Post: #1
Title: بيع ميناء بورتسودان ومشروع الجزيرة
Author: malamih
Date: 10-28-2005, 05:41 PM
قررت الحكومة السودانية بيع ميناء بورتسودان و تحويله لشركة قابضة تعمل على تحصيل الإيرادات وتحديث وسائل التفريغ والتحميل بعد أن عجزت هيئة المواني البحرية في إزالة إختناقات الميناء و إزدحامه المستمر بالسلع الواردة والصادرة.. وسيتسبب هذا القرار في تشريد نحو 30 ألف عامل
بالميناء .. وقالت مصادر خاصة بأن التنافس للشراء إنحصر بين شركة داو الكورية وإحدى الشركات التي تبع لأحد الأمراء السعودين.
ومن ناحية أخرى قررت الحكومة بيع مشروعي الجزيرة والمناقل وتحويلهم لشركة خاصة ولقد إعتقلت سلطات الأمن عدد من الطلاب من أبناء المزارعين الذين قاموا بعمل ندوة في الجامعة الأهلية تنديدا بقرار بيع مشروع الجزيرة
ولقد تعرض هؤلاء الطلاب إلى تعذيب بدني شديد.
|
Post: #2
Title: Re: بيع ميناء بورتسودان ومشروع الجزيرة
Author: عبد الناصر الخطيب
Date: 10-28-2005, 10:50 PM
Parent: #1
ملامح
صباحك زين,,,,
*****************
والله الحكومة مافضل ليها الا الناس ولو لقت طريقة فيهم ما بتقصر
ولانهم أصلا واقفين معاها بخسارة رغم انها لا مسئولة عن صحتهم ولا تعليمهم
ولا خصاها ألا من ذكاتهم وضرائبهم
*********************
وبقراء كلامك عن ميناء بورسودان الحبيب
الاسعدني زماني بالعمل فيها حين من الدهر
كمتابع صادر ووارد لاحدى شركات القطاع الخاص
مره ببالى تجربة لشركات تشغيل ذي الشركة الاماراتية الماسكة تشغيل ميناء جيبوتي
بالبحر الاحمر ؟؟؟
لكين فهم يبيعوها ده ماظن تكون مصنع ولا مشروع
*************
يازول ربك يجيب الخير
ويستر على الناس الهناك ما يصحوا يوم يكونوا هم زاتهم باعوهم
وأصتبحنا وصبح الملك لله
7:40 ص
|
Post: #3
Title: Re: بيع ميناء بورتسودان ومشروع الجزيرة
Author: wadalzain
Date: 10-29-2005, 01:42 AM
Parent: #2
الخوف يبعوا السودان بالقطاعى كده ونحن ما نهتم
بكره نسمع عن بيع نهر النيل والنيلين الازرق والابيض وكلها تجاره تجارة التجزئه والتجاره شطاره عرفناها تجارة الدين والجماعه ديل برعوا فيها كمان البلد الواحد يباع بالقطاعى الله يستر .
|
Post: #4
Title: Re: بيع ميناء بورتسودان ومشروع الجزيرة
Author: هشام مدنى
Date: 10-29-2005, 06:15 PM
Parent: #1
غدا تسمع ان الحكومة تبيع الهواء للناس
|
Post: #5
Title: Re: بيع ميناء بورتسودان ومشروع الجزيرة
Author: Mannan
Date: 10-30-2005, 08:24 PM
Parent: #1
ولما تسخن
واللعبة تحلو
يبيعوا بعضهم لبعض
زى مسطولين نازلين على البحر لقوا اسدين بتشاكلوا .. وبياكلوا فى بعض
ولما رجعوا من البحر لم يجدوا الاسدين!!! الله!!
سأل احدهم الاخر: الله! وين راحو الاسدين
رد التانى: انت جنيت!! ما اكلو بعضهم خلاص
رمضان كريم يا جماعة
|
Post: #6
Title: Re: بيع ميناء بورتسودان ومشروع الجزيرة
Author: Sudany Agouz
Date: 10-30-2005, 08:44 PM
Parent: #5
شكرا ياأستاذ ملامح .. على الخبر .. بل الأخبار ..
وعلى رأى المثل .. " غلبك سدها .. وسع قدها .. "
وأنت ياأستاذ منان ..
حلوة .. حلوة النكتة ..
فعلا القصة قصة .. أكل .. وليتنا نتعلم ..
|
Post: #7
Title: Re: بيع ميناء بورتسودان ومشروع الجزيرة
Author: nour tawir
Date: 10-31-2005, 03:23 AM
Parent: #6
ملامح
(والله الحكومة مافضل ليها الا الناس ولو لقت طريقة فيهم ما بتقصر)...
هى فعلا باعت الناس وما قصرت اخى العزيز..
لغاية ما الامم المتحدة فرضت عليها عقوبات وحذرتها من التجارة دى...
و الى حين خروج الانقاذ سوف يتم بيع الناس فردا فردا...
و البلد شبرا شبرا...
لانه ديل لا ناس ولا حكومة ولا حتى حاسين بى الشعب..
ديل فى حالة تانية خالص..
ويا ناس..
اصحوا!!!!
كفاية صبر على الانقاذ...
|
|