Post: #1
Title: رمضان خشّ عضُم العضُم..هاكم النكات دي ..
Author: عمر الفاروق
Date: 10-30-2005, 05:40 AM
Parent: #0
يا شباب وشابات البورد طبعاً عجايز البورد يمتنعون عشان لا قدرنا لا شتين وعشان بعدين لمن نجي نشاكل نقدر نشاكل القدرنا وما تقولوا لينا:
راعي حرماني وأخشى عامل السن ..
إني ماشي كبير ليه تسيبني أجن ...
رمضان شهر التوبة والغفران شهر الصيام والقيام لكن في السودان السنة دي شكلو بدا يرجع أمجاد رمضانات نميري المن شدة ما كانت مسخنة لمن نميري أكل يوم كاااااامل وفطّر الناس بي قرار وزاري
أها يا جماعة الجرسة شديدة خلاص والمواقف الطريفة زادت ..
الناس زهجانة وحبيت قبل ما رمضان يخلص أديكم نكتتين علي خفيف كده (بايخاااااااااات)
وقديماااااااااااااااااااااات ..
لكن والله عاجبني جنس عجب ..
عليكم الله يا جماعة جاملوني فيهن وأضحكوا لي شديييييييييييييييييييييد ..
يا ناذر عليك الله تعال أضحك بي جاي عشان تجيب لي زباين للنكات دي شايفك طالع موضة وبقيت زي أغنية عوض الدكام ...
|
Post: #2
Title: Re: رمضان خشّ عضُم العضُم..هاكم النكات دي ..
Author: عمر الفاروق
Date: 10-30-2005, 05:51 AM
Parent: #1
هاكم دي ..
طبعاً الأيام دي المسابقات ما تديك الدرب تضرب تلفون تلقا مسابقة ..تفتح التلفزيون مسابقة والمزيعين حايمين في الشوارع بي المايكرفونات وقدر ما يلقو زول يمدوا ليهو المايك ويقولوا ليهو جاوب علي السؤال ده وفيهو جائزة ..
أها يا جماعة قالوا في حفلة كاظم الساهر الكانت في السودان في نادي الضباط كاظم طلع المسرح عشان يغني والجمهور متلفي حوالين المسرح ومحاوط ليك كاظم ..
أها كاظم زي ما عارفين عندو أغنية بتقول :
نزلت عا البحر تتشمس الحلوة ..
رفقاً بالبشر أه يا بنت حوة ..
قام كاظم عايز يبدا بيها الحفلة وقام قال :
نزلت عا البحر ..
وقام مد المايك للجمهور عشان يشيلا معاهو ويتمها ..
قام كف في واحد خطف المايكرفون من كاظم الساهر وقال :
إسمي اللمين عطامنو والإجابة الصحيحة هي المركب
|
Post: #3
Title: Re: رمضان خشّ عضُم العضُم..هاكم النكات دي ..
Author: عمر الفاروق
Date: 10-30-2005, 06:04 AM
Parent: #2
وهاكم التانية دي:
واحد ماشي في السوق العربي والسخانة ألف قام أذان الضهر أذن ..
صاحبنا خش الجامع الكبير عشان يصلي الضهر ..
مشي محل الوضوء عشان يتوضأ ..وبعد خلص من الوضؤ وهو ماشي قام في واحد وقفوا وقال ليهو:
ماشي وين يا زول ..؟
صاحبنا قال ليهو : مالك في شنو ؟؟؟
الزول داك قال ليهو : تدفع 2000 جنيه لأنو الوضوؤ هنا بي ألفين جنيه !!!
صاحبنا عاين ليهو وقال ليهو يا زول إنت ما نصيح ولا شنو ؟؟ ما عندي ليك قروش ولا شي..
الزول داك قال ليهو : والله ما بتمشي ولا تتحرك من حتتك دي إلا تدفع القروش ...
صاحبنا عاين للراجل كده وقال ليهو :
يا زول مش وضوكم ده ؟؟؟ أها طووووووووووووووووووووووووووووط
|
Post: #5
Title: Re: رمضان خشّ عضُم العضُم..هاكم النكات دي ..
