مسلسل الحور العين أساء للسودانيين

مسلسل الحور العين والذي يعرض في قناة إم بي سي هذه الأيام أساء للسودانيين في شخص ممثلين سودانيين يقومان بدور مسؤول أمن المجمع السكني والجنايني .. فهما شخصيتان لا ينالان إحترام سكان المجمع .. كل من هب ودب يعاملهما بإحتقار وتكبر ولا يردون لهما السلام ويسكنان في حجرة .. في حين بقية الجنسيات سوريين ولبنانيين ومصريين ومغاربة يسكنون في فلل فاخرة مع عوائلهم والسوداني مجرد بواب ومراسلة يعطونه البقشيش بعد كل مشوار .. ويحسسون البواب بأنه مهمل ولا يتواجد في مكان عمله فيقول له المصري : دي قرصة ودن ليك عشان بتهمل في شغلك
لماذا نرضى لأنفسنا الدنية هكذا؟ هل هذه هي الصورة التي نريد أن يعرفنا بها المواطن العربي في الخليج والشام ومصر والمغرب العربي ودول المهجر الأوربية والامريكية؟
أم أنه من هان يسهل الهوان عليه .. ما لجرح بميت إيلام

Quote: والسوداني مجرد بواب ومراسلة يعطونه البقشيش بعد كل مشوار ..

وهذا أسوأ ما كان فى الامر ، والله الواحد ما عارف يعمل شنو مع الناس الرمم الفاضحننا
فى كل حتة دييل ، وسعادته قال فرح شديد لمن لقى فيزا للسعودية ، وده طبعا
عنده معنى تانى وبتترتب عليها حاجات كتيرة ضد السودانيين

عالم قرف قرف قرف قرف

ترهاقا اخوي

لا تكدر نفسك كثيرا...فالعارفين ببواطن الامور...
وأعزة القوم يعرفونك قطعا...فما حاجتك الي
معرفة هؤلاء...

فلنا يوم قادم لا يساورني فيه شك...سيصبح
ما قيل.......Out Of Date

والله يا نزار نقول شنو نسدها بى جاى يقدوها بى هناك ، وكم كانت سعادة الفلسطينى
والذى لا يفرحه إلا نكد الناس التانيين، حين هاتفنى وقال لى( فى مسلسل
ممتاز فى الم بى سى دير بالك عليه وفيه ممثلين سودانيين) ويبدو انه شاهد الحلقة
واراد ان يدير بالى للحلقة المعادة مع إنه هو عارف زى جوع بطنه إنو انا ما
بتاع مسلسلات،