Post: #1
Title: خيمة حلمنتيش التانية
Author: garjah
Date: 10-12-2005, 01:41 PM
Parent: #0
حليل غدواتنا كسرة في ام لايووق تمام معطونة
وحليل كورتنا من عصرا بدري شتنا غلبنا او غلبونا
حليل جمال بحري وناس بحري بحبهم ماااااا كتلونا
******
دحين اخوي فتحت الوجع بقيت مشتاق للبراق سنونة
بدور لامع الخدود راضية ورزينة واقولك سر كمان حنونة
مشتاق بدور ارجع ملعون ابو الغربة ياخي دي اياما ما مجنونة
|
Post: #2
Title: Re: خيمة حلمنتيش التانية
Author: garjah
Date: 10-16-2005, 03:01 PM
Parent: #1
العكاز مرق يا قرجة دائما حاقبو
عن قلبك كمان دايرلو واحدة تواجبو؟
شعرك يلعب المسكيته في الريح ام عصارا لاجبو
وكرعيك سنجر الترزي المقافي العيد وقاطب حاجبو
ان درت النواعم يدخلن لا عندك
زح عكازك الدائما مقالد زندك
واكسل في مشيك بل راعي حرمة سنك
وما تنسي الشعر يا قرجة طائر منك
رقدو بي مهل بي بريل كريم او زيت
وخت عطرا سمح كاريرا او كاشيت
وامرق بي العصر وانده بآل البيت
يديك الفي المراد ما بعرف يقولها ابيت
النضم للحبيب نزار حسين
خيمة حلمنتيش الاولى
|
Post: #3
Title: Re: خيمة حلمنتيش التانية
Author: garjah
Date: 10-19-2005, 01:45 PM
يازول يازول
شبكتني معرس معرس
..عاجبك كده
اها طارت
انا غالطك ؟
لو ما محللات اربعة
كانت البنات بارت
لازلت في ضلالك القديم
لافي في كل كيس تدق طارك
خلي الخلق للخالقة والزارعنا
غيرو اليجي يتبارك
|
|