تاج الشر الخشن

كم انا سعيد بعودتك

لا حولا ... ولا قوه .. هل تغيرت المواقيت وهل هلال العيد قبل ميعاده؟؟؟
لقد زالت وحشة هذا المكان وغربته وأكتسى ضياء وعشبا اخضرا ، ونزاهة وسلاما ومحبه.
لقد صدق القول (تحدثوا تعرفو) ولقد صدق القول (أن الكلمات بشر كامل يمشى بيننا ولكن كثيرا منا لا يفقهون).
أخى اوسلى تجدنى اكثر سعادتا بعودتك من عودتى .. فلقد زاد هذا المكان (نزيها) ... وليت البقية تأتى وفى مقدمتهم (عادل عبدالعاطى).

يا فرده
شكلك بقيت زى شواطين لاعب الهلال فى السبعينات
قالوا الحكام كانوا بدوهو الكرت الاصفر ومن ثم السماح له ببداية المباراه


متين جيت ومتين انذروك?


انذروك دى حاسيبها كدى حتى ياتى مصحح البورد ملاسى
او حتى تقوم بتاييدها بت الاحفاد

ليك وحشه يا شواطين

تعرف يا أوسلى
لقد اضحكتنى كثيرا وذكرتنى (نكات) عكلته، لدي منها الكثير سوف أنزله فى العيد محاولة لجلب البهجة والسرور.
لكنى لا أستطيع صبرا حتى ذلك الوقت، ولا بد من (مقبلات) كما يفعل (اللبنانيون) قبل تقديم (طبق اليوم).

بكرى أبو بكر
عمل معاى، نفس الشئ الخلانى أسيب (الخلوه) فى يوم من الأيام علما بأن الكثيرين من ابناء جيلى قد بدأوا حياتهم فى (الخلاوى)، ولقد ظهرت ما يسمى (بالروضه)، لا أعنى (رودا فما يحلنا الحل أوسلى)، كوافد جديد، ما كنا نرتاح اليه حيث نعد من يذهب (للروضه) وكأنه ناقص الرجوله أو هو (بليد) يريد أن يجهز نفسه للمرحلة الأوليه، طبعا ده زمان!! مش بى فهم اليوم حيث لا امانع فى أرسال أبنى (للروضه) فلكل مقام مقال ولكل زمان رجال.
وحتى لا يحسبنى البعض عجوزا يتوكأ على عصا فأنى من مواليد 1956 وكان من المفترض أن يسموننى (أزهرى)، لكن (ختمية) الوالد، غلبت على (اتحاديته).
الشاهد فى الموضوع ذهبت ذات يوم مع أبناء خالتى لأول مرة فى حياتى الى (خلوة) كانوا يدرسون فيها، وجلست بجانب ولد صغير لكنه مشاغب، يغمز هذا ويلمز ذاك، فأتجه نحوه (الفكى) وجلده بالسوط، ثم وجه الى سوطا كذلك ودون أى سبب وقال لى:
لكى لا تفعل مثل فعله!!!
(أكلت) ذلك السوط ومن يومها(فراق الطريفى لى جمالو) من (الخلاوى) ومن يومها أكره الظلم و(تعميم) الأمور 1+ 1 = 2.
اما (العكلته) الثانيه:-
قيل أنه يوجد فى حى من الأحياء واحد غالط جدا جدا جدا .. فقال له أصحابه، لقد جاء ساكن جديد (غالاط) أكثر منك، فقال لهم (ورونى بيتو)؟؟ فذهب الغالاط القديم متجها نحو منزل الغالاط الجديد، وحينما طرق الباب سأله من بالداخل : من أنت؟؟
فرد الغالاط القديم (نافخا صدره) : انا.
فرد عليه (الغالاط الجديد): لا ما انت!!!

Quote: شكلك بقيت زى شواطين لاعب الهلال فى السبعينات

أوسـلي يا حبيبنا ..شواطين لاعب الهلال فى السبعينات دة من طابت، إسمه محمد الجاك و هسي في الإمارات .. بالراحة علي ود طابت يا أوسـلي ..

