Post: #1
Title: بورداب الامارات هام وعاجل جدا جدا
Author: abas
Date: 10-24-2005, 11:19 PM
الاحباء بورداب الامارات الحلوين
نرجو منكم ومن كل واحد فيكم سوف يحضر للافطار الجماعي في مدينة الشارقة يوم الخميس تاكيد ذلك
وده امر ضروري جدا جدا
|
Post: #2
Title: Re: بورداب الامارات هام وعاجل جدا جدا
Author: النصرى أمين
Date: 10-24-2005, 11:22 PM
Parent: #1
خلعتنا يا عباس يا هلالابى
دى عزومه فطور ولا انقلاب
مبروك الفوز بكاس الدورى
|
Post: #3
Title: Re: بورداب الامارات هام وعاجل جدا جدا
Author: صديق الموج
Date: 10-24-2005, 11:50 PM
Parent: #1
عباس...انت تعزم العدو !!!براحة ياخى .نحن فى السعودية قلبنا طار
رمضان كريم ومبروك الكاس المسيخ ده ان شاء الله يخفف عليكم عدم المحمول جوا،،،
|
Post: #4
Title: Re: بورداب الامارات هام وعاجل جدا جدا
Author: democracy
Date: 10-25-2005, 00:01 AM
Parent: #1
شاكرين على اللفتة البارعة ونأمل مشاركتى فيها ، وأنني حاليا" بعد وصولى اتحسبت عليكم خصما على بورداب الرياض - السعودية .
وبالمناسبة سعادة سفير السودان بالامارات حاج الفكي هاشم يقيم افطار لابناء الجالية السودانية بمقر النادى السوداني بابوظبي يوم الاربعاء غدا" والدعوة عامة للجميع .
ودمتم
|
Post: #5
Title: Re: بورداب الامارات هام وعاجل جدا جدا
Author: الزنجي
Date: 10-25-2005, 00:26 AM
Parent: #1
دا خبر خطييييييييير جدا جدا
انشاء الله حا نكون فى انتظاركم
يا احلى ناس واروع ناس
|
Post: #6
Title: Re: بورداب الامارات هام وعاجل جدا جدا
Author: عبدالرحمن الحلاوي
Date: 10-25-2005, 00:31 AM
Parent: #5
الفطور وين يا عباس بن فرناس في الشارقة ؟؟ إذا في النادي العربي في أي مكان ومن وين الفطور حاتجيبو من مطعم الرهد ولا السوباط ؟؟ يا تفتيحة ، على كل حال اديني خبر على عنواني التالي :[email protected] أو اعملي mis call
|
Post: #7
Title: Re: بورداب الامارات هام وعاجل جدا جدا
Author: Shalabi
Date: 10-25-2005, 00:36 AM
Parent: #1
الغالي عباس ،،،
تحية و ود ،،
ياخي ما تكتر البوستات و خلينا نواصل موضوع الافطار في البوست الاول حتى لاتتشتت الافكار ...
الاخ ديمقراسي ،،،
تحياتي ،،
سفير منو ؟؟؟ و أين هي السفارة حين تكون الحاجة اليها و ماهو دورها تجاه الجالية عندما نلجأ اليها ؟؟؟
بجعبتي من التجارب ماهو أمر من العلقم مع هذه السفارة و مستشاريتها الاقتصادية والتى تدار على طريقة (لعبة المتاهة) و على طريقة البيروقراطية الهندية المعهودة و كلمة اهلنا الهنود You do one thing ..Come tomorrow & Tomorrow never die
هل اوفى النظام و أهله بحق الشعب السوداني حتى يمتنون علينا بعزائمهم و التى هي من حر مال الشعب السوداني و الذى هو احوج لهذه الاموال لتعين فقره و جهله و مرضه بدلا عن ولائم التخمة و الاسراف و الهدر...
