Post: #1
Title: عاجل ... تحسين رواتب البشير ونائبيه ورئيس البرلمان
Author: Mozdalefa Osman
Date: 09-29-2005, 08:54 AM
Quote: وافقت لجان قانونية سودانية مختصة على زيادة الراتب الشهري للرئيس السوداني عمر البشير الى ما يعادل خمسة آلاف وخمسمائة دولار، بدلا من مبلغ الثلاثة آلاف دولار التي كان يتقاضاها. كما قررت اللجنة زيادة راتبي نائبيه سلفاكير ميارديت وعلي عثمان طه، ورئيس البرلمان احمد إبراهيم الطاهر، الذين ارتفع معاش كل منهم إلى ما يعادل أربعة آلاف دولار، وحدد المشرعون قائمة طويلة من الامتيازات “لتمكين البشير ونائبيه من أداء مهامهم التي يتطلبها سودان ما بعد الحرب” ولم يغفلوا حقوقهم عند التقاعد “طوعا او إجبارا”.
وينتظر أن يقر البرلمان الجديد في غضون شهر المخصصات الجديدة، التي وردت ضمن قانون معدل لمخصصات شاغلي المناصب الدستورية في البلاد، بعدما أرجئ وضعه على منصة الجهاز التشريعي أكثر من مرة. ويحدد القانون الجديد، الذي حصلت “الخليج” على نسخة منه، مخصصات شاغلي المناصب الدستورية والتنفيذية والتشريعية وامتيازاتهم وحصاناتهم.
وحسب القانون الجديد تكون للبشير “امتيازات أخرى” لا تدخل ضمن منصرفات معاشه الشهري وتكون على نفقة الدولة، بينها “سكن مؤثث مع خدمات المياه والكهرباء والهاتف”، فضلا عن تخصيص سيارة للعمل الرسمي وسيارتين للخدمة للاستعمال الكامل. وقرر المشرع أن يستمر هذا الوضع مع الرئيس حتى بعد إخلائه منصبه “لأي سبب” ولمدة عامين.
وعلى عكس القانون السابق، أضاف المشرع لامتيازات الرئيس بنودا جديدة منها “العلاج على نفقة الدولة له ولعائلته داخل السودان وخارجه” أثناء “أدائه الخدمة” وبعد تنازله او إبعاده عنها ولمدة عامين، إضافة إلى منحه إجازة سنوية عبارة عن شهر “بكامل المخصصات ونفقات السفر له ولعائلته والتي يمكنها القانون من تعليم الأبناء بالمؤسسات الحكومية والخاصة داخل السودان على نفقة الدولة ولمدة عامين بعد إخلاء المنصب”.
ويمنح القانون فوق ذلك “بدلات إضافية لكل ستة أشهر أو جزء منها، وهي بدل لبس بما يعادل راتب ستة أشهر، وبدل مراجع بما يعادل ستة أشهر، وتذاكر سفر على شركة الخطوط الحكومية شريطة أن يكون ذلك لشخصه وثلاثة فقط من أفراد عائلته لأقصى مكان يصل إليه طيران الشركة، و”في حالة عدم السفر يمنح بدلاً نقدياً يساوي 50% من قيمة التذاكر”.
ويستحق البشير، حسب القانون، حال قرر اختيار الرحيل من المبنى الحالي المخصص لسكن عائلته إلى منزل خاص به بدل سكن مليون جنيه فقط (ما يعادل 400 دولار)، أما عند “نهاية الخدمة” فيستحق راتب ستة أشهر عن كل سنة أو جزء منها يكون قد قضاها بالمنصب. |
|
Post: #2
Title: عاجل..تحسين رواتب البشير ونا
Author: Mozdalefa Osman
Date: 09-29-2005, 08:57 AM
Parent: #1
المعلومات اعلاه اوردتها صحيفة الخليج الاماراتيه
|
Post: #4
Title: Re: عاجل..تحسين رواتب البشير ونا
Author: nour tawir
Date: 09-29-2005, 09:10 AM
Parent: #2
وما هى نسبة الزيادة فى لقمة المواطن الجائع حتى يتم حمله على الاعناق والى مثاه
الاخير؟
كثر (الرتق) فى ثوب الانقاذ حتى لم يبق منه شئ...
|
Post: #3
Title: Re: عاجل ... تحسين رواتب البشير ونائبيه ورئيس البرلمان
Author: انتصار محمد صالخ بشير
Date: 09-29-2005, 09:08 AM
Parent: #1
كنت اتمنى ان يبدا التعديل المرتبات من القاعدة اى العمال والموظفين
برضو عندنا امل ان يطالهم التعديل على مستوى المرتبات
|
Post: #5
Title: Re: عاجل ... تحسين رواتب البشير ونائبيه ورئيس البرلمان
Author: هشام مدنى
Date: 09-29-2005, 09:27 AM
Parent: #1
هــل رئيس الجمهورية في السودان يدفع ضرائب على راتبه..؟؟؟
ذى رؤساء الدول الاوربية مثلا؟؟؟؟؟| Quote: زيادة الراتب الشهري للرئيس السوداني عمر البشير |
مــــن| Quote: مبلغ الثلاثة آلاف دولار |
الـــي
| Quote: خمسة آلاف وخمسمائة دولار، |
وده صافي طبعا من غير قائمة بدل الخ....