صديق صديقى عبود ود سرره
الطيب ود بشير

التحايا بالكوم,,ما زى كيمان السمايه المقسمه..
وزى ما كنا نقول زمان محاولين تقليب ما يمكن تقليبه من مديح الختميه

ياربى بهم وباالهم كتر فى اللحم وفى الدنس
وملاح الويكه يداعبنى والكفته تكفت فى فمى
الا ان نصل
اللهم اعوذ بك من بات ليله جيعان
اللهم اعوذ بك من ملاح السبروق مهما كان
اللهم اعوذ بك من سمايه مقسمه للجيران

ولو حضرنا الزمن دا اكيد حنضيف
اللهم اعوذ بك من انزارات بكرى ولسان سجيمان

لك التحيه ولكل اهل طابت

اوسلينا الغالى

بركة الجيت وحمد الله على السلامة ياشقيق

يا ناديه الجمال البوست بيك زاد قدره
وبى ود البشير الطيب عبق فاح عطره
تاج الشر رجع للجوطه فاتح سدره
ومن قولة سلام انذارو كان فى اثره

مرحب بؤرة البورد المضيئه

وجيت اوسلينا جيت الليلة كملت لمّة

جيتك ياالعزيز بتزيل أكيد الغمّة

تاج السر جميل بيجيد اصول النمّة

وراجلا تب كريم كاتلاهو ياخى الهمّة !!!

يا أوسلى العزيز أنذار (فشنك) مو،أصلى
وما همانى لو كان (بكرى) قام بى فصلى
لا برضه الحقار ولا بعيب نسلى
(تاج السر) خشن!؟؟ !!! أسرارو عن ناس اوسلى

خالص التحايا
العزيز اوسلى
وسعيدين بى عودتك..سيد الدار..

ولك التحايا النواضر..

Quote: وجيت اوسلينا جيت الليلة كملت لمّة جيتك ياالعزيز بتزيل أكيد الغمّة تاج السر جميل بيجيد اصول النمّة وراجلا تب كريم كاتلاهو ياخى الهمّة

التاج ببقى تاج مرفوع فى راس القوم
لو بارى الجمال وفى النمه ديمه بعوم
ويا ناديه الشعر بلسم يداوى سموم
الا التاج اخوى من قووون العجب مهموم

تروتسكى

Quote: خالص التحايا العزيز اوسلى وسعيدين بى عودتك..سيد الدار

الدار يا حبيب من بدرى اضحت دارك
والزيى البغيب يا سيدى من زوارك
الا التاج غريب ولو لما فيك حذارك
الدار تبقى دارو وليلك يقلبو نهارك

شوق انهار

نحنا نشامى فى الحارة بنحرس الميس
يشهد (Keiga)لابنفرز حمار لاكديس
مراسيم الشرف حزناها غير تحنيس
مازرونا فى عيبة وحلبنا التيس

اوسلي يا ابو النسب

والله يا كمال الف مرحب بيك تاني وسعيدين بي شوفتك وطلتك دي
الف حمدلله على سلامتك وياخي جد واحشنا
والف مرحب بي حبيبنا تاح السر وعودا حميد
كمال والله فاقدنك شديد وتحياتي لي المعاك وخاصة ابوعلوة وحمودي

ابو النسب الجميل حمدلله بس بي الطلة
ياسيد الكرم والجود وشيخ الحلة
فاقدنك كتير وشبعنا ياخي مذلة
جهجهتا الكبار يتمتا ناس عبدالله

تحياتي وودي وجد سعيد بيطلتك وعليك الله ماتغيب تاني

كل الحب والجماعه بي هناك بسالوا منك لوووووووووووووووووول


عبدالله

Quote: ابو النسب الجميل حمدلله بس بي الطلة ياسيد الكرم والجود وشيخ الحلة فاقدنك كتير وشبعنا ياخي مذلة جهجهتا الكبار يتمتا ناس عبدالله

يا عبدالله اخوى ابدا وحاتك والله
البكاى اكيد اتم جميع الحله
للتفاح جمع حت الشجر بى نبله
ولو الذل كده ما احلا فيك مذله

Quote: نحنا نشامى فى الحارة بنحرس الميس يشهد (Keiga)لابنفرز حمار لاكديس مراسيم الشرف حزناها غير تحنيس مازرونا فى عيبة وحلبنا التيس

دكتورنا العزيز مالو نفسك حار
لا قولة سلام لا تحيه للزوار
التحنيس دا وين وين الكديس وحمار
ويطلع (Keiga)ايش بالجد اخوك محتار

يا مرحب بأوسلي ود السافل والنخيل
ويا رمال حلتنا ياحليلك..
طبعا حلتنا نحن كانت الريفيرا في أمدرمان
وطبعا نحن ناس الموردة حضارة وجسارة
(لكن في ناس مننا تحت تحت بشجعوا الهلال(سريا)
ونحن عارفنهم..

