Post: #1
Title: عليك الله اكتب يا دكين تاني و تاني !!
Author: abazar ali khalifa
Date: 10-12-2005, 07:07 PM
دكين
لا اعرفك الا من خلال كتاباتك
و لكن بي قوة عين بكتب ليك ..رجاله و لا عواره .. و لا حنين لي زمن فات ما اظنو يرجع تاني .
الساعه ثمانيه مساءاًٍِ بتوقيت كتشنر .. كندا
و اخوك شارب ليهو جك قمردين و خاتي لي سفه كبيره دقار
وبسمع اصاله بتغني ودارت الايام بتاعت ام كلثوم
و انا كالعاده بتصفح سودانيز اونلاين لقيت مداخلتك في بوست النصري عن حسن خوجلي
وقفت عندها و خليت باقي البوست كلو
عارف انا عضو من زماااان لكن كسلان و ما قاعد اكتب كتير لكن متزكرك من زمن كتابتك عن ديك الشوق الذي ايقظ الخرطوم كلها من جبره الي بحري .
عارف كتابتك بترجعني لي زمن جمييييل فات و ما ظنيتو يعود تاني .
انا ما قريت في جامعة الخرطوم ... لكن اول مشاغبه كانت لي في الميدان الشرقي
و اخر شاكوش اخدتو في الميدان الغربي .
كتاباتك بتغيظ لحد الوجع ..حاجه كده زي باصات سامي عز الدين (الله يرحمو)زمان (رغم اني هلالابي) ..حاجه كده تغير اتجاهك نهائي من الفرح الي الدهشه الي الحنين.
مرات بجيني احساس انو كلامك زي الشلاليت ..حايم تشلت في الناس و في نفسك ..و ما هاميك
عشان ده و عشان غيرو كتير .. عليك الله اكتب كتييير و انشاء الله الباندوث يطير .
و رمضان كريم.
يا شباب عليك الله ادو البوست ده لذه لحدي ما يجي الزول ده و يشوفو .
|
Post: #2
Title: Re: عليك الله اكتب يا دكين تاني و تاني !!
Author: القلب النابض
Date: 10-12-2005, 07:22 PM
Parent: #1
اخي ابا ذر
لا فض فوك
فقدرجوته الكتابة فبلك في بوست منصور المفتاح وتابعت كتابته في البور ... فهو يكتب بالفطرة وسجية نقيه ليس فيها حسابات .... ولا لولوة .... كتابة صادقة ... وهذا وا نرجوه .....
أرجوك يا دكين اكتب ....[/B
]القلب
|
Post: #3
Title: Re: عليك الله اكتب يا دكين تاني و تاني !!
Author: عمران حسن صالح
Date: 10-12-2005, 07:44 PM
Parent: #2
Quote: مرات بجيني احساس انو كلامك زي الشلاليت ..حايم تشلت في الناس و في نفسك ..و ما هاميك
|
| Quote: يا شباب عليك الله ادو البوست ده لذه لحدي ما يجي الزول ده و يشوفو . |
ودي أول (لذّة) .........
|
|