Post: #1
Title: الجميل الساده وضاح المحيا
Author: محمد حامد جمعه
Date: 10-29-2005, 01:26 PM
Parent: #0
يا جماعة مساء الخير وكل سنة وانتو طيبين و(العفو والعافية ) ..
حبيت فى المساء المبارك دا والدنيا قبايل عيد ... اسلم عليكم ... سلام سوداني صارخ ... فيهو المقالدة وشد الايد لى حد معط الضراع .... جيت اقول ... بى بركة خواتيم الشهر المبارك دا ... اعفو مننا ... الشاف مننا شين ولا ساءته منا كلمة ... والهبشناه ونحن نتخطى الرقاب نحو الموقف داك ولا الراى المعين .. معليش ... ولازم يعرف الجميع انو المسالة قط ما كانت وما حتبقى اصلا موقف شخصى ... نهائى – معاها مسحة راس - ... خالص .. كلو كلو ... ولا ادعى اليوم انى كل مواقفى صحيحة مئة بالمئة وبذات القدر ارجو ان يتفهم الاخرون ذات المسالة .. حين يطلون من فوق ارائهم ..
ومن النقطة دى ... سلام ابيض ... ونقى للجميع ... فمن شاء قبل ومن شاء ابى ... والله حسيبه ...
تخريمة :
الكلام دا ما بيعنى بالمناسبة انو ما نقيف من بعض مواقف متضادة او ميتابنة .... لكن حبا فى الله والسودان .. الجميل السادة ... وضاح المحيا ..
خلوها حلوة ... واعقلوها بالحسنى وصفاء النية ... وبعدها ... فلنختلف .... كما نشاء وتشاء الوقائع والحقائق ...
|
Post: #2
Title: Re: الجميل الساده وضاح المحيا
Author: القلب النابض
Date: 10-29-2005, 03:47 PM
Parent: #1
الاخ محمد حامد جمعة
عارف انا كنت قايلة المعارضة دي صعبة شديد. لكن لقيت الولاء لقضية اصعب لانك تدفع التمن.. تمن التجربة والخطأ.
غالي لاى خطأ يقع فيه المشروع الكلي للقضية التي تدلفع عنها.
ولانك في المعمل أي خطأ في التجربة, يحسيه الآخرون خصماً على رصيدك. ولكني أحسبه نقطة لصالح صاحب التجربة لانه في الميدان, وفي المعمل وحتماً ستنجح تجربته يوماً ما ويصيح وجتها وجدتها.
مواقفك في هذا البورد تعلمنا منها الكثير.
وتعلمت ايضاً من السهل جداً ان تنتظر طالباً مجتهداً يعمل ويدرس وانا لا ادرس ولا اعمل . ولكن عنما يأتيني هذا الطالب بنتيجة 70% اقول له بكل بساطة. نقصت ثلاثون درجة كاملة يالك من بليد وغبي .... وانا لم اجرب معه هذا الإمتحان , ولأنني لا ادري إذا جلست اليه فلن احصل على30%.
واقول ليك بصراحة انا ناسكم ديل ما بدورهم لكن بيعجبني الزول البنجض شغله, وعارف ولاءة لأين, وبرنامجه شنو.
وعلى اية حال الوطنية ليست شعارات جوفاء أوالحان وأشعار زي ما بنشوف بعض الاحزاب السياسية السودانية,الوطنية هي مسؤولية متكاملة, وانحياز للوطن والامة والانسانية, ومعايير قابلة للتطبيق في أي مكان وأي زمان وأي شعب وعلي أي قضية فهي ليست قميص عثمان( قميص عثمان دا قصتوا شنوا لوعارفين). فهي ليست معايير متزبزبة ومزدوجة ونلبسها لهذا ونخلعها عن هذا.
أردت أن لقول هذا الكلام بدري ولكن كل البوستات لم تكن تحتمل , والا سأصبح لواء.
لك التقدير والاحترام.
اقول قولي هذا والبسويها الله تبقى
|
Post: #3
Title: Re: الجميل الساده وضاح المحيا
Author: وفاء تاج الدين
Date: 10-29-2005, 04:26 PM
Parent: #1
الاخ محمد..
كل سنة وإنت طيب وعافييين لى الله والرسول..
عندما نختلف فى المنبر فنحن نختلف فى وجهات نظر ليس إلا.. وقد نتداخل فى موضوعات أخرى ونتفق.وأختلاف الرأى لايفسد للود قضية.
كن بخير .
|
Post: #4
Title: Re: الجميل الساده وضاح المحيا
Author: Emad Abdulla
Date: 10-29-2005, 04:34 PM
Parent: #1
لك التجلة محمد ..
هكذا أخلاق الفرسان ..
وذا ما يستحقه ( جميلنا السادة )
ودي والاحترام
|
Post: #5
Title: Re: الجميل الساده وضاح المحيا
Author: Eng. Mohammed al sayed
Date: 10-29-2005, 04:40 PM
Parent: #1
| Quote: يا جماعة مساء الخير وكل سنة وانتو طيبين و(العفو والعافية ) .. |
مساء الخير
وكل سنة وإنت طيب
والله يعافيك
الجميل السادة وضاح المحيا دي أغنية حقيبة ولا شنوا؟
|
Post: #6
Title: Re: الجميل الساده وضاح المحيا
Author: محمد عيد الله
Date: 10-29-2005, 10:00 PM
Parent: #5
العفو والعافية وكل عام وانتم جميعا بالف خير
محمد عبدالله
|
Post: #7
Title: Re: الجميل الساده وضاح المحيا
Author: ALHALAWI
Date: 10-30-2005, 02:15 AM
Parent: #1
كل عام والجميع بخير ..
ولا أفترض بأن هناك من يقيم العداء أمام الآخرين لمجرد إختلاف في الرأي. هذا المنبر حلاوته في إختلاف آراء أعضائه.
كل عام وأنت بخير.
|
Post: #8
Title: Re: الجميل الساده وضاح المحيا
Author: عمر الفاروق
Date: 10-30-2005, 02:19 AM
يا جميل يا جميل يا سادة ...
ليك التحايا وكل عام وإنت بي ألف خير...
|
|