ود جميل| Quote: وافقت لجان قانونية سودانية مختصة |
فهل ياتراي نفس اللجان حتدرس رواتب العامة ام متخصصة فقط
في رواتب المناصب الدستورية؟؟؟؟؟
بلادنا دى في حاجات بتحصل!!!!! ومؤلمة والله...
رمضان كريم
|
Post: #6
Title: Re: عاجل ... تحسين رواتب البشير ونائبيه ورئيس البرلمان
Author: salma altijani
Date: 09-29-2005, 10:17 AM
Parent: #1
الاستاذة مزدلفة محمد عثمان
لكي التحية
ودعيني اعتب عليك اولا في عدم زيارة بوست قصتي مع دارفور
ويبدو ان الخبر الذي اوردتيه هو ثاني بشارات السلام
| Quote: زيادة الراتب الشهري للرئيس السوداني عمر البشير الى ما يعادل خمسة آلاف وخمسمائة دولار، بدلا من مبلغ الثلاثة آلاف دولار |
وكذلك
| Quote: كما قررت اللجنة زيادة راتبي نائبيه سلفاكير ميارديت وعلي عثمان طه، ورئيس البرلمان احمد إبراهيم الطاهر، الذين ارتفع معاش كل منهم إلى ما يعادل أربعة آلاف دولار، |
الخبر الاول كان زيادة اسعار كل السلع بالسوق حتي الشطة.
هل زيادة الاسعار ايضا لمواجهة متطلبات مرحلة السلام
كل سلام وانتي بخير
|
Post: #7
Title: Re: عاجل ... تحسين رواتب البشير ونائبيه ورئيس البرلمان
Author: عثمان فضل الله
Date: 09-29-2005, 10:51 AM
Parent: #1
يامارتدلا وفرح امبده واللجان القانونيه دقيقه والله بالمخصصات والراتب ده انا ما اشتغل رئيس جمهوريه
عادل الباز خليك منو .... اي رئيس تحرير فى اى صحيفه سودانيه مغموره بياخد قدرها
بالله ياجماعه قولوا حاجه تصدق وده ما تشكيك فى خبر الزميل فرح ولكن تشكيك فى القوانين
|
Post: #9
Title: Re: عاجل ... تحسين رواتب البشير ونائبيه ورئيس البرلمان
Author: jini
Date: 09-29-2005, 12:21 PM
Parent: #7
نحن نقبل ان يستلم البشير وعلى عثمان كافة المخصصات وبأثر رجعى منذ اغتصابهم للسلطة بشرط أن يخضعا لقانون الثراء الحرام ويقوما برد الزيادة الى خزينة الدولة!
الزيادة قصد بها رشوة ميارديت وبالقانون!
جنى
|
Post: #8
Title: خبر عاجل....تحسين
Author: Mozdalefa Osman
Date: 09-29-2005, 12:18 PM
Parent: #1
ياشباب
خطورة الموضوع تكمن في طرحه
قبل اسابيع كتب الاستاذ زهير السراج
عن مخصصات الدستوريين
والاسس التي يمنحون بموجبها امتيازات
عارفين الحصل شنو؟
مجلس الوزراء ما اتردد لحظه
وفتح فيهو بلاغ
ولسا الاستاذ رئيس التحرير وزهير من محكمة لمحكمه
وتقولوا لي دار صحفيين وحريات وما عارف شنو؟[/B
وما اظن في جريده سودانيه ممكن تنشر الكلام دا بكره
ولا شنو يا عثمان فضل الله
|
Post: #10
Title: Re: خبر عاجل....تحسين
Author: محمد حسن العمدة
Date: 09-29-2005, 12:34 PM
Parent: #8
انا ما عارف السودان الجديد ده بيبدا بالعض ليه ؟؟؟
اول شي اتشاكلو في الطاقة والبترول وسلفا قبل ما يخش القصر طار مش الصين عشان العض
ده من باب العاملين عليها برضو ولا شنو ؟؟؟
طالما الناس بتتفرج والكل مربع يديهو لسه ح يتواصل مسلسل السرقة لاموال الشعب
وبكره عبد الرحيم حمدي ح يبقى وزير مالية وزهير السراج ح يدخل السجن !!!!!
ويا ما ح نشوف
نسينا نسلم عليك يا مزدلفة معليش
|
Post: #12
Title: Re: خبر عاجل....تحسين
Author: hamam
Date: 09-29-2005, 12:37 PM
Parent: #8
الأخت مزدلفة:
هل تم تعديل الراتب خصيصا للرئيس عمر البشير و نائبيه بالاسم هكذا حصريا؟
أم أن التعديل يتحدث عن راتب رئيس الجمهورية و نواب رئيس الجمهورية؟
|
Post: #16
Title: Re: خبر عاجل....تحسين
Author: هشام مدنى
Date: 09-29-2005, 02:18 PM
Parent: #8
Quote: قبل اسابيع كتب الاستاذ زهير السراج
عن مخصصات الدستوريين
والاسس التي يمنحون بموجبها امتيازات
عارفين الحصل شنو؟
مجلس الوزراء ما اتردد لحظه
وفتح فيهو بلاغ
|
وانتو بتعملوا في شنو ما تتحركوا ولا الا يعدم او يسجن صحفي???
