
عبد الرازق الطيب

Quote: وبيشوفو الدكتور قرنق.. هو السبب.. في ألمهم وآلامهم ومعاناتهم

بشوفو ده كان زمان بعد ما انفضح مازون الحور العين..كتلوهم الناس الجابوهم ذى ما في معركة الجمل...ورايك شنو في دارفور الان برضو ده جون قرنق؟؟...يا اخوي السوادنيين في زمن ثورة المعلومات عارفين من الازاهم وفي الامر نكت كثيرة ونوادر..واسكت كد خليه حمدو في بطنو

اما الاحصائية اذا كان السودانيين 30 مليون يعنى كده 20 مليون هم من البالغين سن الانتخاب تقريبا...والناس في الخرطوم عشر مليون تقريبا والناس القابلو قرنق 3مليون
والناس المتعاطفين من مؤيدين احزاب التجمع ممكن يصلو 4 مليون... وكمان ناس دارفور المكتوين الان يصبون في رصيد د.قرنق مليون وناس الشرق مليون ..وخلينا الباقي لناس قريحتي راحت (؟؟؟؟؟).....(وهذه الطريقة الحصائية اتعلمتها من انتخابات العراق الجديد)