Post: #1
Title: مناحة حميد ( بنيات الجرف) ... مهداة للعم حمزاوي .....
Author: Al-Shaygi
Date: 10-16-2005, 08:22 AM
كلم بنيات الجرف تتبرا من بحراً غدر
اتغابى ما راعى الولف صاد الاخيتين بي غدر
ليك حق يعافيك الحراز واليسطفيك طرفي وعُشر
يا متوك الناس العزاز نابع قليبك من حجر
ما بتنفع انت بلا خريف الصاقعة والريح والمطر
تنزف نزيف ما بحوشه قيف لامن يقولوا عليك خطر
ما اظن نخيلك هز فوق سيرة عريس نازل البحر
ما طاله موجك ما بيضوق ما بضوق الناس غير كدر
***
كلم بنيات الجرف كل البنيات من طرف
ما ينظمن لي فد حرف في الخان عهودن وانجرف
يا ريته بس لو كان عرف حال البشابن بي لهب
لي حضنه المتلهف لي عز شبابن بس ختف
عودينله قشكن النشف يدغي ورويسات الزعف
مكسور خويتره بي قحف ترغي وتسف مليحات الأسف
***
عودينله والسنبر يرفرف جنيحاته بي الأشواق سحر
قاصد جريف ود شيخ يخب لي مويته من دون البحر
والليله زي غيماً رعف حين طال على ريحه السفر
يا حليله زينا ما عرف جوز القميريتين طفر
***
يا دنيا يانا رباط كتف
رغم الفجايع لا رجف
لا قال عوارضي أبت تخف
في باله كم تاريخ سلف
لو كان يشيل في الموج زرِف
دمعات أسى وحرقة وأسف
أو بالعلى الحال يعترف
كان عند رسول الله وقف
***
كلم بنيات الجرف كل المكاليم من طرف
الدنيا كلها كم حرف لا من يطول فيها الأسف
***
وا مغستي رحل تلوت الليل ....
الشايقي
|
Post: #2
Title: Re: مناحة حميد ( بنيات الجرف) ... مهداة للعم حمزاوي .....
Author: أحمد الشايقي
Date: 10-17-2005, 01:59 AM
Parent: #1
الاخ الكريم حسـن
تذكرني رائعـة شاعرنا عبد الله محمد خير عندما لام البحر على فيضان العام 1988,
يا بـحـــر,
وكانت فعلاً خاطرة ربما لم يسبقه إليها أحـد,
سمعناها في دار اتحاد طلاب جامعة الخرطوم عام 1989 في اسبوع رابطة ابناء مروي مع ما صاحب ذلك الاسبوع من ذكريات حميمة
لك التحيـة
وشكرا على الامتاع عالي القيمـة
|
Post: #3
Title: Re: مناحة حميد ( بنيات الجرف) ... مهداة للعم حمزاوي .....
Author: nadus2000
Date: 10-17-2005, 02:46 AM
Parent: #2
أهلي العزاز الشايقي وأحمد
شكرا لك ولحميد
Quote: يا دنيا يانا رباط كتف
رغم الفجايع لا رجف
لا قال عوارضي أبت تخف
في باله كم تاريخ سلف
لو كان يشيل في الموج زرِف
دمعات أسى وحرقة وأسف
أو بالعلى الحال يعترف
كان عند رسول الله وقف
|
|
Post: #4
Title: Re: مناحة حميد ( بنيات الجرف) ... مهداة للعم حمزاوي .....
Author: حمزاوي
Date: 10-17-2005, 02:48 AM
Parent: #1
الشايقي اخوي قولك حقيقة
كم غدر البحر
غرق والتمساح خطف
والجلاء والزهرة وكربكان كم فرق
وآسيا ركبت البابور فوق البحر
وزولي الشالتو الزهرة وجروح قلبي الابت تبرأ
وأندقر فوق تراب أهلي
وأشيل بي أيدي في رحلي
تراب فيه يسوى الكون
مشتاق
لي كواريك شفع المغرب
يقلبو في الجمر قنقر
ولي نوره
وهي شايله الحليله علي المراح
ولي
في الفجر نبح البوابير
والرايقة شتيلة القرير
ولي
المقل والزومه والبركل ومروي
والبرصه ومقاشي ونوري
لي
صفارة البابور
لي
ام الخير واسماعيل حسن
وحميد وود الدابي
وبلاس والنعام
|
|