الم يكن من الاجدى توجيه هذه الميالغ لاعانة المشردين و النازحين من ويل حروب النظام في بقاع السودان المختلفة ....
|
Post: #8
Title: Re: بورداب الامارات هام وعاجل جدا جدا
Author: عمر الفاروق
Date: 10-25-2005, 00:46 AM
Parent: #1
يا عباس :
يازول عزومتك دي كان مافيها قمردين وزابيللا ما نافعة..
ومن أسة جهز الكاميرا وبعد ما تحلل صيامك طوالي أجري نزل لينا الصور وقول:
ده أنا عباس..
البياكل في العصيدة ده انا عباس ..
البيشرب في البيبسي ده انا عباس ..
مبروك الكاس الحلللللللللللللللو الطااااااااعم علينا ويربى في عزنا ..
تخريمة :
الأخ شلبي :
الأخ ديموقراسي قدم دعوة للإفطار في السفارة دون من أو أذى ..عايز تمشي أمشي ما عايز تمشي ماف داعي لي جنس الكلام ده !!!
ما تأخد الأمور بي صورة شخصية !!!!!!
|
Post: #9
Title: Re: بورداب الامارات هام وعاجل جدا جدا
Author: صديق الموج
Date: 10-25-2005, 00:58 AM
Parent: #1
عمر الفاروق الظلامى خلى شوت الضفارى ده
والمثل بقول الزول قبال ما يركب ما يلولح كرعينه,
نحن ما صدقنا....انت فى الامارات والا السفير قال ليك اعزم زول ...والا المره
دى عايز خروج نهائى عشان تتكامل العروس.
لك مودتى وبعض جرعات ماء،،
|
Post: #10
Title: Re: بورداب الامارات هام وعاجل جدا جدا
Author: عمر الفاروق
Date: 10-25-2005, 01:12 AM
Parent: #9
صديق الموج الأزرق :
وييييين يا حبيب !!!!!
بفتش فيك زي الحاجة السمحة كده !!!
والله البيسمع بي سؤالي عنك يقول قرينا الكُتّاب سوا !!!!
| Quote: عمر الفاروق الظلامى خلى شوت الضفارى ده |
ياخ إنت قايلني الحاج ديوب ؟؟؟ نحن ناس هيثم مصطفى والكورة كان ما ختيناها في الزيوي ما بنستمتع !!!
تخريمة :
العيد معانا ولا في أمدرمان !!!!!!
شكلهم ناس القلقالة ديل مسخوا ليك عيد السودان قلت تتكل بي هنا !!!
|
Post: #11
Title: Re: بورداب الامارات هام وعاجل جدا جدا
Author: abas
Date: 10-25-2005, 01:13 AM
Parent: #1
يا شباب
مبروك علينا كلنا الكاس
وطبعا انا فرحان خالس خالس
لانو الناس العملو قرون في ناس شمبات سيد البلد كسرها ليهم بي كديستهم
والفطور في الشارقه شلبي بوريكم وين المكان
|
Post: #12
Title: Re: بورداب الامارات هام وعاجل جدا جدا
Author: abas
Date: 10-25-2005, 01:17 AM
Parent: #1
يا عباس :
يازول عزومتك دي كان مافيها قمردين وزابيللا ما نافعة..
ومن أسة جهز الكاميرا وبعد ما تحلل صيامك طوالي أجري نزل لينا الصور وقول:
ده أنا عباس..
البياكل في العصيدة ده انا عباس ..
البيشرب في البيبسي ده انا عباس ..
عمر الفاروق
انا في الامارات اكل عصيدة وطيب في السودان اكل شنو بعد ارجع
خلينا نشوف الحاجات التانيه
قال ببسي قال
|
Post: #13
Title: Re: بورداب الامارات هام وعاجل جدا جدا
Author: عمر الفاروق
Date: 10-25-2005, 01:22 AM
Parent: #12
Quote: انا في الامارات اكل عصيدة وطيب في السودان اكل شنو بعد ارجع
خلينا نشوف الحاجات التانيه
قال ببسي قال |
شكلك عزابي يا قريبك والعزومة دي عملتها كمين للعوايل عشان يجو شايلين ليك ما لذّ وطاب ويريحوك من الإندومي والفول المعلّب !!!!!!