المهم حبابك و حباب تاج السر الهم أجعله خيرا كإسمه .

**

Quote: وطبعا نحن ناس الموردة حضارة وجسارة (لكن في ناس مننا تحت تحت بشجعوا الهلال(سريا) ونحن عارفنهم..

ملامح من حياة الشعب السودانى
هل تصدق
انا ذاتى من مواليد المورده
ودرست حتى ثالثه ابتدائى بالمورده
اذكر ان منزلنا ودكان الوالد كانا جوار السر المغربى
ومصنع الباسطه المشهور
كنت مستغرب كيف اتخذ الوالد قرار الهجره العكسيه من المدينه للريف
ولو خيرت الان لاتخذت نفس قراره

ياخى جر لينا سلك
التلفون 3474958298
عاطر التحايا

يا أوسلى الحبيب (باباى) معاك سلام
دارك كان صباح اليوم كساها (ضلام)!!!
ما بنعرف نخاصم ذى صفاء وسهام
يوم الزول نعافو بينا مافى كلام
يوم الحق قريب لا كضب لا غمام
شن تشبه بلا ود(الترابى) تمام
(ثعلب) مقطور بى (ورل)، يتلفت وراء وقدام
ناقص طبعو ديمه وكت يدورلو خصام
مرافق فى قفاهو، (ورلا) بقالو لجام
حرم ما أزيدك قسما عليك حرام.

Quote: يا أوسلى الحبيب (باباى) معاك سلام دارك كان صباح اليوم كساها (ضلام)!!! ما بنعرف نخاصم ذى صفاء وسهام يوم الزول نعافو بينا مافى كلام

يا تاج الملوك كيفن تفارق الدار
الضيف البجى لازم يقابله الطار
والزول لو ضهب لابد يعيده مسار
والليل مهما طال لازم يعبقه نهار

salam ya Kamal
Ramadan kareem
Welcome back home
long tim no-heat-no-see

ليك مليون سلام يا فرده ود ابريش
موصوم بالفهم خاطئ البقول درويش
شايفك فى اللجج وقاربك يحارب جيش
وفى درب النزال تب رافض التهميش

اوسلي الظريف
ده كلام زول من حلة خوجلي الضرايح
ذكرني ايام الصبا
شكراً لك النقله عبر الزمن

osly2
البورد نوَّر

ود السر حباب يا حبه ليك الشوق
كان سر الغياب فى تيه زمن ممحوق
غلاب القدر وفوق الكتف واسوق
راجين المطر كان نحصد المسيوق

Osly I’m very happy that you came back also

Taj Alsir even if he is Hilalabi. Ha Ha

الناس (التحرم) باعتبار ماكان
قايلين الحياة زى لعبة (الكنكان)
سجين (زناوى) مسلوب الحيا العريان
سفر البن يصاحبك ومرقة الدخان

ياأوسلى العزيز ياود ملوك الدار
ليك القومة ياالضى قبلة الزوار
ابرا البوست بلاقيك الكديس فى الدار
وحصان Keiga مابنربط حداه حمار

ياود بلة مرحب ياخى كيف الحال

رمضانك كريم ياعاشق الموال

الشهر الكريم الصلح فيهو حلال

مابجيب الخصام غير شين وشيلة حال !!!