تحياتى لك يا صدقي العزيز د.زهير السراج
الم اقل لك يوما اننا نحتاج الف سنة لنكون مثل الذى اللتقيانا بمدنيتهم الفاضلة
عبر هذا البوست ارسل لك ايها الانسان الكريم واسرتك عاطر التحايا
وارجو المراسلة على هذا الايميل
[email protected]
|
Post: #11
Title: عاجل...تحسين رواتب
Author: Mozdalefa Osman
Date: 09-29-2005, 12:36 PM
Parent: #1
الاعزاء
نور تاور
انتصار صالح البشير
هشام مدني
اشكر اسهامكم
بس ما في مسؤول واحد منتبه لحال الناس
الحكايه خسرانه جد
ما اورده الالمعي فرح امبده في الخليج الاماراتيه
مخصصات تبحث عن قانون لتأخذ طابع الشرعيه
كم يا تري تلك المأخوذة تحت الطاوله بلا سند ولا قانون
الرايعه سلمي التجاني
لك العتبي حتي ترضي
عارفه نفسي مقصره معاك بس اعذريني
لانو موضوع دارفور دا بالذات ولحدي
اللحظه بحاول افهمو وما قادره
وبشوف نفسي ضئيله جدا امام الادلاء باي راي فيهو
وكتير برجع لكتاباتك ومغامراتك الرايعه
عشان استمتع بما تكتبيه واتعلم من صبرك
وقتالك لعكس الحقيقه
عموما ما فات شئ والجايات اكتر
والله امر عليك مرور لمن تزهجي
|
Post: #13
Title: Re: عاجل ... تحسين رواتب البشير ونائبيه ورئيس البرلمان
Author: صديق الموج
Date: 09-29-2005, 12:38 PM
Parent: #1
هذا اتهام باطل لسيادة الرئيس لا نقبله!!!
لانه رفض اى زيادة وقال ليهم اربعة الاف دولار شنو ؟:
دى عبد الرحيم محمد حسين بدفعها بقشيش لاى شخص يناولو عشاء فى مطعم
وقالوا الرئيس الامين على اموالنا رفض الزيادة وهسع هو حردان
وقاعد يغنى:
ما همانا ما دام رحمى معانا هييييييييييييييييييييى
يا جياعنا رحمى وزير دفاعناهيييييييييييييييييييييي
حنانا ونسى نفسو ما نسانا هيييييييييييييييييييييي
ودقى يا مزيكة،،،
|
Post: #14
Title: عاجل....تحسين
Author: Mozdalefa Osman
Date: 09-29-2005, 01:19 PM
Parent: #1
الي جني
تحاسب منو عليك الله خلاص راحت عليك
لا اثر رجعي ولا قدامي
ياعمده وينك مختفي
المشكله انو زمان كان بسجنوك ناس المؤتمر الوطني او الحكومه زي ماهو متعارف
حسا بقو عليك اتنين مؤتمر وحركه
الغريبه انو السودان مصنف ضمن اقل دول العالم فسادا
همام
اظن القانون ما متكلم علي البشير وعلي وسلفاكير بالاسم
لكن هم بالتاكيد المستفيد الاول
عثمان فضل الله
اظنك قاصد انو ما اعلن في القانون اقل من الرقم الحقيقي
ودا ما بعيد لكن المبلغ زايد الامتيازات التانيه حاجة ما ساهلة
لاحظ انو القروش دي لمن تتجمع ممكن تصل كم شهريا؟
|
Post: #15
Title: Re: عاجل....تحسين
Author: هشام مدنى
Date: 09-29-2005, 02:06 PM
Parent: #14
Quote: تحاسب منو عليك الله خلاص راحت عليك
|
متشائمة كده ليه؟
وين صدام حسين الان؟؟؟؟؟ والقائمة طويلة....
ان افلت من حساب الدنيا الأخرة فيها وساطة؟؟؟؟؟
|
Post: #17
Title: عاجل...تح
Author: Mozdalefa Osman
Date: 09-30-2005, 06:37 AM
Parent: #1
صديق الوج
المزيكه ياما حتدق
انتو لسا شفتو جاجه؟
الي هشام مدني
تحاياك لاستاذ زهير تصلو اكيد
وانا ما متشائمه
وعلي قناعه بانوالحساب عاجل وما حينتظر الاخره
بس الله يدينا الصبر؟
|
Post: #18
Title: عاجل...تح
Author: Mozdalefa Osman
Date: 09-30-2005, 06:37 AM
Parent: #1
صديق الوج
المزيكه ياما حتدق
انتو لسا شفتو جاجه؟
الي هشام مدني
تحاياك لاستاذ زهير تصلو اكيد
وانا ما متشائمه
وعلي قناعه بانوالحساب عاجل وما حينتظر الاخره
بس الله يدينا الصبر؟
|
|