أه يا خبيث
|
Post: #14
Title: Re: بورداب الامارات هام وعاجل جدا جدا
Author: abas
Date: 10-25-2005, 01:50 AM
Parent: #1
عمر الفاروق
انا يا عمك الحمد لله عندي محمد
لكن المشاوي والحاجات دي لو هنا اكلنا عصيده بعد نرجع بناكل شنو رد علي انتي
|
Post: #15
Title: Re: بورداب الامارات هام وعاجل جدا جدا
Author: عبدالرحمن الحلاوي
Date: 10-25-2005, 02:34 AM
Parent: #14
عملت مطنش يا عبس وما رديت علي أكيد أنا ما معزوم عشان كيد فكيتني عكس الهوا وأنا طبعاً ما بتفك بسهولة من وجبة دسمة زي دي لكن كلمني مصادرها من أي مطعم وابعدنا من خيم رمضان ومزاحمة البتّان ، والأيام دي ناس الإمارات قلوبهم مع البتّان عشان كدة كل ما أمشي خيمة ألقاهم عاملين دويرية زي نضم السبحة لو شلت لقمة بتمشي على أضانك من شدة ما قافلين الدايرة ، والعبدلله متردد خيم
|
Post: #16
Title: Re: بورداب الامارات هام وعاجل جدا جدا
Author: Shalabi
Date: 10-25-2005, 03:59 AM
Parent: #1
الغلباوي العزيز عمر الفاروق ،،
خارج النص ....
تحياتي و مبروك الزواج ...
(إنت يازول العرس ما جاب راسك لسه)
عزيزي الظلامي المستنير ...
وليمة تقام بسفارة السودان ... ما الداعي الى إقامة هذه الولائم و العزائم التى تمثل غاية التبذير و الانصرافية حينما تكون مقتطعة من (لحم) الشعب السوداني ؟؟؟ اليس من الأولى ان توجه هذه المبالغ الى اهلها الذين هم في اشد الحوجة اليها في الداخل من يتامي و أرامل و فقراء (مش برضه الدين بيقول كده) !!! ألم تدعونا الدولة الراشدة الى التقشف وعدم الاسراف لان ذلك يتنافي و توجه الدولة الحضاري ...
أحلال على بلابله الدوح
أحرام على الطير من كل جنس
أم أن نهج إسراف السلطة فيما لاتملك سيظل الديدن ...
عزيزي ،، بالتأكيد لن أذهب ولعلمك مثل هذه الدعوات في الأصل لاتتاح الا للمقربين و اهل المؤتمر الوطني و (السلبيين) ...ودعوة ديمقراسي هي مجرد خبر اورده ... فديمقراسي لايملك الحق في توجيه الدعوة بأسم السفارة ....
إنشاء الله ياعمر الفاروق يعملوا ليكم عزومة في (سفارة الرياض) و أكيد ستكون في مقدمة الحضور دعما للمشروع الحضاري و دولة الخلافة الراشدة ...
تسلم ياغالي ....
عباس .....عباس ... عباس ....