نرحب بيكى كل ماهل فوقنا هلال
اصلك هادى ادبك خلقة مو تمثال
دواوين الصلح كان لينا فيها سجال
يهدى العاصى لو طينة حمير ؤ بغال

Quote: ياود بلة مرحب ياخى كيف الحال رمضانك كريم ياعاشق الموال الشهر الكريم الصلح فيهو حلال مابجيب الخصام غير شين وشيلة حال

معروف الصلح دايما بعدل الحال
ويعتدل المقام البخصومه هو مال
ويا ناديه الاصيله وملكة الموال
خليك بس قريبه الصلح ماهو محال

Quote: ياأوسلى العزيز ياود ملوك الدار ليك القومة ياالضى قبلة الزوار ابرا البوست بلاقيك الكديس فى الدار وحصان Keiga مابنربط حداه حمار

ود موسى الصديق يا ناثر الاشعار
خليك فى الادب سيبو اليكون مضمار
واركض فى الجمال خليه ليك اطار
انت وتاجنا نور لو كان طفيتوا النار

يا زول اصيل رائع
ما بعرف الكيمان
عاشق سعادة الغير
مشغول بعود وكمان
والله مشتاقين
يا موصلى الفنان

اوسلينا الجميل
مكتوب عليك ترجع

Quote: شوف دينج الاصيل

ناداك شان تسمع
اقوالك زمان
باقيالنا تب مرجع

Quote: اوسلينا الجميل مكتوب عليك ترجع شوف دينج الاصيل ناداك شان تسمع اقوالك زمان باقيالنا تب مرجع

استاذنا الكبير
الفى الفنون مرجع
قرب جاى تعال
وبى همسه لو تسمع
التاج تاج ملوك
و ود موسى صوت مدفع
دايرنك عميد
للصلح كان تشفع

Osly and Tag

I am very happy to see both of you here

Deng

يا دينق العزيز والله ما لاقيك
جيتك فى الجوار وكم كم سالت عليك
وفى البلتوك هناك ما لقى اثر رجليك
اسال عنى كستاوى اكيد بهديك

العزيز أوسلى2 !

كرنفالات فرح رمضانية ومسرة لعودتك الميمونة !

وأتمنى ان يكون شملكم قد اجتمع ،

كل الود ...

ست البنات .

ياست البنات والله جد مشتاق
تلفونك قطع والا القدر ساساق
طول ليك بكوس فى ضلى والرقراق
وفى شمس الضحى وفى صحائف الوراق

اوسلو 2 مرحب حباب خطواتك
قبال ما تجىء ياما نور لينا مقامك
تاج السر اصلو سبق خطواتك

مرحب بيك ورمضان كريم
تحياتى

أوسلى وتاج السر
لولا قدومكم الميمون لفقع ودالطالب مرارتنا بقدومه الليمون
جنى

جنى الحبيب
خليها على الله وأعمل الطيب أبن الأصول عمرو ما يعمل شئ يعيب!!!

يا موصلى الفنان
نحن نرضى ونحتفى بك ونضعك على العين والرأس، رغم ما فيك من (ضلاميه) حمراء، ونحسبك من عشاق (الضياء) الذين ضلوا الطريق حينما اختاروا الهداية عن طريق (النجوم)!!!
وطالما كنت سفيرا دوما (للنوايا الحسنه) والفن والجمال، اذا ومن دون شك فلديك عشق للهلال وأن لم تبح! وهل يروينا غير (ذلالو)؟؟؟

يارب البوست ده يختم بى حفلة مصالحة !!

كدى نزلوا لينا اغنية سمحة كده !

Quote: أوسلى وتاج السر لولا قدومكم الميمون لفقع ودالطالب مرارتنا بقدومه الليمون جنى

مرحب بيك يا زول حته فينى ومنى
يا ود النخيل البى الجريد متنى
بمواقفك دوام اوسلينا ليك تغنى
طبعك زى ملاك والحكمه سموك جنى

Quote: اوسلو 2 مرحب حباب خطواتك قبال ما تجىء ياما نور لينا مقامك تاج السر اصلو سبق خطواتك

مرحب بالبلد وحبوب كمان واصيل
ومبروك للهلال كاسا ضهب بالليل
التاج فوق رؤوسنا مجملو الاكليل
ومن اجلو العجب صام عن التسجيل

ود بلة العزيز الليلة مو حردان

والتاج ود أصول مليان قليبو حنان

بلة وتاج يمين راجلين عظيمين شأن

يكفى النيل أبوهم والجنس سودان !!