في رثاء المشروع الحضاري للدكتور الشيخ حسن الترابي

امس في ندوة الترابي بالدوحة
هاجم الترابي المشروع الحضاري وتحدث مطولا عن
ضياع السيادة وتاكل اطراف البلاد
في الاقتصاد تحدث عن معدلات الفقر ونمو طبقة من الاثرياء وعن تدمير مشروع الجزيرة وعن البترول قال ان امواله غير معروفة
عن الخدمة المدنية قال ان هناك فساد في المستويات العليا
قال ان ابناء الحركة الاسلامية اغرتهم المناصب وذهبوا لذهب معاوية
طوال حديثه كنت اقول الزول دا ما نصيح ولا قايل البسمعوا ما نصيحين
الناس ديل ما اولادك ودى ما تربيتك ودا ما الجنتو يداك
لكن الضحكني اكتر
قال العرب لمن كان يجو السودان ويشوفو البترول والنهضة الصناعية
يستغربو نحن عملنا كيف والبلاد فيه عجمة
في الشمال عجم والجنوب والشرق والغرب
شكرا يا شيخ حسن نحنا عحم عشان ما بنعرف عربي تقول البيعرفو عربي فيهم فايدة
وتانياالطلعو ليك البترول ناس اوربا والصين ومليزيا ديل كانوا من عدنان ولا جد الامريكان الاكبر كان الفضل بن عباس
غايتو الثعلب المكار حتي وهو جوا القفص داير يتحرفن