...رجاء الافاده و(النى للنار)
|
Post: #17
Title: Re: بورداب الامارات هام وعاجل جدا جدا
Author: abas
Date: 10-25-2005, 04:00 AM
Parent: #1
الحبيب الحلاوي
تعال ساي العزومه بةفي مفتوح يا مان اسرع تعال بس
|
Post: #18
Title: Re: بورداب الامارات هام وعاجل جدا جدا
Author: abas
Date: 10-25-2005, 11:31 PM
Parent: #1
فووووووووووق
|
Post: #19
Title: Re: بورداب الامارات هام وعاجل جدا جدا
Author: احمد العربي
Date: 10-26-2005, 00:00 AM
Parent: #18
لكم التحيه
الاخوه المرابضين معنا في المنفي
طبعا نحنا برالمه ساكت ورونا الفكره شنو
وبتبدا من وين وبتنتهي كيف ولو فيها جيب حلل نمش نزبط حلتنا
حلة عزابه محترمه ممكن تكون تقليه وممكن ملاح روب كمان
لكم الود
احمد العربي
بعدين شايف ترحبكم بينا ضعيف
اتمنى انو في الافطار يكون غير ذلك
احمد العربي
|
Post: #20
Title: Re: بورداب الامارات هام وعاجل جدا جدا
Author: عمر عبد الخالق سعيد
Date: 10-26-2005, 00:44 AM
Parent: #19
الخ احمد العربي
عارفك خطييير في فن الطبيخ ( ايضا) كما في النحت
ولو ح تجيب حلة ..... يانيييييي الجاي جاي
دمتم
|
Post: #21
Title: Re: بورداب الامارات هام وعاجل جدا جدا
Author: abas
Date: 10-26-2005, 01:09 AM
Parent: #1
الحبايب عمر عبد الخالق واحمد العربي
حاولو اتصلو علي
علي الرقم 050 / 7933493
يا عربي وينك انت اعلن عن نفسك وشوفنا تجدنا كيف
مرحب يبيك وبتشوف الناس يوم الخميس براك
|
Post: #22
Title: Re: بورداب الامارات هام وعاجل جدا جدا
Author: احمد العربي
Date: 10-26-2005, 01:42 AM
Parent: #21
ياعباس
البوست النزلو مرتضي
رحبو بالفنان التشكيلي احمد العربي
ما ده انا ذاتي
انتو كنتو قايلنو شنو
وبعدين البوست بتاعي
جيتكم معمعم بالامل
|
Post: #23
Title: Re: بورداب الامارات هام وعاجل جدا جدا
Author: abas
Date: 10-26-2005, 01:51 AM
Parent: #1
الحبيب احمد العربي
يا اخوي حباااااااااااااابك الف
ويوم الخميس تجي ضروري عليك الله
|
Post: #24
Title: Re: بورداب الامارات هام وعاجل جدا جدا
Author: Shalabi
Date: 10-26-2005, 03:39 AM
Parent: #1
الأعـزاء أحـلى بـورداب ،،،
ننوه الى تعديل في برنامج الافطار ويتمثل في تبديل مكان الافطار ( لظرف خارج عن الارادة)
وليس ببعيد عن الموقع الأول ....
المكـان : Grand Asian Palace
قـصر آسـياالكبرى
الموقـع : شـارع الخـان - مقابل Expo القديم ....
بناء على رغبة الكثير من الاخوه فقد تقرر أن يكون الافطار مساهمة جماعية دون تحمل اى من الاخوة التكلفة الكلية إمعانا في التعاون و دعما للتواصل دون حرج ...
للمزيد من التفاصيل :
7671615 سمؤل
4912637 محمد سيد احمد
7933493 عباس
ياناس أبوظبي لا أسكت الله لكم صوتا !!! وينكم ؟؟؟
حليل زمن الزولة الرائعة zoola 123 .... و حبيبنا منصورى مالو قاطع الخبر ..
|
Post: #25
Title: Re: بورداب الامارات هام وعاجل جدا جدا
Author: abas
Date: 10-26-2005, 03:47 AM
Parent: #1
يا ناس ابو ظبي وييييييييييييييييينكم
|
Post: #26
Title: Re: بورداب الامارات هام وعاجل جدا جدا
Author: Shalabi
Date: 10-26-2005, 04:56 AM
Parent: #1
عمر عزيز
بهاء سليمان
عبد الدين
إنسانة
جوليا
فريد
بحر
البقية ........ أين أنتم ؟؟؟.
.
.
.
.
|
Post: #27
Title: Re: بورداب الامارات هام وعاجل جدا جدا
Author: sari_alail
Date: 10-26-2005, 05:41 AM
Parent: #1
abas
أها بكرة الحجل بالرجل يا صحبي
أنا جايي
بالله بعدين miss call
5133184
|
Post: #28
Title: Re: بورداب الامارات هام وعاجل جدا جدا
Author: عثمان حسن الزبير
Date: 10-26-2005, 12:36 PM
Parent: #27
فوق
عشان ناس أبوظبي
|
Post: #29
Title: Re: بورداب الامارات هام وعاجل جدا جدا
Author: Yahia Abd El Kareem
Date: 10-26-2005, 03:45 PM
Parent: #28
الاخ عباس...