Author: إسماعيل حميم
Date: 10-30-2005, 06:11 AM
Parent: #2
| Quote: إسمي اللمين عطامنو والإجابة الصحيحة هي المركب |
ود الفاروق
إزيك ورمضان كريم
طبعاً النكتة دي بتكون عجبتك عشان التحتها خط دي
ودا من أثار الخور مش كدا   
إسماعيل حميم
|
Post: #4
Title: Re: رمضان خشّ عضُم العضُم..هاكم النكات دي ..
Author: سامى عبد الوهاب مكى
Date: 10-30-2005, 06:11 AM
Parent: #1
بايخه بوخ.
شفت ليك ياعمر هلالابى دمو خفيف..
علاء الدين جوز مثال.
هههههههههههههههههههههههههه
ولااااااااا سمحه.
|
Post: #6
Title: Re: رمضان خشّ عضُم العضُم..هاكم النكات دي ..
Author: ناصر محمد خليل
Date: 10-30-2005, 06:22 AM
Parent: #1
| Quote: يا زول مش وضوكم ده ؟؟؟ أها طووووووووووووووووووووووووووووط |
|
Post: #7
Title: Re: رمضان خشّ عضُم العضُم..هاكم النكات دي ..
Author: عمر الفاروق
Date: 10-30-2005, 06:40 AM
Parent: #1
إسماعيل الحميم يا أيها الحميم :
Quote: طبعاً النكتة دي بتكون عجبتك عشان التحتها خط دي
ودا من أثار الخور مش كدا |
يا حليل الخور وأيام الخور!!!!!!
وبعد ده ما عايزين يريحونا فيهو عايزين يعملوهو بحيرة !!!!!!
اسأل تمبس من الخور وده وحكاياتو وهو بيوريك أكتر...
|
Post: #8
Title: Re: رمضان خشّ عضُم العضُم..هاكم النكات دي ..
Author: عمر الفاروق
Date: 10-30-2005, 07:04 AM
Parent: #1
يا أبو السيم :
| Quote: شفت ليك ياعمر هلالابى دمو خفيف.. |
في واحد دمو خفيييييييييييييييييف خالص ورشييييييييييييق وزي الغزال ومرة كده من خفة دمو قام جاب ليهو قون في نهائي الدوري الممتاز ونحن ناقصين ياخ الزول ده والله يا سامي هلالابي لذيذ لذة وظريف ظرافة ..
بس إنت شكلك ما درتو معاهو !!!!
والله من شدة ما ظريف لمن تلقاهو طوااااااااااالي في حالة طمبلة ...
أحب (الظرافة) وأموووووت في (الكديسة )
|
Post: #9
Title: Re: رمضان خشّ عضُم العضُم..هاكم النكات دي ..
Author: معتز تروتسكى
Date: 10-30-2005, 10:06 AM
Parent: #8
عمر يافرده
سلام ياصاحبى
يالتقيتى ..شن لقيتى
خاشه كررى بالشنقيطى. .
وييييييييين ..وسنا ياولد
ودخلوا كندا ماطرونا
ليه
سنا ياولد
اولاد امدرمان اسياد البلد. .
وصحى خش فى العضم
اسمع لسنه دى انت صايم. .
بوست خفيف . .
|
Post: #10
Title: Re: رمضان خشّ عضُم العضُم..هاكم النكات دي ..
Author: الزوول
Date: 10-30-2005, 07:03 PM
Parent: #1
السلام عليكم
الأخ عمر
نكتك ما بايخة ويمكن أنا رمضان مسّخن معاي
عشان كَدي عجبتني..
وقلت أشاركك بي دي (ما نكتة لكن حادثة) لغاية نجم البورد اليومين ديَل ما يجيك
حكاها لي واحد صاحبي
قال عمو زول متدين شديد وشيخ حافظ القرآن ، ولكنه بيتجرس جرسة شديدة من رمضان
يوم كدّي قاعد في الخلوة جاهو ولدو جاري
يابا.. يابا...رمضان أذاعوه قالو باكر
أبوه من غير ما يشعر خت رأسو بين ايديهو وقال ( والله جِنِس شقاوةً)
تحياتي
وما الناس إلا هالك وأبن هالك *** وذو نسب في الهالكين عريق
|
Post: #11
Title: Re: رمضان خشّ عضُم العضُم..هاكم النكات دي ..
