Post: #1
Title: الهلال يفوز على هلال الساحل 2/1 ...و يتنسم عبير البطولة
Author: ALGARADABI
Date: 10-17-2005, 03:06 PM
تمكن الهلال من حسم المباراة القبل الاخيرة فى بطولة الدورى الممتاز
-والتى انتهت قبل قليل ببورتسودان- بهدفين مقابل هدف ..
بكر هلال الساحل باحراز الهدف الأول فى الدقيقة 20 من الشوط الأول بواسطة
أكرم ديسى..
وفى الشوط التانى تمكن مهاجم الهلال صالح بهجة من احراز هدفين و تحقيق الفوز للهلال...
بهذه النتيجة يحافظ الهلال على صدارة الممتاز برصيد57 نقطة و ينتظر نتيجة لقاء المريخ و المرغنى الكسلاوى يوم الأربعاء...و للمريخ 52 نقطة فى المركز التانى...
و أى نتيجة فى لقاء المريخ غير فوز المريخ تهدى البطولة للهلال قبل المباراة النهائية بين الهلال و المريخ فى الثالث و العشرين من هذا الشهر - يوم الأحد القادم-
فى حالة فوز المريخ على المرغنى- كما هو متوقع -يدخل الهلال المباراة النهائية بفرصتى الفوز أوالتعادل.....
|
Post: #2
Title: Re: الهلال يفوز على هلال الساحل 2/1 ...و يتنسم عبير البطولة
Author: عمر الفاروق
Date: 10-17-2005, 03:31 PM
Parent: #1
القرضابي يا حبيب:
الهلا يتنسم أنفاس البطولة منذ نهاية الدوري الممتاز السابق ..
الهلال الأن إن شاء الله يستنشق عبيرها ..
الهلال العظيم والعظمة لله شعاره دوماً ما قاله الشاعر حفظ إبراهيم :
واحدة في الشجرة ولا مية في الإيد ..
ودي إشارة واضحة لي حب الهلال للمغامرة ..
وإن شاء الله لو كنا داخلين بدون فرصة برضو بنشيل الكأس ...
|
Post: #3
Title: Re: الهلال يفوز على هلال الساحل 2/1 ...و يتنسم عبير البطولة
Author: تاج السر حسن
Date: 10-17-2005, 03:41 PM
Parent: #2
القرضابى الحبيب مبروك للهلال حبيب الملايين
وأن كنا ليس كغيرنا نفرح بأنتصار على الأندية الصغيرة ، ونطبق المقولة (اسد وعند ملاقاة الهلال ريش نعام)!!!
علما يان اسد الثغر الذى أنتصر عليهم ذات يوم بتسعة لاعبين يعد من أقوى الأندية فى الدورى العام.
غايتو الله يكضب الشينه والخوف من الشطب والتسفير!!!
|
Post: #7
Title: Re: الهلال يفوز على هلال الساحل 2/1 ...و يتنسم عبير البطولة
Author: ALGARADABI
Date: 10-18-2005, 10:44 AM
Parent: #3
العريس النافض الكيس /عمر الفاروق
و الله تستاهل حبنا ليك هلالابى و اسمك عمر
بس مشكلتك على الهبشة..و لسه دايس بنزين...
و الله يستر....
|
Post: #8
Title: Re: الهلال يفوز على هلال الساحل 2/1 ...و يتنسم عبير البطولة
Author: ALGARADABI
Date: 10-18-2005, 10:55 AM
Parent: #3
رفيق العشق الأزرق...تاح السر
تحياتى
فريق هلال الثغر ليس بالفريق الصغير....فهو عقدة الجماعة الأزلية
و منافسهم الأوحد...فى ظل عدم وجود منافس للهلال...
هزمهم بتسعة لاعبين فأخذو منه قلق و الصينى و زولو....فهزمهم مرة أخرى
و الان بفكرو فى الحارس محمد كمال و أكرم ديسى و أحمد سعد...
فالمريخ يسجل منهم لاعب و الأرض تنبت ألف لاعب...
و يجو السنة الجاية ياخدو المعلوم....
|
Post: #4
Title: Re: الهلال يفوز على هلال الساحل 2/1 ...و يتنسم عبير البطولة
Author: democracy
Date: 10-17-2005, 04:00 PM
Parent: #1
الاخ القرضابى الحبيب رمضان مبروك وعساك من عواده ومبروك للهلال حبيب الملايين
|
Post: #5
Title: Re: الهلال يفوز على هلال الساحل 2/1 ...و يتنسم عبير البطولة
Author: ABDELMAGID ABDELMAGID
Date: 10-17-2005, 04:23 PM
Parent: #1
يا هلالاب بطلوا الفصاحة و الجعجعة الفارغة .... فوق ... فوق .... مريخنا .... فوق ....
يعنى شنو فزتو على هلال بورتسودان ؟ ما زيتكم فى بيتكم ....و الله استر من ....باع !!!!!
مريخابى أحمر الدم و اللسان
عبدالماجد
|
Post: #6
Title: Re: الهلال يفوز على هلال الساحل 2/1 ...و يتنسم عبير البطولة
Author: ABDELMAGID ABDELMAGID
Date: 10-17-2005, 04:27 PM
Parent: #1
باع ع ع .... باع ع ع ع
|
Post: #9
Title: Re: الهلال يفوز على هلال الساحل 2/1 ...و يتنسم عبير البطولة
Author: النصرى أمين
Date: 10-18-2005, 11:01 AM
Parent: #1
القرضابى
ادونا الكاس خلونا نمشى
|
|