معاكم حتى لونقل الفطور الى كاب الجداد.....
ساكون على اتصال مع الاخ على اسماعيل لوصف الموقع....
|
Post: #30
Title: Re: بورداب الامارات هام وعاجل جدا جدا
Author: Shalabi
Date: 10-26-2005, 04:09 PM
Parent: #1
الأعـزاء الغاليين ،،
ناس العين ... عباس في الخدمة و توصيل من الباب الي الباب ....
ناس أبوظبي ... يمكنكم التنسيق مع الاخ يحى فقد اكد الحضور ...
ناس الشارقة ... أهل مكة ادرى بشعابها و ما أظن عندكم مشكله ....
ناس دبى .... الاخ على إسماعيل في مقدمة الحضور يمكن التنسيق معه ...
ناس عجمان ... أنا في الخدمة و برضو التوصيل من الباب للباب .....
أها تاني شنو ؟؟؟؟خـارج النص
الاخ يحى ،،، تحياتي
| Quote: معاكم حتى لونقل الفطور الى كاب الجداد..... |
لقد اعادتنى كلماتك لمايقارب العشرون عاما و انا ألهو في أزقة كاب الجداد و اتنقل من المدرسة الابتدائية الى سوق كاب الجداد في فسحة الفطور بحثا عن الفول في مطعم رحمة الله والتحلية من فواكه عم السني و مرورا بدكان جعفر و البزيانوس من (قعر الزير) ... ما أجمل كاب الجداد تلك الايام و ما اروع أهلها الطيبين ،،، ترى كيف اضحى حالها بعد كل هذه السنين ؟؟؟
|
Post: #31
Title: Re: بورداب الامارات هام وعاجل جدا جدا
Author: الزنجي
Date: 10-26-2005, 11:30 PM
Parent: #1
انشاء الله يجمعنا الافطار
وفى انتظار الاحباب
|
Post: #32
Title: Re: بورداب الامارات هام وعاجل جدا جدا
Author: منصوري
Date: 10-27-2005, 00:09 AM
Parent: #1
ياجماعة تذكروا دكتورة(زولة عليكم الله وأدعوا ليها كتير في هذا الشهر..هى اللى كانت زمان.في مثل هذه المهمات تأتيك بها قبل أن يرتد اليك طرفك.. معليش الشباب في..كتار ماعاوزين نحدد..لكن لتنظيم دكتورة زولة طعم خاص.. وهذه ذكري لأخيك او أختك بظهر الغيب,...
عزيزنا وغالينا شلبي..
أها أنا هنا موجود وتداخلت في البوست الأول.. أما البوست دا الحقيقة هجمنى زي ما قال الشباب هنا.. قلت يارب في زول من بوردابنا حصل ليهو حاجة؟ في واحد لاقدر الله عايز نقل دم مالقوا فصيلتو.. حاضرين قلنا.. بس جيت لقيتو ليك حكاية فطور قلتا الحمد لله جات سلامة..
قلت ليك يا شلبي.ز ياخى دي ابوظبي العاصمة الناس ظالمنها ليه ما يعملوا لينا فطور هنا حتى ولو صغيير كدا..
أنا زول ولووف وبكره السفر حتتى البقعد فيها مابقدر اتحرك منها.. موش كدة إنتا عارفني زول ورديات.. طوالى شغال بدون خميس أو جمعة.. لكن الأيام الجاية كلها شغال صباح بما فيها الخميس والجمعة.. معنى هذا اى فطور في ابوظبي ممكن احضروا بل اشارك فيه بل انظموا..ايه رايكم يابورداب ابوظبي تتبنوا فطور صغيير كدة .زويلا نساهم.. لكن حكاية الواحد صايم ويسوق ليهو عربية من ابوظبي للشارقة أررررررر كدة دي والله يا شلبي ماحصل جربتها في حياتي..