Author: فيصل نوبي
Date: 10-30-2005, 07:13 PM
Parent: #1
| Quote: لغاية نجم البورد اليومين ديَل ما يجيك |
الزول و الله دي اشد من نكت عمر الفاروق
عمر الفاروق
سلام
بجيك صادي سمح !
|
Post: #12
Title: Re: رمضان خشّ عضُم العضُم..هاكم النكات دي ..
Author: عمر الفاروق
Date: 10-31-2005, 01:34 AM
Parent: #1
الأخ ناصر:
والله ضحكك ده لا ضحك زول صايم ولا حاجة !!!!
ولا تكون دي ضحكة الجرسة ؟
تورتسكي:
يا راجل إنت لسة مجلد رمضان ؟؟؟؟؟ ماسك لي في حنكك المييت داك مش؟
ياخ أقول ليك حاجة صوم يوم وفط يوم إتمرن زي الشفع صوم من الصباح لحدي 12 ضهر وتاني صوم أيام الإجازات
Quote: ودخلوا كندا ماطرونا
ليه
سنا ياولد |
ناس كندا ديل طارين أي زول والله جنس طراوة طراوة بااااااااااردة !!!!
وأنا بهديهم اللحن ده :
شوف كتابتنا ..يا عوض دكام ..
عوووووع كتابتنا .. يا عوض دكام ..
الناس دي سابتنا .. يا عوض دكام ..
وتراجي قدتنا ... يا عوض دكام ..
شوفوا ناس محسن وشوفوا ناس كودي كلو فاضي كلام ..
وكلاااااااااااااااااااام يا عوض دكام ..
|
Post: #13
Title: Re: رمضان خشّ عضُم العضُم..هاكم النكات دي ..
Author: ناذر محمد الخليفة
Date: 10-31-2005, 07:06 AM
Parent: #1
!!!!!!!!!
| Quote: يا ناذر عليك الله تعال أضحك بي جاي عشان تجيب لي زباين للنكات دي شايفك طالع موضة وبقيت زي أغنية عوض الدكام ... |
طيب وكت إنت عارفني ما ختيت إسمي في العنوان ليه !!!
بعدين يا ولدنا إنتا طبعا عارف رمضان موقف شغل العدادات اليومين ديل لكن أنا لقيت لي عدادات تانية اللي هي أي زول عندو بوست وداير البوست يمشي يقوم يرسل لي ويتفق معاي على المعلوم ويعد داك أقوم أجيهو
أها لكن إنت عشان كنت نجم منير سابق حا أقوم أجاملك المرة دي بي نكتة قديمة شوية لإنو طبعا الجداد بالعداد !!
أهااااااااا
قال ليك أبكر بعد كم سنة كدي من الملاواة والمجازفات عرس هبسة... يوم العرس هم قاعدين في الكوشة متكيفين أبكر شابك ليك هبسة :
أليك اللا لقيتي أبكر كيف ؟؟
وهبسة تتخجل وترد عليو بي عيونا المطفيات :
أبكر أليك اللا بتل هركات وما تأمل لينا فيها بتكب هنان نقوم أسي نزأل ونجازفك قدام أسهابك ديل !!
المهم الجو الرومانسي إستمر بالطريقة دي قام في أثناء الهجيج أصحاب أبكر ناس أدم وهارون وإسهق جو يبشروا ليهو وياخدوهو في رقصة لزوم المجاملة .. أبكر طبعا زمان كان ضهب حفلات كبير وعارف المغارز بتاعت الفرد التفاتيح في تحنيك الكراسي ..
قبل ما يمشي مع فردو قبل على عروستو كدا وقاليها ::
هيسة هبسة .. أليك اللا أهجزي لي الكرسي دا لهدي ما نجي !!
صنفرة :
ومن هسي وأبقى شاهد يا عمر النكتة دي ما من عندي دي من شريط بتاع حامد كسلا بتاع النكات
|
Post: #14
Title: Re: رمضان خشّ عضُم العضُم..هاكم النكات دي ..
Author: ahmed babikir
Date: 10-31-2005, 07:56 PM
Parent: #13
Quote: سنا ياولد
اولاد امدرمان اسياد البلد. .
|
ابشر ياتروتسكي ابشر....
اجمل من نكات الهلالابي ده بل اكثر موضوعية
والنكات المقدمة ليس لهااي سند او مراجع
والتحية للكديسة الجات مع السيره!!!!!!!!!!!!!!!!!!!????//>>><<<(:- -;)
|
|