........
على اسماعيل ومحمد سيد احمد.ديل جمال شيل وناس تقيلة وغيرهم غيرهم.. ديل بي ينظموا ليكم الموضوع بي هناك.. اما نحن ناس ابوظبي لنا الله.. آخر لمة اتلمينا فيها كان من تنظيم زولة ذلك الحفل الرائع والعشاء الرائع البوفيه الوافر.زبس تاني ماشفنا حاجة.. يومها البورداب اكلوا لامن شبعوا.. واسرهم واطفالهم أكلوا لامن شبعوا.. وكمان كل بوردابي جاب معاهو ضيف ضيفين اكلوا لامن شبعوا.. وكانت جلسة عائلية احتفالاً بفنان السودان الموصلي.ز شعرنا فيها أن هؤلاء البورداب أحنا عليك من ولاد أمك وكأنهم يتعارفوا من زمان مافي صلة قرابة ربطت بينهم سوي الفضاء الإسفيري.. ولكنها اقوي من اي قرابة.. اسر من أهلنا قالوا لى ياخي جماعتك بتاعين النت ديل خلوك تحاربنا قلتا ليهم.. ديل لايشقي جليسهم.. تواصل تتكلم تقرا شعر كلام جيد كلام سيئ.. وكل زول يروح في حالو.. تتعلم فنون الكمبيوتر..تعرف الآخبار.. تعرف كل شى..
المهم أنا من الخميس دا ولغاية اربعة يوم لى قدام بقدر افطر في ابوظبي باقي الأسبوع شغال وردية ضهر وبفطر في الشغل.. ياريت ربنا يجمعنا بي لمة يابورداب ابوظبي يا كسالى ويابوردابيات ابوظبي يا تغيانات..
اخوكم
صديق منصوري
|
Post: #33
Title: Re: بورداب الامارات هام وعاجل جدا جدا
Author: Shalabi
Date: 10-27-2005, 03:24 AM
Parent: #1
الغالي منصوري ،،،
تحية رمضانية ،،،
والله (هام و عاجل جدا) بتاعت عباس دي خلعتنا كلنا ... لكن الشغلانة كانت (شحذ للهمم) زي مابيقولوا ....
و الله إفتقدنا بشده الانسانة الرائعة د. إيناس zoola 123 ... خالص الدعوات لها بكل جميل وربنا يديها الفى مرادها ... و أن يجعل التوفيق حليفها اينما حلت ....
| Quote: لكن حكاية الواحد صايم ويسوق ليهو عربية من ابوظبي للشارقة أررررررر كدة دي والله يا شلبي ماحصل جربتها في حياتي.. |
والله يامنصورى البيسمع كلامك ده يفتكرك (كهل) و ماشي بالعكاز ... يارجل انت شباب و بعدين الشغلانة كلها 170 كم وانت صايم و مثلها طريق العوده وانت فاطر ... والله جيتك ضرورية و كان السواقة غلبتك تعال مع الاخ يحى ... ولا القصة (قام اتعزز الليمون عشان بالغنا في ريدو ) .... ياخي ناس أبوظبي ديل (أكسل) منهم الله ما خلق و عشان يتلموا دايرين ليهم تنسيق من حسي عشان يفطروا في رمضان الجاي مع بعض .... نحن ماعندنا اي عوجة كان ناسك ديل نظموا الافطار البتتكلم عنه ده حنكون اول الحضور ...
تحياتي و اتمنى ان نسعد برؤيتك بيننااليوم ....
|
Post: #34
Title: Re: بورداب الامارات هام وعاجل جدا جدا
Author: Hozy
Date: 10-27-2005, 04:10 AM
Parent: #1
اذيكم ياشباب
اول شي نعتذر انه ما شفنا البوست من بدري
لأنه للاسف مرتبطين
ولحسن الحظ لكن بفطور في الشارقة برضو
يعني نغسل ايدينا ونكون معاكم
ما تستعجلوا في المشي
صلوا التراويح جماعة في الفندق
C Ya .....
|
|